Bømlo kommune

Bømlo er ein øykommune med til saman over 1 000 større og mindre øyar. Du er aldri langt frå sjøen på Bømlo, med Nordsjøen som næraste nabo. Flateinnhaldet i kommunen er 247 km2 og innbyggjartalet er over 11 700. Kommunen sitt handels- og kommunikasjonssenter ligg på Svortland. Elles er busetnaden spreidd, med heile 5 tettstader. Det maritime miljøet pregar næringslivet. Sjøen er også ein viktig faktor for reiselivsnæringa, der skjærgarden lokkar med holmar og øyar, lune vikar og kanalar.