10. Metodolojia servisu nian 10.1 Diagnostiku nesesidade no definisaun bá intervensaun prioridade sira
10.2 Meius informasaun konabá oportunidade finansiamentu nian
Kompetensia teknika formal ne’ebé fraku iha dominiu jestaun siklu projetu nian mak sai evidensia no fó sai husi ONG hotu-hotu ne’ebé intervista. Iha tempu halo preparasaun bá projetu ruma, atu halo diagnostiku bá buat ne’ebé persija no defini intervensaun prioridade sira, ONG sira hatudu meius atu hetan informasaun tuir mai ne’e: • Observasaun bá realidade fatin no nivel koñesimentu membru sira husi organizasaun nian ne’ebé hela iha Likisá no hatene tuir moris lor-loron nomós potensialidade rejiaun nian; • Diskusaun informal ho komunidade atu hetan informasaun husi suco sira ne’ebé iha rural liu no susar atu hetan asesu; • Realizasaun enkontru formal ho komunidade, autoridade lokal sira, ONG ka entidade governamental sira seluk hodi diskuti prioridade ida ne’ebé mak bele halo intervensaun no saída mak sai planu aktividade husi organizasaun ida-idak; • Peskiza liu husi inkeritu no intervista bá komunidade no lider lokal sira atu halo formulasaun bá baze de dadus hodi defini planu aksaun ruma; • Informasaun ne’ebé hetan husi eksperensia servisu iha implementasaun husi atividade sira seluk; • Meius komunikasaun ka sentru informasaun sira seluk hanesan revista Lafaek, jornal, no CAVR.
Bainhira husu konabá asesu informasaun bá kandidatura finansiamentu husi meius saída, ONG sira hateten katak mai husi fontes inforamsaun oi-oin, hanesan: • Husi inisiativa rasik, hakerek proposta no entrega bá finansiador potensial sira; • Liu husi avizu iha meius komunikasaun hanesán jornal, panfletu, rádiu, TV no internet; • Liu husi FONGTIL; • Iha enkontru regular fulan-fulan ho rede ONG Likisá nian, DLO FONGTIL nian no membru sira; • Liu husi kontaktu pesoal husi membru ONG lokal ho kolega sira ne’ebé servisu iha Dili no iha ONG seluk nomós iha; • Liu husi Rede Feto no ONG nasional sira seluk ne’ebé fahe informasaun bá ONG lokal sira; • Doador rasik mak mai konvida ONG sira bá entrega kandidatura hodi hetan finansiamentu. Bainhira husu ONG sira konabá elaborasaun bá proposta ruma bazeia bá kriteriu saída, 71% hatán katak sira bazeia bá iha regulamentu internu husi ONG rasik, iha ninia misaun no vizaun bá apár ho konsulta husi komunidade no ho lider lokál sira hodi halo levantamentu bá nesesidade sira. Organizasaun ida de’it mak hatán katak persija tetu kriteria sira ne’ebé finansiador sira husu no aksaun ne’ebé tuir kriteria hirak ne’e, enkuantu 23% hatán katak persija halo planu ne’ebé bazeia bá iha kriteria husi ONG ne’e rasik maibé persija halo komparasaun no adaptasaun bá kondisaun sira ne’ebé doador sira husu.
31