Имруз 2 2017

Имрӯз

«Ҳадафи сиёсати давлатии мо дар бахши ҷавонон тарбияи кадрҳо, мутахассисони донишманду соҳибмаърифат, насли дорои ҷаҳонбинии васеъ ва хислатҳои ватандӯстиву ватанпарастй мебошад.» Эмомалӣ РАҲМОН.

Аз имрӯз коре ба фардо намон, Чӣ донӣ, ки фардо чӣ гардад замон!

Ҳафтаномаи ҷамъиятию сиёсӣ

№ 2 (330) // аз 11 феврали соли 2017 // email: gazeta-imruz@mail.ru // www.tojinfo.ru // Исфара, кӯчаи Марказӣ-10. // Тел: 2-61-62

Имзои 5 ёддошти ҳусни тафоҳум миёни шаҳрдории Исфара ва соҳибкорон Ҷиҳати таъмини дастуру супоришоти Асосгузори сулҳу ваҳдати миллӣ – Пешвои миллат, Президенти мамлакат Эмомалӣ Раҳмон дар боби роҳандозии муколамаи озод байни намояндагони мақомоти давлатӣ ва бахши хусусӣ ва аз ин тариқ муайяннамоии монеаҳо дар самти рушди соҳибкорӣ раиси шаҳри Исфара Расулзода Дилшод Ҷабборӣ дар маҷмааи «Ҷаҳони нав» бо зиёда аз 60 нафар соҳибкорони маҳаллӣ мулоқоти озоду ошкоро ва бо ифодаи маъмул «бидуни галстук» доир намуд. Сароғоз шаҳрдори Исфара ба соҳибкорон барои пазироии таклифи мақомоти иҷроияи ҳокимияти давлатӣ барои ширкат дар вохӯрӣ ва саҳмгузории фаъолона дар ҳамаи ҷабҳаҳои умури бунёдкориву созандагӣ изҳори миннатдорӣ намуда, хислати озод аз унсурҳои расмӣ будани нишастро ёдовар шуд ва даъват ба амал овард, ки бештар аз мушкилоту муаммоҳо ва нақшаҳои фаъолияти соҳибкории худ ҳарф зананд. Минбаъд раиси ассотсиатсияи истеҳсолкунандагон ва содиротчиёни маҳсулоти кишоварзии Тоҷикистон

Абдумубин Файзиев аз фаъолияти давраи сипаригардида ва нақшаву ниятҳои неки асотсиатсия маълумот пеш оварда, ҳамзамон таклиф кард, ки дар маркази шаҳр мағозае таъсис дода шавад, ки тавассути он сокинони маҳаллӣ ва меҳмонони сершумору сайёҳон ба маҳсулоти баландсифати корхонаҳои коркарди Исфара имконияти дастрасӣ пайдо намоянд. Ҳамчунин дар ҷараёни мулоқот соҳибкорон Мавлуда Маҳмудова, Наҷибулло Убайдуллоев, Тоҳир Абдуллоев ва Садриддин Зокиров баромад намуда, дар ҳошияи қадршиносии таваҷҷуҳ ва дастгирии до-

имии мақомоти иҷроияи ҳокимияти давлатии шаҳр нисбат ба бахши соҳибкорӣ ва азми самимии фароҳамории шароитҳои созгори вусъат бахшидани фаъолияти бахши хусусӣ, бардошту андешаҳои худро вобаста ба вазъи имрӯзаи фаъолияти соҳибкорӣ ва рафъи баъзе аз монеаҳои мавҷуда арза доштанд. Бояд тазаккур дод, ки соли гузашта соҳибкорони маҳаллӣ бидуни сохтмони иншоотҳои таъиноти гуногун ва ширкати фаъолона дар маъракаҳои умумишаҳрии ободонӣ ба 10 ҳазор оилаҳои эҳтиёҷманд дар маҷмӯъ ба маблағи беш аз 3 миллион сомонӣ кӯмакҳои

Мақомоти иҷроияи ҳокимияти давлатии шаҳри Исфара тасмим гирифтааст, ки бо мақсади ба гардиши кишоварзи ворид намудани заминҳои бекорхобида, фонди махсуси шаҳр ва захираи давлатӣ боғҳои нав бунёд намояд. Шурӯъ аз санаи 7-уми феврал бо дастгирии роҳбарияти шаҳр аз тарафи соҳибкорони инфиродӣ ва ҷалби маблағҳои сектори хусусӣ дар талу теппаҳои ҳудуди маъмурии шаҳри Исфара бунёди боғоти нав роҳандозӣ гардид. Бино ба иттилои раиси кумитаи заминсозии шаҳр Сахиюлло Мақсудов интизор меравад, ки дар ин радиф дар заминҳои бекорхобида дар масоҳати беш аз 100 гектар боғоти нав бунёд кар-

яквақтаи модд расонидаанд. Расулзода Дилшод Ҷабборӣ дар ин радиф таъкид ба амал овард, ки албатта ширкат дар амалҳои хайру савоб хуб аст, лекин дар шароити имрӯза маблағгузорӣ ба бунёди корхонаҳои истеҳсолӣ барои рушди шаҳр ва баландбардории некӯаҳволии мардум муҳимтар маҳсуб мешавад. Дар ҷамъбасти мулоқот байни мақомоти иҷроияи ҳокимияти давлатии шаҳри Исфара, дар шахси раиси шаҳр Расулзода Дилшод Ҷабборӣ ва соҳибкорони инфиродӣ 5 ёддошти ҳусни тафоҳум ба маблағи умумии 3 миллиону 600 ҳазор сомонӣ ба имзо расид. Санадҳои ба имзорасида ободонии роҳи давродаври мавзеи даромадгоҳи маҳаллаи Бинокорро аз ҷониби соҳибкор Нарзулло Ӯлмасов ба маблағи 200 ҳазор сомонӣ, бунёди маркази мӯҳташами хизматрасонӣ ва савдои муосирро дар автовокзали шаҳрӣ аз ҷониби соҳибкор Акмал Шокиров ба маблағи 1 миллиону 300 ҳазор сомонӣ, бунёди бинои 5 ошёнаи истиқоматиро дар кӯчаи Победа аз ҷониби соҳибкор Шерзод Нусратдинов ба маблағи 1 миллиону 300 ҳазор сомонӣ, сохтмони корхонаи коркард ва банду басти меваи хушкро дар минтақаи саноатии шаҳр аз ҷониби соҳибкор Фирӯз Сайфуллоев ба маблағи 600 ҳазор сомонӣ ва бунёди мактаби нахустини хусусиро дар маркази шаҳр аз ҷониби соҳибкор Мавлуда Маҳмудова ба маблағи 300 ҳазор сомонӣ пешбинӣ менамояд.

Азхудсозии заминҳои бекорхобида да шавад ва дар айни замон дар самти афзун намудани сатҳи истифодаи самараноки заминҳои корам тадбирҳои мушаххас андешида хоҳанд шуд. Лозим ба зикр аст, ки ҷиҳати гузоштани заминаи боэътимод барои эҳёи боғоти Исфара дар соли 2017-ум мақомоти иҷроияи ҳокимияти давлатии шаҳр ба нақша гирифтааст, ки дар ҷойи боғоти кӯҳна ва аз ҳисоби азхудсозии заминҳои бекорхобида дар маҷмӯъ 247 гектар боғоти нав бунёд намояд.

Баҳри таҳкими ҳамкории ҷомеа ва милитсия

Дар доираи лоиҳаи «Ҳамкории милитсия бо ҷомеа», ки дар ҳудуди ҷамоати деҳоти Чоркӯҳи шаҳри Исфара бо ҷаҳду талоши муштараки Шӯрои таъмини тартиботи ҷамъиятии ҷамоати деҳоти Чоркӯҳ, Ассотсиатсияи зиёиёни илмиву техникии Тоҷикистон, ташкилоти ҷамъиятии «Дунёи бехатар» ва кӯмаки сафорати ИМА дар ҶТ амалӣ гардонида мешавад, бо ширкати раиси шаҳр Расулзода Дилшод Ҷабборӣ, муовини вазири корҳои дохилии ҶТ Абдулло Навҷувонов, кормандони лоиҳаву ҷамоат ва фаъолони деҳа ду ҳуҷраи муҷаҳҳази кории кормандони лоиҳаи мазкур мавриди истифода қарор дода шуд. Тавре ба мо роҳбари гурӯҳи тарғиботии «Ҳамкории милитсия бо ҷомеа» Абдухалил Шарифов иттилоъ дод, ҳуҷраҳои мазкур дар бинои ҷамоати деҳоти Чоркӯҳ қарор дошта, бо тамоми лавозимоти корӣ, аз қабили мизу курсӣ ва рафҳои китобмониву ҷевонҳои ҳуҷҷатнигаҳдорӣ, компютеру лавҳаҳои машваратӣ ва ғайра муҷаҳҳаз гардонида шудаанд. Утоқи якум барои анҷоми кори ҳамарӯзаву утоқи дуюм барои қабули шаҳрвандон ва баргузории машваратҳои корӣ пешбинӣ шудаанд. Мақсад аз таъсиси нуқтаи «Ҳамкории милитсия бо ҷомеа» роҳандозии ҳамкории қавӣ ва судманди мақомоти корҳои дохилӣ бо қишрҳои гуногун ҷомеа аст.. Дар маросими расмии ба ин муносибат доир гардида раиси ҷамоат Бадриддин Шарофов, раиси шаҳри Исфара Расулзода Дилшод Ҷабборӣ ва муовини вазири корҳои дохилии Ҷумҳурии Тоҷикистон, генерал майёри милитсия Абдулло Навҷувонов баромад намуда, аз саъю кӯшишҳои таҳкими робитаҳои судманд байни мақомоти милитсия ва аҳли ҷомеа изҳори қаноатмандӣ намуданд.

№ 2 (330)

аз

11 феврали

соли

2017

email: gazeta-imruz@mail.ru

САҲ. 2

Раиси шаҳр дар Нурафшон

Раиси шаҳр Расулзода Дилшод Ҷабборӣ ҷиҳати шиносоӣ бо раванди корҳои ободонӣ, фаъолияти ҷомеаҳои меҳнатӣ ва вазъи зиндагии сокинон аз шаҳраки Нурафшон боздид ба амал овард.

Таҳти сарварии раиси шаҳр Расулзода Дилшод Ҷабборӣ ҷаласаи навбатии Шӯрои машваратии назди раиси шаҳр оид ба беҳтар намудани фазои сармоягузорӣ доир гардид. Дар ҷараёни он роҳбарони воҳидҳои сохтории МИМҲД, корхонаҳои саноатӣ, коркард ва банду басти меваи хушк, сохторҳои бонкиву иттиҳодияҳои ҷамъиятӣ ва ташкилотҳои байналмиллалӣ ширкат доштанд. Дар ҷаласа мудири шуъбаи иқтисод ва савдо Собитxон Умаров дар робита бо фазои сармоягузории шаҳру деҳоти Исфара маълумот пеш овард. Номбурда аз ҷумла тазаккур дод, ки ҷиҳати таъмини рушди ояндаи шаҳри Исфара бо истифода аз тарзу усулҳои комилан нави таҷрибаи ҷаҳонӣ оид ба таҳия ва татбиқи ҳуҷҷатҳои стратегии маҳаллӣ, дар натиҷаи таҳлилҳои амиқу доманадори ҳамаи паҳлуҳои ҳаёти ҷомеа “Барномаи рушди иқтисодию иҷтимоии шаҳри Исфара барои солҳои 20132017” таҳия ва бо қарори Ҳукумати Ҷумҳурии Тоҷикистон №381 аз 1 августи соли 2012 тасдиқ гардидааст. Барномаи мазкур барои муошират ва тақвияти ҳамоҳангсозии фаъолияти бахшҳои хусусиву давлатӣ ва созмонҳои ғайриҳукумативу шарикони байналхалқии рушд воситаи асосӣ ба ҳисоб меравад, ки ба баланд бардоштани самаранокӣ ва тамоюли иҷтимоии худидоракунии маҳаллӣ нигаронида шуда, имкон медиҳад, то

Шаҳрдор зимни боздид аз мавзеи Саричашма ва шиносоӣ бо манбаи нодири оби ин мавзеъ ҷиҳати дар оянда боло бурдани сатҳу сифати обрасонӣ ба шаҳрак, дар муассисаи таҳсилоти миёнаи умумии рақами 9 барои анҷоми корҳои таъмиру азнавсозӣ ва дар ҷамъияти саҳҳомии кушодаи «Чароғ» ҷиҳати афзун намудани ҷойҳои нави корӣ, номгӯи маҳсулот ва ҳаҷми истеҳсолот дастуру ҳидоятҳои муфид дод. Лозим ба зикр аст, ки дар шаҳраки Нурафшон алъон наздики 1700 нафар зиндагӣ ба сар мебаранд. Дар ҳудуди шаҳрак 1 муассисаи таҳсилоти миёнаи умумӣ, кӯдакистон, маркази саломатӣ, муассисаи хоҷагии манзилию коммуналӣ ва ҶСК «Чароғ» фаъолият мебаранд. Чанде пеш дар ин ҷо ҳамчунин мағозаи молҳои омехта, нонвойхона ва коргоҳи дӯзандагӣ ба фаъолият шурӯъ кардаанд. Давоми панҷ моҳи охир ба туфайли роҳбарияти нави ҷамоати шаҳрак дар Нурафшон берун аз маблағгузории буҷети давлатӣ бо тариқи ҳашар ба маблағи беш аз 50 ҳазор сомонӣ корҳои бунёдкориву созандагӣ ба сомон расонида шудаанд. Дар кӯчаи марказии шаҳраки Нурафшон раиси шаҳр ва ҳамроҳони ӯ бо таманнои сарсабзиву ободии минбаъдаи шаҳрак ниҳол шинониданд. Расулзода Дилшод Ҷабборӣ бо сокинони шаҳрак мулоқот доир намуда, аз муаммову мушкилоти

рӯзгорашон пурсон шуд. Дар раванди вохӯрӣ ҳамчунон раиси ҷамоати шаҳраки Нурафшон Эгамзод Муртазо Машрафӣ оид ба фаъолияти як соли охири бошандагони Нурафшон гузориш пеш овард. Чанде аз сокинони шаҳрак бо баробари пешниҳоди таклифу дархостҳо ба мақомоти иҷроияи

Фазои сармоягузорӣ беҳтар мешавад

кӯшишҳои ҷомеаи маҳаллӣ барои ба даст овардани ҳадафҳои мутобиқшудаи дарозмӯҳлат мутаҳҳид карда шаванд. Ба «Барномаи рушди иқтисодию иҷтимоии шаҳри Исфара барои солҳои 2013-2017» 338 лоиҳа ворид гардидааст, ки маблағи умумии он 1 млрд. 480 млн. 600 ҳазор сомониро ташкил мекунад. Ҷойизи зикр аст, ки давоми 4 соли охир дар доираи барномаи мазкур ҷиҳати сохтмони иншоотҳои муҳими иҷтимоӣ ва коргоҳҳои нави истеҳсолӣ, таъмини рушди соҳаи кишоварзӣ, бунёду азнавсозии муассисаҳои таълими-

ву тандурустӣ, таҷдиди роҳҳо ва пулҳои мавҷуда, ва дигар бахшҳои иҷтимоии шаҳр чандин лоиҳаҳои муҳиму афзалиятнок татбиқ карда шуданд. Мониторинги барнома нишон додааст, ки лоиҳаҳои барномавӣ маблағи умумии 128,3 млн. сомонӣ ба иҷро расонида шудааст. Пас аз мубодилаи афкор байни ширкатдорони ҷаласа дар робита бо паҳлуҳои мухталифи масъала шаҳрдори Исфара ҷиҳати боз ҳам солимтар гардонидани фазои сармоягузории шаҳр дар назди масъулин вазифагузорӣ намуд.

ҳокимияти давлатии шаҳр, шахсан ба Расулзода Дилшод Ҷабборӣ барои таваҷҷуҳу ғамхории доимӣ арзи сипос намуданд. Раиси шаҳр дар навбати худ ба нурафшониҳо изҳори миннатдорӣ намуда, ҷиҳати рафъи камбудиҳои ҷойдошта дар назди масъулин вазифаҳои мушаххас гузошт.

Дар доираи чорабиниҳо бахшида ба Соли ҷавонон мулоқоти раиси шаҳр Расулзода Дилшод Ҷабборӣ бо донишҷӯёни коллеҷи тиббӣ баргузор гардид.

Мулоқот бо донишҷӯён

Дар ҷараёни он раиси шаҳр Расулзода Дилшод Ҷабборӣ дар ҳошияи зикри ғамхориву меҳрубониҳои Пешвои миллат ва Ҳукумати ҶТ дар ҳаққи насли наврасу ҷавон ва вазифаҳои аввалиндараҷаи ҷавонон дар шароити имрӯза, бо ифтихор аз дастовардҳои коллеҷи тиббии шаҳр ёдовар шуд. Инчунин гуфт, ки мақомоти иҷроияи ҳокимияти давлатӣ тасмим гирифтааст, барои сохтмони таълимгоҳи наву замонавӣ ва майдончаи варзишӣ аз ҳудуди шаҳр ба коллеҷ қитъаи замин ҷудо мекунад. Расулзода Дилшод Ҷабборӣ бо баробари зикри ҳамчун макони асосии истироҳату фароғати ҷавонон азнавсозӣ гардидани гулбоғи ба номи Сайфи Исфарангӣ аз донишҷӯёни коллеҷи тиббӣ даъват ба амал овард, ки гурӯҳҳои ободкори ихтиёрӣ ташкил намуда, дар ин ҷабҳаи бунёдкорӣ саҳмгузорӣ намоянд. Минбаъд як қатор донишҷӯён таклиф пешниҳод намуданд, ки давоми соли равон дар шаҳр озмуну мусобиқаҳои бештар ташкил карда, ҳамчунин дар назди бахши ҷавонон, варзиш ва сайёҳӣ аз ҳисоби донишҷӯёни коллеҷи тиббӣ гурӯҳи ташвиқотӣ бо номи «Шифо» таъсис ёбад ва ин гурӯҳ байни ҷавонон афзалиятҳои тарзи ҳаёти солимро талқин намоянд. Дар мулоқот ҳамчунин собиқадори меҳнат, ходими намоёни давлатӣ Гулафзо Савриддинова, мудири шуъбаи кор бо занон ва оила Мавҷуда Назирова, сардори раёсати маориф Бобохон Саидов, директори муассисаи давлатии таълимии колеҷи тиббии шаҳри Конибодом Амирҷон Нуров ва директори иҷроияи Ҷамъияти Ҳилоли Аҳмари Тоҷикистон дар шаҳри Исфара Башорат Раҳимова ҳузур доштанд.

№ 3 (330)

аз 11 феврали соли 2017

email: gazeta-imruz@mail.ru

САҲ. 3

Қадршиносии Мухаммедов ва Ҳамдиддинов Чанде пеш Барномаи вилоятии “Соли 2016 – Соли фарди солим” натиҷагирӣ карда шуд. Дар раванди он озмуни вилоятии “Муассисаи тиббӣ, табиб ва ҳамшираи шафқати беҳтарин”, ки дар доираи “Соли 2016- соли фарди солим” ташкил шуда буд, ҷамъбаст гардид. Боиси ифтихори мо, исфарагиҳост, ки дар байни муассисаҳои тиббии 18 шаҳру навоҳии вилояти Суғд беморхонаи марказии шаҳрамон пирӯз гашта, бо Диплом ва 25 ҳазор сомонӣ мукофотпулӣ қадрдонӣ карда шуд. Инчунин соҳибкор Зиёваддин Ҳамдиддинов аз ҷониби раиси вилоят қадршиносӣ ёфт.

Хизматрасонии хуб ва масъулиятшиносӣ шиори мост! мегӯяд Зулолиддин ХОЛИҚОВ, сардори минтақаи Шабакаҳои барқи Исфара дар Чоркӯҳ

Чӣ тавре ҳамагон хабар доранд, аввали соли ҷорӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мардуми кишвар муроҷиат карданд. Дар он аз ҷумла изҳор доштанд: "Кишвари мо соҳаи энергетика сол аз сол рушд ёфта, Ҳукумати мамлакат барои ноил шудан ба яке аз ҳадафҳои стратегии миллӣ - таъмини истиқлолияти энергетикӣ тамоми имконияту захираҳоро сафарбар намудааст. Дар замони соҳибистиқлолӣ ва хусусан солҳои охир яке аз мушкилоти асосии мардуми кишвар норасоии нерӯи барқ дар фаслҳои тирамоҳу зимистон мебошад, ки маҳдудияти интиқоли нерӯи барқ баъзе солҳо аз моҳи сентябр то моҳҳои март ва ҳатто апрел идома пайдо мекард. Мо имконият надоштем, ки ҳатто пойтахти мамлакат ва дигар шаҳрҳои саноатиро пурра бо нерӯи барқ таъмин намоем. Бо мақсади бартараф намудани чунин

ҳолати ногувор дар кишвар тадриҷан ду нерӯгоҳи бузурги барқи обӣ ва даҳҳо нерӯгоҳи хурд сохта, хатҳои интиқоли барқи баландшиддат ва зеристгоҳҳои барқии пуриқтидор бунёд карда шуданд. Ба шарофати бунёди хатти интиқоли барқи 500 - киловолтаи «Ҷануб-Шимол» ва таҷдиду азнавсозии иқтидорҳои мавҷудаи соҳаи энергетика низоми ягонаи энергетикии мамлакат ба вуҷуд оварда шуд. Танҳо соли гузашта ман аз ҳашт иншооти муҳимми энергетикии кишвар боздид намуда, дар маросими ба фаъолият оғоз кардани дастгоҳи тақсимкунандаи элегазии 500 – киловолта дар нерӯгоҳи барқи обии «Норак», оғози татбиқи лоиҳаи минтақавии интиқоли нерӯи барқи CASA-1000 ва оғози лоиҳаи таҷдиди нерӯгоҳи барқи обии «Сарбанд» иштирок намудам. Соли гузашта навбати дуюми Маркази барқу гармидиҳии «Душанбе-2» ба истифода дода шуд, ки дар самти амалӣ гардидани нақшаҳои афзалиятноки энергетикии кишвар рӯйдоди хеле муҳим ба шумор меравад. Айни замон, бо дарназардошти фаъолияти самараноки маркази зикршуда бо иқтидори 400 мегаватт ва бо пайвастшавии иқтидорҳои иловагии энергетикӣ, инчунин, кифоя будани захираи об дар обанборҳои кишвар мо имкон пайдо кардем, ки бе ворид намудани нерӯи барқ аз хориҷа соли ҷорӣ таъминоти барқро хеле беҳтар гардонем. То имрӯз таъминоти аҳолӣ бо нерӯи барқ дар як шабонарӯз 18 соатро ташкил медод. Бо мақсади беҳдошти сатҳи зиндагии мардум, таъмини фаъолияти самараноки корхонаҳои истеҳсолӣ ва дигар соҳаҳои иқтисодиву иҷтимоии мамлакат аз 14 январи соли 2017 сар карда, маҳдудияти барқ пурра бардошта мешавад, яъне аҳолӣ, муассисаҳои иҷтимоӣ ва корхонаҳои истеҳсолӣ дар тамо-

ми қаламрави кишвар бисту чор соат бо барқ таъмин карда мешаванд. Бардошта шудани маҳдудият имкон медиҳад, ки ташвишу ногувориҳои зиндагии ҳамватанонамон камтар гардида, барои рушди муназзами иқтисодиёти кишвар шароити бештар пайдо шавад. Вобаста ба ин, ман аз кулли ҳамватанони азиз ва роҳбарони тамоми ташкилоту муассисаҳо хоҳиш менамоям, ки аз нерӯи барқ сарфакорона истифода баранд, ба исрофкорӣ роҳ надиҳанд ва ҳаққи барқи истифодашударо сари вақт пардохт намоянд. Зеро сарфакорона истифода бурдани нерӯи барқ ва пардохти саривақтии ҳаққи барқи истифодашуда нишонаи маданият ва масъулияти баланди шаҳрвандии ҳар сокини кишвар буда, дар айни замон кафолат медиҳад, ки таҷҳизоту дастгоҳҳои низоми энергетикӣ ва шабакаҳои интиқоли барқ дар ҳолати коршоям нигоҳ дошта, фаъолияти муназзаму боэътимоди онҳо таъмин карда шавад." Дар партави ин Муроҷиатнома ҷомеаи меҳнатии мо талош дорад, ки ба мардум хизматрасонии хуб кунад. Муроҷиатномаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон моро бори дигар водор менамояд, ки барои рушди иқтисодиву иҷтимоии

мамлакат саҳми худро гузорем. Ба хусус мо, кормандони соҳаи барқро зарур аст, ки дар асоси нуктаҳои он зикршуда ҳамаи имкониятамонро барои рушди соҳа равона кунем. Инчунин боиси хушбахтист, ки дар Паёми имсола Президенти кишвар нисбати ҷавонону занон ғамхории махсус зоҳир намуда, соли 2017-ро Соли ҷавонон эълон карданд. Боиси шодмонист, ки дар шабакаҳои барқии Исфара, ба хусус минтақаи дар Чор-

кӯҳбудаи он аксари кормандонро занону ҷавонон ташкил медиҳанд. Барои онҳо шароити хуби корӣ муҳайё мебошад. Соли ҷорӣ мо соҳиби бинои алоҳида шудем. Айни ҳол ҷомеаи 28 нафараи мо барои бо барқ таъмин намудани наздик 60 000 аҳолии деҳаҳои Сурху Чоркӯҳ талош доранд. Намегузоранд, ки низоми барқтаъминкунии аҳолӣ халалдор ёбад ва реҷаи муқарраргардида вайрон шавад. Дар ҳолати корӣ зиёда аз 80 адад трансформаторҳо нигоҳ дошта шаванду ҷамъоварии саривақтии маблағҳо роҳандозӣ гарданд Беҳуда дар Паёми ироашуда сухан оид ба тарбияи кадрҳо ва сатҳи масъулиятшиносии онҳо нарафт. Инро ман метавонам дар мисоли минтақаи кории худ иброз намоям. Ҳоло туфайли заҳматҳои шабонарӯзӣ ва самараноки Нурулло Мирмамадов, Зокирҷон Исоев, Абдухолиқ Тошбоев, Муборак Шаҳобиддинова, Гулнора Нуриддинова, Раъно Каримова ва Ҷамшед Эгамовбаринҳо натиҷаи барқчиёни минтақаи мо дар ҳудуди Исфара чашмрас мебошад. Инчунин мунтазам байни кормандон корҳои тарғиботию ташвиқотӣ бурда мешавад. Бевосита дар онҳо задаи асосӣ ба гуфтаҳои Сарвари давлат гузошта мешаванд. Паёми имсола ва Муроҷиатномаи Сарвари давлат аз он санадҳоест, ки қутбнамои мо дар фаъолияти минбаъда маҳсуб меёбад.

№ 2 (330)

Соҳиби кор шуданд Мувофиқ ба нақшаи кории мақомоти иҷроияи маҳалии ҳокимияти давлатӣ ва Раёсати Агентии давлатии меҳнат ва шуғли аҳолӣ дар шаҳри Исфара бо мақсади бо кор таъмин намудан ва ба касбомӯзӣ фаро гирифтани ҳиссаи бекори аҳолӣ дар Маркази ҷавонони деҳаи Чоркӯҳ ярмаркаи ҷойҳои холии корӣ баргузор гардид. Дар ҷараёни он корхонаву ташкилот ва муассисаҳои ширкатдор ба интихоби корҷӯяндагон 250 ҷойи кориро бо музди меҳнати аз 400 то 1350 сомонӣ пешниҳод намуданд. Ҳамзамон дар раванди чорабинӣ намояндагони мақомотҳои меҳнат ва шуғли аҳолӣ, муҳоҷират, ҷамоати деҳоти Чоркӯҳ ва ҶСК «Шабакаҳои барқи Исфара» ва маркази ҷавонони деҳа баромад намуда, вобаста ба нуктаҳои умдаи Паёми Асосгузори сулҳу ваҳдати миллӣ – Пешвои миллат, Президенти мамлакат Эмомалӣ Раҳмон ба МО ҶТ ва масъалаҳои бо кортаъминкуниву касбомӯзӣ, қоидаҳои муҳоҷирати меҳнатӣ ба хориҷа, пардохти саривақтии маблағи барқ ва ҷилавгирӣ аз шомилшавии ҷавонон ба ҳизбу ҳаракатҳои ифротгаро маълумот пеш оварданд. Дар ҷараёни ярмаркаи ҷойҳои холии кории мазкур 265 нафар ширкат варзида, 11 нафар ба ҷойҳои кории доимӣ ва 30 нафар ба курсҳои касбомӯзӣ сафарбар карда шуданд.

Дарс - намоиш дар осорхона Дар осорхонаи марказии таърихӣ – кишваршиносии шаҳри Исфара бо иқдоми сарвари осорхона Гулчеҳрахон Раҳимова дар пайгирӣ аз анъанаҳои неки давраи Шӯравӣ барои мактабиён ташкил намудани дарс – намоиш роҳандозӣ гардид. То имрӯз дар чунин дарсҳои шавқовар беш аз 230 нафар муҳассилини синфҳои 5 – 8-и муассисаҳои таҳсилоти миёнаи умумии рақамҳои 1, 13, 15, 16, 39, 67 ва 69 ширкат варзида, тавассути тамошои нигораҳои нодири осорхона ва нақлҳои шавқовари кормандони осорхонаву иловаи омӯзгоронашон бо таърихи бою рангин ва сарватҳои бебаҳои табиати афсонавии зодгоҳашон ошно шудаанд. Ҳамчунин иттилоъ дода мешавад, ки дар осорхонаи марказии таърихӣ – кишваршиносии шаҳр бо навбат таъмири шуъбаҳо ба роҳ монда шудааст, ки фаъолияти муассисаро халалдор нахоҳад кард.

аз 11 феврали соли 2017 Мувофиқ ба нақшаи мақомоти иҷроияи маҳалии ҳокимияти давлатӣ ва прокуратураи шаҳри Исфара дар маҷлисгоҳи ҷамоати деҳоти Кӯлканд роҳбари дастгоҳи раиси шаҳр Фирдавс Аҳмадиён ва ёрдамчии калони прокурори шаҳр Далер Юсуфӣ барои кормандони масъули ҷамоатҳои деҳоти Навгилему Кӯлканд ва Чилгазиву Лаккон, ҳамчунин роҳбарони муассисаҳои маорифу тандурустӣ ва корхонаву ташкилотҳои ҳудуди ҷамоатҳои зикршуда оид Бахши шаҳрии Ҷамъияти Ҳилоли Аҳмари Тоҷикистон яке аз он ташкилотҳоест, ки барои беҳдошти вазъи иҷтимоии аҳолӣ, дастгирии ниёзмандону муҳтоҷон саҳми назаррас дорад. Солҳои дароз ташкилоти мазкур тавонист дар ҳалли бисёр проблемаҳои шаҳру деҳоти Исфара дасти мадад дароз намуда, ба ин восита дар амалигашти ҳадафҳои Ҳукумати кишвар нақши муассир гузорад. Айни ҳол бахши Исфарагии ҶҲАТ 596 нафарро муттаҳид месозаду теъдоди ихтиёриён 384 нафар мебошанд. Ташкилотҳои ибтидоӣ бошанд, соли 2015-ум 32 адад буда, ҳоло он ба 34 адад расидааст. Гуфтан ба маврид аст, ки тавассути ташкилоти мазкур дар шаҳри Исфара ду лоиҳа амал мекунад. Ин лоиҳаҳои 1) Огоҳонидани аҳолӣ аз хатари минаҳо.

2) Дастгирии сохторҳои институтсионӣ дар сатҳи ҷомеаҳо бо мақсади паст кардани хавфи офатҳои табиӣ дар мамлакатҳои мақсадноки Осиёи Миёна, ки аз тарафи Вазорати Олмонии ҳамкории иқтисодӣ ва рушд ва Салиби Сурхи Олмон маблағгузорӣ карда мешавад. Вобаста ба лоиҳаи якум бояд қайд намуд, ки дар натиҷаи пешниҳод намудани таклифҳо Комитети байналмиллалии Салиби Сурх ба 41 оилаи аз таркиши мина осебдида мадад намуд. Аз ҷумла ба 37 оилаи ҷабрдида ба тариқи харида додани гови ҷӯшоӣ ба маблағи 6,5 -7,5 ҳазор сомонӣ, ба ду оила харида додани мошинаи дарздӯзӣ ва матоъ ба маблағи ҳар яке 4,8 ҳазор сомонӣ ва ба 1 нафар бо муҳайё кардани роҳхат ба истироҳатгоҳи “Баҳористон” барои табобат кӯмаки амалӣ расонид. Инчунин дар масъалаи хатари минаҳо ихтиёрони ҶҲАТ корҳои фаҳмондадиҳӣ мебаранд. Самараи ҳамин корҳост, ки аз соли 2005 таркиш ба амал наомадааст. Дар қатори ҳамаи ин хонаҳои истиқоматии ду оилае, ки аз таркиши минаҳо зарар дидаанд, дар ҷамоатҳои деҳоти Хонобод ва Лаккон ба маблағи зиёда аз 100 ҳазор сомонӣ таъмир карда шуд. Мувофиқи барномаи дуюм дар панҷ деҳаҳои шаҳри Исфара корҳо рафта истодаанд. Инҳо деҳаҳои Тоҷикони ҷамоати деҳоти Ворух, Таги Садаи ҷамоати деҳоти Чоркӯҳ, Сароби (Наймани) ҷамоати деҳоти Сурх, Боғистони ҷамоати деҳоти Чилгазӣ,

email: gazeta-imruz@mail.ru

Мулоқот дар Кӯлканд

САҲ. 4

Ёрдамчии калони прокурори шаҳр Далер Юсуфӣ ба ҳозирин дар боби фарқияти қонуни ҶТ «Дар бораи муроҷиати шахсони воқеӣ ва ҳуқуқӣ» аз қонуни ҳамноми пештара ва тағйироту иловаҳои воридкарда шуда иттилои муфассал дод. Дар анҷом ширкатдорон вобаста ба ба таъмини иҷроиши қонуни Ҷумҳурии паҳлуҳои мухталифи масъалаи баррасиТоҷикистон «Дар бораи муроҷиати шахсо- шуда аз намояндаи прокуратураи шаҳр ни воқеӣ ва ҳуқуқӣ» семинари дастурдиҳӣ посухҳои мукаммалу қонеъкунанда гирифтанд. доир намуданд.

Нақши бахши шаҳрии ҶҲАТ дар ҷомеа калон аст матии шаҳр, коллеҷи тиббӣ, раёсати маориф, ҷамоатҳои деҳот, мактабҳои таҳсилоти умумии №1, №12, №29, №63, №61, №38, №17, №16 баҳри фаҳмонидани ғояҳои башардӯстонаи ҶҲАТ корҳои зиёд гузаронида шуд. Дар озмуни ҷумҳуриявии “Ташкилоти беҳтарини ҶҲАТ” ташкилоти ибтидоии беморхонаи шаҳрӣ ғолиб ва сазовори тӯҳфаи хотиравӣ гардид. "ИМРӮЗ".

Гулистони ҷамоати деҳоти Кӯлканд ва шаҳраки Шӯроб буда, барнома аз соли 2013 амал мекунад. Ин барнома инчунин дар даҳ деҳаҳои ҳамсарҳадии Ҷумҳурии Қирғизистон низ амалӣ шуда истодааст. Дар доираи амалишавии ин барнома дар чор ҷамоат ҳавзҳои зиддисӯхтор сохта шуда, ҳуҷраҳои мактабҳои ҷамоати деҳоти Чоркӯҳ, Ворух, Сурх, Гулистон, Боғистон ва ҷамоати шаҳраки Шӯроб таъмир ва ҷиҳозонида шуда, бо маводҳои зиддисӯхторӣ таъмин карда шуданд. Дар ин ҷамоатҳо комитетҳои маҳаллӣ таъсис дода, ба онҳо усули расонидани ёрии аввал омӯзонида шуд ва ин комитетҳои маҳал бо таҷҳизотҳо таъмин гаштанд. Самтҳои фаъолияти ҶҲАТ дар Исфара гуногунҷабҳа аст. Аз ин ҷост, ки давоми соли 2016 ба ҳашт оилаи аз муноқишаҳои наздисарҳадӣ зарардидаи ҷамоати деҳоти Чоркӯҳ бо маводи рӯзгор ёрӣ расонида шуд. Шуъбаи ҷарроҳии беморхонаи ҷамоати деҳоти Ворух бошад, бо пешниҳоди бахши шаҳрӣ ва вилоятии ҶҲАТ аз тарафи КБСС ба маблағи 480 ҳазор сомонӣ бо таҷҳизотҳои тиббии ҳозиразамон таъмин карда шуд, ки дар кушодашавии ин шуъба раиси вилоят Абдураҳмон Қодирӣ ва раиси шаҳр Расулзода Дилшод Ҷабборӣ иштирок намуданд Моҳи октябри соли 2016 мувофиқи барнома дар шаҳраки Шӯроб бо иштироки намояндагони ҷамъиятҳои Ҳилоли Аҳмари Тоҷикис-

тон ва Қирғизистон, комитетҳои ҳолатҳои фавқулодаи ду Ҷумҳурӣ бо иштироки намояндагони Салиби Сурхи Олмон машқҳои пешгирии офатҳои ҳолатҳои фавқуллода гузаронида шуд, ки дар он ихтиёрони ҷамъиятҳои миллии Тоҷикистон ва Қирғизистон иштирок намуданд. Ин чорабинӣ хеле дар сатҳи зарурӣ гузаронида шуд. Бахши шаҳрии ҶҲАТ оиди дастгирии оилаҳои камбизоат, шахсони яккаву танҳо, низ кӯшиш ба харҷ медиҳад. Дар ошхонаи « Ҳоҷӣ Акмал» ба шахсони камбизоати яккаву танҳо хӯроки гарми ройгон дода шуда, онҳо аз гармобаи соҳибкор Каттаев З. ройгон истифода мебаранд. Бо дастгирии Ҷамъияти Ҳилоли Аҳмари Тоҷикистон ва бахши вилоятии ҶҲАТ аз тарафи Салиби Сурхи Олмон барои сохтмони бинои замонавии бахши шаҳрӣ 80 ҳазор евро ҷудо карда шуд. Ҳоло “Ширкати сохтмони Исфара”, ки сарвариашро Ҳусейнхӯҷа Нуриддинов бар ӯҳда дорад, сохтмони ин иншоотро ба итмом расонида истодаанд. Албатта нақшаву тасмимҳои ҶҲАТ дар Исфара дар оянда калон аст. Тасмим ҳаст, ки бо дастгирии роҳбарони ташкилоту муассисаҳо, соҳибкорони шаҳр ба шахсони муҳтоҷу ниёзманд мадад намуда, тавассути барномаҳо ҳалли масъалаҳои иҷтимоии аҳолӣ осон карда шавад. Қайд кардан лозим аст, ки дар ташкилотҳои ибтидоии беморхонаи шаҳрӣ, беморхонаи Чоркӯҳ, маркази сало-

www.tajinfo300.ucoz.ru gazeta-imruz@mail.ru № 2 (330) аз 11.02.2017 ДИРЕКТОР Мустафо Эгамов. САРМУ{АРРИР Машрафxон Эгамов. ШEРОИ ТА{РИРИЯ Rудратулло Эшонов. Наимxон Юнусов. Са[обахон {усейнова. Зафар Амакxонов. ОРОИШ ВА СА{ИФАБАНД Фаридун Мустафои Эгамзод. {АМКОРОНИ МО: МИ{Д ша[ри Исфара; Медиа – холдинги Тоxикии “TAJINFO”, Телевизиони “ИСФАРА”, Рeзномаи “Насими Исфара”. СУРОUА: ша[ри Исфара, кeчаи Марказb, 10. ошёнаи 1 Тел: +992-3462-2-61-62 (904) 66-22-44 E-MAIL: gazeta-imruz@mail.ru Рeзнома ба хотири гуногунандешb маводеро низ ба табъ мерасонад, ки хилофи назараш аст. Барои са[е[иву дурустии факту раrам[о муаллифон xавобгаранд. Дастнавис ва сурат[ои ба идораи рeзнома воридшуда баргардонда намешавад. {УДУДИ ПА{НИ РEЗНОМА: Xум[урии Тоxикистон. Дар матбааи ба номи Наби Фахрии ша[ри Конибодом чоп гашта, супориши ______ мебошад.