4 UN
POLISIAL
Djasabra 01 Juni 2013
KANDELA TA DESTRUI KAS DI PALU DEN BARBOUQUET
WILLEMSTAD. – Sentral di polis ayera mainta a dirigí patruya i tambe bomberonan di Steenrijk ku urgensia pa e bario di Barbouquet pa un kandela. Na yegada di patruya na e sitio nan a bin topa ku un kas di palu ku tabata kompletamente dominá pa e kandela ku den korto tempu a poderá di e kas aki. Na e sitio tabata tin un vehíkulo ku tambe a sufri daño di kandela, miéntras ku e kandela tabata menasa di pega un otro kas den serkania.
Apesar ku e kasita di palu aki a kima kompletu, bomberonan di Steenrijk i Rio Canario a hasi un bon trabou i a evitá ku otro kasnan den serkania a pega na kandela. E kousa eksakto di e kandela no ta konosí. E kaso ta sigui bou di investigashon.
Momentu ku bomberonan a yega na e sitio
STAZJER ATRAKA DEN E LUGA DI STASHONA OUTO DI RENAISSANCE
Un bista kon e kas a keda kompletamente destruí pa e kandela
…Kuantu mas komunidat tin ku sigui sufri Minister di Hustisia? …
ANSIANA DI 78 AÑA ATRAKA DEN SU KURA DI KAS …Ya nos ta na 7 asesinato, sin solushon…
WILLEMSTAD. – Miéntras mas morto ta sigui kai, komunidat ta keda atraká di dia òf anochi, minister di hustisia mes no ta hasiendo nada. For di dia ku su persona a sinta e la manda un mensahe kla pa atrakadornan pa nan “ Fasten nan Seatbelts “ pero di esaki no ta riparando nada ya ku atrakadornan ta sigui ku nan rachanan.
Bombero kontroladó ku e kandela a keda kompletamente dominá
aña di edat ku raskánan na tur su dos brasanan i tambe raspu di uña na altura di pechu. For di un investigashon ku polis a realisá, e señora a deklará ku e tabata den su outo den kurá di kas i tabata bèk e outo pa e sali pafó.
Sentral di polis ayera anochi alrededor di 20.00'or, a dirigí un patruya na un kas den Chuchubiweg na unda un atrako a kaba di tuma lugá.
Na un momentu dado el a nota dos (2) hòmber deskonosí pa su persona ku a aserk'é i a pidié su tas. E víktima a bisa e sospechosonan ku e no tin tas. E sospechosonan a purba di kita e señora su kadena for di su garganta i otro prendanan ku e tabatin bisti.
E patruya ku a bai n'e sitio a topa ku un señora di 78
Na momento ku nan no a logra den nan intento pa
kita e prendanan, nan a hala i lastra e señora saka for di e outo i bent'é abou na suela, ku e konsekuensianan ariba menshoná. Despues di nan akto e sospechosonan a bai ku e outo di e víktima for di e sitio. Siguiendo ku e investigashon polis a haña e outo patras di un vèlt den área di Suffisant. E outo tabata intakto. Departamentu di Atrako ta kontinuá ku e investigashon. Tep: Ta supliká tur persona ku ta kere ku nan tin informashon riba e kaso aki, pa pasa e informashon pa Atrako Tim na e numbernan: 8666-140/8666-192
WILLEMSTAD. - Sentral di polis Ayera alrededor di 13.00'or, a keda notifiká di un kaso di atrako ku a tuma lugá den e lugá pa stashoná outo di Renaissance hotèl. Polis a realisá un investigashon preliminar na e sitio i a resultá ku e dama víktima (stazjèr) di 27 aña di edat, a deklará ku e la stashoná su vehíkulo riba di kuater (4) piso di e edifisio pa stashoná outo na Baden Powellweg i a baha kana bai den direkshon di un lif. Na momentu ku e dama tabata kanando e la nota ku un hòmber tabata kana bini den su direkshon. Yegando den banda di e víktima e hòmber a saka un kuchú i kuminsá hinka e víktima diferente biaha na su hep. E víktima a risibí un kòrtá na su dùim i tambe na parti ariba di su brasa robes. E víktima a kai abou i mesora a ofresé e hòmber sospechoso su tas. E sospechoso a puntra e dama si e tin un outo i na unda e outo ta stashoná pa despues duna e dama víktima e tas bek pa e saka e yabi di su vehíkulo. Na momentu ku
e sospechoso a haña e yabi di outo serka e víktima e la lanta e víktima for di suela i orden'é pa ban mustr'é e vehíkulo. Na momentu ku e víktima i e hòmber sospechoso ta kana bai direkshon di e vehíkulo, un otro outo tabata aserkando. E víktima a hisa su man robes ku tabata tur na sanger i a hasi señal ku su lepnan pa yudansa. E vehíkulo ku tabata aserkando a baha velosidat pa wak ta kiko tabata pasando. Na momentu ku e sospechoso a mira ku un persona den e vehíkulo a keda wak nan, e la kore bai for di e sitio ku e dama su tas. Ku ambulans a transportá e víktima pa poliklínika di SEHOS pa mas tratamentu médiko. Despues di tratamentu e víktima por a bai kas. E kaso ta sigui bou di investigashon.
Tur Mainta!