fimmtudagur 26. mars 2020 // 13. tbl. // 41. árg.
20 // VÍKURFRÉTTIR Á SUÐURNESJUM Í 40 ÁR
HEIMSFARALDUR COVID-19 OG ÁHRIF HANS Á SUÐURNESJAFÓLK
BJARKI Þ. WÍUM
Mikilvægt að hafa ekki of miklar áhyggjur af því sem maður hefur litla stjórn á Bjarki Þ. Wíum er húsasmíðanemi og hann lýsir
ástandinu í COVID-19 eins og það sé eins og mjög löng helgi. „Maður er heima fyrir og les góðar bækur, lærir, grúskar og horfir sjónvarpið. Mestu breytingarnar eru hversu mikið maður er heima,“ segir hann í samtali við Víkurfréttir. Hann segist undirbúinn fyrir að ástandið vari í nokkra mánuði. Hilmar Bragi Bárðarson hilmar@vf.is
— Hvernig ert þú að upplifa ástandið í kringum COVID-19? „Þetta er allt frekar súrrealískt, pínulítið eins og eitthver dystópía“. — Hefurðu áhyggjur? „Já smá, ég get ekki neitað því. Maður hefur helst áhyggjur af fólkinu í kringum sig. Svo er líka skrýtið að geta ekki heimsótt ömmu og afa á svona erfiðum tímum, en að sjálf-
sögðu vill maður hlífa þeim aldurshópi eins og maður getur“. — Hvaða áhrif hefur faraldurinn á þitt daglega líf? „Þetta er er í raun eins og mjög löng helgi. Maður er heima fyrir og les góðar bækur, lærir, grúskar og horfir sjónvarpið. Mestu breytingarnar eru hversu mikið maður er heima“. — Hefur þú þurft að gera miklar breytingar varðandi þína vinnu? „Já, að því leyti að skólinn er allur í gegnum netið núna. Svo veit
maður ekki hvernig fer með verklega hlutann af smíðanáminu en hann er alveg dottinn út núna“. — Er eitthvað af þínu fólki í sóttkví? „Einn einstaklingur í fjölskyldunni er í sóttkví eins og staðan er núna. Hún er í forstofuherberginu með sínum eigin útgangi. Gler á milli, svo þetta er eins og að vera í dýragarði. Jafnvel má segja að það sé eins og hún sé ennþá í útlöndum enda eru samskiptin aðallega í gegnum facetime eins og áður“.
— Hvenær fórstu að taka COVID-19 alvarlega? „Daginn sem ákveðið var að setja samkomubann á“. — Hvað varð til þess? „Andrúmsloftið í skólanum, það var allt frekar skrítið“. — Hvernig ert þú að fara varlega? „Ég held mig að mestu leiti heima og sleppi öllum óþarfa ferðum. Nóg til af mat og klósettpappír! Svo er maður mjög duglegur að þvo hendur og spritta sig“. — Hvernig finnst þér stjórnvöld standa sig í sóttvörnum? „Ég hef fulla trú á fólkinu okkar hjá almannavörnum og treysti því að þau taki góðar ákvarðanir. Öll umræða er mjög opinská sem er mjög mikilvægt“.
Maður er ansi mikið heima fyrir. Það jákvæðasta við þetta allt saman er þó að maður nær að lesa bókastaflana sem ég hef sankað að mér og svo hefur maður meiri tíma í að grúska í ýmsu á borð við björgunarskýlið í Sandgerði, samkomuhúsið Kirkjuhvol o.fl. Það er ekki leiðinlegt.
— Hvað finnst þér mikilvægast á þessum tímum? „Hringja í og hafa samband við manns nánustu og spjalla um allt milli himins og jarðar. Svo þarf maður að passa upp á andlegu heilsuna, það er mikilvægt að hafa ekki of miklar áhyggjur af því sem maður hefur litla stjórn á“. — Finnst þér að sveitarfélagið þitt gæti gert meira? „Þau fara eftir öllum leikreglunum svo ég get ekki kvartað“.
— Er samkomubannið að hafa áhrif á þig? „Já, maður er ansi mikið heima fyrir. Það jákvæðasta við þetta allt saman er þó að maður nær að lesa bókastaflana sem ég hef sankað að mér og svo hefur maður meiri tíma í að grúska í ýmsu á borð við björgunarskýlið í Sandgerði, samkomuhúsið Kirkjuhvol o.fl. Það er ekki leiðinlegt“. — Hvernig hagar þú innkaupum í dag? „Við notum netið mun meira og við búumst við að nota það að mestu leyti á næstunni“. — Hvað gerir þú ráð fyrir að ástandið muni vara lengi? „Satt best að segja geri ég ráð fyrir að þetta muni taka eitthvern tíma. Maður hefur heyrt talað um nokkra mánuði svo maður er búinn undir það“. — Þegar faraldurinn er yfirstaðinn, gerir þú ráð fyrir að ferðast innanlands eða utan? „Við gerum ráð fyrir að fara til Dannmerkur og svo í paradísina austur í Mjóafjörð“. — Hvernig eru börnin á heimilinu að upplifa þetta? „Dóttirin er ekki nema 14 mánaða svo ég efast um að hún spái mikið í þessu. Henni finnst allavega frábært að vera heima með alla fjölskylduna í kringum sig“.
