FRONTA

Heiane på Stord, Sunnhordlands største handels- og serviceområde, er kanskje det beste eksempelet på «utviklaren» Fronta. Her har selskapet har bidratt til utviding, nyetableringar og vekst i det «gamle» næringsområdet aust for E39, før selskapet regulerte og bygde ut det 230.000 kvadratmeter store Heiane Vest heilt frå grunnen av.

Fronta er ein leiande totalleverandør innan eigedomsutvikling, infrastruktur og bygg. Sidan etableringa i 1998 har selskapet vore ein viktig pådrivar og motor i utviklinga i av sunnhordlandsregionen, og vist seg som ein dyktig tilretteleggjar av nye nærings- og bustadområde. Oppskrifta er effektiv og god samhandling med tomteeigarar, kommune, fylke og stat i små til store planprosessar, følgt av kompetent og rask utbygging.

Heiane på Stord, Sunnhordlands største handels- og serviceområde, er kanskje det beste eksempelet på «utviklaren» Fronta. Heiane rommar i dag alt frå kjøpesenter til fleire byggvarehus, el-butikkar, lege- og tannlegesenter, daglegvarebutikkar, bilforhandlarar, hagesenter, bensinstasjonar og ladepunkt for elbilar – for å nemna litt av den rikhaldige tenestefloraen. Fronta har bidratt til utviding, nyetableringar og vekst i det «gamle» næringsområdet aust for E39, før selskapet regulerte og bygde ut det 230.000 kvadratmeter store næringsområdet Heiane Vest på andre sida av E39 heilt frå grunnen av.

– Stord var i ferd med å gå tom for ledige næringstomter. Noko måtte gjerast, så saman med Boligpartner Finans kjøpte me Heiane Vest frå lokale grunneigarar og sette i gang regulering og tunge investeringar i infrastruktur. No er også dette området heilt fylt opp med aktivitet, seier Kurt Arne Tyse.

Biltema, Spar Kjøp, McDonalds, Bondekompaniet og Montér er nokre av kundemagnetane Fronta har fått i hus på Heiane. Det nye varehuset til Jula blir det neste store tilskotet til butikkfloraen, eit bygg Fronta no ferdigstiller fram mot opninga hausten 2022. Heiane Vest er også viktig for det grøne skiftet i maritim industri, gjennom det seks etasjar høge og 8.600 kvadratmeter store kontorbygget som husar både teknologikonsernet Wärtsilä, næringsklynga Maritime CleanTech og det nasjonale katapultsenteret Sustainable Energy. Fronta hadde totalentreprisen både på dette landemerket og nabobygget, der Sustainable Energy utfører banebrytande testar av framtidas grøne drivstoff for skipstrafikken. Heiane Vest er vidare hovudsete for

Sunnhordland Interkommunale Miljøverk – med administrasjon, miljøstasjon, og stor omlastehall for restavfallet som blir samla inn i regionen.

Allereie før Heiane Vest var fylt opp, gav Fronta og Boligpartner Finans seg i kast med neste steg: Heiane Sør. Her har selskapet regulert ein heilt ny bydel som kombinerer bustad- og næringsområde. I bydelen er det plass til rundt 700 bustader, skule og barnehage, i tillegg til cirka 300.000 kvadratmeter med næringstomter tett på E39. I delar av området er bustadbygginga godt i gang.

Frontagruppen er ein leiande totalleverandør innan eigedomsutvikling, infrastruktur og bygg. Selskapet har 20 tilsette, hovudkontor på Stord, og omsette i 2021 for 180 millionar kroner.

www.frontagruppen.no

– Skal Stord tiltrekka seg ny aktivitet, må me ha attraktive bu- og næringsområde tilgjengelege for dei som vil etablera seg, fastslår Tyse – eit mantra han har gjentatt dei siste 20 åra.

Fronta har også engasjert seg i utviklinga i Leirvik, sjølve sentrum i byen og regionsenteret Stord. På den gamle meieritomta har selskapet realisert Meierikvarteret – Leirviks nye landemerke. Dei to kvite høgblokkene kombinerer 44 leilegheiter i høgda med næringsareal nede på grunnplanet. Eitt av lokala husar hovudkontoret til Fronta.

– Som regionsenter for Sunnhordland treng me òg eit levande sentrum, og både som bedriftsleiar og privat investor er eg er oppteken av at me må legga til rette for ny aktivitet også i og rundt sjølve sentrumskjernen, seier Tyse.

Som investor har Fronta-sjefen vidare vore tungt involvert i bygginga av Stord Helsepark – som har redefinert og revitalisert delar av gågata i sentrum med eit breitt spekter offentlege og private helse- og velværetenester under eitt og same tak. Saman med Alfa Eiendom er Tyse også tungt inne som pådrivar og utviklar av eit flunkande nytt hotell i maritime omgivnader nede på kaikanten inst i Leirvik hamn.

– Hotellet vil bidra til å gjera Stord og Sunnhordland endå meir attraktiv som turistdestinasjon, samstundes som det aktive næringslivet i regionen får eit større og betre overnattingstilbod, påpeikar Tyse.

Sjølv om mykje av aktiviteten har skjedd på Stord, tar Fronta også del i utviklinga andre stader i landet – anten i form av eigedom, infrastruktur og bygg for næringsliv og offentleg verksemd, bustadområde, eller bygg og anlegg for idretten.

Selskapet har mellom bygd tre Rema 1000-butikkar, blant anna i Odda, renovert Nordea-bygget i Bergen, utvikla og bygd ut bustadområdet Halsnøy Panorama i Kvinnherad, og Fronta har bygd tre nye Felleskjøpet-butikkar i høvesvis Mo i Rana, Kvinnherad og på Stord. Den største basketballhallen i landet, idrettslaget Frøya sin nye kamp- og treningsarena i Bergen, er også ført opp med Fronta som totalentreprenør. Det same er tilfelle for den nye fleirbrukshallen Nore Neset Arena i Bjørnefjorden kommune, fleirbrukshallen ved Brakanes skule i Ulvik, notbøtehallen til Egersund Net og dei store nye sorteringshallane til Hallingdal Renovasjon IKS i Ål.

Fronta har også sikra seg eit godt fotfeste innan landbasert oppdrett. Til denne raskt veksande næringa har selskapet mellom anna levert dei tre hallane som husar klekkjeriet og postsmoltproduksjonen til Erko Settefisk i Sagvåg på Stord og to bygg for Hardingsmolt i Tørvikbygd i Kvam. Fronta har òg bygd stålhallane til det gigantiske settefiskanlegget til Lerøy Sjøtroll i Fitjar – eitt av verdas største og mest moderne i sitt slag. Anlegget i Fitjar har ei samla grunnflate på 14.500 kvadratmeter, fordelt på tre bygningskroppar. Desse rommar to klekkjeri, 10 oppdrettsavdelingar med separate RAS-anlegg (Recirculating Aquaculture Systems), totalt 52 betongkar for startfôring, pre-smolt-, smolt- og postsmoltproduksjon, i tillegg til laboratorium, kontrollrom, sorteringsrom og heilautomatisk vaksineringshall.

Meierikvarteret, som kombinerer leilegheiter med næringslokale, er blitt eit landemerke i Leirvik sentrum. Rema 1000-bygget i Odda er ein av tre Rema-butikkar som Fronta har sett opp.

FK-butikken på Seimsfoss i Kvinnherad var det andre Felleskjøpet-bygget Fronta leverte. Den første blei bygd på Stord, og den tredje er no under bygging i Mo i Rana.

Med ei samla grunnflate på 14.500 m2 er stålhallane som rommar settefiskanlegget til Lerøy Sjøtroll i Fitjar det største byggeprosjektet Fronta har hatt til dags dato.

Effektiv og god samhandling med tomteeigarar, kommune, fylke og stat i små og store planprosessar, følgt av kompetent og rask utbygging, er oppskrifta dei tilsette i Fronta jobbar etter.

Det nye Jula-varehuset, som opnar hausten 2022, blir det neste store tilskotet til butikkfloraen på Heiane på Stord.

– Settefiskanlegget til Lerøy Sjøtroll er vårt største byggeprosjekt til dags dato. Trass utfordringar med ei ekstremt trong og travel tomt, og krevjande koordinering inn mot dei andre fagdisiplinane, kom me i mål med stil. Me leverte avtalt kvalitet til rett tid, og hadde null fråværsskader gjennom heile prosjektet, konstaterer Tyse nøgd.

Å bidra til å skapa arbeidsplassar er viktig for Fronta-sjefen.

– På Tysnes kjøpte Fronta i si tid den gamle Pyrox-fabrikken og etablerte produksjon av ferdigelement til bustader me bygde. I dag er denne produksjonen overteken og vidareført av Optimera, Noregs leiande aktør innan sal og distribusjon av byggevarer, trelast og interiør, som no har rundt 25 tilsette i arbeid i fabrikken. Dette er arbeidsplassar som Tysnes ikkje ville hatt om ikkje Fronta hadde tatt grep. Dette er også tilfelle i mange andre av dei prosjekta me har hatt opp gjennom åra, der Fronta har vore pådrivar for nye næringsområde og bygg som har gitt rom for ny verksemd og auka sysselsetting, konstaterer Tyse. Han er alltid på jakt etter nye moglegheiter.

– I Fronta ser me på heile Hardangerfjorden som vårt nærområde, og held augo opne for prosjekt som både gir jobb til oss og utviklar regionen. Det er mykje spennande som skjer på begge sider av fjorden, og me ønsker å vera med!

Ønsket om å skapa arbeidsplassar er òg viktig for den private satsinga hans som investor i Hellesøy verft og Fonnafjord Næringspark i Kvinnherad.

– I trua på at små og mellomstore bedrifter kan henta ut synergiar av å vera samlokaliserte, kjøpte Fonnafjord Næringsutvikling lokala til Palfinger på Seimsfoss og inviterte nye verksemder inn. Det har vore ein suksess. Eksisterande bygg er i dag fylt opp, og selskapet avslutta nyleg ei regulering av området som vil gi moglegheiter for utvidingar av næringsparken, fortel Tyse. Han legg til at Fonnafjord Næringspark også er engasjert i Omvikdalen, der selskapet saman med grunneigarar jobbar med regulering av eit 40 mål stort næringsområde i Sandvikslia.

Tribunane er fulle når Frøya Basket spelar eliteseriekampar i hallen sin i Laksevåg. (Foto: Frøya IL)