АМСМ Клуб Мобилити - Јули/Август 2026

ЧЛЕНСКО СПИСАНИЕ | ЈУЛИ - АВГУСТ 2026 БР. 85

Охрид

РИЗНИЦА НА КУЛТУРНОТО НАСЛЕДСТВО

www.amsmklubmobiliti.mk

Geely Starray EM-i МАХ

РАЗУМОТ КАКО НАЈВИСОКА ВРЕДНОСТ

Светско првенство во Формула 1

ФАКТОРОТ ФЕРАРИ 07/08.2026 | www.amsmklubmobiliti.mk

1

2

07/08.2026 | www.amsmklubmobiliti.mk

ВОВЕД

ПАТУВАЈТЕ, ОТКРИВАЈТЕ, УЖИВАЈТЕ!

АМСМ КЛУБ МОБИЛИТИ Членско списание ИЗДАВАЧ: АВТО-МОТО СОЈУЗ НА МАКЕДОНИЈА ул. „Митрополит Т. Гологанов“ бр. 51 1000 Скопје Република Македонија Тел: 02/ 3181-181 Факс: 02/ 3181-119 amsm@amsm.com.mk www.amsm.mk ГЛАВЕН И ОДГОВОРЕН УРЕДНИК: Маргита Поповска ГРАФИЧКИ ДИЗАЈН: Мартина Поповска РЕДАКЦИЈА: ул. „Митрополит Т. Гологанов“ бр. 51 1000 Скопје Република Македонија Тел: 02/ 3181-351 Факс: 02/ 3181-349 redakcija@amsm.com.mk www.amsmklubmobiliti.mk

ИЗДАВАЧКИ СОВЕТ: проф. д-р Спасе Јовковски (претседател) Сиљан Аврамовски (член) Калинка Танеска (член) Јован Теговски (член) Миле Атанасов (член) Димитар Пендов Митко Смилков

НАДВОРЕШНИ СОРАБОТНИЦИ: Жарко Атанасоски Љубомир Анастасовски Данчо Здравковски Андријан Трипунов Александар Табаковски Игор Ландсберг

Сезоната на годишните одмори е на прагот, а многумина веќе ги прават последните подготовки за заслужениот летен одмор. Македонија е земја во која на мал простор се испреплетуваат природните убавини, богатото културно наследство и автентичните туристички доживувања. Живописните езера, величествените планини, автентичните рурални средини, историските градови и бројните културно-историски знаменитости претставуваат одличен избор за секој што сака да открива нови места, да ужива во природата и да создаде незаборавни спомени. Нашиот предлог за летно патување е Охрид, бисерот на Македонија, место каде што природата, културата и историјата создаваат совршена комбинација за незаборавен одмор. Во претходните броеви ве потсетивме на вашите обврски пред тргнување на пат – комплетирање на документите за патување, информирање за состојбата на патиштата и слично, а најмногу внимание, секако, ѝ беше посветено на проверката на вашето возило, како еден од предусловите безбедно да пристигнете до саканата дестинација. Но секогаш треба да се има предвид дека не може да се предвидат немилите настани. Иако никој не ги посакува, дефектите на автомобилот се случуваат. Сепак, дури и во таков случај треба да ја задржите присебноста, правилно да го обележите возилото што е во дефект и смирено да ја чекате службата за помош на пат, особено ако пред патувањето сте се обезбедиле со некој од членските пакети на АМСМ, Европа или Класик членство. Најновиот број (двоброј за јули и август) на „АМСМ Клуб Мобилити“ се објавува во електронска верзија. Но тоа не е пречка своето патување да го збогатите со нови податоци и совети и забавни теми. Следниот број на „АМСМ Клуб Мобилити“ очекувајте го во септември 2026.

ТИРАЖ: 10.000 примероци ПЕЧАТИ: Печатница „Серафимовски“ - Скопје

Маргита ПОПОВСКА главен и одговорен уредник

БАНКА: Комерцијална Банка А.Д. Скопје ЖИРО-СМЕТКА: 300000000915716 ЕДИНСТВЕН ДАНОЧЕН БРОЈ: 4030991238264 ISSN 1857-6133

© Сите права се заштитени. Овој труд не смее да биде преведен или копиран во целина или негов дел без дозвола на издавачот. Забрането е било какво складирање и архивирање, електронско прилагодување, компјутерско програмирање или користење со некоја слична или различна технологија позната до денес или која ќе се развие во иднина.

Почитувани членови на АМСМ, Ве повикуваме на нашата е-маил адреса redakcija@amsm.com.mk да ни ги испратите своите е-маил адреси за да можеме да ви го доставиме интернет-изданието на списанието „АМСМ Клуб Мобилити“.

07/08.2026 | www.amsmklubmobiliti.mk

3

ЦЕНТАР ЗА ВОЗИЛА

071/232-442 4

07/08.2026 | www.amsmklubmobiliti.mk

www.amsm.mk

HI-TECH

НОВОСТИ 9 НОВA ГЕНЕРАЦИЈА СО ОСВЕЖЕН ДИЗАЈН 10 ОД КЛАСИЧНО КУПЕ ДО ЕЛЕКТРИЧЕН ЛУКСУЗ

44 СО БАТЕРИЈА ДО 13.000 МЕТРИ ВИСИНА

34 СТИЛ 34 РЕВОЛУЦИЈА ВО ПРОИЗВОДСТВО НА СКУТЕРИ

11

44

АВТО-МОТО 14 РАЗУМОТ КАКО НАЈВИСОКА ВРЕДНОСТ 22 ЕДНА СОСЕМА ПОИНАКВА ЅВЕРКА

ИСТОРИЈА 46 МАГИЈАТА НА КАРОСЕРИЈА ТУРИНГ СУПЕРЛЕЏЕРА

36 ПАТУВАЊЕ 36 ПОРТАТА НА ОСТРОВОТ

14

46

ТЕСТОВИ И СОВЕТИ

СПОРТ 54 ФАКТОРОТ ФЕРАРИ

32 ВИНОВНИ ЛИ СЕ САМО ТРОТИНЕТИТЕ

50

58 ВЕРЛЕН СО НОВ ПРЕСВРТ ДО ВОДСТВО

07/08.2026 | www.amsmklubmobiliti.mk

5

| ОТА

ЗАДОЛЖИТЕЛНА ОПРЕМА ЗА БЕЗБЕДНОСТ АЛБАНИЈА

ДАНСКА

Ремени: употребата на ремени за возила произведени после 1990 год. задолжителни за сите седишта; Детски седишта: задолжителни за деца под 12 години на предно седиште и за деца под 4 години на задно седиште; Средно светло дење: само при лоша видливост и во тунели; Прва помош: задолжителна; ПП апарат: се препорачува; Триаголник: задолжително.

Ремени: задолжително сите вградени; Детски седишта: деца под 3 години мора да бидат во детско седиште соодветено на нивната големина. Деца над 3 и пониски од 1,35 метри мора да бидат во седиште соодветно за нивната големина и тежина. Ако детето се наоѓа на предното седиште, во детско седиште свртено кон назад, воздушното перниче мора да се деактивира. Во возила постари од 1989 година забрането е да се возат деца под 3 години; Средно светло дење: задолжително; Прва помош сет: се препорачува; ПП апарат : се препорачува; Триаголник: задолжително; Рефлектирачки елек: се препорачува.

АВСТРИЈА Ремени: задолжителна употреба на сите вградени; Детски седишта: задолжителни детски седишта или специјални ремени за деца под 14 години и пониски од 1,5 м; Средно светло дење: не, само во услови на слаба видливост; Прва помош сет: задолжително, во цврста кутија заштитена од прашина; ПП апарат: не; Триаголник: задолжително за сите возила со повеќе од 2 тркала; Рефлектирачки елек: еден, за случаи кога се напушта возилото на пат надвор од населено место или автопат.

БЕЛГИЈА Ремени: задолжително за сите седишта; Детски седишта: за деца до 3 години задолжителни, деца пониски од 135см, мора да седат на задни седишта во детско седиште или со ремен; Средно светло дење: задолжително само за моторцикли и мопеди; Прва помош сет: задолжително во цврста кутија отпорна на прашина; ПП апарат: да (за домашни), не – за странски патнички возила; Триаголник: задолжително; Рефлектирачки елек: задолжително е возачите да носат рефлектирачки безбедносни јакни, и дење и ноќе, на местото на дефект или несреќата, на патот каде што запирањето или паркирањето е забрането. Секој кој не се однесува според оваа регулатива е подложен на парична казна од 55 евра.

БОСНА И ХЕРЦЕГОВИНА Ремени: задолжителни на предни седишта; Детски седишта: на предното седиште не смее да се превезува дете помладо од 12 години. По исклучок на предното седиште може да се транспортира дете помладо од 2 години, доколку нема воздушно перниче или е исклучено, а детето се наоѓа во седиштето свртено на назад. На задното седиште деца до 5 години мора да бидат ставени во безбедносно седиште а деца на возраст од 5-12 години во посебен подметнувач прилагоден на височината и мора да бидат врзани со сигурносен ремен; Средно светло дење: да, казна 30 – 50 БАМ; Прва помош сет: задолжително; ПП апарат: не; Триаголник: да; Рефлектирачки елек: задолжителен, казна 50 – 250 БАМ.

Ремени: задолжително за сите седишта; Детски седишта: деца помали од 12 години мораат да користат детски седишта; Средно светло дење : задолжително за сите возила; Прва помош сет: задолжително; ПП апарат : задолжително; Триаголник: задолжително е да се носи 1 триаголник; Рефлектирачки елек: Задолжително е да се облече рефлектирачки елек во случај на дефект во текот на ноќта во не-урбаната зона – секое лице кое излегува од возилото мора да носи елек. Забелешка – не е услов да се поседува рефлектирачки елек во возилото. Сепак, задолжително е да се користи во околностите опишани погоре.

ФРАНЦИЈА Ремени: задолжително за сите седишта (казна 135 евра); Детски седишта: задолжително, за деца до 10 години е забрането да седат на предно седиште, освен во детско седиште; Средно светло дење: задолжително за моторцикли, за останати се препорачува; Прва помош сет: не е задолжителен за патнички возила; ПП апарат: не е задолжителен; Триаголник: задолжителни, како и користење на сите четири трепкача; Рефлектирачки елек: задолжително за сите возила со 4 тркала, мора да се облече пред да се излезе од возилото (казна 90-135 евра).

ГРЦИЈА Ремени: задолжително за сите седишта (казна 350 евра); Детски седишта: задолжително седиште за деца до 3 години со стандард ECE R44/03 (или понов). Деца од 3 до 11 години а пониски од 135 cm на задно седиште во соодветно детско седиште. Деца постари од 12 години и повисоки од 135 cm можат да користат ремени за возрасни; Средно светло дење: задолжителни за моторцикли и мопеди; Прва помош сет: задолжително; ППапарат: задолжително; Триаголник: задолжително; Рефлектирачки елек: не e задолжителен, но препорачуваме.

БУГАРИЈА

ХОЛАНДИЈА

Ремени: задолжително сите вградени (казна 25 евра); Детски седишта: задолжителни за деца до 3 години, деца над 3 години и пониски од150 цм можат да бидат на задно седиште без детско седиште; Средно светло дење: задолжително за сите возила во текот на целата година; Прва помош сет: задолжително; ПП апарат: задолжително за сите возила со исклучок на моторциклите; Триаголник: задолжително; Рефлектирачки елек: задолжително за сите лица кои го напуштаат возилото дење или ноќе на автопат. Задолжително и за мотоциклисти.

Ремени: задолжително за сите седишта (казна 140 евра); Детски седишта: задолжително до 3 години, а до 18 години со висина под 1.35м мораат да имаат соодветно седиште или ремен; Средно светло дење: не е задолжително; Прва помош сет: не е задолжителен; ПП апарат: не е задолжителен; Триаголник: не, но во одредени ситуации задолжителна е употреба; Рефлектирачки елек: не е задолжителен.

ЦРНА ГОРА

Ремени: задолжителни за сите седишта; Детски седишта: деца под 150 cm е задолжително да патуваат во детски седишта; Средно светло дење: задолжително за сите возила од последната недела во октомври до последната недела во март. Задолжително за мотоцикли и скутери во текот на целата година; Прва помош сет: задолжително; ПП апарат: само за комерцијални возила; Триаголник: задолжителен. За возила со приколка потребни се 2 триаголници; Рефлектирачки елек: задолжителен, стандард EN-471.

Ремени: задолжително; Детски седишта: не, деца под 12 години не смеат да се возат на предни седишта; Средно светло дење: да, за сите возила; Прва помош сет: задолжително; ПП апарат: не; Триаголник: задолжително; Рефлектирачки елек: задолжителен.

6

ЕСТОНИЈА

07/08.2026 | www.amsmklubmobiliti.mk

ХРВАТСКА

ОТА |

ИТАЛИЈА

ГЕРМАНИЈА

Ремени: задолжителни за сите седишта; Детски седишта: деца до 9 кг. мораат да седат во детски седишта свртени кон назад. Деца полесни од 36 кг. и пониски од 150 см. мораат да користат специјални системи (ремени, седишта) соодветни за нивната големина; Средно светло дење: задолжително и дење и ноќе – на отворен пат; Прва помош сет: не; ПП апарат: не; Триаголник: задолжително; Рефлектирачки елек: за сите лица кои излегуваат од возилото на пат надвор од населено место, ноќе или при слаба видливост.

Ремени: задолжителни за сите седишта (казна 30 евра); Детски седишта: задолжително за сите деца до 12 години, од 3 до 12 години и пониски од 1,50м. задолжително на задно седиште; Средно светло дење: задолжително за моторцикли и мопеди. За другите видови на возила само при намалена видливост и лоши временски услови; Прва помош сет: задолжително; ПП апарат: не; Триаголник: задолжително; Рефлектирачки елек: Од 1 јули 2014 година, задолжително е да се има рефлектирачки елек во приватен автомобил регистрирани во Германија или во странство, како и во возила кои се користат професионално и во комерцијални возила. Елекот може да биде со жолта, портокалова или црвена боја и мора да е во согласност со европскиот стандард EN 471.

ЛЕТОНИЈА Ремени: задолжително за сите седишта; Детски седишта: задолжително за сите деца под 1,50м висина; Средно светло дење: задолжително; Прва помош сет: задолжително; ПП апарат: задолжително; Триаголник: задолжително; Рефлектирачки елек: да, ноќе или при намалена видливост.

ЛИТВАНИЈА Ремени: задолжително за сите седишта; Детски седишта: детски седишта до 3 год., деца од 3 до 12 години не смеат на предни седишта, освен ако поседуваат соодветно детско седиште; Средно светло дење : задолжително; Прва помош сет: задолжително; ПП апарат: задолжително; Триаголник: задолжително; Рефлектирачки елек: задолжително.

ЛУКСЕМБУРГ Ремени: задолжително за сите седишта; Детски седишта: до 3 години детски седишта, над 3 до 17(ако се пониски од 1.50м) соодветен безбедносен уред; Средно светло дење : задолжително за моторцикли и се препорачува за останати; Прва помош сет: не; ПП апарат : не; Триаголник: задолжително; Рефлектирачки елек: задолжително за надвор од населено место и автопат.

УНГАРИЈА Ремени: задолжително за сите седишта (казна 30.000 ХУФ); Детски седишта: задолжително за деца до 3 години. Пониски од 1,35м на задно седиште во детско седиште. Повисоки од 1,35м на задно седиште можат да користат ремени за возрасни; Средно светло дење: задолжително надвор од населени места; Прва помош сет: задолжително. ПП апарат: не; Триаголник: задолжително; Рефлектирачки елек: задолжителен за сите кои се движат пеш по јавен пат надвор од населено место, ноќе или по лоша видливост, како и сите лица кои во случај на дефект го напуштаат возилото.

СЕВЕРНА МАКЕДОНИЈА Ремени и наслони за глава: задолжително; Прва помош (кутија за прва помош): задолжително; Резервно тркало: задолжително; ПП апарат: задолжително; Триаголник: задолжително; Рефлектирачки елек: задолжително; Јаже, сајла или телескопски лост за влек: задолжително.

НОРВЕШКА Ремени: задолжително за сите седишта; Детски седишта: деца пониски од 135 см мораат да користат соодветни детски седишта; Средно светло дење: задолжително; Прва помош сет: се препорачува; ПП апарат : се препорачува; Триаголник: задолжително; Рефлектирачки елек: задолжително за возила регистрирани во Норвешка;

ПОЛСКА Ремени: задолжително за сите седишта (казна 100 ПЛН); Детски седишта: за деца под 12 години и висина под 1,50 м, задолжителни соодветни седишта или ремени; Средно светло дење: задолжително; Прва помош сет: се препорачува; ПП апарат: задолжитено само за возила регистрирани во Полска; Триаголник: задолжително; Рефлектирачки елек: секое лице кое се движи по страна на патот надвор од населено место во текот на ноќта или кога видливоста е намалена, мора да носи рефлектирачка јакна.

ЧЕШКА Ремени: задолжителни сите вградени; Детски седишта: за деца пониски од 1,50м задолжителни детски седишта и на задни и на предни седишта; Средно светло дење: задолжителнот за сите возила (казна 70 еур); Прва помош сет: задолжително; ПП апарат: не е задолжителен за приватни патнички возила; Триаголник: задолжително; Рефлектирачки елек: задолжително во кабините на сите возила.

РОМАНИЈА Ремени: задолжителни сите вградени; Детски седишта: за деца пониски од 1,50м задолжителни детски седишта и на задни и на предни седишта; Средно светло дење: задолжителнот за сите возила (казна 70 еур); Прва помош сет: задолжително; ПП апарат: не е задолжителен за приватни патнички возила; Триаголник: задолжително; Рефлектирачки елек: задолжително во кабините на сите возила.

СЛОВАЧКА Ремени: задолжителни за сите седишта (казна 20-60 евра); Детски седишта: да – за деца полесни од 36 кг. Деца под 12 години и пониски од 1,50м не смеат да патуваат на предно седиште; Средно светло дење: задолжително за сите возила; Прва помош сет: задолжително; ПП апарат: не; Триаголник: задолжителен; Рефлектирачки елек: задолжително за сите возила со 2 и 4 тркала на сите патишта надвор од населени места и дење и ноќе.

СЛОВЕНИЈА Ремени: задолжително за сите седишта (казна 120 евра); Детски седишта: Сите деца пониски од 150 см мора да се возат во безбедносни седишта соодветни за нивната возраст (казна 200 евра); Средно светло дење: задолжително (казна 40 евра); Прва помош сет: задолжително за возила регистрирани во Словенија, за други се препорачува; ППапарат: не; Триаголник: задолжително; Рефлектирачки елек: задолжително за автопат, за сите особи кои ќе имаат потреба да излезат од возилото (казна 40 еур).

07/08.2026 | www.amsmklubmobiliti.mk

7

| ОТА

ЗАДОЛЖИТЕЛНА ОПРЕМА ЗА БЕЗБЕДНОСТ СРБИЈА

ТУРЦИЈА

Ремени: задолжително; Детски седишта: задолжително за деца до 3 години, деца од 3 до 12 години не смеат да се возат на предно седиште; Средно светло дење: задолжително; Прва помош сет: задолжително; ПП апарат: не; Триаголник: задолжителн; Рефлектирачки елек: задолжително, мора да се облече кога се излегува од возилото на јавен пат.

Ремени: задолжително (казна 77 TRY); Детски седишта: да, до 3 години на предно седиште во детско седиште, над 3 години, а пониски од 150 см на задно седиште во детско седиште; Средно светло дење: не; Прва помош сет: задолжително; ПП апарат: задолжително; Триаголник: задолжително два триаголника за сите возила; Рефлектирачки елек: не; Ограничувања за тешки возила: Возила над 7 тони имаат забрана за движење во Истанбул од 06.00 до 10.00 и од 16.00 до 22.00 во работни денови. Оваа забрана се однесува и за мостот Fatih Sultan Mehmet преку Босфор.

ШПАНИЈА Ремени: задолжително за сите седишта (казна 200 евра); Детски седишта: Деца под 12 години и пониски од 1,35м мораат да седат во детски седишта; Средно светло дење: не (само за моторцикли); Прва помош сет: не; ПП апарат: не; Триаголник: задолжително; Рефлектирачки елек: не е задолжителен, освен во случај кога возачот излегува од возилото на патишта надвор од населени места.

ВЕЛИКА БРИТАНИЈА Ремени: задолжително; Детски седишта: задолжително за деца до 3 години, и за од 3 до 12 години пониски од 135 см; Средно светло дење: не; Прва помош сет: не, се препорачува; ПП апарат: не; Триаголник: се препорачува; Рефлектирачки елек: не.

ШВЕДСКА

УКРАИНА

Ремени: задолжително за сите седишта (казна 200 евра); Детски седишта: Деца под 12 години и пониски од 1,35м мораат да седат во детски седишта; Средно светло дење: не (само за моторцикли); Прва помош сет: не; ПП апарат: не; Триаголник: задолжително; Рефлектирачки елек: не е задолжителен, освен во случај кога возачот излегува од возилото на патишта надвор од населени места.

Ремени: задолжителни за сите седишта; Детски седишта: да, за деца под 12 години и пониски од 1,45м; Средно светло дење: да, од 01 октомври до 30 април; Прва помош сет: задолжителен; ПП апарат : задолжителен; Триаголник: задолжителен; Рефлектирачки елек: не.

ШВАЈЦАРИЈА Ремени: задолжително (казна 60 ЦХФ); Детски седишта: деца до 12 години пониски од 1,5м. мораат да седат во детски седишта; Средно светло дење: се препорачува; Прва помош сет: не; ПП апарат: не; Триаголник: задолжително и да се чува во кабина; Рефлектирачки елек: не.

АМСМ ЧЛЕНСТВО НОВИ ПРОДАЖНИ МЕСТА

*Картичките купени во новите продажни места се активираат според упатството на задната страна.

8

07/08.2026 | www.amsmklubmobiliti.mk

НОВОСТИ |

HYUNDAI I20

НОВА ГЕНЕРАЦИЈА СО ОСВЕЖЕН ДИЗАЈН

К

орејскиот производител на автомобили Хјундаи во првата половина на јуни ја претстави четвртата генерација на моделот „i20“. Станува збор за класична комбилимузина со пет врати и пет седишта. Засега нема изведба со три врати, но тоа не значи дека одлуката е конечна. Сè ќе зависи од побарувачката на некои специфични пазари. Нова линија, нови светлосни групации, но основниот облик на најновата генерација не отстапува многу од линиите на претходникот. Овој вид автомобили се најпопуларни, или барем беа најпопуларни, на европскиот континент сè додека не се појавија сув-возилата и кросоверите. Ако комбилимузините сè уште се ценети во Европа, тогаш зошто Хјундаи одлучи новиот модел најнапред да го претстави во Бразил? Засега тој ќе се продава само на јужноамериканскиот пазар, а во втората половина од годинава новиот „Хјундаи i20“ ќе пристигне и на европскиот пазар. Новиот „i20“ е долг 413 см, широк 178 см и висок 149,5 см, додека меѓуоскиното растојание изнесува 258 см. Багажниот простор има солидна зафатнина од 346 литри. За јужноамериканскиот пазар, Хјундаи на почетокот од продажбата нуди две погонски единици: атмосферски трицилиндричен мотор со зафатнина од 1,0 литар, кој ја придвижува предната оска и е во комбинација со петстепен мануелен менувач, како и трицилиндричен мотор со зафатнина од 1,0 литар, засилен со турбополнач. Овој мотор развива 115 КС и е во комбинација со шестстепен автоматски менувач.

Најверојатно, Хјундаи се подготвува за европската премиера на салонот за автомобили во Париз, кој ќе се одржи од 12 до 18 октомври. Сè е можно, ова е само наше предвидување. Што навистина ќе се случи, ќе покаже времето. •

RENAULT MÉGANE E-TECH

ОСВЕЖЕН И ПОДГОТВЕН ЗА НОВИ ПРЕДИЗВИЦИ

С

е појави во 2022 година и, според челниците на Рено, сега е време за негово освежување. Малку поостри линии, побогато уредена внатрешност, поголема батерија со капацитет од 67 kWh (претходно 60 kWh), која овозможува поголем досег од 500 километри (претходно 468 км), како и низа електронски подобрувања што го прават „попаметен“. „Рено Меган Е-Тек“ ги има следните димензии: должина од 4.200 мм, ширина од 1.782 мм (поширок за 14 мм), висина од 1.522 мм (повисок за 20 мм) и меѓуоскино растојание од 2.685 мм. Во овие димензии удобно можат да се сместат пет патници, а багажниот простор располага со завидни 440 литри. „Рено меган е - тек“ ги има следниве димензии 4.200 mm во должина, 1.782 mm во ширина (поширок за 14 мм), 1.522 mm висина (повисок за 20 мм) и меѓуоскино растојание од 2.685 mm. Во овие димензии можат удобно да се сместат пет лица и притоа одделот за товар располага со завидни 440 л простор. Електромоторот кој го задвижува возилото со облик наречен кросовер, поседува 220 кс доволни за постигнување крајна брзина од 160 км/ч, а забрзува од 0 до 100 км/ч за 7,6 сек. Сега се потребни скоро 24 мин. за батеријата да се наполни од 15 до 80 отстo, уште едно подобрување во однос на претходникот.

Ги има сите тие електронски помагала за поврзување со целуларен телефон, има и два екрани со дијагонали од 12,3 и 12 инчи. Има две изведби со различна опрема, „техно“ е да ја наречеме домаќински премената, додека „есприт алпине“ тоа е најспортската изведба во редовите не Рено. Марката Алпине е купена од Рено во 1973 година. Оттогаш моделите кои носеле ознака „алпине“ се изведби со изразено спортски особини и секако опрема. Официјалната светска премиера е закажана за оваа есен на Салонот за автомобили во Париз што ќе се одржи од 12 до 18 октомври. За детали обратете се кај увозникот. •

07/08.2026 | www.amsmklubmobiliti.mk

9

| НОВОСТИ

MASERATI GRAN TURIZMO

НОВ ИЗГЛЕД, МОЌНИ МОТОРИ И ЕЛЕКТРИЧНА ИДНИНА

Н

е е нов модел, туку обновување (рестилизирање, редизајн). Моделот „гран туризмо“ од 2023 година доби освежување, а сега од него се очекува да опстане во трката со конкуренцијата. Велиме „опстане“ затоа што продажбата на Масерати е во слободен пад. Минатата година ја заврши со негативен резултат, а истиот тренд продолжува и годинава. Всушност, Масерати бележи пад од 2017 година, кога продаде над 49.000 возила, односно официјално, според производителот, 51.500 примероци. Тогаш најголем удел во продажбата имаше СУВ-моделот „леванте“, кој веќе не се произведува од 2024 година. И второпласираниот по продажба, „гибли“, беше испратен во пензија. Најпродаваните модели завршија во музеј, а новата понуда засега не успева да ја врати продажбата на старите нивоа. Деновиве Масерати го претстави обновениот „гран туризмо“. Новата верзија доби нова маска, затегнат заден дел, особено изменета светлосна групација, а направени се и дополнителни мали доработки насекаде. Станува збор за класично купе со распоред на седишта 2+2, кое се нуди во три изведби: „масерати гт“, „масерати гт трофео“ и „масерати гт фолгоре“. Првата и втората верзија имаат бензински V6 мотори, додека третата е со електричен погон. Моторот V6 што се вградува во првите две изведби има зафатнина од точно 2.992 кубни сантиметри и, со помош на два турбополнача, постигнува 490, односно 590 коњски сили. Електричната изведба располага со 760 коњски сили, добиени од три електромотори, еден на предната оска и два на задната. „Масерати гт фолгоре“ е најбрз. До 100 км/ч достигнува за 2,5 секунди, а крајната брзина изнесува 325 км/ч. „Трофеото“ е за нијанса поспоро, забрзува од 0

до 100 км/ч за 3,5 секунди и постигнува максимална брзина од 320 км/ч. Изведбата со 490 коњски сили забрзува од 0 до 100 км/ч за 3,9 секунди, а брзинометарот запира на 302 км/ч, не оди понатаму. Сите верзии имаат иста ширина од 1.957 мм и меѓуоскино растојание од 2.929 мм, но должината се разликува за неколку милиметри: 4.970 мм кај „гран туризмо“, 4.975 мм кај „трофео“ и 4.969 мм кај „фолгоре“. И висината е малку различна: 1.392 мм за „гран туризмо“ и „трофео“, а 1.398 мм за „фолгоре“. Обновен е и моделот „грекале“, а „гран туризмо“ е освежен и во изведбата без покрив – кабриолетот. Кај сите верзии погонот е на сите тркала, а најважно е што сега сите имаат систем за следење на возачот, кој проверува дали е расеан, уморен или му се приспива. Безбедноста е на прво место, а потоа сè останато. Цена? Прашајте го увозникот. Масерати е дел од „друштвото“ Стелантис. •

AUDI A3

ОСВЕЖЕН, ПОСОВРЕМЕН И СÈ УШТЕ ВЕРЕН НА ТРАДИЦИЈАТА

К

ога за првпат се појави тројката на Ауди, каросериски беше класична комбилимузина. Тоа беше добар потег на Ауди, откако компанијата виде дека конкуренцијата од премиум-класата веќе има такви модели во продажба. Комбилимузината (хечбек долг 4,35 метри) беше наменета за оние што не сакаат да возат лимузини, па затоа потегот на Ауди беше оправдан и успешен. Неколку години подоцна се појави и лимузинската изведба (долга 4,5 метри), мала и компактна, но сепак вистинска лимузина, наменета за купувачите што не сакаат големи седани. Денес во понудата има и подмодел со каросерија што наликува на подигнат и видоизменет караван, изведба позната како „кросовер“. Со 30 милиметри поголем клиренс и поголеми тркала, возилото добива изглед сличен на теренец. Денес сите сакаат нивниот автомобил да изгледа како „џип“ или „џипче“, тоа е актуелниот тренд во автомобилската индустрија. Затоа дизајнерите имаат полни раце работа. Тројката повторно доби освежување, и тоа вторпат по ред. Моделот од 2020 година беше редизајниран во 2024 година, а сега повторно добива измени, во јуни годинава. Најголемите новини се во внатрешноста, додека однадвор се коригирани неколку детали на предната маска и на задниот дел. Таблата со инструменти е целосно изменета, односно многу наликува на таблите од претходно претставените нови модели. Двата екрана се благо закривени, а во понудата има три управувачки тркала. Две се наменети за „обичните“ изведби, додека третото е резервирано за најмоќните верзиi, „c3“ и „рс С3“, со моторите 2,0 тфси со 333 КС и 2,5 тфси со 400 КС, стандардно опремени со погон на сите тркала, односно „кватро“. Покрај приспособливиот темпомат, автомобилот располага и со систем за активно одржување на лентата. Тој го задржува возилото во правец дури и кога ознаките на коловозот се избледени, а истовремено ја следи целокупната состојба на патот. Системот функционира сè до брзина од 210 км/ч. Автомобилот самостојно запира на црвено светло, но не тргнува автоматски доколку во меѓувреме се запали зелено. На автопат

10 07/08.2026 | www.amsmklubmobiliti.mk

може самостојно да менува лента ако возачот го вклучи трепкачот. Достапен е и систем за помош при возење наназад. Тој ги снима последните 50 метри изминати при движење напред со брзина до 35 км/ч, по што автомобилот може самостојно да се движи наназад, бидејќи ја „памети“ патеката по која претходно поминал. Апликацијата „мојот ауди“ ја покажува локацијата на возилото, предупредува за отворени прозорци, врати или багажник, а известува и за уште многу други работи, како што се сервисните интервали, притисокот во пневматиците, заборавената рачна сопирачка и слично. И што е најважно, покрај хибридните изведби, во понудата има и два дизел-мотори: 2,0 тди со 116 КС и 2,0 тди со 150 КС. Додека многу производители ги отстрануваат дизел-моторите од своите понуди, Ауди и останатите членки на корпорацијата ВАГ сè уште ги задржуваат и ги користат. Умна одлука. На европскиот пазар цената на основната изведба ќе биде под 33.000 евра. За детални информации обратете се кај увозникот. •

НОВОСТИ |

JAGUAR TYPE 01

ОД КЛАСИЧНО КУПЕ ДО ЕЛЕКТРИЧЕН ЛУКСУЗ

С

ветот сè повеќе ги вреднува легендарните автомобили и ги враќа во современо руво. Не постои ист ентузијазам за сосема нови модели, бидејќи денес има сè помалку автомобили со карактер каков што некогаш имаа „фиат панда“, „рено 5“, „цитроен цв 2“ и останатите. Затоа производителите ги враќаат во сегашноста, со помалку или повеќе сличности со оригиналниот дизајн. Слична судбина“ го зафати и Јагуар со моделот „икс ј 220“. Кога овој модел се појави како прототип во 1988 година со 6,2 л V12 мотор и погон на сите тркала, посетителите на Салонот за автомобили во Бирмингем беа зачудени, збунети и прилично скептични, бидејќи Јагуар најавуваше негово сериско проиводство. Во 1991 моделот ја имаше светската премиера, но за да ја намали неговата тежина, производителот го замени моторот со 3,5 л V6 со двоен турбо полнач и 548 КС и погон само на задните тркала. Во 1992 и 1993 година, „јагуар икс ј 220“ беше најбрзиот сериски произведен автомобил, со максимална брзина од 349,4 км/ч, постигната на патеката Нардо, во Италија. Всушност, бројката 220 е намерно вградена во името да му укаже на секој случаен или намерен набљудувач дека купето може да постигне брзини од над 320 км/ч. Испораката до купувачите започна во 1992 година, а официјално беа произведени 281 примерок. Деновиве Калум Дизајн објави две фотографии од купе кое треба да биде наследник на легендарното „икс ј 220“. И додека Иан Калум сака да го возобнови некогаш најбрзото купе „икс ј 220“, Јагуар забрзано подготвува светска премиера на електрична лимузина со пет(!?) врати (купе-лимузина). Луксузната лимузина ќе биде придвижувана од три електромотори со вкупна моќност од над 1.000 КС, со погон на сите тркала. Калум Дизајн објави само две фотографии, профил и заден полупрофил, но не и предниот дел од купето.

Можно е Калум Дизајн да го произведува новиот „икс ј 220“ строго по нарачка, додека Јагуар ќе се фокусира на новата лимузина „тип 01“ (целата електрична), сè до октомври, кога е закажана светската премиера. На фотографиите е купето на Иан Калум. •

АВТО ШКОЛА МОБИЛИТИ ПЛУС

ВРЕМЕ Е ЗА ВОЗАЧКА! ПРИЈАВИ СЕ ОБУКА ЗА Б КАТЕГОРИЈА

02/3181-240 | 072/228-195

07/08.2026 | www.amsmklubmobiliti.mk

11

| НОВОСТИ

ПОРШЕ МАКЕДОНИЈА

ЕЛЕКТРИЧНА РЕВОЛУЦИЈА ВО СКОПЈЕ

В

о рамките на ексклузивен и визуелно спектакуларен настан, Порше Македонија официјално ја претстави новата ера на луксузните SUV возила на македонскиот пазар, целосно електричниот Porsche Cayenne Electric. Настанот ги собра на едно место водечките бизнис лидери, јавни личности, автомобилски ентузијасти и претставници на медиумите. Пред присутните се обрати Генералниот Менаџер на Порше Македонија, Златко Муцунски, кој ја истакна стратешката важност на овој модел и посветеноста на компанијата кон одржливата мобилност. „Кога Cayenne за првпат се појави пред повеќе од две децении, тој направи револуција како спортски SUV. Денес, со гордост го претставуваме неговиот следен еволутивен чекор, Cayenne Electric. Ова возило не е само нов модел, туку е доказ дека супериорните спортски перформанси и еколошката свест можат совршено да егзистираат во едно ремек-дело. Со ова, ја потврдуваме нашата визија да бидеме лидери во електричната иднина на автомобилизмот во Македонија“, изјави Златко Муцунски, Генерален Менаџер на Порше Македонија. Клуминацијата на вечерта беше самото откривање на возилото, проследено со футуристички светлосни и аудио ефекти. Деталната презентација на перформансите и врвната технологија ја одржа Маркетинг Менаџерот, Стефан Јовановски, кој ја елаборираше инженерската прецизност зад новиот Cayenne Electric.

Новиот модел се одликува со напредна 800-волтна архитектура која овозможува ултра-брзо полнење, импресивен автономија на батеријата прилагодена за долги патувања и задржување на препознатливиот Porsche спортски ДНК со инстантна испорака на моќност. Клучни карактеристики на новиот Porsche Cayenne Electric секако е целосно електричниот погон со напредна технологија на батерии и нула емисија на штетни гасови. Спортските перформанси кои ја задржуваат легендарната динамика на возење и агилност по кои е познат Cayenne. Ултра-брзо полнење со поддршка за моќни DC полначи, овозможувајќи полнење на батеријата за рекордно кратко време. Дигиталниот луксуз кој доаѓа во комплетно обновен ентериер со најновиот Porsche Driver Experience систем и напредни системи за асистенција. Новиот Porsche Cayenne Electric е веќе достапен за нарачкa во продажниот салон на Porsche Centar Skopje. •

12 07/08.2026 | www.amsmklubmobiliti.mk

НОВОСТИ |

ПОРШЕ МАКЕДОНИЈА

НЕЗАБОРАВНО ИСКУСТВО НА PORSCHE COMMUNITY НАСТАНОТ ВО СКОПЈЕ

П

оследниот викенд од јуни, Porsche Center во Скопје беше домаќин на големиот Porsche Community настан, кој на едно место ги обедини страсните членови на Porsche Club North Macedonia, долгогодишните клиенти, ентузијастите и претставниците на медиумите во уникатно славење на прецизниот инженеринг и моќта на заедницата. Настанот помина во знакот на исклучителна енергија и бројна публика, каде што фокусот беше ставен на лојалноста на клиентите и континуираниот раст на Porsche семејството во Македонија. Овој собир уште еднаш докажа дека изборот на Porsche е многу повеќе од одлука за автомобил – тоа е автентичен начин на живеење што ги поврзува луѓето преку заедничка страст. Иднината на перформансите: Возење со комплетната Porsche демо-флота. Најголемата возбуда за присутните се пренесе на асфалтот низ улиците на Скопје. Настанот понуди ексклузивна можност за тест возења на комплетната демо флота на брендот, овозможувајќи им на гостите од прва рака да го почувствуваат спортскиот ДНК на Porsche. Во центарот на вниманието беше новиот, целосно електричен Cayenne Electric. Новиот модел привлече огромен интерес со својот храбар дизајн и супериорни перформанси, а стручните Walkaround сесии детално ги открија неговите технолошки иновации пред присутните.

Porsche Center Скопје уште еднаш докажа дека со секој нов модел и секој нов настан, не само што ги поместува границите на автомобилската индустрија, туку создава нераскинливи врски во својата заедница. •

ГРАНД АУТО

CHERY СУВ МОДЕЛОТ ПРИСТИГНА НА МАКЕДОНСКИОТ ПАЗАР

Г

олемиот Chery Tiggo 9 Pro PHEV од крајот на јуни оваа година станува достапен и на македноските купувачи. Станува збор за најголемиот и најмоќниот модел на брендот досега, кој комбинира високи перформанси, напредна plug-in хибридна технологија и простор создаден за целото семејство. Со импресивни 428 коњски сили и 580 Nm вртежен момент, Tiggo 9 Pro PHEV обезбедува динамично возење и сигурни перформанси во различни услови. Забрзувањето од 0 до 100 km/h за само 5,4 секунди дополнително го издвојува меѓу возилата во својата класа. Благодарение на напредниот хибриден систем, возилото овозможува автономија до 170 километри на електрична енергија, додека вкупниот досег достигнува до 1.400 километри. Овие карактеристики го прават одличен избор и за секојдневно возење и за подолги патувања.

Tiggo 9 Pro PHEV располага со седум седишта и пространа кабина дизајнирана со фокус на удобноста на сите патници. Во комбинација со современи технологии, богато ниво на опрема и внимателно изработен ентериер, нуди искуство кое вообичаено се поврзува со значително повисоки сегменти. •

07/08.2026 | www.amsmklubmobiliti.mk

13

| АВТО-МОТО

Geely Starray EM-i МАХ

РАЗУМОТ КАКО НАЈВИСОКА ВРЕДНОСТ ИМА АВТОМОБИЛИ КОИ СО СЕКОЈ ИЗМИНАТ КИЛОМЕТАР СТАНУВААТ СÈ ПОИНТЕРЕСНИ. ТОКМУ ТОА ГО ПОКАЖУВА GEELY ПРЕКУ МОДЕЛОТ STARRAY EM-I. НЕ ЗАТОА ШТО ЌЕ ВЕ ИЗНЕНАДИ СО НЕКАКОВ ТРИК ИЛИ ЕФЕКТ, ТУКУ ЗАТОА ШТО ПОСТЕПЕНО, БЕЗ ИЗЛИШЕН ТЕАТАР, ДОКАЖУВА ДЕКА СТАНУВА ЗБОР ЗА СЕРИОЗНО ОСМИСЛЕН ПРОИЗВОД. НА ПРВ ПОГЛЕД Е СКРОМЕН, НО ВО СЕКОЈ АСПЕКТ ШТО НАВИСТИНА Е ВАЖЕН Е УБЕДЛИВ.

К

инеската автомобилска индустрија минува низ трансформација од размери на кои е тешко да се остане рамнодушен. Моделот Starray EM-i е можеби најдобриот доказ за тоа. Станува збор за возило со комбинирана системска моќност од 262 КС, повеќе од 80 километри чист електричен дострел и внатрешност со квалитет на материјалите што ги доведува во прашање сите адути за кои европските производители досега беа уверени дека се нивна предност. Единственото „нечесно“ во целата оваа приказна е цената, бидејќи таа не соодветствува на она што го нуди автомобилот.

14 07/08.2026 | www.amsmklubmobiliti.mk

ИЗГЛЕД ШТО НЕ МОЛИ ЗА ВНИМАНИЕ Оние што очекуваат провокативни линии и агресивна предна маска ќе останат без она по што трагаат. Моделот Starray EM-i едноставно не е таков тип СУВ-возило. Изграден на платформата SEA, тој е проектиран со убедување дека добриот дизајн не старее, а токму таа одлука му дава самодоверба што не зависи од трендовите. Тенките хоризонтални LED-светлосни групи напред нудат прецизен и карактеристичен светлосен потпис, а чистата маска не е нарушена со декоративни хромирани елементи или лажни вентилациски отвори. Сè е подредено на функционалноста и секој елемент е поставен со причина. Гледано од профил, се забележува дека силуетата е местото каде што Starray EM-i открива поголем дел од своите амбиции. Покривната линија елегантно опаѓа кон задниот дел, меѓуоскиното растојание е исклучително долго за оваа класа и создава пропорции што укажуваат на голем простор во внатрешноста уште пред да ги отворите вратите. Аеродинамичните 18-инчни алуминиумски тркала ги надополнуваат тие пропорции без претерување. Задниот дел, со тенки светлосни групи поврзани преку хоризонтална светлосна шина, ја заокружува целокупната слика достоинствено и без потреба од дополнително нагласување.

АВТО-МОТО |

КАБИНА КОЈА ГИ МЕНУВА РАМКИТЕ НА СПОРЕДБАТА Влегувањето во Starray EM-i е момент кој неизбежно ги менува рамките на споредбата за целата класа. Централниот екран со дијагонала од 15,4 инчи и дигиталниот инструментален кластер со 10,2 инчи се интегрирани во предниот дел со хармонија која не е честа ни кај производители со многу подолга традиција. Двата екрана се доволно присутни за да бидат корисни, а истовремено доволно дискретни за да не ја нарушат атмосферата во кабината. Во тестираната МАХ варијанта, сето тоа е надополнето со 13,4-инчен Head-Up Display, проектиран на ветробранското стакло, каде што брзината, навигацијата, состојба на хибридниот систем се прикажани на едно место, без да го тргнете погледот од патот. Покрај сиот дигитален арсенал, Geely донесе и одлука која повеќе производители треба да ја следат, физичките копчиња за климауредот и јачината од звукот на мултимедијалниот систем се тука за да останат. Квалитетот на материјалите во кабината е конзистентно над очекувањата за овој сегмент. Меките облоги на горниот дел од арматурната табла и на вратите, заедно со паметно темпираните акценти и прецизните шавови, покажуват дека нема простор за компромиси. Задните седишта нудат простор поради кој речиси не постои можност ниту двајца возрасни сопатници да се пожалат, а багажникот, кој почнува со 528 литри, се зголемува до 2.065 литри со спуштени задни наслони. Предните седишта во оваа варијантата се загревани и вентилирани, со меморија за позицијата на возачот, а аудиосистемот „Flyme Sound" со 16 звучници, вклучувајќи два вградени директно во потпирачпт за глава на возачкото седиште, го прави патувањето со возилото доживување за сите сетила.

АРХИТЕКТУРА СО СМИСЛА Под ознаката Super Hybrid се крие погонска концепција што својата оправданост ја наоѓа исклучиво во практичното возење. Бензинскиот мотор е атмосферски четирицилиндарец со зафатнина од 1,5 литри, кој развива 99 КС и 125 Нм максимален вртежен момент. Неговата улога не е директното да ги придвижува тркалата, туку тој ја полни батеријата и да обезбеди дострел кога електричниот капацитет ќе се намали. Примарниот двигател е електромоторот кој развива 160 kW, односно 217 КС, со максимален момент од 262 Нм, достапен целосно и веднаш, уште при тргнување. Комбинираната системска моќ достигнува 262 КС и е на располагање во моментите кога возачот навистина има потреба за неа. Погонот е пренесен на предните тркала, а начинот на кој возилото функционира во секојдневната употреба е поблизок до ЕВ отколку до хибрид. Стартот е тих,

07/08.2026 | www.amsmklubmobiliti.mk

15

| АВТО-МОТО

ТЕХНИЧКИ КАРАКТЕРИСТИКИ НА ВОЗИЛОТО

непосреден и без пауза. Забрзувањето до 100 км/ч за 8,0 секунди во реални услови остава поголем впечаток отколку што сугерира самата бројка, бидејќи електричниот вртежен момент е секогаш достапен во целост. Тоа особено доаѓа до израз при претекнувањата на отворен пат, каде реакцијата е директна и без двоумење. Максималната брзина е електронски ограничена на 170 км/ч. Батеријата со литиум-железо-фосфатна хемија поседува капацитет од 18,4 kWh. Производителот декларира чист електричен дострел од 83 км, а полнењето е можно преку 6,6 kW полнач за три часа или преку брз 30 kW полнач за помалку од половина час. Со резервоар од 51 литар, вкупниот деклариран опсег на возилото е близу 950 км. Декларираната комбинирана потрошувачка изнесува 2,4 л/100км. Во услови на целосно испразнета батерија за време на нашиот тест регистриравме 5,5 л/100 км, резултат кој добива одобрување од наша страна. Суспензијата е сетирана со приоритет кој добро одговара на балканските патишта, удобноста секогаш да биде на прво место.

16 07/08.2026 | www.amsmklubmobiliti.mk

МОТОР:

ЧЕТИРИЦИЛИНДРИЧЕН БЕНЗИНЕЦ

ЗАФАТНИНА:

1.499 СМ3

МОЌНОСТ НА АГРЕГАТОТ:

99 КС при -.--- врт/мин

МОЌНОСТ НА ЕЛЕКТРОМОТОР

217 КС ПРИ 0 ВРТ/МИН

ВКУПНА МОЌНОСТ НА ХИБРИДНИОТ СИСТЕМ

262 КС

МЕНУВАЧ:

1 СТЕПЕН (DHT) АВТОМАТСКИ МЕНУВАЧ

ПОГОН:

НА ПРЕДНИТЕ ТРКАЛА

ПОТПИРАЊЕ НА ТРКАЛА:

НАПРЕД: МЕКФЕРОСОН НАЗАД: МУЛТИЛИНК

СОПИРАЧКИ:

НАПРЕД: ВЕНТИЛИРАЧКИ ДИСКОВИ НАЗАД: ДИСКОВИ

ГУМИ:

НАПРЕД 225/55 R18, ПОЗАДИ 225/55 R18

МАСА НА ВОЗИЛОТО:

1.770 КГ

ДИМЕНЗИИ: Д/Ш/В:

4.740Х1.905Х1.685 ММ

ЗАБРЗУВАЊЕ ОД 0 ДО 100 КМ/Ч:

8,1 СЕКУНДИ

ПРОСЕЧНА ПОТРОШУВАЧКА:

2,4 ЛИТ/100 КМ

МАКСИМАЛНА БРЗИНА:

170 КМ/Ч

ЦЕНА НА ТЕСТИРАНИОТ МОДЕЛ:

33.990 ЕВРА

Малите нерамнини се апсорбираат речиси незабележано, а ниту покрупните пречки не преставуваат сериозен проблем, се завршува без непријатни резонанции во кабината. На делници исполнети со свиоци, каросеријата покажува умерено навалување, доволно за да ве потсети дека станува збор за семеен СУВ, а не за спортски автомобил, за што сметаме дека е сосема во ред. Во овој дел, Starray EM-i не настапува со лажни ветувања, возете го како што доликува и ќе ви возврати со компетентно и предвидливо држење на патот, исполнето со самодоверба. Моделот Starray EM-i е СУВ кој заслужува да се разгледа со мерливи аргументи. А токму тука настапува со своите најслини атрибути: просторот, досег, потрошувачката, технологија и квалитетот на кабината. Кога тие аргументи ќе се стават на маса, скепсата која вообичаено го следи секој нов производител полека изсчезнува. Ова не е изненадување, туку класично предупредување за сите останати играчи во автомобилската индустријата.

• Данчо Здравковски

ТВОЈАТА ЧЛЕНСКА КАРТИЧКА СЕГА МОЖЕ ДА БИДЕ

Visa AMSM КРЕДИТНА КАРТИЧКА

100 ден. за Classic картичка 200 ден. за Еurope Premium картичка

ФИНАНСИСКА СИГУРНОСТ

ПЛАЌАЊЕ НА РАТИ СО 0% КАМАТА

БЕСПЛАТНА ПОМОШ НА ПАТ

КОНТАКТ ЦЕНТАР 196

07/08.2026 | www.amsmklubmobiliti.mk

17

| АВТО-МОТО

Претставуваме Bentley Flying Spur Speed

БЛАГОРОДНИК СПОСОБЕН ДА БЕСНЕЕ

СО 680 КС ИСПОРАЧАНИ ОД НАВИЕНИОТ V8 БИТУРБО И ДОПОЛНИТЕЛНИ 190 КС ОД ЕЛЕКТРИЧНИОТ МОТОР, СПОРТСКАТА ИЗВЕДБА НА БЛАГОРОДНАТА ЛИМУЗИНА BENTLEY FLYING SPUR Е СПОСОБНA ДА ПРЕДИЗВИКА СУПЕР СПОРТИСТ И ДА ГО ОСТАВИ ВО ПРАШИНА.

18 07/08.2026 | www.amsmklubmobiliti.mk

АВТО-МОТО |

З

наменосецот на Bentley, Flying Spur, во своето најново издание пристигнува на голема врата, поставувајќи нови репери во светот на рачно изработениот, бескомпромисен луксуз, споен со перформанси достојни за супер спортист. Две навидум неспоиви категории кои, за волја на вистината, успешно може да ги обедини само британската автомобилска легенда. Bentley сака да се перчи потпирајќи се на својата традиција и гласно наметнува дека најновиот Flying Spur за првпат после долги 64 години добива предни светла обединети во еден модул. Дизајнерите во Кру, потпирајќи се на традиционалните корени, вметнуваат нов идентитет во знаменосецот на марката. Единечните предни светла за првпат се појавуваат на лимузината Bentley S3 Continental Flying Spur во 1962 година, како резултат на заедничката основа со третата генерација на Rolls Royce Silver Cloud. Двата модели доаѓаат во исто време по преземањето на Bentley од страна на Rolls Roycе. Сè досега, тоа беше прв и последен пат Bentley да се откаже од својот препознатлив знак на одвоени предни светла на својата луксузна лимузина Flying Spur. Секако, во богатото портфолио на Bentley има модели со единечни предни светла како: Серија Т, Brooklands, Arnage. По децении премрежија на двете марки кои сега работат под капата на различни групации, Bentley одлучува да повторно да погледне кон своето минатото. Менувањето на дизајнерскиот јазик кој се потпира на модерното го носи Flying Spur вo блескава иднината. Уште повеќе што со ова најново издание, Bentley ја враќа лутата изведба Speed, во портфолиото на Flying Spur. Спортскиот дериват на Flying Spur нуди високи перформанси благодарение на поголемата моќност и подобрената возна динамика, и носи акцент на спортска естетика. ГЕНОТ НА CONTINENTAL GT Нема сомнеж дека Bentley при создавањето на најновиот Flying Spur ги користи дизајнерските насоки поставени од четвртата генерација на купето Continental GT. Модел што се покажа исклучително успешен за марката и кој претставува основа за сите идни модели на Bentley. Од Continental GT потекнуваат единечните предни светла со неизбежните трепки кои освојуваат со својот дизајн и матрикс структурата на светлечките диоди. Flying Spur S за првпат ја носи својата маска која комплетно е интегрирана во предниот браник, кој пак е избразден со дополнителни отвори за довод воздух потребен за разладување на моќната енергана сокриена под огромната хауба. Неизбежниот детал, гламурозната статутека со осветлени крилја која е синоним за благородноста на лимузините на Bentley останува да го краси носот на Flying Spur. Поставена на врвот од маската таа комплетно се вовлекува во своето куќиште кога лимузината е паркирана, а се појавува секогаш кога гордиот сопственик ќе го стартува својот благородник. Одзади, бесниот Flying Spur Speed лесно се препознава по нагласените двата пара издувни цевки. Тие асоцираат на брзината способна да ја улови оваа грдосија од 2,6 тони поставена на бандажи од масивни 22 инчи.

07/08.2026 | www.amsmklubmobiliti.mk

19

| АВТО-МОТО

НАМЕНЕТ ЗА ВОЗАЧКИ ЕНТУЗИЈАСТИ Изведбата S на Flying Spur е наменета за возачки настроените ентузијасти кои очекуваат од својот благородник да извлечат малку повеќе од обично крстосување. Оваа, како што ја дефинираат во Bentley, четврта генерација на Flying Spur е и најмоќната изведба што некогаш излегла од погоните во Кру. Рачно изработениот Flying Spur S под хауба го крие исто така рачно склопениот V8 со два турбо полначи и зафатнина од 4.0 литри. Моќникот е навиен на 680 КС кои се ослободуваат при 6.000 min-1 и испорачува максимален вртежен момент од 930 N кои му стојат на располагање на возачот во опсег од 2.000 – 4.500 min-1. Споредбено со купето Continental GT тоа се плус 80 КС и 130 Nm. Моторот е спарен со 8 степен автоматски менувач со две спојки во кого е интегриран електричен мотор од 190 КС. Сето ова е доволно да му овозможи на колосот да спринтува од место до 100 km/h во 3,7 секунди, и да притиска врз грбот на возачот се додека не се достигнат максималните 307 km/h. Полната контрола над Flying Spur S ја обезбедува во моментот најнапредната шасија која може да се добие во Bentley. Станува збор за активно подвозје и погон на четири тркала кои се способни лимузината долга преку 5,3 метри да ја претворат во супер спортист. Активното подвозје користи воздушно потпирање со три комори. Врзанo е со активен систем на стабилизатори со напон од 48 волти кој користи моќни електромотори, за да делуваат како против тег на силите што се јавуваат во свијок, и го спречуваат навалувањето на каросеријата. Погонот на четири тркала со векторска распределба на вртежниот момент меѓу предна и задна оска, и меѓу тркалата на иста оска обезбедува високо ниво на тракција и ја подобрува динамиката. Со вклучување во игра на диференцијал со само заклучување на задната оска, и управувањето на четири тркала, Flying Spur при остро менување на правец се однесува како чистокрвен спортист.

20 07/08.2026 | www.amsmklubmobiliti.mk

ЗА ВИСТИНСКИ АУДИОФИЛИ Благороднички скроената кабина во која се наоѓаат само најфини материјали е изработена рачно, согласно традицијата на Bentley. Но, инженерите решиле да му дадат на престојот во неа нова димензија со ново развиениот аудио систем на специјалистот Naim. Овој систем е создаден специјално за колекцијата на Bentley наречена Virtuoso, а ја добиваат само моделите кои минале низ рацете на специјалното одделение за доработки Mulliner. Овој уникатен аудио систем наречен „Naim for Mulliner” е врвот на понудата меѓу ултимативните аудио системи. Добиен преку постојан развој низ 15 години и илјадници часови минати во постојани подобрувања. Системот се состои од 21 звучник распоредени низ кабината, кои нудат извонредна верност на репродукцијата на звукот, заедно со подобрен фреквентен опсег и посебен акцент ставен на деталите на репродукцијата. Звучниците користат така наречен М-профил на конусот направен од едно парче, без капак на јадрото. Овој патентиран систем нуди неверојатно линеарен одзив на фреквенција со ниска дисторзија и подобра дисперзија на звукот. Посебно во затворен и тесен простор како што е кабината на еден автомобил. Високата технологија на аудио системот на Naim дозволува чистина на звукот и ниво на деталност кое одзема здив. Секако ова аудиофилско задоволство има и соодветна цена од 25.000 британски фунти. Но, ова е само мал дел од вкупната сума која треба да се издвои за Flying Spur Speed, а таа почнува од близу 260.000 британски фунти. Bentley веднаш по претставувањето ги отвори списоците за нарачки. Оние што ќе побрзаат, ќе го добијат ова луксузно и бесно парче висока мода кон крајот на годината, кога почнува испораката на првите примероци. • Љубомир Анастасовски

07/08.2026 | www.amsmklubmobiliti.mk

21

| АВТО-МОТО

Претставуваме BMW M2 M XDRIVE

ЕДНА СОСЕМА ПОИНАКВА ЅВЕРКА ВО ОБИД ДА ГО УСОВРШИ РЕЧИСИ СОВРШЕНОТО, BMW ОДЛУЧИ ВО M2 ДА ВГРАДИ ПОГОН НА СИТЕ ТРКАЛА, ОВОЗМОЖУВАЈЌИ МУ НА ОВОЈ БОМБАСТИЧЕН МАЛ ДРИФТЕР ДА ПОНУДИ УШТЕ ПОИНТЕНЗИВНО ВОЗАЧКО ИСКУСТВО, ВО КОЕ ГЛАВНИОТ ЗБОР ГО ИМА ВЕШТИНАТА НА ВОЗАЧОТ.

22 07/08.2026 | www.amsmklubmobiliti.mk

АВТО-МОТО |

B

MW M2, лутата баварска ѕверка, во повеќе наврати веќе беше гостин во овие редови. Наследник на долгата лоза спортски модели на баварскиот филигран, чија приказна започна со славниот BMW 2002 Turbo и продолжи со подеднакво прославениот, но никогаш непрежален BMW M3 од серијата E30, чии добро сочувани примероци денес вредат цело богатство. Спортското одделение на BMW, M GmbH, ја продолжи низата успешни модели во семејството M3, при што секоја нова генерација беше помоќна, побрза и технички понапредна од својот претходник. Следуваа модели како M3 од серијата E36, кој прв под хаубата понесе високооборотен линиски шестцилиндарски мотор, конфигурација што ја задржа и неговиот наследник, E46, денес еден од најпосакуваните модели со беџот M3. Следниот M3, од серијата E90, тргна по поинаков пат, пакувајќи V8 мотор под хаубата. Сепак, линискиот шестцилиндарец повторно се врати со следната генерација и оттогаш повеќе не го напушти M3. Сето тоа е во ред, но за возачки настроените ентузијасти M3 почна да се движи во поинаква насока. Тие посакуваа нешто поразлично, посурово и поблиску до духот на оригиналниот M3. Притиснат од ваквите барања, BMW одлучи да одговори на очекувањата на своите ентузијасти. Во 2011 година го претстави 1M Coupé, модел што љубителите на возењето веднаш го крунисаа за идеолошки наследник на оригиналниот M3, автомобил кој до максимум ја отелотворува девизата „задоволство при возењето“. Со смената на генерациите, 1M Coupé во 2015 година прерасна во M2, автомобил што понуди магија која го издигна возачкото уживање зад воланот на уште повисоко ниво. Неговиот наследник, претставен во 2022 година, ја врати суровоста до степен што потсетува на легендарниот M3 E30. А најважно од сè, успеа да привлече уште повеќе возачки ентузијасти, овозможувајќи им повторно да дојдат на свое. Приказната за обожуваниот дрифтер BMW M2, минатата година продолжи со M2 CS. Во него инженерите од М го ставија моторот од тркачкиот BMW M4 GT3 EVO и создадоа ултимативна играчка за возрасни. Се чинеше дека со него ќе завршат изненадувањата од М насочени кон обожавателите на М2. Но, очигледно во М имале уште еден сокриен адут за мисијата на M2. Сакајќи да го подобрат веќе совршеното, одлучуваат во M2 да напикаат погон на четири тркала. И тоа нивната изведеница наречена M xDrive, која обединува агилност на погон на задни тркала, со високо ниво на тракција која може да ја понуди само погон на четири тркала. И така доаѓаме до BMW M2 со M xDrive. КАКО ЗАЛЕПЕН ЗА АСФАЛТ Идејата на инженерите на М, околу погонот на четири тркала за М2, била да им се понуди на возачките ентузијасти неповторливо возачко искуство низ цела година, во сите услови на пат, без исклучок. Со четири тркала во игра, погонот нуди поголема агилност, но не на сметка на возачкото задоволство кое произлегува од погон само на задна оска. Затоа овој М xDrive е проектиран така да го дели преносот меѓу предна и задна оска зависно од ситуацијата, но и од изборот на возачот. Нормално, М2 со М xDrive вози само со погон на задна оска. Само во ситуација кога тркалата од задната оска не можат да ја испорачаат моќноста врз подлогата, на сцена стапуваат и тркалата од предната

07/08.2026 | www.amsmklubmobiliti.mk

23

| АВТО-МОТО

оска. Системот користи диференцијал со повеќе-ламелна спојка која обезбедува целосно варијабилна и неверојатно флуидна распределба на вртежниот момент меѓу предните и задните тркала. Распределба која возачот скоро и да не може да ја почувствува при возење. Тоа што го чувствува е само способноста на автомобилот да вози како залепен за асфалт. Секако, во игра е и активниот диференцијал, во комбинација со специфично нагодените системи за контрола на тракцијата и динамичка контрола на стабилноста. Диференцијалот располага со сопствена управувачка електроника, која самостојно го ограничува пролизгувањето на тркалата и ја компензира разликата во брзината на нивното вртење меѓу предната и задната оска. Трикот е во тоа што овој систем функционира независно, без активирање на системот за динамичка контрола на стабилноста. Благодарение на тоа, префрлањето на погонот меѓу задната и предната оска се одвива екстремно брзо и придонесува за уште поголемо чувство на контрола врз автомобилот. Двата системи, работејќи во комбинација, прецизно ја прилагодуваат реакцијата на автомобилот според моменталната ситуација. Целта е да се понуди возачко искуство со динамика каква што досега не е видена кај BMW M2. Но, тука не завршува врвот на забавата што ја нуди M2. Преку менито M Setup, возачот, покрај можноста да ги менува динамичките карактеристики на погонот M xDrive, може и целосно да го исклучи. Поточно, може да избере режим во кој автомобилот се придвижува исклучиво со погон на задната оска, со целосно деактивирана динамичка контрола на стабилноста. Во тој случај, моторот го испорачува целиот вртежен момент само кон задните тркала, без каква било интервенција од електрониката. Така се добива чисто возачко искуство, во кое единствено владеат вештината и умешноста на возачот. ОД ТРКИТЕ ВО СЕРИСКО ПРОИЗВОДСТВО Уште една новина што M2 со M xDrive ја промовира во името на BMW, а која во иднина ќе се користи кај сите линиски шестцилиндарски мотори што доаѓаат од одделот M, е системот за согорување со предкомора. Овој систем доаѓа директно од светот на моторспортот и е заштитено со патент од страна на BMW. Системот не е непознат. Веќе се користи во моторите на Формула 1, а слична изведба има и Maserati во својот V6 Nettuno, кој дебитираше во моделот MC20 пред четири години и за кој веќе пишувавме во овие редови. Идејата зад технологијата на согорување со предкомора е значително намалување на потрошувачката при високо оптоварување, како и намалување на емисијата на издувни гасови – доволно за моторите на BMW M да ги задоволат строгите норми EU7. Подеднакво важна

24 07/08.2026 | www.amsmklubmobiliti.mk

предност на согорувањето со предкомора е и неверојатно брзиот одзив на моторот на педалот за гас, како и способноста за лесно достигнување на високи вртежи. Така, оние што ќе го користат својот M2 на тркачка патека ќе можат да извозат поголем број кругови со исто количество гориво.

3,0-литарскиот битурбо мотор останува на 480 КС, кои се ослободуваат при 6.250 min-¹, и на вртежен момент од 600 Nm, достапен меѓу 2.200 и 5.600 min-¹. Погонот на четири тркала му овозможува на M2 со M xDrive да спринтува за нијанса побрзо од својот брат со погон само на задната оска. Од место до 100 km/h забрзува за 3,7 секунди, односно 0,3 секунди побрзо. Истата вредност важи и за меѓузабрзување од 80 до 120 km/h. Спринтот од место до 200 km/h се случува за 12,8 секунди, а максималната брзина е ограничена на 250 km/h. Со опционалниот пакет M Driver’s Package, максималната брзина се зголемува на 285 km/h. НОВА ВАРИЈАНТА СО НОВА БОЈА За да биде повпечатлив и поразличен од своите браќа со погон на задната оска, новиот M2 со M xDrive добива и нова боја. Претставениот автомобил доаѓа во индивидуална боја од палетата на BMW, наречена Borusan Turkish Blue. Оваа специфична сина нијанса исто така потекнува од светот на моторспортот. Ја користи турскиот тим Borusan Otomotiv Motorsport за својот BMW M4 GT4 Evo, со кој успешно се натпреварува во Европскиот GT4 шампионат. Покрај оваа специфична сина боја, која за првпат е нанесена на каросеријата на BMW M2 и дополнително го нагласува екстровертниот дизајн на овој бомбастичен мал дрифтер, баварците нудат палета од уште пет металик и три обични бои. Возачки настроените ентузијасти што сакаат да ја почувствуваат магијата на погонот на четири тркала во M2 нема да чекаат долго за да ги исполнат своите соништа. BMW вели дека првите примероци ќе бидат подготвени за испорака кон крајот на летото, а нарачките веќе се отворени. Цената не е прецизно дефинирана, но во Германија се очекува да изнесува околу 85.000 евра. • Љубомир Анастасовски

ТЕХНИЧКИ ПРЕГЛЕД

ИЗВАДЕТЕ МЕЃУНАРОДНИ ДОКУМЕНТИ Меѓународна возачка дозвола ∙ Одобрение за управување со туѓо моторно возило Патничко осигурување ∙ Зелен картон ∙ АМСМ членски картички

02/3181-181

www.amsm.mk 07/08.2026 | www.amsmklubmobiliti.mk

25

| АМСМ

Прва регионална конференција „Traffic for All“

БЕЗБЕДНА МОБИЛНОСТ ЗА СИТЕ АМСМ БЕШЕ ДЕЛ ОД ПРВАТА РЕГИОНАЛНА КОНФЕРЕНЦИЈА „TRAFFIC FOR ALL“, КОЈА ВО ОРГАНИЗАЦИЈА НА „GO GREEN“ ОВАА ГОДИНА НА 11-12 ЈУНИ ЗА ПРВПАТ СЕ ОДРЖА ВО МАКЕДОНИЈА.

Н

астанот обедини претставници на институции, организации, експерти и практичари кои работат во областа на урбаната мобилност, јавниот превоз, велосипедската инфраструктура, безбедноста во сообраќајот и создавањето на градови што се подостапни, побезбедни и поодржливи за сите. Во рамките на панелот посветен на микромоб илноста, АМСМ имаше своја презентација на тема „АМСМ во служба на безбедна и одржлива мобилност“, при што посебен акцент беше ставен на проектот CycleRAP и на резултатите од проценката на безбедноста на велосипедската инфраструктура во Скопскиот плански регион. Овие резултати претставуваат значајна основа за препознавање на ризиците со кои се соочуваат велосипедистите и корисниците на микромобилни превозни средства, како и за иницирање конкретни подобрувања во инфраструктурата.

Ваквите настани се значајна платформа за размена на знаење, искуства и идеи, но и потсетник дека безбедната и одржлива мобилност се гради преку соработка, релевантни податоци и заедничко делување. • Благица Станојевиќ-Блажевски

26 07/08.2026 | www.amsmklubmobiliti.mk

ДЕЛОВНИ ПАТУВАЊА БЕЗ ГРИЖИ

СО DIAMOND ПАКЕТ ПОКРИТИЈА И ДО 100K €

ПАТНИЧКО ОСИГУРУВАЊЕ Деловната полиса на Македонија Осигурување е направена за фирми чии тимови патуваат, со покритие до 100.000 € и поддршка 24/7 на македонски јазик, каде и да се наоѓаат.

INSUMAK.MK

+389 (02) 3115 188

07/08.2026 | www.amsmklubmobiliti.mk

27

| АМСМ

• Имам истечена лична карта, но

важечки пасош. Дали во тој случај можам да регистрирам возило во станица за технички преглед на АМСМ? Поздрав, Кристијан

• Дали ќе има проблем за издавање • Би сакал да добијам информација

дали издавањето полномошно за управување возило во странство се врши во текот на целата работна недела или има посебно работно време? Благодарам, Алекса АМСМ: Издавањето полномошно за управување со возило во странство е достапно 24 часа дневно, седум дена во неделата, односно во текот на целата работна недела, како и за време на викендите.

на меѓународна возачка дозвола доколку лицето има неплатена казна поради управување со возило под дејство на алкохол? Благодарам, Ратко АМСМ: Доколку во системот на МВР постои активна забрана за управување со моторно возило, не може да се издаде меѓународна возачка дозвола. За нејзино издавање, лицето треба да поседува важечка возачка дозвола без активни ограничувања или забрани.

АМСМ: За регистрација на возило потребно е да приложите важечка лична карта. Доколку личната карта е истечена, регистрацијата не може да се изврши само со важечки пасош, бидејќи за оваа постапка МВР бара важечка лична карта како документ за идентификација.

• Колку време пред датумот на

истекување на регистрацијата можам да извршам технички преглед на возилото? Поздрав, Вероникa АМСМ: Технички преглед на моторно возило може да се изврши 30 дена пред истекот на регистрацијата на возлото.

*СИТЕ НАВЕДЕНИ ТЕЛЕФОНСКИ БРОЕВИ ВАЖАТ ЗА ПОВИК ОД ФИКСЕН И ОД МОБИЛЕН ТЕЛЕФОН

28 07/08.2026 | www.amsmklubmobiliti.mk

ЧЛЕНСТВО

ЗАЧЛЕНЕТЕ ПРИЈАТЕЛ И ЗАШТЕДЕТЕ! Вредносниот ваучер може да го искористите на сите локации на АМСМ во Скопје и Велес, за попуст на следниве услуги: - Технички преглед на возило - Полиса за осигурување од автоодговорност и зелена карта - АМСМ членство - Производи од АМСМ продавницата за автомобилска галантерија - Обуки за сите категории во АВТО ШКОЛА МОБИЛИТИ ПЛУС - Хомологација, одобрување на преправено возило, атест на плин и фолии за стакла во АМСМ ЦЕНТАР ЗА ВОЗИЛА - Услуги во АМСМ Сервисот за автомобили - Услуги Помош на пат и шлепување - Горива на АМСМ ПЕТРОЛ

02/3181-108

www.amsm.mk 07/08.2026 | www.amsmklubmobiliti.mk

29

ПОДГОТВЕНИ ЗА ЛЕ

| АМСМ

ЛЕТОТО Е СЕЗОНА НА ОДМОРИ, ВИКЕНД-ПАТУВАЊА, СЕМЕЈНИ ПАТУВАЊА И П ДА ПОМИНЕ БЕЗ НЕПОТРЕБЕН СТРЕС, НА

ПРОВЕРКА НА ВОЗИЛОТО ПРЕД ПАТУВАЊЕ Безбедното летно патување започнува со технички исправно возило. Затоа, пред да тргнете на пат, препорачуваме да направите превентивна проверка на возилото, особено на: • состојбата и притисокот на гумите; • сопирачките; • акумулаторот; • нивото на моторното масло и другите течности; • системот за ладење; • клима-уредот; • светлата и сигнализацијата. Како АМСМ членови, имате можност за бесплатен превентивен технички преглед во АМСМ станиците за технички преглед. Доколку ви се потребни сервисни услуги, АМСМ членската картичка ви овозможува дополнителни заштеди преку попусти при сервисирање на возилото во АМСМ сервисните центри во Скопје, Велес и Кичево. Закажете сервис: 02/3181-133

ФИНАНСИСКА СИГУРНОСТ НА ПАТ АМСМ картичките ви гарантираат сигурност на пат во случај на дефект, а со VISA AMSM кредитната картичка добивате и дополнителна финансиска сигурност на секое ваше патување. Ко-брендираните VISA AMSM кредитни картички од Шпаркасе Банка, покрај услугите што ги добивате со вашата АМСМ картичка, ви овозможуваат и бесконтактни плаќања во земјата и странство како и бројни други поволности: • Финансиска сигурност - кредитен лимит до 180.000,00 денари; • Плаќање до 12 рати со 0% камата во АМСМ и кај други трговци; • Месечна членарина – во висина од 100 денари за VISA АМСМ Classic и 200 денари за VISA АМСМ Europe Premium. За VISA AMSM кредитна картичка можете да аплицирате ОНЛАЈН преку www.amsm.mk Повеќе информации: 02/3181-108

АМСМ МОБИЛНА АПЛИКАЦИЈА - СÈ НА ЕДЕН ДОПИР За побрз и полесен пристап до информации пред и за време на патувањето, преземете ја АМСМ мобилната апликација и регистрирајте се како АМСМ член со внесување на: • членски број; • е-адреса што сте ја оставиле при зачленување; АМСМ мобилната апликација ви овозможува: • да ја вклучите вашата локација и да ја следите состојбата на патиштата во реално време; • да повикате помош на пат онлајн; • да го следите статусот на интервенцијата; • да добиете информации за патување во странство; • да се информирате за цените на горивата и сообраќајните прописи во повеќе европски земји.

30 07/08.2026 | www.amsmklubmobiliti.mk

ЕТНИ ДЕСТИНАЦИИ

АМСМ |

ПОДОЛГИ РЕЛАЦИИ СО АВТОМОБИЛ. ЗА ПАТУВАЊЕТО ДА ЗАПОЧНЕ МИРНО И АЈВАЖНА Е НАВРЕМЕНАТА ПОДГОТОВКА.

ПОТРЕБНИ ДОКУМЕНТИ ЗА ПАТУВАЊЕ ВО СТРАНСТВО Доколку летниот одмор го планирате надвор од земјата и патувате со автомобил, навреме проверете дали ги имате сите потребни документи. Во АМСМ Скопје - Центар, меѓународните документи за патување се достапни за издавање 24/7.

- Меѓународна возачка дозвола - Одобрение за управување со туѓо моторно возило - Зелен картон

ОСИГУРУВАЊЕ ЗА БЕЗГРИЖНО ЛЕТУВАЊЕ Летното патување значи повеќе движење, повеќе активности и поголема изложеност на непредвидени ситуации. Со соодветно осигурување, патувањето е посигурно, а вие сте подготвени и за ситуации што не можете да ги предвидите. ПАТНИЧКО ОСИГУРУВАЊЕ Патничкото осигурување е особено важно при патување во странство, бидејќи обезбедува заштита во случај на здравствени и други непредвидени ситуации за време на престојот. Тоа може да вклучува: здравствена помош, болничко лекување, лекарска интервенција, репатријација, осигурување од спортска незгода, осигурување на багаж, надомест за загуба на патни документи. Цената зависи од избраните ризици, времетраењето на патувањето и дестинацијата. Преку Мобилити Брокер ви се достапни полиси од сите осигурителни компании. Со услугите вклучени во Europe Premium членската картичка добивате бесплатно патничко осигурување со покритие од 20 дена, кои можете да ги користите кумулативно во текот на една година, односно 365 дена, или во периодот наведен во полисата за осигурување. КАСКО ОСИГУРУВАЊЕ Летните патувања често значат подолги релации, паркирање на непознати локации, поголем сообраќаен метеж и повисок ризик од непредвидени штети. Каско осигурувањето е дополнителна заштита за вашето возило, која не е задолжителна, но е особено корисна при патувања. Тоа обезбедува поголема сигурност во случај на кражба, пожар, судар, превртување или други штети опфатени со полисата. Со каско осигурување добивате: • дополнителна заштита на возилото; • помал ризик од непредвидени трошоци; • поедноставена процедура при настаната штета; • бесплатно посредување преку Мобилити Брокер. Домаќинско осигурување Безгрижното патување започнува и со сигурност дека вашиот дом е заштитен додека сте на одмор. Домаќинското осигурување овозможува заштита од: пожар, удар од гром, луња и град, провална кражба и разбојништво, излевање вода од инсталации, кршење прозорски стакла, штети предизвикани од соседни објекти или станови. Со полиса направена преку Мобилити Брокер, добивате бесплатно застапување и посредување при настаната штета. Контактирајте осигурителен агент на Мобилити Брокер: 02/3181-405 или 02/3181-402.

07/08.2026 | www.amsmklubmobiliti.mk

31

| ТЕСТОВИ И СОВЕТИ

Безбедност во сообраќај

ВИНОВНИ ЛИ СЕ САМО ТРОТИНЕТИТЕ? ТРОТИНЕТИТЕ ЧЕСТО СЕ КРИТИКУВАНИ ВО СООБРАЌАЈОТ, НО ПРЕКРШОЦИ ПРАВАТ И ДРУГИ УЧЕСНИЦИ. РЕДОТ НА УЛИЦИТЕ СЕ СОЗДАВА СО ПОЧИТУВАЊЕ НА ПРАВИЛАТА И САНКЦИИ ЗА СЕКОЈ ШТО ГИ ПРЕКРШУВА.

Н

еколку недели наназад, тротинетите се едни од најкритикуваните превозни средства, особено електричните. Речиси нема јавно гласило кое не ги спомнува во негативен контекст. Секојдневно се упатуваат критики кон нив, а се нагласува дека лицата кои управуваат со електрични тротинети се меѓу најнедисциплинираните учесници во сообраќајот. Факт е дека дел од нив се движат насекаде, по улици, булевари, пешачки зони, тротоари, па дури и во објекти каде што тоа не е дозволено. Се случува при судир со пешаци, особено со оние кои штотуку излегле од автобус или се движат по тротоар, возачите да се оддалечат за да избегнат одговорност. Особено загрижувачки е тоа што голем дел од возачите се малолетни лица, а не е мал бројот и на основци кои управуваат со тротинети. Ситуацијата станува уште посериозна кога ќе се види дека некои родители ги возат своите деца на тротинети, често без соодветна заштита. За многумина од возачите на тротинети како да важи едно непишано правило – да не носат заштитен шлем (популарно наречен „кацига“). Голем дел од читателите сигурно биле сведоци

32 07/08.2026 | www.amsmklubmobiliti.mk

на вакви ситуации. Доколку за нередот во сообраќајот беа виновни само тротинетите, проблемот многу лесно би се решил. Но, тротинетите не се единствениот проблем за целокупната состојба во сообраќајот. Ниту возачите на малите мотоцикли (50 ццм) не се „без вина“. И тие често се однесуваат исто како и возачите на тротинети. Меѓу нив речиси и да нема разлика, и едните и другите знаат да бидат крајно недисциплинирани и неодговорни. Мопедите се возат каде што ќе им текне, по тротоари, булевари, маалски улички, пешачки зони, училишни дворови и детски игралишта. Каде што ќе видите тротинети, често ќе видите и мопеди. Дополнителен проблем е што меѓу возачите има и полнолетни и малолетни лица, па дури и деца од основно училиште кои управуваат со овие превозни средства. За состојбата да биде уште полоша, и дел од возачите на мотоцикли се однесуваат слично како возачите на тротинети и мопеди. Мотоцикли со погонски единици од 700–800 ццм и повеќе повторно се користат за трки по булеварите (особено на делници каде што нема поставени камери), а неретко се возат и таму каде

ТЕСТОВИ И СОВЕТИ |

што не е дозволено, па дури и по плоштади. Се случува некои возачи со мотоцикли да пристигнуваат директно пред ресторани, кафетерии и други угостителски објекти, како нивното возило да е дел од ентериерот. Дополнително загрижува што дел од нив возат без заштитен шлем, без возачка дозвола, со нерегистрирани мотоцикли, а фабричките издувни системи ги заменуваат со други кои создаваат прекумерна и заглушувачка бучава. И возачите на автомобили не се ништо подобри од претходно спомнатите. Не застануваат на црвено светло на семафор, возат преку двојна полна линија, не им даваат предност на пешаците на пешачки премин, управуваат возило под дејство на алкохол или наркотични супстанции итн. Сепак, има и возачи кои ги почитуваат сообраќајните прописи, но, за жал, тие се малцинство. Не се само тротинетите тие што ја нарушуваат безбедноста во сообраќајот. Кај нас владее општо непочитување на сообраќајните правила. Да скратиме, некои велат дека немаме сообраќајна култура. Но, каде, според вас, постои сообраќајна култура? Во државите каде што доследно се казнува секој што ќе направи сообраќаен прекршок. Сообраќајната култура не се создава сама од себе, туку се гради со доследна примена на законите и со соодветно високи казни за прекршителите. • Жарко Атанасоски

07/08.2026 | www.amsmklubmobiliti.mk

33

| СТИЛ

Веспа

РЕВОЛУЦИЈА ВО ПРОИЗВОДСТВОТО НА СКУТЕРИ ОТКАКО ВО 1946 ГОДИНА ПРВПАТ СЕ ПОЈАВИ НА УЛИЦИТЕ ВО ИТАЛИЈА, ВЕСПАТА БРЗО СТЕКНА ГОЛЕМА ПОПУЛАРНОСТ И ОСТАНА ОМИЛЕНА МЕЃУ ГЕНЕРАЦИИ КОРИСНИЦИ, СÈ ДО ДЕНЕС, КОГА СЕ ОДБЕЛЕЖУВААТ ОСУМ ДЕЦЕНИИ ОД НЕЈЗИНОТО ПОСТОЕЊЕ.

И

коничното значење на овој вид мал, лесен мотоцикл (скутер) воопшто не се доведува под знак прашалник, дури ни сега на 80-годишнината од неговото постоење. Во меморијата засекогаш ќе остане и денот кога се претстави во јавноста, побудувајќи голем интерес кај луѓето, независно од генерацискиот јаз меѓу нив - сите го засакаа (и старо и младо), без разлика на половата припадност. За многу кратко време се претвори во трговска марка (бренд) за која и сега се зборува позитивно. Впрочем, така и влијае врз сите нас. Нема дилема, симболиката на веспата се наметна со текот на времето, во голема мера и како резултат на маркетиншкиот потег што го направи самата компанија. Беше разбирлива, донекаде и очекувана затоа што слободата на волјата можеше да се протолкува и како пркосење на секојдневјето (рутината), заедно со останатото, а независноста, пак, се огледа и во леснотијата на движењето, без да се заглави во јавниот превоз и сообраќајниот метеж. Набрзо почна да се поистоветува со стилот, начинот на живеење во Италија. На него и ден-денеска се гледа како на синоним за сладок живот (итал. долче вита), под кој се подразбира не само забавување туку и уживање во моментот (пред сè на летната сончевина), без исклучок на шармот и елеганцијата како една од најголемите одлики на италијанскиот народ воопшто.

34 07/08.2026 | www.amsmklubmobiliti.mk

СПОНТАНИОТ ИЗВИК - ИНСПИРАЦИЈА ЗА ИМЕТО Веднаш по војната на Италијанците им е дадена можност за превоз, кој бил достапен за сите, буквално. Имал ниска цена која придонела за подобрување на економската состојба, демократизирајќи го и сообраќајот на некој начин. Дизајнот на веспата е всушност спој на уметноста и функционалноста, незасегнат од времето (безвременски). Сопственикот на компанијата „Пјаџо“ (итал.

Piaggo) - Енрико му се обратил на Корадино Д’Асканио за помош, замолувајќи го да размисли за тоа како треба да изгледа еден нов скутер. Бидејќи се занимавал со воздухопловно инженерство, конструкциското решение кое му го дал навистина го привлекло вниманието на човекот што ја имал сопственоста на фирмата и веднаш се договориле за соработката. Тоа било во далечната 1946 година. Воодушевен од самиот прототип (MP6), решил веднаш да почне со производство. Го именувал „веспа“, по неговата реакција откако го видел - за првпат. Конструкцијата е горедолу иста и денес. Предниот дел од мотоциклот е тесен, за разлика од задниот, кој пак е широк. Личи на оса. Заедно со ретровизорите и светлото напред. Без исклучок на звукот што го испушта - брмчењето сигурно и вас ве потсетува на зуењето. Спонтаниот извик на господинот Пјаџо: „Изгледа како оса“ (итал. Sembra una vespa) послужил како инспирација за неговото име, така е запишано и во аналите на компанијата. Цртежот (концептот) редовно се изложува во музеите како МоМА во Њујорк, на пример. Благодарение на филмот „Празник во Рим“ (1953 г.) со Одри Хепберн и Грегори Пек во главните улоги, популарноста на овој вид

СТИЛ |

мал, лесен мотоцикл (скутер) нагло се зголемила. И тоа во светски рамки. По неколку години, на крајот од 1950-тите и во почетокот на 1960-тите, Британците ја избрале веспата за централна фигура на движењето Mod, кое се врзувало со поткултурата (супкултурата) украсувајќи ја, обично во живи бои, со многу додатоци, младите се обидувале да ја разбијат и монотонијата на секојдневјето (во сивилото на малограѓанскиот живот се истакнувале со бунтовништво). Звучи парадоксално, а сепак тој (дизајнерот) се однесувал со презир кон моторното возило на две тркала - мислејќи на стандардниот мотоцикл (шаблонски, лишен од оригиналност). Го сметал за кабаст, непрактичен, опасен и тежок за качување. Веспата е дијаметрално различна од него. И не можете да се извалкате. Синџирот го извадил, а моторот го скрил во самата каросерија. Просторот за нозете е отворен, што пак овозможува лесно да се качите на неа. Има и штит против кал и ветар.

ГОЛЕМА ПРОСЛАВА ПО ПОВОД ЈУБИЛЕЈОТ Минатиот месец во вечниот град (Рим) се собраа илјадници луѓе, секој со својата веспа - сосема сам или во пар, за да се провозат по неговите улици, како дел од големата прослава на 80-годишнината од постоењето на малиот, лесен мотоцикл. Претставници од многу клубови со развиорени знамиња на своите земји во текот на сите четири дена (25, 26, 27 и 28 јуни) колку што траеше свеченото одбележување на јубилејот со задоволство ù се препуштија на забавата, во која се сплотија - страста, љубовта кон возењето веспа им е заедничка, нема сомневање. Освен што дефилираа неколкупати, движејќи се покрај знаменитостите на градот маршрутата наводно била инспирирана од филмот „Празник во Рим“, некои кадри од него се гледаат и на фотографиите од ова важно случување, впрочем, како и на другите во рекламите, заедно со живописната околина, можеа да земат учество и на церемониите - инаугурацијата на Vespa Village, свеченото отворање на стадионот што го носи името на овој мал, лесен мотоцикл (скутер) во рамките на познатиот Stadio dei Marmi чии трибини се окружени со 60-тина статуи од мермер, обете проследени со сечење ленти, без исклучок на изложбата каде што можеше да се види и скицата, благодарение на која веспата е внесена во регистарот на патенти со датум од 23 април 1946 година (имено, сопственикот на компанијата „Пјаџо“ веднаш по нејзиното патентирање го пуштил погонот во производство, едноставно не сакал да чека многу), но и да се чуе за развојниот пат на малиот, лесен мотоцикл. На релито кое се одржа во текот на вториот ден му претходеа неколку проби, исто како и на World Gymkhana Championship во чиј фокус е контролата на моторното возило, брзината што се постигнува и совладувањето на пречките за кои некогаш се потребни и вешти маневри. Влезниците не се наплаќаа, па дури и на забавите со музика во живо, каде што настапија диџеи, пејачи од Италија и светот - паралелно се доделуваа награди, а во центарот на вниманието беше и Concours d’Eleganze последниот ден (отменоста, префинетоста - елеганцијата всушност е првата асоцијација на веспата). Се разбира, можеа да се купат и аксесоари, модни додатоци кои одговараат на овој мал, лесен мотоцикл (скутер) и гардеробата што му прилега. Двата нови модела кои се појавија на пазарот веднаш привлекоа голем број интересенти за нив - Vespa Primavera 80th 125 и Vespa Gts 80th 310 во различни бои. Сепак, доминантна е бледозелената што потсетува на првиот (прототипот). Деталите во модернистички стил само ја дополнуваат класичната убавина, истакнувајќи ја уште повеќе. Заедно со иконичниот знак (лого) и значката одзади, на која пишува: 80 years of Vespa Est 1946. • Игор Ландсберг

07/08.2026 | www.amsmklubmobiliti.mk

35

| ПАТУВАЊЕ

Ларнака (Кипар)

ПОРТАТА НА ОСТРОВОТ СИНТАГМАТА Е САМО ЕДНА ОД МНОГУТЕ ШТО СЕ ОДНЕСУВААТ НА ЛАРНАКА, ГРАД ВО ЈУГОИСТОЧНИОТ ДЕЛ НА КИПАР, ЧИЕ ИМЕ СЕ ПОВРЗУВА СО ГРЧКАТА БОЖИЦА НА ЉУБОВТА. БЕЗ СОМНЕВАЊЕ, ЛАРНАКА НУДИ МНОГУ ПРИЧИНИ ЗА ПОСЕТА, ОСОБЕНО ВО ЛЕТО.

Б

лагодарение на нискобуџетните авиокомпании, овој град на Медитеранот е лесно достапен и за македонските граѓани - еднаш, двапати во неделата, обично кога е летна, т.е. сезона на годишни одмори. За два часа и десетина минути се стигнува до неа (Ларнака) - секако дека има и други можности, како на пример со преседнување, доколку вашето патување не може да се совпадне со нивните термини. Алтернативни решенија се и градовите во нашето соседство: Белград и Атина. Меѓународниот аеродром кој го носи името на поранешниот претседател (Glafkos Clerides) е само на четири, пет километри од центарот на Ларнака, до него се оди со автобус или со такси, а трета опција е изнајмување моторно возило (рентакар). Штом ќе пристигнете во градот, прво што ќе ви дојде на ум е автентичноста, потоа компактноста - заедно со достапноста, лесна е (тука нема никаква дилема). Без исклучок на неговата историја за која сите се согласни дека е богата, долга и шаренолика, што би рекле мештаните. Контраст може да се види на секое место, траги оставиле буквално сите што живееле таму, независно од степенот на општествениот развој, првенствено во областа на материјалната култура (со акцент на архитектурата) - враќајќи го минатото, уште во времето пред неолитот. Секоја епоха се карактеризирала со особено важни настани, појави што во голема мера се одразиле и на животот, меѓу другото. Борбата за независноста на Кипар се исплатела и во 1960 година резултирала со негово осамостојување. Без оглед

36 07/08.2026 | www.amsmklubmobiliti.mk

на инвазијата која ја извршила Турција во 1974-та, се чини дека работите воопшто не се промениле - иако во Ларнака веќе нема Турци-Кипрани (некогаш биле 20%, пред војната), селото Пила во нејзина близина е со мешано население, живее во заедништво. Денес во градот има само Грци-Кипрани, останатите се резиденти. Во ек на летната сезона е најпосетен - жителите се целосно посветени на туризмот, важат за добри домаќини. Сместувачките капацитети се приспособени за сите, според можностите. Па дури и за елитата. СИНИ ЗНАМИЊА НА ПЛАЖИТЕ - ГАРАНЦИЈА ЗА ГОЛЕМИОТ КВАЛИТЕТ НА ВОДАТА Природно, крајбрежјето на Ларнака се поврзува со името на грчката божица на љубовта - имено, Афродита се родила во морската пена (древните преданија велат и од неа), иако на спротивната страна на островот - секој мештанин ќе ви каже нешто и за верувањето дека доколку се искапете во морето кога е вечер, особено на полноќ, сигурно ќе добиете во привлечноста, допадливоста. Убавината е најголемата одлика на овој град - плажите во него и околината сигурно ќе ве освојат на прв поглед - нема збор. Ситниот песок и кристалната вода се доволни за почеток, останатото е плус - само треба да покажете големо љубопитство, задлабочувајќи се во суштината. Во жижата на вниманието секогаш е плажата Foinikoudes. Името го добила по големиот број палми наредени по работ на крајбреж-

ПАТУВАЊЕ |

ната променада - една до друга се. Оттаму и називот кој ќе го прочитате во речиси сите бедекери, туристички водичи - Градот на палмите. И оваа синтагма, заедно со насловната (Портата на островот), поради отвореноста на меѓународниот аеродром за сите кои ќе допатуваат во Кипар со авион да ги дочека - пожелувајќи им добредојде. Без разлика на тоа за која дестинација ќе се определат - како било, атрактивни места има во изобилство. Гореспомената плажа е само една од нив со вкупна должина од 600 метри (толку е долга и патеката за шетање). Автобуската постојка се наоѓа во непосредна близина, таму застануваат автобусите што сообраќаат на сите линии во Ларнака, поврзувајќи ги нејзините делови, па и околината. Достапна е за инвалидни лица - на располагање се инвалидски колички, пловни. Морето инаку нема бранови - водата е плитка. Запазени се еколошките норми, а повеќето поволности се дел од утврдените стандарди. Вајфај-мрежата е бесплатна. Изобилува со барови, бини, гимнастички справи, кафе-ресторани, киосци, лежалки, опрема за вежбање на отворено, соблекувални, сонцобрани, спортски терени (осветлени навечер). Постои можност да им се приклучите на групите луѓе кои уживаат во водните спортови. Сепак нема да згрешите ако се одлучите за McKenzie (плажата е долга околу еден километар) или за Kastella (долга е 600 метри, позната по многуте слаткарници, таму е собиралиштето на рибарите) или за Giannades (Златна рипка во превод - се наоѓа во појасот со должина од 300 метри, каде што е многу плитко) или за Pyla (плажата во истоимениот округ е идеална за семејства со деца) или за Faros (долга е 500 метри, се наоѓа на ‘ртот Kiti, близу до светилникот) или за Zygi Limanaki (плажата е мала, средена - во близина е пристаништето на рибарското село со исто име, Zygi - храната во рибните ресторани е првокласна). Речиси сите се со сини знамиња, гарантирајќи го квалитетот на водата за капење. КРАЈБРЕЖНАТА ПРОМЕНАДА - ОМИЛЕНА НА СИТЕ Полека, без брзање. Тоа е филозофијата на мештаните, до која се држат во животот. Важи за сите жители на островот - без исклучок. Во разговорите со нив сигурно ќе добиете корисни поуки - има време за сè, барем така велат. Не пропуштаат да се прошетаат низ градот - крајбрежната променада им е омилена. Сакаат да го гледаат залезот на сонцето, доста често и од споредните улици мистеријата е поголема, добива на тежина. Само обидете се да ги следите, правете го тоа што ним им причинува задоволство - така, градот ќе го восприемите на ист начин како самите тие. Ако не, прашајте ги. Без да се двоумат, ќе ве упатат на местата кои никогаш не ги одминуваат - Лазаровата црква во византиски стил, датира од 9 век, воодушевува со својот иконостас од злато. Вле-

зот е слободен, рамениците и нозете мораат да бидат покриени. Навратете во муслиманскиот храм - Хала Султан Теке, подигнато во чест на Umm Haram. Тој бил еден од следбениците на пророкот Мухамед - опкружувањето е мирно, се наоѓа веднаш до соленото езеро, четири во едно. Посетеноста е најголема во текот на зимата. Тогаш е полно со фламинга (црвени чапји), а во лето, пак, водата испарува од него. Се чини дека сите патишта водат кон Foinikoudes, на крајбрежната променада има и дуќани. Мали, занаетчиски работилници ќе сретнете на уличките во непосредна близина на Лазаровата црква. Можете да гледате како се прават грнчарски предмети, клепала, чипка - бутиците се на Ermou и Zinonos Kitieos. На крајот од патеката за шетање е средновековната тврдина, сведочи за бурната историја на градот, каде што секој владетел оставил печат врз него. Погледот на морето е многу убав, исто како оној на крајбрежната променада. Заедно со марината. Секако, вреди да се види и аквадуктот Kamares - иако е стар околу 280 години, во добра состојба е. Осветлувањето кога е вечер уште повеќе го истакнува. Доколку имате време, посетете го и античкиот локалитет Kition. Во меѓувреме, препуштете му се на сетилното уживање - во специјалитетите на тамошната кујна се чувствува и влијанието на Блискиот Исток: не пропуштајте го мезето што всушност е комбинација на месни производи, сирење „халуми“, сосови. Обично се состои од повеќе (минимум 15, максимум 30) мали порции. Оди со ракија „зиванија“. Нарачајте да ви донесат и „клефтико“, задолжително. Изборот навистина е голем, тешко дека ќе одолеете и на паприкашот и на мусаката од модри патлиџани. Направете малку место и за некој десерт - „махалепи“ на пример. Со вино, десертно. Сигурно ќе ви понудат „командарија“, најпознато е, а и најстаро.

• Игор Ландсберг

07/08.2026 | www.amsmklubmobiliti.mk

37

| ПАТУВАЊЕ

Охрид

РИЗНИЦА НА КУЛТУРНОТО НАСЛЕДСТВО ДУХОВНИТЕ БОГАТСТВА НА ОВОЈ ГРАД ВО ЈУГОЗАПАДНА МАКЕДОНИЈА, ЗА КОИ СЕКОГАШ СЕ ЗБОРУВА СО ГОЛЕМО УВАЖУВАЊЕ, ЗАЕДНО СО НЕГОВИТЕ ПРИРОДНИ УБАВИНИ И СТАТУСОТ НА ЗАШТИТЕНО ПОДРАЧЈЕ НА УНЕСКО СО ЕЗЕРОТО, СЕ САМО НЕКОИ ОД МНОГУТЕ ПРИЧИНИ ДА ГО ПОСЕТИТЕ ТОКМУ СЕГА.

К

онечно, па и лето е. Топлото време сигурно ве тера на размислување - веднаш да се спакувате и да го фатите патот за Охрид - градот е идеален за да избегате од високите температури, без оглед на големата гужва, таа е својствена за овој период на годината. И покрај тоа што можете да го посетите кога и да било - нема сомневање, секогаш е убав. Затоа и на странците им е приоритет - уделот на медиумите во нивните земји не може да се занемари, ни малку. На пример, магазинот кој се котира високо во Велика Британија - „Тајмаут“ сега бргу го вброи во листата на туристичките дестинации што задолжително треба да се видат во блиска иднина, по можност и годинава. Охридското Езеро е прво на овој список со имиња - по него се фјордовите во државите од Скандинавскиот Полуостров (особено во Норвешка) и секако, езерото Комо на северот од Италија. Неговата посебност (единственост) се наведува како главна причина, вклучувајќи го и културното наследство со кое се одликува градот на самото крајбрежје. Духовните богатства заедно со природните се наоѓаат во хaрмонија со времето, незасегнати од него - како ништо да

38 07/08.2026 | www.amsmklubmobiliti.mk

не им може. Охрид е вистинска ризница, не случајно го споредуваат со Светиот град - Ерусалим (синтагматската врска е многу честа и кога е Охрид во прашање бидејќи некогаш во минатото, градот располагал со 365 цркви, за секој ден во годината по една, така барем ќе ви каже секој охриѓанец што ја познава добро историјата на Охрид). Во другите определби на градот во југозападниот дел на Македонија спаѓа и најубавата - Бисер балкански е многу повеќе од постојан епитет што се среќава и во препораката на Меѓународниот совет за споменици и локалитети (ИКОМОС).

10 ЕНДЕМИЧНИ ВИДОВИ РИБА ОД ВКУПНО 17 Ретко кој може да ù одолее на оваа убавина, многумина ќе речат - неверојатна. Сигурно ќе се согласите со нив, особено во лето - како да е над реалноста. Единствено по многу нешта, како на пример дека е најстаро во Европа, иако во светски рамки се вбројува меѓу првите десет (природната долина во која се наоѓа е всушност - иста како во терцијарот), Охридското Езеро веќе 46 години е под заштита на УНЕСКО, без исклучок на градот што се издига високо над него (различни се само датумите кога се впишани на листата). Нема дилема, Охрид се отвора и широко - доволен е само еден поглед на галебите што кружат околу бротчињата кои пак се движат по водата за да се чувствувате како да сте на некоја ривиера. Често се слуша ова, најмногу од

ПАТУВАЊЕ |

странските туристи. Патем кажано, можеби ќе наидете и на лебеди, живеат во парови - сигурно ќе се воодушевите од нивната игра, ненадминливи се. Танц-мајстори. Додека езерото синее, и тоа во повеќе нијанси. Без разлика дали сте на годишен одмор или само за ден-два (на викенд), изборот на плажите навистина е голем. Благодарение на концесионирањето и стандардноста на нормите, изгледаат пристојно (во согласност со неа). Неколку од нив се во градот - близу до самиот центар. Повеќето се камени, освен „Куба либре“, што се наоѓа на кејот. Во непосредна близина на пристаништето е „Сараиште“, број еден за охриѓани - водата е плитка. За да стигнете до „Потпеш“, треба да одите по „Мостот на желбите“ (поради локацијата, има интерес и за неа - кристалната вода и ресторанчињата во близина се главните причини за нејзината посетеност - во екот на сезоната може и да нема место). Блиску до црквата е плажата „Канео“, нејзината привлечност е резултат на бистрата вода и погледот на рибарската населба. Останатите се на патот кој води до Св. Наум - каде и да се лоцирате, воопшто нема да направите грешка: младите ја обожаваат „Градиште“ кај Заливот на коските (гласната музика е вообичаена, диџеите ја вжештуваат атмосферата во баровите, а има и камп); на 10 километри од центарот на Охрид е плажата „Лагадин“ - комбинација на песок и камчиња, има неколку мали локали (водата е чиста); „Метропол“ се наоѓа во населбата Свети Стефан, пријатниот помин е загарантиран, со некој коктел. Подолу (накај границата со Албанија, веднаш до планината Галичица) е „Љубаништа“ - се смета за најголема и најубава на Охридското Езеро, со можност за кампување. Плажата е песочна, исто како и таа на Св. Наум каде што се всушност - изворите на Црн Дрим. Од тие причини, водата е поладна. За чистотата не треба ни малку да се грижите. Информативно, вкупната површина на езерото е 358 квадратни километри, со максимална длабочина од 289 метри (просечната е 164 метри) - од 17 видови риба, 10 се окарактеризирани како ендемични (меѓу кои и пастрмката и летницата и белвицата). Освен за плажа, летното време е идеално и за прошетка низ градот - денот е долг, тамам за да ги видите неговите знаменитости, речиси сите во стариот дел од кој нема човек што не е воодушевен. Дури и самото одење по тесните сокаци со калдрма е опуштено, таква е и атмосферата - релаксирана. Не мора да се врзувате за некоја маршрута (однапред определувајќи го патот), нека ве водат инстинктите - редоследот и духовните богатства некако не одат под рака.

07/08.2026 | www.amsmklubmobiliti.mk

39

| ПАТУВАЊЕ

СВЕТА СОФИЈА - ДОКАЗ ДЕКА ВЕРАТА МОЖЕ ДА СЕ ПРЕТОЧИ ВО УМЕТНОСТ Христијанските светилишта на Охрид се чини дека содржат еден заеднички именител - тројство на вера, знаење и уметност. Црквата „Св. Јован Канео“, која датира од 13 век, дефинитивно е најфотографирана - ја има буквално во сите брошури, а нејзината позиција (на карпата, меѓу небото и водата) како да ве повикува со сето љубопитство да влезете внатре во неа, но и да слезете долу. Наводно во пештерите каде што живееле испосниците и денес можат да се чујат нивните молитви (ништо натприродно, акустиката има специфични својства, па така, звуците од ударите на брановите потсетуваат на оние од обраќањата со молба до Господ - тука е и рибарската населба, која се поврзува со приказната за еден руски емигрант кој пред 100 години на две семејства им ја доверил тајната за создавањето на бисерите, но не во внатрешноста на одреден вид школки (перлите се премачкуваат со емулзија добиена од крлушките на плашицата). Веќе се бренд - сами по себе.

40 07/08.2026 | www.amsmklubmobiliti.mk

Од широката високорамнина (платото познато како Плаошник) се гледа прекрасна панорама - црквата „Св. Климент и Пантелејмон“ заедно со крстилницата и базиликата (полигонална - нема што, подните мозаици се ремек-дела) од ранохристијанскиот период (5 век), вклучувајќи ги и остатоците од античкиот град ги одликува складна композициска структура. Следбеникот на солунските браќа Кирил и Методиј - Св. Климент им овозможил на 3.500 души да одат на училиште, обучувајќи ги да ја шират словенската писменост и книжевност (дури до Русија). А, доказ дека верата може да се преточи во уметност (да ù се даде форма, во различни бои) е црквата „Св. Софија“, изградена во 11 век. Некогаш била седиште на архиепископот - фрескосликарството во византиски стил е творечки дострел, највисок. Звучните ефекти ќе ги почувствувате за време на концертите, уживајќи во изведбите на врвните музичари - истоветно со уште едно место кое на лето е во полн сјај. Амбиенталните вредности на античкиот театар особено се истакнуваат во деновите на фестивалот. Годинава „Охридско лето“ почнува на 12 јули. Ова е неговото 66. издание. Качете се на Самоиловата тврдина - вреди, заради глетката. И приказната за владетелот и неговите војници (византискиот цар Василиј наредил да ги ослепат). Навратете во Куќата на Робевци од 19 век, ги содржи карактеристичните особини, обележја на староградската архитектура. Денес е музеј со многу артефакти - споменик на културата. Прошетајте малку низ чаршијата, протегнете ги нозете кај чинарот (народното предание вели дека го посадил Св. Климент) - споменик на природата. Свратете на кафе во Пештани или во Трпејца или пак на Св. Наум. Отидете на прошетка до изворите. Провозете се со кајче, зошто да не и со бротче - направете по една тура, почувствувајте го градот на начин кој најмногу ви одговара. Охрид е навистина инспиративен, тука нема никаква дилема. За него може да се пишува многу - долго и на широко. Патописните белешки се сосема доволни за да ја донесете одлуката - да се подготвите за патување и веднаш да тргнете, без да се двоумите. Откако ќе си го осигурате сместувањето, за шпицот на сезоната ќе треба да се потрудите. Таму веќе е друго, па дури и кога има голема гужва. Секогаш кога ќе посакате, можете да се изолирате - во некое ресторанче во стариот дел на градот, покрај брегот на езерото. Уживајте во погледот, не мислејќи на ништо друго. Додека да ви ја донесат пастрмката. Нека биде „тресена“, со бело вино е полн погодок. И охридска торта на крајот, за комплетен впечаток. • Игор Ландсберг

07/08.2026 | www.amsmklubmobiliti.mk

41

ГАСТРОНОМИЈА

КЛЕФТИКО Обично се приготвува во неделите и за празниците, го има и во менијата на рестораните во Ларнака - го сметаат за специјалитет на кипарската (грчката) кујна, онаа традиционалната. Во буквален превод значи „крадено јагне“, поврзувајќи го со т.н. клефти (арамии), кои за време на Отоманската Империја живееле во планините. За да не ги издаде мирисот и чадот - месото од јагнињата што ги краделе го печеле во јама (длабока дупка ископана во земја) на жар, херметички затворена. Денес тоа се постигнува со помош на пергаментна хартија и алуминиумска фолија.

СОСОТОЈКИ: 1,5 КГ ЈАГНЕШКО МЕСО (рамо или бут, исечено на големи парчиња - може и 4 бутчиња) 1 КГ КОМПИРИ (излупени и исечени на крупно) 4 ЧЕШНИЊА ЛУК (згмечени) 2 ЛИМОНА (исцедени) 3-4 ЛОВОРОВИ ЛИВЧИЊА 2 ЛАЖИЦИ ОРИГАНО (исушено) СОЛ ЦРН ПИПЕР (свежо мелен) 4 ЛАЖИЦИ МАСЛИНОВО МАСЛО 60 МЛ БЕЛО ВИНО ИЛИ ВОДА 200 Г ФЕТА-СИРЕЊЕ (исечено на коцки - опционално) 1-2 ПИПЕРКИ (издробени опционално) 2 ДОМАТА (издробени опционално)

НАЧИН НА ПРИГОТВУВАЊЕ: Започнете со маринирање на јагнешкото. Ставете го месото во голем сад - додајте ги чешнињата лук, лимоновиот сок, ориганото, солта, црниот пипер и маслиновото масло. Протријте го месото во маринадата за да го прими вкусот на состојките - нека отстои два часа во фрижидер (преку ноќ е најубаво). Вклучете ја рерната на 160 степени целзиусови. Покријте ја тавата со алуминиумска фолија (два реда). Можете да ставите и пергаментна хартија врз неа (пергаментот ја спречува хемиската реакција што ја предизвикува контактот на лимоновиот сок и фолијата). Истурете ги компирите во маринадата, додајте уште малку оригано и сол - измешајте сè заедно. Прво ставете ги компирите, па месото. На некои места, меѓу нив, пикнете ги чешнињата лук и ловоровите ливчиња. Доколку се одлучите за фета-сирење, додајте ги и коцките. Истото важи и за пиперките и за доматите. Прелејте со бело вино или со вода. Покријте ја тавата со алуминиумска фолија, треба да биде херметички затворена за да не пропушта воздух. Нека се пече три и пол, четири часа, додека месото не омекне. Извадете ја тавата од рерната, внимателно тргнете ја фолијата од горната страна, покачете ја температурата на 200 степени целзиусови, вратете ја тавата во рерната да се пече уште 15-20 минути, додека месото да добие убава,

боја на злато. Послужете го јадењето додека е топло - со шопска салата, на пример. Или со нешто друго, кипарско (грчко).

ТРЕСЕНА ПАСТРМКА Ова вкусно, посебно приготвено јадење се смета за традиционален деликатес - специјалитет на македонската кујна, својствен само за Охридскиот регион во кој освен Охрид спаѓа и Струга и селата како Радожда, на пример. Името му е дадено по начинот на неговото подготвување. Откако ќе се испече на скара или пак во фолија, рибата (месото) внимателно се „тресе“, отстранувајќи ги коските. И покрај тоа што има неколку рецепти (горедолу исти), најчесто се прави вака.

СОСОТОЈКИ: 1 СВЕЖА РИБА (охридска пастрмка, поголема - околу 1 кг) 3-4 СУВИ ПИПЕРКИ (црвени) 1 ГЛАВИЦА ЛУК 1 ГЛАВИЦА КРОМИД (помала) 50 МЛ МАСЛИНОВО МАСЛО 1 ЛИМОН (исцеден) СОЛ ЦРН ПИПЕР СВЕЖ МАГДОНОС ИКРИ (опционално - ако можете да најдете)

42 07/08.2026 | www.amsmklubmobiliti.mk

НАЧИН НА ПРИГОТВУВАЊЕ: Исчистете ја рибата, посолете ја и попрскајте ја со маслиново масло - завиткајте ја во фолија и ставете ја во рерна да се пече на 200 степени целзиусови (30-40 минути). Извадете ја и оставете ја да се излади. Веднаш потоа, внимателно тргнете ја кожата, отстранете ги и коските. Покрај тоа, месото треба убаво да се „истресе“ на ситно (вообичаено со виљушка). Сувите пиперки можете да ги сварите, по што ќе ја извадите лушпата - се разбира, доколку сакате, можете само да ги испечете и да ги сомелете. Истолчете го лукот во аван, со малку сол - додека не стане како крем. Додајте ги пиперките и продолжете да толчите. На масло (маслиново) пропржете го ситно исечканиот кромид - откога ќе зарумени, додајте ја смесата од лук и пиперки, и продолжете со пржење уште малку. Тргнете го од оганот тавчето и

во него ставете го месото од пастрмката. Мешајте полека. Сервирајте ја така што ќе ја прелеете со лимонов сок, ситно исечкан магдонос и црн пипер, свежо мелен. Доколку имате икри (ако можете да најдете), финиширајте и со нив. Послужете ја додека е млака, со лепче и бело вино.

читаj, гледаj, слушаj...

„28 YEARS LATER: THE BONE TEMPLE“ (28 ГОДИНИ ПОДОЦНА: ХРАМОТ НА КОСКИТЕ) „DIRTY BLONDE“ BEBE REXHA „ЗАПЛЕТ“ ЏИН ХАНФ КОРЕЛИЦ ејкоб Финч Бонер. Некогаш млад надеЏпишување жен писател, денес предава креативно на мал колеџ во внатрешноста

и се бори да ја задржи последната нишка самопочит. Со години нема ништо солидно напишано - а камоли објавено. Еван Паркер. Млад, згоден, арогантен. Од сите студенти кои ја посетуваат програмата на колеџот, Паркер најмногу му оди на нерви на Џејк. Дали е тоа зашто Џејк веќе се гледа како пропаднат автор, а Еван ја има сета иднина пред себе? Сепак, кога Еван ќе ја претстави идејата за неговиот прв роман, оваа блага нетрпеливост се претвора во завист. Идејата на Еван и заплетот во книгата се практично светски бестселер во најава. Поминуваат неколку години, но името на Еван останува непознато во јавноста. Тогаш, Џејк доаѓа до неверојатно откритие. Еван Паркер повеќе не е жив. Онаа одлична идеја сепак не била преточена во роман. Затоа Џејк ќе го стори она што би го направил секој писател: ќе ја искористи. За кусо време тој станува автор на бестселер кој силно одекнува меѓу читателската публика, нешто што отсекогаш го посакувал. Но, сè има своја цена. Еден ден, Џејк добива анонимна порака што ќе го промени неговиот живот. Тоа што беше само прашање на чест и кариера набрзо ќе се претвори во игра на живот-или-смрт помеѓу мачка и глушец. •

П

ознатата кантавторка родена во Њујорк (САД), чие потекло е од овие простори (нејзините предци се Албанци од Македонија), минатиот месец во соработка со Empire Distribution го издаде својот четврти студиски албум, кој го одликува и богата визуелна имагинација - како што е најавено, сите тринаесет песни ќе имаат и видеоспотови, а секоја од нив ќе се третира како посебно издание. Дел се веќе претставени во јавноста - се разбира дека и критиките за новите остварувања на Бебе Реџа се позитивни, генерално. Таа се котира високо на светската музичка сцена. Секако, на промоцијата што се одржа на 12 јуни ù претходеше и објавата на неколку синглови заедно со видеоспотови за истите, особено побудувајќи го интересот на нејзините фанови, без исклучок на останатите - јавноста воопшто. Не само со „New Religion“, кој веднаш по излегувањето на 6 март се здоби со голем успех, искачувајќи се на врвот од топ-листата на Billboard Dance/Mix Show Airplay - го сними заедно со „Faithless“ (танцова, музичка група), целта ја постигна и со другите, како на пример „I Like You Better Than Me“, „Çike Çike“, „Hysteria“. Овој албум што е всушност - визуелен (барем така се опишува), можете да го слушате и на платформите за стриминг, меѓу кои и „Спотифај“. Кога е стилот во прашање, описот на музичките критичари е најсоодветен - жанровски калеидоскоп. •

ритиката многу пофално се изјасни за Кдефинитивно овој постапокалиптичен хорор-филм што ќе ја одбележи цела 2026-та.

Се појави во јануари, снимен по текст на Alex Garlan и во режија на Nia DaCosta - воедно е четврто продолжение на франшизата 28 Years Later и директно на филмот од лани. Секако дека го има на стриминг-платформите, уште од самиот почеток. Визуелните сензации се восхитувачки, успешно вклопени во приказната за вирусот на бесот, која сигурно ќе ви го сврти вниманието - се разбира, доколку сакате возбуда (филмот е полн со хорор-сцени). Во еден час и 49 минути ќе почувствувате голем страв, ужас - содржината е поделена на три дела: заробеништвото во кое се наоѓа Спајк (Alfie Williams) и претерано грубиот однос кон 12-годишникот од членовите на бандата што ја предводи Џими Кристал (Jack O’Connell), инаку лорд - сер; паралелно, ексцентричниот д-р Иан Келсон (Ralph Fiennes) го гради „храмот на коските“, додека Самсон (Chi Lewis-Parry), кој е инфициран со алфа-вирус, редовно го посетува; Џими Инк (Erin Kellyman) го здогледува храмот и секако, доаѓа до пресврт. • Жанр: постапокалиптичен хорор-филм Актери: Ralph Fiennes, Jack O’Connell, Alfie Williams, Erin Kellyman, Chi LewisParry Режија: Nia DaCosta

07/08.2026 | www.amsmklubmobiliti.mk

43

| HI TECH

Иднината на воздухопловството

СО БАТЕРИЈА ДО 13.000 МЕТРИ ВИСИНА ЕЛЕКТРИФИКАЦИЈАТА НОСИ СÈ ПОДОБРИ РЕШЕНИЈА. ЕДЕН ТАКОВ ПРИМЕР Е ЛЕТАЛОТО „ХЕЛИОС ХОРИЗОН“, КОЕ БЛАГОДАРЕНИЕ НА ВРВНАТА АЕРОДИНАМИКА И НАПРЕДНАТА ЦВРСТА БАТЕРИЈА НУДИ ЗНАЧИТЕЛНИ ПРЕДНОСТИ. БАТЕРИЈАТА ИМА ПОГОЛЕМА ЕНЕРГЕТСКА ГУСТИНА, ПОЛЕСНА Е ОД ЛИТИУМСКИТЕ БАТЕРИИ И СЕ ПОЛНИ МНОГУ ПОБРЗО.

А

втомобилите не се единствените што се „заразени“ од вирусот наречен електрификација. Пловилата, особено најмалите, брзо добија погонски единици што не испуштаат издувни гасови и работат многу потивко. Тие се особено погодни за охридските кајчиња, бидејќи не ја нарушуваат тишината што ја создаваат езерото и планините околу него. Да, загадувањето со бучава е сè поголемо, а негови главни причинители се најразновидните возила, летала, пловила и други слични превозни средства. Од оваа група загадувачи исклучок се велосипедите и сите електрифицирани возила, летала и пловила. Велосипедите се убедливо најтивките превозни средства на планетава, а далеку зад нив се електричните возила, кои сепак произведуваат одредено ниво на бучава, но значително помало од она на возилата со бензински и дизелски мотори. Електрификацијата зема сè поголем замав и во светот на воздухопловството. Некои летала се толку успешно конструирани што нивните производители добија признанија и награди од НАСА. Меѓу нив е и производителот „Пипистрел“ (во превод на македонски: лилјак) со своето лесно летало „таурус“.

44 07/08.2026 | www.amsmklubmobiliti.mk

Дека може да се изработи уште посовршено летало, говори следниот податок. Тест-пилотот Мигуел Итурменди во својата работилница „Хелиос Хоризон“, сместена на Флорида, во близина на градот Сарасота, конструирал експериментално летало врз основа на „пипистрел таурус“, со кое отишол неколку скалила погоре. Тој направил измени на крилата, а потоа вградил и поголема елиса. Да напоменеме дека „пипистрел таурус“ е моторна едрилица, што значи дека не ù е потребен авион за влечење, бидејќи полетува самостојно со сопствениот мотор. М. Итурменди вградува поинаква батерија, чија внатрешност не е течна или полутечна (гел), туку е изработена од цврсти материјали, како што се керамика, стакло или полимерни материјали (пластика). Не само што материјалот во нејзината внатрешност е поинаков, туку е и незапаллив, за разлика од литиум-јонските батерии, кај кои евентуален пожар многу тешко се гасне. Втора предност на овој вид батерии со цврсти материјали е тоа што можат да се полнат многу брзо, од 10 до 80 отсто за само 15 минути, и тоа преку стандарден приклучок. Овие батерии се за околу 30 до 40 отсто полесни од литиумските батерии и имаат поголема енергетска густина. Според сегашното ниво на технологијата, енергетската густина на цврстите батерии е поголема за најмалку 60, а најмногу за 100 отсто. Тоа е потврдено во практичната примена, додека во лабораториски услови е измерена енергетска густина поголема за повеќе од 200 отсто.

HI TECH |

Новоконструираната моторна едрилица „хелиос хоризон“ го имаше својот прв лет на 5 јуни годинава, при што достигна висина од 7.300 метри, што претставува рекорд во својата класа. За следните летови, тест-пилотот и основач на работилницата, Мигуел Итурменди, најавува достигнување височина од 12.000 до 13.500 метри.

И да не заборавиме, „хелиос хоризон“ е првото летало во светот што користи цврста батерија, а тест-пилотот М. Итурменди е првиот човек што управувал летало напојувано со ваков вид батерија. „Хелиос Хоризон“ прелетува двојно поголемо растојание во споредба со леталата што користат литиум-јонски батерии. Неговиот горен дел е прекриен со фотоволтаична фолија, која овозможува дополнително полнење на батеријата со помош на сончевата светлина. Колкаво растојание може да прелета „хелиос хоризон“ зависи од висината на летот и од временските услови. „Хелиос Хоризон“ со новата цврста батерија најавува значаен исчекор во иднината на воздухопловството, а самата батерија отвора нови можности и за многу други области од човечкото живеење. Според досегашните резултати, таа претставува едно од најперспективните решенија во современата технологија.

• Жарко Атанасоски

07/08.2026 | www.amsmklubmobiliti.mk

45

| ИСТОРИЈА

Легенди што траат

МАГИЈАТА НА КАРОСЕРИЈА ТУРИНГ СУПЕРЛЕЏЕРА ГОДИНАВА ЕДНА МАЛА РАБОТИЛНИЦА ПО ОБЕМОТ НА ПРОИЗВОДСТВО, НО ИСКЛУЧИТЕЛНО ГОЛЕМА ПО СВОЕТО ЗНАЧЕЊЕ И УЧЕСТВО ВО СВЕТСКАТА АВТОМОБИЛСКА ИНДУСТРИЈА, СЛАВИ 100-ГОДИШЕН ЈУБИЛЕЈ. ЕДЕН ВЕК ПРИСУСТВО ВО АВТОМОБИЛСКАТА ИНДУСТРИЈА Е ПОВЕЌЕ ОД МНОГУ, НО КОГА ВО ТОЈ ПЕРИОД СЕ ПОСТИГНАТИ ВРВНИ ДОСТИГНУВАЊА, ТОГАШ ТОЈ ВЕК ТЕЖИ КОЛКУ НАЈГОЛЕМАТА ПЛАНИНА НА ПЛАНЕТАВА.

Н

а почетокот на XX век Италија е зафатена од треската наречена автомобилизам уште од појавата на првите чуда на четири тркала. Но, дали таа треска се однесува само на автомобилите или, пак, на „брзите автомобили“, е сосема друго прашање и тема што заслужува темелно разгледување. Тоа време се смета за златна ера на рачната изработка на автомобили, кога секој автомобил се создавал речиси по мерка и според желбите на купувачот. При основањето на работилницата наречена Каросерија Туринг, главни „виновници“ биле две лица, пријатели и колеги по професија. И двајцата биле адвокати, но тоа била нивната второстепена определба во животот, нивната вистинска страст биле автомобилите. Едниот од нив, Фелис Бјанки Андерлони, бил опседнат со брзината и автомобилите, па затоа првенствено работел како тест-возач во Изота Фраскини. Неговиот пријател и колега Гаетано

46 07/08.2026 | www.amsmklubmobiliti.mk

Туринг суперлеџера велоче 12 баркета

Понцони, пак, повеќе се интересирал за организацијата и за административните работи. Двајцата дошле на идеја да основаат сопствена компанија за дизајнирање и изработка на автомобили, но не од класичниот тип, туку нешто навистина посебно. За да го остварат својот сон, ја купиле работилницата Каросерија Фалко, во сопственост на Виторио Аскари, и ја преименувале во Каросерија Туринг. Тоа се случило во 1926 година во Милано, а оттогаш поминале точно 100 години. По купувањето на работилницата од В. Аскари, Андерлони и Понцони ги засукале ракавите и веднаш се зафатиле со работа. Андерлони бил задолжен за дизајнот, а подоцна помагал и во конструирањето на автомобилите, додека Понцони раководел со административните работи. Првиот автомобил дизајниран во нивната работилница бил „алфа ромео 6ц 1500“, претставен во 1928 година на Салонот за автомобили во Милано. Веднаш потоа, а може да се каже и паралелно со тој проект, водечкото дуо во Каросерија Туринг работело на автомобил што претставувал врв на луксузот, наменет за индустријалци, банкари, големи земјопоседници и кралски семејства. Тој симбол на престижот и раскошот го носел името „исота фраскини типо 8а“. Ако не сте знаеле, еве еден интересен податок поврзан со Каросерија Туринг. Првиот автомобил што официјално ја понел ознаката гран туризмо“ бил „алфа ромео 6ц 1750 GT“. Станувало збор за автомобил создаден за тркачките патеки, но истовремено доволно удобен и практичен за секојдневно возење, да ве однесе дома, на работа или на долго патување. Токму затоа ознаката „гт“ станала синоним за совршен спој на спортски перформанси и комфор. А заслугата за воведувањето на оваа денес легендарна ознака ù припаѓа токму на Каросерија Туринг.

ИСТОРИЈА |

Туринг алфа ромео 6 ц 150 Туринг суперлеџера масерати 3500 гт купе

Туринг бмв 328 миле миља купе

При создавањето на првите модерни каросерии, нивната лесна конструкција изработена од дрво била покривана со специјално растегливо платно, со цел автомобилот да биде што е можно полесен. Тоа платно било дело на фирмата Вејман, а Каросерија Туринг ја користела оваа технологија со посебна лиценца. Така бил создаден и моделот „ланча ламбда“. И автомобилите што следеле биле изработувани според истиот принцип. На пример, во 1934 година, на трката „24 часа Пескара“ (попозната како Тарга Абруцо), трите болиди „алфа ромео 6ц 2300 гран туризмо“ победиле во формација 1-2-3, оставајќи ги противничките тимови без никакви шанси. Технологијата на Вејман ја користеле сè додека не ја развиле сопствената лесна конструкција, наречена „суперлеџера“. Оваа нова технологија, која значително придонесувала за намалување на тежината на автомобилот, првпат била применета во 1937 година на моделот „алфа ромео 6ц 2300 б“. Конструкцијата била изработена од челични цевки со тенки ѕидови, решение што обезбедувало исклучително мала тежина, но и висока цврстина. Истата година зборот „суперлеџера“ бил додаден во името на компанијата. Како што може да се забележи, Каросерија Туринг Суперлеџера (КТС) имала особено тесна соработка со Алфа Ромео, но и со Ферари, Масерати, Астон Мартин и Ламборгини, производители чии имиња и денес претставуваат синоним за престиж, перформанси и автомобилска ексклузивност. И БМВ има свои допирни точки со Каросерија Туринг. Баварскиот производител побарал конструкциска и дизајнерска поддршка при создавањето на моделот „328 купе“, кој потоа победил на легендарната трка Миле Миља во 1940 година. Истата година, по нарачка и според скиците на Енцо Ферари, Каросерија Туринг го конструирала автомобилот „ауто авио коструциони 815“. Вреди да се спомене дека токму ова бил првиот автомобил создаден од Енцо Ферари. Само неколку години подоцна тој ќе го произведе и својот прв автомобил што ќе го носи името Ферари, со препознатливиот амблем на вознемиреното коњче („Il Cavallino Rampante“ - „ил кавалино рампанте“) на жолта подлога.

Втората светска војна целосно го променила работењето на компанијата, а производството било пренаменето за воени потреби. Каросерија Туринг произведувала делови за авиони, автомобили и камиони. Но, веднаш по завршувањето на војната, компанијата се вратила на својата стара и добро позната патека. Првиот автомобил во чија изработка учествувала бил „алфа ромео 6ц 2500 спорт фреча д'оро“, претставен во 1947 година. Набргу потоа започнала и соработката со Ферари на моделот „166 интер купе“ (1948–1950), а веднаш потоа Каросерија Туринг Суперлеџера добила нова нарачка од Ферари за моделите „195 интер“ и „212 интер“, кои се произведувале во периодот од 1950 до 1953 година. Годината 1957 има особено значење за Масерати, бидејќи тогаш се појавува моделот „3500 гт купе суперлеџера“, автомобил со кој компанијата остварува значителен продажен успех. За тој успех голема заслуга има и Каросерија Туринг Суперлеџера (КТС). Меѓу производителите на автомобили што соработувале со Туринг Суперлеџера е и шпанската луксузна марка Пегасо. Нејзиниот модел „з-102“ (1951–1958) бил создаден со помош на КТС. Работилницата како да била предодредена за соработка исклучиво со производители на луксузни автомобили. Во тоа друштво се вбројува и Ланча со моделите „фламинија гт“, „фламинија гтл“ и „фламинија гт кабриолет“, произведувани во периодот од 1959 до 1967 година.

Туринг суперлеџера ланча фламиниа гт купе

Туринг суперлеџера масерати скидиперсиа кабрио

07/08.2026 | www.amsmklubmobiliti.mk

47

| ИСТОРИЈА

Туринг суперлеџера велоче 12 баркета

Ниту Ламборгини не бил „имун“ на Каросерија Туринг Суперлеџера (КТС). Кога Феручо Ламборгини решил да започне со производство на спортски купе-автомобили, најнапред им се обратил на мајсторите од Туринг. Токму тие ги обликувале првите два модели на Ламборгини – „350 гт“ (1964–1966) и „400 гт 2+2“ (1966–1968). КТС го дизајнирал и концептот „тигре“ за потребите на Ламборгини. Наводно, овој проект бил одбиен од раководството на компанијата, кое наместо него ги прифатило скиците на Бертоне, односно на Марчело Гандини, кој во тоа време бил вработен во прочуеното дизајнерско студио. Дали концептот „тигре“ послужил како инспирација за цртежите на Гандини и денес останува предмет на дебата. Сепак, сличностите се толку очигледни што дури и лаик лесно би забележал одредена поврзаност меѓу концептот „тигре“ на КТС и нацртите на Марчело Гандини. Токму од тие цртежи произлегол конечниот изглед на величествената „мјура“, автомобил што ќе стане една од најголемите автомобилски икони на XX век. Во тоа време КТС влегува во изградба на поголем производствен погон, снабден со најсовремена опрема. Но, токму тогаш, како за беља, речиси сите производители на автомобили почнуваат да преминуваат од традиционалната изработка на шасијата и каросеријата кон монокок-конструкција (самоносечка каросерија), каде што шасијата и каросеријата претставуваат неразделна целина. Оваа конструкција била поедноставна, побрза за производство и поевтина, па производителите масовно ја прифатиле. За КТС тоа значело помалку нарачки и помалку соработка со автомобилските производители. Поради тоа, одговорните биле приморани да ја прекинат работата и да ја затворат компанијата, но не и да ја продадат. Тоа се случило во 1966 година. Работилница што изработувала автомобили за некои од најпознатите светски производители била доведена до пропаст и затворање. Така е кога светот му дава предност на профитот, а рачната изработка со филигранска прецизност ја става во втор план. Квалитетот не е толку важен колку што е важен профитот. Последниот автомобил што излегол од работилницата на КТС бил „ламборџини 400 гт флајинг стар“, концепт претставен во 1966 година на Салонот за автомобили во Торино. Требаше да поминат точно 40 години за Каросерија Туринг Суперлеџера повторно да се врати на светската сцена, а сето тоа благодарение на фирмата Зета Европа БВ. Таа во 2006 година ги откупува правата за КТС повторно да започне со работа, а во 2008 година го претставува моделот „белаџо фастбек туринг“, караван долг 5,05 метри, изведен од серискиот „масерати кватропорте“. Посетителите на изложбата „Конкорсо д’Елеганца Вила д’Есте“ имаа

48 07/08.2026 | www.amsmklubmobiliti.mk

мини суперлеџера вижн

Туринг суперлеџера белаџо фастбек туринг

можност да го видат првиот примерок на „белаџо фастбек туринг“ од вкупно 25 планирани за производство. Потоа следуваат и други доработки на КТС, како што е „масерати а8 гцс берлинета туринг“, купе изведба заснована на моделот „масерати купе гранспорт“. Во 2011 година е позајмен модел од производителот Гумперт, кој е повторно доработен и претворен во „торанте“, а потоа изложен на Салонот за автомобили во Женева. Ако во 1952 година беше претставен роудстерот „алфа ромео диско воланте“, КТС во 2013 година, на Салонот за автомобили во Женева, го изненади светот со новата изведба на „алфа ромео ц8 диско воланте“. Најновото дело на оваа софистицирана работилница е „велоче 12 барчета“ во кабриолет-изведба. Тоа беше претставено минатата година, на 15 август, за време на изложбата наречена Недела на автомобилите во Монтереј, а во 2024 година Каросерија Туринг Суперлеџера ја претстави и класичната купе-изведба. Како основа за изработката на ова безмалку уметничко дело послужи „ферари 550 маранело“. Рачна изработка, посебен дизајн и отсуство на два идентични автомобили од ист модел, секој примерок е единствен и претставува вистинска реткост. Таков е начинот на работа на КТС, создавање неповторлив дизајн, рачна доработка и, што е најважно, строго ограничен број произведени автомобили. Можеби автомобилите од КТС се двојно поскапи од сериските модели, но мора да се има предвид дека денес рачната изработка чини многу.

• Жарко Атанасоски

ОЛДТАЈМЕРИ |

Заборавени приказни од старо Скопје

ПРВИТЕ МОТОЦИКЛИ НА СКОПСКИТЕ УЛИЦИ ПРВИОТ МОТОЦИКЛ ВО СКОПЈЕ СЕ ПОЈАВИЛ ВО 1925 ГОДИНА И БИЛ ВО СОПСТВЕНОСТ НА ЉУБО ЦРВЕНКОВ, КОЈ ГО ДОБИЛ КАКО ПОДАРОК ОД СВОЈАТА СОПРУГА ГИЗЕЛА ОД АМЕРИКА. ИАКО МОТОЦИКЛИТЕ ПРИВЛЕКУВАЛЕ ГОЛЕМО ВНИМАНИЕ КАДЕ И ДА СЕ ПОЈАВЕЛЕ, СÈ ДО СРЕДИНАТА НА 1930-ТИТЕ ГОДИНИ ТИЕ БИЛЕ МНОГУ РЕТКА ПОЈАВА НА СКОПСКИТЕ УЛИЦИ.

П

рвите моторцикли во Скопје ù припагале на војската, полицијата на тогашното Кралството СХС, како и други институции во главниот град. Со цел да го доловиме духот на времето и да ја задржиме објективноста на податоците, ќе направиме кратка ретроспектива, поткрепена со информации од тој период. Поседувањето на мотоцикл во тоа време било знак на углед и општествен статус, бидејќи само мал број луѓе можеле да си дозволат да го набават. За разлика од автомобилите, мотоциклите во тоа време биле значително помалку застапени и можеле да се набават само во специјализирани продавници во Скопје и Битола. Според податоци од 1935 година, во Скопје биле регистрирани вкупно 25 мотоцикли. Најзастапени биле маркит BMW, ZÜNDAPP, TRIUMPH како, други помалку познати марки од тоа време. Моторциклите биле вистинска реткост во Скопје и претставувале симбол на модернизација. Љубо Црвенков, со својот мотоцикл донесен од Америка, го започнал овој тренд, но дури во 1930-тите години бројот на мотоцикли почнал постепено да се зголемува. Сепак, нивниот број и понатаму бил многу мал во споредба со автомобилите и велосипедите. а време на Втората светска војна бројот

на мотоцикли се зголемил, бидејќи различните окупаторски сили ги користеле како превозно средство за движење низ градот. По ослободувањето на Скопје биле формирани првите авто-мото клубови, како и повеќе републички асоцијации, при што мотоциклите добивале сè поголемо присуство и значење, како меѓу обичните граѓани, така и во мотоциклистичкиот спорт во главниот град и пошироко низ нашата Република. • Андријан Трипунов

07/08.2026 | www.amsmklubmobiliti.mk

49

| СПОРТ

24 Часа Ле Ман 2026

ШЕСТИОТ ПЕХАР ВЕЌЕ Е ВО ВИТРИНИТЕ НА ТОЈОТА „62 АВТОМОБИЛИ ВО ТРИ КЛАСИ, 182 ВОЗАЧИ И ЕДНА ЦЕЛ, ПОБЕДА. НО, ЗА ДА СТИГНАТ ПРВИ НА ЦЕЛТА, ВОЗАЧИТЕ МОРА ДА ОСТАНАТ МАКСИМАЛНО КОНЦЕНТРИРАНИ ВО ТЕКОТ НА 24-ЧАСОВНАТА ТРКА, ВОЗЕЈЌИ СО БРЗИНИ ПОГОЛЕМИ ОД 300 КМ/Ч. ГОДИНАВА ПОБЕДАТА ЈА ОДНЕСОА ТОЈОТА, ИНТЕР ЕУРОПОЛ КОМПЕТИШН И КОРВЕТА.“

Н

ештата стануваат сè поинтересни во трките од Светскиот шампионат во издржливост. На овие трки возачите, автомобилите и сите членови на тимовите се изложени на огромен притисок, бидејќи не станува збор за натпревари што траат еден или час и половина. Напротив, ова се исцрпувачки трки што траат најмалку шест, осум или дури 24 часа, како легендарната трка на патеката Сарт во Ле Ман, најпознатата во светот. Во изминатите три години победата беше резервирана за Ферари, кој доминираше над конкуренцијата. Но годинава „ил кавалино рампанте“ како да го загуби чекорот и исчезна од самиот врв. Во меѓувреме, БМВ покажува сериозна форма и се наметнува како еден од главните кандидати за место меѓу првите три во генералниот пласман кај тимовите. Ако работите се одвиваат како на патеката Спа, каде што се возеше шестчасовната трка, тогаш БМВ има реални шанси да го преземе водството и во конкуренцијата на возачите. Најзаслужни за победата на Спа-Франкоршамп беа Робин Фрајнс, Рене Раст и Шелдон ван дер Линде. Вреди да се спомене и Кадилак со стартен број 38, кој ја освои пол-позицијата. Сепак, по казната од судиите, мораше

50 07/08.2026 | www.amsmklubmobiliti.mk

да му го препушти првото стартно место на БМВ со број 15. Интересно е што за време на трката Кадилак беше во водство речиси 12 часа, но на крајот, за жал, не успеа да се искачи на подиумот. Сепак, заслужува пофалби за одлично подготвените болиди. Ако продолжи во вакво темпо, сосема е можно да победи на некоја од преостанатите пет трки. Во календарот на Светскиот шампионат во издржливост се возат осум трки, а трката „24 часа Ле Ман“ беше третата по ред. Тојота им „зеде мерка“ на сите на годинашната 24-часовна трка. Ова е шеста победа за јапонскиот тим, а победничкиот болид со стартен број 7 го возеа Камуи Кобајаши, Мајк Конвеј и Ник де Врис. Победата можеше да биде зачинета со прво и второ место на подиумот, но тоа не го дозволи болидот на БМВ со стартен број 20. Во последниот час од трката тој успеа да го стигне болидот на Тојота со број 8 и да го претекне. Како што спомнавме претходно, Ферари како да се загуби и речиси да не беше дел од маратонската трка. Возачите се жалеа дека немале доволна брзина на првите делници од патеката Сарт.

СПОРТ |

Андреа Кими Антонели на подиум - Канада 2026

На болидот со стартен број 50 во утринските часови му откажаа хибридниот систем и електрониката, па во трката останаа само фабричкиот болид со број 51 и минатогодишниот победник, болидот со број 83, во приватна сопственост на АФ Корсе. Ниту Порше не беше убедлив на трката, иако многумина очекуваа неговите болиди да се борат за место на подиумот. Ако треба да пофалиме некого на 94. издание на „24 часа Ле Ман“, тогаш тоа е тимот на Генезис и неговите два болиди, кои стартуваа од шестото и деветтото место. Сè изгледаше одлично, но во неделата, во раните утрински часови, болидот на Генезис со стартен број 17 имаше проблем со обесувањето на предните тркала, па откажувањето беше неизбежно. За разлика од него, болидот со стартен број 19 стигна до целта на 13. место, и покрај двете застанувања во боксот поради проблеми со моторот, кој едноставно ја загуби силата. Да не беа тие проблеми, „деветнаесетката“ најверојатно ќе ја завршеше трката најмалку три или четири места повисоко. Сепак, болидот со број 19 испиша историја, бидејќи му донесе на Генезис успешен финиш на неговото прво учество на легендарната трка „24 часа Ле

Ман“. Тоа е драгоцено искуство за корејскиот тим во продолжението на шампионатот, а уште повеќе за следната сезона. Во класата „лм 2“ победи болидот со стартен број 43 на Интер Јуропол Компетишн, додека во класата „лм гт 3“ доминираше Корвета со стартен број 33. Особено импресивен беше настапот во ноќните часови, кога Ники Кетсбург создаде голема предност пред конкурентите, разлика што на крајот се покажа како пресудна за освојување на првото место. Во генералниот пласман кај тимовите во Светскиот шампионат во издржливост води Тојота со 132 бода, пред БМВ со 96 и Ферари со 62 бода. И во конкуренцијата на возачите води екипажот на Тојота со болидот со стартен број 7, кој досега има освоено 75 бодови. За годинашната трка „24 часа Ле Ман“, односно нејзиното 94. издание, е поврзан и еден интересен податок. Во сите три класи настапија дури 16 возачи со искуство во Формула 1, што доволно говори за растечкиот интерес за трките на издржливост. А кога на тоа ќе се додаде и враќањето на Форд во сезоната 2027, јасно е дека конкуренцијата станува сè посилна, а трките сè поинтересни. Во шампионатот веќе настапуваат Тојота, Пежо, Ферари, БМВ, Кадилак, Алпин, Астон Мартин, Порше и Генезис, а од 2027 година ќе им се приклучи и Форд. Не е исклучено да се вклучи и уште некој производител. Едно е сигурно – конкуренцијата ќе биде жестока, а трките пеколно брзи. • Жарко Атанасоски

07/08.2026 | www.amsmklubmobiliti.mk

51

| СПОРТ

Светско првенство во Мото ГП

БЕЦЕКИ ГО ПРОКОЦКА ВОДСТВОТО МАРКО БЕЦЕКИ ИМАШЕ СЕРИЈА НЕГАТИВНИ РЕЗУЛТАТИ ПОРАДИ ПАДОВИ, А ДОПОЛНИТЕЛНО БЕШЕ И СУСПЕНДИРАН ОД ЕДНА ТРКА ПОРАДИ ФИЗИЧКИ КОНФЛИКТ.

М

арко Бецеки освои само 13 бода на последните три Гран при викенди, откако на стартот од сезоната се етаблираше како најсериозен кандидат за титултата, освојувајќи пет победи во низа со Априлија. Од 173 поени, неговото бодовно салдо сега изнесува 186, при што тимскиот колега Хорхе Мартин го презеде првото место. Шпанецот собра 37 бода на овие три трки, но другите ривали беа уште поуспешни: Диџанантонио освои 43 бода, Огура 76, а Марк Маркез дури 82 бода. По трката во Муџело, каде што Априлија испиша историја, првиот лош викенд за водечките возачи дојде во Унгарија, на патеката Балатон Парк. Марк Маркез доминираше со две победи, во спринтот и во главната трка, а беше на чекор да го повтори истото и на следната трка во Брно. Сепак, во спринтот победата му припадна на неговиот тимски колега Франческо Бањаја, додека Маркез заврши трет, но во главната трка си ги заменија местата. Во две одделни изјави, Шпанецот по овие триумфи најави дека повторно се враќа во игра за титулата.

- Моторот е подготвен да се бори за титулата. Сега прашањете е

52 07/08.2026 | www.amsmklubmobiliti.mk

до возачите, ние сме тие што треба да се подобриме. Априлија не е пред нас, туку нивните возачи. Треба да продолжиме со нашата работа, затоа што Дукати е способен да победува,- изјави Маркез за официјалниот портал на светското првенство.

- Сега сме 40 поени назад, а не 103 како претходно. Не можам да лажам, тука сме. Мора да се потрудиме да поминеме добро во Холандија. Тоа е патека каде што, дури и кога сум во најдобра форма, не ми оди добро. Оваа година посакувам да „преживееме“ а потоа да ја продолжиме трката за титулата,- рекол Шпанецот во изјавата за ТНТ Спорт. Во негова полза одеше и инцидентот што се случи во спринт-трката на Брно, кога Бецеки падна и остана без поени. Пото, а во расправија со еден од редарите, ги изгуби нервите и му удри шамар, поради што беше суспендиран од главнтата трка.

- Сакам да ù се извинам на целата заедница околу Мото ГП за моето однесување со редарот крај патеката. Жалам, бидејќи знам колку напор и жртва прават редарите за нашата безбедност. Ова не требаше да се случи и нема оправдание. Се извинувам на сите,

СПОРТ |

вклучувајќи го и тимот на Априлија, но и на сите мои навивачи,гласеше изјавата на Бецеки, кој остана во гаражата за време на трката. За време на трката во Брно, се случи уште едно „чудо“, вивнувањето на сателитскиот тим на Априлија пред фабричкиот. Возачот Аи Огура ја освои пол позицијата во Брно и двапати заврши на второто место, а изненадувањата продолжија и во Холандија. Таму, на квалификациите, четири возачи на Априлија се најдоа на првите четири позиции, но пол-позицијата на Раул Фернандез беше поништена поради прекршок (излегување надвор од границата на патеката), па Хорхе Мартин ја спаси честа на фабричкиот тим. Сепак, во спринт трката Фернандез и Огура освоија „едендва“, додека Мартин ја заврши трката како петти (зад Бецеки). Фабио Ди Џанантонио со пласман на третото место спречи големо славје во спринтот, но во трката, ситуацијата се повтори – но овој пат Огура во финишот го презема првото место од Фернандез, додека Мартин успеа да се задржи на третото место, а Бецеки имаше мошне незгоден пад со непосакувано „салто“, но првите информации говорат дека тој се чувствува добро по двата прегледи (на самата патека, а потоа и во болницата во Гронинген). Хорхе Мартин се врати на првото место во генералниот пласман, што е негово враќање „на врвот од светот на две тркала“ по пауза од 588 дена, кога во 2024 година ја освои светската титула.

- Најнапред, сакам да му испратам на Марко желба за закреп-

ДУКАТО ГО ПРОСЛАВИ ЈУБИЛЕЈОТ Соопштувајќи дека Маркез и Акоста ќе бидат нивни возачи за 2027 година, како и со организација на специјален настан на патеката во Римини, Дукати го прослави својот јубилеј од едновековно постоење. На прославата имаше многу поранешни шампиони и други возачи на Дукати, како и 120.000 публика на трибините. Николо Булега победи во специјалата „Трка на шампионите“, притоа освојувајќи ја и пол позицијата.

100 години Дукати

нување. Го видов падот и никогаш не е убаво кога човек така ќе падне, особено кога е твој тимски колега. Во секој случај, ова беше добар викенд, освоивме важни поени. Среќен сум со напредокот што го направивме во смисла на брзината и чувството на моторот. Бев во водство цели 16 круга и тоа е значаен сигнал. Дадов 100% од себе од стартот, а пробав да ги чувам гумите за крајот. Сепак, кога се обидов да се борам со Огура и Фернандез, веќе немав ништо, па само се обидов да освојам колку што е можно повеќе поени,- изјави Хорхе Мартин.

- Му честитам на Хорхе за првата пол позиција со Априлија, како и на освоениот подиум, иако сè уште не е во оптимална форма. Жал ми е за грешката на Марко, овој викенд тој покажа фантастична брзина и требаше да замине дома со многу бодови. Сега приоритет е да се рехабилитира по овој тежок пад. Знаеме кој е доминантен на патеката во Заксенринг, па треба да одиме таму максимално подготвени,- додаде Масимо Ривола, тимски шеф на Априлија, потсетувајќи дека бавната и свиоклива патека во Германија не е „нивен терен“, бидејќи таму Маркез си поигрува со конкуренцијата.

По трката во Германија, мотоциклистите ќе имаат пауза до 9 август, кога се вози трката за Големата награда на Велика Британија, а потоа дури на 30 август ќе го продолжат првенството со трката во шпанскиот Арагон. Хорхе Мартин во моментов е водечки со 193 бода, Бецеки има 186, по што следуваат Фабио Ди Џанантонио со 177 и Аи Огура со 168 бода. Марк Маркез во моментов е на петтата позиција со 153 бода, по што следува Раул Фернандез со 138 поени, па обајцата се надеваат дека ќе ја продолжат актуелната форма и ќе го намалуваат заостанувањето зад водечките. • Александар Табаковски

07/08.2026 | www.amsmklubmobiliti.mk

53

| СПОРТ

Светско првенство во Формула 1

ФАКТОРОТ ФЕРАРИ МЕРЦЕДЕС ОДЛИЧНО СИ ЈА ЗАВРШИ РАБОТАТА МЕЃУ ДВЕТЕ СЕЗОНИ И ИЗРАБОТИ ДОМИНАНТЕН БОЛИД, КОЈ ГИ ОСВОИ СИТЕ ПОЛ ПОЗИЦИИ ВО ДОСЕГАШНИТЕ ТРКИ, А НЕГОВИТЕ ВОЗАЧИ НИЗ МЕЃУСЕБНИ ДУЕЛИ ГО ОДЛУЧУВАА ПОБЕДНИКОТ НА ПАТЕКАТА – СÈ ДОДЕКА ФЕРАРИ НЕ ГИ „СКЛОПИ КОЦКИТЕ“ И НЕ ПОЧНА ДА ПОБЕДУВА!

П

рвиот сериозен настап Ферари го имаше на трката за Големата награда на Барселона – Каталонија, која за првпат се возеше под ова име, на добро познатата патека „Каталуња“, која во минатите 35 години беше домаќин на шпанското Гран при. Со префрлање на ГН Шпанија во Мадрид, Барселона избори место во календарот, а Луис Хамилтон го приреди најголемото изненадување, квалификувајќи се во првиот ред. Потоа уследи победата во тоа Гран при, а на трката во Австрија Леклер и Хамилтон тргнаа како втор и трет, но поради проблеми со пневматиците не успеаја да опстојат на тие позиции. Трката за Големата награда на Велика Британија дојде „во пакет“ со спринт-трка, па нештата од самиот почеток станаа неверојатни: Хамилтон ја освои пол позицијата со предност од единаесет илјадити делови од секундата од Антонели. Сепак, на дистанаца од 100 километри, болидот на Мерцедес се покажа побрз отколку во квалификациите, па Антонели ја доби првата битка, за веднаш потоа да освои и пол позиција за главната трка. Сепак, Шарл Леклер го презема приматот во Ферари и до крајот на викендот блескаше во црвениот болид, стигнувајќи до нова, деветта победа во кариерата, по пауза од нецели две години. На ова „кумуваше“ лошата среќа на Антонели кој имаше дефект во

54 07/08.2026 | www.amsmklubmobiliti.mk

Леклер - Силверстоун 2026

последната четвртина од трката и не успеа да му се доближи на Леклер, иако имаше посвежи пневматици во завршницата.

- Чувството е неверојатно. За жал, крајот можеби не беше токму онаков каков што го сонував. Да победам по неколкуте навистина тешки викенди што ги имавме, по целата работа што ја вложивме за повторно да го вратиме чувството во болидот – ми се чинеше дека вчера по спринтот пронајдов нешто, но денес морав да го потврдам тоа. Денес чувството беше токму таму каде што треба да биде. Неверојатно сум среќен. По Монако го немав тоа чувство. Се удрив во квалификациите, потоа во трката имавме проблем што нè принуди да се повлечеме. Во Барселона се чувствував добро, но повторно се удрив во саботата, а во неделата имавме проблем со болидот. Австрија не беше баш добра, но овде успеавме да ги составиме сите коцки и се надевам дека ќе го задржам тој моментум и во продолжението,- рече Леклер, кој во Монако ова година потпиша продолжување на договорот со Ферари. Говорејќи за подемите и падовите во оваа сезона, Леклер посочи дека сè уште не мисли дека битката е завршена.

- Ова е само прв чекор и треба да го потврдам тоа на различни патеки, но на патека како оваа, каде што самодовербата е клучна, немаше да можам да го направам тоа без повторно да го почув-

СПОРТ |

ствувам автомобилот. Овие болиди се многу специфични и многу поразлични од она што сме го возеле откако почнавме да се тркаме, па затоа е потребно повеќе време за да се навикнете на нив. Во првиот дел од сезоната бев многу силен, потоа изгубив дел од чувството со автомобилот. Направивме доста промени на болидот и ми требаше повеќе време отколку што посакував за да се вратам на нивото што го сакав. Сè уште е почеток. Ова е само една трка и не смеам да се занесам мислејќи дека битката е завршена. Во последно време имав многу проблеми со овој болид и не можам да земам здраво за готово дека сега сето тоа е зад мене. Ќе продолжам да работам и ќе се обидам почесто да го чувствувам автомобилот на вистински начин. Џорџ Расел, кој исто така сезонава доживеа повеќе малерозни ситуации, во поголемиот дел од оваа трка се бореше за позиција меѓу четвртото и шестото место, но на крајот по дефектите на Антонели и Ферстапен, како и последното влегување на Хамилтон во боксот, се најде на втората позиција. Сепак, неговата изјава покажа дека ни тој не може да биде задоволен со расплетот.

- Ако бидам брутално искрен, нема да се борам за шампионската титула, доколку продолжиме со вакви перформанси. Затоа, не си заминувам задоволен од овој викенд. Ќе го прифатам резултатот. Веројатно бев позадоволен кога си заминав од Канада, кога имав дефект додека бев во водство, отколку денес кога завршив втор.

Леклер на подиум - Силверстоун 2026

КАНДИДАТИ ЗА ТИТУЛАТА?

Леклер - Силверстоун 2026

Во Канада веројатно заслужував победа, а денес не заслужував да стојам таму каде што стоев,- рече Џорџ Расел за Ф1 ТВ. Измешани чувства имаше и кај Хамилтон: конечниот пласман беше под истрага, бидејќи беше осомничен за непочитување на сигнализацијата со жолти знамиња за опасност на патеката. Претходно, (на стартот) успеа да го освои второто место зад Леклер (престигнувајќи го Антонели), но заработи казна од пет секунди дека неговиот болид се помрднал при стартната процедура. Тој ја отслужи казната при првиот пит стоп, а во финишот откако се врати на второ место, беше повторно повикан при излегувањето на возилото за безбедност поради инцидентот на Ферстапен.

- Тимот ме повика во боксот. Претпоставив дека со влегувањето ќе ја задржиме позицијата. Да ми кажеа: „Влегуваш во бокс и ќе ја изгубиш позицијата“, немаше да го направам тоа,- објасни седумкратниот шампион, кој иако доби нови гуми, не успеа да добие шанса за барем еден тркачки круг, бидејќи трката не беше рестартирана и заврши зад возилото за безбедност.

Коментирајќи го развојот на настаните во Ферари, како и нивната јубилејна 250 победа во Формула 1, поранешниот возач Ралф Шумахер за „Скај Спортс Германија“ рече дека гледа можност италијанскиот тим да атакува на титулата за оваа година.

- Речиси заборавивме да му честитаме на Луис, затоа што минатата година ситуацијата изгледаше сосема поинаку. Имаше огромен притисок од сите страни, а сето она што го направи очигледно помогна. Луис Хамилтон функционира одлично во рамките на тимот, сè се движи во вистинска насока и Ферари повторно може да се бори за светската титула. Тоа не сме го виделе долго време,гласи оценката на помладиот од браќата Шумахер.

Ваквата одлука предизвика низа од реакции, а меѓу другите со препорака до ФИА да се фокусира на шоуто се јавија поранешните возачи Дејвид Култхард и Мартин Брандл. Дополнително, Хамилтон можеше да биде казнет и по втор пат, во финишот – заради непочитување на жолто знаме. Сепак, истрагата покажала дека Хамилтон бил на излез од секторот и дека во неговото видно поле немало таква сигнализација, поради што стјуардите се одлучија само за опомена. Ова не беше единственото правило кое беше оспорено: Хуан Пабло Монтоја застана на страната на Андреа Кими Антонели кој беше казнет дека излегол од патеката.

07/08.2026 | www.amsmklubmobiliti.mk

55

| СПОРТ

ДАЛИ МЕРЦЕДЕС ЌЕ ЗАРАБОТИ КАЗНА? Луис Хамилтон се осврна на честите дефекти на сребрените болиди, алудирајќи дека ќе ги искористат максималниот број на дозволени погонски единици, поради што би можеле да бидат пенализирани во финишот на сезоната.

- Генерално гледано, моторите оваа година имаат повеќе проблеми отколку што е вообичаено. Не знам каква е ситуацијата со батериите кај Џорџ и Кими, но во одреден момент веројатно ќе мора да следува казна, бидејќи мислам дека имаат само уште две батериски ќелии или нешто слично. Клучно ќе биде да се задржиме во игра, да ги максимизираме бодовите и да извлечеме максимум од нашите можности, дури и кога не можеме да победиме,- анализираше Хамилтон.

- Мислам дека Мерцедес има многу добра поента кога станува збор за лимитите на патеката. Ако излезете надвор од патеката и притоа изгубите време, тоа навистина не треба да се смета како прекршување на лимитите. Треба да постои правило според кое прекршување има само ако со излегувањето од патеката стекнете предност. Но, ако болидот откаже и добиете казна затоа што автомобилот е оштетен, тоа навистина не треба да биде казниво,порача Колумбиецот. Но, овие дебати беа „ништо“ во споредба со онаа во Ред Бул, каде што втор викенд едно по друго му се крши задното крило на Макс Ферстапен, па двете страни разменија коментари во јавноста.

- Тој има право да не биде среќен! За возачите е мошне непријатно да бидеш издаден од возилото во брз свиок, две трки по ред, иако поради две различни причини. Иако на многу пониско ниво, и за нас тоа е непријатно како група што го праќа својот возач во зоната за излетување. Немам сомнежи дека како тим ќе се погрижиме ова повеќе да не се повтори, иако денеска потфрливме на таа мисија и тоа го сфаќаме сериозно,- рече тимскиот шеф на Ред Бул, Лорен Мекис.

- Да речеме дека станува збор за поинаков дефект, но исходот е ист. Повторно, при влегување во свиокот задното крило не се затвора целосно и поради тоа губите огромно количество потисна сила, па едноставно се извртувате и излетувате од патеката. Во таков момент ситуацијата е крајно опасна, бидејќи навистина можете сериозно да се повредите – двапати ми се случи. Имав среќа во Австрија, имав среќа и тука, но токму затоа човек навистина почнува да се заситува од сето тоа.

56 07/08.2026 | www.amsmklubmobiliti.mk

Леклер пред Хамилтон - Силверстоун 2026

Ферстапен откри дека барал и промена на моторот, или нa неговите штелувања, бидејќи не бил задоволен со ослободувањето на електричната енергија при забрзувањето.

- Сакав да стартувам од боксот. Тие можеби беа уверени дека ќе го поправат проблемот со испораката на силата од моторот, а јас не бев,- додава Холанѓанецот во интервју за „Виаплеј“. Одговорот на тимскиот шеф е збунувачки, бидејќи ја засновал одлуката на посакуваниот пласман.

- По квалификациите беше јасно дека во најмала рака не сме задоволни од балансот на болидот. Промената на штелувањето на болидот ќе значеше старт од боксот. Иако знаевме дека трката нема да биде пријатна со несовршен баланс, сметавме дека тоа сепак ќе донесе подобар резултат отколку старт од боксот со можеби нешто подобар автомобил. Разговаравме за тоа со Макс. Целосно прифаќам дека тој може да има поинакво чувство, бидејќи тој го вози болидот. Денес научивме важни работи. Болидот веројатно се однесуваше многу слично како вчера, па наидовме токму на ограничувањата за кои знаевме уште вчера. Не сум целосно сигурен дека ќе можевме да бидеме трети на патеката, пред да се случи дефектот, доколку стартувавме од бокс. Но, Ферстапен не попушти и посочи дека третото место не било вистински одраз на нивните перформанси.

- Имавме среќа, поради сè она што се случуваше околу мене. Луис имаше казна, на Расел му се дупна гума, Кими имаше проблем со болидот. Дури и да завршевме на подиумот, немаше да биде заслужено. Ни сам не знам како успеав да ги задржам Џорџ и Луис зад мене толку долго. Целиот викенд имав ужасен баланс, без вистинска крајна брзина, споредено со вториот болид во гаражата. Потоа и трката беше идентична, како што прогнозирав,заврши Холанѓанецот, кој на прашањето дали ќе одржи состанок со раководството на тимот пред следната трка порача дека во моментов не сака да направи ништо со нив. На крајот од трката, зад Леклер, Расел и Хамилтон се најдоа Норис и Хаџар, а бодови освоија уште Лоусон, Линдблад, Бортолето, Колапинто и Гасли. Водечки во генералниот пласман е Антонели со 179 бода, додека Расел има минимална предност во однос на Хамилтон (154:147). Леклер е четврти со 108 бода, а зад него се Норис и Пјастри со 97, односно 82 бода, при што седмо пласираниот Ферстапен има 76, или повеќе од 100 бода помалку од лидерот! Во текот на јули ќе се возат и трките за Големата награда на Белгија и Големата награда на Унгарија, по што ќе следи летна пауза од четири седмици. • Александар Табаковски

СИГУРНИ ДЕКА СЕКОЈ ОД СЕМЕЈСТВОТО ПАТУВА БЕЗГРИЖНО!

СПОДЕЛЕТЕ ГИ УСЛУГИТЕ ОД ВАШАТА CLASSIC ИЛИ EUROPE PREMIUM ЧЛЕНСКА КАРТИЧКА СО НАЈБЛИСКИТЕ

АМСМ Classic 490 денари

www.amsm.mk

АМСМ Europe Premium 890 денари

02/3181-108

07/08.2026 | www.amsmklubmobiliti.mk

57

| СПОРТ

Светско првенство во Формула Е

ВЕРЛЕН СО НОВ ПРЕСВРТ ДО ВОДСТВО ОТКАКО МИЧ ЕВАНС И ОЛИВЕР РОУЛАНД БЕА НАЈРЕВНОСНИ ВО ОСВОЈУВАЊЕТО ПОЕНИ И СЕ ЕТАБЛИРАА КАКО ЛИДЕРИ, ТРИТЕ ТРКИ ВОЗЕНИ ВО КИНА ЈА ПРОМЕНИЈА СИТУАЦИЈАТА НА ТАБЕЛАТА.

П

рвата трка од „кинескиот трилинг“ се одржа на патеката Сања и ќе остане запаметена по голем број тркачки инциденти. Сателитскиот тим на Порше, Андрети, најави изненадување, освојувајќи ги првите две стартни позиции со Џејк Денис и Фелипе Другович. Останатите возачи ја чекаа својата шанса во трката и се обидоа да напредуваат, но судирите и прекините не им одеа во прилог. За волја на вистината, во водство се сменија повеќе возачи, но откако Еванс, Роуланд и Касиди се повлекоа во последните пет круга, Денис и Другович завршија со „еден-два“ победа. Сепак, по трката на бразилскиот возач му беше доделена казна од 5 секунди поради предизвикување судир со Верлен (кој заврши без бодови), па Пепе Марти со Купра и Ник де Вријс со Махиндра се најдоа на пиедесталот. Кога карванот се пресели во Шангај, Верлен беше оној што успеа да се етаблира од почетокот и да обезбеди пол-позиција, а подоцна и победа во првата трка. Џејк Денис беше единствениот што го презеде водството од Верлен кога овој беше во боксот, по што

58 07/08.2026 | www.amsmklubmobiliti.mk

Леклер - Силверстоун 2026

Германецот се врати. Иако организаторите ја поместија саатницата поради најавеното невреме, силен дожд почна да врне кон крајот на трката, па се возеше зад возилото за безбедност. Тоа не им дозволи на некои возачи да ја реализираат својата стратегија и да гп искористат „Атак Мод“, па оние што претходно успеаја да избијат на повисоките позиции, останаа незагрозени. За утеха на Јагуар, Антонио Феликс да Коста заврши втор, пред Џејк Денис со Андрети. Мич Еванс исто така беше повлијаен од излегувањето на возилото за безбедност, па заврши на 8 место, а Верлен со победата му се доближи на само три поени. Кога требаше да стартува втората трка во Шангај, незвесноста се претвори во драма, бидејќи болидот на Еванс не можеше да стартува и остана во гаражата. Фелипе Другович на поведе трката од пол-позицијата, но Верлен и Мулер од фабричкиот тим на Порше се замешаа во водството. На влажната патека возачите се обидоа да реализираат различни стратегии, но најдобро поминаа оние кои активацијата на „Атак Мод“ ја оставија за на крај, кога патеката се исуши. Во 24. круг

СПОРТ |

Малони, поради дефект, го паркираше болидот крај патеката, па поради развеани жолти знамиња возачите мораа да мируваат. Ветеранот Лукас ди Граси го активираше својот „Атак Мод“ на три круга пред крајот и тоа му помогна од трето да избие на прво место, оставајќи ги зад себе Ериксон и Верње, за својата прва победа по пауза од три години. Паскал Верлен заврши четврти, додека Роуланд беше осми. Накусо, во овие три трки Верлен освои 40 бода, Еванс само 4, а Роуланд точно 5 бода. Возачот на Порше сега е водечки во генералниот пласман со 141 поен, Еванс има 132, додека актуелниот шампион Роуланд е трет со 114 бода. Шампионатот ќе биде решен на последните четири трки, две во Токио и две во Лондон. • Александар Табаковски Леклер на подиум - Силверстоун 2026

07/08.2026 | www.amsmklubmobiliti.mk

59

Колумна своерачно

АЛЕКСАНДАР ТАБАКОВСКИ

КАРТИНГ ПАТЕКА ВО МОГЛИШТЕ ПРВАТА КАРТИНГ ПАТЕКА ВО МАКЕДОНИЈА ИЗГРАДЕНА ОД ДРЖАВНИ СРЕДСТВА БИ ТРЕБАЛО ДА БИДЕ ТОКМУ ВО БЛИЗИНАТА НА КАВАДАРЦИ.

В

о оваа колумна многупати сум зборувал за зачеток на модерен автомобилистички спорт во Македонија преку изградба на соодветна инфраструктура, па затоа не можам, а да не ја поздравам одлуката на Владата да започне со финансирање на изградба на картинг-патека во Моглиште, во близина на Кавадарци. За проектот дознав од соопштението дистрибуираното од Министерството за спорт, каде што се споменуваат детали за две паралелни инвестиции во Тиквешијата. Според овој извор, нешто повеќе од половина милион евра ќе бидат наменети за изградба на нов картинг-центар во месноста Моклиште. Во соопштението се наведува дека инвестицијата е проценета на 35.247.407 денари, со што градот ќе добие целосно нов спортско-рекреативен комплекс, наменет за развој на мотоспортот, рекреативни активности и организација на спортски настани. Истовремено, постигнат е договор за изградба на нов современ спортски објект во рамките на Спортскиот центар „Јасмин“, проект вреден 118 милиони денари, кој ќе овозможи изградба на нова куглана, сала за гимнастика, како и сместувачки капацитети за спортисти. На двете локации биле поставени камен-темелници со присуство на највисоки функционери од Владата, премиерот Мицкоски и министерот Ристовски, а бил присутен и градоначалникот на Кавадарци, Митко Јанчев. Во соопштението се спомнува рамномерен развој на спортот во сите делови на државата и создавање современи услови за тренинг, натпреварување и развој на спортските клубови и спортистите. Искрено се надевам дека и двете иницијативи ќе значат создавање на нови спортски клетки во сегашниот федеративен организам, бидејќи, колку што ми е мене познато, од Кавадарци досега немаше клуб што се натпреварува ниту во автомобилизам, ниту во куглање. Дефинитивно, барем во автомобилизмот очекувам дека од децата до Тиквешкиот регион ќе се образуваат идни носители на активностите во авто-спортовите. Не го велам ова бидејќи се

60 07/08.2026 | www.amsmklubmobiliti.mk

сомневам во можностите за куглање, туку поради фактот што во екипните спортови дозволени се трансфери, па се можни и ангажмани на веќе формирани спортисти. Сигурен сум дека може да се постават милон прашања околу овој проект, како се случил, како дошол на дневен ред за реализација, од каде Кавадарци на мапата, кој и како ќе стопанисува со објектот итн. Намерно се дистанцирам од таквата „истражувачка приказна“, бидејќи во македонскиот автомобилизам не е инвестирано со децении, па ме радува фактот што е повлечен ваков чекор, кој има потенцијал да донесе подобра иднина за спортот. Камо среќа уште два слични проекта да никнат, по еден во источниот и западнот регион. Согласно мудроста која упатува дека „оној што сака да ја заврши работата, ќе бара начини – додека оној што не сака да работи, ќе бара оправданија“, посакувам добар старт на работата и оргнизирање на спортски настани кои ќе ја раздвижат домашната сцена. Искрено посакувам оваа инвестиција да даде резултати и да продуцира нови кадри. Тоа што денес имаме еден возач од ковот на Ристо Вуков – Рико, кој израсна возејќи картинг низ европските земји, може да биде мултиплицирано, па за десетина – дваесет години да имаме плејада на вакви возачи. Апелирам до спортската фела дека ова е време за обединување и создавање историја. Мојата мисија како авомобилски новинар е да укажам дека ваква можност ретко сме добивале во нашиот спорт и треба да се потрудиме да докажеме дека сме заслужиле и следна. Спортски терени од секаков вид (сали, игралишта за фудбал и тенис) никнуваат речиси со години наназад, па затоа имаме нови генерации фудбалери, кошаркари, ракометари, одбојкари итн. Иако верувам дека има прашања кои заслужуваат одговори, истовремено мораме да бидеме свесни дека вакви инвестиции чекавме и сега мора да станат врвен приоритет за создавање база за октанските спортови. •

СПОРТ |

WRC – Рели Грција

ОТВОРЕНИ ШАНСИ ЗА ДЕСЕТТА ТИТУЛА ПОБЕДУВАЈЌИ ПО 69. ПАТ ВО СВОЈАТА КАРИЕРА, И ОСВОЈУВАЈЌИ ГО ЕКСТРЕМНО ГРУБОТО РЕЛИ „АКРОПОЛИС“ ВО ГРЦИЈА, СЕБАСТИЈАН ОЖИЕ ГИ ОТВОРИ ШАНСИТЕ ЗА НАПАД НА ДЕСЕТТАТА ТИТУЛА.

07/08.2026 | www.amsmklubmobiliti.mk

61

| СПОРТ

Себастијан Ожие, по пауза од 15 години, повторно го освои релито „Акрополис“на Грција. Долго им требаше на грчките богови да се смилуваат над деветкратниот светски шампион и да му дозволат да го освои нивниот дом. Интересно е што токму на релито во Грција во 2009 година, Ожие се искачи на својот прв подиум во Светскиот шампионат. Две години подоцна, во 2011 година, ја оствари својата прва победа на „релито на боговите“. Од тогаш до сега, ова рели постојано наоѓаше начин да му се излизга од раце. Иако неколку пати беше многу близу до победа, не успеваше да ја оствари. Но годинава коцките беа наместени и Ожие стана еден од седумте возачи: Бјорн Валдегард, Ари Ватанен, Јуха Канкунен, Маркус Гронхолм, Кале Рованпера и Тиери Нојвил, кои по двапати успеале да триумфираат на „Акрополис“. Четворица возачки великани, Валтер Рерл, Мики Биазион, Карлос Сајнц и Себастијан Леб, имаат по три победи. Апсолутен рекордер на „Акрополис“ е непрежалениот Колин Мекре, кој има пет победи. Кога сме кај победите, вреди да се спомене дека меѓу производителите Ford е најуспешен со 13 победи. Следуваат Lancia со шест, Subaru со пет, Citroën и Toyota со по четири победи, Hyundai со три, како и Audi и Peugeot со по две победи. Освојувајќи го „Акрополис“, Себастијан Ожие се закити со својата 69. победа во кариерата и се доближи на само 11 победи од рекордот на неговиот сонародник Себастијан Леб. Иако двајцата имаат по девет титули, Леб останува возачот со 80 победи во Светскиот шампионат во рели, бројка што сè уште претставува цел за достигнување. Трет возач во историјата по број на победи е Маркус Гронхолм, кој има 30 триумфи.

Познато како најголемиот „кршач на автомобили“ во Светскиот шампионат, релито „Акрополис“ во Грција годинава се возеше на сосема различна рута. Преместено од Ламија во централна Грција на брегот на Коринтскиот Залив, поточно во ресортот Лутраки, рутата на релито претставуваше новина. Всушност, последен пат оваа конфигурација, која ги опфаќа полуостровот Пелопонез и Атика, со мал дел од централна Грција, се возеше во 2013 година. Таа е позната по екстремно груби патеки, полни со остри камења, многу прашина и високи температури, услови што го прават „Акрополис“ крајно непредвидливо рели. Токму со него беше отворена втората половина од сезоната, дел во кој повеќе нема асфалтни натпревари и кој, се чини, ќе ја задржи неизвесноста за исходот на возачката титула сè до крајот на шампионатот.

62 07/08.2026 | www.amsmklubmobiliti.mk

Релито стартуваше во четврток во Атина, во спортскиот парк „Елиникон“, на специјално изградената патека во двоен формат. Тука екипажите возеа паралелно еден против друг пред повеќемилјадната публика, која го исполни паркот до последното место. Најбрз на овој специјален брзински испит беше Себастијан Ожие, кој во директен дуел го победи Тиери Нојвил и како да најави дека атакува на победата. Сепак, она што се случуваше во „Елиникон“ ни оддалеку не ја навестуваше бруталноста со која ќе се соочат екипажите во остатокот од релито.Такамото Кацута имаше второ најдобро време на овој испит, трет беше Нојвил, четврти Сами Пајари, петти Оливер Солберг, а шести лидерот во шампионатот, Елфин Еванс. Стартот на вистинскиот дел од релито се претвори во „црн петок“ за екипажите. Екстремно грубите патеки северно од Лутраки носеа постојан ризик и малкумина се извлекоа без проблеми. Адриен Фурмо беше човекот што го поведе релито по првите два испити од денот, но на третиот дупна гума и падна во поредокот. Водството го презеде неговиот тимски колега Тиери Нојвил и не го испушти до крајот на денот. Возеше внимателно, но сепак го оштети предниот сплитер на грубите камења. Деветкратниот шампион воопшто не ризикуваше, го чуваше автомобилот и заврши втор, 9,7 секунди зад Нојвил. Фурмо, иако загуби многу време, сепак успеа да се врати и да заврши трет. Четврти и петти беа Џош Мекерлин и Мартинс Сескс од M-Sport Ford, шести беше Кацута, а седми Еванс. Лидерот во шампионатот едноставно не можеше да направи повеќе поради неблагодарната улога на „метла“. Стартувајќи прв, мораше да го чисти лабавиот чакал и да им отвора поцврста подлога на ривалите што стартуваа зад него. Губеше драгоцени секунди и денот го заврши со повеќе од две минути заостанување зад лидерот.

СПОРТ |

Водечкиот во шампионатот едноставно не можеше да стори повеќе поради неблагодарната улога на „метла“. Стартувајќи прв, мораше да го чисти лабавиот чакал и да им отвора поцврста подлога на ривалите што стартуваа зад него. Губеше драгоцени секунди и денот го заврши со повеќе од две минути заостанување зад лидерот. Подеднакво драматичен беше и исходот од релито во саботата, иако патеките не беа толку груби како претходниот ден. Прекриени со ситен песок, тие ја ограничуваа тракцијата, а при второто минување ги откриваа камењата што се појавуваа поради тркалата кои копаа во обид за подобро прилепување. Интересно е што поредокот на врвот не се промени. Нојвил успеа да ја задржи предноста пред Ожие, кој призна дека вози во свој ритам и воопшто не се обидува да го стигне ривалот од Hyundai. Според Ожие, ризикот да се вози агресивно за да се добие некоја секунда на средина од релито е премногу голем, а проблемите би можеле да бидат фатални. Сепак, тој успеа на крајот од денот да ја намали разликата во однос на Нојвил на 4,1 секунда, разлика што го става во добра позиција за напад на победата. Фурмо повторно беше трагичар на денот, откако на претпоследниот испит дупна гума и ја загуби третата позиција. Таа ја наследи Кацута, кој полека, но сигурно се доближи до уште еден подиум оваа сезона. Џош Мекерлин ја задржа четвртата позиција, додека на последниот испит од денот Фурмо успеа да „украде“ неколку секунди и да се искачи на петтото место. Шести денот го заврши Сами Пајари, откако Сескс дупна гума. Еванс остана на седмото место, откако мораше да застане на последниот испит од денот и да менува гума.

Голема драма на крајот. Неделата, последниот ден од исцрпувачкиот настан, донесе неочекуван пресврт. Ожие запна и го победи Нојвил на првиот испит од денот. Прејде во водство со минимални 1,3 секунди предност, доволно за да ја разгоре борбата. На вториот испит имаа идентично време. Дуелот меѓу нив се разгоруваше, а до крајот остануваа уште два испита. Се чинеше дека жестокото ривалство ќе приреди една од највозбудливите завршници на сезоната. За жал, тоа не се случи. Се повтори завршницата од релито во Португалија, но овојпат во корист на Ожие. На десетина километри пред крајот на претпоследниот испит од релито, Нојвил остана без две задни гуми. Го доведе автомобилот до целта без да ги менува, но загуби речиси една минута. Премногу загубено време за да може да го предизвика Ожие на последниот испит од релито. Победата отиде во рацете на Ожие. Нојвил заврши втор, а третото место му припадна на Кацута. За разлика од Португалија, во Грција боговите беа наклонети кон деветкратниот шампион. Уште повеќе, тој победи и на програмата „Super Sunday“ и на испитот „Wolf Power Stage“, со што извлече максимален број бодови од еден настан. Така Ожие се доближи до водечкиот Еванс во генералниот пласман, доволно за да може да го предизвика за титулата во останатиот дел од сезоната.Овој настан за Ожие беше пресвртница. Ако не победеше, шансите за десетта титула ќе пропаднеа тука.

Сега Ожие е трет во шампионатот. Еванс сè уште води со 162 бода, втор останува Кацута. Но со 151 бод, Јапонецот ја намали разликата од 20 на 11 бода во однос на Еванс. Ожие сега има 125 бодови и го намали дефицитот од 61 на 37 бода во однос на Еванс. Дефицит кој сега не е толку голем. Ако сценариото од Грција се повтори барем уште два пати, а во релито сè е можно, Ожие ќе биде значително поблиску до рекордната десетта титула. Меѓу производителите работите се далеку појасни. Со 420 бодови, Toyota е речиси недостижна. На Hyundai, кој има 274 бода, ќе му треба многу за да го надомести дефицитот од 146 бода. Следен настан е брзото рели во Естонија, кое се вози од 17 до 19 јули. • Љубомир Анастасовски

07/08.2026 | www.amsmklubmobiliti.mk

63

| СПОРТ

WRC – На средината од сезоната

ЗБОГУМ НА ЕДНА ВОЗБУДЛИВА ЕРА СО ЗАВРШУВАЊЕТО НА РЕЛИТО ВО ЈАПОНИЈА, ОД ИСТОРИЈАТА ЗАМИНУВА СПЕЦИФИКАЦИЈАТА ЗА АСФАЛТ НА АКТУЕЛНИТЕ РЕЛИ АВТОМОБИЛИ ОД ГРУПАТА RALLY1. ОВА СЕ НАЈМОЌНИТЕ И НАЈАГРЕСИВНИТЕ ИЗВЕДБИ НА ОВИЕ РЕЛИ „МАШИНИ“, КОИ ОСТАВИЈА СИЛЕН ВПЕЧАТОК СО СВОЈАТА БРЗИНА И АГРЕСИВЕН ИЗГЛЕД НА ПАТЕКАТА.

У

ште при најава на сезоната зборувавме дека годинешната сезона, која е последна со актуелните автомобили од категоријата Rally1, е посебна бидејќи е поделена на два дела. Односно, во втората половина од сезоната нема да имаме ниту еден настан што се вози на асфалт. Сите асфалтни настани се случија во првата половина, која заврши со релито на Јапонијa, рели кое досега бевме навикнати да го следиме кон крајот на сезоната, најчесто на есен. Јапонија беше седми од вкупно 14 настани, колку што се предвидени за годинешниот календар. Ваква поделба на сезоната се случува првпат во историјата на Светскиот шампионат во рели. За првпат втората половина ќе ја сочинуваат настани што се возат само на чакал. Втората половина почнува со екстремно грубиот настан, релито Акрополис во Грција, а по него следуваат најбрзите настани од сезоната, релито на Естонија и релито на Финска. Потоа караванот се сели во Јужна Америка, каде што се возат релито на Парагвај и релито на Чиле. Оттаму патот повторно води кон Исток. Поточно, Светскиот шампионат продолжува на Сардинија, каде што се вози релито на Италија, и завршува со релито на Саудиска Арабија. На разочарување на љубителите, релито на Јапонија беше последниот асфалтен настан за актуелните рели автомобили од групата Rally1, група што ќе престане да постои на крајот од оваа сезона.

64 07/08.2026 | www.amsmklubmobiliti.mk

Се чини тажно што, ете, вака на средина од сезоната се збогуваме со Rally1 спецификацијата за на асфалт. Факт е дека станува збор за најбесната и, на лик, најагресивната спецификација на овие лути машини. Спуштени до под, со начичкан аеродинамичен пакет од спојлери, дифузори и масивно задно крило, со огромни бандажи обуени во нископрофилни гуми и масивни сопирачки апарати, автомобилите од групата Rally1 се вистински монструми, или беа вистински монструми на асфалт. Интересно е што овие асфалтни монструми нема да им недостасуваат само на љубителите на релито, туку и на самите возачи. Секој од нив признава дека „шишкањето“ со Rally1 низ змијулестите планински патеки е незаборавно искуство. Искуство што станувало сè подобро со напредокот во развојот на оваа група. За многумина од возачите, да се натпреваруваш возејќи на лимит со Rally1 спецификацијата за на асфалт е најдобрата забава што некој може да ја доживее зад волан на еден автомобил. Едноставно, овие автомобили се најдоброто што може да постои. Многумина од возачите, барем оние што за првпат влегуваа во кокпитот на овој рели монструм, признаваа дека за нив тоа било застрашувачко искуство. Но, и покрај тоа, секој од нив, без исклучок, признава дека ќе му недостасуваат овие бесни машини. Уште повеќе ако се земе предвид фактот дека правилата драстично се

СПОРТ |

менуваат од 2007 година и дека следните автомобили, создадени според новата спецификација, нема да бидат толку возбудливи. Дури се поставува прашањето дали воопшто во Светскиот шампионат во рели ќе се врати една ваква ера, во која ќе беснеат толку моќни монструми со погон на четири тркала. Меѓутоа, без оглед што е: застрашувачка, возбудлива, бесна, супермоќна, суперагресивна или суперзабавна, спецификацијата за на асфалт на Rally1 повеќе ја нема. Затоа сè уште е присутна спецификацијата за на чакал, на која ѝ претстои живот од уште седум настани и со која ќе се одлучува за годинешната шампионска титула меѓу возачите. Титула што засега е завиткана во велот на неизвесноста и за која се надеваме дека ќе се одлучува како и лани, на последното рели, на последниот ден, на последниот брзински испит од сезоната. ОЖИЕ ЦЕЛИ КОН ДЕСЕТТА ТИТУЛА Кога сме веќе кај титулата меѓу возачите, првиот настан со кого се отвори втората половина од сезоната, релито Акрополис на Грција предочи еден важен момент, отворената најава на Себастијан Ожие дека ќе атакува на десеттата титула. Деветкратниот светски шампион призна дека во колку не победеше на Акрополис, шансите за освојување на десеттата титула ќе беа многу мали, поточно никакви. Факт е дека релито Акрополис на Грција, за Ожие, и за неговиот совозач Винсент Ландеј е пресвртната точка во сезоната. Во нивна полза е што на ова рели Ожие и Ландеј освоија сѐ што можеше да се освои. Покрај победата, беа најбрзи и на „Super Sunday“, како и на последниот брзински испит, „Wolf Power“. Така го освоија максималниот број на бодови од едно рели, вкупно 35, и ја скратија предноста на водечкиот во шампионатот, Елфин Еванс, од 61 на 37 бодови. За разлика од минатата година, кога по осум настани Ожие заостануваше 21 бод зад водечкиот во шампионатот От Танак и 20 бодови зад второпласираниот Елфин Еванс, годинава разликата е многу поголема. Меѓутоа, искусниот лисец е полн со оптимизам и, што е уште поважно, најави дека е можно да вози на поголем број на настани од првично предвидените 10 за оваа сезона. Секако, како и лани, доколку работите тргнат во негова полза, Ожие нема туку-таму лесно да се откаже од потерата по рекордна десетта титула. Нормално, бидејќи ако ја освои, ќе ја „скине“ врвката што го држи врзан за Себастијан Леб и ќе биде најдобриот на сите времиња. Затоа приказната за скратена програма, кога во игра е толку голем влог, не држи вода.

Според распоредот, Ожие не треба да вози на настаните во Јужна Америка: релито на Перу и релито на Чиле. Но, лани победи на двата настана и токму таму ја стекна најголемата предност во завршницата од сезоната, трасирајќи го патот до титулата. Се чини дека овие два настани му лежат, па зошто повторно не би возел на нив? ТАКТИКА ЗА ОДБРАНА Што му треба на Еванс за да се одбрани од налетот на Ожие? Победа на релито во Естонија и релито во Финска. Факт е дека овие два брзи настани, кои се следни на репертоарот, му лежат на Еванс, но не и на Ожие. Еванс досега бил прилично брз и бележел добри резултати на двата прибалтички настани, додека за Ожие тие не се специјалност. Воедно, ниту Естонија ниту Финска не се погубни за првиот што стартува, како што се, на пример, преостанатите во календарот. Затоа Еванс треба да примени добра тактика или да смени нешто во однос на минатогодишната, доколку сака да се одбрани од налетот на Ожие. Можеби годинава тоа и ќе му успее. Можеби конечно ќе се закити со титула. А можеби и ќе се потврди општото мислење дека Велшанецот едноставно не е создаден од шампионски калибар. Без оглед на исходот на крајот од сезоната, едно е сигурно: преостанатиот дел ќе ни приреди големи возбудувања и ќе нè држи во неизвесност сè до самата завршница. Ништо помалку не треба да се очекува од сезона во која за последен пат ќе ги следиме монструмите од групата Rally1 во акција и на крај ќе се збогуваме со нив засекогаш. Можеби разделбата ќе биде тажна, но и еден од фактите на животот е дека сè што е добро, кратко трае.

• Љубомир Анастасовски

07/08.2026 | www.amsmklubmobiliti.mk

65

| АМСМ

БОНУС ПРОГРАМА ЗА АМСМ ЧЛЕНОВИ

ВАШАТА ЛОЈАЛНОСТ ВИ НОСИ ПОПУСТ АМСМ ја наградува лојалноста на своите членови. За сите физички лица кои редовно и во континуитет ја обновуваат својата Classic или Europe Premium членска картичка, достапна е „Бонус програма“ со попуст при обнова. Оваа поволност е наменета за членовите кои навремено го продолжуваат своето членство и во претходниот членски период не користеле услуга за помош на пат и шлепување. За користење на „Бонус програмата“ потребно е да бидат исполнети следните услови: - обновата на членската картичка да се направи најдоцна во рок од 30 дена од датумот на истек на претходната картичка; - во претходниот членски период да не е искористена услуга за помош на пат и шлепување. Доколку ги исполнувате условите, добивате попуст на редовната цена на членската картичка. Попустот се зголемува со секоја следна континуирана обнова: - 10% попуст при обнова втора година по ред; - 15% попуст при обнова трета година по ред; - 20% попуст при обнова четврта година по ред; - 25% попуст при обнова петта година по ред; - 30% попуст при обнова повеќе од 5 години во континуитет.

66 07/08.2026 | www.amsmklubmobiliti.mk

Бонус програмата може да се искористи при обнова на АМСМ членската картичка во просториите на АМСМ, односно во АМСМ станиците за технички преглед во Скопје - Центар и Чаир, Велес и Кичево, како и во сите авто-мото друштва низ земјата. Повеќе информации: 02/3181-108

НИЗ ЕВРОПА ВОЗИ БЕЗ НЕРВОЗИ!

БЕСПЛАТНА ПОМОШ НА ПАТ ВО ЗЕМЈАТА И ВО ЕВРОПА ПОДАРОК ПАТНИЧКО ОСИГУРУВАЊЕ

www.amsm.mk

02/3181-108 07/08.2026 | www.amsmklubmobiliti.mk

67

НАЈДОБРА ИНВЕСТИЦИЈА ЗА ВАШИОТ АВТОМОБИЛ! КАСКО ОСИГУРУВАЊЕТО ПОКРИВА ШТЕТИ НАСТАНАТИ ПОРАДИ УНИШТУВАЊЕ, ОШТЕТУВАЊЕ ИЛИ КРАЖБА НА ВАШЕТО ВОЗИЛО. *Полиси достапни од сите осигурителни компании.

02/3181-402 68 07/08.2026 | www.amsmklubmobiliti.mk

www.mobilitybroker.com.mk