Gobierno Abierto (Propuesta de Marco de promoción de la tecnología "en positivo" en el Valle de Aran

Marc de potenciacion dera tecnologia “en positiu” en Aran

Prepausa Conselh d’Alcaldes 20 de deseme de 2018

1

INDÈX (tag)

2

Programa “Govèrn Dubèrt” deth Conselh Generau d’Aran En encastre dera Lei 1/2015, de 5 de hereuèr, deth Règim Especiau d’Aran, eth sòn article 67.4 cite: “Eth Conselh Generau d’Aran a de crear era Oficina de Govèrn dubèrt tamb es objectius següenti: a) Promòir era transparéncia e er accès ara informacion publica. b) Potenciar era participacion dera ciutadania aranesa enes politiques publiques c) Garantir era rendicion de compdes des Institocions Araneses. d) Vetlhar pera melhora dera qualitat democratica.”

Eth Programa “Oficina de Govèrn Dubèrt” siguec aprovat eth passat 20 de hereuèr de 2018 peth Conselh de Govèrn en tot obedir ath mandat dera Lei d’Aran atau coma d’un hilat d’objectius que le ne son complementaris e que son es que seguissen:        

Dar compliment ath manament sorgit dera Lei 1/2015, de 5 de hereuèr, deth Regim Especiau d’Aran.

Iniciar era modernizacion deth servici public dera Institucion Aranesa Melhorar es canaus de relacion tamb era ciutadania d’Aran Fomentar un cambi de gestion publica basat prioritàriament enes positius elements dera tecnologia.

Potenciar era Transparéncia coma eth pretzhèt dera accion publica dera Institucion Potenciar es dus elements claus de tota gestion publica, eficàcia e eficiéncia.

Implantar era Administracion Electronica dera Institucion Aranesa Dessenhar eth camin des cambis procedimentaus e metodologics intèrns dera Institucion.

En dia d’auè, e a mòde de resum, era huelha de trebalh implementada ei era següenta:     

SubPrograma Administracion Electronica SubPrograma Oficina d’Atencion ath Ciutadan SubPrograma Comunica en Digitau SubPrograma Workers SubPrograma Share

Enes pròplèus setmanes se sotmeterà a aprovacion es següenti SubProgrames:   

SubPrograma Donades Dubèrtes SubPrograma Ciutadania Digitau SubPrograma Canau Ciutadania

3

Paralellament tanben auem aprovat marcs metodologics de trebalh deth Pròpi Programa.

Ara seguida les nomentam: -

Manual d’Atencion Ciutadana Reglament d´ús des Tecnologies e era Informacion en Conselh Generau d’Aran Guida de Hilats Sociaus de Govèrn Dubèrt deth Conselh Generau d’Aran

Enes pròplèus setmanes se sotmeterà a aprovacion, en aguest sens, es següentes accions: - Libre d’Estil deth Programa Govèrn Dubèrt deth Conselh Generau d’Aran - Identitat grafica deth Programa Govèrn Dubèrt - Web pròpia deth Programa - Dossier de conceptualitzacion deth Programa Govèrn Dubèrt deth Conselh Generau d’Aran Entà portar a tèrme eth desvolopament deth trebalh, s’a compdat tamb era incorporacion de dus joeni ena tipologia de contracte en practiques remunerades deth Programa Garantia Juvenil.

En cas que se desire mès informacion deth Programa “Oficina de Govèrn dubèrt” e/o de quinsevolha des accions portades a tèrme, o ben que s’amiaràn a tèrme, mos plaçam ara vòsta disposicion ben sigue per via presenciau, telefonica o telematica.

4

Era tecnologia non ei eth futur, era tecnologia dejà ei present e dejà forme part dera nòsta cultura quotidiana, personau, laborau e sociau.

Era tecnologia a deishat d’èster, sonque, un esturment entà ua fita que persutam. Era tecnologia s’a convertit en un pilar que mos acompanhe ena nòsta accion diària e indefinida.

Aguest encastre mos permet díder qu’era tecnologia a transformat era societat en totes es sues vessants (personau, laborau, empresariau e sociau). Sygmund Bauman ac definís perfectament tamb era sua teoria dera modernitat liquida.

Multitud d‘experts de tot eth mon, atau coma tanben experiéncies pròpries o de tresaus an configurat ua societat de transformacion digitau en qu’es relacions P2P, P2B o ben B2B son completaments naues e innovadores.

Er empoderament dera persona a trauèrs dera tecnologia a portat ad aguesta a utilitzar era tecnologia a exemples e praxis impensables ena prumèra modernitat (Paul Mason).

En aguest sens, plantejam un Acòrd Marc de potenciacion “en positiu” dera tecnologia. Malerosament, eth creishement exponenciau der ús dera tecnologia non s’a portat a tèrme, ena madeisha proporcion, tamb ua alfabetitzacion digitau dera societat.

Aguesta situacion mos pòrte a vèir, a viatges, un mal ús o mau intencionat ús d’aguesta a tresaus o pròpis.

Aguest Acòrd Marc que se plantège permeterà crear de manera conjunta (entres es AAPP araneses) un hilat d’accions e/o actuacions, tanben de prepauses de melhora e era creacion d’un hilat de servicis públics que mos permeterà acompanhar ara societat en aguesta transformacion digitau qu’estam viuent e ua auta part que està patint.

Era lèu arribada dera tecnologia 5G, acompanhada dera implementacion de servicis e/o productes d’inteligéncia artificiau crearà ua naua disrupcion que tornarà a transformar, en toti es àmbits dera vida vidanta e des empreses, eth concepte que enquià auem der ús tecnologic.

En aguest document sajam d’esquematitzar er encastre d’actuacion que se portarie a tèrme (ua prepausa iniciau) a trauèrs d’aguest Acòrd Marc e presente, a mòde d’exemple, es àmbits d’aplicacion, es servicis que se poderien crear e aufrir ara societat, atau coma ua reflexion generau de coma se portarà a tèrme era accion que se encastre en Acòrd Marc.

Auem de caminar a sajar d’enténer e compréner qu’era tecnologia non ei un departament dera administracion publica. Era tecnologia ei un element qu’era administracion publica utilitze ena sua accions publica.

Podem començar a caminar amassa, era ciutadania mos ac arregraïrà e es Administracions se’n fortiràn.

5

A mòde d’exemple: Àmbits d’aplicacion - Educatiu - Seguretat - Valors (igualtat, drets digitaus, eca) - Eth consum responsable - Er “Open Source” - Era naua relacion ciutadana tamb era administracion publica - Era gestion empresariau - Entara prestacion de naui servicis torístics e terciaris de base tecnologica - Era proteccion deth Patrimòni naturau e culturau - Era potenciacion dera participacion ciutadana e era co-creacion de politiques publiques Assessorament ara societat - Era ciberseguretat - Era “nube” - Eth Blockchain - Era tecnologia 5G - Era Inteligéncia Artificiau - Era proteccion de donades personaus - Er assessorament empresariau Assessorament as AAPP araneses: - Seguretat informatica - Marcs normatius e de dret - Era agilitat, era integritat e era transverssalitat coma èishi prioritaris de trebalh tecnologic enes Administracions Publiques araneses - Eth desvolopament deth concèpte “dubèrt” ena gestion publica - Er inici dera Innovacion Publica dubèrta Coma se portarà a tèrme?

- Era accion e desvolopament der Acòrd Marc le portarà a tèrme eth Programa Govèrn Dubèrt deth Conselh Generau d’Aran.

- Era metologia de trebalh serà consensuada, integrada, participativa e dubèrta.

- Es hònts de finançament seràn definides en document Acòrd Marc que se signe part des AAPP araneses.

6

7

FAQ’S Què se prepause?

Que un solet òrgan executiu promòigue, coordine, ensamble e uniformitze era accion/actuacion, difosion e messatge que pòrten a tèrme es administracions locaus en País respecte dera tecnologia.

Quines ventatges comportarà?

- Auer un messatge tècnic, administratiu e tecnologic únic entà totes es administracions de cara ara ciutadania.

- Promocionar er ús en positiu dera tecnologia - Redusir despenes de promocion e/o informacion dera tecnologia enes AALL d’Aran s’ac hè cadua per separat.

Limite era accion governamentau des AALL? En cap cas. Cada AP pòt auançar en tant sigue era sua velocitat e pòt crear es servicis que desire tamb era maxima autonomia sense mès incidéncia dera accion plantejada qu’era pròpia administracion desire.

Era ventatja, entàs AALL, ei sonque economica?

En absolut. Ath marge deth benefici que compòrte era optimitzacion de còsti en tot hè’c amassa i a un objectiu encara mès important qu’ei promocionar er ús “positiu” dera tecnologia.

Comportarà mès trebalh entàs AALL? Ben ath contrari. Era coordinacion, messatge e difosion der Acòrd Marc se portarà a tèrme des deth Programa Govèrn Dubèrt.

I a ua estratègia definida darrèr de tot aguest trebalh? Òc. Potenciar des des AAPP araneses un messatge e conscienciacion der ús “positiu” dera tecnologia.

Es AALL, donques, perderàn eth protagonisme en ahèrs tecnologics?

Ben ath contrari. Cadua prenerà mès protagonisme en politiques tecnologiques sa’c hèm toti amassa, tanben, aprofitaram era inteligéncia colectiva (staff polític + comandament tècnic + supòrts administratius + agents extèrns + ciutadania) entà lheuar eth nivèu e adaptar tota accion publica locau tecnologica fòrça mès reau e adaptada as besonhs dera ciutadania e empreses deth País.

Qui portarà a tèrme eth trebalh?

Eth trebalh serà gestionat e coordinat peth Programa Govèrn Dubèrt en ua relacion colaboratiua, cooperatiua e participativa des AALL d’Aran.

8

Es AALL participaràn deth trebalh que se pòrte a tèrme des deth Programa Govèrn Dubèrt?

Eth concèpte ei gestion dubèrta, govèrn dubèrt, cultura dubèrta. Per tant, poderàn participar deth trebalh totes es persones fisiques e/o juridiques qu’ac desiren. Era metologia de trebalh serà sustentada en base tecnologica e tamb es protocòtles e normes establertes en Programa. Era base deth trebalh dubèrt ei: collaboracion, cooperacion e participacion, tostemp dubèrt.

Coma se finançarà aguest SubPrograma de Promocion dera Administracion Electronica en Aran?

Calerà establir e definir en Acòrd Marc des AALL d’Aran, que se signe ar efecte de compliment d’aguest SubPrograma,es linhes e hònts de finançament, se cau.

9

Crèdits 01. Aguesta trebalh a estat confeccionat per Alex Moga tamb era collaboracion de Alejandra Escuín e Mikel Martínez, integrants deth Programa Govèrn Dubèrt. S’a recebut eth supòrt deth Secretari Generau deth Conselh Generau d’Aran.

02. S’an emplegat 35 ores de jornada laborau entà portar a tèrme eth trebalh que se presente; tamb un còst de 476 € (en tot compdar es quate documents).

03. Es mieis utilitzadi entà portar a tèrme eth trebalh an estat: Hardware (estacion de trebalh basica) e software (ofimàtic e de dessenh gràfic).

04. Era metodologia de trebalh emprada a estat era preestablerta en Programa de Govèrn Dubèrt.

05. Era finalitzacion e presentacion d’aguest document compòrte poder-le hè públic en portaus de publicacions digitaus e/o espacis der ecosistèma web, tostemp que non contravengue eth marc legislatiu existent. Era motivacion, entara sua publicacion, se sustente ena conceptualitzacion dera linha de trebalh que potencie eth Programa Govèrn dubèrt que ei: era transparéncia, es donades dubèrtes e eth “compartir” (coma element participacion) ena recèrca dera melhora colectiva.

10