Bubiltur med moskus safari og fricamping i fjella i midt-Norge

Eg og kona, Marianne, reiser ein god del på turar i nærområdet. På seinsommaren valde vi å ta turen over Sognefjellet og opp til Dovrefjell og besøkte vidare fleire flotte fjellområder i midt-Norge.

Turen starta i vanleg vestlandsvær sist i august og første stopp vart i Marifjøra i Luster, ei lita perle langt inne ved Sognefjorden. God Thai-mat på kafeen der før vi reiste videre og enda på Nymoen Leirplass som ligg fint til ved Eidsvatnet rett innafor Skjolden.

Neste dag gjekk turen over Sognefjellet i litt grått vær. Vi måtte sjølvsagt ha ei lita pause på Lom og besøke bakeriet der for å få med oss litt niste til turen vidare. Køyrde riksveg 15 litt forbi Vågåmo der vi tok over til Sel og E6 nordover til Dombås og Dovrefjell.

Vi fann en fint plass på Snøhetta Camping som er et flott utgangspunkt for turar på Dovrefjell. Laurdag hadde vi bestilt guida tur på moskus-safari saman med 20 andre deltakar. Det var strålande vær og flott turterreng. Men det gjekk ganske mange timar før vi fekk sjå ein moskusflokk i det fjerne. Men kom aldri nærare enn att kikerten måtte nyttast.

Stive og støle valde vi å køyre vidare med kursen mot Østerdalen og valde å stoppe på Grimsbu Turistsenter/camping. Veret var fint så vi fekk nyte et godt grillmåltid ute.

Vidare gjekk turen til Alvdal, der vi sjølvsagt måtte ha ein tur innom Aukrust-senteret før vi køyrde sørover. På krunglete veg over Venabygdsfjellet fekk vi oppleve høgfjellet i flotte haustfargar. En kort tur innom Ringebu før vi la oppover neste fjellside med Gålå som mål. Her finnes mange flotte plasser for fricamping. Over fjellet mot Valdres vart vegane smalare og meir svingete så enkelte stader gjekk det rimeleg seint. Men ein flott tur.

Frå Fagernes køyrde vi ned til Leira for å ta turen oppover og målet for dagen som var Vasetdansen Camping i Tisleidalen på Golsfjellet. Ein kjekk campingplass der vi kunne nyte ettermiddagssola og god grillmat utanfor bilen med elvesuset frå Tisleia som renn på begge sider av bubilplassen.

Neste dag kjørte vi den flotte Panoramavegen mellom Hemsedal og Ål. Vi fann en flott plass ved Flævassdammen på en bomveg opp forbi skianlegget. Der hadde vi to fine dager og vi sykla langt innover fjellheimen der vegen går opp til ca 1.200 m.o.h. Det var litt seint på året så det var kjølige netter. Nær frysepunktet så greitt å ha på litt varme.

Neste stopp på turen vår var Ål på Hallingdal Feriepark. Kjekk plass for barnefamiliar med god standard og mange aktivitetar. No ville vi tilbake til gamlefylket. Som mange gangar tidlegare sykla Marianne igjen i forvegen. Faktisk heilt frå Ål til tunellen på høgste punktet mellom Hol og Aurland, ei spreke dame.

Målet denne dagen var Flåm og Flåm Camping der vi hadde avtalt å møte nokre vener frå Gaupne. Denne kvelden fekk grillen og kokken kvile og vi fekk god servering på Ægir Bryggeripub. Vikinginspirert mat fall i god smak av oss. Også vel verdt å prøve er Fjord Sauna som er ei flytande badstue på fjorden.

Siste dagen på turen sykla vi på ein smal, bratt og krunglete veg frå Aurland opp til Stegastein, eit flott utsiktspunkt over Aurland sentrum på ca 800 m.o.h. Eg sykla ned att for å ta bilen med gjennom Lærdalstunnellen, medan Marianne sykla vidare over fjellet og ned att til Lærdal. Godt å kunne sette seg i bilen og køyre dei siste mila heim att til Førde etter ein kjekk tur i og over mange fjell midt i Norge. Vi har verkeleg mykje flott å by på ganske nær der vi bur.

- Marianne og Magnus