Mae prentisiaethau a dysgu seiliedig ar waith yn rhoi cyfle i chi gael profiad go iawn, ymarferol wrth weithio tuag at gymwysterau a gydnabyddir yn genedlaethol - yn eich helpu i hybu eich hyder, eich gallu, a chyfleoedd eich dyfodol.
Mae’r canllaw hwn yn esbonio sut mae prentisiaethau yn gweithio, y gefnogaeth sydd ar gael i chi, a sut gallwn helpu i adeiladu’r sgiliau rydych eu hangen ar gyfer cael gyrfa lwyddiannus.
Ers 1988 mae ACT, ynghyd â’n chwaer gwmni ALS, wedi tyfu i fod yn ddarparwr hyfforddiant mwyaf Cymru ac yn aelod balch o Grŵp Coleg Caerdydd a’r Fro (CCAF). Gyda chefnogaeth
Llywodraeth Cymru, rydym wedi ymrwymo i wella bywydau drwy ddysgu gan ddarparu prentisiaethau, lleoliadau Twf Swyddi Cymru+, a rhaglenni hyfforddi ar draws 30 o wahanol sectorau.
Yn 2025, gweithiodd y sefydliad gyda mwy na 5,000 o ddysgwyr a 1,000 o gyflogwyr er mwyn uwchsgilio Cymru.
Rydym yn cynnig dysgu seiliedig ar waith wedi’i ariannu’n llawn mewn amrywiaeth o bynciau o gyfryngau cymdeithasol a rheoli prosiectau i weinyddu busnes a dadansoddeg data. Os ydych yn dechrau yn y byd gwaith am y tro cyntaf neu’n rhan o’r uwch-dîm arweinyddol, mae gennym gwrs hyfforddiant sydd wedi’i ddylunio at eich anghenion sgiliau.
Mae cannoedd o gymwysterau i ddewis ohonynt ar draws nifer o sectorau, os oes gennych chi angen hyfforddiant, mae gennym ni’r datrysiad.
Roedd y math hwn o ddysgu yn fy siwtio i gan fy mod yn gweithio, ond yn dal i ddysgu a datblygu fy sgiliau a’m gwybodaeth, ei gymhwyso i’m hamgylchedd gwaith ac ennill profiad bywyd go iawn.
David – Prentis TG
Mae prentisiaethau yma i weithio’n dda i chi, waeth pa gam rydych chi arno. Os ydych chi newydd ddechrau, gallent eich helpu i lansio eich gyrfa, adeiladu hyder, a datblygu sgiliau hanfodol. Os ydych chi eisoes mewn rôl, maen nhw’n rhoi cyfle i chi wella’ch sgiliau, cymryd mwy o gyfrifoldeb, a’ch gwthio ymhellach yn eich gyrfa.
Elwa ar sgiliau ymarferol, swydd-benodol wrth ennill arian
Ennill cymwysterau a gydnabyddir yn genedlaethol
Hybu hyder, cymhelliant a chyflogadwyedd hir-dymor
Datblygu sgiliau ar gyfer dilyniant gyrfa neu gyfleoedd newydd
Parhau i ddysgu heb gamu allan o’ch swydd
Derbyn cymorth wedi’i deilwra i aros ar y trywydd iawn a llwyddo
Byddwch yn gallu defnyddio profiad yn y gwaith tuag at gymhwyster cydnabyddedig. Mae’r rhan fwyaf o raglenni prentisiaeth fel arfer yn para rhwng 12 a 18 mis, gyda chefnogaeth barhaus gan eich aseswr i’ch helpu i lwyddo.
Lefel Math
Cyfwerth â Chymhwyster Nodweddiadol
Lefel 2 Prentisiaeth Sylfaen TGAU A*-C
Lefel 3 Prentisiaeth UG / Safon Uwch
Lefel 4-5 Prentisiaethau Uwch HNC / HND / Gradd Sylfaen
Mae pobl sy’n gadael ysgol a choleg fel arfer yn dechrau
o Lefel 2 neu 3
Gall gweithwyr presennol ddechrau ar lefel sy’n cyfateb i’w profiad a’u rôl
Mae ein modd hyblyg o gyflwyno yn caniatáu dysgu ochr yn ochr â gwaith
Ar gyfer pob cymhwyster, rydw i wedi
gallu rhoi’r dysgu yn uniongyrchol i mewn i fy rôl yn syth. Maent yn mynd law yn llaw, felly’n gwneud synnwyr i barhau i ddysgu.
Laura – Prentis TG
Mae prentisiaethau wedi’u cynllunio i adael i chi ddysgu wrth i chi barhau i weithio, gan gyfuno profiad ymarferol â hyfforddiant ffurfiol. Mae pob rhaglen yn canolbwyntio ar ddatblygu eich sgiliau yn y gweithle a thrwy weithdai a gefnogir gan aseswr sy’n gwirio eich cynnydd yn rheolaidd ac yn darparu arweiniad trwy gydol eich prentisiaeth.
Rydyn ni’n darparu prentisiaethau ar draws ystod eang o sectorau:
TG, Digidol a CIM Marchnata
ILM Arweinyddiaeth, Rheoli a Hyfforddi
Rheoli Ynni a Charbon Cymwysterau AD CIPD
Gwasanaethau Busnes
Trin Gwallt a Gwaith Barbwr
Rheoli Prosiectau
Gwasanaethau Cwsmeriaid Dadansoddeg Data
Cyfrifeg a Chyllid Harddwch
Addysg a Dysgu
Iechyd a Gofal Cymdeithasol
Gofal Plant a Chwarae
Mae’r holl raglenni yn seiliedig ar waith ac yn cael eu hariannu’n llawn ar gyfer prentisiaid cymwys 16 oed a hŷn mewn rolau addas.
Mae prentisiaethau wedi’u cynllunio i ffitio o gwmpas eich rôl, gan roi’r hyblygrwydd i chi gydbwyso dysgu â gwaith ac ymrwymiadau eraill. Mae ACT & ALS yn eich cefnogi drwy gydol eich prentisiaeth, o ddewis y rhaglen gywir i gael arweiniad rheolaidd gan aseswr.
Rydym yn deall bod pawb yn dysgu’n wahanol, felly mae cymorth Anghenion Dysgu Ychwanegol (ADY) ar gael i’r rhai sydd angen help ychwanegol.
Mae ein tîm yno i’ch helpu i gwblhau eich prentisiaeth a gwneud y gorau o’ch profiad.
Rydw i wedi bod yn rheoli ers 2008, nid yn unig mae’r cwrs hwn wedi fy helpu i wneud fy ngwaith yn well – mae wedi rhoi cymwysterau cydnabyddedig i mi sy’n atgyfnerthu fy mhrofiad.
Karl – Prentis Rheoli ILM Lefel 4
Ar gyfer pobl sy’n gadael ysgol a dechreuwyr coleg:
1 Archwiliwch y prentisiaethau sydd ar gael ar ein gwefannau acttraining.org.uk / alstraining.org.uk
Gallwch hefyd chwilio a gwneud cais drwy’r Gwasanaeth Paru Prentisiaethau (AMS), porth swyddogol Llywodraeth Cymru, lle gallwch ddod o hyd i gyflogwr sy’n edrych i gyflogi prentisiaid.
Ar gyfer staff sydd eisoes yn gweithio: 1 Mae prentisiaethau yn ffordd wych o uwchsgilio neu ddatblygu
Gall ACT & ALS helpu i nodi rhaglenni sy’n cyd-fynd â’ch swydd a’ch nodau datblygu presennol
Gwnewch gais yn uniongyrchol trwy acttraining.org.uk / alstraining.org.uk gan weithio gyda’ch rheolwr llinell i sicrhau eich bod yn dewis y cymhwyster cywir ac yn derbyn y cymorth sydd ei angen arnoch.
2046 4727
acttraining.org.uk | alstraining.org.uk