47 2015

Хештанро хайр хо[b, хайрхо[и халr бош!

Оғози нашр 24/04/1932

НАСИМИ

***

№ 47 (9128)

ИСФАРА

***

Чоршанбе,

28 октябри соли 2015

НАШРИЯИ МАRОМОТИ ИXРОИЯИ {ОКИМИЯТИ ДАВЛАТИИ ША{РИ ИСФАРА Н/И

Оини ҳамсоядорӣ

Об – пайвандгари дусти Дар ҷамоати деҳоти Лаккон фестивали дӯстии сокинони маҳалҳои наздисарҳадии навоҳии Исфараи ҶТ ва Боткони ҶҚ таҳти унвони «Об – пайвандгари дӯстӣ» баргузор гардид.

Бояд тазаккур дод, ки чорабинии мазкур дар доираи лоиҳаи "Беҳтар намудани инфрасохтор ва баланд бардоштани иқтидори ташкилотҳои маҳаллии дахлдор баҳри самаранок идоракунии захираҳои обӣ ва чарогоҳҳо»-и Барномаи Ҷонибдории Инкишофи Иқтисодии Манотиқи Кӯҳистони Фонди Оғохон, ки дар ҳудуди ноҳияҳои Исфара ва Боткон бо дастгирӣ ва маблағгузории Вазорати рушди Британияи Кабир амалӣ гардонида мешавад, бо иштироки муовини раиси шаҳр Таборакхон Файзуллоева, роҳбарони воҳидҳои сохтории марбутаи мақомоти иҷроияи ҳоки-

мияти давлатии шахри Исфара ва маъмурияти давлатии ноҳияи Боткон,ҷомеаҳои сарҳадии ҷамоатҳои зерҳадафи лоиҳа - Лаккон, Кӯлканд, Чилгазӣ ва Навгилеми шаҳри Исфара ва деҳаи Қаробоғи ноҳияи Боткон, аъзоёни хоҷагиҳои деҳқонӣ, кормандон ва истифодабарандагони хизматрасониҳои Ассотсиатсияҳои истифодабарандагони об, кумитаҳои маҳал ва мактаббачагони синфҳои болоии мактабҳои деҳоти наздисарҳадӣ баргузор шуд. Дар маросими расмии оғозёбии фестивали дӯстӣ зимнан гуфта шуд, ки лоиҳаи "Беҳтар намудани ин-

ҚАРОРИ РАИСИ ШАҲРИ ИСФАРА

аз «23 » октябри соли 2015

№600

Дар бораи даъвати иҷлосияи сеюми Маҷлиси вакилони халқи шаҳр, даъвати панҷум Мутобиқи моддаҳои 12, 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» қарор мекунам: 1. Иҷлосияи сеюми Маҷлиси вакилони халқи шаҳри Исфара, даъвати панҷум 30-уми октябри соли 2015, соати 9.00 дар маҷлисгоҳи калони мақомоти иҷроияи ҳокимияти давлатии шаҳр даъват карда шавад.

2. Ба муҳокимаи иҷлосияи сеюми Маҷлиси вакилони халқи шаҳри Исфара, даъвати панҷум масъалаҳои зерин гузошта шаванд: * Рафти татбиқи «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» дар шаҳри Исфара; * Оид ба амалигашти Қарори Ҳукумати Ҷумҳурии Тоҷикистон №602 аз 31 октябри соли 2009 «Дар бораи татбиқи «Барномаи давлатии экологии Ҷумҳурии Тоҷикистон барои солҳои 2009-2019»- дар шаҳри Исфара; * Тасдиқи нақшаи мушаххаси марҳилавӣ «Оид ба татбиқи Барномаи муқовимат бо зуҳуроти экстремизми динӣ ва терроризм дар шаҳри Исфара барои солҳои 2015-2019»; * Ҳисоботи вакили Маҷлиси вакилони халқи шаҳр аз ҳавзаи интихоботии «Сари Осиё» №5 Ҷалилова Фотима Маъруфовна «Дар бораи рафти иҷрои ваколатҳои вакилӣ»; * Дар бораи номгузории объектҳои ҷуғрофӣ; * Тасдиқи меъёри андози қитъаи замини наздиҳавлигӣ дар маркази шаҳри Исфара ва ҷамоати деҳоти Сурх; * Тасдиқи қарорҳои раиси шаҳр. Раиси шаҳр Д.ЗОҲИДЗОДА.

фрасохтор ва баланд бардоштани иқтидори ташкилотҳои маҳаллии дахлдор баҳри самаранок идоракунии захираҳои обӣ ва чарогоҳҳо» дорои аҳамияти муҳими иқтисодиву иҷтимоӣ буда, дар сурати пурра амалӣ гардонидани он, яъне таъмиру барқарорсозии канали Чилгазӣ натанҳо дастрасии истиқоматкунандагони минтақаҳои наздисарҳадӣ ба захираҳои обӣ саҳлу осон мегардад ва сатҳи обёриии беш аз 2650 гектар заминҳои кишту боғоти мевадиҳанда беҳбудӣ меёбад, балки эҳтимолияти ба миён омадани низоъҳо аз барои об аз байн меравад. Раванди амалигашти чорабиниҳои дар лоиҳа пешбинишуда ва иҷрои корҳои таъмиру барқарорсозии канали Чилгазӣ собит намуданд, ки дар байни сокинони минтақаҳои наздисарҳадии ҳар ду ҷониб дар самти ба таври муштарак ва самаранок идоракуниву истифодабарии захираҳои обӣ аллакай ҳусни тафоҳум эҷод гардидааст ва тоҷикону қирғизҳои ин мавзеъ хостгори ҳамзистии осоишта ва муносибатҳои неки ҳамсоягӣ мебошанд. Дар раванди баргузории фестивали мазкур намоиш ва фурӯши маҳсулоти кишоварзони Исфараву Боткон, барномаи зебои консертии тараннумгари дӯстиву рафоқат ва рӯзгори осоишта, мусобиқаҳои шавқовари варзишӣ, аз қабили вазнбардориву дастхобонӣ, бандкашиву волейбол байни дастаҳои навоҳии Исфараву Боткон доир карда шуданд. Пас аз қадршиносии ғолибони мусобиқаҳои варзишӣ ширкатдорони фестивали дӯстӣ имкон доштанд бо чашидани лаззати шоҳи таомҳои миллӣ – оши палав ба ҳунари пазандагони тоҷику қирғиз низ баҳогузорӣ намоянд. Набиҷон ХУДОЙБЕРДИЕВ

Дар коллеҷи тиббии шаҳр бо ибтикори созмони ибтидоии ҲХДТ-и муассиса ҷамъомад доир гардид, ки дар он омӯзгорону донишҷӯён ширкат доштанд. Раиси ташкилоти ибтидоии ҳизбии таълимгоҳ Парвина Ваҳҳобова дар мавзӯи «Ҷавонони ифротӣ киҳоянд ва ё худ Н/И

Гумроҳ

Ашки тамошобинон рехт Дар Хонаи фарҳанги деҳаи Хоҷаи Аъло намоишномаи (муаллиф Меъроҷиддин Нарзиев) «Гумроҳ» пешкаши тамошобинони сершумор гардид. Нақши асосӣ – Муродро Мансурхон Қорихонов, падари Мурод – муаллимро Ҷамолиддин Парпиев, модари Муродро Розия Тошматова, шефро Шӯҳратҷон Ҳалимов ва ёрдамчии ӯ Ҷӯрабекро Исҳоқов Ҷӯрабек ва нақшҳои дигар иштирокчиёни асарро Азамат Мӯъминов, Меҳроҷ Маҷидов, Амир Пар-

Н/И

Н/И

Барои саломатии аҳолӣ

Корвони саломати дар Чоркух Бо ибтикори маъмурияти беморхонаи марказии шаҳр баҳри равнақи тоза бахшидан ба хизматрасонии тиббӣ ба модару кӯдак дар ҷамоати деҳоти Чоркӯҳ корвони саломатӣ гузаронида шуд.

Чорабинӣ дар ҳайати беҳтарин мутахассисони беморхонаи марказӣ, маркази саломатии шаҳр ва маркази мубориза алайҳи бемории СПИД дар сатҳи зарурӣ доир гардид. Бино ба иттилои муовини сардори КАТС Изатулло Саидов он рӯз 2056 нафар сокинони ҷамоат аз муоинаи тиббӣ гузаштанд. Аз ин миқдор 892 нафарро занҳои қобили зоиш, 574 нафарро ҳомиладорон ва 590 нафарро кӯдакон ташкил доданд.

97 нафар кӯдакон тибқи нақша ба эмкунӣ фаро гирифта, инчунин 927 таҳлилҳои лабораторӣ ва ташхисҳои диагностикӣ дар дарёфти бемориҳои мухталифи модару кӯдак гузаронида шуданд. Мутахассисони соҳа, аз ҷумла табибони тибби оилавӣ, амрози занона, бемориҳои дил, чашм, бавлияшинос, эндокринолог, бемориҳои

Аз ҳаёти аҳзоби сиёсӣ

86 нафар аъзои нав

ба гурӯҳҳои ифротӣ шомил шудани ҷавонон» маърӯза кард. Донишҷӯёни коллеҷ И. Аюбҷонов ва С. Мамараҷабова доир ба ҷараёни обуна ба матбуоти даврӣ ва масъалаи ташкили ҷамъияти ягонаи «Созандагони Ватан»

пиев ва нақши келинро Фароизхон Муҳаммадҷонова бо маҳорати баланд иҷро намуданд. Бояд қайд кард, ки намоишнома ба мавзӯи доғи рӯз - шомил шудани ҷавонон ба ҳизбу ҳаракатҳои ифротгаро бахшида шуда, дорои аҳамияти калони тарбиявӣ аст. Ширкатдорон аз тамошои ин саҳна хеле мутаассир гаштанд. Мудири хонаи фарҳанг Ситорабону Тӯйчиева ва омӯзгори мактаби деҳа Абдуманнон Суннатов ба маҳорати иҷрокунандагии ҳунармандони театри халқии шаҳр ва махсусан ба муаллиф барои офаридани чунин як асари ҷолиби диққат аз номи тамошобинон миннатдорӣ баён карданд. Зикр бояд кард, ки ин асари саҳнавӣ дар тамоми ҷамоатҳо бомуваффақият намоиш дода шуд. Б. ТӯЙЧИЗОДА, деҳаи Хоҷаи Аъло.

Н/И

гӯшу гулӯ ва бинӣ, асабшинос, бемориҳои пӯст, ВНМО, силшинос, табибони наврасон ва таҳлилгарон дар баробари муоина ва ташхис оид ба пешгирии бемориҳо ба аҳолӣ маслиҳатҳои муфид доданд. Дар баробари ба қайд гирифтани бемориҳои дарёфтшуда аз ҷониби кормандони тиб бархе аз беморон дар муассисаҳои тандурустӣ бистарӣ гардиданд. Бояд қайд кард, ки таҳлилу ташхисҳо ва қабули мутахассисони соҳа ба таври ройгон сурат гирифт. Дар рафти чорабинии «Корвони саломатӣ» раиси ҷамоати деҳоти Чоркӯҳ Б. Шарофов, сардухтури БМШ Т. Муҳаммадов ва сарвари КАТС С. Атохонов ширкат варзиданд. Қудратулло ЭШОНОВ, котиби матбуотии МТТҲС.

андешаву таклифҳои хешро баён доштанд. Муовини раиси кумиҷроияи шаҳрии ҲХДТ М. Алиматова дар атрофи масъалаҳои дар ҷамъомад муҳокимашуда сухан гуфта, баҳри пешрафти фаъолияти созмони ибтидоии ҳизбии коллеҷ тавсияҳои судманд пеш овард. Дар поёни маҷлис 82 нафар донишҷӯён ва 4 нафар омӯзгорони муассиса ба узвияти ҲХДТ пазируфта шуданд.

Об барои ҳаёт

Хавз бунёд мекунанд Дар деҳаи Боғистон ба тариқи ҳашар ҳавзи оби нӯшокӣ сохта истодаанд. Ғунҷоиши он 60 метри мукааб буда, дар мтму № 38 бо дастгирии Салиби сурхи Олмон дар доираи лоиҳа бунёд мешавад. Бо кӯмаки ин ташкилоти хайрия чанде пеш ба миқдори 41 ҳазору 37 сомонӣ маҳсулот харидорӣ карда шуд. Саҳми сокинони маҳал бошад, 6 ҳазору шаш сомонист. Дар сурати ба истифода додани ҳавзи мазкур мушкилоти аҳолии деҳаи Боғистон, ба хусус муассисаи таълимӣ дар самти таъминот бо оби нӯшокӣ ҳалли худро меёбад. Айни ҳол ин гуна лоиҳаҳо дар шаш ҷамоати деҳоту шаҳрак таҳти корбариҳои масъули лоиҳаҳо М.Баширов ва котиби иҷроияи ҶҲАТ дар Исфара Б.Раҳимова барои бартараф кардани оқибатҳои офатҳои табиӣ ва дастраси ба оби тоза амалӣ шуда истодааст. Ҳасанбой АСАДОВ, омӯзгор.

Фидоии миллату механ

Дар таърихи илму фарҳанг чунин шахсони соҳибистеъдод ва эҷодкори нодире буданд ва ҳастанд, ки тамоми маҳорат, таҷрибаи рўзгор ва ҳастии худро барои инкишофу густариши ҷомеа, миллату Ватан, барои бахту саодати халқ нисор намудаанд ва менамоянд. Ин гуна ашхос ҳанўз дар айёми фаъолияти эҷодиашон сазовори иззату эҳтироми умум мегарданд. Ҳоҷӣ Зулфиқор Абдусатторов аз зумраи чунин ашхос буданд, ки бо донишмандиву оқилӣ, кордонию ташкилотчигиашон, созандагию бунёдкориашон на фақат байни мардуми Исфара, балки вилояту Ҷумҳурии Тоҷикистон обрўю эҳтироми хоса пайдо намуда, вирди забони доимии дўстон гаштанд. Агар ин марди накӯкору шариф дар қайди ҳаёт мебуданд, ба синни мубораки 80 мерасиданд. Новобаста аз ин З.Абдусатторов тавонист, ки дар умри начандон тӯлонӣ кореро анҷом диҳад, то номашро ба дарозии қарнҳо дар саҳифаи таърихи Исфара китобат намояд.

Шахсе буд ободкор Замоне банда дар Исфара роҳбари шаҳр будам. Он кас роҳбари ҷомеаи меҳнатии техникуми саноати хўрокворӣ шуда кор мекарданд, барои беҳ намудани шароити таълимгоҳ ва бо хобгоҳ таъмин намудани донишҷўён азму талош доштанд. Дар ҷаласаҳои гуногуни шаҳр ҳамеша ширкат меварзиданд. Озодона фикрашонро баён карда, таклифҳо ва масъалаҳои гуногунро ба миён мегузоштанд. Барои ободонии шаҳр эътибори хоса медоданд. Хизмати бузурги муаллим буд, ки дар заминаи техникуми саноати хўроквории Исфара коллеҷи технологӣ (имрўз ФДТТИ) таъсис ёфт. Ба ғайр аз ин якчанд бинои таълимии баландошёна бо заҳмату ғайрати ин шахс сохта шуд. Ҳазорҳо шогирдонро ба камол расониданд. Ба онҳо хирад ва хислатҳои беҳтарин: инсондўстӣ, ростқавлӣ, масъулиятшиносӣ, ватандўстию ватанпарвариро омўзонданд ва бо ин васила обрўй ва эътиборашон дар байни мардум хеле баланд буд. Мо бо фарзандони барўманди диёр З.Абдусатторов ифтихор менамоем. Кору пайкори неки он кас дарси намунаи ибрат барои насли ҷавон аст. Огоҳӣ ёфтам, ки ба ифтихори зодрўзашон, пайвандон ва фарзандон аз рўзгори ин марди наҷиб китоби ёддошт омода мекунанд. Ва ин чанд сатре иззату эҳтироми банда тақдиме ба ёди ин марди накуном аст. Хотираи неки устод дар ёду дилҳои мо ҷовидон мемонад. Гулафзо САВРИДДИНОВА, Корманди шоистаи ҶТ, собиқ раиси шаҳр. Зулфиқор Абдусатторов соли 1953 пас аз хатми мактаби миёна донишҷўйи Донишкадаи кишоварзии Тоҷикистон мегардад. Саъю кўшиши зиёди З.Абдусатторов водор кард, ки ҳанўз ҳангоми таҳсилаш дар курси сеюм дар озмуни илмии донишҷўён баромад кунад. Ин баромад дар ҳузури зиёда аз 12 доктору номзади илм баргузор гардида, устодонаш ба ў баҳои баландро сазовор донистанд. Баъди хатми бомуваффақияти донишгоҳ бо дипломи аъло соли 1958 ба зодгоҳаш омад. Ҳарчанд дар зодгоҳаш фаъолияти меҳнатиашро идома медод, лек дар дил орзу дошт, ки корҳои илмиашро давом диҳад. Бо ҳамин ниятҳо ва бо тавсияи дўстон аз оғози соли 1960 фаъолия-

Зулфиқор Абдусатторов бо наберагони худ.

Таърихи бахши Донишгоҳи технологии Тоҷикистон дар шахри Исфара, техникуми саноати хуроквории шаҳри Исфара ва собиқ коллеҷи технологии Исфараро бе ёдовар шудани кору пайкори собиқ сарвари он – Ҳоҷӣ Зулфиқор Абдусатторов, ки 23-сол (аз соли 1976-1999) сарварии онро ба ӯҳда дошт, тасаввур кардан ғайри имкон аст. Шодравон дар тӯли ин солҳо таълимгоҳро, ки дар собиқ бинои идораи колхози ба номи Ленин ҷойгир буду ҳамагӣ 8-10 утоқи дарсӣ дошт, ба шаҳраки донишҷуён табдил дод, дар он ду бинои чорошёна барои хобгоҳ, як бинои чорошёна барои утоқҳои дарсӣ ва варзишгоҳи замонавӣ қомат афрохт. Албатта, ин кори осон набуд. Чунки ҷои ду бинои чорошёнаи хобгоҳ, ки дар яке аз он айни ҳол хонандагони литсеи № 5 таҳсил карда истодаанд ва варзишгоҳ

Сарвари созанда

манзили истиқоматии одамон буд. Ба ҳамаи онҳо, ки манзили зисти худро тарк карданӣ набуданд, Ҳоҷӣ Зулфиқор чӣ қадар зарур будани сохтмони ин биноҳоро фаҳмонида тавонист. Ҳамчунин ҳукумати ҳамонвақта бо исрори ӯ зарурияти сохтмони ин биноҳоро дарк намуд ва оиди аз дигар ҷой ҷудо кардани замин барои манзили зист қарор баровард. Ӯ бо мақсади тезтар кӯч бастани онҳо барои сохтмони хонаҳо кӯмак расонид. Минбаъд донишҷӯёне, ки аз Ҷумҳуриҳои Ӯзбекистон, Қирғизистон ва берун аз Тоҷикистон барои таҳсил ба техникуми саноати хӯрокворӣ, ки дар Осиёи Миёна ягона буд, меомаданд, пурра ба хобгоҳ таъмин буданд. Агар мардуми калонсоли И с ф а р а м а рз собиқ котиби якуми ҳизби коммунисти шаҳр – Ортиқбой Қурбоновро дар обод кардани Исфара ёдовар шаванд, Ҳоҷӣ Зулфиқор Абдусатторовро низ айнан ҳамин хел ба забон меоранд. Ӯ қарори ниМаҳфили ёдбуди Зулфиқор шастан надошт, бинобарон ӯро Абдусатторов, 17.11.2009

дар утоқи кориаш дарёфт кардан душвор буд. Агарчанде вақти зиёди он кас ба кори сохтмону хоҷагидорӣ сарф мешуд, корҳои таълимию тарбиявӣ низ аз мадди назараш дур намемонд. Дар интихоби ҷонишин оиди таълиму тарбия, ки ин вазифаро Атохон Аҳмадзода ба ӯҳда дошт, хато накарда буд. Маҳз фаъолияти хуби муовин буд, ки ӯ бо дили пур ба корҳои созандагӣ машғул мешуд. Солҳои вакили Шӯрои Олии Ҷумҳурии Тоҷикистон будан аз ваколати вакилӣ истифода карда, соли 1993 дар заминаи техникуми саноати хӯроквории шаҳр ба таъсис додани Мактаби олии техникии таҷрибавӣ муваффақ гашт. Ин боис шуд, ки дар солҳои душвори баъди ҷанги шаҳрвандӣ барои мардуми шаҳрҳои Исфараю Конибодом ва ҳатто гирду атрофи Хуҷанд шароит фароҳам омад, то ки фарзандонашон аз вилоят берун нашуда, соҳиби маълумоти олӣ гарданд. Ман таҳти сарварии Ҳоҷӣ Зулфиқор 19 сол кор кардам ва ҳамаи корҳои шоёни он касро дар ин саҳифа ҷой додан ғайри имкон аст. Фақат гуфтаниям, ки 23 сол дар як корхона роҳбарӣ карда, ба дили мардум ҷой гирифтан на ба ҳама кас муяссар мегардад. Баҳоваддин ҚОДИРОВ, номзади илми филология, дотсент.

Зиндаву човид монд... ташро ҳамчун омўзгор, омўзгори калон, дертар ба ҳайси декану мудири кафедраи Донишкадаи политехникии Тоҷикистон идома медиҳад. Бо тавсияи устодон П.Лавриненко, бахусус профессор Дмитрий Логутсов ва роҳбарияти донишкада ба Пажўҳишгоҳи энергетикии Академияи илмҳои собиқ Иттиҳоди Шўравӣ ҳамчун коромўз меравад. Дар он ҷо ў ба омўзиши соҳаи барояш тамоман ношинос - техникаи гармӣ (теплотехника) машғул мешавад. Моҳи феврали соли 1967 дар Донишкадаи энергетикии Маскав (МЭИ) дар шўрои ҳимояи рисолаи номзадӣ дар мавзўи «Тадқиқи санҷиши буҳрони ҷўшишии моеъ» ҷустуҷӯҳояш ҷамъбаст мегардад. Баъди дифои рисолаи номзадӣ боз ба донишкада бармегардад. Соли 1968 ўро декан, яъне роҳбари факултаи сохтмон таъин мекунанд. Соли 1976 сол бо маслиҳати роҳбарони шаҳри Исфара Бобо Мансуров ва Умаралӣ Қурбонов ӯ ба зодгоҳаш - шаҳри Исфара даъват карда мешавад. Вақте ки ў ба кор шурўъ кард, техникум ҳамагӣ соли сеюм амал мекард. Дар соли таҳсили 1976-1977 сарварии таълимгоҳро ба ӯҳда гирифт. Он вақт директор шодравон Темур Назаров (рўҳашон шод бод) буданд, ба ў фотиҳаи нек доданд. Бо ташаббус ва саъю кўшишҳояш дар муддати кўтоҳ таълимгоҳ обод мегардад. Ҳайати омўз-

горон бошад, аз сафи мутахассисони варзида сол аз сол зиёд мешавад. Омўзгорон Ё.Собитов, Р.Масъудов, А.Аҳмадзода, М.Ёқубова, А.Бобоев, У.Эшонов, А.Халилов, А.Аюбов, З.Тоиров, Ф.Ҳасанов, И.Холиқов, С.Ризоев, А.Азизов, Г.Мишарова, Г.Багина, С.Ғаффоров, А.Ҳалимҷонов, Х. Бобоҷонов, Б.Қодиров, А.Шукуров, С.Рустамов, О.Ҳамдамов, А.Эгамов, И.Пўлодов, М.Собиров, М.Обидҷонов, С.Толибов, Ш.Маллаев, Т.Маҳмудов, А.Содиқов ва дигарон бевосита дар таҳкими заминаи моддӣ-техникии таълимгоҳ бо Зулфиқор Абдусатторов якҷоя ғайратмандона заҳмат мекашиданд ва нуфузи онро дар саросари Ҷумҳурӣ баланд бардоштанд. Натиҷаи ҳамин комёбиҳо буд, ки 1987 техни-

"Инсони нексиришт" Бо чунин ном китобе аз рӯзгор ва фаъолияти пурсамари меҳнатии марди шариф, олим, яке аз саҳмгузорони ободии диёр, иштирокчии фаъоли Иҷлосияи таърихии XVI Шӯрои Олии Ҷумҳурии Тоҷикистон - вакили Маҷлиси Олии Ҷумҳурии Тоҷикистон даъвати дувоздаҳум, Аълочии мактабҳои миёнаи махсуси СССР, собиқ директори тех-

НАСИМИ ИСФАРА

28. 10.

2015

№ 47

2 Фарзандони ту, Исфарамарз!

Давомдихандаи корашон мебошем Он вақтҳо ман дар комбинати консервабарории шаҳри Исфара сармуҳандис шуда кор мекардам. Устод Ҳоҷӣ Зулфиқор Абдусатторов нисфирўзӣ ба ман занг зада, баъди ҳолпурсӣ гуфтанд, ки “Исмонхўҷа, мо шуморо дар шўрои омўзгории таълимгоҳамон якдилона раиси имтиҳоноти давлатии донишҷўён интихоб кардем. Агар бемалол бошад, 3-4 рўз омада, аз хатмкунандагони мо имтиҳон мегирифтед”. Ман розигиамро ба устод додам. Ҳамин тавр, ман бо устод аз наздик шинос шудам. Баъди сӯҳбатҳои тўлонӣ пай бурдам, ки устод Ҳоҷӣ Зулфиқор Абдусатторов нисбат ба кори худ хеле серталаб ва масъулиятшинос будаанд. Пеш аз ҳама меҳрубонию ғамхории он кас нисбат ба донишҷўён, ояндабиниашон маро ба ҳайрат мононд. Дар вақти ба таълимгоҳ ташриф оварданам маро бо нақшаю андешаҳояшон шинос намуданд. Устод Зулфиқор Абдусатторов роҳбари ташаббускор, созанда буданд, ҳамеша баҳри ободонии таълимгоҳ ва мустаҳкам намудани пояи моддӣ–техникии он талошҳо доштанд. Ҳамаи саъю кўшиш, талошҳои муаллим барои омода намудани шароити кори омўзгорон ва беҳтар намудани тарбияи насли наврас, илм омўхтани ҷавонон равона шуда буд. Аз ин лиҳоз, ҳамкорон ва дӯстонашон он касро ҳурмату эҳтиром мекарданд ва то ҳозир ба некӣ ёд мекунанд. Мо - аҳли ҷомеаи меҳнатӣ, кулли донишҷўён ва омўзгорони филиали Донишгоҳи технологии Тоҷикистон дар шаҳри Исфара ифтихор аз он мекунем, ки чунин як шахси ташаббускору донишманд, поквиҷдону ояндабин ҳамчун сарвари таълимгоҳамон барои рушди он хизматҳои шоён кардаанд. Кору заҳматҳояшон дар хотираи дўстон ва шогирдон абадӣ боқӣ хоҳад монд. Исмонхўҷа НЕЪМАТУЛЛОЕВ, директори филиали Донишгоҳи технологии Тоҷикистон дар шаҳри Исфара, номзади илмҳои техникӣ.

Модари Ҳоҷӣ Зулфиқор бо фарзандон, соли 1961. куми саноати хўрокворӣ дар байни мактабҳои миёнаи махсуси собиқ Иттиҳоди Шўравӣ ғолиби мусобиқа гардид. Соли 1980 раиси кумитаи иттифоқи касабаи техникум М.Холиқов вакили Шўрои вакилони халқи вилояти Ленинобод ва соли 1990 худи директор З.Абдусатторов аз ҳавзаи интихоботии Исфара вакили мардумии парлумони Тоҷикистон интихоб шуд. Дар ҳақиқат, дар зиндагӣ дили беқарор доштанд, табиатан инсони шўху ноором буданд. Умри бениҳоят қиматро нисори сохтмонҳои кохи илму маърифати халқашон ва тарбияи шогирдону фарзандонашон намуданд. Тамоми ҳаёташ пурталотум гузашт. Зулфиқор Абдусатторов баъди 40 рўзи беморӣ – 3-юми январи соли 2000 дар даҳаи сеюми моҳи шарифи Рамазон - дар шаби қадр дунёро тарк карданд. Муҳаммадхӯҷа ЯҲЁЕВ, дотсенти ФДТИИ. никуми саноати хӯрокворӣ, коллеҷи технологӣ, ректори Мактаби олии техникии таҷрибавии Исфара, шодравон Ҳоҷӣ Зулфиқор Абдусатторов бахшида шуда, дар арафаи ҷашни 80-солагии эшон ба табъ расид. Дар китоб ҳамкорон ва дӯстон оид ба фаъолият ва ҳаёти ибратбахши Ҳоҷӣ Зулфиқор Абдусатторов хотираҳои хешро нақл кардаанд. Мураттиби китоб узви Иттифоқҳои журналистон ва бастакорони Тоҷикистон, дотсенти ФДТТИ Муҳаммадхӯҷа Яҳёев мебошад.

Тамоми умр дар хидмати диёр Собиқадори меҳнат, Корманди шоистаи коопреатсияи Тоҷикистон Шералӣ Миристоев 30-уми октябри соли 1952 дар шаҳри Исфара, дар оилаи коргари кони ангишти Шӯроб ба дунё омадааст. Соли 1968 баъди хатми мактаби миёнаи №5 роҳи шаҳри бостонии Самарқандро пеш гирифта, он ҷо ба Донишгоҳи кооперативӣ дохил шуд. Соли 1973 таҳсили донишгоҳро бомуваффақият ба итмом расонида, бо дипломи маълумоти олии муҳандис – технологи соҳаи савдо ва хӯроки умумӣ ба шаҳри Исфара баргаштааст ва фаъолияти меҳнатиашро дар иттифоқи матлуботи ноҳия ба сифати мудири истеҳсолоти хӯроки умумӣ оғоз намудааст. Солҳои 1973 – 1974 хизмати ҳарбиро дар шаҳри Мурмански Федератсияи Русия адо намуда, пас аз он боз дар иттифоқи матлуботи шаҳри Исфара дар вазифаи пешинааш фаъолияти меҳнатиашро идома бахшидааст. Баъдан, солҳои 1981 – 1984 ҷонишини директори идораи хӯроки умумии иттифоқи матлуботи ноҳия, ҷонишини раиси иттифоқи матлуботи ноҳия таъин шуда, софдилона ва пурсамар заҳмат кашидааст. Солҳои 1984 – 1987 ба ҳайси сардо-

ри идораи хӯроки умумӣ, сардори шӯъбаи савдои шаҳри коргарнишини Шӯроб пешбарӣ гардида, дар бобати таъмини аҳолии меҳнатқарини он, оилаҳои ангиштканони гуногунмиллату интернатсионалӣ бо молу маводи хӯрокаву пӯшока ва маҳсулоти талаботи рӯзгор саҳми шоён гузоштааст. Қобилияти хуби меҳнатӣ, ташаббускорӣ, таҷрибаи ғании ӯро дар соҳаи таъмини хӯроки умумиву савдо ба инобат гирифта, Шералӣ Миристоевро соли 1988 раиси иттифоқи матлуботи ноҳияи Исфара интихоб карданд ва дар ин ҷодаи хеле заҳматталабу муҳими мардуми диёр ӯ бештар аз сӣ сол софдилона меҳнат кардааст. Бо роҳбарии Шералӣ Миристоев ҷамъияти матлуботи ноҳияи Исфара дар мусобиқаҳои вилоятӣ, ҷумҳуриявӣ ва умумииттифоқӣ борҳо ғолиб баромадааст. Аз рӯйи натиҷаҳои соли 1990 ҷамъияти матлуботи ноҳияи Исфара бори сеюм дар миқёси собиқ давлати Шӯравӣ дар ҳамаи бахшҳои фаъолият ҷойи якумро ишғол намуда, Байрақи сурхи сайёри «Сентросоюз» (ҷамъияти матлуботи марказӣ)-ро соҳибӣ намуд. Ноилгардӣ ба чунин дастовард дар миқёси мамла-

Шери майдон Шералӣ Миристоев ягон вақт ҳаргиз худро аз мардум дур намегирифт ва то ҳол намегирад. Охири садаи гузашта дар рӯзҳои ноороми ҳаёти кишвар, ки акси садои он то ба Исфараи мо низ расида буд ва ин ҷо низ гоҳ - гоҳ гирдиҳамоиҳо ба вуқӯъ мепайваст, вай мисли баъзе нафарон канора намеҷуст, балки худро шерона байни издиҳом зада, мардумро ба сулҳу салоҳ, оромӣ ва сабру тамкин даъват менамуд. Бо ҷасорат, бо эътимод ва таъсирбахш сухан меронд… Вай марди сипосгузор буда, бо русуми ҷавонмардӣ шинос аст, аз касе некӣ дида бошад, ҳаргиз қарздор намемонад, бо ҳар роҳу восита ҳатман подоши онро мегардонад. Аз пирони кор – саромадони соҳаи кооператсияи Исфара – Нарзибой Парпиев, Розия Назарова, Абдусаттор Мӯсоев ва дигарон, ки ҳар яке дар вақташ сабақе ба ӯ додаанд ва дасташро рост кардаанд, ниҳоят миннатдор аст, онҳоро дар ҳар ҷамъомад ва мавриди муносиб бо некӣ ёд мекунад. М. АБДУРАҲМОНОВ собиқадори матбуот.

Шералӣ Миристоевро солҳои зиёд инҷониб мешиносам ва дӯстии наздик ҳам дорем. Аз ин хотир маротибаҳои зиёд шоҳиди он шудаам, ки нафарони шиносу ношинос ба суроғаш омада, дар ҳалли ин ё он масъалаҳои шахсиву ҷамъиятӣ маслиҳат мепурсанд ва албатта аз назди акаи Шералӣ ҳамаи онҳо қаноатманд мераванд. Дар тарбияи фарзандон низ ба туфайли масъулиятшиносии амиқ самараҳои хубро соҳиб шудааст. Яке аз фарзандони ободкори ӯ Саидалӣ Миристоев мебошад, ки таи солҳои охир бо дастуру ҳидоятҳои қиблагоҳаш ба ҷуз кӯмаку дастгирии муассисаи таҳсилоти миёнаи умумӣ ва нафарони ниёзманду бемори маҳаллаи Лутфӣ Саид, дар таъмиру тармими роҳҳои ҳудуди маҳалла саҳм мегузорад. Ахиран ӯ барои пурра мумфарш кардани 1 километр роҳи ҳудуди маҳалла камари ҳиммат баст. Чанде пеш бо саҳмгузории соҳибкор Саидалӣ Миристоев дар ин маҳалла сифати таъминоти аҳолӣ бо барқ низ беҳбудии ҷиддӣ ёфт. Зеро соҳибкор аз ҳисоби шахсиаш дар маҳалла транс-

кати паҳновари СССР кори осон набуд. Аз ин хотир ба таҷрибаи Шералӣ Миристоев ва ҷамъияти матлуботи ноҳияи Исфара таваҷҷӯҳи хоса зоҳир менамуданд. Дар солҳои сарварии Ш. Миристоев дар ин соҳа ба хотири саҳми назарраси ӯ дар рушду нумӯи соҳаи кооператсияи матлуботи шаҳр ӯ вакили анҷуманҳои ХI, ХII, ХIII, ХIV-и иттифоқҳои кооператсияи «Тоҷикматлубот» интихоб шуда, сазовори нишони фахрии «Аълочии Тоҷикматлубот» гардидааст. Баъдан, бо назардошти фаъолияти пурсамар ва бисёрсола ӯро бо унвони «Корманди шоистаи кооператсияи матлуботи Тоҷикистон» низ сарфароз гардониданд. Собиқадори соҳаи иттифоқи матлубот Шералӣ Миристоев борҳо вакили Шӯрои депутатҳои намояндагони халқ интихоб гардида, барои ободониву некӯаҳволии мардуми диёр ҳиссаи арзанда гузоштааст. Ӯ дар маснади вакилӣ низ мудом кӯшиш ба харҷ медод, ки фаъолияти Маҷлиси шаҳрӣ дар самти таъмини иҷроиши амру фармонҳои Роҳбари давлат, қарорҳои Ҳукумати ҶТ, барномаҳои давлатӣ ва

баландбардории некӯаҳволии мардум самараи бештар ба бор орад. Минбаъд дар намояндагии Хадамоти давлатии назорат дар соҳаи меҳнат, шуғл ва ҳифзи иҷтимоии аҳолии вилояти Суғд дар шаҳрҳои Исфара ва Конибодом низ фаъолияти сермаҳсул дошт ва баҳри ҳифзи иҷтимоии аҳолӣ, шароити кори коргарон, дараҷаи зиндагии онҳо, сатҳи иҷрои қонунҳои ҷорӣ оид ба ҳифзи иҷтимоӣ ва меҳнат тадбирҳои зиёди мушаххасу пурсамар андешидааст. Имрӯзҳо бошад, дар нафақа асту дар иҳотаи 4 фарзанд ва 11 набера давлати пирӣ меронад, лекин ҳанӯз ҳам ҳама рӯза ҳамроҳи фарзандон дар андешаи кӯмак ба дармондагону кулфатзадагон, ободии маҳалли зисту пешрафти диёр аст.

Рисолати ин хонадон ободкорист фарматори барқӣ гузошт. Дар ояндаи наздик Саидалӣ Миристоев тасмим гирифтааст, ки ҷиҳати саҳлу осон гардонидани раву ойи мардум ба маркази шаҳр болои канали калони «Чилгазӣ» кӯпрук бунёд намояд. Соҳибкори мазкур ҳамчунин мунтазам дар тарбияи ватандӯстии наврасону ҷавонони маҳалла, пешгирии шомилшавии онҳо ба ҳизбу ҳаракатҳои ғайрирасмӣ ва тарғиби тарзи ҳаёти солим маҳфилу мусобиқаҳои мухталифи варзишӣ ташкил менамояд. Чунин сифатҳои неки соҳибкор буд, ки мардум бо як овоз ӯро вакили Маҷлиси шаҳрӣ интихоб кардаанд. Наимҷон ЮНУСОВ, масъули намояндагии телевизиони "Сафина".

НАСИМИ ИСФАРА

28 . 10.

2015

№ 47

3 Накш дар хаёт

Арзи сипоси собикадор

Тавре ки маълум аст, аҳолии шаҳру деҳоти Исфара сол аз сол бештар мешаваду табиист, ки ҳалли масъалаҳои вобаста ба ҷудо кардани қитъаҳои замин барои сохтмони иншоотҳои гуногун, аз қабили қитъаҳои замини наздиҳавлигӣ, мактабу кӯдакистонҳо, муассисаҳои тиббӣ ва ғайраву ва ҳоказо андешидани чораҳои таъҷилиро тақозо мекунад. Дар ин радиф қариб дар ҳамаи минтақаҳои шаҳру деҳоти Исфара мушкилоти ҷиддии иҷтимоӣ - норасоии замин барои қабристонҳо эҳсос карда мешуд. Дар натиҷаи муроҷиати аҳли ҷамоатчигии шаҳр ва дастгирии ҳамаҷонибаи мақомотҳои иҷроияи ҳокимияти давлатии шаҳри Исфара, вилояти Суғд ва Ҳукумати Ҷумҳурии Тоҷикистон муаммои чандинсолаи мазкур ба таври мусбӣ ҳалли худро ёфт. Бояд иқрор шуд, ки расидан ба ин мақсад он қадар осон набуд. Зеро ба қабристонҳо бояд аз ҳисоби қитъаҳои обёришаванда ва чарогоҳҳо заминҳо ҷудо карда мешуданд. Барои анҷоми чунин кор бошад, ба тасвиб расонидани Қарори Ҳукумати ҶТ зарур буд. Дар асоси муроҷиати мақомоти иҷроияи ҳокимияти давлатии шаҳри Исфара Ҳукумати ҶТ супориши №601211 (аз 11.10.2013)-ро имзо намуд. Дар ин замина мақомотҳои марбута ва кумитаи заминсозии шаҳр таърихи 26.03.2014 хулоса ва пешниҳоди мушаххаси худро омода намуданд, ки он бо қарори раиси шаҳр Зоҳидзода Даврони Абдуқодир «Дар бораи ҷудо намудани қитъаи замин барои васеъ кардани ҳудуди қабристонҳо дар ҷамоатҳои деҳоти Кӯлканд, Навгилем, Шаҳрак ва шаҳри Исфара» аз 31-уми марти соли 2014 тасдиқ карда шуда, аз мақомоти иҷроияи ҳокимияти давлатии вилояти Суғд тасдиқи он пурсида шуд. Дар натиҷа таърихи 30-уми апрели соли ҷорӣ Ҳукумати Ҷумҳурии Тоҷикистон таҳти №275 қарор «Дар бораи бозпас гирифтан ва пешниҳоди қитъаҳои замин ба мақомоти иҷроияи ҳокимияти давлатӣ ва ҷамоатҳои деҳоти Кӯлканд, Навгилем, Шаҳрак ва шаҳри Исфара» -ро ба тасвиб расонид, ки дар он барои васеъ намудани ҳудуди қабристонҳо бозпас гирифтани қитъаҳои замини кооперативҳои истеҳсолии «Ҳамро Мукаррамов» (2 га.), «Кишоварзони Навгилем» (1 га.), «Қӯшдевор» (1га.), «Истофараҳ» (1,4 га.), «Суфро Боқиева» (1,6 га.), «Қалъаи Сурх) (1га.), «Ризқофарин» (1,5 га), «Гузари Эшон» (2,05 га.) ва аз заминҳои захираи давлатии шаҳр (5 га.), дар маҷмӯъ 16,55 га. ба тасвиб расонд. Дар қарори мазкур гуфта шуда буд, ки қитъаҳои замини зикргардида бояд танҳо пас аз ғунучин гардидани ҳосили зироатҳои дар ин заминҳо нашъунамодошта аз ихтиёри кооперативҳои истеҳсолӣ бозпас гирифта шавад. Инак чанд рӯз муқаддам ба қабристонҳои ҳудуди ҷамоатҳои Кӯлканд, Навгилем, Шаҳрак ва шаҳри Исфара қитъаҳои замини иловагӣ ҷудо карда шуданд, ки мушкилоти қабристонҳоро комилан аз байн мебарад. Аз ин хотир мехоҳам аз номи собиқадорони ҷабҳаи меҳнат ба ҳамаи он нафароне, ки дар ҳаллу фасли ин мушкилоти сангин саҳми босазо гузоштанд - раиси шаҳри Исфара Зоҳидзода Даврони Абдуқодир, собиқ раиси шаҳр, мудири САҲШ Муҳиба Ёқубова, сармеъмор Абдумубин Фаттоев, сарвари кумитаи заминсозии шаҳр Сахиюлло Махсудов, аъзои комиссияи санадсозии мақомоти иҷроияи ҳокимияти далатии шаҳр Ҷамолиддин Нуриддинов ва Кубро Собитова, кормандони шӯъбаи меъморӣ Шокирҷон Холиқов ва кумитаи заминсозии шаҳр Малоҳиддин Муҳиддинов аз таҳти дил миннатдории самимӣ расонам. Бигзор ҳамаи он нафароне, ки барои саҳлгардонии мушкилоти мазкур саҳм гузоштаанд, дар дигар ҷабҳаҳои ҳаёт низ ҳамин тавр муваффақу пирӯз бошанд. Шералӣ МИРИСТОЕВ, собиқадори меҳнат, Корманди шоистаи кооператсияи матлуботи Тоҷикистон.

НАСИМИ ИСФАРА

Барои як афсари точик стимули арабии «Хочи» волост ё рутбаи харбии «Генерал»? Ҳодисаҳои чанд вақти охир нишон доданд, ки кинаву адоват ва бадбинию хусумат ҳанӯз аз замони ба имзо расидани Созишномаи умумии истиқрори сулҳ ва ризоияти миллӣ дар Тоҷикистон (соли 1997) то имрӯз аз зеҳну хотираи тарафдорони ИНОТ ва намояндагони ҲНИТ пок нагаштааст. Дилҳои пур аз кинаву қалбҳои саршор аз хусумат эшонро намегузорад, ки ором нишинанд ва онҳо ҳар лаҳза дар сар афкори регрессивию қафокашандаи ҷамъиятро парварида, ба ҳар роҳу восита монеаи рушди ҳамаҷониба мегарданд. Махсусан аъзои ҲНИТ бо истифода аз эҳсосоти динии мардум шаҳрвандони кишварро ба гумроҳӣ кашида, афкору андешаи ҷавонону наврасонро бо суханони догматикию схоластикӣ ва мифологии асри VII-и араб пур менамоянд. Ин амали онҳо боис гардид, ки мардуми Тоҷикистон аз аслу насаб ва фарҳанги волои ниёгони худ маҳрум гардида, тамаддун ва фарҳанги пешазисломии тоҷикро барои худ ҳамчун фарҳанги бегонаю зиддиинсонӣ қабул намоянд. Маҳз ҳамин рафтори эшон аст, ки имрӯз дар фазои фарҳангии тоҷик ба ҷойи идеологияи миллӣ идеологияҳои тамоман бегона ба вуҷуд омада, моро ҳар лаҳза аз тамаддуни хеш дур месозанд. Аз таърихи давлату давлатдории башар маълум аст, ки ҳар Давлату Ҳукумате, ки дорои идеологияи миллии худ нест, дер ё зуд ба бунбасти сиёсӣ ва вартаи нобудӣ хоҳад расид. Барои мисол, идеологияи коммунистӣ, ки барои мардуми шӯравӣ ҳамчун идеологияи таҳмилӣ буд, баъд аз ҳукмронии 70-сола осон аз байн рафт. Н/И

Иллати аслии аз байн рафтани идеологияи коммунистӣ он буд, ки вай идеология ва фарҳангҳои дигарро пурра аз байн набурд. Вале ислом, ки ҳамчун идеологияи ҷангхоҳ ва ҷиҳодгар буд, фарҳангҳои дигар қавму миллатҳоро пурра аз байн бурд, то дар фазои холии онҳо роҳат инкишоф ёбад ва мардумро «манқурт» намояд. Имрӯз дар байни мардуми тоҷикистонӣ низ «манқуртҳои исломӣ» ва арабпарастону арабшудагон кам нестанд, ки арзишҳои аҷдодию миллиро сарфи арзишҳои биёбонию шири уштурхӯрии исломӣ намоянд. Мисоли равшани ин гуфта, ҳодисаи рӯзи 4-уми сентябр мебошад, ки таҳти сарварии ҳоҷии арабшудаю генерали тоҷик Абдуҳалим Назарзода анҷом дода шуд. Рафтору кирдори ношоистаю хиёнаткоронаи собиқ сардори дастаи таъиноти махсуси милитсияи ВКД Гулмурод Ҳалимов ва собиқ муовини вазири мудофиаи Ҷумҳурӣ Абдуҳалим Назарзода бори дигар нишон дод, ки дар кишвари мо ғаразҳову бегонапарастиҳо ҳеҷ аз байн нарафтааст. Ба ҳамагон маълум аст, ки аввалӣ ба сафи «Давлати исломӣ» пайвасту дувумӣ бошад, ба «намакдон туф кард» ва муқобили давлати миллии хеш баромад. Генерали хиёнаткор А. Назарзода бо гурӯҳи муташаккили ҷиноятпешаи худ бори дигар фазои орому осудаи кишварро ноором гардонида, хостори ҷанги шаҳрвандии дигар дар Тоҷикистон шуд. Ин амали хиёнаткоронаю паймоншиканонаи ҳоҷӣ-генерал бори дигар собит кард, ки ӯ ва дигар намояндагони ИНОТ ҳеҷ гоҳ ободии Ватан, осудагии халқ ва пешрафти кишварро намехоҳанд.

Гулчине аз адабиёт

Н/И

Шоири рангинхаёл

Нақибхони Туғрал аз авлоди Хоҷа Аҳрори Валӣ буда, яке аз шоирони боистеъдод ва рангинхаёли охири асри XIX ва ибтидои асри ХХ ба шумор мераваду осори зиёди гуногунжанру гуногунмавзӯъ ба мерос мондааст. Девони Туғрали Аҳрорӣ соли 1916 дар матбааи Когони Бухоро нашр гардидааст. Он 303 ғазал, 9 мухаммас, 3 мусаддас, 8 қасида, як мустазод, як тарҷеъбанд ва чанд маснавиро (чун «Соқинома» ва «Наврӯзнома») дар ҳаҷми 7385 мисраъ фароҳам овардааст. Ҳамчунин, аз Туғрал як қатор асарҳои дигар низ дастрас шудаанд, ки дар қолабҳои маснавӣ, қасида, ғазал, мусаммат, рубоӣ ва фард эҷод гардидаанд. Аз ҷумла, дар пайравии «Лайливу Маҷнун»-и Шоҳин достони «Лайливу Маҷнун» офаридааст, ки он нотамом буда, 219 байтро дар бар мегирад. Асари Туғрал дар адабиёти классикии тоҷик охирин намунаи «Лайливу Маҷнун» мебошад. Адиб дар охирҳои умр дар пайравии «Гулистон»-и Саъдӣ «Боғистон» ном асари манзуму мансури фалсафию ахлоқӣ низ навиштааст. Вале ин асар ва як қатор шеърҳое, ки дар поёни умри Туғрал эҷод гардидаанд, то ҳол дастрас нестанд. Дар зер ғазале аз ин шоири рангинхаёл оварда мешавад.

Арзи ҳоҷат мекунад дил хусрави нози туро, Нест конуни муҳаббат пардаи сози туро! Чун кабӯтар бисмили шавқи тапидан мешавад, Аз қазо ҳар кас ки бинад чашми шаҳбози туро. Рамзи чашмат ин бувад, набвад намудан баъд аз ин Маҳрами асрори худ он чашми ғаммози туро! Дар фани эҳё зи шарми аҷз наншинад дигар, Гар Масеҳо бишнавад оини эъҷози туро! Афканад қумрӣ ба гардан тавқи доғи бандагӣ, Дар чаман бошад агар он сарви мумтози туро! Беадаб, тарсам, ки бинад, бигзарад аз чобукӣ, Тавсани умрам, агар, хинги сабукбори туро! Дурри маънӣ кардаӣ, Туғрал, ниҳон ҳамчун садаф, Фош созад мавҷи ин дарё магар рози туро?!

«НАСИМИ ИСФАРА» МУАССИС: МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ИСФАРА САРМУҲАРРИР Абдумуталиб ШАРИФОВ

Тибқи гузориши сомонаи интернетии «Лента.ру» собиқ муовини вазири мудофиаи кишвар, ки ба даст доштан дар ҳамлаҳо ба шӯъбаҳои ВКД дар шаҳрҳои Душанбе ва Ваҳдат муттаҳам шудааст, дар бораи ин ҳаводис мегӯяд: «Ман рӯзи чаҳоруми сентябр иттилоъ ёфтам, ки мақомоти ҳукуматӣ қасд доранд, дар як шабонарӯз фармондеҳони собиқи Иттиҳоди мухолифинро боздошт кунанд». Ин генерали хиёнаткор худро мисли обсофкунак хостааст сафед ва покиза нишон диҳад, вале гуфтаҳои ӯ сад дар сад дурӯғанд. Чунки саволи мантиқӣ ин аст, ки чаро мақомоти қудратӣ собиқ қумандонҳои ИНОТ-ро интиҳои солҳои 90-ум ва ибтидои солҳои 2000-ум неву маҳз имрӯз дастгир мекардааст? Ҳол он ки саркардагони ҷанги шаҳрвандӣ ва талаву тороҷгарони ин ҷанги бародаркуш маҳз эшон буданд, ки мехостанд Тоҷикистонро мисли дигар кишварҳои олами ислом ҳамеша дар ҳолати ҷангӣ нигоҳ доранд. Агар ба суханони бемантиқи баъзе одамони аз ҷаҳон бехабар ва ҷаҳонбинии тангдошта, ки мегӯянд: «Имрӯз фишорҳо болои ҲНИТ зиёд шудаанд ва собиқ мухолифин аз сафи кормандони давлатӣ хориҷ карда мешаванд», диққат кунем, хоҳем донист, ки ин ҳарфҳо комилан дурӯғ ва ботиланд. Зеро агар Давлату Ҳукумат дар сар чунин фикрро мепарвариданд, ҳеҷ гоҳ ҲНИТ-ро ҳамчун ҳизби сиёсӣ эътироф намекарданд. Баъдан, сӣ фоизи мансабҳои давлатиро ба мухолифин намесупурданд, садҳо афроди хиёнаткори Ватану миллат аз зиндонҳо авф намешуданд, дар кишвар беш аз 4000 масҷид бунёд намегардид

ва ҳар соле ҳазорон тоҷикистонӣ зиёрати Ҳаҷ намекарданд. Агар воқеан ҳам Ҳукумат мехост, ки қумандонҳои собиқи мухолифинро барканор кунад, пас чаро ҷаноби ҳоҷӣ-генерал Назарзодаро муовини вазири дифоъ таъин намуд. Ин амали Ҳукумат аз он шаҳодат медиҳад, ки онҳо бахшида шудаанду Ҳукумат ба эшон эътимоду боварии қавӣ дорад. Лекин амалҳои мусаллаҳонаю ҷангҷӯёнаи солҳои охир воқеан ҳам собит сохтанд, ки ҷониби мухолифин кинаву адоват ва ғаразҳои қаблиро ҳеҷ аз қалб набаровардаанду аз кирдорҳои пешинаашон даст кашиданӣ ҳам нестанд. Маҳз ҳамин рафтори эшон боис гардид, ки беш аз ҳазорон нафар аз сафи ҲНИТ даст кашиданду зиёда аз 70 шӯъбаи ҲНИТ дар ноҳияҳо фаъолияти худро қатъ намуданд. Аммо аксар ҳодисоти нангин ва хиёнаткориву ҷангҳои баъд аз ба имзорасии Ваҳдати миллӣ, ки дар ҳудуди кишвар рух додаанд, бемуболиға ё ба ислом ё ба ИНОТ ва ё ба ҲНИТ рабт доранд, ки ҳодисаи 4-уми сентябр яке аз онҳост. Ин ҳама аз он шаҳодат медиҳад, ки мухолифи арабшудаю бегонапарасти тоҷик ҳеҷ гоҳ аз ҷангу ҷидол ва куштору порасозии Ватан даст барнамедорад. Бо вуҷуди ин, Давлату Ҳукумати кишвар ба эшон дасти дӯстӣ дароз кард ва онҳоро барои пешбурди ҷамъият ҷалб намуд, ҳарчанд онон ҳеҷ гоҳ дар фикри пешрафти кишвар нестанд. Чунки онҳо агар дар сарҳои тоҷикию майнаҳои арабии хеш афкори созандаю бунёдкорона ва пешбарандаи давлату миллатро инкишоф медоданд, то имрӯз оид ба рушди соҳаҳои гуногуни хоҷагии халқ садҳо

барномаҳо пешниҳод мекарданд. Вале онҳо ба ҷойи ин ҳама монеаи рушду инкишофи ҳамаҷонибаи илму техника шуда, мардумро ба догма мекашиданд. Барои мисол, амали ғаразноку хиёнаткоронаи ҳоҷӣ-генерал А. Назарзода даҳҳо ҷавонони ватандӯстро ба гумроҳӣ бурда, ононро ба Ватан, миллат, хешу ақрабо душман кард. Ҳаким Фирдавсии Тӯсӣ дар ин маврид дуруст фармудааст: Зи нопокзода надоред умед, Ки зангӣ ба шустан нагардад сапед. Вале ин генерали арабшудаи тоҷик, ки аз ин пас ҳоҷӣ мебошад, умеди як вазорати калидӣ, орзуҳои як мақомоти қудратӣ ва ормонҳои дифоъгарони марзи кишварро барбод дод. Ӯ барои бегуноҳ нишон додани хеш, ба воситаи паёмак (сообщение) навиштае фиристод, ки гӯё вай ҳеҷ гуноҳе содир накардааст. Ин навиштаи ҳоҷӣ-генерал як навъ ба дидаи мардум хок пошидану гуноҳҳои худро зери чанги хок пинҳон кардан аст, яъне хешро дар назди мардум ширин кардан мехоҳад. Агар ин суханони Ҳоҷиҳалим рост мебуданд, пас чаро ҳангоми азназаргузаронии ҷойи ҳодиса шаш адад автомати Калашников, ду адад ПК, як адад СВД, як адад РПГ-7В ва миқдори зиёди тирҳои гуногун, тирдон ва норинҷакҳо дарёфт ва мусодира карда шуданд. Дар ҳақиқат, ҳоҷӣ-генерал гунаҳкор намебуду дар дил ғаразе намедошт, ҳеҷ гоҳ ин миқдор яроқҳои ҷангиро бо хеш намебурд. Албатта, ӯ чун дигар собиқ мухолифин нақшаи ғаразноку тарҳрезишудае дошт, яъне мардуми тоҷикро мисли солҳои 90-ум ба сангарҳо ҷудо карда, боз ҷанги бародаркуши дигарро оғоз намудан мехост. Хулоса, тамоми далелҳо аз он шаҳодат медиҳанд, ки Ҳоҷиҳалим маҳз барои амалӣ сохтани мақсадҳои нопокаш даст ба ҷинояту хиёнат задааст. Хиёнате, ки зидди Ватану миллат равона гардидааст. Номвар ҚУРБОН. Бознашр аз рӯзномаи «Садои мардум», №123 (3424) аз 14.09.2015 с.

Бахшида ба Рӯзи умумиҷаҳонии ғизои хушсифату самарабахш

Гизои солим - гарави саломати

Хӯроки растанигӣ асоси ғизои солим мебошад. Бинобар ин истеъмоли миқдори зиёди сабзавот, мева, картошка, маҳсулоти макаронӣ, гандумӣ, ғалладонагӣ (лӯбиё, нахуд, мош, биринҷ,марҷумак ва ғайра) бо як миқдори ками шири беравған, панир, кефир ва йогурт, инчунин гӯшти беравған, моҳӣ ва мурғ хеле муҳим аст. Чӣ қадаре метавонед кӯшиш намоед, ки сабзавот ва мевагии таҳҷоиро истифода намоед. Маҳсулоти таҳҷоӣ арзон, тару тоза, хушсифат ва бехатар мебошад. Ярмаи пӯстдор ва нони гандуми осиёгӣ манбаи клетчатка буда барои пешгирии қабз (запор) зарур аст. Инчунин калонсолонро аз бемориҳои системаи рагу дил ва саратон муҳофизат менамояд. Сабзавот ва меваҳо аз ҷумла бехӣ, пиёз, пиёзи кабуд, карам, укроб манбаи витаминҳо ва оҳан мебошанд. Аз меваҳо себ, зардолу, ангур, анор, нок, олу, меваҳои буттагӣ шуморо аз бемориҳои дил, фишори хун, камхунӣ ҳимоя мекунанд. Дар баъзе мавридҳо дарёфти сабзавот ва меваҳои тару тоза хеле мушкил мебошад. Ҳангоми набудани мавсими сабзавоту меваҳо, метавонед маҳсулоти яхкардашуда, консервашуда, сиркошуда ва қоқкардашударо истифода баред. Агар манбаҳои витамини С дастнорас бошад, истифодаи лубиёро фаромӯш накунед. Маҳсулоти ширӣ яке аз манбаъҳои асосии калтсий, сафеда, гурӯҳи витамини В, витамини А ва йод буда, барои инкишофи мӯътадили устухонҳо, дандонҳо

ва барои солим нигоҳ доштани организми шумо ва кӯдакон зарур аст. Кӯшиш намоед дар як рӯз 3-маротиба 1-пиёла кефир ё йогурт, 45г панир, 1-пиёла шир истеъмол намоед. Дар хусуси кӯдакони ширмак. Танҳо шири модар ғизои беҳтарин барои кӯдак мебошад ва кӯшиш бояд кард, ки то синни 6-моҳагӣ танҳо шири модарро истеъмол намояд. На чой ё оби ширин кардашуда то 2 солаги ё зиёда аз шири модар кӯдакро аз бемориҳои сироятӣ, хусусан аз диарея ва бемориҳои шадиди роҳҳои нафас, инчунин аз бемориҳои гӯш ва роҳҳои пешоббарор муҳофизат менамояд. Кӯдакон, ки шири модарро истеъмол кардаанд, на танҳо бо инкишофи хуби ҷисмонӣ фарқ мекунанд, балки ба чусту чолокӣ, оромӣ, осудагӣ, ғамхорӣ, меҳрубонӣ нисбати модар ва дигар шахсон фарқ мекунанд ва дар оянда худашон волидони ғамхору меҳрубон мешаванд. Ҳ. ЮЛДОШЕВ, мутахассиси маркази ташаккули тарзи ҳаёти солими шаҳр. А. МАШРАБОВ, мудири шӯъбаи кӯдакон ва наврасони МНДСЭ-и шаҳр.

Ҷомеаи меҳнатии ҶСК «Осоишгоҳи Зумрад» аз вафоти нобаҳангоми духтури бинои № 3 Фурқатҷон МИРКАРИМОВ андӯҳгин буда, ба аҳли оила ва наздикони марҳум аз даргоҳи Худованд сабру тасаллият мехоҳад.

28. 10.

2015

Зи нопокзода надоред умед, Ки зангӣ ба шустан нагардад сапед.

№ 47

4

Мавкеъ

АЗ САБАБИ ГУМ ШУДАН ЭЪТИБОР НАДОРАНД Шаҳодатномаи маълумоти миёнаи Т-ШТУ № 0085272, ки МТМУ № 52 соли хониши 2005-2006 ба Набиев Абдуқаҳҳор Абдурабиевич додааст. *** Шаҳодатномаи маълумоти асосии Т-ШТА № 300032, ки МТМУ № 53 соли хониши 1994-1995 ба Музафарова Нигина додааст. *** Шаҳодатномаи маълумоти миёнаи О № 205335, ки МТМУ № 28 соли хониши 1989 ба Мадалиев Шаҳовидин Зайловович додааст. Шӯрои собиқадорони ҷангу меҳнат нисбати вафоти иштирокчии ҶБВ аз ҷамоати деҳоти Кӯлканд ТУРСУНОВ Нозирҷон андӯҳгин буда, ба аҳли оила ва пайвандони марҳум аз даргоҳи Худованд сабри ҷамил мехоҳанд. Роҳбарият ва кумитаи иттифоқи касабаи беморхонаи марказии шаҳр ба мудири шӯъбаи кӯдакони ширмак Қаюмов Муқимҷон нисбати вафоти ПАДАРАШ ҳамдардӣ ва сабру тасаллият изҳор медоранд.

Ҳайати эҷодӣ: Субҳиддин САЙФИДДИНОВ, Владимир МАРТИНЕНКО, Набиҷон ХУДОЙБЕРДИЕВ.

Рӯзнома ба хотири гуногунандешӣ маводеро низ чоп мекунад, ки хилофи назараш мебошад. Масъулияти маводи чопшуда ба дӯши муллифон вогузор аст.

Нишонӣ: ш. Исфара, кӯч. Марказӣ 10. Телефонҳо: 2-49-73; 2-44-57. Еmail: nasimiisfara@mail.ru

Матолиби рӯзномаи «Насими Исфара»-ро дигар васоити ахбори омма бо нишондoди манбаъ метавонанд истифода баранд.

Масъули шумора: Н.ХУДОЙБЕРДИЕВ. Ҳуруфчин: М. ҚУРБОНОВА.

Рӯзнома таҳти рақами 002/РЗ дар Вазорати фарҳанги ҶТ номнавис шудааст.

Дар ҶДММ "Вектор-Канд" чоп шудааст. Супориши № ____________

Иҷозат ба чоп: 27. 10. 2015. Адади нашр: 4350.