KOM, SÅG: Og gjorde noko med det. Jesper Melin Ganc-Petersen kom til Gloppen legekontor for åtte år sidan. - Vi har frigitt 500 årsverk, og det er eit forsiktig anslag, seier innovasjonsdokteren. Foto: Melin Medical
MELIN MEDICAL AS
Melin Medical AS vart etablert i 2010. Lege, gründer og hovudaksjonær Jesper Melin Ganc-Petersen i Gloppen har utvikla ei ny betalingsløysing for helsevesenet. Betalingsautomatane står i dag på 800 norske legekontor og omfattar 5.500 legar. Selskapet er i full gang med å utvikle liknande løysingar for tannlegar, kiropraktorar, fysioterapeutar og psykologar. Melin Medical har kring 50 tilsette, med hovudkontor på Sandane (10), sal, kundeservice og IT-avdeling i Oslo (30) og åtte tilsette i dotterselskapet Melin Collectors på Hønefoss som følgjer opp og krev inn ubetalte rekningar. Selskapet auka omsetnaden frå ein million kroner i 2011, til 31 millionar i 2012 (med eit lite overskot) og dobla inntektene ytterlegare til over 60 millionar kroner i 2013. Melin Medical fekk Sparebanken Sogn og Fjordane sin nyskapingspris i fjor og er innstilt til Signal-prisen frå Innovasjon Norge.
«Viss det går vår veg, kan vi bli 50-60 tilsette på Sandane.» JESPER MELIN GANC-PETERSEN
N E T T N O I N N O VA S J O N
59