Diasabra Februari 23 2013
Pagina 27
UNITED TA BULA TE DEN LUNA DI JUNI CU DREAMLINERS
LARAYEDH CANDIDATO PA PROME MINISTRO DI TUNESIA
Chicago – E aerolinea di aviacion Americano United Continental a elimina tur vuelo cu e atribula Boeing Dreamliner te cu 5 di Juni, segun e aerolinea a anuncia diahuebs. E Dreamliner, cu a wordo desaroya cu añanan di retraso y un sobrecosta considerabel den Janauri a enfrenta atrobe un dia malo. A bordo di dos avion un candela a cende a consecuencia di un fayo cu e bacteria. United a informa cu ainda nan ta desea di usa e Dreamliner riba e ruta nobo Denver-Tokio, pero a pospone e prome vuelo riba e ruta di 31 di Maart te 12 di Mei, asumiendo cu e problemanan di e avion pa e tempo ey lo a ser rectifica. Oficina di prensa Bloomberg a anuncia a base di e informacion cu Boeing lo presenta diabiern un diseño nobo di carcas di e bacteria na e supervisor FAA. E fabricante di e avion lo a diseña un carcas di bacteria mas resistente na candela y lora material di aislamento adicional rond di e celnan di 8 litio den e bacteria. Segun fuentenan nan tin pensa di lo por reanunda over di un par siman e vuelonan cu Dreamliner.
Amsterdam – Partido politico di Gobierno di Tunesia Ennahda a move e ministro di Relacion Interno Ali Larayedh como candidato pa Prome Minister, segun e partido a informa ayera. Larayedh mester bira e sucesor di Hamadi Jebali. Esaki a renuncia 19 di Febrauri despues cu e no a logra di forma un gabinet technocraat. E gabinet aki mester a saca e pais Noord Africano di casi 11 miyon habitante for di e disturbio politico y social recien. E principal Prome Minsitro ta pertenece na e hala di Ennahda cu no ta desea ningun paple politico pa partidonan cu tin algo di haber cu e president Zine al-Abidine Ben Ali cu a deroca dos aña pasa. Larayedh di 58 aña di edad, un ingeniero, tabata bou di maneho di Ali 15 aña den prison. El’a bira ministro na 2011.
RAPPORTNAN A FILTRA TOCANTE MAL CONDUCTA DI AGENTENAN DI FBI Washington – E reputacion di FBI Americano ta sofocando door di filtracion di rapportnan tocante mal conducta di agentenan federal di e Servicio di Investigacion. CNN a haya e documentonan den nan man. For di e documentonan interno ta parce cu agentenan di FBI a haci nan mes culpable entre otro na difusion di potretnan desnudo, manipulacion cu material di prueba, robo di tienda y uso inapropia di database di FBI pa obtene informacion tocante amigo y famianan. E ultimo dos añanan a tuma medidanan disciplinario contra 1045 agente di FBI, di cual 85 a wordo retira. Un di e agentenan retira a coloca microfononan den oficina di su hefe. Na e servicio di cuerpo policial sexting no ta un fenomeno desconoci. Sexting ta manda mensahe di textonan sexual explicito y imagenan atrabes di smartphone of computer. Den un caso, un empleado a manda cu su telefon mobil potretnan sunu di su mes na varios colega. Esey a crea e chisme necesario na pia di trabou y tabata tin un influencia negativo tiba e actividadnan diario di varios equipo. Na FBI unda e lema ta: Lealtad, Corahe y Integridad, 36 mil hende ta traha.
PENTAGON TA PARA VUELONAN CU JSF Washington – E ministerio di Defensa Americano a suspende tur buelo di avionnan di comabte F35 JSF di Fabricante Lockheed Martin. Durante un control di rutina di e motor di e avion riba e base di e Forza aereo Edwards na California a descubri un buraco den e blad di e turbina. Pentagon a informa ayera cu ta trata di un medida di precaucion, en espera di resultadonan di un investigacion cu mester revela con e buraco a wordo produci. E programa JSF ta conta entre otro debi na e gastonan di prueba cu ta aumenta cada biaha pa basta tempo caba a ser considera un dolo di cabez, tambe pa e gobierno di Hulanda cu e scoge e F35 Joint Fight Striker na 2001 basicamente pa reemplaza e avionan F-16. Ta e intencion cu e gabinet lo dicidi definitivamente na final di e aña aki si e F 35 lo reemplaza e F16.