GODFISKEN
Selskapet Godfisken AS og etterkvart den nye båten M/S Godfisken er eit resultat av at havbruksnæringa i fylket samarbeider når det trengs. Selskapet vart etablert som ein direkte følgje av samtalar under Aqua Nor messa i Trondheim i 2015. 12 oppdrettarar frå Sunnmøre i nord til Sogn i sør stifta selskapet for å samarbeide om felles utfordringar. Det starta med lusebehandling og målsettinga var klar. Ein skulle samarbeide om ein brønnbåt med kapasitet på minst 500 tonn lastekapasitet og to flyttbare thermolicere. Ein satsa på å kombinere avlusing med sortering og uttak av slakt. Leppefisken skulle ut før behandling, og lusa skulle destruerast. Målet var skånsam behandling av fisken. Samarbeid Rostein Hausten 2015 var Godfisken AS ein realitet og ein inngjekk samarbeid med Rostein reiarlaget, som administrerar logistikken og fakturerer brukarane. Ein investerte i to thermolicerar som vart montert på Ro
M/S Godfisken ved kai hos Steinvik Fiskefarm. Foto: Frequency Florø / Roger Anzjøn.
Server våren 2016. Ro Server skal prioritere eigarane i Godfisken, men kan ta andre oppdrag ved ledig kapasitet. Effektivt og forutsigbart Dette lusesamarbeidet har vore ein stor suksess, og at avstanden mellom eigarane er så kort har gitt stor effektivitet og god beredskap. Reiarlaget har dessutan god kompetanse og erfaring med oppdrett, og eigarane blir flinkare til å dele kunnskap og erfaring. Bløggebåten Godfisken Våren 2019 var bløggebåten Godfisken ein realitet for dei samarbeidande oppdretta-
rane. Båten som ser ut som ein «mini-supplybåt» skal brukast som bløggebåt for eigarane. Den er bygd som eit ankerhandlingsfartøy og vil også nyttast ved fortøying og notskifte. Det er reiarlaget Sjøprodukt som skal drifte båten, og den er klar for oppdrag frå sommaren 2019. Betre fiskevelferd – mindre stress Bløggebåten vil gjere slaktinga meir effektiv, og både oppdrettarane og Mattilsynet er einige om at det er betre at fisken blir transportert etter avliving (bløgging) enn før. Med bruk av bløggebåt unngår ein fleire operasjonar med lasting og lossing, og dermed færre påkjenningar for fisken. Fartøyet vil ivareta fiskevelferd, smittesikring, hygiene, miljø og kvalitet på ein optimal måte. Sjøprodukt og Godfisken vil sysselsette 10 personar som går to skift om bord.
M/S Godfisken som er eigd av Godfisken AS vart døypt på «Open dag» på Steinvik Fiskefarm 11. mai 2019. Alle dei 12 eigarane var samla til dåpsfest i Florø. Foto: Frequency Florø / Roger Anzjøn.
GODFISKEN Godfisken AS Steinvik, 6940 Eikefjord www.laksiflora.no
31