АМСМ Клуб Мобилити - Мај 2025

ЧЛЕНСКО СПИСАНИЕ | МАЈ 2025 БР. 106

Светско првенство во Формула 1

ИСТОРИЈАТА СЕ (ПРЕ)ПИШУВА

www.amsmklubmobiliti.mk

Островот Гозо (Малта)

НЕОСКВЕРНЕТ, ИНСПИРАТИВЕН... И СВЕТ

Тест Alfa Romeo Junior Ibrida Speciale 1.2 136 КС eDCT 6

ТЕМПЕРАМЕНТ ВО КОМПАКТНО СУВ ПАКУВАЊЕ 05.2025 | www.amsmklubmobiliti.mk

1

2

05.2025 | www.amsmklubmobiliti.mk

ВОВЕД

ВОЗАЧИТЕ – НАЈОДГОВОРНИ УЧЕСНИЦИ ВО СООБРАЌАЈОТ

АМСМ КЛУБ МОБИЛИТИ Членско списание ИЗДАВАЧ: АВТО-МОТО СОЈУЗ НА МАКЕДОНИЈА ул. „Митрополит Т. Гологанов“ бр. 51 1000 Скопје Република Македонија Тел: 02/ 3181-181 Факс: 02/ 3181-119 amsm@amsm.com.mk www.amsm.mk ГЛАВЕН И ОДГОВОРЕН УРЕДНИК: Маргита Поповска ГРАФИЧКИ ДИЗАЈН: Мартина Поповска РЕДАКЦИЈА: ул. „Митрополит Т. Гологанов“ бр. 51 1000 Скопје Република Македонија Тел: 02/ 3181-351 Факс: 02/ 3181-349 redakcija@amsm.com.mk www.amsmklubmobiliti.mk

ИЗДАВАЧКИ СОВЕТ: проф. д-р Спасе Јовковски (претседател) Сиљан Аврамовски (член) Калинка Танеска (член) Јован Теговски (член) Миле Атанасов (член) Димитар Пендов Митко Смилков

НАДВОРЕШНИ СОРАБОТНИЦИ: Жарко Атанасоски Љубомир Анастасовски Данчо Здравковски Андријан Трипунов Александар Табаковски Игор Ландсберг

ЛЕКТОР: Силвана Блажева

ТИРАЖ: 10.000 примероци

Возачите се најодговорните учесници во сообраќајот, и за тоа нема сомнеж. Сообраќајните правила и прописи се така поставени што секој што управува со возило мора да биде свесен дека при неправилно возење или нивно прекршување може да го загрози сопствениот живот или животите на другите учесници во сообраќајот. Но, правилното возење не значи само познавање на правилата или брзи рефлекси. Тоа подразбира и соодветно однесување во сообраќајот. Поголема меѓусебна толеранција и солидарност директно придонесува кон побезбедна и попријатна сообраќајна средина. Но, без разлика дали сте возач или пешак, кога учествувате во сообраќајот, задолжително почитувајте ги правилата и приспособете се на фактичката состојба на патот. Зголемениот број на членови во АМСМ укажува на растечкиот интерес на возачите и сопствениците на возила за членство. Тие веруваат дека преку членството можат не само да ги задоволат сопствените интереси и потреби, туку и да придонесат кон општата безбедност во сообраќајот. Правата на членовите на АМСМ се дизајнирани да ги задоволат нивните интереси, но и да обезбедат сигурност при патувањето. Во контекст на ова месец мај го одбележуваме како месец на АМСМ семејно членство. Со АМСМ семејното членство добивате сигурност и поддршка за сите членови на вашето домаќинство. Изберете безгрижно патување за сите – изберете АМСМ Семејно Членство (стр. 50). Летото е период кога автомобилите се изложени на високи температури, долги патувања и интензивна употреба. Затоа, навремена и темелна проверка на вашето возило е клучна за безбедно и безгрижно патувања. АМСМ ја започнува летната акција за бесплатна проверка на возила, која ќе трае од 15 мај до 30 јуни и вклучува низа корисни услуги. Јавете се навреме, закажете го терминот и спокојно дочекајте го летото. Следниот број на АМСМ Клуб Мобилити очекувајте го во јуни 2025 гoдина во електронска верзија на вашата е-адреса и нашата веб страница www.amsmklubmobiliti.mk

ПЕЧАТИ: Печатница „Серафимовски“ - Скопје

Маргита ПОПОВСКА главен и одговорен уредник

БАНКА: Комерцијална Банка А.Д. Скопје ЖИРО-СМЕТКА: 300000000915716 ЕДИНСТВЕН ДАНОЧЕН БРОЈ: 4030991238264 ISSN 1857-6133

© Сите права се заштитени. Овој труд не смее да биде преведен или копиран во целина или негов дел без дозвола на издавачот. Забрането е било какво складирање и архивирање, електронско прилагодување, компјутерско програмирање или користење со некоја слична или различна технологија позната до денес или која ќе се развие во иднина.

Почитувани членови на АМСМ, Ве повикуваме на нашата е-маил адреса redakcija@amsm.com.mk да ни ги испратите своите е-маил адреси за да можеме да ви го доставиме интернет-изданието на списанието „АМСМ Клуб Мобилити“.

05.2025 | www.amsmklubmobiliti.mk

3

ТЕХНИЧКИ ПРЕГЛЕД

ИЗВАДЕТЕ МЕЃУНАРОДНИ ДОКУМЕНТИ Меѓународна возачка дозвола ∙ Одобрение за управување со туѓо моторно возило Патничко осигурување ∙ Зелен картон ∙ АМСМ членски картички

4

02/3181-181

05.2025 | www.amsmklubmobiliti.mk

www.amsm.mk

HI-TECH

НОВОСТИ 7 УБАВИНАТА НА ДИЗАЈНОТ ОД „НОВАТА КЛАСА“ СТАСА ТРКАЧКАТА „М2“

34 ЕЗЕРСКА УБАВИНА И ТИШИНА

26 СТИЛ 26 СТО ГОДИНИ ВО ЗНАКОТ НА ЛУКСУЗОТ

7

34

АВТО-МОТО

ИСТОРИЈА 36 СЕДУМ ДЕЦЕНИИ НА АЛПИНЕ

10 ТЕМПЕРАМЕНТ ВО КОМПАКТНО СУВ ПАКУВАЊЕ

28 ПАТУВАЊЕ 28 НЕОСКВЕРНЕТ, ИНСПИРАТИВЕН, АВТЕНТИЧЕН И СВЕТ...

10

36

ТЕСТОВИ И СОВЕТИ

СПОРТ 41 ЗАВЕРКА НА ЗРЕЛОСТА

24 КУПУВАЊЕ АВТОМОБИЛ НА СТАРО

48

44 БЛЕСКАВА ДОМИНАЦИЈА НА РОВАНПЕРА И ТОЈОТА

05.2025 | www.amsmklubmobiliti.mk

5

| ОТА

СООБРАЌАЈНИ ПРАВИЛА ВО ЕВРОПА АЛБАНИЈА

ЦРНА ГОРА

УПОТРЕБА НА МОБИЛЕН ТЕЛЕФОН Забранетa e употреба на мобилен телефон, казна 1.000 до 4.000 АЛЛ.

УПОТРЕБА НА МОБИЛЕН ТЕЛЕФОН Забранета е употребата на мобилен телефон, казна 60-150 евра. Дозволена е употребата на HANDS FREE.

ДОЗВОЛЕНО КОЛИЧЕСТВО АЛКОХОЛ Возење под влијание на алкохол е најстрого забрането. Дозволено ниво е 0.01 %.

БУГАРИЈА УПОТРЕБА НА МОБИЛЕН ТЕЛЕФОН За време на возење во Бугарија е забранета употребата на мобилен телефон. Дозволена е употребата на HANDS FREE. Казна 25 ЕУР.

ТУРЦИЈА

ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,05%.

УПОТРЕБА НА МОБИЛЕН ТЕЛЕФОН За време на возење во Турција е забранета употребата на мобилен телефон. Дозволена е употребата на HANDS FREE.

ГРЦИЈА

ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,05%. Лимитот од 0.05% се однесува само за возачи на патнички возила без приколки и камп приколки. За возачи на други возила лимитот е 0%.

УПОТРЕБА НА МОБИЛЕН ТЕЛЕФОН За време на возење во Грција е забранета употребата на мобилен телефон. Казна до 100 ЕУР. ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,05%. За нови возачи (дозвола до 2 години), моторцилкисти и возачи на комерцијални возила 0,02% - казна од 78 до 1.200 евра.

СРБИЈА УПОТРЕБА НА МОБИЛЕН ТЕЛЕФОН Употреба на мобилен телефон: забрането (казна 50 евра). Дозволена е употребата на HANDS FREE. ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,03%. За професионални возачи е 0% з, но доколку медицинското испитување укаже на нарушени нормални функции, возачот може да се казни без оглед на нивото на алкохол. во крвта.

БОСНА И ХЕРЦЕГОВИНА УПОТРЕБА НА МОБИЛЕН ТЕЛЕФОН За време на возење во БИХ е забранета употребата на мобилен телефон. Дозволена е употребата на HANDS FREE. Казна 100 до 300 БАМ. ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,03%. За млади возачи и професионални 0,00%, казна 50 – 1.000 БАМ.

СЛОВЕНИЈА УПОТРЕБА НА МОБИЛЕН ТЕЛЕФОН За време на возење во Словенија е забранета употребата на мобилен телефон. Дозволена е употребата на HANDS FREE, казна 120 евра. ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,05% (казна 600-1.200 евра). За професионални возачи, нови возачи (до 2 години искуство) и лица до 21 година – 0%.

6

ДОЗВОЛЕНО КОЛИЧЕСТВО АЛКОХОЛ Дозволено количество на алкохол во крвта е 0,03%, но доколку медицинското испитување укаже на нарушени нормални функции, возачот може да се казни без оглед на нивото на алкохол во крвта.

05.2025 | www.amsmklubmobiliti.mk

СЕВЕРНА МАКЕДОНИЈА УПОТРЕБА НА МОБИЛЕН ТЕЛЕФОН Возачот на моторно возило, за време на управувањето со возилото не смее да користи мобилен телефон, ниту други уреди, на начин кој би ја намалил можноста за реагирање и сигурно управување со моторното возило. Мобилен телефон и други уреди можат да се користат за време на управување со моторно возило, ако притоа се употребува направа која овозможува нивно користење без употреба на раце. ДОЗВОЛЕНО КОЛИЧЕСТВО АЛКОХОЛ Возачот не смее да управува со возило во сообраќајот на патот, ниту да започне да управува со возило ако е под дејство на алкохол. Ќе се смета дека е под дејство на алкохол лицето за кое со анализа на крвта или на крвта и урината или со друг метод за мерење на количеството на алкохол во организмот, ќе се утврди дека содржината на алкохолот во крвта изнесува повеќе од 0.50 g/kg или ако присуството на алкохол во организмот е утврдено со соодветни средства или со апарати за мерење на алкохолизираноста (алкометар и друго), што одговара на количества поголеми од 0.50 g/kg или кај кое без оглед на содржината на алкохол во крвта, со стручен преглед ќе се утврди дека покажува знаци на алкохолна растроеност.

НОВОСТИ |

BMW VISION NEUE KLASS

УБАВИНАТА НА ДИЗАЈНОТ ОД „НОВАТА КЛАСА“

К

ога зборуваме за автомобилската индустрија, таа денес се наоѓа на крстопат со намера да продолжи во насока на целосно електрифицирање. Попатно се јавуваат некои пречки од најразлична природа, но насоката е веќе одбрана и како што велат тие нема враќање назад, односно сакаат целосно да ги истиснат моторите со внатрешно согорување. На ИАА мобилити шоу одржан во Минхен есента во 2023 год. БМВ го претстави концептот „вижн ное класе“, електрифицирана компактна лимузина за новото време кое доаѓа. Намерата на БМВ е да го продолжи делото на легендарниот модел „3“, поточно да го внесе во новото време. Дизајнот на концептот открива дека производителот полага големо внимание на „тројката“, всушност тој концепт е продолжение, предвесник на новата „тројка“. Ваков сличен потег светот виде во минатиот век кога БМВ за првпат во 1961 година ја претстави филозофијата наречена „нова класа“ (ное класе), а денес повторно се враќа на неа, но во поинакво издание, електрично. Дел од финансиската цврстина на производителот најмногу потекнува од лимузината „бмв 3“. Големи 30 отсто од продажбата ги остварува спомнатиот модел, затоа одговорните толку многу внимаваат на него. Неговата висост „бмв 3“ беше прикажан минатиот месец во Шангај, но во новото издание „вижн ное класе“. Тоа ново издание, електрично, од моделот „3“, беше изложено и во Шангај, главниот на БМВ, Оливер Ципше, лично го опиша концептот „вижн ное класе“ како модел кој треба да внесе друга димензија и прогресија во секој поглед, почнувајќи од дизајнот и сè до удобноста, до управливоста која сега мора да биде уште подинамична и попрецизна.

Штом БМВ толку многу го промовира концептот „вижн ное класе“, тоа значи дека производителот е подготвен да го внесе во сериско производство. Ќе биде многу занимливо да се следи тој пат и да видиме што точно БМВ подготвува - дали дизајнот ќе биде тој од концептот или повторно по којзнае кој пат ќе отстапува („шема“ која за жал ја употребуваат сите производители). Ако отстапува ќе изгуби од привлечноста и посебноста. Сепак да почекаме, а потоа ќе го коментираме најновото издание од најпопуларниот модел на сите времиња во семејството БМВ. •

BMW M2 RACING

СТАСА ТРКАЧКАТА „М 2“

Е

ве ја „двојката“ во своето природно руво. И тоа обичното, туристичкото, руво е во согласност со особините на марката, но сепак ова со име „м 2 рејсинг“ е тоа вистинското. Сепак ова најновово руво „м 2 рејсинг“ има една маана - не е употребливо за на обичен пат, туку е наменето исклучиво за тркачките патеки. Можеби подоцна ќе претстават изведба наречена „група н“ која ќе може да се вози и на обични патишта. Тоа се само желби, а БМВ не исполнува желби, туку гради „политика“ која треба да го однесе новото тркачко возило до врвот на пиедесталот по секоја извозена трка. Автоматски менувач со седум преноси од познатиот производител ЗФ, турбо мотор со четири цилиндри во линија и ограничена брзина на 270 км/ч. Туристичката изведба „м 2“ има мотор со шест цилиндри, а зошто производителот се одлучил на ваква рокада, засега нема одговор. Најверојатно моторот со четири цилиндри е полесен, а е исто толку моќен како и тој со шест цилиндри, но е вграден бидејќи е полесен. Во возилата наменети за трки важи едно и единствено правило, колку полесно толку подобро. Тркачкиот мотор со зафатнина од 2,0 л, располага со 313 КС и максимален вртежен момент од 420 Нм. Интересно е тоа што има клима уред, а вообичаено има самоблокирачки диференцијал (класика), сопирачки од домашно производство („бмв м“), безбедносен кафез за возачот според правилникот од ФИА, ограничувач на брзината за возење во линијата на боксовите, вградени воздушни дигалки за да не трчаат механичарите со дигалките околу автомобилот, фиксни амортизери од марката, тркачки седишта од марката Сабелт, а одзади е неизбежниот спојлер. За оваа „играчка“ ќе треба да платите скоро 100.000 евра, но само ако имате регистрирано тркачки тим, во спротивно ништо од купувањето. •

05.2025 | www.amsmklubmobiliti.mk

7

Додадете член од вашето семејство и патувајте безгрижно!

50% попуст на семејна картичка, за само 245 ден. или 445 ден во зависност од пакетот. Акција до 31.05.2025.

www.amsm.mk

8

05.2025 | www.amsmklubmobiliti.mk

02/3181-108

НОВОСТИ |

ЗЛАТНО ТРКАЛО 2025

ОФИЦИЈАЛНО ДОДЕЛЕНИ НАГРАДИ ЗА НАЈДОБРИТЕ

В

о свечена атмосфера на гала настанот кој се одржа на 16.04.2025, беа доделени наградите од шестото издание на Изборот за Најпосакуван Автомобил во Македонија – „Златно Тркало“ за 2025 година. Настанот повторно ги собра клучните актери од автомобилскиот свет и потврди дека оваа иницијатива станува сè посериозна традиција на македонската автомобилска сцена. Церемонијата на доделување, како и секоја година, претставуваше собир на автомобилски ентузијасти, новинари и професионалци од индустријата, кои ја прославија оваа манифестација што прераснува во вистинска автомобилска традиција кај нас. Наградите беа врачени од организаторите, а нивните добитници беа претставници на официјалните увозници на автомобилските брендови. По завршувањето на гласањето, беа објавени победниците во следните категории за 2025: Cupra Formentor – Најпосакуван Автомобил во Македонија (39% од гласовите) Audi A5 – Најпосакуван Премиум Автомобил (35% од гласовите) Opel Grandland – Најпосакуван Семеен Автомобил (27% од гласовите) Geely Coolray – Најпосакуван Градски Автомобил (24% од гласовите) Peugeot 3008 – Најпосакуван Електрифициран Автомобил (30% од гласовите) Наградите им беа врачени на претставниците на официјалните увозници за секој од брендовите победници, во рамки на официјалната церемонија. Оваа година специјалното признание Златно Тркало – за Особен придонес во промоциjа на Македониjа за личност која оставила трага во автомобилската индустрија во светот замина во рацете на Филип Аначковски кој повеќе години е дел од тимот на Rimac Automobili и е одговорен за производство на хиперавтомобили во Bugatti Rimac.

Златно Тркало претставува уникатен начин за избор на најпосакуваниот автомобил преку директно гласање на јавноста. Организирано од Авто Плус, најстариот автомобилски медиум во земјата, со поддршка од CARClub, Cars by Vik, RPM и БизнисИнфо, изборот секоја година добива сè поголем интерес и учество. Гласањето се одвиваше од 15 март до 4 април преку официјалната платформа

www.zlatnotrkalo.mk, каде што публиката имаше можност да гласа за својот фаворит во пет категории. Годинава беа собрани рекордни 30.630 гласови. Со повеќе од 30.000 гласови и силна поддршка од публиката, ова шесто издание на Златно Тркало уште еднаш покажа дека постои сериозен интерес за изборот кај македонската публика. Комбинацијата од јавен глас, професионална презентација и дигитална видливост ја позиционира манифестацијата како водечка во авто-индустријата во земјата. Со сè поголем интерес од публиката, како и растечки број на поддржувачи, Златно Тркало станува референтна точка за вкусот и преференците на домашните купувачи. Изборот не само што го мери пулсот на автомобилскиот пазар во Македонија, туку и нуди вредна перспектива за тоа кои брендови и модели навистина оставаат впечаток кај публиката. •

05.2025 | www.amsmklubmobiliti.mk

9

| АВТО-МОТО

Тест Alfa Romeo Junior Ibrida Speciale 1.2 136 КС eDCT 6

ТЕМПЕРАМЕНТ ВО КОМПАКТНО СУВ ПАКУВАЊЕ СО ПРЕПОЗНАТЛИВИТЕ ДИЗАЈНЕРСКИ ЕЛЕМЕНТИ КОИ СЕ СВОЕВИДЕН ЗАШТИТЕН ЗНАК НА ALFA ROMEO И СОВРЕМЕНАТА ХИБРИДНА ТЕХНОЛОГИЈА, НОВИОТ МАЛ СУВ, JUNIOR ВЕТУВА НОВА ЕРА ЗА БРЕНДОТ, КАДЕ ШТО ТРАДИЦИЈАТА И ИДНИНАТА СОВРШЕНО СЕ НАДОПОЛНУВААТ.

П

EМОЦИИТЕ НА ПРВО МЕСТО

рвиот впечаток што го остава Junior е беспрекорно обликуваниот преден дел, кој веднаш открива дека станува збор за вистинска Alfa Romeo. Централно поставената „Scudetto" маска на ладилникот, изведена во препознатлив стил, претставува еволуција на дизајнерскиот јазик на брендот. Дополнително, тенките LED групи со уникатен светлосен потпис одаваат омаж на легендарните модели, додавајќи доза на ретро елеганција во модерен контекст. Гледано од страна, Junior ги комбинира спортските пропорции на хечбек со самоуверениот став на СУВ возило. Издолжената хауба и наваленото ветробранско стакло создаваат силен впечаток на движење. Линиите што се протегаат од предниот до задниот

10 05.2025 | www.amsmklubmobiliti.mk

дел се внимателно обликувани за да создадат чувство на непрекината динамика. Каросеријата има нагласени крила кои му даваат широк и стабилен став, додека црните заштитни облоги околу тркалата додаваат доза на робусност. Рачките на вратите се дискретно интегрирани во целината, предните се поставени ниско на вратите, додека задните се сокриени во Ц-столбот, потсетувајќи на модел 156. Тесттираниот модел доаѓа со фелни од 18 инчи, кои црпат инспирација од класичниот и препознатлив изглед за марката што делува визуелно многу впечатливо. Задниот дел создава слика како вистинска уметничка композиција, која е направена за да импресионира. Доминираат тенките, но експресивни ЛЕД задни светла со контури кои визуелно ја прошируваат силуетата на возилото, а во централниот дел од вратата од багажникот гордо стои натписот Alfa Romeo. Двојните издувни цевки се видливи со цел да се нагласи спортскиот дух на возилото. Задниот прозорец е динамично закосен, а спојлерот поставен на врвот ја закружува агресивна нота. Моделот Junior со својот надворешен изглед успева да ја спои италијанската елеганција со спортскиот дух, нудејќи дизајн кој е истовремено агресивен и софистициран.

АВТО-МОТО |

ДИНАМИЧЕН ДУХ И МИЛАНСКА ЕЛЕГАНЦИЈА

Како што и се очекува од Alfa Romeo, ентериерот на Junior е фокусиран кон возачот, комбинирајќи спортска атмосфера со модерна технологија. Дизајнерите на брендот успеале да создадат кокпит што потсетува на славните спортски модели, но со иновативни решенија кои го прават секојдневното возење уживање. Штом се седне зад управувачот, веднаш станува јасно дека Junior е вистински претставник на брендот. Централната конзола и командите се насочени кон возачот, создавајќи чувство како да сте зад управувач на спортско купе. Инструмент-таблата го носи препознатливиот „Cannocchiale“ дизајн, вдлабнат дигитален дисплеј што го имитира изгледот на аналогните брзиномери од славните модели од минатото. Дигиталниот 10,25-инчен инструмент-кластер нуди различни режими на приказ, со можност за класичен изглед инспириран од традиционалните инструменти или модерна поставка со минималистички графики. Воланот е компактно обликуван, со рамен долен дел што додава тркачки дух во секојдневното возење, особено ако се земе предвид дека на позадината се сместени лопатки за менување брзини како уште еден потсетник на тркачкото наследство на брендот. На средината на контролната табла

се наоѓа 10,25-инчниот мултимедијален екран, кој поддржува најнови инфозабавни технологии, вклучувајќи безжичен Apple CarPlay и Android Auto. Интерфејсот е брз и интуитивен, а графиката е дизајнирана да се вклопи во естетиката. Под мултимедијалниот дисплеј, физичките копчиња за клима уредот се поставени ергономски, со што се задржува класичното чувство на управување без потреба од пребарување низ менито на екранот. Централната конзола покрај копчето за стартување и малиот автоматски менувач содржи контролер за избор на режим на возење DNA (Dynamic, Natural, Advanced Efficiency), кој овозможува брзо прилагодување на карактеристиките на возилото. Тимот од Alfa Romeo се погрижил внатрешноста да биде комбинација на елеганција и функционалност. Седиштата се ергономски обликувани и нудат одлична странична потпора. Задниот ред седишта нуди пристоен простор за патниците, а благодарение на паметното обликување на каросеријата, просторот за главата и нозете е подобар од очекуваното за модел во оваа класа. Во компактна средина изведен е багажен простор со солидни габарити кој може да собере 415 литри. Внатрешноста на Junior е хармонична мешавина од спортски дух и италијанска елеганција. Секој детаљ е внимателно дизајниран за да го подобри искуството зад воланот, додека врвната технологија и возачки ориентираниот кокпит го прават овој модел вистински наследник на Alfa Romeo филозофијата, автомобили кои не само што изгледаат убаво, туку и предизвикуваат емоции.

05.2025 | www.amsmklubmobiliti.mk

11

| АВТО-МОТО

ТЕХНИЧКИ КАРАКТЕРИСТИКИ НА ВОЗИЛОТО

СПОРТСКА ДУША ВО ХИБРИДНА ФОРМА

Моделот Junior Ibrida го комбинира најдоброто од двата света, динамиката и страста што се очекуваат од италијански спортски бренд, со ефикасноста и современата технологија на хибридниот погон. Оваа погонска конфигурација не само што обезбедува економично возење, туку и го задржува препознатливото „Alfa“ искуство зад воланот. Под предниот поклопец се наоѓа 1.2-литарски трицилиндарски турбобензински мотор, кој работи во синергија со 48 волтен благ хибриден систем (MHEV). Хибридниот погон користи електромотор со 28 КС и батерија со мала тежина, што овозможува електрична поддршка при забрзување, тргнување од место и маневрирање при ниски брзини. Склопот продуцира 136 КС и 230 Нм вртежен момент, а силата ја пренесува кон предната оска со одлично усогласен 6 брзински автоматски (DCT) менувач со двојна спојка, кој беспрекорно го користи балансот помеѓу ефикасност и динамика. Хибридната технологија на Junior Ibrida е дизајнирана да работи во неколку режими, овозможувајќи интелигентно искористување на електричната енергија со што овој

12 05.2025 | www.amsmklubmobiliti.mk

МОТОР:

ТРИЦИЛИНДРИЧЕН ТУРБО БЕНЗИНЕЦ

ЗАФАТНИНА:

1.199CM3

МОЌНОСТ НА ЕЛ. МОТОР:

28 КС при 750 врт/мин

ВКУПНА МОЌ НА ХИБРИДЕН СИСТЕМ:

136 КС ПРИ 5.500 ВРТ/МИН

КАПАЦИТЕТ НА БАТЕРИЈА:

0,89 KWH

МЕНУВАЧ:

6 СТЕПЕН АВТОМАТСКИ МЕНУВАЧ

ПОГОН:

НА ПРЕДНИТЕ ТРКАЛА

ПОТПИРАЊЕ НА ТРКАЛА:

НАПРЕД: MC PHERSON НАЗАД: ТОРЗИОНА ОСКА

СОПИРАЧКИ:

НАПРЕД: ВЕНТИЛИРАЧКИ ДИСКОВИ НАЗАД: ДИСКОВИ

ГУМИ:

НАПРЕД: 215/55 R18, ПОЗАДИ: 215/55 R18

МАСА НА ВОЗИЛОТО:

1.305 КГ.

ДИМЕНЗИИ: Д/Ш/В:

4173Х1781Х1539 ММ

ЗАБРЗУВАЊЕ ОД 0 ДО 100 КМ/Ч:

8,9 СЕКУНДИ

ПРОСЕЧНА ПОТРОШУВАЧКА:

5.2 Л/100 КМ

МАКСИМАЛНА БРЗИНА:

206 КМ/Ч

ЦЕНА НА ТЕСТИРАНИОТ МОДЕЛ:

36.400 ЕВРА

систем значително ја намалува потрошувачката на гориво, која во нашиот случај во просек изнесуваше 6,5 л/100 км. без притоа да влијае на спортскиот карактер на возилото. И покрај тоа што Junior Ibrida е компактен СУВ, возењето е речиси на спортско ниво, благодарение на калибрираната шасија и прецизното управување. Инженерите на Alfa Romeo вложиле напор да го задржат препознатливото чувство без разлика дали се вози низ град или на отворен пат, карактеристично за модели на брендот кое обезбедува одлична повратна информација и агилност во свиоци. Суспензија со напредна геометрија овозможува стабилност при високи брзини и комфор при секојдневно возење. Спортскиот дух како суштински дел од карактерот му овозможува на Junior да се однесува далеку подинамично од конкуренцијата. Со моделот Junior, Alfa Romeo влегува во сегментот на компактни СУВ модели без притоа да ја жртвува својата страст за дизајн, спортскиот карактер и препознатливата возачка динамика, трите столба кои се своевиден заштитен знак на миланската марка уште од нејзиното основање во далечната 1910 година. • Данчо Здравковски

05.2025 | www.amsmklubmobiliti.mk

13

| АВТО-МОТО

Претставуваме MERCEDES-AMG PURESPEED

СОЗДАДЕН ОД ТРКАЧИ, НАМЕНЕТ ЗА ЕНТУЗИЈАСТИ РАДИКАЛНИОТ, ЦЕЛОСНО ОТВОРЕН MERCEDES-AMG PURESPEED, „ПРШТИ“ ОД МОЌ И УДИРА БРУТАЛНО, НУДЕЈЌИ, ПРЕКУ БЕСНИ ПЕРФОРМАНСИ, ЕДИНСТВЕНО ВОЗАЧКО ДОЖИВУВАЊЕ КОЕ Е НА ГРАНИЦА МЕЃУ ЗАБАВА И ЖЕЛБА ЗА ДИВЕЕЊЕ.

П

очисто доживување на брзината, од кога сме на отворено, директно изложени на природните сили, не може да има. Тоа многу добро го знаат чудотворците од одгледувачницата на змееви од Афалтербах. Ним им се обраќа Mercedes секогаш кога сака да создаде нешто посебно. Има и зошто. Инженерите на AMG се вистински чудотворци кои успеваат доброто да го направат извонредно, а посебното да го претворат во магично. Во овие зборови без двојби се пронаоѓа и PureSpeed. Спидстер во вистинска смисла на зборот. Создаден од тркачи, а наменет за ентузијасти. Приказната почнува од намерата на Mercedes да создаде нова линија модели под името Mythos. Серијата Mythos ќе вклучува лимитирани серии од специјални едиции кои треба да одушевуваат со својот уникатен концепт, впечатлив дизајн и брутални перформанси. Идејата оди на обработка кај специјалистите од AMG со краен резултат кој соборува од нога и мами воздишки.

14 05.2025 | www.amsmklubmobiliti.mk

ПРВЕНЕЦ НА СЕРИЈАТА MYTHOS Mercedes-AMG PureSpeed, првенец на серијата Mythos, доаѓа како круна со која се слави долгата традиција на Mercedes врзана со светот на мотоспортот. PureSpeed им оддава признание на легендарните тркачки автомобили на производителот од Штудгарт. Посебно на извонредниот 300 SLR, со кого, великанот меѓу тркачите Сер Стирлинг Мос и Денис Џенкинсон во 1955 година победија на легендарната трка Миле Милја, или, 1000 милји, која се возела низ Италија. Во чест на Сер Стирлинг Мос, во 2009 година, Mercedes и McLaren го создадоа спидстерот Mercedes-Benz McLaren SLR Stirling Moss. Ретка ѕверка изработена во само 75 примероци. Денес призвукот на минатото доаѓа во форма на PureSpeed. Отворениот кокпит, двете грпки зад седиштата и ниската силуета се дел од заедничките елементи на 300 SLR, McLaren SLR и PureSpeed. Врска со традицијата има и ексклузивниот начин на комбинирање на боите чија нијанса од Ле Ман црвена преоѓа во графит сива украсена со препознатливиот црн симбол на AMG. Причината за овој избор на нијанси се сокрива во длабочините на рамно еден век. Боите оддаваат признание на тркачот на Mercedes кој победил на трката Тарга Флорио на Сицилија пред точно 100 години. Во тоа време црвената боја традиционално ја носеле италијанските тркачки автомобили, додека германските биле препознатливи по белата боја. Но, Mercedes намерно се одлучил за црвена за да се спаси од опструкциите кои ги правеле италијанските навивачи наредени долж рутата. Планот успеал и Mercedes со број 10 победил. Затоа и спортскиот пакет на PureSpeed го носи бројот 10 на предно крило.

АВТО-МОТО |

СПИДСТЕР СО УНИКАТНА ЗАШТИТА PureSpeed е изграден врз спортската платформа на AMG, но носи дополнителни зајакнувања за да се постигне максимална цврстина која, пак, е основа за прецизна возна динамика. Со паметно комбинирање на материјали како алуминиум, магнезиум, карбонфибер и легиран челик инженерите успеале значително да ја намалат тежината. Елементот што го прави PureSpeed посебен е долгиот лак раширен преку кабината. Неговата функција е слична на онаа на HALO заштитата во болидите на Формула 1. Лакот ги штити патниците при незгода, но и дополнително обезбедува крутост на шасијата. Воедно личи фантастично одвојувајќи го PureSpeed од сè останато на четири тркала што се движи по улица. Во отворениот кокпит возачот и совозачот се целосно изложени на природните сили. Два мали дефлектори одвоени со централниот лак го пренасочуваат воздухот над нивните глави, но само при брзини дозволени за во град. За сè што е побрзо од тоа потребни се кациги. И нив ги обезбедува AMG. Имаат интерком кој дозволува меѓусебен разговор, врска со мултимедијалниот систем и мобилниот телефон. Врвните слушалки во кацигите го пренесуваат и звукот од 3D сараунд системот на аудио специјалистот Burmester. Моќните 1.170 вати преку 15 звучници распоредени низ кабината овозможуваат единствено звучно доживување слично како во концертен амфитеатар на отворено. ЗА ПОЛН ЗВУЧЕН ЕФЕКТ Иако моќно, аудиото на PureSpeed паѓа во сенка кога ќе збревта навиениот од AMG 4.0 литарски V8 битурбо. Неговиот сонорен и продорен рик се чувствува уште подиректно во отворениот PureSpeed. Специфичниот рик на V8 моторите на AMG, кој може да се нарече легендарен, ги дразни сетилата и мами да се вози во степен пониско, и во повисоки вртежи. Познатиот 4.0 V8 битурбо создаден од инженерите на AMG беснее во низа спортски модели на Mercedes-AMG, а за во PureSpeed е навиен да испорачува 585 КС и 800 Nm, доволно за лов на 100 km/h во 3,6 секунди и максимални 315 km/h. Секако постојат и побрзи автомобили, но кај PureSpeed не е сè во брзината, туку во начинот на кој таа се доживува. Отворениот кокпит, покрај директната изложеност на природните сили и на продорниот рик на моторот, создава уникатно возачко доживување, во кое, токму заради изложеноста, брзината се чувствува субјективно повисока од објективната.

ВОЗЕЊЕ КАКО ВО КАРТИНГ Би било грев доколку возната динамика на PureSpeed не содејствува со неговиот концепт. Затоа инженерите се погрижиле возачкото доживување да биде рамно на она како во картинг. Моќноста преку автоматикот AMG Speedshift 9G се пренесува до сите тркала преку активниот систем 4MATIC+. Менувачот место хидрауличен претворач на вртежниот момент користи спојка потопена во масло. Овој концепт значително ја намалува тежината и го подобрува, односно забрзува, одзивот на педалот за гас. Активниот погон на четири тркала варијабилно го дели вртежниот момент меѓу предна и задна оска обезбедувајќи оптимална тракција и висока стабилност зависно од ситуацијата и условите на пат. Тука помага и активната суспензија и активната задна оска. Таа ги врти задните тркала спротивно од предните при брзини до 100 km/h, или во иста насока при брзини над 100 km/h. Во првиот случај се добива на агилност во остри бавни свијоци, а во вториот се добива на стабилност во долги брзи свијоци. Воедно управувањето се чувствува подиректно, а одзивот на волан е брз како мисла.

ЕКСКЛУЗИВНОСТ ВО КАБИНАТА Иако целосно отворениот концепт на PureSpeed делува пуритански, кокпитот е далеку од пуританство. Напротив. Ексклузивното уредување на кабината кое е својствено за AMG се повторува и кај PureSpeed. Кабината е двобојна со мешавина на кристално бела и црна боја на кожа со која се обложени и спортските седишта AMG Performance со вградено греење. Кабината е украсена со елементи од лакиран карбон-фибер, а како ултимативен украс на врвот од арматурата лебди аналогниот часовник на врвниот специјалист IWC Schaffhausen. За да се сочува ексклузивноста, PureSpeed ќе биде произведен во лимитирана серијата од 250 примероци. Иако цената сè уште не се објавува, треба да се очекува ова чудо да врти во близина на 300.000 европски банкноти. Списокот за нарачки се пополнува, па во колку некој има интерес не е на одмет да побрза. • Љубомир Анастасовски

05.2025 | www.amsmklubmobiliti.mk

15

| АМСМ

Трајче Нацевски, долгогодишен АМСМ член

АМСМ УСПЕШНО НАПРЕДУВА ВО СОГЛАСНОСТ СО ЕВРОПСКИТЕ СТАНДАРДИ И ВО ОВА ИЗДАНИЕ ОБЈАВУВАМЕ ИНТЕРВЈУ СО ЕДЕН ОД НАШИТЕ НАЈВОЗРАСНИ И ДОЛГОГОДИШНИ АМСМ ЧЛЕНОВИ, КОЈ СО СВОЕТО ИСКУСТВО, ЉУБОВ КОН АВТОМОБИЛИТЕ И ДОЛГОРОЧНА ПОСВЕТЕНОСТ НА БЕЗБЕДНОСТА ВО СООБРАЌАЈОТ, ПРЕТСТАВУВА ВИСТИНСКИ ПРИМЕР ЗА ГЕНЕРАЦИИТЕ ШТО ДОАЃААТ.

Н

ацевски е роден на 20 јуни 1934 година, во с.Богомила, велешко, од крајот наречен Азот. Во Скопје дошол во 1948 година. По професија е дипломиран правник. Од 1974 година работел во државната администрација во тогашното Претседателство на Македонија како помошник секретар, а потоа како помошник секретар на Советот на Република Македонија за заштита на поредокот утврден со Устав. Откако се пензионирал бил активен во општествени организации и бил член на Комисија за преставки и поплаки во времето на тогашниот претседател на Република Македонија, Киро Глигоров. Клуб М: Што би кажале за себе како возач и за Вашата поврзаност со АМСМ како еден од нашите верни долгогодишни членови? Какво е Вашето мислење за АМСМ имајќи предвид дека го познавате во повеќе негови етапи на неговото постоење и функционирање?

16 05.2025 | www.amsmklubmobiliti.mk

Трајче Нацевски: Јас сум возач повеќе од 60 години, поточно од 1965 година. Тоа е долг период во кој покажав дека самосвеста во користењето автомобил е клучна како за возачот лично, така и за сите учесници во сообраќајот. Првиот автомобил што го имав беше од марката Застава 750 или популарното „фиќо“, кое потоа го заменив со „Вартбург“, и „Лада Самара“, а сега имам „Цитроен Сaксo“. Сакам убави и нови автомобили. Впрочем, како што кажал и прочуениот и славен американски производител Форд, секој нов автомобил е добар автомобил. Уште од времето на првиот претседател на АМСМ јас сум член на оваа организација. Но не само јас туку и сите од моето семејство се членови на АМСМ. Ги користиме сите услуги за возилата со кои располага вашиот систем, како технички преглед, а редовен посетител сум и на сервисот. Јас но исто и моето семејство како членови на АМСМ сме многу задоволни од службите од АМСМ почнувајќи од службата за регистрација на возилата како и за техничкиот преглед така и од останатите служби кои ја информираат јавноста за најважните прашања од областа на безбедноста и состојбите во сообраќајот. Имав можност, низ годините, поблиску да запознам прекрасни луѓе, многумина ваши вработени кои секогаш ми излегуваа во пресрет, меѓу кои сакам особено да ги споменам г-динот Љупчо Димов, Андро Гигов, Јове Новевски... Ако направам споредба со претходниот период, сметам дека во последниве децении АМСМ успеа многу да напредува на секое поле, во согласност со европските стандарди. Овој врвен центар овозможува брзо и квалитетно да се завршат сите административни и технички потреби на клиентите. Кадарот што работи во вашите служби е на високо ниво, со голема стручност и техничка подготовка, љубезен, во секој момент секој вработен сака да помогне дури и ако тоа не е во рамките на неговите работни обврски. Би сакал да истакнам дека многу често ги користев и услугите на вашата туристичка агенција. И навистина бев задоволен не само од прекрасните патувања на вашата агенција туку и од севкупната услуга на системот.

АМСМ |

Клуб М: Дали Ви се случило да користите некоја услуга на пат и како сте задоволен од тоа? Трајче Нацевски: Пред извесен период со син ми се враќавме од Велес и на автопатот, во близина на станицата за наплата на патарина кај Петровец ни пукна гумата од возилото со кое патувавме. Веднаш се јавивме во дежурниот контакт-центар на АМСМ и за многу кратко време службата дојде со возило и се погрижи за нашиот проблем. Ефикасноста, брзината и квалитетот на услугата ја заслужуваат секоја пофалба. Клуб М: Нашето списание „АМСМ Клуб Мобилити“ се грижи навреме да ги информира своите членови за сите актуелни теми и новости од областа на сообраќајот и спортот. Што Ви привлекува најголемо внимание од содржините на неговите страници? Трајче Нацевски: Редовно го добивам списанието „АМСМ Клуб Мобилити“. Со задоволство го читам затоа што сметам дека сеопфатноста на содржините е на високо ниво. Особено ми се допаѓаат информациите во однос на патувањата на територијата на цела Европа затоа што му се потребни на секој моторизиран граѓанин и турист. Информациите што ги објавувате се од широк дијапазон, особено за цените на патарините, правилата за возење, цените на горивото, итн. Забележувам дека редовно ги ажурирате нивните измени. Исто така, содржините посветени на спортот, советите, препораките за секое годишно време, за грижата за возилото и за безбедноста се корисни и би требало секој да биде добро запознаен со нив. Клуб М: Очигледно сè уште сакате да седнете во возилото и сам да управувате. До кога мислите да бидете активен учесник во сообраќајот? Трајче Нацевски: Сè уште сум активен возач. Пред три години го поминав лекарскиот преглед задоволително и на мое огромно задоволство возачката дозвола ми ја продолжија за пет години, односно

до 2027 година. Дури и пријателите се изненадија кога го добив продолжувањето на дозволата за возење. Иако сум долгогодишен искусен возач, секогаш, а особено сега со зголемениот сообраќај и би рекол „бесните“ возачи, возам многу внимателно и со целосна концентрација. Имајќи ја предвид возраста, оној момент кога ќе почувствувам дека веќе не можам квалитетно да возам, веднаш ќе ги оставам клучевите и ќе се откажам од користењето автомобил. Клуб М: Како ги минувате пензионерските денови, што Ве исполнува и каков совет би им дале на своите врсници? Трајче Нацевски: Во младоста планините ми беа голема страст. Често планинарев на Солунска Глава. Но сега како пензионер редовно пешачам покрај кејот на Вардар, по најмалку три километри, дневно. Исто така, секое утро и вежбам. Сето ова ме одржува да бидам витален и на овие години. Се согласувам со мислењето дека во виталноста на човекот имаат улога и наследените гени, но она што го одржува човек секако се дисциплината, активноста, исхраната и позитивната енергија. И во најтешките моменти човек мора да биде смирен, присебен. Сè уште многу читам. Сакам во рака да држам весник и да се информирам за случувањата дома и во светот, а читањето книги ми е како лек. Клуб М: Познати ви се состојбите со сообраќајот во нашата земја. Дали имате некоја забелешка и препорака што би сакале да ја упатите како возач што поминал многу километри? Трајче Нацевски: Во оваа пригода би сакал да упатам апел до сите возачи највнимателно да се однесуваат во сообраќајот, како што би рекол нашиот народ, „да отворат четири очи“ додека го држат воланот в рака, да заборават на сите недозволени работи, на пример, алкохолот, да ги почитуваат сите законски прописи во сообраќајот затоа што е лудост да се ризикува животот, чиј било. Исто така, сметам дека треба да се обрне зголемено внимание на безбедносните состојби на патиштата. За жал, не се одржуваат колку што е потребно, а потребно е редовно да се проверуваат и поправаат. • Маргита Поповска

05.2025 | www.amsmklubmobiliti.mk

17

| АМСМ

ПРОЛЕТ Е – ПОДГОТВЕТЕ СЕ ЗАКАЖЕТЕ БЕСПЛАТНА ЛЕТНА ПРОВЕРКА НА ВОЗИЛО Искористете ја привилегијата што ја носи Вашата АМСМ членска картичка и влезете во летната сезона безгрижно и сигурно. Во периодот од 15.05 до 30.06.2025, како наши членови имате можност да направите бесплатна летна проверка на возило во нашите сервиси. Проверката на возилото вклучува: - Бесплатни сервисни услуги, како проверка на ниво на масло во мотор, контрола на антифриз, кочиона течност, течност за серво управувач, состојба на акумулатор и визуелна проверка на состојбата на моторот, проверка на предни и задни кочиони облоги, состојба на предни и задни сврзни елементи на потпирањето, на елементите од системот за управување, елементите од погонскиот систем и на елементите за потпирање на моторот; - 30% попуст на вулканизерски услуги и - 20% попуст на работна рака. Бесплатната летна проверка можете да ја искористите во АМСМ сервисот за автомобили во Скопје (Центар), Велес и во Кичево, само со претходно закажување. Закажете го вашиот термин за сервис онлајн или на 02/3181-133.

ПОДАРОК – ОБУКА ЗА Б КАТЕГОРИЈА 18-ти роденден и полнолетство? Матура? Наместо класичен подарок, подарете нешто што навистина прави разлика. Возачката дозвола е инвестиција во иднината! Подарете обука за Б категорија – практичен, вреден и паметен избор што сигурно секој млад човек засекогаш ќе го памети, бидејќи сте му подариле слобода, самостојност и нови можности.

02/3181-240

18 05.2025 | www.amsmklubmobiliti.mk

АМСМ |

ЗА НОВИ ДЕСТИНАЦИИ! ПРОФЕСИОНАЛЕН СЕРВИС ЗА ВЕЛОСИПЕДИ Подгответе го велосипедот за новата сезона и вртете безгрижно со поддршка од нашите вело експерти. Сервисот за велосипеди на АМСМ, лоциран во Скопје-Центар, ви обезбедува грижа и експертиза за сите типови и брендови на велосипеди. Нашиот тим се состои од квалификувани и искусни техничари со долгогодишно искуство, кои се гаранција за квалитетот на услугите: • Комплетен сервис • Основен сервис • Замена на стем, волан, вилушка или касета/запчаник • Замена на кочница или менувач со штелување • Поправка на предна осовина, задна осовина или поправка/промена на средна осовина • Замена на погон или течност во кочница • Центрирање или плетење на тркало • Подесување брзини или кочници • Замена на ланец Сервисот за велосипеди работи од 08:00-16:00ч од понеделник до петок. Повеќе информации: 02/3181-133

СЕРВИСИРАЊЕ НА ВАШИТЕ СЛУЖБЕНИ ВОЗИЛА НА ВАША ЛОКАЦИЈА Одржувањето на службените возила не мора да биде комплицирано и да одзема време. Сè што ви е потребно е сигурен партнер! Компаниите кои инвестираат во навремено и организирано одржување на службените возила имаат помалку дефекти и пониски трошоци за одржување на долг рок. АМСМ мобилното сервисно возило е комплетно опремено за да обезбеди квалитетни сервисни услуги во сите годишни времиња: • Редовен сервис • Замена и балансирање на пневматици • Компјутерска дијагностика, • Проверка и дополнување на клима уред (фреон), • Замена на кочни плочки и дискови, • Проверка на светлосна сигнализација, • Мали интервенции и водење електронска сервисна историја. Повеќе информации и закажување: 02/3181-329

05.2025 | www.amsmklubmobiliti.mk

19

| АМСМ

• Со кои возила располага автошколата во АМСМ? Ме интересира дали има Мазда (бидејќи нашето домашно возило е Мазад 3)? АМСМ: Во Авто школа Мобилити располагаме со Mazda 2, Skoda Fabia, Volkswagen UP, Peugeot 208.

• Јас сум државјанин на Република С. Македонија и имам македонски пасош, но возачката дозвола ми е од Косово. Би сакал да купам автомобил во Македонија. Дали можам да го регистрирам возилото тука со косовска возачка дозвола, или ми е потребен само македонски пасош? Ви благодарам, Ердан АМСМ: Бидејќи сте наш државјанин, имате право да купите возило во нашата држава и да го регистрирате само со важечка лична карта.

• Живееме во Германија и со семејно

возило кое е на име на татко ми, доаѓаме за Македонија. За да управувам со возилото потребно ми е полномоштво. Дали полномоштво мора да извадам во Германија или може и во нашата држава? Ви благодарам, Борче АМСМ: Возилото е со странски регистарски таблички и полномошно за управување со туѓо моторно возило може да издаде само матичната земја. Во вашиот случај, полномошното ќе мора да го извадите во Германија.

• Дали за патување во Косово со сопствено моторно возило е потребен зелен картон? Поздрав, Дритон АМСМ: За патување во Косово, потребен е зелен картон. Сепак, постои можност на граничниот премин да извадите осигурување за одреден период, кое важи само за Косово.

*СИТЕ НАВЕДЕНИ ТЕЛЕФОНСКИ БРОЕВИ ВАЖАТ ЗА ПОВИК ОД ФИКСЕН И ОД МОБИЛЕН ТЕЛЕФОН

20 05.2025 | www.amsmklubmobiliti.mk

ТВОЈАТА ЧЛЕНСКА КАРТИЧКА СЕГА МОЖЕ ДА БИДЕ

Visa AMSM КРЕДИТНА КАРТИЧКА

100 ден. за Classic картичка 200 ден. за Еurope Premium картичка

ФИНАНСИСКА СИГУРНОСТ

ПЛАЌАЊЕ НА РАТИ СО 0% КАМАТА

БЕСПЛАТНА ПОМОШ НА ПАТ

КОНТАКТ ЦЕНТАР 196

05.2025 | www.amsmklubmobiliti.mk

21

| АМСМ

Мобилити Брокер

ОСИГУРУВАЊЕТО КАКО ЕДЕН ОД БИТНИТЕ УСЛОВИ ЗА ОБЕЗБЕДУВАЊЕ КОНТИНУИТЕТ ВО БИЗНИСОТ

К

омпаниите во деловната политика и стратегија на работење покрај плановите за остварување на продажни резултати, зголемено пазарно учество, воведување на нови производи и услуги, поефективни канали на дистрибуција и маркетинг на производите и услугите, поефективни процедури за работа и други планови кои имаат за цел раст, развој и позитивни деловни резултати, секако дека треба да го имаат во предвид и планот за обезбедување на континуитет во работењето. Континуитетот во работењето се обезбедува преку остварување на претходно наведените планови и заштита на ресурсите кои ги користи компанијата за остварување на деловните планови и резултати. Еден од начините на заштита на материјалните и човечките ресурси е преку осигурувањето. Така осигурувањето се наметнува како еден од битните услови за обезбедување на континуитет во работењето и зачувување на досега постигнатото. ЗАШТИТА НА МАТЕРИЈАЛНИТЕ РЕСУРСИ Материјалните средства, односно имотот на компанијата во зависност од категоријата на која припаѓаат можат да се осигурат од различни ризици. Градежните објекти (фабрики, производствени хали, магацини, канцеларии, продажни објекти итн.) најчесто се осигуруваат од основните ризици од пожар и некои други опасности (удар на гром, прскање на цевки од водоводна и канализациска инсталација, луња, град, удар со сопствено моторно возило во градежниот објект, манифестации и демонстрации, паѓање на воздушни летала. Најчести дополнителни ризици кои компаниите ги додаваат кон основните ризици се ризикот од земјотрес и ризикот од поплава порој и високи води. Опремата и залихите покрај основните ризици од пожар и некои

22 05.2025 | www.amsmklubmobiliti.mk

други опасности и дополнителните ризици како кај градежните објекти, дополнително може да се осигураат и од други ризици како што се кражба како и самозапалување на залихите. Техничката опрема и машини можат да имаат осигурително покритие за расипување како последица на пренапон, куса врска, електричен лак, паѓање или удар од некој предмет на машината, расипување како резултат на центрифугална сила, надпритисок или потпритисок, откажување или затајување на уредите за заштита и регулирање, неспретност, невнимание или лоша намера на вработен или некое друго лице и други осигурени ризици. Возниот парк составен од патнички и товарни возила за да можат законски да се вклучат во сообраќај потребно е да бидат регистрирани со полиса за автомобилска одговорност кон трети лица – автоодговорност, зелен картон доколку патуваат во странство кој ги заштитува од евентуално направена штета на трети лица во странство. Дополнително возилата може да се осигураат од удар, судар и превртување по вина на возачот, опожарување на возилото, кражба на возилото и други осигурани ризици со полиса за каско осигурување. Стоката во транспорт кои ја вршат компаниите за свои потреби или основна дејност им е транспортот може да ја осигураат стоката во превоз со транспортно осигурување и/или ЦМР- одговорност на превозникот за стока примена во превоз. ЗАШТИТА НА ЧОВЕЧКИТЕ РЕСУРСИ Приватното здравствено осигурување им овозможува на вработените покривање на трошоците за лекување во приватни здравствени клиники за новонастаната болест, состојба или повреда. Основното приватно здравствено осигурување ги покрива трошоците за болничко и вонболничко лекување, дијагностики, операции, лекови, физикални терапии и други медицински услуги до одредени лимити. Грижата за здравјето на вработените придонесува за подобро здравје на вработените, помалку отсуства од работа, и побрзо закрепнување во случај на болест или повреда како предуслови кои придонесуваат за подобра продуктивност на вработените. Колективното осигурување од незгода и ризикот смрт од болест ги покриваат трошоците во јавни здравствени установи за лекување на повреди кои имаат степен на инвалидитет (скршеници и други посериозни повреди), надомест за проценетиот степен на инвалидитет, и надомест за загуба на човечки живот како последица на болест или незгода. Осигурување на живот во комбинација со инвестициски фонд сè почесто се применуваа од страна на компаниите кои сакаат да придобијат вработени на пазарот на работна сила или да ги задржат постоечките. Оваа мерка е како дел од бенефитите кои ги добиваат вработените за лојалност кон компанијата преку полиса за осигурување на живот комбинирана со инвестициски фонд која

АМСМ |

подразбира исплата на одредена акумулирана сума на вработениот доколку остане во компанијата до завршување на предвидениот период на траење на полисата. ЗАШТИТА ОД ПРАВНИ ДЕЈСТВИЈА И ПРЕКИН НА РАБОТА Одговорност од дејност претставува законска обврска за осигурување на професионалната одговорност за одредени професии предвидени со законските регулативи како што се: нотари, адвокати, сметководители, ревизори, лекари и медицински персонал, проценители, даночни советници, агенции за обезбедување, агенции за недвижности, туристички агенции, проектанти, стечајни управници, вештаци и други професии. Ова осигурување заштитува од ненамерни грешки и пропусти во текот на работењето за нанесена финансиска или друг вид на штета според условите за осигурување за конкретната дејност или професија. Покрај законската обврска за осигурување од професионална одговорност од дејност, сите компании од сите дејности можат да склучат полиса за општа одговорност од дејност која ги заштитува од одговорност за смрт, телесна повреда или нарушено здравје на трети лица која би настанала во нивните деловни објекти или евентуално и надвор од нивните деловни објекти при вршењето на дејноста. Осигурување на објекти во градба и монтажа ги заштитува инвеститорите или изведувачите за одговорноста за евентуална материјална и нематеријална штета која би ја направиле на трети лица во текот на градба или монтажа. Прекин на работа (Business interruption) кој е последица на пожар или кршење на машини може да биде осигуран со полиса за прекин на работа која ги покрива фиксните и варијабилни трошоци и

планираниот профит. Најчесто се покриваат трошоците за закупнини, струја, плати и надоместоци на вработени и тековни варијабилни трошоци поврзани со дејноста за предвидениот период на осигурително покритие. Осигурувањето на компаниите ги покрива евентуалните штети кои би настанале на осигураните предмети и лица согласно ризиците на покритие и во такви случаи обезбедува континуитет во работењето, задржување на пазарната позиција на компанијата и планираните деловни резултати. • м-р Жарко Јованоски

МОБИЛИТИ БРОКЕР АД е осигурително брокерско друштво кое ги штити осигурителните интереси на своите осигуреници, обезбедува понуди од осигурителните компании и осигурително покритие согласно нивните осигурителни потреби, дава советодавни услуги за осигурување и надомест на штета во случај на осигурани штетни настани. Осигурениците ги добиваат услугите без финансиски надоместок. Полиси за осигурување може да склучите преку МОБИЛИТИ БРОКЕР АД од сите осигурителни компании и за сите видови на осигурувања. Доколку сакате да склучите полиса преку МОБИЛИТИ БРОКЕР АД и да ги користите осигурително брокерските услуги слободно може да исконтактирате за соработка преку следните контакт податоци: Тел: 02/3 181-405 | Моб: 071 276 535 е-маил: zjovanoski@mobilitybroker.com.mk

АВТО ШКОЛА МОБИЛИТИ ПЛУС

СОВРШЕН ПОДАРОК ЗА СЕКОЈ МАТУРАНТ!

ПОДАРЕТЕ ВАУЧЕР ЗА ОБУКА ЗА Б КАТЕГОРИЈА!

www.avtoskolamobiliti.mk

02/3181-240 | 078 387 578 05.2025 | www.amsmklubmobiliti.mk

23

| ТЕСТОВИ И СОВЕТИ

Безбедност во сообраќај

КУПУВАЊЕ АВТОМОБИЛ НА СТАРО ЗОШТО НЕ! ИМА СОВЕСНИ ВОЗАЧИ И СОПСТВЕНИЦИ НА АВТОМОБИЛИ ШТО ГИ ПРОДАВААТ СВОИТЕ СТАРИ ВОЗИЛА. ТАКОВ АВТОМОБИЛ СЕ КУПУВА. НО ИМА И ТАКВИ ШТО СЕ ПОМАЛКУ ПЕДАНТНИ СО АВТОМОБИЛИТЕ И ЗАТОА ВНИМАВАЈТЕ ПРИ КУПУВАЊЕТО.

К

упувањето половен автомобил отсекогаш било и ќе биде привлечна „операција“. Велиме операција затоа што при купувањето мора да им се посвети внимание на многу нешта. Откако ќе се направи целосна проверка, може да се купи стар автомобил. Најважно е на каросеријата да нема корозија, возилото да не е удрено, роговите и носачите на моторот да бидат прави. Моторот мора да биде сув без капка масло или вода на него, а тоа е тешко да се забележи ако е добро исчистен. Ако има прав, но е сув и без дамки, значи дека не „фрла“ масло или вода. Удирањето и китирањето на каросеријата може да се открие со магнет. Таму каде што магнетот фаќа помалку, значи дека има кит, а ако магнетот добро се лепи на металната површина, тогаш нема кит под бојата. И автолакерите може веднаш да забележат дали каросеријата е поправана од удар. Бојата со различни нијанси е знак дека тој дел од каросеријата е дополнително бојосуван. Задолжителна е проверка и на праговите. Ако се почувствува и најмало крцкање кога прагот цврсто ќе се фати со рака, тоа значи дека каросеријата почнала да работи. Изминатите километри се големо прашање. Автомобилите увезени од западноевропските држави имаат изминато повеќе километри во споредба со исти такви автомобили што се возат кај нас.

24 05.2025 | www.amsmklubmobiliti.mk

Ако возачкото седиште е пропаднато, значи дека автомобилот е многу возен. Ако материјалот на седиштата е излитен, значи дека е многу возен. Ако управувачкото тркало е излитено, значи дека е многу возен. Но ако на стар автомобил има нова навлака на воланот, значи дека старата е заменета. Пневматиците не смее да се изабени повеќе или помалку на една или на друга страна. Ако пневматикот е поизабен од внатрешната или надворешната страна, тоа значи дека нешто не е в ред со автомобилот, влече на некоја страна или можеби предниот дел не е добро центриран. Или во најлош случај има проблем со некоја оска или полуоска.

Сепак, кога се купува стар автомобил треба да го разгледа некој што има одредено познавање на возилата, да се направи сервис со детална проверка, особено на сопирачките. Сопирачките и летвата на управувачкото тркало се најбитни делови на еден автомобил и тие се исклучително важни кога се купува стар автомобил за сигурноста на новиот сопственик. • Жарко Атанасовски

ПОМОШ НА ПАТ

СЕРВИС НА СЛУЖБЕНИ ВОЗИЛА НА ВАША ЛОКАЦИЈА!

Редовен сервис на возило - Замена и балансирање на пневматици - Компјутерска дијагностика Проверка и дополнување на системот за ладење со фреон (клима уред) -Замена на делови од кочиониот систем (промена на плочки и дискови по оска) - Проверка на осветлување - Останати помали интервенции Водење сервисна историја

www.amsm.mk

02/3181-133

05.2025 | www.amsmklubmobiliti.mk

25

| СТИЛ

Јубилеј - „Фенди“

СТО ГОДИНИ ВО ЗНАКОТ НА ЛУКСУЗОТ ИАКО ЦЕНТРАЛНАТА ПРОСЛАВА НА СТОГОДИШНИНАТА ОД ПОСТОЕЊЕТО НА ИТАЛИЈАНСКАТА МОДНА КУЌА СЕ ОДРЖА НА 26 ФЕВРУАРИ ВО РАМКИТЕ НА МОДНАТА НЕДЕЛА ВО МИЛАНО, КАДЕ ШТО БЕШЕ ПРЕТСТАВЕНА И КОЛЕКЦИЈАТА ЕСЕНЗИМА 2025, СВЕЧЕНОТО ОДБЕЛЕЖУВАЊЕ ЌЕ ПРОДОЛЖИ И НАТАМУ, ВО СЛЕДНИТЕ ОСУМ МЕСЕЦИ, СО УШТЕ МНОГУ ИЗНЕНАДУВАЊА.

ЉУБОВНАТА ВРСКА И СМИСЛАТА ЗА УБАВОТО КАКО ВОВЕДНА ПРЕМИСА Нема дилема, во фокусот и овој пат беа поставени скапоцените крзна, со акцент врз стрижените, а интарзијата придонесе да бидат и свечени - секако, по повод стогодишниот јубилеј. Тие се синоним на луксузот цели 100 години. Светски познатите манекенки со кои модната куќа соработуваше во изминатите години се вратија на пистите, исклучиво за потребите на ревијата, меѓу нив и Ева Херцигова. Сосема неизбежно, како гостинка се појави Сара Џесика Паркер. Всушност, за нејзиното име се врзува и популарноста на „Фенди багет“, чантата што ја носеше во „Сексот и градот“. Дизајнот е од 1997-ма, со потписот на Силвија Вентурини Фенди. Ангажманот

Г

ламурот на прочуеното филмско студио Чинечита е инспирацијата за колекцијата есен-зима 2025, наменета и за мажите и за жените. Модната ревија се одржа во реновираното седиште на „Фенди“ (Виа Солари), а нејзиниот почеток се карактеризираше со голема театралност, благодарејќи на двата сина (близнаци) на Делфина Делетрeз Фенди, инаку ќерка на Силвија Вентурини Фенди. Се разбира, модната куќа е позната по тоа што наследници се женските деца, генерациски. На сцената имаше и неколку врати од поранешното ателје на Виа Боргоњона во Рим, враќајќи го минатото. Ревиите на „Фенди“ во голема мера се и ретроспективни, обновувајќи ги сеќавањата на своите претходници, т.е. семејната лоза, особено во текот на оваа, кога беше и централната прослава. Откако го сменија уметничкиот директор за женска облека - Ким Џонс, кој беше назначен во 2020-та, потписот на оваа колекција го стави Делфина Делетрез Фенди, припадничка на четвртата генерација, одговорна и за накитот. Претходно Карл Лагерфелд ги држеше конците во свои раце, за чиј креативен дух се говори само во суперлатив.

26 05.2025 | www.amsmklubmobiliti.mk

Силвија Вентурини Фенди, Делфина Делетрез Фенди

на јапонскиот ликовен уметник Тароут резултира со нов дизајн (препознатливите цртежи кои по малку наликуваат на детски, аматерски) - и сето тоа дополнето со карактеристичниот знак на модната куќа, т.е. логото. Како и да било, предизвикува внимание. Заедно со „Фенди пикабу“, неизоставно бидејќи и двата модела имаат иконично значење за овој бренд. Неговата воведна премиса е љубовната врска меѓу Едоардо и Аделе (моминско презиме Казагранде), исполнета со романтика. Обајцата се карактеризирале со развиено чувство за убавото, смисла за

СТИЛ |

убавото. Важеле за естети. Оттаму и желбата, идејата за отворање на првиот дуќан во 1925-та (Виа дел Плебишито), а веднаш по стапувањето во брак и раѓањето на петте ќерки се развил во семеен бизнис. На самиот почеток во продавницата се продавале исклучиво крзнени и производи од кожа. Седум години подоцна отвориле уште еден дуќан во Рим (Виа Пијаве), кој за кратко време се вброил меѓу омилените на странските туристи. Без исклучок на Римјаните, Италијанците воопшто. Брачната двојка во 1946-та ги вклучила и петте ќерки - Франка, Паола, Карла, Ана и Алда, секоја си имала свој удел во компанијата со 20 проценти, во исто време претставувајќи ја втората генерација од семејството Фенди. Во 1965-та им се придружил и Карл Лагерфелд за чија креативност никогаш не се полемизирало. Напротив, секогаш изненадувал со творечките креации, поради што станал и многу познат, дури и во светски рамки. Веднаш го назначиле за уметнички директор на колекциите во кои доминирало крзното, а потоа и на „реди ту веар“ (лансирана во 1977-ма). Негова била и замислата, идејата за логото - двојно F во квадрат, но различните интерпретации, острите критики воопшто не влијаеле на одлуката да го зачува. Истата година „Фенди“ ја претставила и својата прва колекција на висока мода. Набрзо се свртела кон комерцијата, приоритет имала добивката. Крзното веќе не чинело многу пари. Следело производството на козметичките средства и модните додатоци за мажите - конкретно, парфемите ги пуштиле во продажба во 1985-та, додека очилата, џинсот и мебелот во 1987-ма. Една од нивните цели (проширувањето на територијата на САД) ја постигнале во 1989-та со отворањето на бутикот во Њујорк на Петтата авенија (Менхетен). Успесите се нижеле и понатаму во 1990-тите.

Палацо дела Чивилта Италијана

Женска колекција „реди ту веар“, пролет-лето 2025

УЖИВАЊЕ ВО ЖИВОТОТ - МОТО НА КОМПАНИЈАТА, ЦЕЛИ 100 ГОДИНИ „Фенди“ се движеше во нагорна линија и со лансирањето на колекцијата на џемпери, капути што се носат заедно во 1994-та, потпишана од Карл Лагерфелд. Пресметките укажуваа на тоа дека 90 проценти од приходот на модната куќа се резултат на севкупноста од нејзините дејствија, оперативно - 50 % доаѓале од кожените производи (аксесоарите), 20 % од облеката и 20 % од крзното. Во тоа време претседателската функција ја презела Карла (дотогаш ја вршела Паола), но во тимот се приклучила и ќерката на Ана - Силвија Вентурини Фенди. Оттогаш е уметничка директорка на одделот за модни додатоци, а му била и десна рака на Карл Лагерфелд - кога се работело на женските линии. Со нејзиниот потпис е чантата „багет“, која ги собори буквално сите рекорди во продажба. Компанијата беше сопственост на семејството Фенди сè додека „Прада“ и „ЛВМХ“ не се договорија да купат 51 процент за 545 милиони долари. Конкурентот „Гучи“ загуби во наддавањето. Всушност, „Прада“ и „ЛВМХ“ се обврзаа да купат 49 проценти од „Фенди“ - се разбира, доколку сестрите одлучат да ги продадат. Компанијата во 2001-ва и 2002-ра се соочи со загуба од околу 20 милиони евра, поради што „ЛВМХ“ купи уште 15,9 проценти од „Фенди“. Во меѓувреме, „Прада“ беше приморана да го продаде својот удел (25,5 %) на „ЛВМХ“ за 265 милиони долари. Карла и натаму ја вршеше претседателската функција, до 2008-ма. Тогаш, со ревијата на Кинескиот ѕид го направија и пробивот на тамошниот, пазарот во Кина. „Фенди пикабу“ го постигна успехот исто како и „Фенди багет“. Педесетгодишнината од соработката со Карл Лагерфелд ја прославија во театарот на Шанзелизе во Париз, лансирајќи ја колекцијата на висока мода со скапоцено крзно, а деведесетгодишнината од постоењето на италијанската модна куќа ја одбележаа со ревија на фонтаната Ди треви во Рим. Без оглед на најавата дека седиштето ќе биде во Палацо дела Чивилта Италијана (од времето на Мусолини), „Фенди“ се одлучи за нешто друго, да отвори луксузен хотел и продавница. Се зборуваше наголемо и за киријата - 2,8 милиони евра годишно. Една милијарда евра (отприлика) е продажбата на годишно ниво, исто така. Постојано се стреми кон постигнување на целите, без импровизации. Луксузот, раскошот е секогаш во преден план. Се чини дека бутик-хотелот во центарот на Рим (Виа дела Фонтанела ди Боргезе) предничи во тоа - интересот навистина е голем. Како и за сè друго, впрочем. Уживањето во животот е мотото на компанијата, цели 100 години. Прославата ќе продолжи и натаму, до крајот на 2025-та за кога се најавени уште многу изненадувања, со доза на луксуз што не може да се измери. Премногу голем е.

• Игор Ландсберг

05.2025 | www.amsmklubmobiliti.mk

27

| ПАТУВАЊЕ

Островот Гозо (Малта)

НЕОСКВЕРНЕТ, ИНСПИРАТИВЕН, АВТЕНТИЧЕН... И СВЕТ ПРОЛЕТТА НА ОСТРОВОТ ГОЗО Е ТОЛКУ ИНСПИРАТИВНА ШТО ПЕЈЗАЖНАТА ЛИРИКА НА ПОЗНАТИТЕ ПИСАТЕЛИ ВО ГОЛЕМА МЕРА СЕ ТЕМЕЛИ ВРЗ НЕА. ОТТАМУ И ПРЕПОРАКИТЕ НА ТУРОПЕРАТОРИТЕ ДА ГО ПОСЕТИТЕ ВО МАЈ, БЕЗ ОГЛЕД НА ФАКТОТ ДЕКА ШПИЦОТ НА СЕЗОНАТА Е ВО ЛЕТО. БЕСКРАЈНОСТА НА ПОЛИЊАТА СО ЦВЕЌЕ, ПОГЛЕДОТ НА МОРСКАТА ШИР, ВО КОМБИНАЦИЈА НА РЕКРЕАТИВНИТЕ ДЕЈНОСТИ, ЗНАМЕНИТОСТИТЕ КОИ ГИ ИМА ВО ИЗОБИЛСТВО, МАЛТЕШКАТА КУЈНА..., СИГУРНО ЌЕ ПРЕДИЗВИКААТ ВОСХИТ КАЈ ВАС, ПА ДУРИ И ЖЕЛБА ДА МУ СЕ ВРАТИТЕ.

28 05.2025 | www.amsmklubmobiliti.mk

Д

оста често го посетуваат и туристите чија крајна дестинација е Валета, главен град на Малта. Неговите жители ќе ви го препорачаат без размислување. Гозо ù припаѓа на групата острови, архипелагот со кој се врзуваат и голем број легенди, необични настани. Дотаму се оди со траект, а благодарејќи на превозните средства (автобуси, мотоцикли..., таксија) на самиот остров ќе можете да го видите и надолж и нашир, да го истражите - доживувајќи го во целост. Медитеранската клима е совршена за тоа. И за рекреација, секако. Можностите се големи: за веслање со кајаци, возење на велосипеди, качување на карпи, нуркање во морските длабочини, за пловење на бродови. Историските, културните знаменитости, рестораните во кои се служат исклучиво специјалитети на малтешката кујна, фестивалите (смотрите на уметноста)..., придонесуваат за комплетирање на впечатокот. Без исклучок на одморската возбуда, независно дали ќе го посетите на ден-два или повеќе. Оддалеченоста меѓу Валета и најблиското пристаниште до Викторија (најголемото населено место на Гозо) е 36 км, со ферибот се стигнува за еден час и дваесетина минути, а билетот ќе ве чини 8 евра. Некои делови од копната на двата острова се наоѓаат на растојание од само 5 км, но сепак - разликата е дијаметрална. Имено, се работи за рурална средина која се одликува со мир, тишина. И со автентичност, зачувана од какво било сквернавење. Не само на морското крајбрежје, туку и на патеките што ги поврзуваат селата меѓу себе - наместа личат на козји врвици. Од сите страни ќе ги

ПАТУВАЊЕ |

забележите барокните цркви кои се издигнуваат над куќите во традиционален стил, надвишувајќи ги. Заедно со природата често се присутни на сликите со потписот на тамошните и пејзажистите од странство. Островот чија вкупна површина е 67 км² (13,34 км во должина и 7,15 км во ширина), каде што постојано се населени околу 40.000 лица, благодарејќи на културните настани во кои се вбројуваат и фестивалите и прославите по повод верските празници, како на пример велигденските, можностите за природно лекување, за мераклиски работи..., покрај викендашите и летувалците, го посетуваат и луѓе со цел да присуствуваат на некои од нив - секако, во зависност од интересите, а неретко се организираат и венчавки на парови од сите страни на светот, со големи салтанати - независно од бројот на гостите. Вообичаено, судбоносното да се кажува на стените, карпите што се издигаат над морето, со поглед кој предизвикува возбуда. И сето тоа збогатено со убава музика, специјалитети на малтешката кујна... За незаборавни спомени, не само на младенците туку и на присутните, нивните роднини, пријатели. Мнозина се одлучуваат и крајната дестинација на сведбеното патување да биде токму Гозо. НА ПОКЛОНЕНИЕ ВО TA’ PINU, ХРАМОТ НА ПРЕСВЕТА БОГОРОДИЦА

Симболот на островот е цитаделата во Викторија (Ir-Rabat). Можете да ја препознаете на многу снимки што ги прават неговите посетители. Ја има и во бедекерите, туристичките водичи на Гозо. Ќе ве воодушеви со нејзината градба, историја - воените конфликти се врзувале за неа. И со флората и со фауната, обете богати. Во неа живеат неколку фамилии. На самиот плоштад се наоѓаат судовите, седиштето на бискупот и катедралата, односно главната црква посветена на Света дева Марија. Вклучително и музеите: археолошкиот, катедралниот, природонаучниот, фолклорниот (народниот). Но, таму се и поранешните силоси, магацинот за барут, затворот, складиштата. Осовременето е буквално сè, компјутеризирани се дури и влезниците. Додека се шетате низ уличињата, сигурно ќе ги забележите нишите, камарите и бас-релјефите кои ќе ве одведат до капелата на Свети Јосиф. Несомнено, вниманието ќе ви го привлечат нејзините прозорци, како и сводовите во стилот на Норманите. На фасадите можеби ќе го видите и грбот, наместа ош-

Храмот на Пресвета Богородица

Цитаделата во Викторија

тетен и од забот на времето и од Наполеоновите војници за време на окупацијата во 18 век. Лесно достапна е и за лицата со посебни потреби, а широкиот поглед на околината достигнува до Малта. Се верува дека тврдината датира уште од времето на неолитот. Низ вековите се доградувал, но во текот на црното ропство, кое се врзува со Турците и Берберите, претрпел тешки удари. Биле потребни 50 години за повторно да се врати во добра состојба и одново да се насели. Порано таму живееле 5.000 лица. Во знаменитостите што ќе ви ги предочи секој туристички водич се вбројува и античкиот локалитет Ċgantij на платото Xagħra, изграден во периодот меѓу 3600 и 3200 година пред новата ера. Одамна се наоѓа на листата за светско наследство на УНЕСКО, а неговите структурални форми сведочат за беспрекорноста на мајсторската работа со која се одликувале градителите во подоцнежниот период од камената епоха - неолитот. И за големите гозби што се правеле покрај огништата, се разбира. Во тајните на градителството ќе ве воведат неговите интерпретатори на самиот влез. Храмот на Пресвета Богородица - Ta’ Pinu ќе ве восхити со нејзината великолепност. Исполнето со тајна, подигнувањето на храмот им се припишува на повеќе луѓе, како и подоцнежниот развој на настаните. Архивските записи ќе ве вратат во времето на епископот Доменико Кубелјес, воочувајќи го реконструирањето на светилиштето. Наводно, монсењер Пјетро Дуцина во 1575-та наредил да се урне, но повредата на работникот го предомислила, сметајќи го тоа за божја волја - црквата да се зачува. Во 1858-ма е преименувана во Ta’ Pinu, по финансиерот Пину Гаучи кој парично ја помогнал нејзината обнова. Посетеноста нагло се зголемила откога Кармела Грима го слушнала гласот на Мајката Божја и се излекувала. Светилиштето го посетиле и двајца папи - Јован Павле II во 1990-та и Франциск во 2022-ра. Во меѓувреме (2010-та), папата Бенедикт XVI на црквата ù подарил златна ружа. Ќе ја видите на Богородичната икона - се верува дека е чудотворна, со исцелителна моќ. Отспротива е брдото Ta’ Għammar каде што се 14-те статуи, скулптурни прикази на Тајната вечера, Христовото распетие, погребувањето..., во името на крстот. Ремек-делата на вајарот Алфред Камилери Каучи се мермерни, каменот го донел од Карара (Тоскана, Италија). Брдото е собиралиште на поклониците, таму го поминуваат најголемиот дел од времето додека се на аџилак.

05.2025 | www.amsmklubmobiliti.mk

29

| ПАТУВАЊЕ

Доколку сакате многу филмови, веднаш ќе го препознаете крајбрежјето и неговите формации од кои блика драматичност. Неколку инсерти на хит-серијата „Игра на тронови“ се снимени токму на таа локација, поврзани со венчавката на ролјите. Заливот Dwejra е познат и по т.н. азурен прозорец што се сруши во 2017-та. Омилен е меѓу нуркачите од сите краеви на светот, а жителите на островот со задоволство ќе ви раскажат за неговите богатства природни, бесценети. СОЛАНИ УШТЕ ОД ВРЕМЕТО НА ФЕНИЧАНИТЕ Шетајќи по брегот, вниманието ќе ви го привлече составот на карпите. Личи на мозаик, орнамент или слика составена од разни фосили - скаменети растенија, животни. Кога дува силен ветер, не се препорачува доближување до нивните рабови. Близу се и местата каде што се добива морска сол, а благодарејќи на големата кружна дупка во земјата, лагуната е атракција за странските туристи. Плиткиот, крајбрежен дел има и плажа со каменчиња и остатоци од старите живеалишта на рибарите, поради што во неговата близина се закотвуваат и јахти. Локацијата е привлечна и за верниците, помолувајќи се во капелата Света Ана. Кулата е сведок на историските настани во кои морските разбојници, т.е. пиратите на неколку наврати се обиделе да прават злосторства.

Така велат и островјаните. На нивна среќа, ја имаат и најубавата плажа во архипелагот - Рамла на истоимениот залив. Ситниот песок е црвен, а привлечноста се должи во голема мера и на дините и на еколошкиот систем. Има неколку кафулиња, целосно вклопени во амбиентот. Доколку сакате да пешачите или да се возите со велосипед, упатете се кон Wied il-Għasri, долината е преплавена со румени булки, а копарот, бодливите круши ги има во изобилство на каменитите делови. Кога ќе стигнете до морето, искапете се во затскриениот мал залив - ќе уживате во сите убавини. Недостапноста е само привидна, скалите ќе ве одведат кај плажата со ситно кршен камен и препуштете ù се на неодоливата чар - лебдете на водата.

Азурниот прозорец

Соланите

Играла важна улога и во Втората светска војна - одбранбена, секако. Меѓу занимливостите на Dwejra е и карпата со лековити билки, односно габи, без исклучок на длабнатината, „оџакот“ (сината дупка) каде што нуркал поморецот Жак Кусто и потпорот во форма на глава од крокодил. На северната страна, во должина од 3 км, се наоѓаат соланите - повеќето стари 350 години, уште од времето на Феничаните. Методата е проста, едноставна. Морската вода се собира во плитките резервоари од варовник. Со помош на сончевата топлина, испарува за неколку дена, оставајќи ги кристалите на солта. Потоа се складираат во пештерите на крајбрежјето за да се исушат. Постапката се повторува неколкупати во текот на летото. Монополот го имаат две-три семејства. Летната туристичка сезона се отвора во мај. Сончањето на плажите, капењето во морето не може да се надмине, буквално.

30 05.2025 | www.amsmklubmobiliti.mk

Немојте да го заобиколите ни дотокот Mġarr ix-Xini. Во минатоста бил прибежиште на витезите, таму ги криеле своите галии. Сè уште ја има стражарницата, чуварите се волонтери. Погледот нема цена, исто како и капењето и нуркањето во него, посебно навечер. Оние што влегле во подводните пештери велат дека се чудесни. Веднаш по уривањето на карпестиот лак, познат како азурниот прозорец, со популарност се здоби и Wied il-Mielaħ. Иако е величествен, погледот може да ви предизвика и страв, а најхрабрите се качуваат по него, фотографирајќи се. Животот на островот е спокоен, луѓето се потпираат на традицијата. Без оглед на масовното иселување во 1950-тите и 1960-тите, занаетчиската дејност е зачувана. И ден-денес на пергаментна хартија рачно се изработува тантела од памучен конец, се произведува стакло, ама и вино и маслиново масло и мед. Пријатниот мирис на кафето сигурно ќе го почувствувате во населените места, зрната се печат бавно. Тамам да се уверите дека и вкусот ќе ви предизвика задоволство, уживање. На Гозо, мераклиските работи се ретуализирани. Дури и кога се јаде, на појадок, ручек или вечера. Пекарниците секогаш се полни, не само со топли печива туку и со купувачи. Вклучително и рестораните каде што најчесто се приготвува морска риба - lampuki, т.е. mahi-mahi. Без исклучок на компир-манџа со зајачко месо (stuffat tal-fenek). И народна музика во позадина • Игор Ландсберг

05.2025 | www.amsmklubmobiliti.mk

31

ГАСТРОНОМИЈА

КОМПИР-МАНЏА СО ЗАЈАЧКО МЕСО (STUFFAT TAL-FENEK)

ЖИТЕЛИТЕ НА ОСТРОВОТ ГОЗО И МАЛТЕЖАНИТЕ ВООПШТО ЈА ПРИГОТВУВААТ БАРЕМ ЕДНАШ ВО НЕДЕЛАТА. РЕЦЕПТОТ ЗА КОМПИР-МАНЏА СО ЗАЈАЧКО МЕСО Е МНОГУ СТАР, УШТЕ ОД ВРЕМЕТО НА ВИТЕЗИТЕ. ОБИЧНО СЕ ВРЗУВА СО ВЛАДЕЕЊЕТО НА ЈОВАН, КОЈ ПОДОЦНА ЦРКВАТА ГО ПРОГЛАСИЛА ЗА СВЕТ ЧОВЕК. ДОСТА ЧЕСТО СЕ ПОДГОТВУВАЛА ВО ЗНАК НА НЕЗАДОВОЛСТВО ПРОТИВ ЗАБРАНАТА ЗА ЛОВ НА ЗАЈАЦИ.

Сосотојки: 1 ЗАЈАК (ОКОЛУ 1,5 КГ) 2 ГЛАВИЦИ КРОМИД 4 ЧЕШНИЊА ЛУК 5 ДОМАТИ 2 ЛАЖИЧИЊА ДОМАТНА ПАСТА 5 КОМПИРИ 3 МОРКОВИ 200 Г ГРАШОК ½ Л ЦРВЕНО ВИНО ЦРН ПИПЕР СОЛ 1 ЛАЖИЧЕ МАСЛИНОВО МАСЛО ЛОВОРОВИ ЛИВЧИЊА

НАЧИН НА ПРИГОТВУВАЊЕ: ИСЕЧЕТЕ ГО ЗАЈАЧКОТО МЕСО НА ПАРЧИЊА (СРЕДНИ ПО ГОЛЕМИНА) И СТАВЕТЕ ГО ВО МАРИНАДА (ЛУК, ВИНО, ЦРН ПИПЕР, СОЛ). НЕКА ОТСТОИ НЕКОЛКУ ЧАСА, МОЖЕ И ПРЕКУ НОЌ. ПОТОА, ВО ТЕНЏЕРЕ СИПЕТЕ ГО МАСЛИНОВОТО МАСЛО И ПРОПРЖЕТЕ ГО МЕСОТО КОЛКУ ДА ПОРУМЕНИ. ДОДАЈТЕ ГО ЗЕЛЕНЧУКОТ (КРОМИДОТ, ДОМАТИТЕ, КОМПИРИТЕ, МОРКОВИТЕ - ПРЕТХОДНО ИЗЛУПЕНИ, ПА ИСЕЧКАНИ). ОДОЗГОРА ПРЕЛИЈТЕ ГО СО ПОЛОВИНА ОД МАРИНАДАТА И ОСТАВЕТЕ ГО ДА ЗОВРИЕ, 15-ТИНА МИНУТИ. ВО МЕЃУВРЕМЕ, ДОДАЈТЕ ЈА И ДОМАТНАТА ПАСТА. ВО ТЕНЏЕРЕТО ИСТУРЕТЕ ГО ОСТАТОКОТ ОД ВИНОТО, СТАВЕТЕ ГИ ЛОВОРОВИТЕ ЛИВЧИЊА, ГРАШОКОТ, А ДОКОЛКУ САКАТЕ, МОЖЕТЕ И БУБРЕЖИЊАТА И ДРОБОТ. НЕКА СЕ КРЧКА 2 ЧАСА НА ЛЕСЕН ОГАН - ПОЛЕКА. ГУСТИНАТА Е ВАШ ИЗБОР. АКО САКАТЕ МАНЏАТА ДА БИДЕ ПОРЕТКА, ВО НЕА ДОДАЈТЕ ВИНО.

32 05.2025 | www.amsmklubmobiliti.mk

читаj, гледаj, слушаj...

„THE POET“ (ПОЕТОТ)

„ETERNAL SUNSHINE DELUXE: BRIGHTER DAYS AHEAD“ ARIANA GRANDE „ПОЛНОЌНА ГОЗБА “ ЛУСИ ФОЛИ на отворањето на „Дворецот“, нов Нсет.оќлуксузен хотел на крајбрежјето во ДорБазенот блеска, во шумските колиби

се поставени торбички со исцелителни кристали за гостите, а коктелот „Дворска мазга“ (грејпфрут, ѓумбир, вотка и масло од канабис) се точи во изобилство. Стотици фенери висат од гранките. Свири харфистка во живо. Но, древната шума која го опкружува совршено средениот имот, чува свои тајни. Локалната заедница, непријателски настроена кон хотелот поради неговото проширување кон плажата и шумата, тивко шепоти за стара паганска легенда - за ноќните птици-одмаздници кои можат да се повикаат за да донесат правда. Секако, тоа е само легенда, нели? За време на викендот на отворањето на хотелот, локалната полиција добива повик: пожар. Мртво тело. Нешто не е во ред со гостите. Што се случило во последните 36 часа во „Дворецот“? И кој - или што - е одговорен за тоа? Сопственичката. Нејзиниот сопруг. Таинствената гостинка. Кујнскиот помошник. Сè почна со една тајна пред петнаесет години. А сега, минатото се појавува како непоканет гостин. И сето тоа ќе заврши со смрт... на летната полноќна гозба. Секој носи свои мотиви. Секој има своја приказна. Но, не сите ќе ја преживеат... полноќната гозба. Дигиталната ера ја доби својата Агата Кристи! •

очно 20 дена откако ја одбележа годишТстудиски нината од промоцијата на својот шести албум со наслов „Eternal Sunshine“,

познатата уметничка на 28 март во јавноста го претстави третото, „делукс“ издание во кое се наоѓа и краток филм. Вниманието го сврте и омотот каде што Аријана Гранде всушност лебди во светлината на мракот, како метафорски израз. Претходните две ги вклучија и платинестите ремикси, меѓу кои се „Yes, And?“ со Mariah Carey и „The Boy is Mine“ со Brandy Norwood и Monica. Секако, голем интерес побуди и „We Can’t Be Friends (Wait For Your Love)“ - настапот во живо.

2024-та беше доста успешна кога е работата на артистката во прашање. Благодарејќи на глумечката вештина, ја номинираа за Оскар, т.е. награда за најдобра споредна улога во „Wicked“ (прв дел). Продолжението се очекува во втората половина на ноември. Заедно со Cynthia Erivo на церемонијата отпеа неколку песни (сплет од филмот „Волшебникот од Оз“ и „Defying Gravity“). Албумот може да се нарача и онлајн, а меѓу другите ќе имате можност да ја чуете и „Intro (End of the World)“ и „Bye“ и „Saturn Returns Interlude“ и „Eternal Sunshine“ и „True Story“ и „Imperfect for You“. Аријана Гранде ги напишала и текстовите и композициите за нив. •

на руската драма се одржа во Пна 4ремиерата санктпетербуршкиот театар Mikhailovsky февруари, а нејзината дистрибуција од

страна на Central Partnership започна 10 дена потоа. Секако, ја има и на интернет со превод на англиски, но и други јазици. Автори на филмското сценарио се Andrey Kurganov и Vasily Zorky. Во 137 минути е раскажана приказната за големиот поет Александар Пушкин кој живеел кратко, само 37 години (1799-1837), но сепак, неговото творештво било доста богато, плодно. „Борис Годунов“, „Евгениј Онегин“, „Капетановата ќерка“ и „Руслан и Људмила“ се читаат и ден-денес, во еден здив. Бил храбар, имал многу верни обожаватели, ама и тајни. Неочекувано ја запознал жената со која имал заедничка судбина. Најголемиот дел од снимањето се одвивал во Павловск и Санкт Петербург (Мермерната и палатите Строганов и Јусупов, Музејот на Пушкин - станот каде што живеел). Автор на музичкото дело во позадината е Ryan Otter. •

Жанр: драма (историска) Актери: Yura Borisov, Roman Vasilyev, Alyona Dolgolenko, Anna Chipovskaya, Svetlana Khodchenkova, Sergei Gilev, Ilya Lyubimov, Yevgeniy Schwartz, Florian DesbiendrasРежија: Michael Morris Режија: Felix Umarov

05.2025 | www.amsmklubmobiliti.mk

33

| HI TECH

Пловила на електричен погон

ЕЗЕРСКА УБАВИНА И ТИШИНА СВЕТОТ СÈ ПОВЕЌЕ ЈА ПОЧИТУВА ЕКОЛОГИЈАТА И СЕ ПРОИЗВЕДУВААТ ПЛОВИЛА НА ЕЛЕКТРИЧЕН ПОГОН, НАПОЈУВАНИ ИСКЛУЧИТЕЛНО СО ФОТОВОЛТАИЧНИ ПАНЕЛИ. ТОА КАКО ДА Е СОЗДАДЕНО ЗА ПЛОВЕЊЕ ПО НАШИВЕ ЕЗЕРА.

П

ловилата што како погон користат класични мотори, ото и дизел, се едни од многуте загадувачи на планетава и факт е дека ја загадуваат животната средина. Издувните гасови од моторите ги загадуваат и водата и воздухот, а честопати се случува и истекување на гориво, што дополнително го загадува водниот екосистем. Но постои уште едно загадување што ретко се споменува – бучавата. Погонските единици создаваат бучава при работењето што го вознемирува водниот свет, но и ги нарушува мирот и тишината надвор од водата. Крстосувањата се големо задоволство, но бучавата од моторот го прави пловењето малку непријатно. Една работилница со седиште во Сингапур, формирана во 2012 година, се занимава со производство на пловила со мала и средна големина со електрични погонски единици, а горивото за нив доаѓа од сонцето. Особено внимание привлекува еден од нивните модели поради добрите резултати при пловењето. Во денешните современи пловила конструкторите најмногу внимание ù посветуваат на аеродинамиката, под вода и над неа, важна е нивната стабилност кога ја „сечат“ водата, да располагаат со врвна електронска технологија, односно апарати (радари) за пловидба. На сето ова производителот „Азура Марине“ ја надоврза традицијата, односно конструкторите внесоа дел од локалниот живот. Толку едноставниот, а сепак многу употреблив и практичен рибарски кану џукунг е појдовна точка за

34 05.2025 | www.amsmklubmobiliti.mk

развој на пловилото именувано како „азура акванима 40“, долго 12 метри. Беспрекорно е изработен делот што постојано е во вода, како и делот за патниците што, пред сè, е економичен, од материјали што лесно се одржуваат и имаат мала тежина. „Азура акванима 40“ не е луксузно опремена, тоа е јахта на соларен погон што, пред сè, е наменета за зачувување на животната средина и за уживање во тивка пловидба. При првото тестирање „азура акванима 40“ мина 2.000 км низ Индонезискиот Архипелаг без да потроши и капка бензин или нафта. Пловилото располага со четири кабини и оддел за двочлен екипаж, фотоволтаичните панели зафаќаат 56 м2 што наедно служат и за собирање на дождовница (500 + 250 л). И основачите на работилницата „Азура Марине“ биле изненадени од тоа колку малку енергија ù е потребно на јахтата за пловење. Постигнува крајна брзина од речиси девет јазли, а рационалната брзина на крстосување е над 4,5 и под 5,0 јазли. Во тој режим на пловење двете погонски единици трошат само 2,0 kWh електрична енергија. Фотоволтаичните панели произведуваат 8,1 kWh електрична енергија. Тоа значи дека батеријата од 60 kWh секогаш е полна 100 отсто. Јахтата е тешка 10 тони. На пример, да се плови 12 часа по Охридско Езеро ќе се

потрошат околу 25 kWh или околу 200 денари што не се плаќаат бидејќи струјата се добива од фотоволтаици. Катамаран јахтата „азура акванима 40“, со опрема за навигација на големи морски и океански пространства, чини само 495.000 евра. • Жарко Атанасоски

ОЛДТАЈМЕРИ |

Volkswagen Golf Mk1 Cabriolet

КОГА НАСЛЕДЕНИОТ СТАР АВТОМОБИЛ ЌЕ СЕ ПРЕТВОРИ ВО ЉУБОВ ВОЗИЛО ЗА ЛЕТНИ ДЕНОВИ ШТО ПЛЕНИ И НА СТУДЕНО ВРЕМЕ - МОДЕЛ VW GOLF МК1 KARMANN CONVERTIBILE GTI

Еден од вкупно направените 388.522 примероци од првата генерација на голф во кабриолет верзија произведени во период од 1980 до 1993 година.

П

риказната за љубовта кон vw golf mk1 започнала наследувајќи го стариот Golf 1 од 1977 година од дедото на Дарио Бурагев. Возилото било во прилично запуштена состојба, но полека, дел по дел, целосно го реставрирал заедно со брат му и татко му. Станува збор за vw golf diesel од првата генерација што пристигнале во Македонија во тоа време. Потоа започнала дружбата со членовите на други клубови. На еден собир имало Golf mk1 cabriolet што им привлекол големо внимание. Автомобилот бил во исклучително лоша состојба, но Бурагеви решиле да го купат и целосно да го реставрираат, до последно шрафче. Првично сопственикот не сакал

да го продаде, но по многу напори успеале да го купат возилото и тука започнала големата игра наречена целосна реставрација. Возилото произведено во 1989 година под називот Volkswagen Golf Cabriolet со зафатнина на моторот од 1,8 cm3 8v со 112 КС во GTI верзија го реставрирале три години. Буквално, и последното шрафче било отстрането од шасијата, повторно била обоена конструкцијата и сè што можело да се најде ново било нарачано и монтирано. Во својата мала работилница со многу труд, време и енергија возилото било целосно реставрирано, а најголема благодарност за тоа заслужува нивниот татко и неговите вредни и прецизни раце, без кого автомобилот немало да изгледа толку фантастично. Голф е во нивна сопственост веќе 13 години, а најчесто се вози на олдтајмер изложби и во сончеви летни викенди. • Андријан Трипунов

05.2025 | www.amsmklubmobiliti.mk

35

| ИСТОРИЈА

Алпине

СЕДУМ ДЕЦЕНИИ НА АЛПИНЕ ОД СОН ДО ЈАВЕ, ОД ЛОКАЛНО РЕЛИ ДО ПОБЕДА НА МИЛЕ МИЉА И 24 ЧАСА ЛЕМАН, НО И ПОБЕДИ ВО СВЕТСКИ ШАМПИОНАТ ВО РЕЛИ, НА ПРИМЕР, МОНТЕ КАРЛО, КОРЗИКА, МАРОКО. СЕТО ТОА САМО ОД ЖАР И ЉУБОВ КОН АВТОМОБИЛСКИОТ СПОРТ. НА ОВОЈ НАЧИН СЕ РАЃААТ СВЕТСКИТЕ ЛЕГЕНДИ.

П

остојат неколку слични приказни во светот, а за сите е заедничка желбата нешто добро да се направи уште подобро. Тоа е карактеристично само за вистинските вљубеници во својата работа. Еден од нив е Жан Ределе, прво од трите деца во семејството Ределе. Од мал покажувал интерес за автомобилите. Кај него големо влијание имал татко му кој бил продавач на автомобили од марката Рено. Луис Рено го замолил Емил Ределе да се пресели со семејството во Нормандија за да отвори продажно место таму, така што неговиот син Жан уште од најрано детство растел во не-

36 05.2025 | www.amsmklubmobiliti.mk

Сè почнало со „дотерувањето“ на малиот „рено 4 цв“ 03-Ова е „алпине a 106“ од 1955, првиот автомобил на Жан Ределе 04-Жан Ределе и францускиот претседател Шарл де Гол - Салон за автобили Париз 1966 08-Работилницата Алпине во малото место Диепе, 1970 09-Болидот со кој Алпине стигна до првото место на 24ч Леман во 1978 10-Алпине а 424, 2024

посредна близина на автомобилите. Чудата на четири тркала биле негово секојдневје, постојано ги слушал разговорите за автомобили на постарите. Можеби затоа подоцна, на 24 години, станал најмлад француски овластен продавач на автомобилите Рено. ПРВИТЕ ЧЕКОРИ ВО АВТОМОБИЛСКИОТ СПОРТ Но го привлекувало нешто друго - трките со автомобили. Првите чекори во автомобилскиот спорт ги направил со „рено 4 цв“, мал купе автомобил со мотор сместен назад и зафатнина од речиси 750 ссм. Тоа се случило во 1950 година, а за трките рекол: „Трката е најдобар начин да се тестира серискиот автомобил, победата е најдобра алатка за добра продажба.“ Најдобра реклама за автомобилите е да се покажат на трките. Денес тие автомобили се сосема поинакви, посебни сопирачки, тркала (полесни), пневматици, зајакната шасија заедно со кафезот за возачот или за возачот и совозачот... Учествувал на неколку трки, а меѓу нив и на прочуеното Рели Монте Карло (20 јануари 1950 година), а потоа победил и на локалното Рели Диепе, оставајќи 40 конкуренти зад себе. Победата силно одекнала во јавноста, а Рено веднаш му понудил да учествува на следното 21. Рели Монте Карло. За таа цел Рено го подготвил моделот „1063“, тркачка изведба од серискиот „4 цв“. Таму го освоил четвртото место во класата, на локалното рели во Диепе, каде што живеел, пристигнал втор, подоцна победил на првото организирано рели Дакс, бил петти на релито Дафин, освоил трето место на маратонското рели Лиеж - Рим - Лиеж и на релито околу Франција, а победил на релито околу Белгија. Ж. Ределе забележал дека

ИСТОРИЈА |

Жан Ределе

може да постигне многу подобри резултати ако го олесни избраниот „4 цв“, а за подобро и побрзо одржување и поправање сакал да вгради делови што не се специфични, туку да ги земе оние што најмногу биле вградувани во други модели. Цел на Жан Ределе била „рено 4 цв“ да го направи посебен и да содржи сериски делови. Поради тоа, отишол во Италија за да се сретне со дизајнерот Џовани Мичелоти и на хартија да го создаде тркачкиот модел по своја замисла - „4 цв специале спорт“, а работилницата Алемано да го произведе. Во меѓувреме се тркал со „4 цв 1603“ и резултатите не изостанале. Трипати победил во својата класа на трката Миле Миља, а на 24 часа Леман бил на 17. место во генералниот пласман. Во 1954 година неговата нарачка била произведена и ја именувале „алпине а 106“. „Алпине“ е резултат на врвното однесување на „4 цв 1603“ низ свиоците на алпскиот масив. Бил воодушевен од автомобил и решил да го именува по Алпите. „Секој што ќе се вози во ‘алпине а 106’ да има исто чувство како кога победив возејќи низ Алпите.“ Тоа се остварило, автомобил со тубуларна шасија, каросерија од фиберглас и петстепен менувач. „Алпине“ имал малку поголем мотор од тркачкиот во „рено 4 цв“, односно 950 ссм, зафатнината била зголемена на 1.300 ссм, мотор од работилницата Гордини со 1.440 ссм, а по него со 1.600 и 1.800 ссм. Првата „алпина а 106“ била произведена во 251 примерок во период помеѓу 1955

Алпина А 106 - 1955 година

и 1959 година. Некои биле наменети за трки, а некои за купувачи. Моделот „а 108“ бил произведен во 236 примероци (1960- 1962), а „гт 4 112“ во само 112 примерока (1963-1965). Вистински погодок бил моделот „а 110“ (1961-1977) произведен во 7.579 примероци. Моделот „а 310“ постигнал солидни бројки, но далеку зад рекордерот „а 110“, 2.340 (1971-1976). Тогаш Ределе одлучил во ист модел да вгради V6 мотор наместо со четири цилиндри и постигнал најголем успех - „а 310 V6“ имал 9.276 примероци (1976-1984). Тоа е рекорд на „алпине“. На крајот на минатиот век се појавиле уште

три модели „гта“ (1.509 автомобили од 1984 до 1989 година), „гта турбо“ (4.545 примероци од 1985 до 1990 година) и „а 610“ со само 818 примероци во период од 1990 до 1995 година. Поради постигнатите успеси Жан Ределе станал прв човек во натпреварувачкиот оддел на Рено. Во тоа време зад управувачот бил возач со врвен талент за брзо возење и снаоѓање во секаква ситуација - Жан Клод Андре - во 1970 година го освоил францускиот и европскиот шампионат во рели, а победил и на Рели Монте Карло и Рели Корзика во 1973 година. Покрај него се истакнал Бернард Дарниш, кој победил на Релито Мароко во 1973 година. Подоцна постигнал светска слава најмногу во тимот на Ланча. Сестраниот возач и тимски играч Жан Рањоти бил вистинска маскота на Рено. Возел и рели и реликрос, но и трки на издржливост како 24 часа Леман. За „Алпине“ возеле и неколку пилоти што подоцна станале дел од Формула 1: Патрик Депаиље, Жан Пјер Жабуи, Дидие Пирони, Жан Пјер Жарие и Патрик Тамбе. Еден од најзначајните успеси на „Алпине“ е победата на Релито Монте Карло во конфигурација 1 - 2 - 3. Тука е и победата на познатата трка 24 часа Леман. Конкуренцијата не верувала дека тимот на „Алпине Рено“ е подготвен за големи подвизи, но пол позициите на Жан Пјер Жабуи во 1976 и 1977 година го кренале алармот за тревога на највисоко ниво. И успехот дошол во 1978 година со Дидие Пирони и Жан Пјер Жасо со „аплине рено а 442 турбо“.

Водењето компанија што произведува тркачки автомобили и туристички за да служи како дополнување на буџетот за трки не било воопшто лесно. Слабите продажни резултати го натерале Жан Ределе да размислува порационално и во 1973 година решил на Рено да му продаде 55 отсто од „Алпине“. Во 1977 година Рено ги купил и другите акции, со што станал единствен сопственик на „Алпине“. Оваа тркачка и сериско престижна дивизија на Рено згаснала во 1995 година откако е најавено дека моделот „а 610“ ќе биде повлечен по околу шест години производство. Одговорните во Рено одлучиле повторно да ја активираат марката. Во 2016 година во Монако, Рено премиерно го претставил малото купе „алпине а 110“. Љубителите на „Алпине“ и воопшто на автомобилскиот спорт биле пријатно изненадени од „сто десетката“ во ново руво. Првата генерација од новата „алпине а 110“ била произведена во 1.955 примероци, симболизирајќи ја годината кога е основана компанијата „Сосиете де Аутомобиле Алпине“. За една недела биле купени сите јубилејни примероци.

05.2025 | www.amsmklubmobiliti.mk

37

| ИСТОРИЈА

Одговорните повторно на пазарот лансираа јубилеен модел со ознака „70“ по повод 70-годишнината од основањето на компанијата - „алпине а 110 р 70“ во три бои - сина, бела и црвена, како боите на француското знаме, по 70 примероци од секоја боја. „Алпине“

Некогаш („рено 5 алпина 1978“)

произведе една изведба „а 110 р ултимејт“ (345 КС) што има речиси неразумно висока цена, околу 275.000 долари. Денес главен во таборот на „Алпине“ е електричниот модел „а 290“ (рено петка). „Алпина рено а 442 турбо“

Сега („алпина а 290 /рено 5/, 2025)

38 05.2025 | www.amsmklubmobiliti.mk

• Жарко Атанасоски

Колумна своерачно

АЛЕКСАНДАР ТАБАКОВСКИ

СÈ ТЕЧЕ, СÈ ПРОТЕКУВА

ПО НЕКОЛКУ ГОДИНИ ВО КОИ ГИ ВИДОВМЕ ВРВНИТЕ МАКЕДОНСКИ ВОЗАЧИ НА МЕЃУНАРОДНО НИВО, ДОАЃА СЕЗОНА СО ПОИНАКВА СОДРЖИНА. ор Стефановски Иџе останува единствен претставник на и веќе сме сведоци на трки како Формула Е, па дури и на нови Икратниот Македонија на меѓународната сцена во 2025 година. Три- правила во најава каде што возилата ќе користат мотори со шампион на Европа на ридски патеки ја живее „вто- внатрешно согорување, но синтетичко гориво кое нема да г

рата младост“ со новиот автомобил од семејството Ферари 488, кој го набави пред 2024 година. На стартот од сезоната или попрецизно кажано по две извозени трки во Франција и Австрија, тој е на третото место во генералниот пласман, како возач кој настапува во Категорија 1, група 1. За очекување е да слушнеме за повеќе подиуми во текот на сезоната, поради неколку причини: тој веќе добро ги познава патеките каде што се вози Европското првенство, патува на сите трки од сезоната, го дава својот возачки максимум и има соодветен тим околу себе што му ја дава потребната поддршка. За разлика од него, Ристо Вуков и Викотор Давидовски оваа сезона нема да настапуваат во своите шампионати, каде што изградија препознатлив имиџ (Вуков во Порше Суперкуп, а Давидовски во ТЦР Европа). Состојбата со трките на европско ниво не е за пофалба, самото натпреварување ТЦР Европа минатата година се соочи со повеќе предизвици, а учеството на возачите е значително намалено. Така на пример, дури ни двократниот европски шампион Франко Џиролами, нема да вози во ТЦР Европа, ниту пак ќе прогресира на светско ниво, па се одлучи да ја испроба новата серија ТЦР Ендуранс Европа. Ваквиот расплет не е убав за никого, ниту за возачите, ниту за публиката, ниту за оние кои се претставуваа преку нив (спонзори, државни институции кои го помагаат спортот). Автоспортот е опасен спорт, во кој мора да се влезе добро подготвен и со солиден автомобил, како и со тим на инженери кои знаат да го подготват возилото за трка. На тој начин се создава и пренесува едукација, која на светско ниво еволуира

прави загадување на атмосферата. Трките се лабораторијата на автомобилската индустрија и знаењето стекнато таму е конвертибилна валута во денешниот свет каде што технологиите постојано се менуваат и усовршуваат. За жал, со исклучок на задржаната традиција во мотокросот, не можеме да се пофалиме ниту со други унапредувања на локално ниво, а нашиот подмладок најчесто патува во соседството за да се натпреварува во картинг трки. Отсуство на каква и да е стратегија во авто спортот е факт што не ветува подобра иднина. За очекување е дека поединците треба да разберат дека самите треба да стигнат до ситуација да изградат имиџ и да создадат име. Во случајот на Иџе, тоа беше инвестиција во возило кое беше постаро, но сè уште конкурентно, а 10 години подоцна со Мицубиши Лансер Ево 9 сè уште се натпреваруваат во тоа првенство. Сите сонуваат за седиште во Ферари, но факт е дека за такво нешто се потребни години, ако не и децении исплнети со успеси. Дали е време да се свртиме кон помладите или имаме друга опција? Светот отсекогаш им останувал на младите, но актуелните македонски асови се во полна зрелост. Стефановски, Давидовски и Вуков се полни со знаење и искуства, па некој треба да ги сослуша и да димензионира нешта кои ќе ја подигнат македонската автомобилистичка сцена. Во Хрватска на пример, се загова старт на серијата ТЦР Хрватска, како и изградба на нов автодром крај Дубровник. Би бил пресреќен ако дознаам дека макар една слична работа е во план на нашево поднебје. •

05.2025 | www.amsmklubmobiliti.mk

39

| СПОРТ

Светско првенство во Формула Е

ЧЕКОР НАЗАД, ПА ДВА НАПРЕД ЗА РОУЛАНД ВОЗАЧОТ НА НИСАН ИМАШЕ СЛАБО ИЗДАНИЕ НА ТРКАТА ВО МАЈАМИ, НО СЕ ВРАТИ СО ДВА ФИНИША НА ПОДИУМ ВО МОНАКО И ОСТАНУВА ЛИДЕР НА ТАБЕЛАТА.

П

о речиси двомесечна пауза од последните трки во Саудиска Арабија, со трката во Мајами продолжи Светското првенство на Формула Е. Петтата рунда беше очекувана со надеж дека може да донесе изненадувања и многу поподготвени екипи за средишницата од сезоната, па враќањето на Јагуар на водечките позиции во првите тренинзи беше толкувано како добар знак во таа насока. Сепак, продолжението на викендот покажа дека Јагуар не е подготвен за борба во квалификациите, па Касиди и Еванс кои лани беа протагонисти во борбата за титулата стартуваа од 13 и 14 место, но сепак имаше нови имиња на врвот: Норман Нато од Нисан се претстави подобро од тимскиот колега, а на втората позиција се најде и поранешниот шампион Џејк Денис со тимот на Андрети. Сепак, во трката имаше многу измени на водечките позиции и кога двајцата возачи на Порше, Антонио Феликс да Коста и Паскал Верлен се најдоа еден до друг, направија своевиден ѕид за останатите. Верлен го престигна Коста во финишот, за веднаш потоа да има инцидент во кој беа инволвирани тројца возачи. Расплетот кој се очекуваше во финишот всушност стана нов заплет, бидејќи поради тесната временска рамка сите кои немаа искористен „атак мод“, поитаа да го направат тоа, но многумина згрешија и беа казнети. Стјуардите имаа прилично многу работа после трката за да испорачаат казни и да ја прекројат табелата, па така Норман Нато кој ја мина целта како прв по добиената казна падна на шесто место, а Верлен беше прогласен за победник пред Лукас ди Граси и Антоно Феликс да Коста. Најголем напредок имаше Нико Мулер од 18 до 4 место со вториот болид на Андрети.

40 05.2025 | www.amsmklubmobiliti.mk

- Уживав во предизвикот да возам тука на оваа патека која бара прецизност, а е мошне ризична поради блиските ѕидови. Знаевме дека треба да ја чуваме енергијата, а имавме проблем и со големата нечистотија на патеката. Ова беше среќна победа, но пласман на подиумот ни беше секако на дофат. Имавме доста малери, па заслуживме и ние малку среќа,- изјави Верлен. Оливер Роуланд кој имаше пласман на 16 место во квалификациите ја помина целта како четвртопласиран, но и тој беше меѓу возачите што добија казна и на крајот заврши десетти. Но, веќе на следниот гран при викенд во Монако, Роуланд се врати со победа во првата трка и пласман на второ место во втората трка која се извозе во кнежевството на Азурниот Брег. На свиокливата патека во првата трка пол позицијата ја имаше Тимо Барнард од Мекларен, додека Роуланд беше втор и од првиот ред ја чекаше својата шанса, а ја дочека во финишот кога по неколку менувања на позиции успеа да дојде до првото место. Во втората трка (два дена подоцна), Роуланд имаше пол позиција на влажната патека, но во трката најголемиот дел од времето беше втор и на крајот така заврши, без можност да престигне.

- Тешко ќе се најде нешто подобро од освојување на прво и второ место во Монако. Во првата трка имавме одлична стратегија и јас успеав да престигнам, но во втората загубив многу време заглавен на второто место. Се надевам дека ќе го задржиме овој моментум на следниот гран при викенд во Токио, каде што е домашното гран при на нашиот тим,- изјави Роуланд. Британскиот возач има 115 бода и е осамен на првото место од табелата во средината од сезоната, додека возачите на Порше, Антоно Феликс Да Коста и Паскал Верлен се зад него со 67 односно 66 бода. Во мај и јуни предвидени се пет трки на Далечниот Исток: две во Токио, две во Шангај и една Џакарта. • Александар Табаковски

СПОРТ |

Светско првенство во Мото ГП

ЗАВЕРКА НА ЗРЕЛОСТА АЛЕКС МАРКЕЗ НА ПОСЛЕДНОТО ГРАН ПРИ ВО ШПАНИЈА СТИГНА ДО ПРВАТА ПОБЕДА ВО „КРАЛСКАТА КЛАСА“ И ГО ПРЕЗЕМА ВОДСТВОТО ВО ШАМПИОНАТОТ.

А

ко пред еден месец изјавата на Марк Маркез дека неговиот брат Алекс ќе му биде најголемиот ривал за титулата се толкуваше како „психолошка војна“ со останатите возачи, повеќе нема сомнежи дека овој исказ станува жива вистина. Алекс Маркез за првпат изби на чело на табелата по трката во Тексас, но триумфот на Марк Маркез во Катар го врати постариот брат на првото место. Сепак, шпанското гран при донесе нова приказна: Марк ја освои спринт трката, но падна во главната трка, па сите почести.

- Ако некој ме прашаше каде би сакал да ја освојам мојата прва победа во Мото ГП, сигурно ќе одговорев дека би сакал во Херез. Тука ја освоив и мојата прва победа во Мото 2, но победа во Мото ГП е нешто на повисоко ниво. Ја имаме најдобрата публика на светот, која нè почитува. Ова за мене беше неверојатна трка,рече Алекс Маркез. - Ова е на ниво на титулите освоени во пониските категории. Денес бев на тоа ниво! Во трката, тој мораше да ги престигне двата шампиона Франческо „Пеко“ Бањаја и Фабио Куартараро, но по финишот својата благодарност ја упати на адреса на постариот брат.

- Имав тешки моменти последниве години. Но, кога ги имаш вистинските луѓе крај себе, ги помислуваш сите нив. Мојот дедо, целото мое семејство, и посебно Марк. Тој е со мене секој ден и најмногу ме поддржува. Постојано ми дава совети,- додаде Алекс. Од друга страна, најголем дел од изјавата на Марк Маркез се однесуваше на неговиот пад и причините кои довеле до тоа, а тој ги нарече „неразбирливи“.

- Знам зошто паднав во Остин, но не и зошто паднав денеска. Морам да го анализирам тоа, бидејќи не напаѓав никого. Едноставно крстарев, како што беше тоа случај на првите трки, се позиционирав зад лидерите. Знаев дека мојата силна страна ќе биде втората половина од трката,- посочи поранешниот шампион.

ХОРОРОТ НА ХОРХЕ Актуелниот светски првак Хорхе Мартин имаше проблематичен старт на сезоната и две повреди во претсезонскиот период. Неговото враќање беше одобрено за трката во Катар (пред Херез), но иако успешно ги мина прегледите, во текот на самата трка излета, а потоа на него налета друг возач. Мартин беше две седмици хоспитализиран во Катар, а му беа констатирани повреди на 11 ребра.

- Првата добра вест е дека Хорхе ќе може да ја напушти болницата и да оди во хотел, а потоа ќе се врати во Мадрид,- рече тимскиот шеф на Априлија, Масимо Ривола, пред викендот во Херез.

- Тој ќе има дополнителни прегледи и потоа ќе знаеме со што се соочуваме, па можеби ќе имаме идеја околу времето потребно за рехабилитација. Не сакаме да даваме прогнози, сакаме да му го дадеме целото време што му е потребно. Сакаме да се врати кога ќе биде 100%. Ривола посочи дека еден од проблемите при падот на Мартин бил и тротоарот на патеката кој бил направен за Ф1 болиди, а не за мотоцикли. Според него, во обратен случај, тоа би бил „нормален инцидент“. Пред враќањето на патеката, конкурентите одбија да дозволат тестирање, но сега пристигна вест за промена на правилата, па возачите кои пропуштиле три трки или биле повредени подолго од 45 дена, ќе имаат еден ден задолжително тестирање пред да се вратат на трките.

- Најважно е дека брзината е тука, но мора да ги избегнеме грешките. Среќен сум, бидејќи ако немаш брзина, нема да паднеш,заклучи Шпанецот. По пет гран при викенди Алекс Маркез има 140 бода, а Марк Маркез е зад него со 139. Во текот на сезоната предвидени се 22 гран при викенди, при што се вози спринт трка во саботите и главна трка во неделите. Планирана е летна пауза од 20 јули до 17 август, но дотогаш има седум трки на европско тло, почнувајќи од Франција и Британија кои се во текот на мај. • Александар Табаковски

05.2025 | www.amsmklubmobiliti.mk

41

| СПОРТ

Светско првенство во Формула 1

ИСТОРИЈАТА СЕ (ПРЕ)ПИШУВА ПОМИНА ТОЧНО ЕДНА ГОДИНА ОД ТРКАТА ВО МАЈАМИ, КОГА ЛАНДО НОРИС СО ПОБЕДА ГО НАЈАВИ ВОЗДИГНУВАЊЕТО НА МЕКЛАРЕН, ЗА ОВАА ГОДИНА ВОЗАЧИТЕ НА „ПАПАЈА“-БОЛИДИТЕ ВО МАЈАМИ ДА ОСТВАРАТ „ЕДЕН-ДВА“ ПОБЕДИ И ВО СПРИНТОТ, И ВО ГЛАВНАТА ТРКА!

Р

ед Бул предизвика сензација со освојување на пол позицијата за главната трка, откако претходно и во спринт трката Антонели „го украде шоуто“ во квалификаците. Но, во двата случаи, возачите на Мекларен сепак стигнаа до „еден-два“ победи, со таа разлика што на спринт трката Норис беше пред австралискиот возач со полско потекло, Оскар Пјастри. Статистичарите посочија факт: трката во Мајами никогаш не била освоена од возач кој стартувал во првиот ред. Расплетот на годинешното гран при ја повтори оваа „традиција“. Ако во спринт трката главно одбележје беше влажната патека на која Луис Хамилтон успеа да се снајде и да стигне до третото место, во главната трка како веќе видено сценарио Ферстапен „го насанка“ Норис кој падна на шесто место, па на тој начин Пјастри кој појде од четвртото место - се етаблираше како прв ривал на актуелниот шампион, при што го престигна и почна да прави предност, која не беше загрозена до крајот на трката.

- Забележав победа што ја посакував. Претходниот ден беше „зафркнат“ и имавме спринт трка каква што имавме, по што следеа квалификациите за главната трка кои беа едни од најтешките сезонава. Победата е импресивен резултат, очигледно имаше мешаница на стартот, но имавме добра брзина во трката, нашиот болид беше неверојатен денеска,- рече Пјастри веднаш по финишот во Мајами. Одговарајќи на прашањата од модераторот (поранешниот светски првак - Џенсон Батон), возачот на Мекларен посочи дека најдоброто од него дошло на почетокот.

- Првата делница беше навистина, навистина силна. Потоа дојде време да се вози со тврдите пневматици и искрено, имав мали

42 05.2025 | www.amsmklubmobiliti.mk

проблеми. Беше добро тоа што направив предност во првиот дел. Кон крајот на трката повторно чувствував дека нештата ми се под контрола. Дефинитивно има на што да работиме и по оваа трка, но сега сум среќен за победата, среќен за освоените поени, но продолжувам да учам. Пресреќен сум што заминувам од Мајами на врвот! Пред две години тука бевме заобиколени за цел круг, а сега победивме со 35 секунди предност во однос на другите болиди. Ова е неверојатен резултат и плод на напорната работа на целиот тим, првенствено на оние на патеката, но и на оние во фабриката. Оскар Пјастри веќе има четири победи во првите шест трки, при што последните три на главните трки се во низа. Такво нешто возач на Мекларен нема постигнато од 1998 година, при што де факто првата победа на Мика Хакинен се случи во Херез 1997 година, за подоцна да додаде уште две други на стартот од 1998 година. Дека резултатите на младиот возач не се случајни, докажува и податокот дека тој веќе има низа од 32 трки со освојување поени во континуитет, што го поставува на 4 место од „вечната листа“. Од повлекувањето на Хакинен во 2001 година, единствените светли моменти на Мекларен беа оние во 2007 и 2008 година, кога Алонсо и Хамилтон го подигнаа тимот, кој потоа беше казнет за шпионажа и му беa одземени бодовите во конкуренција на конструкторите, а со тоа и титулата (2007). Оттука, од 2010 наваму, Мекларен може да се пофали само со четири „еден-два“ победи, заклучно со главната трка во Мајами. Актуелниот шампион Макс Ферстапен беше најжестокиот конкурент на возачите на Мекларен, стартувајќи од првиот ред и

СПОРТ |

користејќи ги сите трикови што ги знае за да ги задржи ривалите зад себе. Сепак, тоа доведе до негови проблеми со сопирачките во вториот дел од трката, поради што на крајот заврши на 4 место. Ова е првпат тој да не е на подиумот во Мајами, а трет пат оваа сезона да нема пласман меѓу првите тројца. Сепак, тимот одлучи да побара од стјуардите проверка на третопласираниот Џорџ Расел, затоа што според Ферстапен, во моментите кога имало развеани жолти знамиња, Британецот не ја намалил брзината како што наложуваат правилата. Стјуардите го отфрлија тоа, известувајќи ја јавноста дека „евидентно од снимката на камерата, како и од телеметријата, болидот со реден број 63 го пуштил педалот за гас кога минувал низ зоната“, како и дека „бил значително побавен отколку во тркачки услови, иако апсолутната брзина била зголемена при поминувањето на зоната“. Ваквата ситуација предизвика и малку зафрканции на сметка на Ферстапен, па така Ландо Норис си зема слобода да го критикува четирикратнот шампион.

- Тој навистина се бори жестоко. Но, тоа е до него, си ја упропасти сопствената трка. Не е умно така да се тркаш, - прокоментира Британецот. За својот дуел со него, како и со „бркањето“ на Пјастри, Норис додаде дека тоа било најдоброто што можел да го извади.

- Откако дојдов на второто место имаше уште 25 до 30 круга од трката. Престанав да притискам некаде во последните 4-5 круга, а разликата падна од 10 на 4 или 3 секунди. Направив сè што можев. Се обидував целата трка, сè до крајот имав верба, но и Оскар возеше. Можеш лесно да го стигнеш, но секако ќе биде невозможно, сепак се обидов. Речиси го стигнав, но немаше повеќе кругови од трката,- изјави Норис. Најгласен од кампот на Ред Бул беше советникот на компанијата, Д-р Хелмут Марко, кој беше директен во оценката.

- Главниот заклучок е дека сме премногу бавни. Видовме дека кога тие возат до крај, ние сме седум десетинки од секундата зад нив. Ја видовме нивната вистинска брзина за првпат. Мора да најдеме дополнителни перформанси, беше депресивно колку се брзи болидите на Мекларен,- рече Австриецот. Иако возачите на Мерцедес имаа забележителни улоги во текот на гран при викеднот, третото место на Расел беше најдобрата вест за нив. За него ова е четврти подиум годинава, а минатата сезона имаше четири подиуми во текот на целата година. Од друга страна, викендот на Ферари беше дијаметрално спротивен, прво со освојување на третото место од Хамилтон во спринтот, за потоа во главната трка да бидат вон конкуренција за подиумот и да употребуваат тимски наредби со цел да увидат кој од возачите може да го престигне оној пред нив (Антонели во Мерцедес). Тоа повторно создаде драма во ТВ преносот, но тимскиот шеф на Ферари изјави дека тоа е вообичаена пракса.

- Ние имаме зацртана пракса и ја следиме неа. Главната дилема беше дали треба возачот што бил пропуштен да му ја врати позицијата на колегата доколку не успее да го престигне тој пред нив. Ние сакавме да видиме дали навистина болидот што беше назад е побрз или тоа се должи само на ДРС крилото. По трката зборував со Луис и ја разбирам неговата фрустрација. Тие се шампиони, тие победуваат. Ние бараме од нив да го пропуштат

АНТОНЕЛИ ПОЧНАЛ ДА ГИ СОБОРУВА РЕКОРДИТЕ Андреа „Кими“ Антонели со освоената пол позиција во спринт трката во Мајами се запиша во историјата на Формула 1, но тоа не е неговиот прв рекорд. Минатиот месец за време на трката за Големата награда на Јапонија тој беше 10 круга во водство, при што е нотиран како најмладиот возач во историјата на спортот кој водел во трка (на 18 години и 224 дена). Рекордот за најмлад возач во Ф1 го постави Макс Ферстапен кој дебитираше со 17 години и 166 дена, додека Антонели веќе има наполнето 18 години. Ферстапен е најмладиот победник со 18 години и 228 дена, нешто што му пошло од рака во Шпанија во 2016 година, откако главните фаворити Хамилтон и Розберг се елиминирале во меѓусебен судир. Антонели има шанса да собори некои други рекорди, како на пример „најмлад возач со пол позиција во главна трката“, нешто што Фетел го направил на возраст од 21 година и 72 дена. Рекордот на Фетел за најмлад светски првак исто така е „во игра“, бидејќи Германецот тогаш имал 23 години и 134 денови.

тимскиот колега, а тоа не е лесно. Никогаш не е лесно. Ниту еден друг тим не го направи тоа во оваа трка, но тоа е наша пракса. Ние се тркаме за Ферари, прв е тимот. Мислам дека тимски одработивме добро, но сепак може да дебатираме дали требаше да го направиме тоа пола круг порано или половина круг подоцна,- изјави Фредерик Васер. Тој посочи дека им објаснил на возачите по трката и дека атмосферата била релаксирана, без тензии, а Шарл Леклер го потврди тоа.

- И јас ќе го направев истото да бев на местото на Луис, ќе се обидев да бидам поагресивен со медиум гумите. Нема лоши чувства, нема воопшто,- рече Моначанецот. Иако можеби беше на маргините, за одбележување е фактот дека Јуки Цунода успеа да освои бодови со Ред Бул во двете трки, при што во главната трка имаше и пет секунди казна, но сепак на крајот влезе меѓу освојувачите на бодови, со една десетинка предност во однос на Исак Хаџар. Со оваа победа Оскар Пјастри направи разлика од 16 бода во однос на Ландо Норис и се наоѓа во водство на табелата кај возачите (131:115). Ферстапен со 99 бода и Расел со 93 бода се единствените кои се на пристојна дистанца, додека веќе петтопласираниот Леклер има 53 бода, додека Антонели зад него е со 48, по што следува Хамилтон со 41 поен. Мекларен наближува кон тоа да има двојно повеќе бодови од конкуренцијата, па така во моментов на првото место тие имаат 246 бода, Мерцедес има 141, додека Ред Бул и Ферари се во свој дуел за третата позиција (105:94). Со трката за Големата награда на Емилија Ромања на 18 мај започна европскиот дел од календарот, за веднаш потоа да уследат уште две трки до крајот на месецот, во Монако и Шпанија.

• Александар Табаковски

05.2025 | www.amsmklubmobiliti.mk

43

| СПОРТ

Рели Канарски Острови

БЛЕСКАВА ДОМИНАЦИЈА НА РОВАНПЕРА И ТОЈОТА НА РЕЛИТО НА КАНАРСКИТЕ ОСТРОВИ, РОВАНПЕРА ГИ ДЕКЛАСИРАШЕ РИВАЛИТЕ, ПОБЕДИ УБЕДЛИВО, БЕШЕ НАЈБРЗ НА SUPER SUNDАY, НА ИСПИТОТ WOLF POWER, И ГО ПРЕДВОДЕШЕ СИЛНИОТ НАПАД НА TOYOTA КОГО ЈАПОНСКИОТ ТИМ ГО ПРЕТВОРИ ВО 1-2-3-4 ПОБЕДА.

К

але Рованпера се врати. Удри со полна сила и освои грандиозна победа на новиот настан во Светскиот шампионат во рели, релито на Канарски Острови. Неговата апсолутна доминација на ова рели беше надреална. Дури успеа да му побегне на својот тимски другар и осумкратен светски шампион Себастијан Ожие за неверојатни 53,5 секунди на крајот од релито. Разлика која се чини просто неверојатна, уште повеќе ако се земат предвид секогаш силните перформанси на Ожие кога се вози на асфалт. Едноставно Рованпера на ова рели возеше во лига сам за себе. Малку фалеше да извози едно совршено рели со победа на сите брзински испити, и да се запише во книгата на славните како втор возач во историјата кому му пошло од рака да го постигне овој совршен резултат. Секако, Кале Рованпера е млад возач и се надеваме дека ќе има прилика да го достигне ова возачко совршенство. Дотогаш името на големиот Себастијан Леб ќе остане единствениот запис во оваа книга на славните. Деветократниот светски шампион во рели, победи на сите брзински испити на релито на Корзика во 2005 година и стана првиот возач во историја кому

44 05.2025 | www.amsmklubmobiliti.mk

му успеал овој подвиг. Секако подвигот на Леб останува прв и единствен, барем засега. Ниту дотогаш, ниту оттогаш, ваков подвиг не му успеал на еден возач на рели. Кале Рованпера, на релито на Канарски Острови, беше на добар пат да го достигне рекордот на Леб. Но, тоа не му успеа за малку. Од вкупно 18 брзински испити на релито, тој победи на 15. Рованпера не беше единствената блескава ѕвезда на ова рели. Подеднакво блескаше и тимот на Toyota Gazoo Racing. На чело со младиот Финец, Toyota прикажа апсолутна доминација на Канарите. Освои победа 1-2-3-4 што се случува втор пат во историјата за еден производител на настан што се вози на асфалт. Прв пат победа 1-2-3-4 на асфалт му успеа на Citroen во 2010 година на релито на Бугарија, кое само таа година беше дел од Светскиот шампионат. Toyota, Citroen и Mercedes се единствените во историјата на релито со победа 1-2-3-4. Citroen има една, и Mercedes има една во 1979 година на релито на Брегот на Слоновата Коска, а за Toyota ова е четврта. Претходните три победи во формат 1-2-3-4 Toyota ги забележа на релито на Кенија во 1993, 2022 и 2023 година.

СПОРТ |

Предноста во однос на Кралот на Монте Карло, од 26,8 секунди, се чинеше неверојатна како за почеток. Но, тоа беше само вовед во декласираност на своите ривали. Во саботата пет од шест испити ги испука како од пушка. Не победи само на последниот испит од денот кој му припадна на Елфин Еванс. Беше евидентно дека Рованпера има намера да освои сè што може да се освои на ова рели. Продолжи со напад и на последниот ден од релито. Иако вториот и третиот испит од денот му ги препушти на Ожие, сепак, беше најбрз во неделата освојувајќи максимални 5 бода од Super Sundаy. Победи и на последниот испит Wolf Power што му донесе уште 5 бода. Па така, од Канарските Острови, Кале Рованпера си замина со максимални 35 бода и преку ноќ од шесто скокна на второ место во шампионатот за возачи.

Релито не е непознат за Канарските Острови, иако годинава, тие за првпат се дел од Светскиот шампионат во рели. Можеби делува изненадувачки, но Канарите живеат за рели, бидејќи секогаш се прв избор на тимовите кога станува збор за тестирање на асфалт. И, воедно, до лани, беа најомилениот настан од Европскиот шампионат во рели кој привлекуваше најмногубројна публика. Годинава, на големо задоволство на караванот на Светскиот шампионат, не беше ништо поразлично. Илјадници фанови беа наредени крај патеките бодрејќи ги модерните гладијатори и нивните монструми на четири тркала. На Канарите патеките се мазни, но не простуваат грешки. Нема потреба од сечење на свијоци, но затоа прецизноста и ритамот се пресудни. Во една олку со емоции набиена атмосфера Кале Рованпера ги сврте работите наопаку. Како да не постоеше почетокот од сезоната кога работите не му одеа од рака, а тој префрлаше вина на новите гуми на Hankook. Коцките конечно се склопија за младиот Финец и тој блесна. Дрско презеде контрола од првиот брзински испит нижејќи најдобри времиња едноподруго. Првиот ден од релито го заврши далеку пред второпласираниот Себастијан Ожие.

05.2025 | www.amsmklubmobiliti.mk

45

| СПОРТ

Никој, па дури ниту Ожие, немаше одговор за перформансите на Рованпера, кого во шега го нарече „лудиот мал Финец”, алудирајќи на неговата брзина која како да беше надвор од овој свет. Ожие немаше друг избор освен да се задоволи со второ место. Водечкиот во шампионатот Еванс призна дека се чувствува фрустрирано бидејќи седи во иста машина, но ниту одблизу не е во позиција да се бори за победа. Велшанецот не стигна подалеку од трето место, а четвртиот возач на Toyota на ова рели, Такамото Катсута беше среќен со четвртото место кое во саботата го наследи од Пајари. Toyota беше на добар пат да се закити со дури 1-2-3-4-5 победа на Канарите. Но, петтиот возач во тимот, Сами Пајари, кој беше поуспешен од Катсута, удри во дрвена бариера на 12 брзински испит, го уништи автомобилот, по што мораше да се откаже.

WRC2 – РОСЕЛ ПОЛЕКА ГИ МЕСТИ КОЦКИТЕ ЗА ТИТУЛА

Јохан Росел како да сакаше да ги преслика перформансите на Кале Рованпера во категоријата WRC2. Французинот водеше од почеток до крај во својата класа освојувајќи 13 од вкупно 18 брзински испити. Тој се најде под сериозен притисок од домашниот возач Алехандро Кашон, но сепак успеа да го доведе својот Citroen C3 Rally2 до втората победа годинава. Кашон заврши втор, а Никола Грјазин го пополни третото место на подиумот. Успехот на Канарските Острови му овозможи на Росел да го зголеми водството во генерален пласман на 15 бода во однос на Оливер Солберг кој не возеше на ова рели.

Дебакл за тимот на Hyundai. Перформансите на i20N Rally1 беа далеку од она што се бараше на мазните патеки на најголемиот остров на Канарите, Гран Канарија. Возачите се жалеа на управливоста на автомобилот, но и на брзината. Тимот на крај лошите перформанси ги адресираше до несоодветни диференцијали. Беше очигледно дека Hyundai не ја сработил домашната задача за ова рели. Најбрз од возачите на Hyundai беше Ејдриен Формо кој заврши петти, а на крај од релито заостануваше 2:31 минути зад Рованпера. От Танак беше уште полош со преку 3 минути заостанување зад победникот, а се пласираше на шесто место. За работите да бидат уште позамрсени за Естонецот, моторот на неговиот автомобил откажа на крајот од саботата. Механичарите во сервис го заменија за магични 46 минути пробивајќи ја границата за една минута. Заради што Танак заработи казна од 10 секунди. Тиери Нувил заврши седми со 3:40 минути зад Кале. И за несреќата да биде поголема беше единствен кому му успеа да дупне гума.

46 05.2025 | www.amsmklubmobiliti.mk

Еванс останува на лидерската позиција во шампионатот за возачи. Има сериозно конто од 109 бода после четири настани. Второпласираниот Рованпера со 66 бода е далеку зад Еванс кој во моментот е најдобриот кандидат за титула. На трето место е актуелниот шампион Нувил со 59 бода.

Toyota повторно значително се оддалечи од Hyundai во шампионатот за производители. Јапонците натрупаа 208 бода или 51 повеќе од Корејците кои сега имаат 157 бода. Додека M-Sport Ford има скромни 58 бода. Следен настан во календарот е релито на Португалија кое се вози од 14 до 19 мај.

• Љубомир Атанасовски

СПОРТ |

Најава 24 часа Леман 2025

ПОСЛЕДНИ ПОДГОТОВКИ 185 ВОЗАЧИ СЕ ПРИЈАВЕНИ ДА УЧЕСТВУВААТ ВО НАЈЛЕГЕНДАРНАТА ТРКА НА ПЛАНЕТАВА, 24 ЧАСА ЛЕМАН. ОРГАНИЗАТОРОТ КОЈ ПО 93. ПАТ ГО ПОДГОТВУВА ОВОЈ 24 ЧАСОВЕН БРЗ ЦИРКУС, ОЧЕКУВА НАД 200.000 ПОСЕТИТЕЛИ, А ДОБРИТЕ ПОЗНАВАЧИ НА ПРИЛИКИТЕ ВЕЛАТ ДЕКА ТАА БРОЈКА ЌЕ БИДЕ НАЈМАЛКУ 250.000.

В

реме е да ја најавиме трката над трките именувана како 24 часа Леман. Името кажува сè. Тоа „24 часа“ кажува за времетраењето на трката - 24 часа со полна брзина. Тоа е трка на издржливост, налудничав маратон каде играта со нервите е исцрпувачка и стресни мигови колку што сакате. И да не знаете за каква трка зборуваме само што ќе слушнете дека трае едно деноноќие, веднаш знаете дека овде нешто не е во ред. Трка со времетраење од час, час и половина или два, е нешто како вообичаено. Три часа тркање се многу, а не пак 24. Затоа во секое пријавено возило има по тројца возачи кои се менуваат како што ќе се договорат. Трката се вози на патеката Сарт долга 13.626 м. Еден дел е токму тркачка патека, а дел од неа е всушност јавен пат кој организаторот го користи како тркачка патека, што значи за време на тренинзите и трката сообраќајот е затворен. Најголемата постигната брзина е регистрирана на местото наречено „мулзеин“, правиот дел од патеката, во 1988 год. од страна на возачот Роже Дорчи од тимот Велтер Рејсинг со прототипот „вм - пежо п 88“. Поставените радари ја покажале бројката 407.

Мистер Леман е Том Кристенсен, возач со неверојатни девет титули, а од марките, (производителите) најтрофејна е Порше со фантастични 19 победи, не во една туку во сите класи. Ќе беше премногу ако само во најсилната класа беа постигнати сите 19 победи, а во тимската класификација Јоест Рејсинг досега има освоено 13 титули 24 часа Леман. Трката почнува во 16:00 часот на 14 јуни, а завршува наредниот ден на 15 јуни во 16:00 часот. Сепак сиот тој „циркус“ започнува многу порано, на 10 јуни и трае сè до завршување на трката на 15 јуни. Интересно е тоа што Ферари се врати во трките на издржливост и две години по ред им зема мерка на конкурентите. Дали и годинава ќе биде така, допрва треба да видиме. И Астон Мартин се враќа по пауза од 2011 год. така што сега конкуренцијата е збогатена за уште еден натпреварувач. Ферари, Тојота, Пежо, Кадилак, БМВ, Алпина, Астон Мартин и Порше. Вкупно се пријавени 185 возачи распорЕдени во сите класи. 21 болид има во класата „хиперкар“ (некогашната „прототипови“), во „лмп 2“ се пријавени 17 болиди и 24 болиди во класата „лмгт 3“. Како резерни тимови пријавени се шест возила. Догодина треба да влезат уште три марки, едната од нив е Форд, другата Генезис (читај Хјундаи), а третата само е најавена, но името сè уште се чува во тајност. Тешко ќе биде за гледачите да седат на трибини едно деноноќие, а да не зборуваме ако треба да возите, односно да се тркате, не да возите. Возење е едно, а тркање сосема друго. Нека им е со среќа на сите и да ги видиме на целта на 15 јуни попладне по 16:00. • Жарко Анастасовски

05.2025 | www.amsmklubmobiliti.mk

47

| СПОРТ

WEC – 6 часа на Имола

ЦЕЛОСНА ДОМИНАЦИЈА НА ДОМАШЕН ТЕРЕН НА ОГРОМНО ЗАДОВОЛСТВО НА ВЕРНИТЕ ТИФОЗИ, FERRARI ЗАБЕЛЕЖА ГОЛЕМА ПОБЕДА НА ДОМАШЕН ТЕРЕН. ОВА Е ПРВА ПОБЕДА НА FERRARI, КАКО ФАБРИЧКИ ТИМ, НА ЕДНА ТРКА НА ИЗДРЖЛИВОСТ НА ИТАЛИЈАНСКА ПОЧВА ОД 1973 ГОДИНА.

F

errari конечно го почувствува слаткиот вкус на победата на автодромот кој се смета за втор дом на марката од Маранело. Верните тифози на патеката во Имола дочекаа да го видат црвениот тим како блеска во полн сјај. На нивно, но и на свое големо задоволство, галопирајќи, истопорениот коњ од Маранело стигна до првата голема победа на домашен терен, во трка на издржливост, после повеќе од 50 години. Годинешната победа на Имола, за Ferrari е уште поголема, бидејќи лани, и покрај целосната доминација на квалификациите, и во трка, кога три автомобили беа на врвот, таа им се лизна од раце. Минатогодишните 6 часа на Имола за Ferrari беа пример како од учебник дека трките на издржливост не се добиваат само со брзина туку и со тактика. Затоа годинава научената лекција од лани Ferrari ја претвори во слава. Ова е прва победа на Ferrari, како фабрички тим, на една трка на издржливост на италијанска почва од 1973 година. Воедно со неа Ferrari ја зацврсти лидерската позиција во шампионатот на трки на издржливост и создаде значителна предност во потерата по круна меѓу производителите.

48 05.2025 | www.amsmklubmobiliti.mk

На интернационална патека Енцо и Дино Ферари, како што гласи полното име на автодромот во Имола, брзината на автомобилите на Ferrari дојде до израз. На оваа патека дури половина од кругот се вози под полн гас, а максимална брзина на тркачите од Hypercar се движи околу 312 km/h. Тука Ferrari ги порази своите лути ривали. Меѓутоа трката на издржливост 6 часа на Имола покажа нешто многу поважно од брзината на Ferrari. Покажа дека конкуренцијата во шампионатот се заострува исфрлајќи го во преден план BMW. Баварците имаат две успешни трки на почеток од сезоната и ги оправдаа тврдењата дека во однос на дебитантската сезона лани, нивните автомобили носат значителни подобрувања. Сега се на добар пат да се вмешаат во пресметките за титула заедно со Toyota, иако, за волја на вистината, Ferrari значително се оддалечи со двете победи едноподруго. Антонио Џовинаци е кралот на квалификациите на почетокот од сезоната со, сто отсто процентен успех. Се чини дека зад волан на аловиот Ferrari 499P со број 51 е способен да прелета патека во бришечки лет. Во Катар освои полпозиција со 0.136 секунди пред второпласираниот, а во Имола неговата предност беше уште поголема со неверојатни 0.758 секунди. Евидентно е дека ниту еден од ривалите не му е ниту до колена кога станува збор за квалификации. До него стартуваше Роберт Кубица со Ferrari број 83 на приватниот тим AF Corse. Дрис Вантор со број 15 BMW M WRT повторно беше најбрз од останатите. И додека во Катар успеа да ги одвои автомобилите на Ferrari, во Имола се пласираше на третата позиција. До него и зад него, четврти и петти, се наредија болидите на Toyota Gazoo Racing. Број 8 со Рио Хиракава и број 7 со Ник де Врис, со безмалку идентичен резултат, ги делеа само 0.001 секунда. Ник де Врис го делеше третиот ред

СПОРТ |

со Мик Шумахер во број 36 Alpine А424. На огромно одушевување на тифозите (навивачите) најбрз од класата LMGT3 беше Валентино Роси зад волан на број 46 BMW М4 WRT. Легендарниот „доктор” на огромно задоволство на верните тифози беше најбрз на сесијата Hyperpole со предност од 0.306 секунди. Роси со вакво возење на квалификациите ветуваше дека може да го повтори минатогодишниот успех. Со оглед на брзината на квалификациите и перформансите кои ги прикажаа на трката во Катар, од Ferrari се очекуваше да ја запише првата победа во WEC на домашен терен. Токму тоа и се случи. Ferrari 499P број 51 со Алесандро Пјер Гуиди, Антонио Џовинаци и Џејмс Каладо возеше на врвот од почеток до крај. Во текот на трката немаше поголеми изненадувања за водечките, иако подолу различните тактики и директните дуели во повеќе наврати го мешаа поредокот. Најголемо возбудување пред очите на 65 илјадната публика се случи во последната третина од трката кога за момент тифозите помислија дека нивниот фаворит нема да мине прв низ целта.

Мешаницата се случи на почетокот од петтиот час од трката кога зад волан на, дотогаш водечкиот број 51, беше Џовинаци. Заради сплет на настани Ferrari број 51 за кратко се најде на втората позиција, зад Porsche Penske број 6 со Мет Кемпбел. Коцкањето со стратегијата и излегувањето на „safety car” на патека му овозможи на Porsche број 6 да избие на чело на поредокот, но оваа состојба не траеше долго. Џовинаци не беше среќен со губењето на лидерската позиција и тргна во напад приредувајќи ја заедно со Кемпбел една од највозбудливите битки во поновата историја на шампионатот. Брзината на Ferrari беше евидентна бидејќи Џовинаци во само неколку круга му се залепи на опашка и почна да напаѓа обидувајќи се да го престигне. И најмала грешка за Кемпбел ќе значеше губење на позицијата. Ставен под постојан притисок Кемпбел стана нервозен. Во еден момент на невнимание, во вториот дел од свијокот Риваца, пред излез на стартно-целната рамнина, бранејќи се, Кемпбел направи грешка. Сопираше силно блокирајќи ги предните тркала при што загуби контрола. Џовинаци ја искористи приликата и мина крај него враќајќи го Ferrari број 51 на лидерската позиција. Дополнително Џовинаци успеа во неколку круга да ја зголеми предноста и можеше мирно да појде во бокс на замена со Пјер Гуиди. Италијанецот, пак, ја имаше честа пред своите тифози да мине со Ferrari број 51 прв низ целта.

Porsche број 6 не успеа долго да остане меѓу најбрзите. Toyota GR број 7 со Мајк Конвеј и BMW М број 20 со Робин Фријн успеаја да го депласираат. Во меѓусебна борба за позиција Конвеј и Фријн дури и се судрија, но се извлекоа без поголеми проблеми. Нивниот дуел го искористи Себастијан Буеми со број 8 на Toyota, но иако ги престигна позицијата не ја задржа долго. Следуваа последните планирани влегувања во бокс од кои, BMW M со број 20, заради алтернативната тактика со кусо запирање извлече најмногу. Успеа да излезе од пит-стоп на втора позиција која не ја испушти до крај. Краткото застанување вроди плод и за тимот на Alpine број 36 кој од бокс излезе на третата позиција. Поредокот на првата тројка не се смени до крајот на трката.

BMW M WRT број 20 со Робин Фријн, Рене Раст и Шелдон ван дер Линде успеа да заврши на второ место. Иако имаа лоша стартна позиција, беа 13 на квалификации, сепак, Фријн, Раст и Линде успеаја да го освојат првиот подиум со нивниот прототип. Alpine Endurance Team број 36 со Жил Гунон, Фредрик Маковиецки и Мик Шумахер кои завршија трети, исто така, го освоија својот прв подиум во Светскиот шампионат. Четвртото, петтото и шестото место ги пополнија Ferrari број 83 на приватниот тим AF Corse, Toyota GR број 8 и BMW M WRT број 15 соодветно. По само две трки Ferrari стекна значителна предност во шампионатот освојувајќи вкупно 92 бодови. Втор е BMW со 63 бодови, додека Toyota е на третото место со 53 бодови. Иако шампионатот е на почеток се чини дека годинешната одбрана на титулата за Toyota ќе биде исклучително тешка.

Класата LMGT3 подеднакво беше исполнета со извонредни моменти кои доведоа до тесно набиен финиш во кого се најдоа Porsche и BMW. Иако тифозите очекуваа нивниот „доктор” да ги повтори перформансите од квалификациите, тоа за жал не се случи. Не е дека Валентино Роси и неговите другари од екипажот, Ахмад Ал Харти и Келвин ван дер Линде, не беа брзи со својот BMW M4 број 46, туку низа грешки ги оддалечија од победа. Победата отиде во раце на Manthey 1st Phorm број 92 Porsche 911 GT3 R со Рајан Харвик, Ричард Лиц и Рикардо Пера. Роси пред своите тифози го повтори минатогодишниот успех освојувајќи го второто место. Трети на подиумот се качија Фин Гехриц, Естебан Масон и Арнолд Робинс со број 78 Akkodis ASP Lexus RC F GT3. Лидер во шампионатот во класата LMGT3 е тимот на TF Sport број 33 Corvette Z06 GT3.R со 44 бодови. Втор е тимот на Akkodis ASP број 78 Lexus RC F GT3 со 33 бодови, а трет United Autosports број 59 McLaren 720S GT3 со 27 бодови. Следна на репертоарот е трката 6 часа на Спа-Франкоршамп во Белгија која се вози на 10 мај. • Љубомир Атанасовски

05.2025 | www.amsmklubmobiliti.mk

49

| АМСМ

СИГУРНОСТ НА ПАТ ЗА ЦЕЛОТО СЕМЕЈСТВО - ПО СУПЕР ЦЕНА е нашата најголема вредност – затоа гри- СПЕЦИЈАЛНА ПОНУДА Спат,емејството жата за нивната безбедност секогаш и секаде, па и на Додадете член од семејството со 50% попуст на семејнатреба да биде приоритет. Со АМСМ семејно членство, та членска картичка: можете да ја споделите сигурноста и поддршката што вие ја добивате како член и со вашите најблиски: децата, сопружниците, родителите... Без разлика каде патуваат, и што и да се случи, вие ќе бидете спокојни – затоа што ние ќе бидеме тука за нив, исто како што сме тука и за вас!

• Само 245 денари за Classic • Само 445 денари за Europe Premium

Семејната картичка можете да ја извадите веднаш при зачленување или дополнително, во текот на траењето на вашата членска картичка. Семејна членска картичка ЗОШТО ДА ИЗБЕРЕТЕ СЕМЕЈНО ЧЛЕНСТВО? можете да извадите и онлајн на www.amsm.mk. Акцијата • Заштеда за целото семејство - Годишниот надомест трае до 31.05.2025год. за семејна картичка е значително понизок од редовната членарина – наместо повеќе картички, една картичка ги Споделете ги услугите и патувајте БЕЗГРИЖНО! штити сите.

• Безгрижни патувања за сите - Услугите за помош на Повеќе информации: 02/3181-108 пат и шлепување, вашите најблиски ги добиваат од вашата членска картичка.

• Попусти во Македонија - Семејните членови добиваат пристап до АМСМ Партнер програмата со над 250 локации низ Македонија, како кафулиња, ресторани, хотели, продавници за накит, продавници за спортска облека, оптики итн.

50 05.2025 | www.amsmklubmobiliti.mk

НИЗ ЕВРОПА ВОЗИ БЕЗ НЕРВОЗИ!

БЕСПЛАТНА ПОМОШ НА ПАТ ВО ЗЕМЈАТА И ВО ЕВРОПА ПОДАРОК ПАТНИЧКО ОСИГУРУВАЊЕ

www.amsm.mk

02/3181-108

05.2025 | www.amsmklubmobiliti.mk

51

ЗАШТИТЕТЕ ЈА ВАШАТА СТРУЧНОСТ

НАПРАВЕТЕ ОСИГУРУВАЊЕ ОД ПРОФЕСИОНАЛНА ОДГОВОРНОСТ!

ПОЛИСАТА ЈА ПРЕПОРАЧУВАМЕ ЗА: НОТАРИ, АДВОКАТИ, СМЕТКОВОДИТЕЛИ, ДАНОЧНИ СОВЕТНИЦИ, ПРОЦЕНИТЕЛИ, АГЕНЦИИ ЗА ОБЕЗБЕДУВАЊЕ ИТН. *Полиси достапни од сите осигурителни компании.

02/3181-402 | 02/3181-405 52 05.2025 | www.amsmklubmobiliti.mk

www.mobilitybroker.com.mk