Issuu on Google+

白 鴒鷥 飛向 天

白 鴒鷥 飛向 天

-0-


白 鴒鷥 飛向 天

錄—

--目

白 鴒鷥 飛向 天

引言…………………2

34.惜福二………………38

69.龜山朝日…………76

心內話………………3

35.彼个破病的囡仔……39

70.早起………………77

1.飛向天………………4

36.一代一代舞…………40

71.指頭仔無平長……78

2.孤單一………………5

37.揣「媽咪」…………41

72.一句話的啟示……79

3.孤單二………………6

38.畢業…………………42

73.五粒蘋果…………80

4.孤單老人……………7

39.一雙木屐……………43

74.春風化雨…………81

5.路……………………8

40.鴨仔全是寶…………44

75.三溫暖……………82

6.綠世界………………9

41.三月花當開…………45

76.行入夜都市………83

7.翁某情一 …………10

42.縛孤棧………………46

77.來空去空…………85

8.翁某情二 …………11

43.搶孤…………………47

78.紅斑性狼瘡………86

9.翁某情三 …………12

44.路樹…………………48

79.美夢成真…………87

10.翁某情四…………13

45.欲過年………………49

80.鬧熱………………88

11.翁某情五…………14

46.性命的熱情…………51

81.路跑………………90

12.為趁食……………15

47.狗相吠………………52

82.瘋狂的少年仔……92

13.老伴………………16

48.啥罪過………………53

83.夜市心聲…………93

14.六年仔彼一班……18

49.狗仔的故事一………54

84.一台車……………95

15.疼囝情一…………19

50.狗仔的故事二………56

85.路邊彼台車………96

16.疼囝情二…………20

51.地下室的彼隻貓……57

86.講健保腰子愛照護..97

17.現代囡仔一………21

52.一盤蕹菜……………58

87.旋根脫塵最後的一塊

18.現代囡仔二………22

53.歹時機………………59

地 …………………99

19.路邊擔仔…………23

54.序大的交代…………60

88.抾骨………………100

20.四个囡仔…………24

55.等待…………………61

89.人倫色彩…………101

21.國民電腦…………25

56.爸母心………………62

90.賣菜阿桑…………102

22.赤脚的阿桑………26

57.一陣西北雨…………63

91.守…………………104

23.聽落雨聲…………27

58.講鳳凰看凰…………64

92.竹圍內的查埔……105

24.好命囝……………28

59.藍綠調色盤一………66

93.田地的哭聲………106

25.出山趣味談………29

60.藍綠調色盤二………67

94.大瓦厝的命運……108

26.新三國……………30

61.我若是一欉樹仔……68

95.臺灣老牛…………109

27.開學二部曲………31

62.菜園仔底的彼欉大樹.69

96.森林大軍…………110

28.猴囡仔……………32

63.溪埔的演變森………70

97.聖母傳奇…………111

29.三年仔猴…………33

64.只有讀書懸…………71

98.阮的故鄉…………112

30.猴囝………………34

65.總舖師………………72

99.外澳仔好𨑨迌……115

31.無教示……………35

66.怨丈夫………………73

100.宜蘭的金車 ……116

32.好命囝難成人……36

67.老歲仔的心酸………74

101.來去頭城 ………117

33.惜福一……………37

68.一粒菝仔偌濟汗……75

102.遊礁溪 …………118

-1-


白 鴒鷥 飛向 天

白 鴒鷥 飛向 天

引 言 2009 年 9 月我置梗枋教本土語言教學進前,著有聽著賴汝森 老師塊寫詩作兮消息。伊對簡單兮七字仔寫起,寫伊生活周邊所 接觸著兮人事物,加上一寡特殊兮感懷入來,伊捷摸著摸出家己 一款特殊風格出來。一篇一篇愈寫愈濟、愈寫愈趣味、愈寫愈 好,著按呢無出冊已經擋袂椆。 舊年我參賴老師寫兮詩作,攏有收入 2010 宜蘭縣閩南語創 作歌謠徵稿作品集了後,伊開始認真置準備出冊兮空課,詩人有 出詩集即有真正兮身分證。 詩集是以寫實兮風格來呈現,用樸實無華兮言詞來直描,用 伊真直接兮感懷做結尾,詩集每一篇以漢字書寫,下面有教育部 訂兮台羅注音,加上困難字兮註解,上尾以台語做補助說明,一 个在職兮教師有遮呢扑拚置做台語功課,實在是真難得。我置全 台灣四界做台語運動,看過濟濟五路英雄好漢,嘛罕得拄著即認 真兮在職教師,尤其是心得感想兮部分,完全用台語參咱逐家分 享伊兮喜怒哀樂,如果汝願意共詩集看過一遍,汝嘛會受著賴老 師兮精神所感化。 伊不只寫詩樸實,伊嘛關懷學生、嘛關心社區,梗枋地區是 一个貧富差真大兮人口結構,賴老師做學校兮總務,做社區兮總 幹事,伊共 箍起來,請好額人出錢予社區予學校做公益,來幫 助散赤家庭佮學生。 二年外參賴老師上捷討論著台語,尤其是伊詩中兮文句表達 到底是台語抑是華語兮文法結構。賴老師兮詩作是我愛佮伊學習 兮所在真濟,店討論中予我進步真濟,嘛感謝伊予我講話兮機 會,最後以一首詩做賀喜 七字入手編成冊,句句真言攏無假, 詩作樸實新風格,參伊家世有關係, 賴家本底詔安客,代代留傳塊種茶, 舊名叫做柴城底,挽茶相褒興外地, 客底飼牛置買賣,穡頭自細摸過加, 頂沿參 有娶嫁,議員瑞鼎輩份齊, 汝森無愛靠關係,實力本等伊一个, 寫序實在真歹勢,祝賀成功做賀禮。 錦賢 2011/11/17

-2-


白 鴒鷥 飛向 天

白 鴒鷥 飛向 天

心內話 會使寫完這一本冊,講起來嘛是一个奇蹟,於九十六年佮莊 文龍老師學習相褒歌了後,本底是當做好耍,家己嘛來寫看覓, 想袂到一下寫落煞袂停止,加上以前的生活經驗,一項一項親像 佇記憶中共挖出來仝款,一篇一篇一直累積落來,經過四年的寫 作,欲看寫作的成果,若是佗位有「徵文」我就寄幾篇去,考驗 家己的寫作程度,向望受到肯定。 閣講佇八年的台語教學期間,予我感覺本土的教材足欠缺, 猶有真足的發揮空間,在地是上好的創作體材,會記得第一篇是 「阮的故鄉」,共宜蘭頭城的梗枋做紹介,有按呢的累積佮經驗, 加上 2009 年林錦賢老師來梗枋國小教鄉土語言,予我有向你請 教佮指導的機會,佇討論期間發現伊是真真正正台語界的前輩, 毋但共我的詩做教正,而且說明按怎用字會較好,這種的幫贊會 使講拄著貴人,順風駛船閣較有信心共這本冊完成。 生活就是創作的來源,這一直是我的觀念,儘量共身邊發生 的代誌記錄落來,另外閣得著學校同仁的幫忙,像許正易老師伊 會曉美術,幫我畫插圖,錢清泓老師嘛幫忙註解的部分,閣有熱 心鄭菊元老師願意撥一寡時間協助校稿,閣有阮某林芝萓女士的 鼓勵,因為有遮爾濟人的支持佮幫贊,才通予這本冊順利出版, 雖然有淡薄食力,講實在是有價值的,佇遮論真我愛感激 、勞 力 。 寫這本冊嘛有一个使命感,通對八年的台語教學做一个交 代,我認為鄉土教育已經有十年的基礎,毋管老師抑是學生,應 該愛共目標閣提懸一屑仔,袂使只是會曉讀佮聽爾爾,應該有閣 較濟的人投入台語文的創作,予遮爾好的語文傳落去,嘛予人看 著台語文的媠,向望有閣較濟人對台語文來拍拚參付出。 最後欲閣再一次,向林錦賢佮莊文龍兩位宜蘭台語界的前輩 說多謝,毋但開時間幫我指正用字,閣鼓勵我寫作,希望佮兩位 前輩看樣、學樣,看通行出台語文家己創作的風格,嘛請各界前 輩多多指教,檢采若有佗位用字無妥當,抑是毋著的所在,歡迎 e-mail(lun1369@gmail.com)隨時指正,予小弟有成長的機會,勞力 啦!

-3-


白 鴒鷥 飛向 天

1.飛向天

白 鴒鷥 飛向 天

2011/10/5 09:23

pue hiòng thinn

烏鶖雙歇佇樹枝,田嬰點水兩相依, oo tshiu siang hioh tī tshiū ki,tshân enn tiám tsuí liáng siang i,

岸邊一隻白鴒鷥,行來行去佇揣魚, huānn pinn tsi̍ t tsiah pe̍h ling si,kiânn lâi kiânn khì tī tshuē hî,

孤單無伴賰自己,想欲行倚去問伊, koo tuann bô puānn tshun tsū kí,siūnn beh kiânn uá khì mn̄g i,

怎度寂莫的日子,伊煞歹勢飛向天。 tsuánn tōo tsi̍ k bo̍k ê jit tsí,i suà phái sè pue hiòng thinn。

註:烏鶖--大卷尾。田嬰--蜻蜓。白鴒鷥--白鷺鷥。 揣--尋找。倚--貼近、靠近、將近。賰--剩餘。歹勢--害羞、難為情。

好天氣的時陣,我會一个人透早去 山,佇路邊時常看著烏 鶖雙雙飛來飛去,有時歇佇樹椏頂,有時歇佇電線頂,予人足欣 羨,若行到有田彼段路,看著田底田嬰點水的情景,閣予人有講 袂出的感覺,佇較遠的田岸邊,干焦看見一隻白鴒鷥蹛佇遐揣物 件食,孤單的形影,有淡薄和家己仝款,講算是享受孤單的自由, 嘛算是享受著 山的快樂矣。 緣起--每工的透早我差不多佇五點精醒,有時陣閣較早,我 有 山的習慣,一个人行佇足恬靜的街路佮山路,心肝內總會想 東想西,不而過,孤單並毋是歹事,會使予人靜落來想足濟的代 誌,我的創作嘛是佇孤單的這段時間,一篇一篇寬寬仔寫落來的, 嘛因透過孤單的目睭,看見佮別人無仝的一面。 有時陣一首詩寫甲一半無法度完成,毋知按怎若 完彼逝 路,就會共問題解決矣。毋過有一个疑問一直囥蹛阮心肝頭,我 寫的到底偏向囡仔詩、現代詩、抑是韻文,親像這隻白鴒鷥仝款, 欲行向佗去?(第一篇原文是「烏鶖雙宿在樹枝,田嬰點水兩相依,田底一 隻白鴒鷥,孤單無依佗位去?」2008/3/5 所寫的)

向望這是一種開始,嘛借著描寫身邊的人、事、物,呈現今 抑是過去的變化佮想法,橫直已經蹽落去,未來望有閣較濟的作 品展現,通佮逐家分享。

-4-


白 鴒鷥 飛向 天

2.孤單一

白 鴒鷥 飛向 天

2008/09/12 14:51

koo tuann it

膨椅坐落一个人,噗一支薰佇喙弄, phòng í tsē loh tsi̍ t ê lâng,pok tsi̍ t ki hun tī tshuì lāng,

吐著白煙足輕鬆,望著天篷過一工 thóo tio̍h pe̍h ian tsiok khing sang,bāng tio̍h thian pông kuè tsi̍ t kang。

註:膨椅--沙發、沙發椅。喙--嘴巴。薰--香菸。天篷--天花板。

看人食薰彼是真四常的,不過有一工下晝時,我佇阮遐活動 中心的亭仔跤,看見一个老歲仔坐佇膨椅頂,一个人喙內咬著薰, 目睭看天篷,親像佇想啥物,干焦享受著孤單的快樂,就按呢過 了一下晡。 若愛伊莫食薰,毋知欲如何度過彼下晡的孤單,食薰毋是好 習慣,若欲渡過寂莫的日子,向望培養較濟的休閒活動,抑是散 步行街路嘛可以啦!

-5-


白 鴒鷥 飛向 天

3.孤單二

白 鴒鷥 飛向 天

2009/05/05 08:00

koo tuann jī

樹頂鳥隻講雜話,樹跤一人佇遐坐, tshiū tíng tsiáu tsiah kóng tsa̍p uē,tshiū kha tsi̍ t lâng tī hia tsē

透早廟埕無半个,只有石椅陪伊過一暝。 beh àm á biō tiânn bô puànn ê,tsí ū tsio̍h í puê i kuè tsi̍ t mê。

註:遐--那、那裡。廟埕--廟宇前面的大廣場。

佇透早廟埕樹仔跤的石椅頂有一个人坐佇遐,椅仔跤倒幾若 支的酒矸仔,是毋是彼一暝,有人心情無通好,一个人家己佇遐 啉酒,想欲借酒來解愁,雖然石椅無法度鬥相共,不過嘛陪伊過 了一暝,這款情景予人看著足毋甘的,自古以來著有「借酒解愁, 愁更愁」人若會無醉的理由。

-6-


白 鴒鷥 飛向 天

4.孤單老人

白 鴒鷥 飛向 天 2008/10/13 11:28

koo tuann lāu lâng

手攑雨傘行街路,孤單一人無糊塗, tsiu gia̍h hōo suànn kiânn ke lōo,koo tuann tsi̍ t lâng bô hôo thôo,

正看倒看人生疏,只有雨傘鬥相助。 tsiànn khuànn tò khuànn lâng tshenn soo,tsí ū hōo suànn tàu siong tsōo。

註:攑--拿。正--右邊。倒—左邊。生疏--陌生、不熟悉。鬥--幫忙。

有一工去宜蘭市踅街,看著一个老歲仔嘛佇踅,會記得彼工 的天氣無真好,無幾个人紮雨傘,老歲仔人可能較根節,雨傘紮 佇身邊,佇踅街的時,共伊攑來做拐 kī,我佇想這種情景,逐 家可能嘛真捷拄著的,只是較無感覺爾,橫直伊對咱嘛是生份的。

-7-


白 鴒鷥 飛向 天

5.無你的路

白 鴒鷥 飛向 天 2008/07/30 20:09

bô lí ê lōo

無你的路,欲行較辛苦, bô lí ê lōo,beh kiânn khah sin khóo,

寂寞不時來氣惱, tsik bo̍k put sî lâi khì lóo,

是毋是無你的緣故,害阮半暝怨無辜; sī m sī bô lí ê iân kòo,hāi guán puànn mê uàn bô koo;

無你的路,一切變生疏, bô lí ê lōo,it tshè piàn tshenn soo,

是毋是無你的緣故,孤單不時來招呼, sī m sī bô lí ê iân kòo,koo tuann put sî lâi tsio hoo,

這敢是我欲行的路? tse kám sī guá beh kiânn ê lōo?

註:氣惱--生氣。無辜--無罪的、清白的。

每一擺拄著阮某蹛院的時陣,總有一種感覺,是毋是會一个 孤單度過後半世人,佇無常的世間,人若無把握現此時的幸福, 日後不只是「後悔」兩字爾爾,可能閣會加上「怨嘆」佇過日。 所以請逐家愛把握目前的幸福,閣較愛「知福」、「惜福」。

-8-


白 鴒鷥 飛向 天

6.綠世界

白 鴒鷥 飛向 天

2008/11/18 13:59

li̍ k s kài

綠色的曠野,小小的跤跡, li̍ k sik ê kh ng iá,sió sió ê kha jiah,

親子的翕影,上帝賜的名, tshin tsú ê hip iánn,siōng t sù ê miâ,

像草埔的鳥隻,一步閣一步行, tshiūnn tsháu poo ê tsiáu tsiah,tsi̍ t pōo koh tsi̍ t pōo kiânn,

予人的心勇健,享受自然爾爾。 hōo lâng ê sim ióng kiānn,hiáng siū tsū jiân niā niā。

註:跤跡--足跡。翕影--拍照、攝影。草埔--草坪、草場。爾爾--而已。

來到新竹關西的綠世界,入去踅一輾轉,看真濟鳥仔佮動物, 因為愛 peh 上 peh 落,踅一輾落來有影會忝人,所以落尾坐佇倚 出口的亭仔跤歇睏,才望見頭前彼片的綠地,有爸囝的翕相,嘛 有母子親蜜的形影,一家伙總是快快樂樂做伙,加上草埔頂規陣 粟鳥仔的畫面,予我感覺人生上歡喜和上快樂的,敢毋是享受這 款自然爾爾。

-9-


白 鴒鷥 飛向 天

7.翁某情一

白 鴒鷥 飛向 天 2008/09/12 14:53

ang bóo tsîng it

正手牽君有感應,甜蜜愛情已提升, tsiànn tshiú khan kun ū kám ìng,tinn bi̍ t ài tsîng íthê sing,

倒手摸肚咱結晶,幸福家庭來完成。 tò tshiú boo tōo lán kiat tsing,hīng hok ka tîng lâi uân sîng。

註:結晶--指肚中懷孕的胎兒。

看著學校王老師

翁某,對結婚到生子,逐工過著甜蜜的生

活,便若大腹肚的時陣,翁牽某散步的背影總會出現佇校園,這 款的幸福予人足欣羨,心內會偷偷仔佇想,家己若通重來一遍, 毋知有 guā 好咧。

- 10 -


白 鴒鷥 飛向 天

8.翁某情二

白 鴒鷥 飛向 天 2008/10/13 11:25

ang bóo tsîng jī

透早牽君來散步,雙人相倚慢慢仔度, thàu tsá khan kun lâi sán pōo,siang lâng sio uá bān bān á tōo,

毋驚天公面變烏,雨落沃阮澹糊糊。 m̄ kiann thinn kong bīn piàn oo,hōo lo̍h ak guán tâm kôo kôo。

註:度--過、經歷。

有一工,透早出外運動,看著一對翁仔某,手牽手嘛出來運 動,彼工天色本底是誠好,啥知一觸久仔隨變烏,看來連天公嘛 會食醋,落雨來考驗

兩人的感情,是毋是欲繼續散步落去?

- 11 -


白 鴒鷥 飛向 天

9.翁某情三

白 鴒鷥 飛向 天 2008/10/13 11:25

ang bóo tsîng sann

電動車慢慢仔駛落崎,你前我後免驚惶, tiān tōng tshia bān bān á sái loh kiâ,lí tsîng guá āu bián kiann hiânn,

你我翁某著相疼,咱由金婚繼續行。 lí guá hu tshe tio̍h sio thiànn,lán iû kim hun kè sio̍k kiânn。

註:定--平靜、安定、穏定。疼--疼愛。

人食甲七、八十,通常有一个老的通陪伴是難得的,閣講老 伴就是老伴,結婚五十年(金婚)的翁某算是上蓋幸福的,檢采其 中有一个破病抑是行動不便,另外一个就愛共照顧,彼種情深表 現的情景,就出現在電動車頂,佇車內彼對翁仔某互相關愛的表 現,予我看甲戇神去,愣一時仔才回神過來,佇想--翁某本底著 愛按呢相疼才著。

- 12 -


白 鴒鷥 飛向 天

10.翁某情四

白 鴒鷥 飛向 天 2008/10/21 09:11

ang bóo tsîng sì

床邊佮翁來作伴,我君破病受拖磨, tshn̂g pinn kah ang lâi tsò phuānn,guá kun phuà pēnn siū thua buâ,

予阮心肝袂快活,望伊病好免孤單。 hōo guán sim kuann bē khuìnn ua̍h,bāng i pēnn hó bián koo tuann。

註:拖磨--辛苦操勞。

有一工阮某蹛院,蹛佇隔壁床的阿公仔,予

某共照顧,彼

種體貼用心的情景,予我「自嘆不如」 ,佇心內感受著天下有情人 實力,人講「路遙知馬力」 ,老翁老某毋是更加愛有真情的表現敢 毋著,真心去對待另外一半,敢講這毋是翁某做伙的道理嗎?

- 13 -


白 鴒鷥 飛向 天

11.翁某情五

白 鴒鷥 飛向 天 2008/10/25 20:58

ang bóo tsîng gōo

假日歇睏涼亭仔坐,翁捾茶鈷某攢杯, ká jit hioh khùn liâng tîng á tshē,ang kuānn tê kóo bóo tshuân pue,

一隻蝴蝶飛遐過,歇佇樹頂偷聽話。 tsi̍ t tsiah ôo tia̍p pue hia kuè,heh tī tshiū tíng thau thiann uē。

註:歇睏--休息、歇息。捾--提、拿。茶鈷--茶壺。攢--張羅、準備。 歇--休息、停止。

佇頭城武陵山頂仙公廟後的涼亭仔內,會記得彼工拄好是假 日,當我

上山頂行向後山的時,看著一對翁仔某佇涼亭仔底,

開始款欲泡茶,等我佮

相借問的彼當時,這个畫面深深印佇我

的腦海中,著按呢共感想寫落來矣。 嘛欲藉著這隻蝶仔,予畫面閣較「生動」,無--恁想嘛知, 翁某的貼心話,蝶仔可能「鴨仔聽雷」 ,嘛可能是 仔聽甲恬-tsut- tsut,感受佇伊的心肝底。

- 14 -

的貼心話予蝶


白 鴒鷥 飛向 天

12.為趁食

白 鴒鷥 飛向 天

2009/05/12 08:00

uī thàn tsia̍h

坐鐵牛仔上山嶺,你我鬥陣來拍拚, tsē thih gû á tsiūnn suann niá, lí guá tàu tīn lâi phah piànn,

咱的一生為趁食,有你做伴我心頭定。 lán ê it sing uī thàn tsia̍h,ū lí ts phuānn guá sim thâu tiānn。

註:趁食--討生活。

較早的翁某,工課有分內外,真少有翁仔某同齊出入佇作穡 的,有一工對山頂落來,拄著一台爬山虎駛上山,阿桑邊仔坐的 是

牽手,聽講欲去整理柑仔園,兩人猶仝心佇拍拚,確實真難

得矣。 人講: 「翁行某綴,一生較袂狼狽。」後面一句是阮家己加的, 其實嘛是按呢,某是世間上好的助手,做查埔人恁敢無這種感 覺呢!

- 15 -


白 鴒鷥 飛向 天

13.老伴

白 鴒鷥 飛向 天 2008/07/27 05:32

lāu phuānn

阿嬤蹛院無法度,若倩看護較直哩直路, a má tuà īnn bô huat tōo,ná tshiànn khàn-hōo khah ti̍ t li ti̍ t lōo,

免予阿公遮辛苦,伊講啥叫阮是翁某, bián hōo a kong tsiah sin khóo,i kóng siánn kiò guán sī ang bóo,

翁某感情著愛顧,毋是金錢共阮呼, hu tshe kám-tsîng tio̍h ài k o,m̄ sī kim tsînn kā guán khoo,

前世有緣一路舖,愛情滋味景如初。 tsîng s ū iân tsi̍ t lōo phoo,ài tsîng tsu bī kíng jû tshoo。

註:蹛--過夜。直哩直路--乾脆。遮--如此、這麼。 呼--出聲叫喚使人向自己靠攏或集中。

佇阮某蹛院的時陣,隔壁床的阿媽,伊有阿公的照顧。好奇 的我開喙共問: 「阿公仔照顧老某真辛苦,哪毋倩「看護」顧呢?」 阿公客氣回答講: 「家己顧較放心,橫直佇厝裡嘛閒閒,來病院佮 伊做伴爾。」看伊顧老伴的心,真是「無微不至」 ,像洗衫褲、洗 面佮換衫各種工課伊攏做,會使講用情真深。 雖然我嘛佇做,不過和阿公比起來,可能無伊一半的用心, 向望會達到「愛情滋味景如初」的境界,繼續加油吧! 我佇文章內底定定提起阮某蹛院的代誌,這是因為伊患著「紅 斑性狼瘡」,愛長期服用美國仙丹(類固醇),藥仔長期食久了後會 有副作用,傷到腰子造成洗腎,嘛會傷到目睭造成白內障,閣會 傷到神精系統予四肢較無「知覺」 ,會使講副作用一大堆,有當時 醫生下藥(類固醇)量較懸,致使身體的抵抗力降低,染著「帶狀 泡疹」的機會升懸,愛知這種症頭是真折磨人的。因此,兩、三 月月蹛一擺病院是真四常的代誌,做人翁婿的我,通做的是和伊 同齊面對,陪伊看醫生、陪伊去洗腎按呢爾爾,無法度分伻伊身 上的一屑仔病疼,只祈求上帝的保庇佮降福,減少伊身上的病疼, 望主鬥保佑,阿門。

- 16 -


白 鴒鷥 飛向 天

14.六年仔彼一班

白 鴒鷥 飛向 天 2008/07/08 21:20

la̍k nîá hit tsi̍ t pan

六年仔彼一班,予人看著心袂安, la̍k nîá hit tsi̍ t pan,hōo lâng khuànn tio̍h sim bē an,

聰明用佇畫虎膦,使人聽著會膽寒, tshong bîng īng tī uē hóo lān,sú lâng thiann tio̍h ē tám hân,

做人毋通夆看輕,予人烏仁轉白仁, ts lâng m̄thang hông khuànn khin,hōo lâng oo jîn tńg pe̍h jîn,

個性穩定上要緊,按呢做事較謹慎, k sìng ún tīng siōng iau kín,án neh ts sū khah kín sīn,

同學六冬無簡單,互相應該友情牽, tông ha̍k la̍k tang bô kan tan,hōo siōng ìn kai iú tsîng khan,

男男女女感情讚,吵吵鬧鬧嘛一班, lâm lâm lú lú kám tsîng tsán,tshá tshá lāu lāu mā tsi̍ t pan,

頂學期胡桃鉗演,媽孫仔感情來轉變, ting ha̍k kî 胡桃鉗 ián,má sun á kám tsîng lâi tsuán piàn,

較捌代誌有主見,無閣沈淪無進展, khah bat tāi tsì ū tsú kiàn,bô koh tîm lûn bô tsìn thián,

有人頭城轉梗枋,未記教訓激 hang-hang, ū lâng tâu siânn tsuán ngē pang,buē kì kàu hùn kik hang-hang,

序大的向望空,枉費用心無彩工, sī tuā ê ǹg bāng khang,óng huì iōng sim bô tshái kang,

有人欲送中道學較濟,伊是

爸的心肝寶貝,

ū lâng beh sàng tsong tàu o̍h khah tsé, i sī in pâ ê sim kuann pó puè,

三个寄望伊一个,望伊成就通顧家, sann ê kià bāng i it ê,bāng i sîng tsiū thang kòo ke,

爸母心恁愛去體會,上無愛惜面底皮, pē bó sim lín ài khì thé huē,siōng bô ài sioh bīn té phuê,

若做歹囝是無好尾,避免後擺佇後悔, nā ts phái kiánn sī bô hó bué,pī bián hāu pái tī hiō hué,

- 17 -


白 鴒鷥 飛向 天

這是我對

白 鴒鷥 飛向 天

期待的話。

tsia sī guá tuìin kî thāi ê uē。 註:畫虎膦--說話喜歡吹牛,誇大不實。梗--同硬(ngē)。予人(hōo lâng)合音--夆 hông。 烏仁--黑眼珠、黑眼球。白仁--眼白、白眼球。胡桃鉗--一齣英文話劇的名稱。 激 hang-hang--裝傻。

彼年六年仔這班,行為佮表現予人看著會擔憂,雖然有導師 的拍拚,猶毋過有真濟環境的因素,對

真不利的,寫出來提醒

學生,向望這班的囡仔通了解爸母、老師對 所做的一切,望

的苦心,了解為

畢業一路順風,別日若佇路頭相拄的時陣,通

看見這班無仝的學生,嘛勸天下間的爸母「囡仔重要有人陪,用 錢去坉是無底」 ,每一工予伊一屑仔時間,可能比予伊去補習的效 果閣較好矣。

- 18 -


白 鴒鷥 飛向 天

15.疼囝情一

白 鴒鷥 飛向 天 2008/12/28 09:00

thiànn kiánn tsîng it

騎機車,胸前偝著囝, khiâ ki tshia,hing tsîng āinn tio̍h kiánn,

紅燈停,趕緊抱囝疼, âng ting thîng,kuánn kín pō kiánn thiànn,

驚伊驚,我的心肝仔囝, kiann i kiann,guá ê sim á kuann kiánn,

阿母一定共你惜命命, a bú it tīng kā lí sioh miā miā,

用心共你晟, īng sim kā lí tshiânn,

望天公保庇我的囝,𠢕大閣勇健。 bāng thinn kang pó pì guá ê kiánn,gâu tuā koh ióng kiānn。

註:偝(āinn)—背。專指背人。晟(tshiânn)--教導、養育。勇健--健朗。

彼早起看著真少年著做老母的「媽媽」 ,騎著機車佇十路口, 拄著紅燈停落來,伊趕緊掀開偝巾底的嬰仔,共伊看看咧、共伊 惜惜咧,十足表現出做人老母的架勢,一个囡仔佇老母的目睭底, 是永遠愛受著保護的, 莫怪老母是「偉大」 的名。

- 19 -


白 鴒鷥 飛向 天

16.疼囝情二

白 鴒鷥 飛向 天 2008/12/28 09:00

thiànn kiánn tsîng jī

佇厝彈琴為考試,阿母用心來教示, tī tshù tuânn khîm uī khó tshì,a bó īng sim lâi kàu sī,

藝院考試通順利,暗時展藝做交誼, gē īnn khó tshì thong sūn lī,àm sî thián gē ts kau gî,

分享教友勉自己,為著囝兒用心機, hun hióng kàu iú bián tsū kí,uī tio̍h kiánn jî īng sim ki,

阮來參與嘛歡喜,祈求基督保佑伊。 guán lâi tsham ú mā huann hí, kî kiû ki tok pó iū i。

註:教示--教導訓誨。

佇宜蘭市有一个基督徒的查某老師,本身是學音樂的,猶閣 身兼父職,為欲栽培

後生去考藝院,叫

囝請假佇厝裡練琴,

然後辦一場家庭式的演奏會,佮伊的學生分享,嘛予囡仔有表演 的機會,當然有老母的用心,

囝順利考牢藝術學院,莫怪人會

講「天下爸母心,永遠用情深。」

- 20 -


白 鴒鷥 飛向 天

17.現代囡仔一

白 鴒鷥 飛向 天 2008/8/28 09:00

hiàn tāi gín á it

單純囡仔無煩腦,看電視嘛準𨑨迌, tan sûn gín á bô huân ló,khuànn tiān sī mā tsún tshit tô,

拍電腦嘛人變苛,手機仔親像牽豬哥。 phá tiān náu mā lâng piàn khô,tshiú ki á tshin tshiūnn khian ti ko。

註:𨑨迌--遊玩。準--當做、做為。苛--高傲。

現代囡仔講單純嘛並無單純,因為生活脫袂開有聲有影的電 視佮電腦,佇放學轉到厝咧,頭一層欲做的代誌大部分是看電視, 無就是拍電腦,生活上比較較單純爾;若是同學仰是朋友欲哈啦, 手機總是有講袂完的話,便若到月底著知苦,帳單是納袂完的。 若無想欲做一个閒閒食飯坩中央的人,體會一下爸母的辛苦,厝 裡的工課加減鬥幫贊一下,按呢嘛較會成(tsiânn)人。

- 21 -


白 鴒鷥 飛向 天

18.現代囡仔二

白 鴒鷥 飛向 天 2008/8/28 10:00

hiàn tāi gín á jī

一个四散的家庭, tsi̍ t ê sì suànn ê ka tîng,

印出一个無辜的面形, ìn tshut tsi̍ t ê bô koo ê bīn hîng,

家庭究竟啥功能, ka tîng kiù kíng siánn kong lîng,

現代社會思考的課程; hiàn tāi siā huē su khó ê khò tîng,

早起早頓外口買,中晝午餐學校提, tsá khí tsá tǹg guā kháu bé,tìng tàu gōo tshan ha̍k hāu the̍h,

下晝安親免娘嬭,暗時才藝學較濟, ē tàu an tshin bián niûnn lé,àm sî tsâi gē o̍h khah tsé,

國中補習逐家來,驚綴袂著彼就害, kok tiong póo si̍ p ta̍k ke lâi ,kiann tu bē tio̍h he tō hāi,

遊樂場所

上愛,超商不時有囡仔栽。

iû lo̍k tiûnn sóo in siōng ài,tshiau siong put sî ū gín á tsai。

註:娘嬭--母親、媽媽。綴--跟、隨。彼--那個。囡仔栽--指小孩子。

現代的家長想法真奇怪,囡仔攏免管

上愛,家庭干焦提供

睏的所在就可以,若是愛教的攏㧒予學校,抑是安親班。當然家 長有家長的想法,學生嘛有

家己的算盤,安親班有用嗎?網咖

和超商佇學生下課的時陣特別鬧熱,有消磨時間的、有掠枵的, 為什麼袂使(sái)佇厝裡和厝內的人食一頓溫暖的暗頓呢?做爸母 的人攏講: 「阮無閒為賺錢,攏嘛為著囡仔的未來佇拍拚。」聽起 來使人感慨,有可能趁著錢,嘛凡勢失去囡仔的代誌發生,愛知 囡仔上重要是「陪伴」爾爾,除了遮無其他的仙丹佮妙藥啦!

- 22 -


白 鴒鷥 飛向 天

19.路邊擔仔

白 鴒鷥 飛向 天 2008/4/8 10:30

lōo pinn tanná

一个擔仔,兩碗麵, tsi̍ t ê tann á,nn̄g uán mī,

一台車,停路邊, tsi̍ t tāi tshia,thîng lōo pinn,

喝人客,免客氣, huah lâng kheh,bián kheh khì,

臭豆腐鼻規暝, tshàu tāu hū phīnn kui mî,

一暗三千二, tsi̍ t àm sann tshing jī,

向望四个囡仔過好日子。 ǹg bāng gōo ê gín á ku hó jit tsí。

註:喝--大聲喊叫。

有一工去踅夜市,看著路邊一攤臭豆腐,毋知按怎彼工的感 受特別深,有靈感共排擔的心酸記錄落來。排擔的人,大部分是 翁某同齊做伙拍拚,暗頓嘛愛輪流食,所以「一个擔仔,兩碗 麵」,遐爾辛苦為著啥,當然是為趁錢(指一千箍頂頭的四个囡 仔),嘛是為著厝內的囡仔,佮顧一家伙的三頓飽,閣講彼擔排臭 豆腐的翁某,愛鼻臭豆腐鼻一暝,啥人了解鼻到尾的滋味會變啥?

- 23 -


白 鴒鷥 飛向 天

20.四个囡仔

白 鴒鷥 飛向 天 2008/11/10 08:30

sì ê gín á

四个囡仔真自在,肥白古錐予人愛, sì ê gín á tsin tsū tsāi,puî pe̍h kóo tsui hōo lâng ài,

會哭會啼四秀仔來,會耍會逐倒頭栽, ē khàu ē thî sìsiù á lâi,ê sńg ê jiok tó tâu tsai,

廟埕是

大舞台,笑聲哭聲同齊哀,

biō tiânn sī in tuā bú tâi,tshiò siann khàu siann tâng tsê ai,

阿媽幫伊拭目屎,阿公喝甲笑咍咍, a má pang i tshit ba̍k sái,a kong huah kah tshiò hai hai,

囡仔戲總是較精彩,一工輪演幾若擺。若 gín á hì tsóng sī kah tsing tshái,tsi̍ t kang lûn ián kuí nā pái。

註:古錐--可愛。小巧玲瓏,討人歡喜。四秀仔--零食、零嘴。 倒頭栽--倒栽蔥、四腳朝天。拭--擦抹。幾若擺—好幾次,若干次。

厝邊的五穀王廟埕定定有四、五的囡仔佇遐耍,規工落來囡 仔戲輪演毋知幾若擺,每擺看

佇廟埕耍,攏有會晃頭感慨,彼

種的耍法佮彼款的 管教方式,毋知以 後彼陣囡仔會變啥 款,橫直時間是上 好的裁判,咱著等 咧看矣。

- 24 -


白 鴒鷥 飛向 天

21.國民電腦

白 鴒鷥 飛向 天 2009/3/18

14:32

kok bîn tiān náu

低收入戶資訊難,國民電腦心意讚, kē siu ji̍ p hōo tsu sìn lân, kok bîn tiān náu sim ì tsán,

予伊電腦鬥幫贊,縮短懸低減怨嘆; hōo i tiān náu tàu pang tsàn, sok té kuân kē kiám uàn thàn,

啥知電腦無情義,家己耍是較趣味, siánn tsai tiān náu bô tsîng gī,ka kī sńg sī kah tshù bī,

害囡仔規暝無睏意,透早上課周公見, hāi gín á kui mê bô khùn ì,thàu tsá siōng kh tsiu kong kìnn,

電腦啊! tiān náu a!

小小螢幕誠神奇,學生朋友綴身邊, sió sió îng bōo tsiânn sîn kî,ha̍k sing pîng iú tu sin pinn,

若無提早來防備,發生問題著較遲。 nā bô thê tsá lâi hông pī,huat sing būn tê tio̍h khah tî。

註:懸--高、高聳、高挺。鬥幫贊--幫助。規氣--乾脆。

為欲縮短貧富的資訊懸低,教育部推出「國民電腦」的計畫 幫助「低收入戶」,經過老師選出合條件的學生,補助一戶一台 電腦,毋過愛有一個條件,就是彼戶的家長愛有一个人參加電腦 相關的課程研習,按���電腦才免費送予伊。佇事實上,囡仔的學 習比爸母較緊,嘛較有時 間接近電腦,會造成無法 度管制的現象,囡仔上網 耍「電玩」,而且出現 「迷」的症頭,叫爸母欲 如何是好?按怎去收尾呢 ?

- 25 -


白 鴒鷥 飛向 天

22.赤脚的阿桑

白 鴒鷥 飛向 天 2008/11/02 21:21

tshiah kha ê a sáng

出世散赤予人驚,毋捌穿鞋慣勢行, tshut sì sàn tshiah hōo lâng kiann,m̄ bat tshīng ê kuàn sì kiânn,

一生操勞為著囝,樂天生活赤脚命。 it senn tshau lo̍k uī tio̍h kiánn,lo̍k thinn senn ua̍h tshiah kha miā。

註:散赤--貧窮。毋捌--不曾。慣勢--習慣。操勞--辛苦地勞動或費心處理。

有一工透早佇礁溪等欲坐噶瑪蘭客運的時陣,佇隔避有一擔 做早頓的,一位歐巴桑當佇幫贊

後生做生理,看著伊無穿鞋的

彼當時,內心有淡薄好奇著行倚共問,嘛斟酌共看,才知伊有一 雙佮人無仝的跤,伊回答講:「以前做了傷過頭,煞變形去,今 欲穿鞋著真歹勢穿。」像這種歹命人,真的--無通偌好命,伊是 我一生中看過的第二个人。

- 26 -


白 鴒鷥 飛向 天

23.聽落雨聲

白 鴒鷥 飛向 天 2009/04/01 10:01

thiann lo̍h hōo siann

落雨聲,感心疼, lo̍h hōo siann,kám sim thiànn,

江蕙歌聲足好聽,文山的詞有夠正, kong huī kua siann tsiok hó thiann,bûn san ê sû ū kàu tsiànn,

有孝序大毋免等好額, iú hàu sī tuā m̄ bián tán hó giā,

有阿母惜的囡仔上好命; ū a bó sioh ê gín á siāng hó miā;

落雨聲,心頭驚, lo̍h hōo siann,sim tâu kiann,

「聽障」奧運欲起行, 「聽障」 ūn beh khí kiânn,

廣告精神全力拚, kóng k tsing sîn tsuân li̍ k piànn,

啥款的囡仔攏愛疼, siánn khuán ê gín á lóng ài thiànn,

彼是爸母予伊的性命; hit sī pē bú hōo i ê s nn miā,

落雨聲,猶佇拚, lo̍h hōo siann,iáu tī piànn,

有人一生為名聲,廟前龍柱刻伊名, ū lâng it sing uī miâ siann,biō tsîng lîng thiāu khik i miâ,

有人追求是勇健,較免逐工病院行。 ū lâng tui kiû sī ióng kiānn,kah bián ta̍k kang pēnn īnn kiânn。

註:正(tsiànn)--真實的。有孝--孝順。序大--長輩。

「落雨聲」佇江蕙小姐的歌喉「銓釋」下,是一條會鑽人心肝穎 仔的歌,值得咱聽過一遍閣一遍, 「有阿母惜的囡仔上好命」予這 馬的我感受到。若阿母猶佇的話,莫講有阿母疼,上無嘛加一个 講話的對象,敢毋是按呢嗎?

- 27 -


白 鴒鷥 飛向 天

24.好命囝

白 鴒鷥 飛向 天 2009/04/02 07:58

hó miā kiánn

囡仔真好命,有電視惜命命, gín á tsin hó miā,ū tiān sī sioh miā miā,

在你共轉,恬恬佇遐會應聲; tsāi lí kah tsuān,tiām tiām tī hia ē ìn siann,

囡仔真好命,佇厝裡攏免摒, gín á tsin hó miā,tī tshù li̋ n lóng bián piànn,

有有孝的爸母,免予伊雙手烏白舞, ū iú hàu ê pē bó,bián hōo i siang siú oo pe̍h bú,

囡仔真好命,講的話爸母攏會聽, gín á tsin hó miā,kóng ê uē pē bú lóng ê thiann。

手機用 3G、鞋仔穿Nike,真是福氣, tshiú ki īng san gi、ê á tshīng naiki,tsin sī hok khì,

囡仔真好命,飯來伊著食, gín á tsin hó miā ,pn̄g lâi i tio̍h tsia̍h,

只要讀冊佇頭名,伊著是爸母心中的好囝。 tsí iàu tha̍k tsheh tī tâu miâ,i tio̍h sī pē bú sim tiong ê hó kiánn。 註:恬恬--安靜無聲。摒--打掃、清理。舞--引申為忙著做某件事。

現代囡仔每一个攏真好命,轉到厝裡爸母會要求先共功課寫 完,才準伊做其他代誌。若無爸母佇厝裡,著先看電視抑是拍電 腦較要緊,一般來講厝裡無工課通予 做,爸母攏為 設想好矣, 和以早完全無仝,佇以早一个囡 仔轉到厝裡,一定愛先共工課做 完,做完才有時間予你寫作業, 閣講讀冊是一種恩賜,無通讀的 人是真濟的,檢采若無把握讀冊 的人,序大人會講:「上好你是 莫讀,通留佇我的身邊鬥作穡。 」予囡仔的選擇是讀冊佮做工課 ,若是你會選佗一項呢? - 28 -


白 鴒鷥 飛向 天

25.出山趣味談

白 鴒鷥 飛向 天 2009/04/10 09:47

tshut suann tshù bī tâm

昨昏學校邊,有人出山去, tsa hng ha̍k hāu pinn,ū lâng tshut suann khì,

囡仔著問老師伊, gín á tio̍h būn lāu su i,

出山弄龍弄獅創啥物? tshut suann lāng lîng lāng sai tsh ng siánn mih?

老師一時有主意,學生討論啥道理, lāu su it sî ū tsú ì,ha̍k senn thó lūn siánn tō lí,

有人講:「阮阿公出山倩脫奶舞。」 ū lâng kóng: 「guán a kang tshut suann tshiànn thuah ni bú。」

有人講:「阮阿媽出山倩歌仔戲。」 ū lâng kóng: 「guán a má tshut suann tshiànn kua á hì。」

有人講:「彼無啥稀奇,阮阿公出山弄布袋戲。」 ū lâng kóng: 「he bô siánn hi kî,guán a kang tshut suann lāng pòo tē hì。」

按呢弄龍弄獅嘛可以,啥知啥物是禮儀, án ne lāng lîng lāng sai mā khó í,siánn tsai siánn mih sī lé gî,

古人言:「在生一粒豆,較贏死了拜豬頭。」 kóo lâng giân: 「tsāi senn tsit li̍ p tāu,kah îng sí liáu pái tī tāu。」

人就是人, lâng tō sī lâng,

總是綴時勢佇茫茫,甘願提錢出去弄, tsóng sī thu sî s tī bâng bâng,kam guān the̍h tsînn tshut khì lāng,

來倩白琴哭老爸,無彩老母生咱好喙䫌。 lâi tsiànn pe̍h khîm khàu lāu p ,bô tshái lāu bú senn lán hó tshuì phué。

註:昨昏--昨天。創啥物--做什麼。脫奶舞--脫衣舞。 倩--僱、僱用。喙䫌--臉頰、面頰。

出山的陣頭綴著時代一直佇改變,式場的布條是愈來愈濟, 陣頭是無奇不有,若敢開錢啥嘛有,閣遘遐的攏是做體面的。咱 若在生對序大人較好咧,就免佇出山的陣頭用遐濟的工夫,更加 奇怪有人倩孝女白琴來做場,予做查某囝的綴佇爬,開錢閣受苦, 仙想嘛想袂通,敢講這叫做有孝嗎?

- 29 -


白 鴒鷥 飛向 天

26.新三國

白 鴒鷥 飛向 天

2009/8/6 21:30

sin sann kok

三个囡仔一齣戲,愈演愈重味, sann ê gín á tsit tshù hì,lù ián lù thàng bī,

親像三國佇演義,拍來閣拍去, tsing siùnn sann kok tī ián gī,phá lâi koh phá khì,

總是有人哭佮啼,這是為啥物? tsóng sī ū lâng khàu kah thî,tse sī uī siann mi̍ h?

囡仔戲是無講道理,煞鼓做一時。 gín á hì sī bô kóng tō lí,sua̍h kóo ts tsi̍ t sî。

註:煞鼓--戲劇終了。

有一工,一位中年婦女𤆬著三個年紀接近的囡仔,看著彼陣 囡仔定定會為一寡仔小代誌、抑是耍囡仔物佇相爭、冤家量債, 甚至大聲相罵,予身為老母的婦人人毋知欲如何是好,有經驗的 會趕緊共話題抑是目標轉移,提出應付的辦法,莫予事端繼續擴 大落去,看著這幕的感想,就是寶貴的課程定定攏佇咱的身邊發 生,問題是咱有去學習著無?

- 30 -


白 鴒鷥 飛向 天

白 鴒鷥 飛向 天

27.開學二部曲

2009/9/10 20:30

khai ha̍k nn̄g p o khiok

開學心飛飛,魂未回, khai ha̍k sim pue pue、hûn bī huê,

囡仔人烏白

,凊彩說,

gín á lâng oo pe̍h huê、tshìn tshái sué,

老師若講天伊講地, lāu su na kóng thinn i kóng tē,

認袂清鱟桸佮飯篱, tsím bē tsing hāu hia kah pǹg lē,

像醫生看病、藥方揣, tsiong i sin khuànn pēnn、io̍h hng tshuē,

向望用心做、心通回; ǹg bāng īng sim ts 、sim thang huê;

現代囡仔歹剃頭,有的親像猴, hiàn tāi gín á phái thì thâu,ū á tsing tshiunn kâu,

坐無三分鐘

起來走,閣有挃拄伊較老,

tsē bô sann hun tsing peh khí lâi tsáu,kok ū ti̍ h tuh i khah láu,

挃的人煞佇咧哭,上課猶佇做癮頭, ti̍ h ê lâng suah tī teh khàu,tshiōnn kh iá tī ts giàn thāu,

想欲拍伊驚缺角,敢會一下著變𠢕? siûnn beh phah i kiann khih kak,kám ē tsit e tio̍h piànn gâu?

註:

--輕輕地抹、輕輕地摩擦。凊彩--隨便、不講究、馬馬虎虎。 鱟桸--泛指較大型舀水的杓子。 飯篱--一種用來舀飯去米汁,有篩孔的杓子。 挃拄--淘氣、頑皮,喜歡捉弄別人。歹剃頭--比喻不好對待或處理。 癮頭--形容傻楞楞的樣子。缺角--器物破缺的地方,引伸為缺陷。

現代囡仔歹管教,一支喙㗳㗳霆、無一時閒,講正經的伊聽 無,算有聽嘛是五分鐘爾,一个老師愛學真濟齣頭,一間教室嘛 愛有真濟教具,一睏仔用這,一睏仔用彼,齣頭是盡展,若無猴 山仔會 壁。現在教育提倡「人權」 ,囡仔的一支跤毛攏袂當沐, 實在有夠歹紡,莫怪老師的白頭毛會比一般人較緊發,我真早就 發矣,可能這原故。 - 31 -


白 鴒鷥 飛向 天

28.猴囡仔

白 鴒鷥 飛向 天

2009/10/4 14:23

kâu gín á

一个囡仔真古錐,小學三年毋捌啼, it ê gín á tsin kóo tsui,sió ha̍k sann nî m̄ bat thî,

不時喙仔離離離,定定嘛是笑 gi-gi, put sîtshuì á li li li,tīng tīng mā sī tshi gi gi,

不而過, put jî kò,

逐个同學拄著伊,攏嘛予伊氣半死, ta̍k ê tâng ha̍k tú tio̍h i,lóng mā hōo i khì puànn sí,

倚人身邊膏膏纏,恁若

懸愛細膩,

uá lâng sin pinn ko ko tînn,lín nā peh kuân ài s jī,

下爿共人搖落去,毋管好歹抑生死, ē pîng kā lâng iâu lo̍h khì,m̄ kuán hó phái ia̍h senn sí,

毋知愛耍抑創治,若像十全減二味, m̄ tsai ài sńg ia̍h tsh ng tī,nā tshiūnn si̍ p tsuân kiám nn̄g bī,

叫來問伊啥道理,嘛是一支喙 gi-gi-gi。 kiò lâi mn̄g i siánn tō lí,mā sī tsi̍ t ki tshuìgi gi gi。

註:古錐--可愛;小巧玲瓏,討人歡喜。喙仔離離離—嘴巴開開的。 笑 gi-gi—笑嘻嘻。膏膏纏--胡攪蠻纏。十全減二味—八珍。 創治--捉弄、欺負。

這是一个通去共探討的 囡仔,凡勢是欠缺老母的愛, 伊欲用另外一款方式來表現, 吸引老母對伊的注意,凡勢佮 同學做伙嘛用仝款的方式,看 這款範勢落去,到六年仔的時 陣,可能歹改變,除非伊有覺 醒著,向望上主予伊一點智慧 。

- 32 -


白 鴒鷥 飛向 天

29.三年仔猴

白 鴒鷥 飛向 天 2009/10/07 05:35

sann nî á kâu

可愛緣投小男兒,一工到暗無閒𩑾𩑾, khó ài iân tâu sió lâm jî,tsi̍ t kang kàu àm bô îng tshih tshih,

耍筆心,照鏡賞自己, sńg pit sim,tsiò kiànn siúnn tsū kí,

掠龜仔,送尪仔物予同學奕, lia̍h u á ,sàng ang á mi̍ h hōo tông ha̍k ī,

表友誼,逐家仝款討厭伊, piáu iú gî,ta̍k ke kāng khuán thó ià i,

小丑仔腳,予人弄著受氣, siáu thiú á kioh,hōo lâng lāng tio̍h siū khì,

有時哭哭佇傷悲,有時大唱掠狂詩, ū sî khàu khàu tī siong pi,ū sî tuā tsiùnn lia̍h kông si,

囡仔戲無情理,孔子公走去覕, gín á hìbô tsîng lí,khóng tsú kang tsáu khìbih,

小男兒啊! sió lâm jî a!

當時予人免掛意,緣投仔桑著是你。 tang sî hōo lâng bián khuà ì,iân tâu á sáng tio̍h sī lí。

註:無閒𩑾𩑾--很忙的樣子。腳(kioh)—角色。 尪仔物--玩具。 奕--玩耍、遊戲。覕--躲、藏。掠狂--捉狂。

人講: 「一年仔悾悾,二年仔孫悟空,三年仔吐劍光…」一點 都無毋著,這馬囡仔的個性來自家庭,抑若養成來到學校,欲靠 老師共修正是有限的,若拄著家庭教育這塊老師實在無能為力 的。向望政策的建立,通佇嬰仔出世的時,利用欲做人爸母的衛 生教育,同齊佮「如何教育兒童」的正確觀念教予 才是上好的辦法。

- 33 -

,按呢可能


白 鴒鷥 飛向 天

30.猴囝

白 鴒鷥 飛向 天

2009/10/23 05:00

kâu gín

生著戇囝著煩惱,若生浪子心頭慒, senn tioh kòng gín tio̍h huân ló,na senn làng tshú sim thâu tso,

白賊毋免拍草稿,好䆀袂清玲瑯膏, pe̍h tsak m̄ bián pá tsó kó,hó bái bē tsing ling long kô,

巧囡仔作業無欲做,考試當做是𨑨迌, khiáu gín á s gia̍p bô beh tsò,khó tsìtong ts sī tsit thô,

這款囡仔命底薄,環境無好欠人褒, tsit khuán gín á miâ té po̍h,huân kíng bô hó khiàm lâng po,

僥倖家庭較狼狽,爸母放伊浪子回 hiau hīng ka ting khah long pu ,pè bú pàng i lòng tsú huê

欲做狀元著栽培,較免落魄佇落衰。 beh ts tsiōng guan tio̍h tsai puê,khah bián loh phik tī la̍k sue。

註:戇--笨、傻。慒--心煩意亂、心中或胸口氣悶不順像針刺般難受。 玲瑯膏—兜圈子。僥倖--表可憐、惋惜、遺憾。

接頂一篇囡仔的個性來自家庭,若無定性落來,向望來到 學校予老師修正彼是有限的,尤其是爸母的觀念若無和老師一 致,佇學校都好好,轉到 厝裡就變形,老師做的無 彩工,若施到高年級的時 陣,症頭是愈來愈嚴重, 尤其爸母較無關愛的囡仔 ,彼種狀況更加予人毋敢 去想啦!

- 34 -


白 鴒鷥 飛向 天

31.無教示

白 鴒鷥 飛向 天 2009/12/13 18:00

bô kà sī

自強號當咧開,兩个囡仔結做堆, tsū kiông hō tng leh khui,nn̄g ê gín á kiat tsò tui,

耍椅仔相逐起臭屁,是啥對

較克虧,

sńg í á sio jik khítshàu phuì,sī siánn tuì in khah khik khui,

由在囡仔烏白擼,老爸只顧檳榔哺, iû tsāi gín á oo pe̍h lóo,lāu pē tsí kòo pin nn̂g pōo,

上無安全嘛愛顧,按怎教囝無撇步。 siōng bô an tsuân mā ài k o,án tsuánn kà gín bô phiat pōo。

註:克虧--可憐、委屈。撇步--好方法、捷徑。哺--嚼、咀嚼。撸--搖擺。

有一工對花蓮坐自強號回頭城,看見一个中年人𤆬二个囡仔 上車,當伊坐落來了後,大人干焦顧家己哺檳榔,二个囡仔煞汰 管

,由在

烏白走、烏白擼,予人看甲提心吊膽,萬一若有按

怎是啥人欲負責,為啥物有遮爾放會開的老爸呢?敢無聽人佇講 「細漢若無雕,大漢熨袂曲。」怎毋驚囡仔大漢走去到伊的頭殼 頂漩尿呢?祈求身為爸母的人,恁會使擔一點責任咧。

- 35 -


白 鴒鷥 飛向 天

32.好命囝歹成人

白 鴒鷥 飛向 天 2009/12/5 19:00

hó miā kiánn phái tsiânn lâng

榕仔籽落佇岩石縫,凍露承水才大欉, tshîng á tsí lak tī gâm tsio̍ phāng,tàng lōo sîn tsuí tsiah tuā tsâng,

囡仔成長嘛相仝,無磨無練僫成人。 gín á sîng tiáng mā si nn kāng,bô buâ bô liān oh tsiânn lāng。

註:縫--空隙。凍露--承接露水,接受露水滋潤。承水--接水。 相仝--同樣、相像。僫--困難、不容易。

佇海邊的大岩石頂,發一欉榕仔樹,詳細共看是發佇石縫底, 予咱知影植物的性命力有偌強,只要有一屑仔通生存的縫,伊著 會使成長,佇想咱人是毋是嘛愛經過這款的磨練,才有法度承受 環境壓力,反倒轉來通去克服環境,變成較有承擔的人。

- 36 -


白 鴒鷥 飛向 天

33.惜福一

白 鴒鷥 飛向 天 2008/12/29 13:26

sioh hok it

有目通看萬物形,有耳通聽眾生鳴, ̍k th ng kh ànn

n

̍t hîng,

hīnn th ng thi nn tsiòng senn îng,

有感通受世間情,有福愛惜天地靈。 kám th ng si

sè k n tsîng,

h k hài si h thinn tē lîng。

一个人有感恩的心,才有滿足的情,嘛才有知福惜福的理智,按 呢通予人生行出一條較無私的路,咱就借著惜福出發吧!對咱四 周邊的人去疼惜,對咱身邊的物件去節用,這敢毋是上好的環保 概念,嘛予咱享受著世間情,恁講是毋是。

- 37 -


白 鴒鷥 飛向 天

34.惜福二

白 鴒鷥 飛向 天 2009/12/13 18:00

sioh hok jī

午餐苦瓜哀苦味,囡仔毋食㧒一邊, gōo tshan khóo kue ai khóo bī,gín á m̄ tsia̍h hiat tsi̍ t pinn,

較早滴汗一粒米,落落抾起窒喙裡。 khah tsá tih kuānn tsi̍ t li̍ p bí,lak loh khioh khí that tshuìnih。

註:㧒--丟棄、亂扔。拈--用手指輕輕地取物。

現代囡仔真好命,毋知無通食艱苦的滋味,而且佇厝裡無穡 頭通做閣揀食,像苦瓜、大粒蔥頭佮「青椒」等攏無啥愛食,上 愛食是烰的,毋知啥想法,雖然生活較富裕,愛知佇非洲有人用 土丸做飯拈,就是食土過日子,向望喚醒現代囡仔愛有「一粒米, 一粒汗」的感念,毋通討債用,俗語講:「儉的,較有底。」

- 38 -


白 鴒鷥 飛向 天

35.彼个破病的囡仔

白 鴒鷥 飛向 天 2010/6/5 07:50

hit ê phuà pēnn ê gín á

囡仔破病毋知苦,爸母謹慎來照顧, gín á phuà pēnn m̄ tsai khóo,pē bú kín sīn lâi tsiàu k o,

頭等病床抑是二等鋪,學保全部有補助, tâu ting pēnn sn̂g ia̍h sī jī ting phoo,ha̍k pó tsuân pōo ū póo tsōo,

大人破病著艱苦,一般病房家己顧, tuā lâng phuà pēnn tio̍h kan khóo,it puann pēnn pang ka kí k o,

有保險蹛二等鋪,頭等病床好額租, ū pó hiám tuà jī ting phoo,tâu ting pēnn sn̂g hó gia̍h tsoo,

破病囡仔真正魯,四秀仔飲料烏白餬, phuà pēnn gín á tsin tsiànn lóo,sì siù á in liāu oo pe̍h hôo,

勸伊毋聽了腸肚,生活佇過較糊塗。 khǹg i m̄ thiann liáu tn̂g tōo,sing ua̍h tī ku khah hôo thôo。

註:學保--學生平安保險。蹛—過夜。魯--粗糙、簡陋,不精緻的樣子。 餬--貪吃。了腸肚--白費心思。

看到一个定定破病的囡仔,予每一个做伊老師的人看甲毋甘,有 喙講甲無瀾的苦勸,勸伊莫啉遐爾濟飲料,換加啉一屑仔滾水, 囡仔人一點仔嘛無 信篤,伊仝款啉伊的,橫 直破病蹛院免開錢,閣通 蹛上好的病房,我是佇講 氣話。若大人破病,會省 著儘量省,這種制度毋知 怎樣講較好?佳哉佇一百 學年度學保的這種優待就 己經取消了。

- 39 -


白 鴒鷥 飛向 天

36.一代一代舞

白 鴒鷥 飛向 天 2010/6/6 15:50

tsi̍ t tāi tsi̍ t tāi bú

囡仔哠哠哮,上愛是電腦, gín á khok khok háu,siōng ài sī tiān náu,

電動伊上𠢕,作業攏用抄; tiān tong i siōng gâu,ts gia̍p long īng tshau,

囡仔豚𧿳𧿳跳,不時手機仔攑牢牢, gín á thûn phu̍t phu̍t thiàu,put sîtshiú ki á gia̍h tiâu tiâu,

講手機仔嘛上逍遙,無嘛簡訊一直飊; kóng tshiú ki á mā siōng siau iâu,bô mā 簡訊 it ti̍ t phiau,

少年戇大呆,袂趁著先開, siáu nî gong tuā tai,bē thàn tio̍h sing khai,

開車佇囂俳,分期付錢財; khui tshia tī hiau pai,hun kîhù tsînn tsâi,

少年展氣慨,家己蹛較自在, siáu nî tián khìkhài,ka kí tuà khah tsū tsāi,

買厝銀行貸,十五年受害; bé tshù gîn hang tāi,tsa̍p gōo nî siū hāi;

老人守家園,田地驚予荒, lāu lâng siú ka hn̂g,kiann tshân kiann hōo hng,

囡仔啊!當時通莫耍,免予序大掛心腸。 gín á a!tang sî thang mài sńg,bián hōo sī tuā kuà sim tn̂g。

註:哠哠哮—哭鬧不止。𧿳𧿳跳--活蹦亂跳、充滿生氣。飊—傳遞不停。 囂俳--囂張。掛腸—操煩。

一代有一代的想法,無法度互相了解,就會產生人講「代溝」 的現象,尤其佇今仔這款時代,資訊發達佮引誘真大的社會,這 款現象可能會愈來愈嚴重,衝突是真歹避免的,咱這輩可能愛做 好心裡準備,以免傷害傷過大。

- 40 -


白 鴒鷥 飛向 天

37.揣「媽咪」

白 鴒鷥 飛向 天 2011/4/21 08:50

tshuē「媽咪」

囡仔古錐真可愛,對三樓

起來,

gín á kóo tsui tsin khó ài,uì sann lâu peh khílâi,

欲揣「媽咪」這款代,啥兜女兒無人愛, beh tshuē 「媽咪」tsit khuán tāi,siánn tau lú jîbô lâng ài,

放伊流浪病院內,予阿桑𤆬去服務台, pang i liû long pēnn īnn lāi,hōo a sang tshuā khì ho̍k bū tāi,

心狂老母著共揌,大聲罵伊不應該, sim kông lāu bú tio̍h kā sai,tāi siann mē i put ing kai,

爸母啊! pē bú a!

三歲囡仔猶孝呆,若無囡仔是天才, sann huè gín á iáu hàu tai,nā bô gín á sī thian tshâi,

會揣爸母就袂䆀,揌落彼著較失態。 ē tshuē pē bú tō bē bái,sai lo̍h he tio̍h khah sit thāi,

註:

--爬。攀登。兜--家、居住所。攀登。揣(tshuē/tshē)—尋找。 𤆬--帶領、引導。揌(sai)—打耳光。孝呆(hà -tai)—愚蠢、癡呆。

爸母對囡仔的教育態度,我咧想有真濟人是無合格的,咱只 要求小學老師佇教學的時 陣,用法令去要求

愛教

啥物,可惜無要求一个生 囡仔的爸母,愛按怎去教 囝,愛教啥物,這是毋是 有淡薄怪奇呢?

- 41 -


白 鴒鷥 飛向 天

38.畢業

白 鴒鷥 飛向 天 2011/05/20 13:52

pit gia̍p

行過六年的跤跡,阮只完成頭一个階段爾, kiânn ku la̍k nî ê kha tsiah,gún tsí uân sîng tâu it ê kai tuānn niā,

過去的拍拚,未來更加拚命, kuè khì ê phá piànn,bī lâi kinn ka piànn miā,

佇驪歌聲中,阮欲向老師講多謝, tī li kua siann tiong,gún beh hi ng lāu su kóng to siā,

感謝老師 每頓中晝的陪伴, kám siā lāu su

muí tǹg tiong tàu ê puê phuānn,

感謝老師 功課用心共阮判, kám siā lāu su

kong kh īng sim kā gún phuànn,

感謝老師 教導是無惜喙瀾, kám siā lāu su

kàu tō sī bô sioh tshuì nuā,

今欲離開心內毋知按怎, tann beh li khui sim lāi m̄ tsāi án tsuánn,

親像有足濟難捨的詩歌欲彈, tshin tshiūnn ū tsiok tsé lân siá ê si kua beh tuânn,

請恁等彼工來聽,請恁等彼工來看。 tshiánn lín tán hit kang lâi thiann,tshiánn lín tán hit kang lâi khuànn。

註:跤--腿、足。喙瀾—口水。

佇 99 學年畢業生的邀請函中所寫這首畢業,我是用 98 年一 首改寫的,是佇吳主任的邀稿櫼出的,向望每一个畢業生懷著感 恩的心,感激六年來有教過

的老師,嘛通予典禮彼工做主角的

愛表現出應該有的表現。

- 42 -


白 鴒鷥 飛向 天

39.一雙木屐

白 鴒鷥 飛向 天 2008/05/03 15:01

it siang ba̍k kia̍h

木屐一雙雙,創意千萬千, ba̍k kia̍h tsi̍ t siang siang,tshòng ì tshian bān tshian,

博物館來落成,白米甕的變遷, phok bu̍t kuán lâi lo̍k sîng,pe̍h bí ng ê piàn tshian,

在地營造來思量,商機起勢是造緣, tsāi tē îng tsh lâi su niû,siang ki khí sì sī tshò iân,

予人看著動感情,一雙木屐相牽連。 hōo lâng khuànn tio̍h tāng kám tsîng,tsi̍ t siang ba̍k kia̍h sio khan liân。 註:木屐--以木材為底,上面釘有帶子的日式拖鞋。白米甕—指蘇澳白米社區。

白米社區位佇宜蘭蘇澳的所在,是一个營造真成功的社區, 用做木屐的傳統產業,成功轉型第三類的觀光產業,成為社區營 造的模範,嘛是觀摩的第一選擇,伊營造了社區的空間,嘛營造 了社區民眾的心,咱朋友有閒招招咧,來去行行看覓咧,看一雙 木屐通牽出偌濟的故事、偌濟感情……

- 43 -


白 鴒鷥 飛向 天

40.鴨仔全是寶

白 鴒鷥 飛向 天 2008/05/02 08:53

ah á tsuân sī pó

飼鴨技術有成果,趕鴨逃冬已經無, tshī ah kī su̍t ū sing kó,kuánn ah tô tang í king bô,

閣講鴨身全是寶,室內養飼量提高, kok kóng ah sin tsuân sī pó,sik lāi ióng tshī liōng thê ko,

鴨賞鹹卵配糜好,烘鴨皮蛋食𨑨迌, ah siúnn kiâm nn̄g phu muâi hó,hang ah phî tàn tsia̍h tshit thô,

鴨肝食材人呵咾,鴨毛保溫上可靠。 ah kuann si̍ t tsâi lâng o ló,ah mô pó un siōng khó kh 。 註:逃冬--指鴨農在每年冬天稻田收割後,將鴨群趕入稻田中,任其遊走啄食收 割時後掉落之稻穗或雜糧過冬。 烘鴨--燒鴨。鴨賞--鴨的醃漬品。鹹卵--鹹鴨蛋。呵咾--讚美、表揚。

參觀宜蘭五結養鴨試驗所的感想,是看著飼鴨方式的改變,今 和以前的無仝,認捌鴨的「附加價值」 ,鴨卵通做「皮蛋」 、鹹卵, 鴨肉通做鴨賞、「烤鴨」,鴨肝是「鵝肝醬」的食材,鴨毛是羽絨 衣、被的材料,閣有鴨頭、鴨跤、鴨舌等食的食(si̍t)材,想袂到鴨 仔歸身軀攏總是寶,足神奇啦!

- 44 -


白 鴒鷥 飛向 天

41.三月花當開

白 鴒鷥 飛向 天 2008/3/16 13:10

sann ge̍h hue tng khui

三月校園全花蕊,春風招日像掖肥, sann ge̍h hāu hn̂g tsuân hue luí,tshun hong tsio jit tshiūnn iā puî,

五彩杜鵑伊上媠,鳳仙笑甲喙開開。 gōo tshái tōo kuan i siāng suí,hōng sian tshi kah tshuì khui khui。

註:掖--撒。鳳仙--鳳仙花。

春天若來草木漸漸佇開花,迎接燒烙的日頭,春風若親像肥 料掖落來,予佇校園底的百花盛開,這款的情景實在有夠媠矣, 有時去公園嘛看會到,愛會記得春天若到,咱就跤步放較慢一屑 仔,斟酌觀察身邊的花草,嘛通予心情放鬆一下。

- 45 -


白 鴒鷥 飛向 天

42.縛孤棧

白 鴒鷥 飛向 天 2008/09/03 08:20

pa̍k koo tshián

棚仔跤一陣人,全里齊振動, pênn á kha tsi̍ t tīn lâng,tsuân lí tsiâu tín tang,

少年毋敢愣,有老輩佇監工, siáu liân m̄ kánn gāng,ū lāu puè tī kàm kang,

中央亞鐵箍十字 hòo,棧身十六箍, ting ng à thih koo si̍ p jī hòo,tshián sin tsa̍p la̍k koo,

中心佮兩支杉仔箍,棧殼竹管縛十六股, ting sim kah nn̄g ki sam á koo,tshián khak tik kóng pa̍k tsa̍p la̍k kóo,

四角頭內底勢擱加佮一支杉仔箍, sì kak thâu lāi té sì koh ka kah tsi̍ t ki sam á koo,

棧尾三箍好收束, tshián bué sann koo hó siu sok,

閣來竹仔尾插中央,藤箍做好著共穿, koh lâi tik á bué tshah ting ng,tîn koo tsò hó tio̍h kā tshng,

祭品棧味面頂裝,紅布條安貼著齊全。 ts phín tshián bī bīn ting tsng,âng pòo liâu an tah tio̍h tsê tsn̂g。

註:棚--篷架。愣--失神、發呆。十字 hòo—十字交叉。佮--附帶。拴--綁緊。

宜蘭頭城便若搶孤的時陣,附近的八大庄,七月初籌備煞了 後,八个里開始準備縳孤棧 的材料,親像藤、塑膠條、 刺竹佮杉仔箍等,一等到月 底的前一禮拜,佇庄頭的活 動中心搭棚縳孤棧,動員全 里的查埔人,來完成這年的 盛事--搶孤。

- 46 -


白 鴒鷥 飛向 天

43.搶孤

白 鴒鷥 飛向 天

2008/9/18 10:20

tshiúnn koo

七月二九欲搶孤,各里孤棧縛堅固, tshit ge̍h jī káu beh tshiúnn koo,kok lí koo tshián pa̍k kian k o,

上了孤棚通普渡,孤魂野鬼好上路, tsiūnn liáu koo pênn thong phóo tōo,koo hûn iá kuí hó tsiūnn lōo,

搶孤風俗袂粗魯,團隊精神展撇步, tshiúnn koo hong sio̍k bē tshoo lóo,thuân tuī tsing sîn tián phiat pōo,

看佗一隊訓練有素,搶孤的人像猴狐, khuànn tó tsi̍ t tuī hùn liān iú s o,tshiúnn koo ê lâng tshiūnn kâu hôo,

規身拌甲烏烏烏,為順風旗佇食苦, kui sin puān kah oo oo oo,uī sūn hong kî tī tsia̍h khóo,

彼年外勞上威風,一人出馬著成功, hit nî guā lô tsiūnn ui hong,tsi̍ t lâng tshut má tiōh sing kong,

順風旗得手無話講,獎品轎車雙手捧, sūn hong kî tit tshiú bô uē kóng,tsióng phín kiau tshia siang siú phóng,

會使講 ē sái kóng

欲看孤棧動,子時人𤲍人, beh khuànn koo tshián tāng,tsú sî lâng kheh lâng,

千人萬眼望,輸贏一屑仔工。 tshian lâng bān gán bāng,su iânn tsi̍ t sut á kang。

註:孤棧—指周圍繫上雞、鴨、豬肉、肉粽、魷魚、米粉、蝦、紅蟳等祭品, 頂端則是各式金牌和一面「順風旗」。𤲍--擠。

這是彼年奇事,搶孤本是團隊合作的表現,但是去予一个外 勞搶盡光彩,真是罕有。 這項搶孤的風俗,慢慢成為頭城一項重要的活動,有豐富的 獎品以外,嘛帶動里民的參與感,佮鎮內觀光的人潮,對經濟會 使講不止仔有幫助。可惜搶孤用的經費袂少,有時會停辦的現象 產生,無法度予民眾逐年看會到。

- 47 -


白 鴒鷥 飛向 天

44.路樹

白 鴒鷥 飛向 天 2009/03/12 15:10

lōo tshiū

一欉樹仔徛路邊,看著機車四界覕, tsi̍ t tsâng tshiū á khiā lōo pinn,khuànn tio̍h ki tshia sì k bih`,

聽著汽車一直吱,予阮笑伊無趣味; thiann tio̍h khì tshia it ti̍ t ki,hōo guán tshi i bô tshù bī,

一欉樹仔徛路邊,看人佇受氣, tsi̍ t tsâng tshiū á khiā lōo pinn,khuànn lâng tī siū khì,

看著勾頭仔佇挖伊,毋知為啥物? khuànn tio̍h kau thâu á tī óo i,m̄ tsai uī siánn mi̍ h?

路燈嘛看甲燁燁爍; lōo ting mā khuànn kah ia̍p ia̍p sih;

一欉樹仔徛路邊, tsi̍ t tsâng tshiū á khiā lōo pinn,

毋知欲徛甲啥年紀? m̄ tsai beh khiā kah siánn nî kí?

是毋是愛等甲樹跤滿樹籽,抑是風颱吹倒伊。 sī m̄ sī ài tán kah tshiū kha buán tshiū tsí,ia̍h sī hong thai tshue t i。

註:覕--躲、藏。吱--以尖細刺耳的聲音喊叫。受氣--生氣、發怒。 燁燁爍--一閃一閃。樹籽--種子。

人為著美化馬路的需求, 會去種一寡樹仔,可惜有時陣 為了銷經費的關係,就開始挖 挖咧、種種咧,親像有錢無咧 開,藉著綠化美化的名,完全 毋管樹的死活,若掠準你是樹 仔會有啥感想?

- 48 -


白 鴒鷥 飛向 天

45.欲過年

白 鴒鷥 飛向 天 2009/01/29 10:23

beh kuè nî

彼隻雞一直啼,佇透早叫人醒, hit tsiah ke tsi̍ t ti̍ t thî,tī thàu tsá kiò lâng tshínn,

來報今日好天氣,為何佇床

袂起;

lâi pò kin jit hó thin khì,uī hô tī tshn̂g peh bē khí;

欲過年心提醒,摒內面予清氣, beh kuè nî sim thê tshínn,piànn lāi bīn hōo tshing khì,

向望一家通團圓,大細做伙真歡喜。 ǹg bāng tsi̍ t ke thang thuân înn,tuā s ts hué tsin huann hí。

註:袂--不。大細—大小。

便若歇寒的時陣,就欲接近過年,若每擺過年攏會無閒摒掃, 彼年天氣袂䆀,我佇想欲好好利用歇寒摒掃一下,連紲摒幾工落 來有淡薄忝,人煞佇想懶,想講䆀䆀嘛過一年,遐爾辛苦創啥物? 心內是按呢想,隔轉工精醒

起來嘛是閣繼續做,摒共完為止,

人講「歡喜做、甘願受」 ,向望新的一年清清氣氣,過一个好年參 「萬象更新」一下。

- 49 -


白 鴒鷥 飛向 天

46.性命的熱情

白 鴒鷥 飛向 天 2008/09/26 13:53

s nn miā ê jia̍t tsîng

雖然你我無仝的年紀, sui jiân lí guá bô kāng ê nî kí,

但是攏捌過囡仔時, tān sī lóng bat kuè gín á sî,

毋管彼時是啥滋味, m̄ kuán hit sî sī siánn tsu bī,

哭起來總是目屎掰袂離, khàu khí lâi tsóng sī ba̍k sái pué bē li,

愛哭有時是咱名字; ài khàu ū sî sī lán miâ jī;

雖然你我無仝的年紀, sui jiân lí guá bô kāng ê nî kí,

但是攏予命運來創治, tān sī lóng hōo miā ūn lâi tshong tī,

毋管彼時的酸甘苦澀味, m̄ kuán hit sî ê sng kam khóo siap bī,

一路嘛是蹽落去, tsi̍ t lōo mā sī liâu lo̍h khì,

失敗只是一時的不如意; sit pāi tsí sī tsi̍ t sî ê put jû ì;

雖然你我無仝的年齡, sui jiân lí guá bô kāng ê nî lîng,

猶有無仝的個性, iáu ū bô kāng ê k sing,

但是咱有理想的熱情, tān sī lán ū lí sióng ê jia̍t tsîng,

向望獻出熱情的榮幸, ǹg bāng hiàn tshut jia̍t tsîng ê îng hīng,

- 50 -


白 鴒鷥 飛向 天

白 鴒鷥 飛向 天

行出多姿多采的一生。 kiânn tshut to tsu to tshái ê it sing。

註:掰--撥、拂。創治--捉弄、欺負。蹽--深入參與一件事情。

人對細漢到大漢攏愛經過真濟的考驗,毋管結果如何,總是 愛去面對的,重要是愛有能力去反省自己的行為,參體會性命存 在的熱情,哪會使放性命平凡流過呢?愛共伊的光采發揮的出 來,按呢的人生才袂白行一逝,向望每一个人攏會當行出伊多姿 多采的一生。

- 51 -


白 鴒鷥 飛向 天

47.狗相吠

白 鴒鷥 飛向 天

2008/5/8 20:19

káu sio puī

兩隻狗門口吠,一陣人佇遐圍, nn̄g tsiah káu mn̂g kháu puī,tsi̍ t tīn lâng tī hia uî,

看狗佇相吠,眾人議論全喙水, khuànn káu tī siōng puī,tsi ng lâng gī lûn tsuân tshuìtsuí,

主人出來為,驚有人受連累, tsú lâng tshut lâi uī,kiann ū lâng siū liân luí,

狗閣一直吠,看來濟狗較臭屁, káu kok it ti̍ t puī,khuànn lâi tsé káu khah tshàu phuì,

吠啊!吠,吠甲伊出氣, puī a!puī,puī kah i tshut khuì,

無分輸贏閣再追。 bô hun su îng kok tsài tui。

註:吠—狗叫。喙水—口才,比喻口沫橫飛。為(uī)--維護、袒護。

學校有飼兩隻狗(習稱校狗),有一工外口走來另外一隻狗, 傱入

的地頭,去予學校底這兩隻狗共吠,若只要這隻狗無離開,

毋管啥叫攏無路用,閣講狗就是狗,一定愛共「犀牛仔照角」一 下,才會放伊煞,若親像無分輸贏毋甘願,人嘛相仝咧,只是用 的手段無仝爾爾。

- 52 -


白 鴒鷥 飛向 天

48.啥罪過

白 鴒鷥 飛向 天 2009/05/15 08:46

siánn tsuē k

古早子不教父之過,如今老爸外口趖, kóo tsá tsú put kà hú tsi kò,jû kin lāu pē guā kháu sô,

按呢子不教啥之過,老母講伊欲如何, án ne tsú put kà siánn tsi kò,lāu bú kóng i bē jú hô,

雖然

袂枵腹肚,毋過學習停跤步,

sui jiân in bē iau pak tóo,m̄ k ha̍k si̍ p thing kha pōo,

老爸喝無辜,老母講無法度, lāu pē huah bû koo,lāu bú kóng bô huat tōo,

教育問題毋去顧,以後家庭全頭路。 kàu io̍k būn tê m̄ khì k o,í āu ka tîng tsuân thâu lōo。

註:趖--閒蕩、遊蕩。枵--餓。腹肚--肚子。

佇轉型的社會有真濟問題會產生,人的角色嘛會慢慢亂去, 就是按呢家庭的教育愛去加強,現此時外配人口漸漸增加,家庭 問題會沓沓出現,是毋是愛趕緊去協助佮指導

,社會的問題較

會得到解決,若無到時陣有影會「無米,就愛煮蕃薯湯」囉!

- 53 -


白 鴒鷥 飛向 天

49.狗仔的故事一

白 鴒鷥 飛向 天 2011/3/30 20:30

káu á ê k o sū it

狗仔生活佇曠野,一隻兩隻一陣行, káu á senn ua̍h tī kh ng iá, tsi̍ t tsiah nn̄g tsiah tsi̍ t tīn kiânn,

怎樣無人來認領,老的囡仔會著驚, tsuánn iūnn bô lâng lâi jīn niá,lāu ê gín á ē tio̍h kiann,

這款野狗仔新問題,當時咱人才體會, tsit khuán iá káu á sin būn tê,tang sî lán lâng tsiah thé huē,

為何欲飼像寶貝,無愛路邊烏白下, uī hô beh tshī tshiūnn pó pu ,bô ài lōo pinn oo pe̍h hē,

毋知咱人想啥貨,愛飼少年占較濟, m̄ tsai lán lâng siūnn siánn hu ,ài tshī siáu nî tsiàm khah ts ,

家己佇咧袂得過,按怎飼狗佮伊陪, ka kī tī leh bē tit kuè,án tsuánn tshī káu kah i puê,

讀冊畢業做伊走,囥狗佇人門跤兜, tha̍k tsheh pit gia̍p tsò i tsáu,khǹg káu tī lâng mn̂g kha tau,

歹運的變成流浪狗,好運的狗予人留。 phái ūn ê piàn sing liû long káu,hó ūn ê káu hōo lâng lâu。

註:下--放置、加進去。囥--放入。啥貨--什麼、什麼東西。濟--多。

流浪狗的問題是那來那嚴重,本底看著是一兩隻,今看著是 規陣,害得老的出門愛紮拐仔,囡仔出門著愛細膩,凡勢隨時會 去予狗咬,尤其佇庄跤所在的大學邊,遐的學生有的興飼狗,畢 業了後狗仔著路邊放(pàng) , 抑是囥(khǹg)佇人的門口,掠 準按呢就無代誌,無人知影伊 就是造成流浪狗的凶手。看範 勢飼「寵物」是愛教育的,愛 有「認識性命、愛惜性命」的 課程,去養成對性命的尊重, 改掉烏白放生的歹習慣。

- 54 -


白 鴒鷥 飛向 天

50.狗仔的故事二

白 鴒鷥 飛向 天 2011/3/30 15:50

káu á ê k o sūjī

一隻狗仔走來到,校園兩隻前後包, tsi̍ t tsiah káu á tsáu lâi kàu,hāu hn̂g nn̄g tsiah tsîng hāu pau,

逐伊袂使入內頭,彼隻認份外口候, jik i bē sái ji̍ p lāi thâu,hit tsiah jīn hūn guā kháu hāu,

通食定定車跤過,不時走予兩隻揣, thang tsia̍h tiānn tiānn tshia kha kuè,put sî tsáu hōo nn̄g tsiah tshuē,

三隻漸漸無怨慼,烏白小花頭免犁, sann tsiah tsiām tsiām bô uàn tsheh,oo pe̍h 小花 thâu bián luê,

光景無久著狗災,小花著心絲蟲病, kong king bô kú tio̍h káu tse,小花 tio̍h sim si thâng pēnn,

三工硬身命歸西,小黃嘛佇喘 phî 怦, sann kang ngē sin miā kui se,小黃 mā tī tshuán phî phēnn,

吳老師親像娘嬭,去看獸醫有較硩, gôo lāu su tshin tshiūnn niû lé,khì khuànn siù i ū khah the,

共飼雞精補身體,性命教育通體會, kā tshī ke tsing póo sin thé,s nn miā kàu io̍k thang thé huē,

小黑憂愁失同伴,放伊一隻佇孤單, 小黑 iu tshiû sit tong phuānn,pàng i tsi̍ t tsiah tī koo tuann,

小花埋佇後壁山,害著總務流濟汗, 小花 tâi tī hāu piah suann,hāi tio̍h tsóng bū lâu tsé kuānn,

向望狗災莫閣湠,上無小黑留做伴, ǹg bang káu tsai mài koh thuànn,siōng bô 小黑 lâu ts phuānn,

狗的故事有這段,寫出分享予恁看。 káu ê k o sū ū tsi̍ t tuānn,siá tshut hun hióng hōo lín khuànn。

三隻狗小朋友共伊叫做小黑(喙黑,毛草是咖啡色的)、小黃(全身的毛草是土 黃色的)佮小花(毛草是黑色較濟,跤底佮胸前透一撮白的)。 註:逐(jiok/lip)—追趕。喘 phî 怦--喘得很厲害。怨慼( àn-tsheh)—怨恨。 硩(theh)--以壓下來表示止、降等。娘嬭(niû-lé)—母親、媽媽。湠--傳染。

- 55 -


白 鴒鷥 飛向 天

白 鴒鷥 飛向 天

狗佇做伙嘛真心適,學校彼兩隻看見另外一隻狗傱入來,兩 隻前後包抄,逐甲彼隻狗四界覕,後來只有覕佇車跤,等時間一 下久,沓沓仔煞無共逐,可能是吳老師順紲共飼的緣故,三隻煞 會使鬥陣做伙。不過和睦的情景無偌久著消失去, 「小花」致著心 絲蟲病 phî 怦喘倒佇塗跤兜,無三工就往生去,死了後工友和總 務主任共伊埋佇後壁山,隔轉工換小乖嘛著,害吳老師真緊張, 心絲蟲病的致死率真懸,好哩佳哉!「小乖」的性命佇吳老師寬 寬仔照護下活倒轉來,如今這 2 隻相逐的形影,猶閣佇校園繼續 扮演落去,嘛予小朋友加一點話題……

- 56 -


白 鴒鷥 飛向 天

51.地下室的彼隻貓

白 鴒鷥 飛向 天 2008/10/16 07:40

tē hā sit ê hit tsiah niau

地下室的彼隻貓,佇遐生活真逍遙, tē hā sit ê hit tsiah niau,tī hia sing ua̍h tsin siau iâu,

逐工跍著舐脚爪,為何毋驚腹肚枵, ta̍k kang khû tio̍h tsī kha jiáu,uī hô m̄ kiann pak tóo iau,

阮是奔波為飯碗,毋敢一箍激散散, guán sī phun po uī pn̄g uánn,m̄ kánn tsi̍ t koo kik suànn suànn,

實在無本錢去貧惰,上無嘛愛做予頂司看, si̍ t tsāi bô pún tsînn khì pîn tuānn,siōng bô mā ài ts hōo ting si khuànn,

貓啊!敢餓你著閒,若阮某囝餓代先, niau a!kánn gō lí tio̍h îng,nā guán bóo kiánn gō tāi sing,

貓啊!敢死你上猛,予你笑阮無路用。 niau a!kánn sí lí siōng bíng,hōo lí tshi guán bô lōo īng。

註:跍著--蹲著。舐--舔。用舌頭表面舔取東西。激散散--裝懶散。 貧惰--懶惰。代先--第一個。無路用--沒有用、不中用。

宜蘭羅東國小地下停車場,我便若入去停車的時陣,定定看 著一隻貓仔惦惦跍佇遐,舐著伊的跤爪,閣足自在的行來行去, 無去予出出入入的車驚著 ,有夠逍遙自在。佮阮比 較起來,是完全無仝的, 阮是為著飯碗佇拍拚,佮 為著家庭佇流汗,人佇講 :「做一工和尚,愛摃一 工的鐘矣。」是難免有工 作上的壓力,咱每一个人 攏需要勉勵一下,來吧! 加油……

- 57 -


白 鴒鷥 飛向 天

52.一盤蕹菜

白 鴒鷥 飛向 天 2008/10/03 08:00

tsi̍ t puânn ìng tshài

蕹菜本底著空心,一盤蕹菜來凊心, ìng tshài pún té tio̍h khang sim,tsi̍ t puânn ìng tshài lâi tshìng sim,

風颱過了伊是金,啥人體諒菜農心。 hong thai ku liáu i sī kim,siánn lâng thé liāng tshài long sim。

註:蕹菜--空心菜。凊心--寒心、灰心。

2008 彼一年風颱過了後,菜價一工比一工閣較貴,欲食青菜 是有淡薄難,尤其對辦午餐的學校來講,菜錢是真大的壓力。會 記得有一工,三項菜當中,只有一盤蕹菜,彼陣一斤蕹菜起到四、 五拾箍,其他的菜閣較貴,就是按呢才無攢其他的青菜,予食「蔬 食」的幹事配,嘛予伊凊心了一頓,自彼一工了後,伊就家己紮 便當囉!

- 58 -


白 鴒鷥 飛向 天

53.歹時機

白 鴒鷥 飛向 天 2008/10/06 07:59

phái sî ki

時機䆀䆀,萬事閣無凊彩, sîki bái bái,bān sū koh bô tshìng tshái,

上無出門有車通駛, siōng bô tshut mn̂g ū tshia thang sái,

經濟講無通好,共手機仔敲𨑨迌, king tsé kóng bô thang hó, kā tshiú ki á khà tshit thô,

閣講電錢烏白翸,閒閒電視著罔捘, koh kóng tiān tsînn oo pe̍h phún,îng îng tiān sītio̍h bóng tsūn,

日子歹齊勻,無嘛政府補助加減忖, ji̍ t tsí phái tsiâu ûn,bô mā tsìng hú póo tsōo ke kiám tshún,

啊!景氣䆀,人心閣較歹。 a!kíng khì bái,jîn sim koh khah phái。

註:䆀--不好。凊彩--隨便、不講究、馬馬虎虎。敲--擊、叩。翸--踐踏。 罔捘--姑且旋轉。齊勻--均勻、平均。

現此時處處攏佇推廣環保,講啥物「節能減碳」 ,毋過咱規身 軀的配備是有加無減,毋是轎車就是機車,無嘛手機仔、「筆電」 紮佇身邊,佇未來有 可能愛閣加一項「平 板電腦」,趁無食是 無要緊,上無愛會曉 去請政府的補助,通 予生活罔過、罔度, 毋通以後我嘛按呢就 殘啦!

- 59 -


白 鴒鷥 飛向 天

54.序大的交代

白 鴒鷥 飛向 天 2008/10/12 20:47

sī tuā ê kau tāi

阮囝做事較懂嚇,出門阮著頭殼疼, guán kiánn ts sū khah tang hiannh,tshut mn̂g guan tio̍h thâu khak thiànn,

家私落勾一兩件,斡頭叫爸幾落聲, ke si làu kau tsi̍ t nn̄g kiānn,ua̍t tâu ki pâ kuí lo̍k siann,

趕緊攢來救你囝,較免漏氣現空營, kuánn kín tshuân lâi kiù lí kiánn,khah bián lāu khuì hiàn khang iânn,

勸恁少年毋通像夆倩,序大交代加減聽。 khǹg lín siáu liân m̄ thang tshiūnn hông tshiànn,sī tuā kau tài ke kiám thiann。 註:懂嚇--冒失、莽撞。家私--泛指具有一定功能的工具。落勾--脫落、遺漏。

斡頭--轉頭。攢--張羅、準備。幾落—同幾若,若干之意。現--顯露出來。 空營—無兵力比喻無法做事。倩--聘僱、僱用。

囡仔人做代誌較無根節,往往會予序大人操心,明明吩咐工 課愛進前一工做準備,出門的時陣閣愛巡一遍,毋過少年仔就是 無佇聽,便若去到位穡頭欲做的時,才發現傢俬落交一兩件,緊 敲手機討救兵,請

老爸送來,浪費時間無要緊,閣害老大人奔

波一逝,萬一這逝路若有失覺察,伊欲按怎做交代,毋著後悔一 世人喔!

- 60 -


白 鴒鷥 飛向 天

55.等待

白 鴒鷥 飛向 天 2008/10/14 12:58

tán thāi

病院門口佇等待,這是暫時的無耐, pēnn īnn mn̂g kháu ti tan thāi, tse sī tsiām sî ê bô nāi,

身苦病疼無人愛,等待親人通出來, sin khóo pēnn thiànn bô lâng ài,tán thāi tshin lâng thang tshut lâi,

不過,人對身體的對待, put kò,lâng tuì sin thé ê tuì thāi,

總是等到破病才知, tsóng sī tán kàu phuà pēnn tsiah tsai,

人啊人!予家己害是悲哀, lâng a lâng! hōo ka kí hāi sī pi ai,

天生遺傳著無耐, thian sing i thuân tio̍h bô nāi,

等啊等 等彼工來。 tán a tán

tán hit kang lâi。

每工佇病院前等待的人,毋知有偌濟,雖然人的身苦病疼是 正常代,不而過,有一半責任是愛家己負責的,彼是無好好對待 家己,嘛真少人佇細漢的時 陣,對家己身體的使用做好 教育,親像買一台電腦,有 一本使用手冊仝款,善待家 己、保養自己,攏嘛等到破 病的時才覺醒,來予醫生判 生死,這是真毋值的。

- 61 -


白 鴒鷥 飛向 天

56.爸母心

白 鴒鷥 飛向 天 2008/10/16 07:46

pē bú sim

看囝日日大,艱苦猶著拖, khuànn gín jit jit tuā,kan khóo iáu tio̍h thua,

大漢著免磨,歡喜會快活, tuā hàn bián tio̍h buâ,huann híē khuìnn ua̍h,

食著頭路車著刷,心頭若爽喙著誇, tsia̍h tio̍h tâu lōo tshia tio̍h suah, sim tâu nā song tshuì tio̍h khua,

買厝貸款某共娶,愛囝的心較虛華, bé tshù tài khuán bóo kā tshuā,ài kiánn ê sim khah hi hua,

囝若失敗無事使,兩老攏無問看覓, kiánn kā sit pāi bô sū sái,nn̄g lāu long bô mn̄g khuànn māi,

毋是凊心通排解,大細更加愛關懷, m̄ sī tshìn sim thong pâi kái,tuā s king ka ài kuan huâi,

信心若敗會驚惶,吵家抐宅歹名聲, sìn sim nā pāi ē kiann hiânn,tsháu ke lā the̍h phái miâ siann,

勸咱爸母著探聽,倖囝不孝無人贏。 khǹg lán pē bú tio̍h thàm thiann,sīng kiánn put hàu bô lâng iânn。

註:虛華--虛浮而不切實際。湠--蔓延、擴散。 無事使--喻沒有用、不中用。看覓看一看、看一下。

人講: 「生囝難,教囝閣較難。」有人向望予囝受較濟的教育、 讀較濟的冊,平常時工課毋捌叫伊做,序大人攏家己攬起來,毋 但予囡仔好命慣勢,嘛煞予伊「坐天懵懵,食米毋知米價」 ,在囡 仔佇想愛啥用喙講都有,若到大漢的時陣,上班就向序大開喙買 車,無想伊一月日趁偌濟,若某娶著講欲去外口蹛,嘛敢開喙買 厝,身軀邊一仙錢嘛無,老歲仔人嘛戇戇貸款予伊,落尾仔袂收 山,兩个老的閣愛去共拭尻川,這款結果換來序細的怨言講: 「事 業失敗就不是囡矣。」唉!這不是真悲哀嗎?

- 62 -


白 鴒鷥 飛向 天

57.一陣西北雨

白 鴒鷥 飛向 天 2008/07/21 14:34

tsi̍ t tsūn sai pak hōo

下晡一陣西北雨,校園草埔澹糊糊, ē poo tsi̍ t tsūn sai pak hōo,hāu hn̂g tsháu poo tām kôo kôo,

狗仔歡喜滾落塗, káu á huann hí kún lo̍h thôo,

雨啊雨 望你多照顧, hōo a hōo bāng lí to tsiàu k o,

草仔加一寸通好舖,赤炎日頭照無路; tsháu á ke tsi̍ t tshùn thang hó phoo,tshiah iām jit thâu tsi bô lōo;

下晡一陣西北雨,共阮沃甲澹糊糊, ē poo tsi̍ t tsūn sai pok hōo,kā guan ak kah tām kôo kôo,

龜山戴帽阮毋顧, ku suann tìbō guán m̄ k o,

雨啊雨 看來阮糊塗, hōo a hōo

khuànn lâi guán hôo tôo,

袂記頭殼較無毛,予伊淋甲走無路。 bē kì thâu khak khah bô moo,hōo i lâm kah tsáu bô lōo。

註:澹糊糊--濕淋淋、濕答答。沃--澆、淋。 淋--(同湳)澆,水或液體由上往下落。

熱天若落一陣西北雨,彼是求之不得的代誌,通共翕熱的天 氣降溫一點仔,草埔的草嘛相仝, 便若落一陣雨著加發一吋懸,連學 校底的彼兩隻狗嘛綴咧歡喜,緊走 到草埔頂翻來反去,親像牛滒(kō) 浴彼一款,予我看甲家己嘛強強欲 蹽落去,想想咧!頭殼就佇無毛, 閣蹽去予雨沃,以後絶對是光頭一 粒,猶是莫衝碰有較好啦!

- 63 -


白 鴒鷥 飛向 天

58.講鳳凰

白 鴒鷥 飛向 天 2008/07/27 20:37

kóng hōng hông

鳳凰降,風雨重, hōng hông kàng,hong hōo tāng,

真好空,歇一工, tsin hó khang,hioh tsi̍ t kang,

青菜欉,攏「泡湯」, tshenn tshài tsâng,lóng 「泡湯」 ,

天公!天公!真𠢕弄, thinn kong!thinn kong!tsin gâu lāng,

叫鳳凰擛一下風,地上的樹仔齊挀動。 kiò hōng hông ia̍t it ē hong,t siōng ê tshiū á tsiâu tín tang。

註:擛--搧動。

--看鳳凰

2008/07/28 09:35

khuànn hōng hông

鳳凰飛,鳳凰飛,風雨來交陪, hōng hông pue,hōng hông pue,hong hōo lâi kau puê,

阿娘喂,阿娘喂,大地佇狼狽, a niâ uê,a niâ uê,tāi tē tī long puē,

鳳凰回,鳳凰回,天公佇倒頽, hōng hông huê,hōng hông huê,thinn kong tī tó thuê,

大風吹,大雨綴,農民著歹過。 tuā hong tshue,tuā hōo tu ,lông bîn tio̍h phái kuè。

註:目睭--眼睛。綴--跟、隨。

彼年(2008)七月鳳凰風颱來的時陣,心內歡喜通放一工風颱 假,毋過想著看天食飯的農民,佇回南的時愛閣予掃一遍,

農作物一時化為烏有,實在予人足毋甘咧,有影「人的𠢕,毋值 得天一畫」真是感慨啊!

- 64 -


白 鴒鷥 飛向 天

59.藍綠調色盤一

白 鴒鷥 飛向 天 2008/3/12 20:11

nâ li̍ k tiâu sik puânn it

藍綠本是好色水,兩不調和難發威, nâ li̍ k pún sī hó sik suí,liáng put tiâu hô lân huat ui,

佇爭權民著萎,看來百姓無智慧, in tī tsing kuân bîntio̍h ui,khuànn lâi pe̍h s nn bô tì huī,

啥物民主歕雞胿,來到台灣就落氣, siánn mí bîn tsú pûn ke kui,lâi kàu tāi uân tō la̍uh khuì,

大中至正為何墜,藍綠不調比歹鬼, tāi tiong tsì tsing uī hô thuī,nâ li̍ k put tiâu pí pháinn kuí,

人的總統大作為,咱的開喙碌一堆, lâng ê tsóng thóng tāi ts uī,lán ê khui tshuì li̍ k tsi̍ t tui,

前恨是非用空喙,民主有量好作為, tsîng hūn sī hui īng khang tshuì,bîn tsú ū liāng hó ts uī,

藍無配綠起風雷,綠無配藍無舞隊, nâ bô ph li̍ k khí hong luî,li̍ k bô ph nâ bô bú tuī,

講著政治心肝捶,講著教育全是非, kóng tio̍h tsing tī sim kuann tuî,kóng tio̍h kàu io̍k tsuân sī hui,

歷史教訓指上位,偏偏王者立法規, li̍ k sú kàu hùn tsí siōng uī,phian phian ông tsiá li̍ p huat kui,

無日藍綠一概摧,族群分離上克虧, bô jit nâ li̍ k it kài tshui,tso̍k kûn hun li siōng khik khui,

藍天綠地是上媠,兩黨提去做黨徽, nâ thinn li̍ k t sī siōng suí,nn̄g tóng the̍h khì ts tóng hui,

藍綠調和上可貴,予人看著心花開。 nâ li̍ k tiâu hô siōng khó kuì,hōo lâng khuànn tio̍h sim hue khui。

註:萎--磨損。歹鬼--使壞。歕雞胿--吹牛、說大話。碌--辛苦勞累。

有黨派才有競爭力,人民嘛有所選擇,但是台灣的兩黨, 的表現攏真䆀,人民只好用看戲的心,看待 的爭鬪,無奈的心 聲,毋知政治人物有聽見無?講寶島是喝爽爾爾,逐家心內知知 咧,台灣何時會當行到真真正正的民主?莫閣吵鬧、莫閣有族群 - 65 -


白 鴒鷥 飛向 天

白 鴒鷥 飛向 天

分離、莫閣有烏金的現象,有眼光的政治人物佇佗位,解救台灣 的工課,毋知欲落在啥人的手頭?

- 66 -


白 鴒鷥 飛向 天

60. 藍綠調色盤二

白 鴒鷥 飛向 天 2008/3/14 20:11

nâ li̍ k tiâu sik puânn jī

藍綠本是好色彩,毋去調和是無奈, nâ li̍ k pún sī hó sik tshái,m̄ khì tiâu hô sī bû nāi,

若爭權民著害,百姓都愛落苦海, in nā tsing kuân bîn tio̍h hāi, peh sènn to ài lo̍h khóo hái,

看來民主是無解,來到臺灣伊著敗, khuànn lâi bîn tsú sī bô kái,lâi kàu tâi uân i tio̍h pāi,

大中至正剝落來,兩个王者比厲害, tāi toing tsì tsìng pak lo̍h lâi,nn̄g ê ông tsiá pí lī hāi,

啥人見笑戇大呆,啥人作為不應該, siánn lâng kiàn siàu gong tuā tai,siánn lâng tsò uîpuh ing kai,

前恨是非抾起來,民主無量上悲哀, tsîng hūn sī hui khioh khí lâi,bîn tsú bû liāng siōng pi ai,

講著政治厚話屎,教育變甲倒頭栽, kóng tio̍h tsìng tī kāu uē sái,kàu io̍k piàn kah tò thâu tsai,

歷史見證逐家知,偏偏王者試看覓, li̍ k sú kiàn tsìng ta̍k ke tsai,phian phian ông tsiá tshì khuànn māi,

藍毋配綠起風颱,綠毋配藍無舞台, nâ m̄ phu li̍ k khí hong thai,li̍ k m̄ phu nâ bô bú tâi,

無日藍綠啥存在,分離族群上感慨, bô jit nâ li̍ k siánn tsûn tsāi,hun lî tso̍k kûn siōng kám khài,

藍天綠地自然排,臺灣調出兩黨派, nâ thin li̍ k tē tsū jiân pâi,tâi uân tiâu tshut nn̄g tong phài,

藍綠調和多色彩,予人看著更疼愛。 nâ li̍ k tiâu hô to sik tshái,hōo lâng khuànn tio̍h king thiànn ài。

註:剝--將附著在某物體上的東西取下、脫下或拿下。厲害--現實、勢力。 戇大呆--大傻瓜。厚話屎--廢話太多。抾--拾取、撿取。 倒頭栽--倒栽蔥、四腳朝天。

向望頭家大聲表達出來,莫閣恬恬怨悲哀......

- 67 -


白 鴒鷥 飛向 天

61.我若是一欉樹仔

白 鴒鷥 飛向 天 2008/09/03 16:05

guá nā sī tsi̍ t tsâng tshiū á

我若是一欉樹仔,風吹日曝愛忍受, guá nā sī tsi̍ t tsâng tshiū á,hong tshue jit pha̍k ài lím siū,

發穎生根成大樹; huat ínn senn kin sing tuā tshiū;

我若是一欉樹仔,通予鳥隻來做岫, guá nā sī tsi̍ t tsâng tshiū á,thang hōo tsiáu tsiah lâi ts siū,

跳來跳去樂無憂; thiàu lâi thiàu khì lo̍k bû iu;

我若是一欉樹仔,日時予人做議量, guá nā sī tsi̍ t tsâng tshiū á,jit sî hōo lâng ts gī niū,

樹蔭閃涼好過秋; tshiū ńg siám liâng hó ku tshiu;

我若是一欉樹仔,望恁愛護好好守, guá nā sī tsi̍ t tsâng tshiū á,bāng lín ài hōo hó hó siú;

綠化大地毋通虯。 li̍ k huà tāi t m̄ thang khiû。

註:發穎--發芽、萌芽。岫--禽獸蟲鳥的巢穴。做議量--做消遣、排遣。 虯(khiû)--比喻形容人過度節儉、吝嗇。

「十年樹木,百年樹人」 講是培養人才的重要,嘛講 人的眼光愛看甲遠的,咱若 無「百年樹人」的能力,上 無嘛愛有「十年樹木」的心 ,種下你心中的樹吧!

- 68 -


白 鴒鷥 飛向 天

62.菜園仔底彼欉大樹

白 鴒鷥 飛向 天 2009/3/18 14:32

tshài hn̂g á té hit tsâng tuā tshiū

大樹園仔底來致蔭,毋閣主人袂感受, tuā tshiū hn̂g á té lâi tì ìm,m̄ koht sú lâng bē kám siū,

樹頭剝皮予命休,通予紅菜烏閣幼。 tshiū thâu pak phuê hōo miā hiu,thang hōo âng tshài oo koh iù。

註:致蔭--庇蔭、庇護。紅菜--紅鳳菜。幼--嫩。

較早以前,佇田仔頭抑是園仔尾會去種一叢樹仔做閃涼用, 透早落田捾來的茶會囥佇樹跤,按呢就毋驚予日曝甲臭酸去,猶 是挲草食點心的時陣嘛通佇樹跤歇睏一下。毋過,時代的進步機 械化了後,田仔頭抑是園仔尾種的樹仔著失去作用,慢慢仔予人 剉掉去,所以為樹仔來發聲,希望綠化大地毋通虯,用真心的去 維護伊,毋是用喙講講爾爾,來吧!佇厝邊種落你的樹仔,毋但 綠化大地,嘛予地球變較媠矣。

- 69 -


白 鴒鷥 飛向 天

63.溪埔的演變

白 鴒鷥 飛向 天 2009/07/11 15:30

khe poo ê ián piàn

溪埔溪埔一片烏,你來挖塗我培股, khe poo khe poo tsi̍ t phiàn oo,lí lâi óo tôo guá puē kóo,

種了藤栽望落雨,割豬菜兼挖番薯箍, tsíng liáu ting tsai bāng lo̍h hōo,kuah ti tshài kiam ué han tsî koo,

如今溪埔變草埔,己經茫茫無看路, jû kim khe poo piàn tsháu poo,í king bang bang bô khuànn lōo,

只賰行軍路透墓仔埔,佮兩間厝佇收租。 tsí tshun hîng kun lōo thàu bōng á pōo,kah nn̄g king tshù tī siu tsoo。

註:培股—在旱或農地,鏟成一行行的土壟,以供種植作物。 藤栽—番薯在栽種時的插枝。

溪埔早期是作穡人的倚靠,種一寡仔豬菜、豆仔的作物,若 有收成通塌一屑仔收入。佇時代演變下,伊的下場是比田較慘, 提早予人放佇荒,一逝一逝的股溝攏平去,這馬放佇發草,比山 頂的墓仔埔較不如,墓仔埔上無一年刜一擺,溪埔現此時只賰邊 仔彼兩間人家厝,用房間出租予學生,收一寡仔厝租佇過日子爾。

- 70 -


白 鴒鷥 飛向 天

白 鴒鷥 飛向 天

64.只有讀書懸

2008/08/02 20:45

tsí ū tha̍k tsheh kuân

大學錄取分數年年低,欲讀的人無問題, tāi ha̍k lo̍k tshú hun sòo nî nî kē,beh tha̍k ê lâng bô būn tê,

學士碩士遮爾濟,文憑毋值窒倒街, ha̍k sū sik sū tsiah nī tsé,bûn pîng m̄ ta̍t that tó ke,

弟子恁愛知: tē tsú lín ài tsai:

厝內爸母為錢愁,政府貸款利息優, tshù lāi pē bú uī tsînn tshiû,tsìng hú tài khuán lī sik iu,

學院無人強欲收,只好暑修延修共罔抽, ha̍k īnn bô lâng kiōng bē siu,tsí hó sú siu iân siu kā bóng thiu,

加拖幾年兵役休,這款社會正義何求? ke thua kui nî ping ia̍h hiu,tsit khuán siā huē tsing gī hô kiû?

註:遮爾--多麼、這麼。窒--塞。罔--姑且、將就。

學校教育無用心,政府教育政策嘛無用心,造成遮呢濟的大 學,予每一个高中畢業生攏有大學通讀,表面看起來用意是真好, 事實毋知浪費偌濟人的金錢佮青春,閣無法度學「一技之長」 ,猶 閣產生真濟無好的社會現象,用學店的延修來躲避兵役的問題, 貸款是予少年人未出社會就負一身債,恁講加讀四年有啥意義 呢? 普考

高考

- 71 -


白 鴒鷥 飛向 天

65.總舖師

白 鴒鷥 飛向 天 2008/4/10 09:20

tsóng phòo sai

總舖師來做菜,攢腥臊人上愛, tsóng phòo sai lâi tsò tshài,tshuân tshenn tshau lâng siōng ài,

嘰嘰噭噭手緊快,試鹹汫著知好歹, ki ki kiàu kiàu tshiú kín khuài,tshì kiâm tsiánn tio̍h tsai hó phái,

下暗一攤十桌排,無分紅白展厲害, ē àm tsi̍ t thuann tsa̍p toh pâi,bô hun âng pe̍h tián lī hāi,

人客食甲笑咳咳,主人面子有光彩, lâng kheh tsia̍h kah tshiò hai hai,tsú lâng biān tsú ū kong tshái,

總舖師 總舖師,下回才閣請你來。 tsóng phòo sai tsóng phòo sai,ē hu tsiah kok tshiánn lí lâi。

註:總舖師—廚師。攢--整備。腥臊--指菜色豐盛。 嘰嘰噭噭—鍋匙碰撞的聲音。鹹汫--味道。

厝內若有好歹事,攏會叫總舖來辦桌,人講「總舖驚食晝」, 因為按呢每一个總舖師攏練成真猛的跤手,只要這攤人客食了笑 瞇瞇,袂予主人漏氣,按呢你的名聲就隨人客的喙傳出去,人是 愛會當予人探聽咧,講伊實料實材辦了袂䆀,袂予主人家漏氣, 下回欲閣倩啥人來,佇咱的心內就自有安排。

- 72 -


白 鴒鷥 飛向 天

66.怨丈夫

白 鴒鷥 飛向 天 2008/08/18 09:05

uàn toing hu

出喙怨丈夫,講伊烏白舞, tshut tshuì uàn toing hu,kóng i oo pe̍h bú,

氣囝親像牛,男人為何彼呢浮; khì kiánn tshin tshiūnn gû,lâm jîn uî hô he nih phû;

出喙怨丈夫,歸工外口跔, tshut tshuì uàn toing hu,kui kang guā káu ku,

要啥著應付,毋管厝內米甕事。 ài siánn tio̍h ìng hù,m̄ kuán tshù lāi bí àng sū。

註:舞--引申為忙著做某件事。跔--將就待著、窩著。米甕事—指吃的事務。

人講: 「查埔人是一家之主。」若是一个查埔人的肩胛無擔當, 愛躲避責任,毋但囡仔無才調管,連厝內米甕代嘛毋插,遇著這 種查埔人,真正有影會予牽手怨一世人,恁講這種家庭哪會完正 呢?

- 73 -


白 鴒鷥 飛向 天

67.老歲仔的心酸

白 鴒鷥 飛向 天 2008/11/29 20:41

lāu hu á ê sim sng

雙手艱苦共囝成,看伊大漢事業定, siang tshiú kan khóo kā kiánn tshiânn,khuànn i tuā hàn sū gia̍p tiānn,

買車起厝鬥拍拚,如今趁錢予某掖, bé tshia khítshù tàu phá piànn,jû kin than tsînn hōo bóo iā,

兩老怨嘆欠囝債,為何查某囝就袂, nn̄g lāu uàn than khiàm kiánn ts ,uī hô tsa bóo kiánn tō bē,

攏咱寵倖出問題,今若無錢閣共咱提。 lóng lán thing sīng tshut būn tê,tann nā bô tsînn koh kā lán the̍h。

註:定--安定、穏定。掖--東西散落。寵倖--溺愛、過分寵愛。

今的少年講起來𠢕享受,逐項都欲挃,俗語佇講: 「三代粒積, 一代窮空。」一點都無毋著。囝是袂使寵倖的,有時愛思考對囝 的愛,是毋是會害著伊,若無食老反倒轉去予囝怨,按爾毋是真 毋值嗎?

- 74 -


白 鴒鷥 飛向 天

68.一粒菝仔偌濟汗

白 鴒鷥 飛向 天 2009/07/11 15:52

tsi̍ t li̍ p pa̍t á guā tsé kuānn

一欉菝仔佇生是真濟,伊愛一粒一粒袋, tsi̍ t tsâng pa̍t á tī senn sī tsin ts ,i ài tsi̍ t li̍ p tsi̍ t li̍ p tē,

彼是辛苦的代價,作穡人愈做頭愈犁, he sī sin khóo ê tāi k ,tsò sik lâng lú tsò thâu lú lê,

起頭通挽幾斤賣,漸漸菝仔滿樹椏, khí thâu thong bán kuí kin bē,tsiam tsiam pa̍t á muá tshiū ue,

向望天公莫做對,若無一遍風颱菝仔齊墜, ǹg bāng thinn kong mài tsò tuì,nā bô it piàn hong thai pa̍t á tsiâu tuī,

閣有賊仔佇發威,害伊更加心肝捶, koh ū tsa̍t á tī huat ui,hāi i kìng ka sim kuann tuî,

一粒菝仔偌濟汗,問恁幾个摸心肝, it li̍ p pa̍t á guā ts kuānn,mn̄g lín kuí ê bong sim kuann,

秤頭秤好人著捾,閣提兩粒佇手盤。 tshìn thâu tshìn hó lâng tio̍h kuānn,koh the̍h nn̄g li̍ p tī tshiú puânn。

註:偌濟--多少。挽—採、拔、摘取。樹椏--樹杈。 墜--東西從高處往低處掉落。捶--搥打。秤頭--斤兩。捾--提、拿。

以前囡仔時代,會記得阿母講過一句話「稱過的物件」才會 使食。」早期庄跤人較少 去市場買水果,生理人若 載水果來賣,攏會使試食 一下,但是阿母講愛信任 人,予人騙嘛一改,親像 咱糶(thiò)米予人,嘛無人 要求咱愛予伊試食一下? 作穡人的辛苦愛去體會, 叫我愛記佇頭殼底。

- 75 -


白 鴒鷥 飛向 天

69.龜山朝日

白 鴒鷥 飛向 天 2008/3/5 10:20

ku suann tiau jit

萬丈光芒照入海,龜山面紗猶原在, bān tn̄g kong bông tsi ji̍ p hái,ku suann bīn se iáu guân tsāi,

點點漁船霧中徘,蘭陽招牌沓沓仔開。 tiám tiám hî tsûn bū toing pâi,lân iûnn tsiau pâi ta̍uh ta̍uh á khai。

佇三月期間,透早春霧較重,日頭拄欲出來的時陣,龜山親 像予日頭光用面紗掩著仝款,佇海中掠魚的漁船,遠遠看賰鼻屎 大佇遐「徘徊」 ,若等日頭探頭出的時,彼沿薄薄的面紗,就去予 掀起來,通真清楚看著龜山的形,展現出難得的美景,莫怪「龜 山朝日」是足濟攝影者佇透早守欲翕的景緻。

- 76 -


白 鴒鷥 飛向 天

70.早起

白 鴒鷥 飛向 天

2008/08/18 11:17

tsá khí

路邊夜來絳絳芳,攑頭看海胭脂紅, lōo pinn iā lâi k ng k ng phang,gia̍h thâu khuànn hái ian tsi âng,

樹頂鳥隻像叫人,昨暝風雨若眠夢。 tshiū tíng tsiáu tsiah tshiūnn ki lâng,tsa̍h mê hong hōo nā bîn bāng。

註:攑--舉、抬。絳絳芳—很香的意思。

有時透早

上山,路邊傳來「夜來香」的芳味,予人感覺彼

早起特別清爽,到了山頂斡頭往海爿看,胭脂紅的海面是足媠的, 佇樹頂鳥隻的叫聲,親像佇呼叫同伴,嘛敢若和阮拍招呼,講真 的,啥人知影昨暝遮的樹木,經過一暗大風大雨的淋沃呢?

- 77 -


白 鴒鷥 飛向 天

71.指頭仔無平長

白 鴒鷥 飛向 天 2008/08/26 08:24

tsíng thâu á bô pênn tn̂g

五支指頭仔無平長,天生自然毋免問, gōo ki tsíng thâu á bô pênn tn̂g,thian sing tsū jiân m̄ bián mn̄g,

大漢狀元較落軟,細漢矮猴較尖鑽; tuā hàn tsiōng guan khah lo̍h nńg,sè hàn é kâu khah tsiam tsǹg;

五支指頭仔無平長,天生自然毋免問, gōo ki tsíng thâu á bô pênn tn̂g,thian sing tsū jiân m̄ bián mn̄g,

賺食的是脫光光,頭家全是貓仔毛; thàn tsia̍h ê sī thuah kng kng, thâu ke tsuân sī niau á mng;

五支指頭仔無平長,天生自然毋免問, gōo ki tsíng thâu á bô pênn tn̂g,thian sing tsū jiân m̄ bián mn̄g,

做人正義好拍算,處事公平較遠長。 ts lâng tsìng gī hó phá sǹg,tshú sū kong pênn khah uán tn̂g。 註:落軟--軟化、緩和。尖鑽--指善於動腦筋想辦法。貓仔毛—比喻龜毛。 賺食的--指低層討生的人。(毋管是賺皮肉錢抑是佇日頭跤賺錢的工人。)

人若不如意,抑是佮人比評的時,總會提手指頭仔來做譬喻, 按呢心肝著較安慰淡薄,做人嘛良心道德第一,仙毋通烏魯木齊, 積德一屑仔予後一代,恁講是毋是?

- 78 -


白 鴒鷥 飛向 天

72.一句話的啟示

白 鴒鷥 飛向 天 2008/09/01 08:42

tsi̍ t kù uē ê khé sī

人生一歲活過一歲,毋值得受用的一句話, lîn sing tsi̍ t hu ua̍h ku tsi̍ t hu ,m̄ ta̍t tit siū īng ê tsi̍ t kù uē,

當咱彼時予人怪罪,抑是予眾人共咱詼, tng lán hit sî hōo lâng kuài tsuē,ia̍h sī hōo tsi ng lâng kā lán khue,

一定希望有人佮咱陪,陪過彼時的落衰, it tīng hi bang ū lâng kah lán puê,puê kuè hit sîê la̍uh sue,

真言真理是袂倒頽,勸咱做人莫狼狽, tsin giân tsin lí sī bē t tuê,khǹg lán tsò lâng mài lông puè,

朋友的一句話愛通去體會, pîng iú ê tsi̍ t kù uē ài thang khì thé huē,

爸母的一句話有時浪子回, pē bú ê tsi̍ t kù uē ū sî long tsú huê,

老師的一句話共咱說,啟示咱一生較好過。 lāu su ê tsi̍ t kù uē kā lán suè, khé sī lán tsi̍ t sing khah hó ku 。

註:詼--戲謔、嘲笑、逗弄別人。落衰--走背運、走楣運。倒頽—衰退。

人的一生中,檢采去予一句話啟示著,行向自己目標,按呢 來到這个世間已經無遺憾。尤其當咱佇執迷不悟的時陣,毋管朋 友、爸母抑是老師的一句 話共咱點醒,彼一句著是 咱人生中上有用的話,我 嘛是去予老師的一句話啟 示著,彼句是「少壯不努 力,老大徒傷悲」,以早 袂曉想,今猶佇拚命,這 本若寫完,向望向第二本 閣寫落去,加油吧!

- 79 -


白 鴒鷥 飛向 天

73.五粒蘋果

白 鴒鷥 飛向 天 2008/11/18 13:59

gōo li̍ p phōng kó

一份情記心底,一份意愛來回, tsi̍ t hūn tsîng kì sim té,tsi̍ t hūn ì ài lâi huê,

這份心值人說,這份緣予人迷, tsit hūn sim ta̍t lâng sueh,tsit hūn iân hōo lâng bê,

腎友出遊鬥相共,捒著輪椅陪一工, sīn iú tshut iû tàu sann kāng,sak tio̍h lûn í puê tsi̍ t kang,

五粒蘋果來相送,感恩的味確實芳。 gōo li̍ p phōng kó lâi siong sàng,kám un ê bī khak si̍ t phang。

註:鬥相共--幫忙。捒--推。

彼年羅東博愛病院替腎友舉辦旅遊活動,彼工我有參加,而 且分配幫贊一位阿桑捒輪椅。彼工的行程是遊基隆的八斗仔、新 竹的綠世界佮內彎,來到綠世界𨑨迌上忝,可能捒上崎的關係, 閣加上路況無真好,莫講坐的人辛苦,連捒的人嘛誠忝頭。不而 過,順利完成任務,這位阿桑轉到厝裡,為欲答謝我的鬥相共, 特別買一橐蘋果送來博愛予我,到這陣蘋果的芳,猶一直留踮佇 我的心肝內。

- 80 -


白 鴒鷥 飛向 天

74.春風化雨

白 鴒鷥 飛向 天 2008/09/24 07:53

tshun hong huà ú

紅燈紅燈著愛停,伊是正義的證明, âng ting âng ting to̍h ài tīng,i sī tsìng gī ê tsìng bîng,

予人方向通遵行,交通拍結袂發生, hōo lâng hong hiàng thong tsun hīng,kau thong phá kat bē huat sing,

老師號誌仝功能,好䆀看你的用情, lāu su hō tsì kāng kong lîng,hó phái khuànn lí ê iōng tsîng,

千萬不可爍袂停,春風化雨佇無形。 tshian bān put khó sih bē thîng,tshun hong huà ú tī bô hîng。

註:爍--閃爍。

老師教育的作用親像紅青燈的號誌,對學生的行為一點都袂 使凊彩,若青燈𤏸的時,表示予學生的行為抑是課業通過;若紅 燈𤏸的時,著一定愛叫伊重來,特別是學生的行為,檢采通做甲 予學生「如沐春風」,彼是上懸的境界。

- 81 -


白 鴒鷥 飛向 天

75.三溫暖

白 鴒鷥 飛向 天 2009/01/19 06:46

sam un luán

春風對面吹,心肝仔對阮說, tshun hong tuìbīn tshue,sim kuann á tuì guán suè,

今生只愛阮一个,害阮美夢逐工揣, kim sing tsí ài guán tsi̍ t ê,hāi guán bi bāng ta̍k kang tshuē,

情詩一篇一篇背,春風為阮造話題; tsîng si tsi̍ t phinn tsi̍ t phinn puē,tshun hong uī guán tsh uē tê,

秋風對面吹,月娘共阮詼, tshiu hong uìbīn tshue,guē niû kā guán khue,

笑阮無人來約會,佇亭仔跤偷暗慼, tshi guán bô lâng lâi ioh huē,tī tîng à kha thau àm tsheh,

只有燈火共阮陪,樹葉為阮落落地; tsí ū ting hué kā guán puê,tshiū hio̍h uī guán lak lo̍h tē;

涼風對面吹,愛人來反背, liâng hong uì bīn tshue,ài jîn lâi huán puē,

害阮每日頭犁犁,等待雲過來見月, hāi guán muí jit thâu lê lê,tán thāi hûn ku lâi kìnn guē,

行出一時的狼狽,春風閣再對面吹。 kiânn tshut tsi̍ t sî ê lông pu ,tshun hong kok tsài tuìbīn tshue。

註:揣--尋找。暗慼--私下的抱怨。頭犁犁--頭低低的。

少年談戀愛總是甘甜的 ,若是失戀嘛無要緊,仝款 共滋味留踮佇心內,就是按 呢少年人愛勇敢去追求愛情 ,才算是修完戀愛學分的課 程,千萬不可失戀著想袂開 ,做出傷害對方、抑是家己 的代誌,敢講分開毋是一種 愛嗎?

- 82 -


白 鴒鷥 飛向 天

76.行入夜都市

白 鴒鷥 飛向 天 2009/04/10 08:12

kiânn ji̍ p iā to sī

佇暗暗的夜都市,毋知欲開佇佗去, tī àm àm ê iā to sī,m̄ tsai beh khui tī tó khì,

光炎的路燈,笑阮是路癡, kng iānn ê lōo ting,siàu guan sī lōo tshi,

錯過一个路口,害阮緊張甲半小死; tsh ku tsi̍ t ê lōo kháu,hāi guán kín tiunn kah puànn siáu sí;

佇暗暗的夜都市, tī àm àm ê iā to sī

下班的時陣,車是塞甲滇, hā pan ê sî tsūn,tshia sī that kah tīnn,

駛到路口著張持, sái kàu lōo káu tio̍h tiunn tî,

中山北路到底在哪裡? toing san pak lōo tàu té tsāi ná lí?

遐是通往阮欲揣的地址; hia sī thong óng guán beh tshuē ê tē tsí;

佇暗暗的夜都市,路口的義警毋知為啥物? tī àm àm ê iā to sī,lōo káu ê gī king m̄ tsai uī siánn mih?

閘阮的車講: 『先生你莫細膩! tsa̍h guán ê tshia kóng: 『sian senn lí mài s jī!

開遮大台的車,開大燈免客氣。』 khui tsiah tuā tāi ê tshia,khui tuā ting bián kheh khì。』

這是阮這路上「唯一的插曲」, tse sī guán tsit lōo siōng ê「唯一的插曲」 ,

台北市啊!台北市,後擺若欲去, tāi pak tshī a!tāi pak tshī,āu pái nā beh khì,

- 83 -


白 鴒鷥 飛向 天

白 鴒鷥 飛向 天

台北的地圖著愛提出來「複習複習」。 tāi pak ê tē tôo tio̍h ài the̍h tshut lâi 「複習複習」 。

註:炎--形容火勢旺盛。滇--充滿、填滿。張持--充滿、填滿。細膩--客氣。

每擺開車入去台北市,規个心著足驚惶,可能嘛是路草無熟, 加上緊張的情形下,若親像行入烏暗中的感覺。彼擺因為行毋著 出口,對無熟的路草更加生疏,愛知佇台北市內車是一台綴一台, 尤其佇高架快速路頂,想欲停車共人相借問一下,彼是無可能的 代誌,好哩佳哉!有蹛台北的親情,敲手機佮伊呼救一下仔,到 位的時已經耽誤點外鐘久,閣有意外的「插曲」走出來,真的-會予人笑破褲底咧。(彼擺欲去的所在是振興醫院)

- 84 -


白 鴒鷥 飛向 天

77.來空去空

白 鴒鷥 飛向 天 2008/5/20 16:12

lâi khang khì khang

嬰仔出世空空,眾人寄望, inn á tshut sì khang khang,tsìng lâng kià bāng,

七坐八爬硞硞動; tshit tsē peh pê khok khok tāng;

囡仔人悾悾,耍落著起瘋, gín á lâng khong khong,sńg lo̍h tio̍h ki hong,

親像野馬佇亂闖; tshin tshiūnn iá bé tī luān tsông;

少年人懵懂,未來放放, siáu liân lâng bóng tóng,bī lâi h ng h ng,

見著棺材猶佇歕風; kìnn tio̍h kuann tshâ iáu tī pûn hong,

中年人守夢,肩胛變重, toing liân lâng tsiú bāng,king kah piàn tāng,

下肚煞漸漸鬆; ē tōo suah tsiām tsiām sang;

老來白頭鬃,看去猶茫茫, lāu lâi pe̍h thâu tsang,khuànn khì iá bang bâng,

行去嘛是空空。 kiânn khì mā sī khang khang。 註:硞硞動--動得不停。悾悾--傻傻的、呆頭呆腦的。懵懂--無知、不明事理的樣子。 歕風--講話不實在。肩胛-- 肩膀。煞--竟然,表意外的意思。頭鬃--頭髮。

其實人來世間,精光是無幾个,大部分的人攏糊里糊塗過日 子,我嘛是這款人的其中一个,等到白頭鬃的時陣,才提筆寫文 章,向望若行去的時,較袂空白一逝,上無留一本佇世間予人做 話屎、論長短矣。

- 85 -


白 鴒鷥 飛向 天

78.紅斑性狼瘡

白 鴒鷥 飛向 天 2008/8/10 08:15

âng pan sing long tshiong

紅斑性狼瘡蓋可憐,美國仙丹來推荐, âng pan sing long tshiong kài khóo liân,bí kok sian tan lâi thui tsiàn,

查某得病較多見,面有紅斑像康健, tsa bóo tit pēnn khah to kiàn,bīn ū âng pan tshiūnn khong kiān,

藥若食久「水牛肩」,逐月驗血看病變, io̍h nā tsia̍h kú 「水牛肩」 ,ta̍k ge̍h giām hueh khuànn pēnn piàn,

控制無好著歸仙,仙丹本底予命延, khòng tsè bô hó tio̍h kui sian,sian tan pún té hōo miā iân,

傷著腰子拖屎連,洗腎你著病蔫蔫, siong tio̍h iau tsí thua sái liân,sé sīn lí tio̍h pēnn lian lian,

勸恁較捷跤手展,加減幌手來過癮。 khǹg lín khah tsia̍p kha siú tián,ke kiám hàinn tshiú lâi kuè giàn。 註:紅斑性狼瘡--是一種慢性自體免疫引起的風濕疾病。 拖屎連--被折磨得很淒慘。 幌--搖擺、晃動。過癮--指某種特別的喜好或慾望,獲得了滿足。

著紅斑性狼瘡的人真可憐,輕的食藥通控制,嚴重的一世人 食美國仙丹,藥仔食久面佮身軀會變形,而且閣會傷著腰子,造 成目睭、腎和其他的併發症,唉!彼種的痛苦,是正常人無法度 體會的,勸人身體加減愛 顧,運動 333 愛去實行,做 工課毋通無暝無日,睏眠愛 充足;若食的營養愛有夠, 閣愛「平衡」一下,按呢你 的健康就較無問題囉。

- 86 -


白 鴒鷥 飛向 天

79.美夢成真

白 鴒鷥 飛向 天 2008/12/21 09:30

bí bōng sîng tsin

聽著房內琴聲彈起,想著你我的過去, thiann tio̍h pâng lāi khîm siann tuânn khí,siūnn tio̍h lí guá ê ku khì,

彼段甜蜜的日子,如今已經二十外年, hit tuānn tinn bi̍ t ê jit tsí,jû kim í king jī tsa̍p guā nî,

有你的陪伴,予我感覺快樂無比, ū lí ê puê phuānn,hōo guá kám kak khuài lo̍k bô pí,

有你的牽手,一時的不如意算啥物, ū lí ê khan siú,tsi̍ t sî ê put jû ì sǹg siánn mí,

翁某嘛!三世修來的緣呢, ang bóo mā!sam sè siu lâi ê iân nī,

今世再相見,美夢咱來編, kim sè tsài sann kìnn,bíbōng lán lâi pinn,

幸福著會生,一家好團圓。 hīng hok tio̍h ē sinn,tsi̍ t ke hó thuân înn。

看著離婚的翁某愈來是愈濟,佇咧想人佮人的關係是毋是出 問題,對做伙到結合,除了緣以外,做伙的目標到底是啥物,男 女雙方攏愛明白,上無查 埔人頭殼愛清楚,才擔會 起一家的責任,向望每一 對翁某珍惜做伙的緣,同 心完成恁的美夢,予這个 緣會使圓閣長。

- 87 -


白 鴒鷥 飛向 天

80.鬧熱

白 鴒鷥 飛向 天

2008/03/25 14:21

lāu jia̍t

二月初二土地公生,陣頭是排滿街, jī ge̍h tshe jī thóo tī kong senn,tīn thâu sī pâi buán ke,

共土地公𤆬佇踅,各路陣頭比懸下, kā thóo tī kong tshuā tī se̍h,kok lōo tīn thâu pí kuân khē,

媽祖嘛佇後壁坐,保庇信徒佮逐家, ma tsóo mā tī āu piah tsē,pó pì sìn tôo kah ta̍k ke,

踅甲廟前愛排陣勢,尊敬神明愛好禮, se̍h kah biāu tsîng ài pâi tīn s ,tsun king sîn bing ài hó lé,

今仔拜拜大請客,有閒請恁來阮兜坐, kin á pài pài tuā tshiánn kheh,ū îng tshiánn lín lâi guán tau tsē,

阮兜腥臊攢真濟,有九孔嘛有龍蝦, guán tau tshenn tshau tshuân tsin tsē,ū káu kháng mā ū liông hê,

上無有白飯通好扒,緊來予阮請通奉茶, siōng bô ū pe̍h pn̄g thang hó pe,kín lâi hōo guán tshiánn thang hōng tê,

親情朋友攏叫齊,今暗歌舞閣倩一棚。 tshin tsiânn pîng iú long kiò tsê,kin àm kua bú kok tshiànn tsi̍ t pênn,

夭壽!愈暗愈精彩,毋共看是真無彩, iau siū! lú àm lú tsing tshái,m̄ kā khuànn sī tsin bô tshái,

毋過民風袂使敗,害死遐的囡仔栽, m̄ k bîn hong bē sái pāi,hāi sí hia ê gín á tsai,

土地公生過一改,大漢細漢伊著害, thóo tī kong senn ku tsi̍ t kái,tuā hàn s hàn in tio̍h hāi,

無閒𩑾𩑾鬧猜猜,前走後傱真無愛, bô îng tshih tshih lāu tshai tshai,tsîng tsáu āu tsông tsin bô ài,

真是人情陪夠夠,有影會無鼎佮無灶, tsin sī lîn tsîng puê kàu kàu,ū iánn ē bô tiánn kah bô tsàu,

佳哉四年才一擺,下回四年才閣來。 ka tsai sì nî tsiah it pái,ē huê sì nî tsiah koh lâi。

- 88 -


白 鴒鷥 飛向 天

白 鴒鷥 飛向 天

註:𤆬--帶領、引導。踅--來回走動、繞行、盤旋或是散步。扒--用筷子 把食物撥進嘴裡。無閒𩑾𩑾--忙不停的樣子。灶--用來生火烹飪的設備。

梗枋的鬧熱往年是逐年舉辦,便若拜拜著大啉大食,而且人 客是一面來一面開桌,佇彼一工,每家伙攏愛無閒辦予人食閣愛 準備拜拜。會記得八十年拄到梗枋國小的時陣,若欲倚土地生的 前一禮拜,就有家長來到學校和校長佮老師約,約講到時陣愛去 予

請,看會出梗枋人的熱情,今嘛仝款無變。���的是請人閣愛

看人面子,嘛愛看人有閒無?加上現代人較無愛予人請,後來里 民佇八十四年以後,著共伊改做四年一擺,和擴大舉辦媽祖和土 地公的踅街,祈求里內大細一切平安。

- 89 -


白 鴒鷥 飛向 天

81.路跑

白 鴒鷥 飛向 天

2008/04/03 15:01

路跑

拜四下埔欲路跑,佇學校門口開始走, pài sì ē poo beh 路跑,tī ha̍k hāu mn̂g kháu khai sítsáu,

一開始相爭無讓後, tsi̍ t khai sí siong tsenn bô niū āu,

走到橋跤著親像夾尾狗, tsáu kàu kiô kha tio̍h tshin tshiūnn giap bué káu,

大氣小氣喘袂透, tuā khuì sió khuì tshuán bē thàu,

離離落落隨人兜,有體力的拚上頭, li li lak lak suî lâng tau,ū thé la̍t ê piànn siōng thâu,

予人呵咾講伊上蓋𠢕,無體力的綴尾後, hōo lâng o ló kóng i siōng kài gâu,bô thé la̍t ê tu bué āu,

加油!加油!毋通予人等候, ka iû!ka iû!m̄ thang hōo lâng tán hāu,

走甲終點帶仔捎著就踅頭, tsáu kah tsiong tiám tuà á sa tio̍h tō se̍h thâu,

啥贏啥輸免計較,只要認真向前走, siánn iânn siánn su bián kè khah,tsí iàu jīn tsin hiàng tsîng tsáu,

身體健康自然到, sin thé kiān khong tsū jiân kàu,

講著路跑,細粒籽攏出頭, kóng tio̍h 路跑,s lia̍p tsí long tshut thâu,

中年級冠軍是建勳,講著伊上怪奇, toing nî kip kuàn kun sī 建勳,kóng tio̍h i siōng kuài kî,

若讀冊欲吐放屎稀,作業毋寫留到後學期, nā tha̍k tsheh beh thóo pàng sái hi,ts gia̍p m̄ siá lâu kàu āu ha̍k kî,

看袂出路跑走第一,恁講怪奇毋怪奇, khuànn bē tshut 路跑 tsáu tē it,lín kóng kuài kî m̄ kuài kî,

- 90 -


白 鴒鷥 飛向 天

白 鴒鷥 飛向 天

高年級偉誠上蓋𠢕,一路頭前無讓後, ko nî kip 偉誠 siōng kài gâu,tsi̍ t lōo thâu tsîng bô niū āu,

莫怪出外比賽會出頭, bo̍k kuài tshut guā pí sài ē tshut thâu,

人嘛!有人走較𠢕、有人讀冊𠢕、有人畫圖𠢕, lâng mā?ū lâng tsáu khah gâu、ū lâng tha̍k tsheh gâu,ū lâng uē tôo gâu,

噫…做人嘛!認一步真著會𠢕。 i……..ts lâng mā?jīn tsi̍ t pōo tsin tio̍h ē gâu。

註:路跑--以中文發音。離離落落--零零落落。捎--動作粗魯,隨便就拿。 𠢕--擅長於做某事。

學校每年攏會舉辦「路跑」的比賽,佇「路跑」的時陣,真 多怪現象會產生,較無愛讀的囝仔,攏較𠢕走,可能嘛是上帝𠢕 安排,予每一个囡仔攏有一項的專長,所以人嘛!毋免強求一定 愛讀到大學,抑是讀到研究所,但是一定愛學有「一技之長」認 一步真,將來著毋驚無一碗飯通食。

- 91 -


白 鴒鷥 飛向 天

82.瘋狂的少年家

白 鴒鷥 飛向 天 2008/12/11 08:15

hong kông ê siáu nî ke

深夜少年佇瘋狂,廟埕陣陣吼叫風, tshim iā siáu liân tī hong kông,biāu tiânn tsūn tsūn háu kiàu hong,

親像野馬硞硞闖,飆出夢中的荒唐, tshin tshiūnn iá bé khok khok tsông,piau tshut bāng tiong ê hong tông,

少年家啊!少年家,虛華世界引誘濟, siáu liân ke a!siáu liân ke,hi hua s kài ín iú tsē,

害恁半暝毋顧家,予狗吠甲吹狗螺, hāi lín puànn mê m̄ k o ke,hōo káu puī kah tshue káu lê,

警聲害恁頭犁犁,掠去警察局受人罵。 king siann hāi lín thâu lê lê,lia̍h khì king tshat ki̍ k siū lâng mē。

註:硞硞傱--一直不停的奔跑。掠--捕、抓

少年的問題雖然自古以來著存在,毋過現此時是愈來愈嚴 重,毋知啥欲去重視

,應該愛為

設較濟運動的所在,以免予

毒品、飈車、抑是電腦去傷害一个國家未來的主人家,甚至影響 到和諧的社會,少年人恁愛知,這个社會、這个國家以後是恁的。

- 92 -


白 鴒鷥 飛向 天

83.夜市心聲

白 鴒鷥 飛向 天 2011/6/27 20:00

iā sī sim siann

捒著擔仔行向夜市,這是阮這工的開始, sak tio̍h tann á kiânn hiàng iā tshī,tse sī guán tsit kang ê khai sí,

人是日出出門作穡,阮是日落出門做生理, lâng sī jit tshut tshut mn̂g ts sik,guán sī jit lo̍h tshut mn̂g ts sing lí,

仝款是看天趁錢,無仝是由人潮決議, kāng khuán sī khuànn thinn thàn tsînn,bô kāng sī iû jîn tiâu kuat gī,

若拄著假日,雙手著痠甲半小死, ná tú tio̍h ká jit, siang siú tio̍h sng kah puàn sió sí,

連放尿的時間攏省去; liân pàng jiō ê sî kan lóng sénn khì;

若拄著雨來天,彼就愛念歌詩, ná tú tio̍h hōo lâi thinn,he tō ài liām kua si,

念阿彌陀佛來保庇, liām o mí tô hu̍t lâi pó pì,

有狗仔、貓仔來鬥添。 ū káu á、niau á lâi tàu thinn。

啊!望天趁錢,這逝路這台車, a! bāng thinn thàn tsînn,tsit tsuā lōo tsit tâi tshia,

嚶嚶𨂿𨂿捒到路邊,這是阮的命; inn inn ua̍innh ua̍innh sak kàu lōo pinn,tse sī guán ê miā;

啊!望天趁錢,嘛著大伐向前行, a! bāng thinn thàn tsînn,mā tio̍h tuā hua̍h hiàng tsîng kiânn,

向望天公予阮趁較有食。 ǹg bāng thinn kong hōo guán thàn khah ū tsia̍h。

註:捒--推。趁錢--賺錢。拄--遇到。添--加、增、補。逝--趟、回。 嚶嚶𨂿𨂿--金屬磨擦聲。伐--腳步。

下晡時,佇羅東的街路看著有人捒著排擔車,嚶嚶𨂿𨂿行佇 路裡行,予人閃甲無跤路,算起嘛是「龐然大物」 ,若毋是主人有 - 93 -


白 鴒鷥 飛向 天

白 鴒鷥 飛向 天

逐工佇捒練出的工夫,講真的出意外是隨時的。

的生活時間佮

咱無相仝,看天趁錢,望天生活的日子,佮作穡人相仝,攏樂觀 去面對,拚出家己的夜市人生,下面的圖彼是較古早式的,和我 看著是無相仝的,請袂見怪啦!

- 94 -


白 鴒鷥 飛向 天

84.一台車

白 鴒鷥 飛向 天 2008/11/10 08:30

tsi̍ t tāi tshia

用一台車來捙拚,表現今日的奢颺, īng tsi̍ t tāi tshia lâi tshia piànn,piáu hiàn kin jit ê tshia iānn,

街頭巷尾四界騎,少年為伊拚性命; ke thâu hāng bué sì kài khiâ,siáu nîuī i piànn s nn miā,

用一台車來拍拚,做司機是予人倩, īng tsi̍ t tāi tshia lâi phá piànn,ts su ki sī hōo lâng tshiànn,

好好開是夆探聽,和掛佇車後的名; hó hó khui sī hông thàm thiann,hām kuà tī tshia āu ê miâ,

用一台車來拚命,為著厝內的某囝, īng tsi̍ t tāi tshia lâi piànn miā,uī tio̍h tshù lāi ê bóo kiánn,

愛伊盤山擱過嶺,四界奔波為趁食。 ài i puânn suann koh kuè niá,sì k pun po uī thàn tsia̍h。 註:奢颺--大派頭、大排場。 捙拚--指兩方人馬彼此之間的拚鬥較勁,多半帶有挑釁的意味。夆--予人。

「車」是現代人的代步工具,佇街路伊上濟,除了有機車以 外,猶閣有汽車,當然車對人有無仝的用途,有人未滿十八歲著 想欲騎機車,目的是為展風神,別人有伊嘛愛有,佇街仔路佮人 拚生死;出社會了後, 有人食頭路,開伊上下 班;有人為了趁食,去 予人倩做司機,每工攏 愛開車度三頓;有人是 用一台車做生理趁錢, 載貨、排擔仔抑是載人 客攏愛和伊做伙拍拚, 毋知「車」對你的意 義是啥物?

- 95 -


白 鴒鷥 飛向 天

85.路邊彼台車

白 鴒鷥 飛向 天 2011/1/21 07:50

lōo pinn hit tāi tshia

路邊彼台車,恬恬停佇遐, lōo pinn hit tāi tshia,tiām tiām thîng tī hia,

為何主人毋顧車,放伊洩風袂當行, uī hô tsú lâng m̄ k o tshia,pàng i sia̍p hong bē tàng kiânn,

窗仔頂留有估物商的名,若欲回收著敲遮; thang á tíng lâu ū kóo bu̍t siang ê miâ,nā beh huê siu tio̍h khà tsia,

路邊彼台車,恬恬停佇遐, lōo pinn hit tāi tshia,tiām tiām thîng tī hia,

風吹日曝佇坱埃,車身青苔像石壁, hong tshue jit pha̍k tī ing ia,tshia sin tshenn tî tshiūnn tsiō piah,

在人畫圖留筆跡,何時起身閣

崎。

tsāi lâng uē tôo lâu pit tsiah,hô sî khí sin koh peh kiā。

註:恬恬--安靜無聲。估物商--回收商。坱埃--灰塵、塵埃。 遮--這、這裡。

人有時會怨嘆「英雄無用武」的所在,當你無受人重用的時 陣,參像囥佇路邊彼台車的命運仝款,予人㧒佇路邊漚,袂感覺 無彩,你若是彼台車會有啥感想?當然希望有一工會當起身閣再 行、閣再

崎,開創自己的前程。

- 96 -


白 鴒鷥 飛向 天

86.講健保

白 鴒鷥 飛向 天 2008/09/09 09:13

kóng kiān pó

臺灣醫生醫術高,濟世懸壺有較多, tâi uân i sing i su̍t ko,tsé sè hiân hôo ū khah to,

開藥夆食著會好,無嘛健保換藥膏, khui io̍h hông tsia̍h tio̍h ē hó,bô mā kiān pó uānn io̍h ko,

若是洗腎就艱苦,醫生講伊得金庫, ná sī sé sīn tō kan khóo,i sing kóng i tit kim khòo,

一改健保四千箍,予你一生面烏烏。 tsi̍ t kái kiān pó sì tshing koo,hōo lí it sin bīn oo oo。

--腰子愛照顧

2009/02/17 09:47

iau tsí ài tsiàu kòo

咱的身體著愛顧,較免一生的辛苦, lán ê sin thé tio̍h ài k o,khah bián it sing ê sin khóo,

破病愛食醫生的藥丸, phuà pēnn ài tsia̍h i sing ê io̍h uân,

毋通烏白聽著濫糝灌, m̄ thang oo pe̍h thiann tio̍h lām sám kuàn,

生活飲食有所選,四秀仔飲料較莫攢, sing ua̍h ím si̍ t iú sóo suán,sì siù á ím liāu khah mài tshuân,

避免引病的麻煩,通顧腰子的安全, phiah bián ín pēnn ê mâ huân,thong kòo iau tsí ê an tsuân,

全臺腰子病兩百萬,洗腎病歷五萬層, tsuân tâi iau tsí pēnn nn̄g pah bān,sé sīn pēnn li̍ k gōo bān tsàn,

腰子病愛有準備,病落是無藥醫, iau tsí pēnn ài ū tsún pī,pēnn lo̍h sī bô io̍h i,

洗腎換腎一路痴,腹膜透析較便利, sé sīn uānn sīn it lōo tshi,腹膜透析 khah piān lī,

- 97 -


白 鴒鷥 飛向 天

白 鴒鷥 飛向 天

彼是家己好料理,過著正常的日子。 he sī ka kí hó liāu lí,ku tio̍h tsìng siâng ê jit tsí。

註:層--計算事件的單位。濫糝--隨便、胡亂來。料理--辦理、處理。 腹膜透析--利用腹膜來代替腎臟功能,經由透析藥水的使用移除體內水 分與廢物的方法。

健保雖然帶來真濟好處,嘛產生足濟的怪現象,定定聽人講 「換藥膏」 ,抑是加減挈藥食心安,甚至醫生對病人攏毋捌「用藥 教育」,可能醫生嘛是「半桶師」,一對目睭攏看著錢,親像洗腎 的患者,便若洗腎的人,敢有一个脫離開洗腎的苦海,猶閣鼓勵 講: 「加食寡仔紅肉(指的是牛肉),通補充蛋白質佮鐵質。」不過, 醫生恁愛知致著彼種病,保命就難猶有氣力趁錢嗎?牛肉真貴 咧,閣再講進口牛肉到台灣,冷凍的營養份猶賰偌濟,而且食濟 紅肉的後果是啥物,醫生考慮著無?得大腸癌的機會會增加,閣 予體質變酸,身體的抵抗力變較荏,按呢閣加上洗腎的時冷氣一 直吹,恁講「洗腎」是毋是變成患者一生的志業呢?

- 98 -


白 鴒鷥 飛向 天

87.旋根脫塵

白 鴒鷥 飛向 天 2009/03/08 18:30

suan kin thut tîn

一溝山水長流聲,溝邊靈山坐佇聽, tsit kau san tsuí tn̂g lâu siann,kau pinn lîng san tsē tī thiann,

旋根脫塵來避名,啥知路頭名 tsh i 遐。 suan kin thuat tîn lâi phiah miâ,siáng tsai lōo thâu miâ tshāi hia。

註:旋--反轉回繞,也引申為逃跑,即溜。脫--脫離。使分離。

頭城靈山寺位在福德坑邊, 逐工通聽到坑水的流水聲,是一 个真好修行的所在,本底的目的 想欲脫開這个世俗,可是又閣驚 人揣無,按呢才佇路口用牌 tshāi 你的名,予人仙想嘛想袂通。

---最後的一塊地 2009/03/07 18:30 tsu āu ê tsi̍ t t tē

都市內的彼塊地,猶閣烏烏有人犁, to sī lāi ê hit t tē,iáu koh oo oo ū lâng lê,

周圍的厝攏共 ge,到今夆耙閣搭棚。 tsiu uî ê tshù lóng kā ge,kàu tann hong pê koh tah pênn。

註:ge--取笑。夆--予人

時代的演進,觀念的改變, 啥人閣會當親像市內彼塊土地, 猶佇予人種作咧,保持青翠的面 貌,主人無受到利益引誘,是真 無簡單。

- 99 -

豎立。

--


白 鴒鷥 飛向 天

88.抾骨

白 鴒鷥 飛向 天

2009/04/06 08:52

khioh kut

四月初四這一工,雜草中佇揣卡桑, sì gue̍h tshe sì tsit tsi̍ t kang, tsa̍p tsháu tiong tī tshuē khah sang,

牌上刻羅公阿港,牌邊是落三大房, pâi siōng khik lô kong a káng,pâi pinn sī lo̍h sann tuā pang,

過身已經十二冬,如今阮嘛白頭鬃, ku sin í king tsa̍p jī tang,jû kin guán mā pe̍h thâu tsang,

今欲抾骨入甕,圓爸母做伙的夢, tann beh khioh kut ji̍ p àng,uân pē bú ts hué ê bāng,

鼻著草芳,看著花紅, phīnn tio̍h tsháu phang,khuànn tio̍h hue âng,

十二冬,十二冬, tsa̍p jī tang,tsa̍p jī tang,

目一𥍉像過工,怎赴提針補破網, ba̍k it nih tshiūnn ku kang,tsuánn hù the̍h tsiam póo phuà bāng,

向望龍神土地公鬥幫忙, ǹg bāng liông sîn thóo tī kong tàu pang bâng,

繼續保護厝底的序大人。 k sio̍k pó hōo tshù té ê sī tuā lâng。

註:抾--收拾、整理。卡桑--日語的父親。𥍉--眨。眼睛一開一合。

毋管抾骨風俗的好抑是䆀,佇阮老爸欲抾骨的彼一工,來到 墓地看到一凸一凸的墓仔,想著送老爸上山頭,目一𥍉己經十二 年了,時間佇咧過嘛真緊,愛做的代誌愛趕緊去做,較袂遺憾佇 心肝底,希望最後一改為阿爸做的這件代誌,彌補一屑仔內心的 遺憾。 雖然阮姓賴,但是往生了後要改回本姓「羅」 ,聽講古早時代 賴、羅、傅三姓聯宗,佇彼時祖先為避難免夆滅族的危機,走倚 去姓賴抑是姓傅,阮是走倚姓賴的後代,嘛是紹安的客人。

- 100 -


白 鴒鷥 飛向 天

89.人倫色彩

白 鴒鷥 飛向 天 2008/04/06 08:19

jîn lûn sik tshái

有孝序大人本份,現代的人用錢坉, iú hàu sī tuā lâng pún hūn,hiàn tāi ê lâng īng tsînn thūn,

來倩外勞爸母巡,比跤畫刀心頭悶; lâi tshiànn guā lô kā pē bó sûn,pí kha uē to sim thâu būn,

囝送安親翁某勞,賺錢較濟親情無, kiánn sàng an tshin ang bóo lô,thàn tsînn khah tsē tshin tsîng bô,

不如公孫同𨑨迌,人倫三代更加和。 put jû kong sun tâng tshit tô,jîn lûn sann tāi king ka hô。

註:坉--投入、投進。比跤畫刀--比手畫腳。

我佇想現代人有一个迷失,真濟人攏想欲用錢去解決代誌, 包含親情嘛在內,叫囡仔去安親班抑是補習班,請老爸老母去安 老院,抑是倩外勞來照顧,攏以為按呢問題著決解,愛等輪到家 己的時,可能才體會到,為何無較好的辦法通解決呢?難道阿公 袂使顧孫,孫敢嘛袂使顧阿公嗎?囡仔只要上安親班抑是補習班 學習就可以,其他的道理攏通免學嗎?向望現代的爸母換一个角 度想想咧,人倫色彩愈重的家庭,是毋是會愈幸福呢?

- 101 -


白 鴒鷥 飛向 天

90.賣菜阿桑

白 鴒鷥 飛向 天 2009/04/07 08:52

bē tshài a sáng

一个人路邊坐, tsi̍ t ê lâng lōo pinn tsē,

韭菜、杏菜、萵仔菜幾若把, kú tshài、hīng tshài、ue á tshài kuí ná pé,

叫小姐緊來買,阮的袂歹閣俗賣, kiò sió tsé kín lâi bé,guán ê bē phái koh sio̍h bē,

紅菜買轉去食補血, âng tshài bé tńg khì tsia̍h póo hueh,

瓠仔煮糜、焄湯在你下, p�� á tsímuâi、kûn thng tsāi lí hē,

蕹菜煮魚脯仔清涼閣退火, iòng tshài tsí hî póo á tshing liâng koh thuè hué,

無嘛買番薯通做粿, bô mā bé han tsîthong tsò kué,

緊來買,緊來買, kín lâi bé,kín lâi bé,

你若買,阮的生活才會得過。 lí nā bé,guán ê sing ua̍h tsiah ē tit kuè。

註:韭菜--韮菜。蒿仔菜--萵苣。幾若--若干。把--計算一握之量的單位。 俗--便宜。 紅菜--紅鳳菜。蕹菜--紅鳳菜。魚脯仔--小魚乾。 為五個囝仔—比喻賺錢(意指千元大鈔)及為家中孩子的生活。

人在世間每工為著顧三頓,毋是走東就是傱西,每一个人有家 己生存的步數,有的做生理、有的開店、抑是食頭路,毋過,對 庄跤人來講,佇路邊排擔做生理比較較簡單淡薄,橫直家己食賰 的著挈出去賣,透早抑是欲暗仔來去市仔邊跍一早起抑是一下 晡,加減賣一寡仔做所費嘛好,五箍、十箍罔窮,這款流汗錢用 較久長矣。

- 102 -


白 鴒鷥 飛向 天

91.守

白 鴒鷥 飛向 天

2009/01/29 10:11

tsiú

孤單的形影,守佇門口埕, koo tuann ê hîng iánn,tsiú tī mn̂g kháu tiânn,

嫁翁著生囝,為一家著拚命, kè ang tio̍h sinn kiánn,uîtsi̍ t ke tio̍h piànn miā,

青春就按呢來起行; tshing tshun tō án ne lâi khí kiânn;

孤單的形影,守佇門口埕, koo tuann ê hîng iánn,tsiú tī mn̂g kháu tiânn,

飼囝通鬥拑,顧翁通賺錢, tshī kiánn thong tàun khînn,kòo ang thong thàn tsînn,

這款的日子,砧佇心肝穎; tsit khuán ê jit tsí,tiam tī sim kuann ínn;

孤單的形影,守佇門口埕, koo tuann ê hîng iánn,tsiú tī mn̂g kháu tiânn,

望囝有發展,事業有顯現, bōng kiánn ē huat tián,sū gia̍p ē hián hiàn,

成家立業通貢獻; sîng ke iú sóo thong kòng hiàn;

孤單的形影,守佇門口埕, koo tuann ê hîng iánn,tsiú tī mn̂g kháu tiânn,

看囝佇拍拚,董仔佇徛名, khuànn kiánn tī phah piànn,táng á tī khiā miâ,

付出一生換掌聲; hù tshut it sing uānn tsíng siann;

孤單的形影,守佇門口埕, koo tuann ê hîng iánn,tsiú tī mn̂g kháu tiânn,

- 103 -


白 鴒鷥 飛向 天

白 鴒鷥 飛向 天

名聲予伊驚,害伊逐工踞佇遐, miâ siann hōo i kiann,hāi i ta̍k kang khû tī hia;

無人陪伴解心情; bô lâng puê puānn kái sim tsiânn;

孤單的形影,無佇門口埕, koo tuann ê hîng iánn,bô tsāi mn̂g kháu tiânn,

今嘛有改變,老去煞成仙, tann mā ū kái piàn,lāu khì(hîng iánn)suah sing sian,

人送「懿行永存」予伊干焦癮。 lâng sàng「gì hîng íng tsûn」hōo i kan ta giàn。

每一改

山欲轉到厝時,看著厝邊的老大人一个人坐佇厝

前,真愛佮每一个過路的人相借問,伊孤單無依的形影,予我想 講「以後敢會和伊仝款咧。」頂一代的序大攏是顧囝、顧孫和顧 厝佇奉獻,真是偉大的表現。 不而過,雖然是偉大,顧一世人食老換來卻是孤單,序細顧 袂到伊,序大心內總有講袂完的心酸,有啥人通去共敨解呢? 寫出這篇,向望厝裡有老大人的人,愛對序大 in 有較好的服 侍,嘛獻予彼位偉大的老母,表達內心的一屑仔敬意。

- 104 -


白 鴒鷥 飛向 天

92.竹圍內的查埔

白 鴒鷥 飛向 天 2009/01/29 09:58

tik uî lāi ê tsa poo

軟軟的田塗,竹圍內的查埔, nńg nńg ê tshân thôo,tik uî lāi ê tsa poo,

予日曝烏,變較艱苦, hōo jit pha̍k oo,piàn khah kan khóo,

共前途耽誤,講伊較粗魯; kā tsîng tôo tam gōo,kóng i khah tshoo lóo,

軟軟的田塗,竹圍內的查埔, nńg nńg ê tshân thôo,tik uî lāi ê tsa poo,

田塗較烏,放伊拋荒毋顧, tshân thôo khah oo,pàng i pha hng m̄ k o,

田底「售」字待估,講為著顧腹肚; tshân té 「siū」 jī tāi kóo,kóng uī tio̍h k o pak tóo;

軟軟的田塗,竹圍內的查埔, nńg nńg ê tshân thôo,tik uî lāi ê tsa poo,

變較糊塗,用大石坉塗, piàn khah hôo tôo ,īng tuā tsio̍h thūn thôo,

紅毛塗鞏路,講伊𠢕變步; âng moo thôo khōng lōo,kóng i gâu piàn pōo;

𠕇𠕇的紅毛土,牆圍內的查埔, tīng tīng ê tshân thôo,tshiûnn uîlāi ê tsa poo,

穡頭變較生疏,毋閣再犁塗, sik thâu piàn khah senn soo,m̄ koh tsài lê thôo,

滿面的無辜,換來花木通照顧。 muá bīn ê bô koo,uānn lâi hue ba̍k thang tsiàu k o。

註:拋荒--田地棄耕,讓它任意荒廢。鞏--以水泥或磚頭砌磚、牆等。 𠕇--硬的、堅實的

農地買賣的開放,竹圍的景觀慢慢消失去,予人感嘆,我嘛捌袂曉 想做過「了尾仔囝」,共田地賣掉去,綴人佇虛華,今可能趁袂轉來, 想想咧真後悔,無嘛退休以後,做一个快樂的作穡人。向望借一篇詩喚 醒竹圍內的查埔人,對土地有無仝觀點,對土地存較濟感恩的心,尤其 對咱跤踏的土地,更加愛好好去對待伊,減一屑仔鞏居里的方式。

- 105 -


白 鴒鷥 飛向 天

93.田地的哭聲

白 鴒鷥 飛向 天 2010/9/26 15:00

tshân tē ê khàu siann

石頭一粒一粒抨,予伊歸身攏痛疼, tsio̍h thâu tsi̍ t li̍ p tsi̍ t li̍ p phiann,hōo i kui sin lóng thàng thiànn,

紅毛塗一尺一尺鞏,予伊強欲掠狂, âng moo thôo tsi̍ t tshioh tsi̍ t tshioh khōng,hōo i kiông beh lia̍h kông,

伊予作物來生湠,先民開懇流濟汗, i hōo ts bu̍t lâi senn thuànn,sian bîn khai khún lâu tsē kuānn,

如今的人是按怎,好田歹田一直盤, jû kin ê lâng sī án tsuánn,hó tshân phái tshân it ti̍ t puânn,

盤起農舍予人居,管伊種作啥含意, puânn khí lông sià hōo lâng ki,kuán i tsíng tsò siánn hâm ì,

如今竹圍鞏居里,害伊寬寬病佮啼。 jû kin tik uî khōng ku lí,hāi i khuann khuann pēnn kah thî。

註:售--指賣的意思。居--指居住。鞏居里(khōng–ku-lí)--指鋼筋混泥土。 坉塗(thūn-thôo)--用土去填平。

農地開放買賣了後,宜蘭農村的景觀漸漸改變,向望閣一擺 喚醒人對土地的珍惜,愛 好好去規畫田地的開發, 以免造成第二次環境污染 ,以後土地的耕作佮食糧 問題,嘛愛好好思量,向 望咱的眼光愛看較遠咧, 農舍毋是唯一的選擇啦!

- 106 -


白 鴒鷥 飛向 天

94.大瓦厝的命運

白 鴒鷥 飛向 天 2009/8/12 09:50

tāi hiā tshù ê miā ūn

路邊彼間大瓦厝,徛佇遐真正久, lōo pinn hit king tāi hiā tshù,khiā tī hia tsin tsiànn kú,

形影是愈來愈痀,煙筒無煙通哱, hîng iánn sī lú lâi lú ku,ian tâng bô ian thang phū,

大瓦厝啊! tāi hiā tshù a!

無人佮你相借問,大門倒一邊現光光, bô lâng kah lí si nn tsioh mn̄g,tāi mn̂g t tsi̍ t pinn hiàn kng kng,

厝頂塌底囥佇荒,啥人閣會記得 tshù tíng thap té khǹg tī hng,siánn lâng koh ē kì tit

壁角彼頂八跤眠床, piah kak hit tíng peh kha bîn tshn̂g,

厝後屎礐仔窟通看著尻川, tshù āu sái ha̍k á khut thang khuànn tio̍h kha tshng,

正身戶橂予囡仔坐佇耍, tsiànn sin hōo tīng hōo gín á tsē tī sńg,

大瓦厝啊! tāi hiā tshù a!

倒去無人相借問,隔壁有新的樓仔厝, t khì bô lâng sio tsioh mn̄g,keh piah ū sin ê lâu á tshù,

煞予人離伊遠遠遠, suah hōo lâng li i hn̄g hn̄g hn̄g,

蛛蜘牽絲、貓仔狗仔來顧門, ti tu khan si、niau á káu á lâi k o mn̂g,

主人坐在輪椅,望著大瓦厝講: tsú lâng tsē tsāi lûn í,bāng tio̍h tāi hiā tshù kóng:

「我是不得已,毋是我無情義, 「guá sī put tit í,m̄ sī guá bô tsîng gī,

- 107 -


白 鴒鷥 飛向 天

白 鴒鷥 飛向 天

中風身不由己,序細外勞倩身邊, tiòng hong sin put iû kí,sī s guā lō tshiànn sin pinn,

復健是遙遠無期,

起來若有遐容易。」

ho̍k kiàn sī iâu uán bû kî,peh khí lâi nā ū hiah iông ī。」

註:痀--駝瘤、橐駝。哱--以口向某物吹氣或噴水。塌底--脫底。 屎礐仔窟--茅坑之下的坑。尻川--屁股。正身--正房。戶橂--門檻。

描寫傳統的建築物,佇民眾的無重視下,慢慢佇咱的身軀邊 消失去,若親像中風的老人復健遙遠無期,向望在此提醒現代人 對老建物的重視,佮序大人的照護,老仔就是寶愛去珍惜。

- 108 -


白 鴒鷥 飛向 天

95.臺灣老牛

白 鴒鷥 飛向 天 2008/06/16 11:38

tâi uân ê lāu gû

講著以早食草的日子, kóng tio̍h í tsá tsia̍h tsháu ê ji̍ t tsí,

看牛兄仔做伙真歡喜, khuànn gû hiann á tsò hué tsin huann hí,

講著以前犁田的日子,肩胛是拖甲半小死, kóng tio̍h í tsîng lê tshân ê jit tsí,king kah sī thua kah puànn sió sí,

等甲鐵牛仔來出現,只好倒佇岸邊鼻人羶, tán kah thih gû á lâi tshut hiàn,tsí hó tó tī huānn pinn phīnn lâng hiàn,

如今看機車、轎車街路一直輾, jû kin khuànn ki tshia、kiau tshia ke lōo it ti̍ t lián,

為何阮若會一點仔攏無變, uī hô guán nā ē tsi̍ t tiám á lóng bô piàn,

徛佇車牌仔跤,一付目睭圓輾輾, khiā tī tshia pâi á kha,tsi̍ t hù ba̍k tsiu înn tián tián,

巴士一點兩點才出現, pa sū tsi̍ t tiám nn̄g tiám tsiah tshut hiàn,

啥知!彼陣老牛己經慢慢蔫。 siánn tsai!hit tīn lāu gû í king bān bān lian。

註:羶--臊、腥。動物的體臭味。輾--滾動。圓輾輾--眼球打轉著。 蔫--枯萎、乾枯。

用老牛來比喻老歲仔人,彼是

佇時代的潮流下,有真濟無

法度綴著陣的,像開車、拍電腦抑是現代科技產品的使用,不過, 嘛跤踏實地佇生活,佇做𤆬孫和顧厝的工課,有的猶通幫助下 一代的經濟。只是平時看

佇車牌下等車的情景,看甲足毋甘咧,

佇庄跤公車是一、兩點鐘才有一班,閣無啥準時,害著老歲仔人 哠哠等,向望若看到遮的佇等老大人,會使順路鬥載一下,抑是 坐車的時,「博愛座」讓一下位予坐就可以啦!

- 109 -


白 鴒鷥 飛向 天

96.森林大軍

白 鴒鷥 飛向 天 2011/1/10 15:50

sim lîm tāi kun

民視異言堂佇放送,賴桑事蹟感動人, bîn sī ī giân tông tī h ng sàng,luā sáng sū tsik kám tāng lâng,

愛護地球家己動,買地種樹仔二十萬欉, ài hōo t kiû ka kí tāng,bé t tsíng tshiū á jī tsa̍p bān tsâng,

一步一印環保夢,毋是喙講哺舌空, tsi̍ t pōo tsi̍ t ìn huân pó bāng, m̄ sī tshuì kóng pōo tsi̍ h khang,

人嘛有夢袂使放,全心全力才有望, lâng mā ū bāng bē sài pàng,tsuân sim tsuân li̍ k tsiah ū bāng,

離家放囝入山嶽,牛樟梢南來灌沃, lî ke pàng kiánn ji̍ p suann ga̍k,gû tsiunn siau lâm lâi kuàn ak,

毋驚風吹抑日曝,一支鋤頭掘佮鑿, m̄ kiann hong tshue ia̍h jit pha̍k,tsi̍ t ki tî thâu ku̍t kah tsa̍k,

二十年來下苦工,欲求永久經營夢, jī tsa̍p nî lâi hē khóo kang,beh kiû íng kiú king îng bāng,

推辭捐款鬥相共,欲用咖啡來換芳, the sî kuan khuán tàu sann kāng,beh īng ka pi lâi uānn phang,

伊有長遠的眼光,交予信託萬世旺, i ū tn̂g uán ê gán kong,kau hōo sìn thok bān s ōng,

人講巧仔食戇,戇仔就食天公。 lâng kóng khiáu á tsia̍h gōng,gōng á tō tsia̍h thinn kong。

註:放送--廣播。哺舌空--空口無憑、信口開河。沃--澆、淋。鑿--刺、扎。

政客開的支票大部分是芭樂票, 哪有像賴桑這款的戇人呢?用實地的 行動愛地球,而且無求回報,有人想 欲鬥贊助,伊煞好意拒絶講:「共阮鬥 捧場一寡仔咖啡著會使咧。」看著這 款的作為怎袂使人感佩呢!「人求的 是百年基業,伊望的卻是千年山水」, 我講伊的腹腸佮眼光是咱一般人綴袂 著的。 - 110 -


白 鴒鷥 飛向 天

97.聖母傳奇

白 鴒鷥 飛向 天 2009/4/17 08:52

sìng bió tuân kî

上聖母山莊看傳奇,朝聖

山兩相宜,

tsiūnn sìng bió san tsong khuànn thuân kî,tiâu sìng peh suann liáng siang gî,

假日人潮是不止,暗時夜景毋甘離, ká jit lîn tiâu sī put tsí,àm sî iā kíng m̄ kam lî,

邊仔通遊五峰旗,毋免門票較省錢, pinn á thang iû ngóo hong kî,m̄ bián mn̂g phi khah síng tsînn,

耍完溫泉泡跤去,一工歡喜笑咪咪。 sńg uân un tsuânn phàu kha khì,tsi̍ t kang huann hí tshi bi bi。

註;佗揣—哪裡找。毋甘離--捨不得離開。

佇礁溪五峰旗邊的聖母朝聖地,對落成了後,形成一个觀光 點,毋管天主教徒也好,一般民眾也好,攏會佇山下 一下;抑是

到遮朝聖

完聖母山莊了後,落山嘛會佇遮停一睏仔,看一下

蘭陽平原的景緻,佮五峰旗水沖的遠景,若天主教徒會向聖母祈 禱一下,予心靈得到安慰,所以恁若來遮,心靈佮身體的健康攏 會一兼二顧,所以有閒三不五時上山行行咧,確實袂歹啦!莫怪 假日的時陣,真濟人攏會上山來遮享受這種的快樂。

- 111 -


白 鴒鷥 飛向 天

98.阮的故鄉

白 鴒鷥 飛向 天 2008/05/21 08:35

guán ê kòo hiong

梗枋阮蹛的所在,今來介紹予恁知, ngē pang guán tuà ê sóo tsāi,tann lâi kài siāu hōo lín tsai,

後有雪山前有海,面對龜山阮上愛, āu ū suat suann tsîng ū hái,biān tuì ku suann guán siōng ài,

山通種作番藷栽,作穡人嘛有較呆, suann thang tsíng tsò han tsî tsai,ts sik lâng mā ū khah tai,

海底有魚通好載,討海人嘛較海派, hái té ū hî thang hó tsài,thó hái lâng mā kah hái phài,

船若入港有魚來,只是辛苦吞腹內。 tsûn ná ji̍ p káng ū hî lâi,tsí sī sin khóo thun pak lāi,

阮蹛大園仔底,古早種作有較濟, guán tuà tuā hn̂g á té,kóo tsá tsíng tsò ū khah tsē,

今仔嘛全徛家,隔壁是鼻仔頭地, kin á mā tsuân khiā ke,keh piah sī phīnn á thâu tē,

鼻仔頭是懸所在,閣行是車頭頂, phīnn á thâu sī kuân sóo tsāi,koh kiânn sī tshia lōo tíng,

是現在的龜山站,倚山設站來作崁, sī hiàn tsāi ê ku suann tsām,uá suann siat tsām lâi ts khàm,

頂懸的人叫伊崁仔頂。 tíng kuân ê lâng kiò i khàm á tíng,

崁仔頂閣去是北勢坑,五十八年芙勞西風颱颱, khàm á tíng koh khì sī pak sì khenn,gōo tsa̍p peh nî 芙勞西 hong thai thai,

水飽石流厝著害,日時趕緊喝人來, tsuí pá tsio̍h liû tshù tio̍h hāi,jit sî kuánn kín huah lâng lâi,

無人損失上佳哉,遐的厝著按呢埋, bô lâng sńg sit siōng ka tsai,hia ê tshù tio̍h án ne tâi,

梗枋的名由此改,向望變新的所在, ngē pang ê miâ iû tsú kái,ǹg bāng piàn sim ê sóo tsāi,

是梗枋改更新的由來。 sī ngē pang kái king sin ê iû lâi。

- 112 -


白 鴒鷥 飛向 天

白 鴒鷥 飛向 天

較落是大塊厝佮三分仔坑,三分仔坑有人叫鑽仔坑, khah lo̍h sī tuā t tshù kah sann hun á khenn,sann hun á khenn ū lâng ki tsuàn á khenn,

三分仔坑閣去牛仔寮頂,古早寄草牛較濟, sann hun á khenn koh khìgû á liâu tíng,kóo tsá kià tsháu gû khah tsē,

牛寮是滿四界,通好予作穡人閒咧坐, gû liâu sī muá sì kài,thang hó hōo ts sik lâng îng leh tsē,

閣有一位落勾去,內湖仔無講恁毋知, koh ū tsi̍ t uī làu kau khì,lāi ôo á bô kóng lín m̄ tsai,

以前學生

上愛,是耍水的好所在,

í tsîng ha̍k sing in siōng ài,sī sńg tsuí ê hó sóo tsāi,

今嘛有人飼魚栽,有閒去參觀看覓, tann mā ū lâng tshī hî tsai,ū îng khì tsham kuan khuànn māi,

人講人親土嘛親,更新就是咱的根, lâng kóng lâng tshin thôo mā tshin, kenn sin tō sī lán ê kin,

逐位攏愛用心認,才袂辜負養咱的恩。 ta̍k uī lóng ài iōng sim jīn, tsiah bē koo hū ióng lán ê in。 註:佳哉--幸虧、好在。寄草--寄託別人餵草。牛寮--拴牛的所。落勾--脫落、遺漏。

佇梗枋國小服務倚欲二十冬,伊算起來嘛是我的第二个故 鄉,共「阮的故鄉」這篇囡仔歌完成,算是對梗枋有一个交代, 希望藉著一篇文章,紹介更新的風水、里民的生活型態佮「地號 名」的由來,通予學童做一份教材,無嘛閒閒念歌詩,通予在地 囡仔認捌家己的故鄉,培養出鄉土的情懷,嘛是我為地方獻出的 一屑仔心力,下面有一幅社區地圖,彼是社區理事長專工請許正 易老師畫的,圖面頂的圓箍佮地號名是我加的,向望借著這張圖, 予人對更新社區有閣較進一步的熟似。

- 113 -


白 鴒鷥 飛向 天

白 鴒鷥 飛向 天

- 114 -


白 鴒鷥 飛向 天

99.外澳仔好𨑨迌

白 鴒鷥 飛向 天 2009/11/9 19:00

guā á hó tshit thô

頭城外澳仔風景媠,通遊山嘛通玩水, thâu siânn guā á hong kíng suí,thong iû suann mā thong uán tsuí,

蘭博宜蘭看夠氣,造園伯朗咖啡貴, 蘭博 gî lân khuànn kàu khuì,tsh hn̂g 伯朗 ka pi kuì,

古道金殿看山景,海邊沙埔耍海湧, kóo tō kim tiān khuànn suann kíng,hái pinn sua poo sńg hái íng,

若講衝浪人上愛,假日海埔實實實, nā kóng 衝浪 lâng siōng ài,ká jit hái poo tsa̍t tsa̍t tsa̍t,

坐滑翔翼嘛袂䆀,有膽飛懸試看覓, tsē 滑翔翼 mā bē bái,ū tánn pue kuân tshì khuànn māi,

接天宮進香鬧猜猜,歡迎信徒來參拜; tsiap thian kiong tsìn hiunn nāu tshai tshai,huan gîng sìn tôo lâi tsham pài,

閣有臺灣行透透,龜山嘛愛到, koh ū tâi uân kiânn thàu thàu,ku suann mā ài kàu,

烏石港船幫候,八景船頂走, oo tsio̍h káng tsûn pang hāu,pat kíng tsûn tíng tsáu,

登島看山貌,401 有體力罔跑, ting tó khuànn suann māu,401 ū thé la̍t bóng pháu,

趕緊來,趕緊來, kuánn kín lâi ,kuánn kín lâi

觀光𨑨迌第一愛,享受宜蘭人的款待。 kuan kong tshit tô te it ài,hióng siū gî lân lâng ê khuán thāi。 註:實(tsa̍t)裝滿、塞滿的樣子。401—指龜山島上的 401 高地。跑(phá )—奔波忙碌。

外澳仔新景點的產生,造林伯朗咖啡也好、沙埔也好、蘭陽 博物館也好,攏是人氣上好的所在,按呢港澳(外澳與烏石港)一 日遊已經毋是夢。咱看熱天若到,烏石港一直到外澳仔海邊,真 的--人是實實實,來吧!來去鬥鬧熱,看龜山、耍海湧,抑是上 山落海由恁選吧!

- 115 -


白 鴒鷥 飛向 天

100.宜蘭的金車

白 鴒鷥 飛向 天 2011/2/9 20:53

gî lân ê kim tshi

幸福宜蘭民眾愛,觀光礁溪嘛袂䆀, hīng h k gî lân în tsìng ài,k n k ng t khe m

ē ái,

金車用心報恁知,多元投資誠實在, kim tshi īng sim pò lín ts i,t g ân tâ ts tsiânn si̍t ts i,

員山仔波爾上蓋強,威士奇研發伊首倡, înn s nn á 波爾 siōng kài kiông,威士奇 giân h t i siú tshiòng,

礁溪養蘭得頭獎,無毒飼蝦仔來發揚, t khe ióng lân tit thâ tsióng, ô t ̍k tshī hê á lâi h t iông,

伯朗咖啡頭城占,蘭博外澳仔攏有點, 伯朗 k pi thâ siânn tsiàm,蘭博 g

ò á lóng

tiám,

造林園區夆數念,只是森林有較欠, tsō lîm ân kh hông sià li

m,tsí sī sim lîm

kh h khiàm,

企業正派佇耕營,童玩綠博鬥牽成, khí gi ̍p tsìng phài tī king îng,童玩綠博 tà kh n sîng,

成為宜蘭鄉土情,望伊年年一直興。 sîng ī gî lân hi ng thó tsîng,

ng i nî nî it ti̍t hing。

註:數念--想念、掛念、懷念。

金車佇宜蘭參像伊的名字 相 si

ng「金做的車」,充滿了

傳奇,投資的事業與眾不同, 有飲料、食品、生物科技佮生 態等,毋但帶動地方的繁榮, 嘛提供較濟就業機會,佮引領 觀光的人潮,閣促進地方的繁 榮,值得共伊呵咾一下。

- 116 -


白 鴒鷥 飛向 天

白 鴒鷥 飛向 天

101.來去頭城

2011/2/10 08:15

lâi khì thâ siânn

頭城文風有人起,予我看著心歡喜, thâ siânn ûn h ng

lâng khí,hō g á kh ànn ti ̍h sim h nn hí,

蘭陽第一筆佇身邊,珍貴文化保惜伊, lân iâng te it pit tī sin pinn,tin k ì ûn h à pó si h i,

來去老街行予透,厝內嘛愛共探頭, lâi khì l

ke kiânn hō thà ,tshù l

im

ài khì k

thàm thâ ,

土地徛佇兩頭包,十三行文化在此留, thó tī khi

tī nn̄g thâ p ,ts ̍p s nn hâng ûn h à ts i tshú lâ ,

和平老街漸漸荒,第一匾出名是姓康, hô pîng l

ke tsi

m tsi

m hng,te it pián tsh t miâ sī sènn khng,

新興圓頂天主堂,開蘭自得是姓莊, sin hin înn tíng thi n tsú tn̂g,kh i lân ts

tik sī sènn tsng,

來來來! lâi lâi lâi!

來去頭城揣看覓,文風為何遐精彩。 lâi khì thâ siânn tsh ē kh ànn m

i, ûn h ng ī hô hi h tsing tshái。

註:土地(tī)—指土地公。自得有兩房是自得與新自得。第一筆與第一匾都出自康家。

佇無意中得著一份社區報「頭城文風」 ,真的--使人真感心, 有人恬恬佇做在地文化,看了 後予我手癢提筆寫了這首「來 去頭城」 。佇想舊所在、舊物 件,攏是先民創作的文化,愛 用欣賞、感恩的心去看,若閒 來去頭城老街小巷看看咧,無 定著予你有意外的發現,看著 「小鎮」的可愛,看著老樹跤 的故事猶原在。

- 117 -


白 鴒鷥 飛向 天

102.遊礁溪

白 鴒鷥 飛向 天 2011/2/12 09:00

iû ta khe

礁溪親像小北投,台北欲來方便到, ta khe tshin tshiūnn sió pak tâu,tāi pak beh lâi hong piān kàu,

酒店飯店滿街頭,景點予人行袂透, tsiú tiàm puīnn tiàm buán ke thâu,kíng tiám hōo lâng kiânn bē thàu,

跑馬古道濟人興,聖母山莊看夜景, pâu má kóo tō tsé lâng hìng,sìng bó san tsong khuànn iā kíng,

民宿飯店一暝停,享受礁溪溫泉情, bîn siok puīnn tiàm tsi̍ t mê thîng,hiáng siū ta khe un tsuânn tsîng,

石盤老幼攏可以,佛光滴水坊食晝時, tsio̍h puânn nóo iù lóng khó í,hu̍t kong tih tsuí pâng tsia̍h tàu sî,

呂美麗精雕賞貴氣,金車蘭園啉咖啡, lú bi lē tsing tiau siúnn kuì khì,kim tshia lân hn̂g lim ka pi,

轉去奕順軒等路紮,無嘛甕仔雞推共飽, tńg khì ī sūn sian tán lōo tsah,bô mā àng á ke thui kā pá,

免佇塞車腹肚吵,另日欲來愛趁早。 bián tī that tshia pak tóo tshá,līng jit beh lâi ài thàn tsá。

註:紮(tsah)--攜帶。推(thui)--大吃、大喝,較粗俗的表達。

自從渭水高速公路開通以後,來礁溪觀光的人不斷增加,希 望藉著這篇,可以予遊客遊賞礁溪兩天一夜的參考,礁溪本底著 是一個好所在,現此時有真濟飯店業的投資,帶動了礁溪在地觀 光。佇周邊嘛有真濟好食的「小吃」佮餐廳,嘛有袂䆀的「民宿」, 共同帶動礁溪的市草。 值得講的是「甕仔雞」除了好食佮實料,伊嘛透過行銷和廣 告,生理會使講是強強滾,假日是人𤲍人,予台北來的人客櫼到 客滿,莫怪「呂美麗精雕」會對三星搬到礁溪鬥鬧熱啦! (礁溪有兩位佛光滴水坊,一位佇佛光大學山上,另外一位佇礁溪 火車站前,本篇的滴水坊是指前仔彼个。)

- 118 -


白 鴒鷥 飛向 天

白 鴒鷥 飛向 天

119


白 鴒鷥 飛向 天

白 鴒鷥 飛向 天

作者:賴綜諒(原名汝森)自我介紹

姓賴礁溪三城底,汝是輩份祖先題, 森嘛命中木來加,四十六年來出生, 生在作穡的人家,七个排行我上細, 致蔭好命通讀冊,讀到大學開家伙, 三十而立來娶妻,出外拍拚硞硞耙, 中壢宜蘭佇咧踅,放某害囝無老爸, 流浪台北換頭家,公司夆請賺較濟, 無疑悟食蹛無較省,轉來故鄉通顧家, 辛勞毋做做頭家,開店的人窒倒街, 生理歹作愛人罵,鼻摸摸咧頭路揣, 小學老師探狼狽,通修學分為師格, 三十五歳歲頭濟,好運考到老師缺, 薪水固定有錢開,免佇奔波佇悲哀, 教書理想怎看待,學生成就阮的愛, 獨立自信無依賴,快樂學習笑咳咳, 人師師人到現在,今佇梗枋不成才。 學歷:私立逢甲大學紡織工程學系 花蓮師範學院師資班第三期 經歷:天美針織廠課長 宜蘭縣頭城鎮梗枋國小教師 獲獎記錄:宜蘭縣 99 年囝仔歌入選--五篇(八首) 金安出版社 100 年囝仔詩五首徵文--特優獎 第七屆林榮三文學獎--入選

插圖:許正易老師 學歷:花蓮師範學院美勞教育系

120


白鴒鷥飛向天