MARØ HAVBRUK
Slik satsar Marø Havbruk
på berekraftig produksjon og levande lokalsamfunn Elin Tveit Sveen og mannen Trond Sveen har vore engasjert i fiskeoppdrett på Svanøy sidan slutten på 70-talet. Det starta med Svanøy Stiftelse, og då det vart delt ut ein del konsesjonar i 1986 søkte vi og fekk tilslag, fortel Elin. Marø Havbruk er i dag heileigd av Elin og Trond i lag med dei to døtrene Gro og Silje. Smått er godt, meiner familien som har satsa stort i eit lite lokalsamfunn. Det har vore ei svingande næring, og utover 90-talet var det mange som sleit, minnest gründerane på Svanøy. Vi hadde ein lokal bank som hadde trua på oss, og sjølve hadde vi klokketru på å drive som ein liten aktør. Det viktigaste for meg er at vi klarer å produsere sunn og berekraftig mat og er med og opprettheld Svanøy-samfunnet, presiserer Elin. Grøn energi Vi har eit klart mål om å drive meir berekraftig, og har investert i bruk av landstraum og batteripakkar, til fordel for forureinande og støyande dieselaggregat. Marø Havbruk og E. Karstensen var dei første i Norge som produserte laks med batteri. På anlegget Grunnsøya ved Hovden fekk dei våren 2018 installert ein batteripakke. Her sparer vi miljøet for store mengder utslepp, samtidig er støyen betydeleg redusert for dei som jobbar og bur nær anlegget. Det neste som er under bygging er ein elektrisk hurtiggåande båt – den første i norsk oppdrett - som Evoy skal teste ut. Naturens lusereinsar På Marø Havbruk er dei opptatt av fiskevelferd og satsar på førebyggande lusearbeid for å heile tida ha så lågt lusenivå at ein slepp å sette i gang store avlusingsoperasjonar. I tillegg til luselaser brukar dei lokal reinsefisk frå Eirik Svardal. - Han er ein dyktig fiskar, og vi set ekstra pris på at han er opptatt av velferda til leppefisken, fortel Elin. Vi har brukt leppefisk i 25 år – og Eirik gjer ein utruleg viktig jobb. Ikkje berre fangar han leppefisken i sjøen, men i tillegg så fiskar han leppefisken opp igjen av anlegga før vi slaktar ut oppdrettsfisken. Ein må yte sjølv For oss er Svanøy og lokalsamfunnet viktig, og vi ønskjer å bidra til at samfunnet rundt oss skal vere levande og ein kjekk plass 14
Marø Havbruk går for grøn energi, og har saman med E. Karstensen bytta ut dieselaggregat med batteri på lokalitet på Gangsøya ved Hovden. Den første elektriske hurtiggåande oppdrettsbåten er under bygging for dei to miljøbevisste oppdrettselskapa.
å bu og besøke. Eg har vakse opp med mottoet; «Skal ein få til noko, må ein gjere noko sjølv», smiler Elin. Mora Borghild Tveit, som har vore ein viktig bidragsytar i familien si satsing har alltid vore opptatt av at ein må yte, og ikkje berre krevje. Vi er ikkje så mange fastbuande på Svanøya, men vi har nokre viktige verdiar å ta vare på. Marø Havbruk er i lag med Svanøy Havbruk ein viktig bidragsytar til Svanøy Hovedgård. Kulturlåven som har sett dagens lys dei siste åra står Elin sitt hjarte ekstra nært. Vi heldt Vamp konsert på låven for 2 år sidan og dette er ein gammal draum som har gått i oppfylling.
Lokal mat og lokale opplevingar Den nyaste lokale satsinga er at vi har gått inn på eigarsida i Svanøy Segl Inn, som driv butikken, kroa og gjestehamna på Svanøy. Dette er eit fellesprosjekt på øya, som skal vere med å sikre fastbuande og tilreisande eit levande lokalsamfunn. Det viktigaste dotterselskapet vårt er Svanøy Røykeri, som leverer lokalmat over heile Vestlandet. Vi har bygt opp røykeriet gradvis, sidan vi overtok eigarskapen i 2005 – og er i dag svært fornøgde med å ha skapt 4 arbeidsplassar. Det er dottera Gro som står for den daglege drifta. Bygget til Svanøy Røykeri er eit landemerke på øya, og fungerer og som ein del av reiselivssatsinga lokalt. Her pasLAKS I FLORA