22 23 2015 qxp имруз layout 1

22-23 2015.qxp имруз_Layout 1 14.10.2015 9:34 Страница 1

Имруз Аз имрeз коре ба фардо намон, Чb донb, ки фардо чb гардад замон!

Хафтаномаи чамъиятию сиёси

№ 22-23 (301-302)

аз 15 октябри соли 2015

email: gazeta-imruz@mail.ru

МАЧЛИСИ ФАЪОЛОН ДОИР ШУД

Фаъолони Исфара натиҷаҳои рушди иқтисодиву иҷтимоии шаҳрро дар давоми 9 моҳи сипаригаштаи соли 2015 мавриди баррасӣ қарор доданд. Дар маҷлисгоҳи мақомоти иҷроияи ҳокимияти давлатии шаҳри Исфара таҳти раёсати Раиси шаҳр Зоҳидзода Даврони Абдуқодир ҷаласаи васеи фаъолони шаҳр бургузор гардида, натиҷаҳои рушди иқтисодиву иҷтимоии шаҳрро дар давоми 9 моҳи сипаригаштаи соли 2015 мавриди баррасии амиқу ҳамаҷониба қарор дода шуд. Тавре муовини Раиси шаҳри Исфара Таборакхон Файзуллоева зимни гузориши пешовардаи хеш зикр намуд, дар ин муддат тамоми воситаю имкониятҳои мавҷударо баҳри татбиқи 205 лоиҳаи дар соли 2015 ба нақша гирифташудаи «Барномаи рушди рушди иқтисодию иҷтимоии шаҳри Исфара барои солҳои 2013-2017» сафарбар гардидааст. Чуноне аз мониторинги Барнома бармеояд, лоиҳаҳои барномавӣ давоми 9 моҳи соли равон ба маблағи 69,1 миллион сомонӣ ва аз рӯйи натиҷаҳои ҷамъбасти умумӣ

дар ҳаҷми 69,1 миллион сомонӣ ба иҷро расидаанд. Оид ба вазъи иҷрои нақшаи буҷети давлатӣ ва маҳаллӣ мавсуф зикр намуд, ки мутаассифона, бо баъзе сабабҳои воқеӣ дар ин давра ҷиҳати таъмини иҷрои нақшаи буҷет мушкилот ба миён омад ва иҷрои нақша ҳамагӣ 91% % таъмин гардид. Мувофиқи нақшаи пешбинишуда мебоист ба буҷет 65 млн 118 ҳазор сомонӣ ворид гардад ва амалан 59 млн 206 ҳазор сомонӣ ворид гашт, ки ин нисбат ба нақшаи пешбинишуда 5 млн 912 ҳазор сомонӣ кам мебошад. Аммо, қатъи назар аз душвориҳои молиявии пешомада хароҷоти соҳаи ҳифзи иҷтимоӣ дар ҳаҷми зарурӣ таъмин карда шуд. Дар зарфи 9 моҳи гузашта ба маблағи 202,8 миллион сомонӣ маҳсулоти саноатӣ истеҳсол ва хизматрасонии пулакӣ ба анҷом расонида шуда, рушди 20%-и соҳа таъмин гардид. Ҳаҷми маҳсулоти саноатии истеҳсолшуда бо нархҳои муқоисавӣ мутаносибан 33,2 миллион сомонӣ зиёдтар мебошад. Дар ин муддат 5 коргоҳу корхонаҳои навбунёди

www.tojinfo.ru

истеҳсолӣ ба истифода дода шуданд. Ҳамчунон дар ҳудуди ҷамоатҳои шаҳраку деҳот 12 маркази таълимӣ-истеҳсолии адрасу атласбофӣ таъсис ёфта, 37 адад дастгоҳҳо харидорӣ ва насб карда шудааст. Дар давраи ҳисоботӣ ҳаҷми истеҳсоли маҳсулоти кишоварзӣ 237,4 миллион сомониро ташкил дод, ки бо назардошти индекси нархҳо нисбат ба ҳамин давраи соли гузашта 4,3 млн. сомонӣ зиёд мебошад. Дар ҳамкорӣ бо ташкилотҳои байналхалқиву минтақавӣ 21 лоиҳаҳои гуногуни иқтисодиву иҷтимоӣ амалӣ гардида, зимнан 18 миллиону 435 ҳазор сомонӣ, мубодил ба 2 миллиону 92 ҳазор доллари ИМА маблағҳои хориҷӣ азхуд карда шуданд. Дар раванди вусъатёбии корҳои созандагӣ бунёди беш аз 60 иншоотҳои истеҳсоливу иҷтимоӣ, хизматрасониву савдо сурат гирифта, ҳамчунон иқдомоти шаҳрдорӣ дар самти ободонии роҳҳо тақвият ёфта, то ба имрӯз наздик 28 км роҳ, аз ҷумла кӯчаҳои дохили маҳаллаҳо таъмири куллӣ ва 170 км таъмири ҷорӣ карда шуданд. Дар раванди ҷаласа Раиси шаҳр Зоҳидзода Даврони Абдуқодир аз масъулин дар алоқамандии камбудию норасоӣ ва мушкилоти ҷойдошта пурсиш ба амал оварда, зимнан роҳбарони соҳаҳои марбутаро ҷиҳати таъмини самаранокии самтҳои фаъолият, иҷрои саривақтӣ ва босифати воридот ба буҷети давлатӣ, муташаккилона гузаронидани маъракаи обуна ба матбуоти даврӣ ва ҳам даъвати ҷавонон ба сафи Қувваҳои Мусаллаҳи мамлакат, омодагии комил ба мавсими зимистонгузаронӣ ва амсоли ин ҷиддан муаззаф намуд. Дар маҷлиси фаъолони Исфара муовини якуми Раиси вилояти Суғд Раҳматзода Рустам Мирзо ширкат ва суханронӣ дошт.

Ба ин муносибат дар кохи «Шифокорон»-и осоишгоҳи «Зумрад» бо иштироки роҳбарияти мақомоти иҷроияи ҳокимияти давлатии шаҳри Исфара, КВД «Тоҷикдеҳқоншифо» ва меҳмонони сершумор аз гӯшаву канори мамлакат ва берун аз он ҷамъомади тантанавӣ баргузор гардид. Раиси шаҳри Исфара

Исфара, кeчаи Марказb-10.

Тел: 2-61-62

ЧАШНИ НИМАСРАИ МАКТАБ Устодону толибилмон, собиқадорони соҳаи маориф ва собиқ дастпарварони таълимгоҳ Муассисаи таҳсилоти миёнаи умумии №12 ба номи Юлчибой Байзоқови шаҳри Исфара 50-солагии таъсисёбии таълимгоҳро хушоянду хотирмон таҷлил намуданд. Тавре Раиси шаҳри Исфара Зоҳидзода Даврони Абдуқодир зимни муборакбодии хеш изҳор дошт, дар замони имрӯз чун сухан аз омилҳои ифтихормандии Исфара меравад, бидуни истиҳолаву андеша дар радифи дигар соҳаҳои пешрафтаву омилҳои арзишманд соҳаи маорифро ном мебаранд ва дар сархати беҳтарин муассисаҳои таълимии шаҳр Литсейҳои рақамҳои 1, 3, 5 ва Муассисаи таҳсилоти миёнаи умумии №12, ба номи Юлчибой Байзоқовро хоса зикр мекунанд. Муассисаи таълимии мазкур, ки яке аз калонтарин муассисаҳои таълимӣ дар маркази шаҳр маҳсуб меёбад, ҳанӯз 50 сол қабл аз ин таъсис ёфтаву ним аср инҷониб ҳамчун гаҳвораи тамаддун ва боргоҳи асили илму дониш таълиму тарбияи насли навраси ҷомеаро назаррас анҷом медиҳад. Ҷойизи зикр аст, ки аз байни хатмкардагони таълимгоҳ

даҳҳо олимону зиёиён ва ходимони сиёсиву давлатӣ ба камол расидаанд. Боиси қаноатмандист, ки дар замони имрӯз низ 72 нафар омӯзгорони баландихтисоси мактаб таҳти сарварии педагоги варзида, Аълочии маорифи Тоҷикистон Ҳакимахон Атохонова раванди таълиму тарбияи 1412 нафар толибилмонро мутобиқи талаботи замони муосир муваффақона пеш мебаранд. Дастовардҳои ҳайати омӯзгории мактаб ҷиҳати ҷалби хонандагон ба зинаи сеюми таҳсилот, иштироки толибилмон дар озмунҳои фаннии шаҳрӣ, вилоятиву ҷумҳуриявӣ ва ҳам дохилшавии хатмкунандагон ба донишгоҳу донишкадаҳо басо назаррас аст. Бояд тазаккур дод, ки тамошои намоишгоҳи ҳунарҳои милливу мардумӣ, ёдоварди лаҳзаҳои хотирмони умр аз ҷониби собиқ устодон ва дастпарварони мактаб, сипосгузориҳои волидайни толибилмон, қадршиносии омӯзгорони муваффақи муассисаи таълимӣ ва маҳфилороии шогирдони санъатвару ҳунарманди имрӯзаи дабистон тантанаи идонаро файзу тозаву шукуҳи беандоза бахшиданд.

“ЗУМРАД” 40-СОЛА ШУД Зоҳидзода Даврони Абдуқодир бо орзуҳои нек 40 солагии осоишгоҳи маъруфи «Зумрад» ва щам 80умин солгарди рӯзи мавлуди яке аз асосгузорони он, Ходими шоистаи сиҳатии оммаи Ҷумҳурии Тоҷикистон, равоншод Мирзо Олимовро ба кулли корман-

дони осоишгоҳ ва алоқамандону пайвандони онҳо муборакбод гуфт. Дар ҷараёни ҷамъомад ҳамчунин намояндагони КВД «Тоҷикдеҳқоншифо», Академияи улуми Ҷумҳурии Тоҷикистон, с о б и қ а д о р о н и шӯҳратманд ва шоирону нависандагон ҷомеаи

меҳнатии осоишгоҳро бо ҷашни камолоти ин даргоҳи мӯътабар самимона табрику таҳният намуда, изҳори боварӣ карданд, ки он минбаъд ҳам дар солимгардонии мардуми Тоҷикистони азизамон, тарбияи кадрҳои соҳаи курортшиносӣ ва пешрафти илми курортология саҳми арзандаи худро мегузорад.

22-23 2015.qxp имруз_Layout 1 14.10.2015 9:34 Страница 2

“Имрeз”

№ 22-23 (301-302)

аз 15 октябри соли 2015

email: gazeta-imruz@mail.ru

Ca[ифаи 2.

ОШЁНИ МУҚАДДАС Муаллим кист? Ишқу кунҷи хомуши дабистонаш, Сухан нодонию доно,дилам тифли сабақхонаш. Зи ҳар кас н-ояд ин устоду шогирдӣ,на ҳар кӯҳе, Бадахшон бошаду ҳар сангпора дурру марҷонаш. Дабистон! Даргоҳи нур. Боргоҳи маърифат. Маҳзани илму маъонӣ. Нахустин нуқтаи парвозгоҳи бани башар ба сӯйи ошёни баланди орзуҳо, ба сӯи олами зулмату торикиҳо. Даргоҳи муқаддас. Сароғозу сарманшаю сардафтари кулли муқаддасот. Бале, дабистон саростони муқаддасоти ҳар як инсон аст. Маҳз дар ҳамин ҷо инсон бори дуюм ба олами ҳастӣ тавлид меёбад. Тавлиди маънавӣ. Тавлиди зеҳнӣ. Тавлиди ақлониву ахлоқӣ. Маҳз дар ҳамин ҷо инсон кулли муқаддасоти дигарро дарку эҳсос менамояд. Пеши бузургию нотакрорию азамати онҳо қоил мешаваду арҷ мегузорад. Ба маънии поку қудсии Модар-Втан ва арзишҳои баланду нотакрори инсонӣ ошно мегардад.Ба эҳтироми онҳо рӯ меораду камар мебандад. Агар бани башар туфайли волидони хеш аз адам ба олами ҳастӣ по ниҳад, пас бо шарофати мактабу дафтару мистар,китобу лавҳу қалам ва устодон тавлиди дубора меёбад. Тавлид ба суи олами ҷовидонӣ, қаҳрамонӣ, мазраи нангу номус, худшиносӣ, ваҳдату якпорчагӣ, сулҳу субот. Ҳар як инсон чӣ хурду бузург, дорою нодор, олиму обид, муқимию муҳоҷир, сарвару коргар, кеҳтару меҳтар, пешорӯйи мактабу устод то нафаси вопасин ба ҷон қарздор аст. Касе ба қадри ин неъмат нарасидаасту намерасад, яқинан, бемуҳобо, умре ба қадри худ нарасидаасту худрову Худоро нашнохтаасту боз ҳам намешиносад. Ӯ амсоли барзгарест,ки умре замин шудгор намудаву андар пошидани дона таъхиру коҳилӣ карда. Бешубҳа дар пешорӯйи оинаи чандин ҳақиқати зиндагӣ то кунун оҷизу лолам.Худро дар баробари онҳо сарфикандаву қарздор мепиндорам.Чун ба онҳо рӯ ба рӯ меоям, ғайри ихтиёр саропои вуҷудамро ҳиссиёти гарму гуворое фаро мегирад. Аз будӣ онҳо меболаму менозаму сар ба гардун меафрозам. Бешак, қоилу иқрор мешавам,ки будӣ ман аз будӣ онҳост. Бахту иқболи ман,фахри ман, обрӯйи ман,сари сабзу нози ману забони гӯёи ман аз вуҷуди онҳост. Онҳо баҳру уқёнуси бекаронанду ман як қатраам. Онҳо коиноту каҳкашони бепаҳноянду ман як ахтарам,онҳо куҳи бузургу бовиқору сутург ҳастанду ман як санги пайкари онам. Пеши волидони азизу арҷмандам умре қарздору сипосгузорам, аз он ки ба ман умр бахшиданд. Назди Ватан,ки аз обу гилу ҳавою офтобу моҳтобаш баҳраҳо бурда,нону намакаш бузургам кардааст, миннатгузорам. Пеши қаҳрамонони ғаюру номбардору сарбаландаш аз фахр дар худ намеғунҷам, ки моро ба ҷаҳониён муаррифи намудаанд.Аз савту навои суруди миллӣ ғурури ватандориам ба ҷӯш меояд.Чун аз боди сабо парчами миллат дар болои кунгураи Қасри Миллат парафшонӣ менамояд, дилам ба парвоз меояд. Нишони давлати тоҷикро мебинаму шукри Яздони покро мекунам,ки дар олам аз қавму миллати бенишон нестам.Аз дасти дуои модарон ҳамеша баракати Ватан металабаму мефахрам,ки ватандору ватанхоҳу ватанпарасту ватандӯстам. Хушбахтам,ки парвардаи домони поку пурмеҳру пурсаховати дабистони номдори № 12 ҳастам. Соҳиби имону инсофу виҷдон доштанро аз устодони мактабам ба мерос гирифтам. Резачини хони пурғановати омӯзгорони шӯҳратёри ин таълимгоҳам. Аз табақи сабақҳои устодони ин маърифатгоҳ баҳраҳо бурдаам. Аз чашмаи бедареғи он ба серӣ нӯшидаам. Чун ба сӯйи ин махзани илму ҳикмат менигарам, ё аз наздикиаш мегузарам,ё ба остонаш по ме-

гузорам, дилам аз фараҳ лабрез мегардад. Кӯдакию наврасию ҷавонии хешро аз ҳар як зарраи пайкари он меҷӯям.Гӯйё чандин сол ҷавон мешаваму худро хаёлан дар канори мактабам,паси партаҳои он,рӯ ба рӯи устодонам мебинам. Меҳри модаронаи омӯзгори аввалинам,устоди шодравонам Ҳабибахон Ғафурова ҳеҷ аз хотирам намеравад.Сабру тамкин ,муҳаббату устуворӣ,сӯхтану сохтанҳои ин зани оташбунёд дасти каҷи маро росту чашми кӯри моро бино сохт.Чун оина моро ба мо намуд. Некро аз бад,гулро аз хор,ростро аз дурӯғ,муҳаббатро аз разолат нурро аз зулмат,шодиро аз ғам,сафедро аз сиёҳ фарқ мекардагӣ шудем.Бо пои худ тариқи рафтанро омӯхтем .Ба маънии модар, Ватан, садоқат, миллат арзишҳои олии инсонӣ ошно гаштем. Аз сарсабзии Ватан дар қатори шамшоду санавбару чаноронаш сабз шудему дар андӯҳи Ватан сар ба шонаи он монда гиристем. Сабақу меҳру дилсӯзӣ,ҷаҳду талошу азми устодони зиндаёдамон (Рӯҳу равонашон шод бод.) Юлчибой Байзоқов, Абдунабӣ Маҷидов, Бобохон Парпиев, Акрамбой Салимов, Дилбархон Ғаффорова, Қодирхон Файзиев, Набиҷон Лафизов, Додохон Лазизов ва устодони азизам,ки то ҳол дар ҳаёт маро дастгиру мададгоранд Азимҷон Саторов, Хӯҷахон Бобоев, Абдуллохӯҷа Махсумов,Садриддин Зокиров, Комилҷон Ҳамдамов, Ҷурабой Бобоев, Ҳасанов, Муҳаббатхон Бобоева, Замирахон Байзоқова, Орифхон Амонуллоев, Мая Шариповна, Бобохон Қаюмов, Тинчирова Фая Михайловна ва боз даҳҳо омӯзгорони варзида алмоси дили бедарди моро суфта намуд.Онро ҳассосу пурмеҳру дардпазиро сохт.Одамияту олиҳимматӣ,панду насиҳатҳои падарона ва лутфу серталабию инсонгариҳои сарвари ҳамонвақтаи мактаб Аҳадхон Қаюмов дар оянда шиори мо- шогирдон шуд. Сифоти омӯзгоронам мекунаму беихтиёр ин байт аз чашми қалам рӯйи саҳфа мечакад: Чунон кун зиндагонӣ дар замона, Ки бо ӯ зинда монӣ ҷовидона. Панду андарзу сабақи устодон ба пайраҳаи дурусти зиндагӣ раҳнамунам сохт . Хушбахтам. Аз тақдир шукр мекунаму заррае шиква надорам.Агар калиди чархи тақдир дар кафам мебуду бори дигар чавон мешудам, яқин боз ҳамин роҳу ҳамин қисматамро интихоб менамудам. Сарбаландам. Ба буридаи нони касе чашми тамаъ надӯхтаам.Ҷоҳу мансаби касеро орзу накардаам. Дарахти умрам чаҳор шоха дорад. Шохаҳои устувору пурсамар.Фарзанди чаҳорумам ва набераам алҳол муҳассили ҳамин дабистони бонуфузанд. Сарфарозам,ки дар ин даргоҳ тарбия ёфтаамубо роҳнамоии устодони бузургам имрӯзҳо баҳри ободии Ватан,сулҳу ваҳдату якпорчагии он ба қадри мӯе бошад ҳам,ҳиссагузорам ва имрӯз бо ифтихор мегӯям,ки ман ҳамаи бахту барори роҳи умри худро вобастаи мактабам ва устодонам медонам ва назди бузургию азамати онҳо сари таъзим фуруд оварда 50-солагии ин ошёни муқаддасро барояшон муборакбод менамоям. Ҳурмати устод чун модар-падар, Амри воҷиб аст бар аҳли башар. Гар набуд устод дар рӯйи замин, Не фазилат касбу ҳунар. Сабо ҲуСейНовА, хатмкардаи соли 1978, мтму № 12, Аълочии матбуоти ҶТ.

22-23 2015.qxp имруз_Layout 1 14.10.2015 9:34 Страница 3

“Имрeз”

№

№ 22-23 (301-302) аз 15 октябри соли 2015

Шуоҳои охирини офтоби ғуруб кардаистода ҳам паси кӯҳҳои баланд ғоиб гардида, оҳиста –оҳиста пардаи торики ҳама ҷоро фаро гирифт. Насими гармакаки баҳориро салқинии бегоҳӣ иваз намуд. Собир назди тиреза бо чеҳраи рангпаридаву ғамгин ва хотири парешон ёди он рӯзҳои ширин ва айёми умеду орзуҳои рангинро намуда, дар қалбаш сӯзиши сахтеро эҳсос намуд. Мехост муҳаббаташ ҷовидона бошад, аммо дар ин бовари худ хато кард, хатое, ки ӯро як умр бе дуд месӯзад. Дар ин шоми сукут ӯ ситезаҷӯёна ба само рӯй оварда, гаштаву баргашта худ бо худ такрор менамуд: -Бигузор ман нобакор бошам, бигузор ба лаънати мардум гирифтор мешудам, бигузор тамоми авлод аз ман рӯй метофтанд, лекин ба ин хонадорӣ бояд розӣ намешудам.

-Ба ҳоли Назокат, ки мисли ҳезуми тар месӯзаду ба даву този ҳаррӯзаи рӯзгору нигоҳубини кӯдакони носолимаш лаҳзае оромӣ надорад, менигараму аз ғам садпора мешавам. Тани бодарду ҳузни дар чашмони ин кӯдакон хонакарда ҳар лаҳзаву ҳар соат диламро мефишорад Зиндагиро роҳ гуфтам, чоҳ будаст, во дареғ, Ҳосили буду набудаш оҳ будаст, во дареғ. орзу кардам, ки ман бо ханда созам зиндагӣ, Хандаамро гиряҳо ҳамроҳ будаст, во дареғ. Хаёли зангирӣ Собирро тамоман аз ақл бегона намуда буд. Дигар тобу тоқати шунидани суханони гиряолудаи модару истеҳзои падар ва насиҳатҳои хешу ақрабо аз ҷавшани ҷонаш гузашта буданданд. Ҳарчанд ба падару модараш мефаҳмонид ва бо далелҳо тасдиқ менамуд, ки никоҳи хешутаборӣ пайомадҳои манфию харобиовар дорад ва боиси ба дунё омадани фарзандони носолим мегардад, касе суханашро тарафдорӣ намекард. Ҳамаи хешу табор гӯё забон як карда бошанд, ҷонибдори хонадоршавии онҳо будаанд. Яке мӯйҳои дарози арӯсро таъриф мекарду дигаре қаду қомат ва боодобию хушрӯзгории ӯро тавсиф менамуд. “Ман дар чӣ хаёламу фалак дар чӣ хаёл”. Ман Назокатро бадафт нагуфтаам, ӯ духтари бемаънӣ ҳам нест. Ӯ ба монанди хоҳарам паҳлӯи мо ба дунё омадаву ба камол расидааст. Мақсади ман ин қолаби кӯҳнаи аҷдодӣ ва хонаводагиро аз байн бардоштан аст. Даҳҳо оилаҳо бо таъсиру пайомадҳои зараровари ин амали бахткуш ба вайронию сарсонӣ рӯ ба рӯ шуданд. Намехоҳам, ки сарнавишти талхи онҳо дар ману боз дигар ҷавонон такрор ёбад. Аммо ба талаби волидонаш то охир муқобилият карда натавонист. Ахиран Собир ба хулосае омад, ки барои розигии волидон ва наранҷонидану парешон насохтани як авлод духтарамакаш Назокатро ба занӣ гирад. Беҳтар аст, ки бе кашолкорӣ ба ин тӯй розигӣ диҳаду ба ҳамаи баҳсу мунозираҳо нуқта гузоранд. Ҳамин тариқ бо баҳсу мунозираҳои ошкору ниҳонии волидону хешу табор, номаълумакак рӯзи тӯй ҳам расида монд. Овози карнаю сурнай то дуриҳо танин андохта, мардумро ба тӯйхона даъват менамуданд. Ҳавлии аз нури чароғи сершу-

email: gazeta-imruz@mail.ru

ДАРЁИ БЕМАҶРО

мор мунаввар гаштаву дастурхонҳои пур аз нозу неъмат ва мардуми ба маърака омада омад-омади наварӯсро интизорӣ мекашиданд. Назокати хушқомату ороста, бо чеҳраи шармгину мафтун ба хонаи муроди худ қадамҳои аввалинашро гузошт. Қалби ҷавону аз саодат лабрези ӯ ҳис намекард, ки ин ошёнаи бахт шояд рӯзе барояш ҷуз чун хонаи ҷуғз қиммати бештаре надошта бошад. Баръакс эътимоди фараҳбахш ба оянда, ки акнун ӯ ҳамеша бо Собир-шахсе, ки барояш азиз асту як умр муттакояш мемонад, ҳамаи биму ҳаросашро дур андохта буд. Назокат дақиқае ором намегирифт, ҳама корро бо маҳорату чусту чолокии беҳамто иҷро мекарду дар пухту паз санъаткори оливу дар сӯҳбат мусоҳиби беҳамто буд. Ӯ тамоми маҳорату латофату назокаташро сарфи ташвишу тарадуди корҳои хоҷагӣ месохт. Табиист, ки бо ин ҳама кордонию маҳорати рӯзгордорӣ ӯ мақбули хурду бузургӣ ин хонадон гашта буд. Собир низ дар пайравӣ бо аҳли оила оҳиста –оҳиста нисбати ҳамсараш гармии муҳаббатро эҳсос мекард. Дигар дарсхонӣ, омодагӣ ба имтиҳонҳо, ёру ҷӯраҳо ва дигар ҳодисоти атроф ӯро ба худ ҷалб намекарданд. Собир дар аввал ба ин зангирӣ сар нафароварда бошад ҳам,акнун мехост ишқу муҳаббати худро як умр пок нигоҳ дорад ва дар рафоқату муҳаббат устувор бошад, бо Назокат то охири умр хушбахт, соҳиби оилаи орому тифоқ бошанд. Ҳамин, ки оташро кофтӣ, шӯълаи гулхан бо қувваи тоза аланга мезанад. Ишқе, ки барои Собир он қадар дилхоҳ набуд аз таъсири атрофиёнаш боло гирифт. Нахли муҳаббати онҳо мисли дарахтони афсонавӣ дар як муддати кӯтоҳ қад кашид, шох ронд ва фаровон гул кард. Ба дунё омадани нахустфарзандашон зану шавҳари ҷавонро ончунон шод гардонид, ки худро хушбахтӣ дунё меҳисобиданд. Аз бахти худ мефахриданду меболиданд. Тифлаки навзод дастакони чун булур сап – сафедашро ҷунбонида, бо садои ширину гуворояш шодии падару модарро меафзуд. Тифлак, ки бо розигии волидон ӯро Сарфароз ном ниҳода буданд, хеле ноором буд. Соатҳои дароз гиря мекарду волидони ҷавон аз нороҳатии ӯ

сари калобаи худро гум карда буданд. Баъди муоинаи табибон маълум гашт , ки ин кӯдаки маъсум маъюби модарзод аст. Бо амри тақдиру инояти Худованд Назокат боз ду навбат ҳомиладор гашт. Собир аз ин муждаи занаш ба ҷойи шод гаштан гуё ба курраи оташ афтода бошад, дар худ дармегирифту ба хотири дили Назокатро наранҷонидан дар худ фурӯ мемонд. Ӯ боз истиҳола намуд, боз рӯихотири наранҷонидани зану волидон ва қавми хеш хомӯширо ихтиёр намуд. Ин навбат низ ҳардуи нахли умрашон боз бо нуқсонҳои модарзодӣ ба дунё омаданд. Дар як муддати кӯтоҳ ҷои хурсандӣ ва бахту саодати рӯзгорашонро сояи ғам фаро гирифт. Назокат бисёр мехост дар хонавода мавқеи худро устувор созад. Дар рӯзгордориву муносибат бо аҳли пайвандони шавҳараш ба комёби муваффақ шуда бошад ҳам, пайи ҳам ба дунё омадани кӯдакони носолимаш ӯро хиҷолатзадаву нотавон намудаву аз оила ва наздикон дар канор мемонд. Гӯё барои маъюб ба дунё омадани фарзандонаш ӯ гунаҳкор бошад, ранҷу азияти ин зани бечора рӯз то рӯз тоқатфарсо мегардид. Ҳис мекард, ки дар атрофи ӯ ҳама чиз барбод меравад ва бахташ ба завол мерасад. Муҳаббат монанди гул аст ва агар онро аз пояи вазифаҳои оилавӣ мебурранд вай бо шарбати худ зиндагӣ карда наметавонад. Ӯ аз хушкиву беоби пажмурда мегардад ва мемирад. Ҷойи ҳарорату меҳр ва муносибати гарму ҷӯшони самимиро хастагиву серунӣ пайгир гашта, Собир пай бурд, ки нури муҳаббати онҳо низ рӯз аз рӯз хира мегардад... Назокат таоми шоми кӯдаконашро бо навбат хӯронида, аз пайи омода намудани ҷойхоби кӯдакон тарафи шавҳараш нигаристу аз ким чӣ хел изтироби ноаён қалбаш фишор ёфт. Зоҳиран ӯро ким –чӣ ташвиш медиҳад ё ягон ҳодисае рӯй додааст аз хаёл гузаронид Назокат. Вақтҳои охир Собир танҳонишиниро ихтиёр намудаву хаёлолуд ба дарёи фикрҳои ғамангез ғӯтавар ба нуқтае дида медӯхт ва дар банди андешаҳои хеш гузашти вақтро пай намебурд. Камгап гаштаву бо касе хоҳиши сӯҳбат намуданро намекард. Гӯё аз оламу одам дилмонда гашта, аз

онҳо дурӣ меҷуст. Ӯ гирифтори хастагӣ ва рӯҳафтодагӣ гашта буд. Баъзан болои бом бурё густурда бо ҳамин то саҳар ҳамон ҷо хоб мекард. Назокат баъди ҳамаи корҳои хонаро ба анҷом расонидан ба хона даромада оҳиста лаби ҷойхоб нишаста пойҳои шавҳарашро оғӯш кард : -Агар гуноҳе содир карда бошам, маро бубахш, -пичиррос зад ӯ ба шавҳараш. Собир ба ҳоли Назокат раҳмаш омада, хост ӯро ба оғӯш гирад, вале маҷоли ҷунбидан ин бори вазнини зиндагӣ ӯро аз пой афтонидаву беҳису карахт сохта буд.

-Аслан ту гуноҳе надорӣ,- ба риққат гиряолуда садо баровард Собир. -Худам беақлам, ки туро беҳуда азоб медиҳам. Ба шикасту азобу уқубатҳоямон ману ту гунаҳгор нестем. Ҷӯйи ашк аз чашмони Назокат беист ҷорӣ гардидаву аз рухсораҳои базебаш шорида, ҳамчун шохобҳои маҷрогумкарда пойҳои Собирро мешустанд. Ӯ аз ҷой хесту занашро бардошта ба паҳлуяш хобонида пешона ва рухсораҳои таргаштаашро бо меҳрубонӣ пок кард: -Хотирҷамъ бош, туро гунаҳгор нахоҳам кард !

- Шояд худатро гунаҳгор созӣ?

- Сад маротиба !-бо овози баланд дод зад Собир. Назокат аз якбора ба ғазаб омадани Собир сахт ба изтироб омаду аз саволи ба шавҳардодааш пушаймон гашт , ӯ ақаллан дарк карда наметавонист, ки аз чи сабаб вақтҳои охир баъзан Собир ба ӯ меҳрубон мегардаду аксаран ба ӯ дағалӣ мекунад. Аммо ҳар қадаре , ки Собир аз ӯ дурӣ ҷӯяду ҳар қадар дағалӣ намояд, ҳам дили Назокат боз ҳам ба вай моил асту ӯро боз бештар дӯст медорад. Ӯ мехост, ки Собираш дар фарозу нишебу боду борон ва раъду барқи қисмат мисли соябон ӯро аз ҳамаи бадбахтиҳо муҳофизат намояд. Гирифтори печидагиҳову дармондагиҳо, ки имрӯз онҳоро домангир гардидааст, нашуда, рӯ ба боло ҷониби Худованд, сӯйи рӯшанӣ ва умед ба фардои нек гардонад. Шояд бо инояти он қодирӣ якто фарзандонаш сиҳат шаванду ғаму алам онҳоро тарк гӯяд. Ба ҷойи нолишҳои имдодхоҳонаи ҷигарбандонаш садои хандаву бозиҳои

Ca[ифаи

3.

кӯдакона фазои манзилашонро бо нуру сафо пур созад. Назокат бо осонӣ ва содда ин фикрҳо аз сар гузаронида, дар тахайюлоти хеш ба падари фарзандонаш гуфтугӯ мекард : - Ҳаёти ман, дили ман ва атрофамро фазои холӣ пӯшидааст, ман туро дигар бо ин ҳолу бо ин дармондагӣ дида наметавонам. Ба ҳоли ман тараҳҳум намо, кӯмакам намо, наҷотам деҳ ва ҳеҷ кас ба ғайр аз ту маро аз ин варта берун карда наметавонад. Муҳаббату дӯстдории ту маро тавону нерӯ мебахшад. Ман ҳамеша кӯшиш мекунам, ки ба хонадонамон таровату сафо, рӯшанию бақо бахшам. Ҳамеша ба муҳаббати онҳое банд бошам, ки ба дӯстдориам ниёз доранд. Охир онҳо се нафаранд. Сарфарози 8 сола, Сабринаи 6 сола ва Ардамеҳри 8 моҳа. Ҳама якхелаанд, ҳама ба нигоҳубини махсус эҳтиёҷ доранд. Ҳар серо худованд бе пойи равону бе забони гӯё насибамон гардонид. Гарчанде, ки маъюбанду сухане гуфта наметавонанд, пойи равон надоранд, онҳо пораи қалби ману ту ҳастанд . Аз ин рӯ аз Офаридгор маҷолу матонат ва иродаи қавиву устувор талаб дорам, то ин ки ба ин бузургтарин зарбаи тақдир тоб оварда тавонаму ниҳолакони умрамонро аз хорию залилӣ муҳофизат намоям. Дар навбати худ савганд мехӯрам, ки бо ғаму андуҳи худ туро безор намекунам. Ба суханонам бовар намо , ман дар ин савганди худ устуворам. Фақат маро дар ин роҳи пуразоби тақдир танҳо магузор, паҳлӯям бош! Чашмаи чашмони шаҳлояш пур-пури об гаштаву қатраҳои калони ашк дар сари мижгони дарози ӯ ларзида, ба бари рухсораҳояш мерехт. Назокат нӯги қарси сафедашро ба чашмони намаш бурда, зери андешаҳои аламноки худ азоби рӯҳӣ мекашид, вале онро ба касе ошкор намесохт. Муносибатҳои рӯзҳои охир тақдири талхи минбаъдаашро бозгӯӣ менамуданд. Хонаро хомӯшии ҳузнангезе фаро гирифт. Собири ба хашм омада баъди якчанд муддат ба худ омаду ба Назокат наздик шуда ӯро ба оғӯш гирифт. Назокат сарашро ба синаи шавҳараш гузошта, ҳой-ҳой инони гиряро сар дод. Ӯдигар худро дошта наметавонист, гӯё сели ашкро интиҳо набуд ва гиря ба фиғони ҷигарсӯз мубаддал гашт. Назокат мисли моҳие,ки аз об берунаш афкандаанд, нафастанг шуд. Монанди ғарқшудаистодае, ки беҳуда дастҳояшро ба сӯи осмон мебардорад, дар дили худ барояш муттакое меҷуст. Аз осмони торик ситорагони сокит ба ҳоли онҳо назар намуда аз бахти забунгаштаашон ҷаҳонро гӯё хабар кардани бошанд ба гулдурроси ваҳмангези раъду барқ ва боридани борон қаҳри худро ба сари одамон ба рехтан сар намуданд.Борони селе,ки бо қувваи дучанд меборид то оғози субҳи нав орзуву умедҳои ин ду навҷавонро ҳамроҳи худ ба олами нестӣ батамом бурд,чунки нигаҳ-дорӣ ва пешбурди ҳаёту ҳамзистии якҷоя барои Назокату Собир имконнопазир гашта буд. Волидони Собир бошанд ин ҳамаро тақдири пешонӣ ва хости Худо арзёбӣ менамуданд... ҲуСНИ САБоҲ.

22-23 2015.qxp имруз_Layout 1 14.10.2015 9:34 Страница 4

Имрeз”

№ 22-23 (301-302) аз 15 октябри соли 2015

Як соҳибназари тоҷикистонӣ таъкид дошт, ки кишвараш низоми демократиро дар Сарқонуни кишвар навишта, ки дар он низоми чандҳизбӣ таъкид шудааст. Ва Ҳукумати Президенти кишвар Эмомалӣ Раҳмон ба ягон ҳизб зид ва ё тарафдор намебошад, вале ҳукми ҳизбҳои исломӣ аз дидгоҳи шариат ва ҳадисҳои паёмбар паҳлӯи дигар дорад. Прокуратураи генералии Тоҷикистон баъд аз ҳукми Суди олӣ, ки дар он Ҳизби наҳзатро “гурӯҳи терористӣ” эълон намуд, пешвоёни Ҳизби наҳзати исломиро ба терроризм ва шӯриши мусаллаҳона гунащгор донист.

Прокуратураи генералии Ҷумҳурии Тоҷикистон роҳбарияти Ҳизби Наҳзати Исломиро бо терроризм ва шӯриши мусаллаҳона гунаҳгор донист. Ин қарор баъд аз содир шудани ҳукми Суди олии Тоҷикистон нисбати ин Ҳизб ҳамчун “гурӯҳи террористӣ” қабул гашт. Прокуратураи генералӣ рӯзи 6 октябр барои 23 нафар роҳбарияти сиёсии Ҳизб бо иттиҳоми даст доштан дар шӯриши мусаллаҳона, ки бо сардории собиқ муовини вазири мудофиа Абдулҳалим Назарзода сурат гирифт, ҳукми ҳабс баровард. Прокуратураи генералӣ мутобиқи моддаи террористӣ, ташкил намудани гурӯҳҳои ҷинояткор, инқилоб, бо роҳи зўроварӣ тағйир додани сохти конститутсионии Ҷумҳурии Тоҷикистон ва шӯриши мусаллаҳона ва дигар бандҳои кодекси ҷиноӣ бар зидди боздоштшудагон парвандаи ҷиноӣ кушод.

ҲИЗБИ ИСЛОМӣ МАъНОИ ҶАНГ БО ИСЛОМРО ДОРАД Таҳлилгари мазкур дар сӯҳбат бо нашрияи “Шабобун-Нил” иброз дошт, ки “Пӯшида нест, ки баъзе аз давлатҳои абарқудрат ва тарроҳони сиёсии онҳо дақиқан дарк кардаанд, ки бо баҳонаи озодӣ ва демократия дар кишварҳои мусалмоннишин, бо фишор ва таҳмил бар болои ин давлатҳо ва бо кӯмакҳои моддӣ, бо дасти зархаридони дохилӣ, ба хотири заъиф сохтан ва пароканда кардани мусулмонон, таъсис додани ҳизбу ҳаракатҳои сиёсии исломӣ айни муддаост.” Ӯ гуфт: ”Ин як навъ террори расмӣ ва расидан ба аҳдоф аст. Дар ҳоле, ки онҳо ҳизбҳо ва гурӯҳҳои исломиро бо даъвои баробарӣ ва озодӣ дар кишварҳои мусалмоннишин ташкил медиҳанд. Ин ҷо суоле матраҳ мешавад, ки оё давлати исломӣ ба гурӯҳҳои исломӣ ниёзманд аст?! Бале, ин чизест, ки соҳибақл онро инкор мекунад”. Прокуратураи генералии Тоҷикистон амалҳои Абдулҳалим Назарзода ва дигар масъулони амниятиро

email: gazeta-imruz@mail.ru

Cа[ифаи. 4.

Рӯзномаи мисрӣ: қарори бастани Ҳизби наҳзати исломӣ 10 сол таъхир кард... ихвонулмуслимин дар ҳодисаҳо даст доранд чизе, ки ҷуз он нест, ворид ва изофа намояд, он чиз мардуд аст.

ПАЯМБАР (С) ЗИДДИ ҲИЗБ (ҶУДОИХОҲӣ) БУДАНД

хиёнати бузург ва амали террористӣ хонд. Тибқи иттилои расмии Ҳукумати Тоҷикистон бар асари ҳуҷуми мусаллаҳонаи генерал Назарзода ба шӯъбаи милитсияи ноҳияи Ваҳдат ва бинои марказии Вазорати мудофиа, ки баъд аз он ба водии Ромит фирор карданд, 22 террорист ва 13 нафар аз қуваҳои амниятӣ ҳалок гашта, 130 гумонбар дар ин ҳодиса боздошт шуданд. Худи ҳамон рӯз муовини вазири мудофиа аз мақомаш сабукдуш гардид.” Ҳамсӯҳбатамон илова кард:”Давлатҳои абарқудрат ташкил гардидани “ҳизбҳои исломӣ”-ро дар кишварҳои ғайри мусалмоннишин мамнуъ ва ғайриқонунӣ элон доштанд. Мо бо ин андеша розӣ ҳастем, зеро ташкили ҳизбҳои исломӣ дар Ислом асоси шаръӣ надорад. Ин амал на дар Қуръони Карим ва на дар ҳадисҳои паёмбари Худо ва на аз амалҳои салафи солеҳ исбот нагаштааст. Аммо мутаассифона роҳбарони ҳизбҳои исломӣ бо суханони дилкаши худ пайравонашонро дар олами хаёлӣ пай дар пай қарор медиҳанд.”

БИДъАТИ ҲИЗБҲОИ ИСЛОМӣ Ҳамсӯҳбати мо гуфт: ”Мо таъсиси ҳизбҳои сиёсии исломиро бо далелҳои зайл бидъат ва амри номашрӯъ медонем.

“- Мабошед аз онҳое, ки дини худро пора-пора карда ва худ гурӯҳ-гурӯҳ шуданд ва ҳар гурӯҳе ба он чӣ назди ӯст, хушҳол аст”. Сураи Рум. Ояти 32. Мутаассифона, ҳизбҳои сиёсии исломӣ ҳаммаслакони худро ба мусалмони комил ва пайравони ҳақиқии ислом ва дигаронро ба гумроҳон таъбир ва тақсим карда, дари фитна ва ошӯбро ба рӯи мардум боз ва онҳоро ба қасди ҷони ҳамдигар меандозанд. Мо суханро ба дарозо намекашем ва ба хонанда муроҷиат мекунем, ки ба ояти зайл ва ҳадисҳои зерин муроҷиат намояд:

Оли Имрон, 105. Анъом.

159. Саҳеҳ Албухорӣ 70542697, Саҳеҳ Муслим ҳадиси 1852-1718 “. Ӯ дар идомаи суханаш гуфт: ”Бузургони асри аввали ислом дар байни мусалмонон аҳзоби исломӣ таъсис накарданд ва онҳоро ду пора сохта, дар муқобили ҳамдигар нагузоштанд, зеро ҷудоиандозӣ ва тафриқасозӣ ҳаром аст. Ҳазрати Муовия 20 сол волии мулки Шом ва 20 сол халифа, ҷамъ 40 сол зимомдори умури мамлакат буд, аммо касе аз саҳобагон бар муқобили ӯ ҳизб ё созмон ташкил накард. Ҳатто вақте Ҳаҷҷоҷ Сақафии золим ҳукм меронд, ки расули Худо дар ҳаққаш ҳеҷ як саҳоба дар муқобили ӯ гурӯҳбозӣ ва аҳзобе ташкил накарданд, зеро ин кор мусулмононро аз ҳам ҷудо ва пароканда месохт. Ва ин ҳамон Ҳаҷҷоҷест, ки пайғамбари Худо дар ҳаққаш гуфта буданд: Бидуни шак дар Сақаф (номи шаҳр) каззоб ва мубире (қотил) бар хоҳад омад. Мурод Ҳаҷҷоҷ аст, ки дар соли 74-и ҳиҷрӣ яксаду бист ҳазор мусулмонро ба қатл расонд ва Хонаи Худоро бо манҷаниқ хароб кард.”

ИМОМИ АъЗАМ ҲИЗБ НАДОШТ... Ӯ илова кард: ”Таълимоти Имоми Аъзам, асосгузори мазҳаби ҳанафӣ, роҳу равиш ба таҳаммулгароӣ ва суботи сиёсӣ ва ҳамбастагии мардумро пеша месозад. Имоми мо ҳеҷ гоҳ дар муқобили халифаи давр Абу Ҷаъфари Мансур гурӯҳ ё ҳизб ташкил накард, то мардумро ба тафриқа наандозад. “ Ӯ гуфт: “Аслан ҳизбҳои сиёсии исломӣ, ки дар корхонаи фитнаистеҳсолкунӣ бо даст ва нақшаи душманони ислом ба вуҷуд меоянд, ҳадафи барҳам задани иттиҳоди мусулмононро дошта, тарҳрезӣ ва роҳандозӣ шуданд. Ислом ин амалро бидъат медонад. Чунонки Имом Бухорӣ дар «Саҳеҳ»-и худ аз Расули Худо ривоят мекунад: - Ҳар кӣ дар шариати мо

Паямбари Худо ҳамеша бо мардум буданро ба умматони хеш таъкид менамуд. Ашхосеро, ки аз ҷомеа худро канор гирифта, андешаи тафриқаандозиро таҳрик мекунанд, аз доираи ислом хориҷ медонад. Чунонки Имом Аҳмад ва Абу Довуд бо санади саҳеҳ аз Расули Худо ривоят карданд: - Касе, ки як ваҷаб аз ҷамоат хориҷ шавад, ресмони исломро аз гардани худ боз карда, дур андохтааст“. Нисбати ҳодисаҳои охирон гуфт: “Раёсати ҳизби Наҳзати исломи кишвар, ки ояти 103-и Сураи Оли Имронро дар парчам ва нашрияи ҳизби хеш «Наҷот» шиор қарор додааст, дар мафҳуми «ва ло тафаррақу» (ва пароканда машавед) андешаи комил накардаанд, ки бо ин шиор ба мардум худ парокандагӣ меоранд? Шарму ҳаё ҳам хуб аст!“ Ӯ илова кард:”Аъзои ҳизби наҳзати ислом бо ин хешро аз дигар мусулмонон ҷудо намуда, бо шиорҳои авомфиребона мардумро ба иттиҳод ва ҳамбастагӣ даъват мекунанд. Агар нафаре, андешаи онҳоро напазирад ва зид барояд, бо ҷудоиандозӣ ва тафриқахоҳӣ муттаҳамаш мекунанд.“ Ӯ ба роҳбари Ҳизби наҳзати исломӣ Муҳиддин Кабирӣ суоле кард: “Хеле мехостем, аз раёсати ин ҳизб суол кунем, ки агар ҳизби сиёсии исломӣ зарурат ва машруиёти динӣ дошта бошад, чаро хоҷагони шумо дар кишварҳои хеш иҷозаи фаъолияти аҳзоби исломӣ, хусусан аҳли суннатро намедиҳанд? Мо ба тамоми шаҳрвандони кишвар муроҷиат намуда, мегӯем, ки чашми хирад боз кунанд ва аз ин фитнаву фитнасозон хешро канор гиранд. Таълимоти мазҳаби ҳанафия ҳамеша таҳаммул ва хирадро дар ҷои аввал гузошта, мардумро ба иттиҳоду ҳамбастагӣ даъват мекард. На ҳар касе ки аз номи Худо сӯҳбат мекунад, ба накӯӣ даъват мекунад.» Ҳизби Наҳзат давомдиҳандаи гурӯҳи Ихвониҳо дар Миср мебошад. Ӯ иброз дошт: “Ҳизби наҳзати исломӣ принсипҳои Ихвонулмуслиминро барои худ қонун қарор дода, аз таҷрибаи онҳо барои раси-

дан ба курсии ҳукм истифода бурд. Аммо ниҳодҳои махсус баъд аз пайгирии тамос ва амалҳояшон даст доштани аъзои ин Ҳизбро дар ҳодисаҳои хунини охир кашф карданд. Аз ин рӯ, Суди Олӣ онҳоро “Ҳизби террористӣ-экстримистӣ” эълон намуда, ҳамаи фаъолиятҳои онро манъ кард. Бо вуҷуди он ки мебоист фаъолияти онҳоро 10 сол пештар қатъ менамуданд.” Ва дар поёни сӯҳбат иброз дошт: “Ҳукми манъи фаъолияти Ҳизби наҳзати исломӣ бисёр саривақтӣ буда, барои пешгирии нарехтани хуни мардуми бегуноҳ восита гардида, аз такрори таҷрибаи талхи Ихвониҳо бо дасти Ҳизби наҳзат дар т пешгирӣ намуд”. Ӯ илова кард: “Прокуратураи генералӣ саривақт дар бораи мамнӯъ намудани ин ҳизб қарор қабул кард, зеро баъд аз тафтишоти пай дар пай алоқамандии онҳо бо гурӯҳи терористии ДИИШ ва ал-Қоида ошкор шуд”. Рӯзноманигори “Шабоб-ун-Нил» (Миср) д-р. Маҳмуд Саид Диоб. www.tajinfo300.ucoz.ru gazeta-imruz@mail.ru № 22-23 (301-302) аз 15.10.2015 ДИРЕКТОР Мустафо Эгамов. САРМУ{АРРИР Машрафxон Эгамов. ШEРОИ ТА{РИРИЯ Rудратулло Эшонов. Зафар Амакxонов. Фирeза Мадаминxонова. ОРОИШ ВА СА{ИФАБАНД Фаридун Мустафои Эгамзод. {АМКОРОНИ МО: МИ{Д ша[ри Исфара; Медиа – холдинги Тоxикии “TAJINFO”, Телевизиони “ИСФАРА”, Рeзномаи “Насими Исфара”. СУРОUА: ша[ри Исфара, кeчаи Марказb, 10. ошёнаи 1 Тел: +992-3462-2-61-62 (904) 66-22-44 E-MAIL: gazeta-imruz@mail.ru Рeзнома ба хотири гуногунандешb маводеро низ ба табъ мерасонад, ки хилофи назараш аст. Барои са[е[иву дурустии факту раrам[о муаллифон xавобгаранд. Дастнавис ва сурат[ои ба идораи рeзнома воридшуда баргардонда намешавад. {УДУДИ ПА{НИ РEЗНОМА: Xум[урии Тоxикистон. Дар матбааи ба номи Н.Фахрии ша[ри Конибодом чоп гашта, супориши ______ мебошад. Адади нашр: 1000.