vulneravel liu husi, distritu Likisá ne’ebé mak sai benefisiariu direita husi apoiu organizasaun hirak ne’e. Projetu ne’ebé refere prepara atividade sira tuir mai ne’e: • Halo estudu konabá perfil Organizasaun Sosiedade Sivil sira husi distritu Likisá no ninia relasaun ho Autoridade Lokál no Estatal sira atu iha komprensaun di’ak bá relasaun parseiru aktual no diagnostiku di’ak liu tan bá OSC husi distritu nian;
• Kapasitasaun bá OSC husi distritu Likisá inklui pontu formasaun teorika no formasaun on the job nomós pontu reforsu tekniku/operasional apoiu nian atu hadi’ak sira nia kondisaun servisu; • Hari’i no promosaun bá fatin ‘Cidadania +’, nu’udár fatin enkontru, fahe no informasaun servisu bá OSC lokál sira; • Promosaun bá programa troka eksperensia no interkambiu nasional no internasional sira.
2. Estudu: metodolojia no difikuldade prinsipal sira
8
Objektivu prinsipal husi estudu ida ne’e mak atu halo analiza bá situasaun aktual OSC sira nian husi distritu Likisá hodi komprende didi’ak realidade distritu nian, hari’i baze informasaun ida ne’ebé atualizadu konabá realidade no dinamika OSC sira husi distritu no fó apoiu ba estruturasaun programa kapasitasaun ne’ebé implementa dadaun iha ambitu projetu Mais Cidadania, Mais Desenvolvimento.
imajen 1 Entrevista bá Sra. Isabel dos Santos, diretora OBC Moris Hakmatek.
Estudu bazeia bá iha abordajen integradu husi analise perfil no kapasidade teknika nomós material sira husi OSC (dimensaun interna nian) no, husi parte seluk, bá potensialidade no obstaklu husi kontekstu sira ne’ebé ha-opera (dimensaun eksterna nian). Metodu halibur informasaun nian • Hala’o inkeritu bá ONG lokal nain 17 husi distritu Likisá (Matriz inkeritu iha aneksu 1); • Hala’o inkeritu bá grupu Sosiedade Sivil sira seluk, mak hanesan, ko’operativa sira no Organizasaun Baze Komunitaria sira ne’ebé hala’o aktividade iha distritu (Matriz inkeritu ne’ebé hala’o bá OBC no ko’operativa sira iha aneksu 2); • Hala’o intervista bá atór sira ne’ebé lá hanesán hahú husi entidade governamental sira mak hanesán: Ministeriu Administrasaun Estatal no Ordenamentu Territoriu (MAEOT), Diresaun Nasional Ko’operativa (DNCOP), Autoridade Lokal sira, OSC internasional no nasional sira mak hanesán: FONGTIL, Rede feto, Rede ONG Likisá, FOKUPERS, Belun, AECID, no sira seluk tan;