Djaweps 13 Yüni 2013
BAN PAPIA KLA
BAN PAPIA KLA
11
banpapiakla@yahoo.com
Awe ta djaweps dia 13 di yüni 2013 i nos ta sumamente agradesido ku abo, si abo ku tin e korant aki ta lesa, sea benta riba mesa ku bo kabes abou ta lesa na un manera intensivo, o ku bo Último Notisia den man hisa ta lesa. Kon ku bo ke hasié, na e momentunan aki bo ta hasiendo un dje kosnan di mas grandi den bo bida i esei ta pone bo mes na altura di tur loke ku ta pasando aki na Kòrsou. ****** Dor di lesa e kolumna aki, bo ta enrikesé bo mes na konosementu i mas ku tur kos bo ta krea un opinion muchu mas varia. Di nos parti un danki grandi, pero super grandi di ta lesando BAN PAPIA KLA. ****** Ta bon pa abo ku ta lesando sa ku na e momentunan aki tin polítikonan di nos pais tambe ku ta lesando e kolumna. Tin di nan por ta aki algun minüt sea ta dal a bou den harimentu o ta benta e korant abou i kuminsá kunsumí nan kurpa pasombra e kolumna aki no a skibi loke nan kier a lesa. ****** Mes ora ke buska pa sa ta ken ta skibi, ta ken ta mama ku tata dje outor di letranan aki. Un baina total, si e frasenan den e pida kolumna inosente aki no ta fin ni pas den kaya di esnan ku no ta kontentu. No awor aki, pero mas lat den e kolumna. BAN PAPIA KLA, ta esaki ta demokrasia! Tur hende tin libertat di skibi i duna opinion den un kolumna. ******
Hensley Koeiman
E kolumna aki ta un palabra e ta papia. E ta duna Gabinete Asjes tur tempu pa e por aklimatisá, aunke nos ta komprondé e Lider Polítiko di MAN Hensley Koeiman ku defakto esei no mester ta e kaso, pasombra 6 di e 9 ministernan ta ekspertonan ku a bira polítiko i di e tres nan, unu tabata Presidente di parlamento i tabata hopi envolví den Gobernashon. ****** Sinembargo den e kolumna aki nos a bisa ku nos lo duna nan 100 i nos lo respetá esaki tambe. Pero tin kosnan ku nos ta bai ferwaktu ku gabinete Asjes lo mester kumpli ku n’e i nos no ta spera ku lo tin rabiamentu pa e pensamentu nos ku ta bai publiká. ****** E promé ta ley 80/20. Tempu ku Ivar Asjes tabata den Parlamento e tabata pone preshon riba Gabinete Gerrit Schotte pa implementá e lei ku Pueblo Soberano a bini ku n’e esta si mester tin 100 hende den un servisio, 80 mester ta yu di tera i 20 por ta estranhero. Ku nos narrow e down na 10 trahadó, 8 mester ta yu di Kòrsou i 2 estranhero. ****** Nos, tin nos pensamentu pa loke ta trata e lei aki, pero nos mester ta konsekuente riba loke nos ta papia i hasi ayera i awe. BAN PAPIA KLA ta dos kos por sosodé. Sea ta pasa e lei aki i kumpli ku 80/20 o ta keda sin publiká i ehekutá esaki i laga e lei aki para kaminda e ta. ****** E último senario aki lo nifiká ku ta bai kontra di deseo di defuntu ku durante hopi anochi largu a konvensé te hasta nos ku 80/20 ta di sumo importansia pa e pais aki, kaminda nos mester protehá kuponan di trabou di nos mes hendenan. ****** Nos ke pa den e próksimo konferensha di prensa di Gobièrnu di Kòrsou, un periodista puntra sea promé Minister Ivar Asjes o e flamante Minister di SOAW e siguiente pregunta: Pa ki tempu ta kere ku 80/20 lo drenta na vigor i ku lo tin kòntròl i sanshon kontra di komersiantenan ku ta violando
e lei aki. Dependé di e kontesta e periodista mester sigui hasi pregunta pa asina ei kolektividat por ta na altura di un ke otro. ****** Tambe lo ta interesante pa prensa puntra nos flamante minister enkargá ku asuntunan ekonómiko su pensamentu personal di e mes un lei aki esta 80/20. Ban papia kla e úniko kos ku nos konosé algu paresido na 80/20 ta e kansion ku e kantante Jose Jose a yega di kanta algun aña pasa e kansion 40 y 20. Entodo kaso, mester bini un klaridat den e asuntu aki. Kolektividat tin derecho di sa. ******
den e bòmbòshi di lo a kambia e toets ku a keda hasi ku pòtlot. Nos ta kere ku den e kaso aki nos lo mester duna e presidente di SITEK, Darius “Lio” Plantijn rason ora ku ela bisa ku mester laga e muchanan aki bai nan HAVO i si resultá ku enbèrdat nan no meresé di ta ei, naturalesa mes lo atendé ku nan. ******
Lio Plantijn
Rubia Bitorina Pa loke ta trata e situashon dje alumnonan di Oranjeschool, nos ta pensa ku hamas i nunka Gobièrnu i den e kaso aki lesa Minister di Enseñansa Rubia Bitorina no por perhudiká e muchanan. Si djaluna awor mester laga e 12 muchanan aki hasi nan EFO Toets di nobo, ta un abusu, pasombra e muchanan lo mester hasi esaki bou di un stress enorme. ****** Tin algun pregunta ku e titular di enseñansa mester splika manera ku si 12 dje 18 muchanan a haña un rekomendashon di VSBO, ta kon ora ku a konstatá resultado di e EFO toets, no a bati bèl mes ora pero a sigui ke proseso te pa informá e muchanan? ****** Kualkier akshon na e momentunan aki ta pone e dosente, e kabes di skol komo esnan ku ta
Si e mayornan di e 12 muchanan aki ta kere ku nan tin rason, anto no ta keda e mayornan nada otro sino di bai Korte i laga Korte para e trahamentu di nobo di e EFO Toets ku Minister a bisa ku nan mester traha di nobo. Hesta un bochincha no! ******* E siman aki nos kachete a dal abou, despues ku nos a tende nos flamante promé Minister Ivar Asjes papia relashoná ku su bishita na e reunion na Aruba. BAN PAPIA KLA, si no ke e loke ku Asjes a bisa, e ta papia e mesun idioma ku Emily de Jongh Elhage. ****** Ivar Asjes a papia di trahamentu den Reino, a papia di huntu, a papia di mas fuerte. Durante 9 aña lider dje partido ku Ivar Asjes ta okupá e fushon di promé Minister a hiba un lucha tenas pa Soberania di Kòrsou den mundu. Mi Dios ta kiko ta pasando!!!! Pa esaki, ta mihó nos a keda ku Tanchi Mè anto! ******* Wèl, esaki tabata tur kos pa nos awe. Si bo tin un komentario, manda esaki pa nos na banpapiakla@yahoo.com. Laga nos bisa, te mayan ku poder di Dios.