Djasabra 01 juni 2013
Farandula Konsierto Evento Kultura Arte Reportahe
FARANDULA
21
I K Tin!
ANA IRIA NIVILLACK TAMBE LO PRESENTA:
PREMIO GROTINI PRESENTA PA HARMONIA I KUERU
Ana Iria Nivilack: E tambe lo presentá na entrega di Premio Grotini 2013. WILLEMSTAD - Grupo Harmonia i Kueru ta un grupo musikal, kultural ku pa mas ku 26 aña kaba a bini ta deleitá nos pueblo ku kansionnan rítmiko, alegre i kultural. For di su inisio Harmonia i Kueru tabata distinguí su mes for di otro gruponan rítmiko ku su estilo úniko dor di trese e harmonia musikal kultural pa deleitá su públiko tur kaminda ku nan presentá. Selebrando 10 aña di eksistensia Harmonia i Kueru a lansa e idea pa duna homenahe na nos baluartenan. Despues di a pone tur e ideanan huntu, Grupo Harmonia i Kueru a hasi un eskoho entre diferente pilánan di nos kultura i a hinka esaki den un show kultural. Durante e show aki tur baluarte a risibí e premio ku awe nos ta yama “Premio Grótini”. Pa nos bai un tiki den historia
di e nòmber Grótini, nos ta duna un splikashon di kiko ta un Grótini. Antes, na okashonnan spesial, manera ora La Reina bishitá Kòrsou, sòldánan tabata bisti un unifòrm tur na boton i kondekorashon p’e okashon spesial aki. Nòmber di e unifòrm ei tabata “Groot Tenu”. Nos grandinan di ántes, a tuma e palabra aki over na nan propio estilo i a kambia e palabra aki den e palabra na papiamentu “Grótini”. E nòmber aki a bira un konsepto pa tur paña o vestuario ku ta keda usá na okashonnan speshal; p.e., un bistí di ku un mucha a konfirmá den dje ta un Grótini, e sapatu blanku di misa i oubade, tabata un Grótini. Ku tempu e palabra Grótini no solamente tabata wòrdu usá pa bistí, pero tambe na diferente otro okashon. Pues, buskan-
do nòmber pa e premio, e grupo no a pensa dos biaha. E premio mester yama: “Grótini”. Esaki ta nifiká un rekonosementu pa algu spesial, pa un okashon spesial. Nos baluartenan mester di e tipo di rekonosementunan aki, i Harmonia i Kueru semper bai ta pará pa duna nos aporte i honor i rèspèt na nos baluartenan. Na aña 1997, na kulminashon di e selebrashon di su di dies aña di eksistensia Harmonia i Kueru a organisá e promé Grótini den Centro Pro Arte. Grupo a hasi eskoho i a duna rekonosementu na no ménos ku 16 baluarte. Na aña 2007 Harmonia i Kueru a mira e nesesidat pa organisá e di 2 Premio Grótini, i e biaha aki a honra 15 baluarte ku e premio aki. Den kuadro di promové nos kultura Grupo Harmonia i Kueru pa di 3 biaha ta bai premia nos baluartenan kultural ku e Premio Grótini, kual lo tuma lugá djasabra 29 di yüni próksimo den Ballroom di Veneto Casino, Holiday Beach Resort. E anochi di Premio Grótini ta un
show kultural; kaminda tur nos baluartenan premiá lo ta riba tarima demostrando nan talento i nan kontribushon pa engrandesé nos kultura. Komishon Grotini 2013 a skohe a base di votashon un kantidat chikí for di tur nos artistanan nashonal 15 baluarte. Grotini 2013 lo honra e siguiente 15 baluartenan riba e anochi aki: Alvin Inecia “Tio Ali”, Anthony Jamanika, Arnell Salsbach, Benjamin Wefer Shon Benchi”, Dinah Veeris, Etzel Provence, Frank Martinus Arion, Irma van der Biest “Tante Irma”, Maria Diwan, Zojojo, Pedro Narvaez “Hermanito”, Rene Samson, Rignald Recordino “Doble R”, Roland Colastica “Roy” i Sonia Garmers. Kada un di e artistanan aki a sabi di kontribuí na un manera úniko ku nan arte i brinda e pueblo di Kòrsou un gran herensia kultural ku durante añanan nos lo por disfrutá di dje. Durante e anochi aki tambe, nos lo duna homenahe póstumo na de-
funtu Danilo “Danny” Plantijn, ku a sa di duna un gran kontribushon na nos kultura en general i tambe na Grupo Harmonia i Kueru durante hopi aña. Grupo Harmonia i Kueru di e forma aki kier mantené nos kultura bibu i duna apresio na e baluartenan aki. E Gala Show Kultural aki lo ta un anochi grandioso, kaminda e públiko lo eksperensiá nos baluartenan den un gran show i tur presente lo rekonosé e arte ku a hiba e artistanan aki na risibí e premio Grótini 2013. Pa entretené e públiko Harmonia i Kueru lo sa di deleitá tur presente riba e anochi aki, miéntras ku e kantante invitá Ana Iria Nivillac tambe lo forma parti di e show. I La Dama, Doña Mafalda Minguel tambe lo ta riba esenario pa deleitá ku su tremendo bos. Karchinan pa e gala show aki dia 29 di yüni 2013, ta optenibel serka miembronan di Harmonia i Kueru. Tambe na telefonnan 737-6316 òf 526-7505. Preis di entrada pa Premio Gròtini ta 50 florin pa entrada.
GRUPO DI KARNAVAL NOS TEI A PERKURA PA ESAKI:
A HASI ENTREGA DI T SHIRT NA PARTISIPANTENAN DI MISS TEENAGE
WILLEMSTAD - Den un ambiente masha ameno mes na World Trade Center, Grupo di Karnaval “Nos Tei” a hasi entrega di t-shirt na e partisipantenan di Miss Curaçao teenager 2013 i nan Team! Mesora tambe a mustra e
importansia pa sostené e kousa ku Sra. Corah Kooistra a bin ta atendé ya pa vários aña! Partisipantenan ta den full swing preparando pa djasabra awor pa e tremendo kampaña pa rekoudá fondo den e akostumbrado “BAN
TOPA” ku e organisashon di DMO a bin ta hasi ya pa vários luna! Partisipantenan pa Miss Curaçao Teenager ta hasiendo un kampaña di promoshon huntu ku nan Team pa demostrá ku hòbinan por uni pa hasi kosnan positivo.