Otxandioko Udal Aldizkaria 覺 2015eko udaberria 覺 16. zenbakia EDITORIALA
GUZURMAIKO
Irisgarritasun plana diseinatuta
Interesdun telefonoak Otxandioko Udala Medikuan zita hartzeko Herri Eskola Haurreskola Liburutegia Nagusien egoitza Larrialdiak Durangoko ertzain etxea Emakumeenganako indarkeria sexistaren informazio zerbitzua
945 45 00 20 Ayto. de Otxandio 945 45 50 17 Concertar cita 945 45 01 01 Colegio Público 945 45 09 97 Haurreskola 945 45 05 17 Biblioteca 945 46 14 03 Residencia de ancianos 112 Urgencias 94 466 93 00 Comisaría Ertzaintza Servicio de información a la victima de 900 840 111 violencia sexista
Autobusak/Autobuses Bizkaibus (Bezeroentzat) 902 22 22 65 La Unión 945 25 84 00
Ordutegiak • Udaletxeko bulegoa Astelehenetik ostiralera 8:00-15:00 • Gizarte laguntzailea / Asistente Social Azteazkena 8:30-14:30 (ordua eskatzeko deitu aldez aurretik) • Arkitektoa / Arquitecto Ostegunetan (ordua eskatzeko udaletxera deitu aldez aurretik) • Liburutegia/ Biblioteca Asteartetik ostiralera 16:30-20:30 Larunbata 10:00 - 13:00
Helbide elektronikoak alkatetza@otxandio.net idazkaritza.otxandio@bizkaia.org administrazioa.otxandio@bizkaia.org arkitekto.otxandio@bizkaia.org ZUEN IRITZIA PLAZARATZEKO HURRENGO HELBIDEETARA JO DEZAKEZUE E-mailez: idazkaritza.otxandio@bizkaia.org Posta arruntaz: Plaza Nagusia, 1 48210 Otxandio Kontzejupeko buzoia
GUZURMAIKO Argitaratzailea: Otxandioko Udala Egilea: Otxandioko Udala / Arteman komunikazioa Argazkiak: Otxandioko Udala Ale kopurua: 600 Lege gordailua: SS-1749-2010
Otxandioko Udala Plaza Nagusia, 1 48210 Otxandio Tf: 945 450020 945 450503 Fax: 945 450362 www.otxandio.net 2 I GUZURMAIKO
AURKIBIDEA Editoriala Irisgarritasun plana
3 4-5
Udala-Batzordeak Ogasuna
6-8
Zerbitzuak
9
Hirigintza
10-11
Euskara
12
Giza eskubideak
14
Kultura
14-15
EDITORIALA
Agur esateko tenorea beste batzuek testigua har dezaten
L
egealdi honek eman du berea eta konturatu orduko testigua pasatzeko unea iritsi da. Maiatzeko hauteskundeak gainean ditugu eta Guzurmaiko honekin udal talde honek agur esaten dio lau urteko denboraldi oparoari. Ez da hau egindako lanaren balorazio politikoa egiteko lekua; besterik gabe, gure denbora, gogoa eta indarrak zertan jarri ditugun labur-labur errepasatuz amaitu nahi dugu. Izan dira akatsak eta erdibidean gelditu diren asmoak. Tartean ondo egindakorik ere izango zen. Pasioz jardun gara eta hori omen da exigitzea zilegi den gutxienekoa. Legealdi hau testuinguDiru-sarrerak asko ru ekonomiko eta sozial berri murriztu diren aro bat batek ezaugarritu du. Bukatu inauguratu du legealdi dira Udalak adreiluaren burbuilatik finantzatzen ziren gahonek, inbertsio gairaiak, akabo inbertsio handien tasun murritzarekin garaiak. Diru-sarrerak asko jardungo gara, eta murriztu diren aro bat inauondorioz lehentasunak guratu du legealdi honek, eta gaude hemendik aurrera ere ondo definitzen asmatu antzeko egoeran aurkituko beharko dugu. garela. Testuinguru berri honek hankak lurrean jartzera behartzen gaitu. Inbertsio gaitasun murritzarekin jardungo gara, eta ondorioz lehentasunak ondo definitzen asmatu beharko dugu. Eta hori baino gehiago, gutxiagorekin bizitzen ikasi beharko dugu, eta daukaguna hobeto baloratzen. Testuinguru berri honetan, Udalaren egoera ekonomikoa ona dela esan dezakegu. Ohiko gastua ondo dimentsionatuta dago eta inbertsioetarako tarte bat ere eskaintzen dute diru sarrerek. Legealdi honetan, lortutako diru-laguntzei esker plazako obrari heltzeko gai izan gara adibidez. Udal-batzorde desberdinek lan opa-
roa burutu dute. Adibide gisa, Kultura eta Euskara batzordeak kultur agenda herritar bat eskaintzen ahalegindu dira (jaiak, ikastaroak, antzerkiak, etb.) eta baita gure herriaren euskalduntze prozesuan eragiten ere (amaraunarekin elkarlanean). Giza Eskubideen batzordeak, bere aldetik, berdintasun plana diseinatu eta immigrazioaren gaiari heldu dio. Urrats aipagarri bat: Andikonako foroa sortu da. Udalak esperientzia hau sustatzeko ahalegina egin du azken urteetan. Hiru jardun-ildo proposatu ditu Andikonako foroak: giza eskubideen urraketa guztiekin amaitu eta biktima guztien errekonozimenduan eta erreparazioan oinarrituko den elkarbizitzaren alde egitea; bizi dugun gatazka politikoaren oinarrian dagoen erabakitze eskubidea defendatzea; eta kultura politiko berri bat sustatzea herrigintza irabazle atera dadin. Sentsibilitate politiko desberdineko herritarrak batu dituen komunikazio espazio berri bat da Andikonako foroa. Aldiz, konponbide haizeari muzin eginez, Estatuaren partetik jendartearen gehiengoaren borondatearen kontrako inposaketak etorri zaizkigu: bandera espainola udaletxeko balkoian jarraraztea, gobernu delegatuak euskara planak errekurritu izana, Udalbiltza diruz laguntzeko oztopoak, udal langileei ez ohiko soldatak ordaintzeko oztopoak, etb. Bukatzeko, legealdi honetan pauso estrategiko bat eman dugunaren irudipena daukagu: Otxandioren garapen humano eta jasangarriaren alde lan egingo duen garapen teknikaria kontratatu du Udalak. Sinetsita gaude datozen hilabeteetan Herri-ola egitasmoaren baitan definitutako proiektuak azkartzeko baliabidea izango dela. Eta besterik gabe, etorri bezala bagoaz! GUZURMAIKO I 3
UDALA
GAURKO GAIA
IRISGARRITASUN PLANA ESPAZIO PUBLIKOA ORDENATZEKO PLAN BERRIA BUKATUTA Udalak irisgarritasun plana berritzearen beharra ikusi zuen iaz bi arrazoi tarteko. Batetik, diru-laguntza desberdinetara aurkeztu ahal izateko irisgarritasun plan gaurkotu baten beharra dagoelako, eta zegoena zaharkituta zegoelako. Eta, bestetik, irisgarritasunetik abiatuta, herriko espazio publikoak (eraikin publikoak barne) eta hauen ordenatzea arnas luzeko ikuspegi batez pentsatu beharra zegoela ikusi zelako.
Samartoi kalea.
Sei hilabete inguruko prozesuaren ostean Udalak irisgarritasun plan berria onartu du. Plan honen diseinuan herritar eta eragile desberdinek hartu dute parte antolatu diren saio desberdinetan, tartean eskolak, guraso elkarteak, zaharren egoitzak eta jubilatu elkarteak. Espazio publikoaren antolaketarako plan honek hirigunearen antolaketa, eraikin publikoen irisgarritasuna, garraioa eta komunikazioak aztertzen ditu eta proposamen desberdinak proposatzen herri eredu atseginago, irisgarriago eta iraunkorrago bat eraikitzen joateko.
Samartoi eta Ospitale kaleen arteko bidegurutzean erabilera anitzeko gunea jarriko da. Eta oinezkoen gunea zabaltzeko, bidegurutzean bertan dauden aparkalekuak kenduko dira.
Ospital kalea
DISEÑADO EL PLAN DE ACCESIBILIDAD El Ayuntamiento ha aprobado el nuevo plan de accesibilidad de los espacios públicos de la localidad. El plan ha sido diseñado con la participación de numerosos agentes y vecinos de Otxandio, que han trabajado en él durante seis meses. Este plan analiza el ordenamiento urbanístico, la accesibilidad de los edificios públicos, el transporte y las comunicaciones. Y su objetivo es crear un modelo de localidad más agradable, accesible y sostenible. Para ello propone una serie de intervenciones que irán ejecutándose conforme existan recursos económicos. La ejecución de cada una de las ejecuciones será previamente discutida con los/ as vecinos/as.
4 I GUZURMAIKO
Espaloia eta galtzada kota berean daudenez, lurrari testura berezia emango zaio ibilgailuak, horretaz ohartuta, mantsoago ibil daitezen. Era berean, autobus geltokiko azelerazio gunea murriztuko da oinezkoen mesedean.
GAURKO GAIA UDALA Eskola ingurua URAK BIDE IRISGARRITASUN PLANAREN EGILEAK
"Kalea gehien erabili eta mugikortasun arazoak izan ditzaketeneekin batzartu eta proposamenak jaso ditugu"
Espaloia bi metrora arte zabalduko da eta galtzada estutu. Ibilgailuen bi noranzkako pasoa baimentzeko, bi bazterbide jarriko dira.
Eleixoste plaza
Plazaren erabilera handitzeko, hormigoia kendu eta hiri-altzariak eta landareak jarriko dira. Oinezkoentzat izango da eta etorkizuneko osasun-zentroaren alboan lau aparkaleku jarriko dira.
Udaletxe kalea.
Oinezkoentzat izango da, baina ordu jakinetan garajeen jabeek baimena izango dute autoa sartu edo ateratzeko. Bizikletak ibili ahal izango dira, baina lehentasuna oinezkoena izango da.
Zertarako balio du Irisgarritasun Plan batek? Orotariko oinezkoaz ari gara, adinez eta generoz diskriminaziorik egin gabe. Irisgarritasuna espazio publikoa oinezko guztientzako eskuragarria eta erabilgarria izatea da, baita eraikin, komunikazio eta garraio publikoa ere. Horretarako, oinezkoen ibilbideak, maldak, esparru berdeak, lurzorua, altzariak, komun publikoak, udal kirol ekipamenduak, garraio publikoaren geralekuak…bat datozen aztertu dugu. Mugikortasun jasangarria oinezkoak eta garraio publikoak bere tokia berreskuratzean datza. Ibilgailu pribatuaren erabilera murriztu, eta espazio publikoan mugitzeko baliabideen arteko oreka lortzea. Zirkulazioa gutxitu, hobetu eta energia aurrezten da. Espazio publikoaren berrantolaketa berau gizatiartzea da. Herriko eraldaketa koherentea da. Eta espazio publikoa diseinatzerakoan genero ikuspegia beti presente. Aktuazio integralak egin ditugu, osotasuneko proiektua proposatuz. Plan hau garatzeko herritarren parte hartzea izan duzue. Norekin batzartu zarete? Zein ideia jaso dituzue? Kalea gehien erabili eta mugikortasun arazo gehien izan ditzaketen taldeetara jo genuen: eskolara, haur eskolara, gurasoen elkartera, nagusien egoitzara eta jubilatuen elkartera, horien ikuspuntua eta ezagutza jasotzeko. Hainbat proposamen jaso genituen: eskolako haurrek, jolas lekuak egokitzea eta eskolarako ibilbide seguruak ziurtatzea; nagusien egoitzakoek, plazara joateko ibilbide zuzenagoa egokitzea; eta erretiratuek, Mekoletarako ibilbidea luzatzea. Orain plana bukatuta, nola ikusten duzue Otxandioko herria irisgarritasunari dagokionez? Zeintzuk dira ahuleziak? Hobekuntzok gauzatzeak luze joko du. Konturatu gara zeharkako ibilbideak (Mendebaldetik-Ekialdera eta alderantziz), zailtasun urbanistiko eta zirkula-
zioaren erruz, oztopoz josita daudela. Ospitale kalearen Gurutze-bideak antolatzea klabea da. Bestalde, alde zaharreko kale batzuk oinezkoentzako egokituta egon arren, badira beste kale eta auzo batzuk automobilaren presentzia desordenatuak oinezkoa baztertzen duenak, ez erabilgarria bihurtuz. Adibidez, Mainerrota-Karnizeri ingurua, Indusi eta Iturrizahar auzoak, eskolarako bidea... Indusi auzoan bereziki diseinu urbanistikoa kotxearen erabileran pentsatuta dagoela dirudi, kanpoaldean egonda eta lo egiteko auzoa izanda, kotxea nonahi sartu eta kasu askotan errepidearen bi norantzatan mugitu daitekeelako. Zein proposamen egiten dituzue irisgarritasuna hobetzeko? 13 proposamen integratu garatu ditugu, eta horiek ekimen txikiagoz osatuta daude; hala, guztien artean Herri proposamen koherente bat osatzen dute. Aipagarrienak hauek lirateke: -Eskolarako ibilbideak egokitu. -Hospital kalea eta Mainondo kaleko bidegurutzearen eraldaketa. -Herri barruko zeharkako ibilbideen hobekuntza: Nagisien egoitza eta eskola Plaza Nagusiarekin komunikatzeko. -Urigoiena kaleko espaloia zabaltzea. -Karnizeri eta Mainerrota kaleen egokitzapen urbanistikoa. -Iturrizar auzoan parkinaren handitzea eta berrantolaketa. -Indusi etxetaldean woonerfak eta oinezkoen ibilbideen jarraitasuna. -Uribarrena kalean kotxeen abiadura jeisteko proposamenak. -Basogai kalean eta 4 eta 10 Egikaritza Unitateen aurreikuspena eta proposamenak. -Oletako ibilbidearen, Zelaietako poligonora doan ibilbidearen eta San Antonio auzora doan ibilbidearen egokitzea. -Mekoletako auzoaren egokitze urbanistikoa. -Anteparaluzeta auzoan, autobus geltokia eta oinezkoen ibilbidearen luzapena Otxandioko nukleoraino.
GUZURMAIKO I 5
UDALA
BATZORDEAK
OGASUNA >>AURREKONTUAK
2015. urterako Udal Aurrekontuak aho batez onartu ziren Joan den otsailaren 5ean burututako Udal Osoko Bilkuran, 2015. urterako Udal Aurrekontuak aho batez onartu ziren. Bestalde, otsailaren 11n, 2014ko kontuei dagokien likidazioa itxi zen. Batak zein besteak, aurten Udalak izango dituen baliabide ekonomikoak zehazten dituzte, eta hauen ardatz nagusiak labur-labur argitzera dator albiste hau.
Aurrekontuetan zehaztu den bezala, Udalak aurtengo gastu guztiei aurre egiteko 1.556.303,43€ izango ditu, iaz baino %4,2 gehiago. Kopuru horretatik, 1.363.670€ ohiko gastuei (udal langile eta zinegotzien soldatak, argindarra, kirol eta kultur taldeen dirulaguntzak, jaiak…) aurre egiteko bideratuko dira. Gainontzeko 192.633€ inbertsioetarako izango ditu Udalak. Horra hor, nora bideratuko den inbertsioetarako diru hori: 1. PLAZA NAGUSIKO LANAK 100.000E Aurreikusten diren inbertsio nagusietakoak, iaz hasitako plazako eraberritze lanak dira eta horretarako 300.000 euroko partida aurreikusi da. Horietatik 100.000€ Udalak jarriko ditu, eta gainontzeko 200.000 euroak Eusko Jaurlaritzako diru-laguntzaren bidez estaliko dira. 2. ESKOLA ETA FRONTOIKO BIOMASA GALDARA 50.000E Beste inbertsio bat eskola eta frontoiko aldageletarako biomasa galdara izango da. Jaurlaritzatik iaz lortu ez zen 104.000 euroko diru-laguntza eta Bizkaiko Foru Aldunditik beste 48.000€koa lortzeko itxaropena dago. Beste laguntza aukera batzuk ere landuko ditu Udalak, baina laguntza nagusiak huts egiten ez duen bitartean aurrera egingo du Udalak inbertsio honetan. 3. SAMARTOI KALEA 20.000€Samartoi kalea, Artekaletik Ospitalkalerarteko zatia, konpontzeko 20.000 euroko inbertsioa ere aurrikusten da. 2014an zehar egin den irisgarritasun planaren ondorioetatik datorren ekintza da hau eta laguntza txikiren bat jasotzeko aukera izan daitekeen arren, Udalak egin beharko dio aurre osotasunean.
6 I GUZURMAIKO
2014ko kontuen likidazioa
O
tsailaren 11n, iazko udal kontuen likidazioa itxi zen. Itxiera hau 261.686,29€ko emaitza positiboarekin egin zen. Hala ere, likidazio positibo hori ez da guztiz erreala. Badira pare bat gauza kontuan izan behar direnak emaitza hau ulertzeko: Lehendabizi, aipatu behar da, likidazio horretan, iaz Plaza Nagusia eraberritzeko jasotako diru laguntzatik 100.000€ ageri direla. Kopuru hori oraindik erabili gabe dago, Plazako obrak aurten bukatuko direlako eta gastua aurten egingo delako. Beraz, hasteko eta behin, likidazio positibo horri 100.000€ kendu behar zaizkio. Bigarrenik, esan, eskola eta frontoirako biomasa galdara martxan jartzeko, Udalak 50.000€ zituela gordeta iazko aurrekontuetan. Udalari diru laguntza bat ukatu zitzaiolako, lan horiek burutu gabe geratu ziren. Beraz, likidazio horri galdararen lanak egiteko gordeta zeuden 50.000 euroak kendu behar izango litzaizkioke. Inbertsio hau aurten gauzatzeko esperantza dago. Beste alde batetik, arrazionalitate legearen eskutik datorren udal kontabilitatea egiteko eredu berria ezartzearen ondorioz, iaz egindako gastu batzuei dagozkien 52.223,20€ ere ageri dira likidazio horretan. Azkenik, atal honetan, Udalkutxaren iazko likidazioa aipatu beharra dago. Bizkaiko Foru Aldundiak herritarrongandik jasotzen dituen zergen banaketa egiterakoan, Udaloi urte horretarako zer dagokigun ezartzen du. Kopuru hau urte horretan espero diren sarreren aurreikuspen bat eginaz zehazten du. Gero, behin urtea bukatuta, aurreikuspen hori benetan jaso denarekin alderatzen da eta likidazioa egiten da. 2014rako BFAk zituen aurreikuspenetan ez du asmatu, eta Otxandioko Udalak 22.509€ itzuli beharko dizkio kontzeptu honetan. Gauzak horrela, Udalaren likidazioan erabilgarri gelditu diren diruetatik beste 20.000€ inguru ere ezusteko hau gainditzeko erabili beharko dira. Laburbilduz, hasierako kopuruari aurrez aipatutakoak kentzen badizkiogu, iazko udal kontuen emaitza +40.000€ inguru izango da. Bestera esanda, iaz +40.000€ soberakina izan zela esan daiteke. Hau da, inbertsioetarako dagoen diruaz aparte, Udalak beste 40.000€ izango ditu. Kopuru honek 2015. urtean sor daitezkeen uste gabeko beharrizanei aurre egiteko balioko du. Horretaz gain, aurten udal-talde aldaketa emango denez, talde berriari bere asmoei erantzuteko malgutasun tartea eskainiko dio.
BATZORDEAK UDALA
OGASUNA >>UDAL TASAK
Ez da igoerarik izango zerga eta tasetan Joan den azaroaren 23an burututako Udal Osoko Bilkuran, besteak beste, 2015ean Otxandion izango ditugun Udal Ordenantza Fiskalei hasierako onarpena eman zitzaien, Udal ordezkarien aho bateko erabakiz. Ordenantza Fiskalotan ez da igoerarik izango 2015erako, hau da, 2014an izandako zerga berdinak mantenduko dira eta, ordenantzetan aldaketa batzuk izango diren arren, hauek OHZn hobari berriak ezartzeko eta hilerriko eta animaliak bide publikotik jasotzeko zerbitzuetan sortutako aukera berriak arautzeko egindakoak izan dira. OHZrentzako hobari aukerak zabaldu dira Aipatutako moduan OHZrentzako hobari aukerak zabaldu egin dira eta aurretik zeudenez gain (familia ugariei, etxebizitza sozialei, nekazaritza kooperatibei, ‌), eguzkiaren energiaren bidez edo elektrizitatea sortzeko sistemak instalatzen diren ondasun higiezinetarako, Eusko Jaurlaritzaren 'Etxe-
bizitza Hutsen Programan' parte hartzen duten jabeentzako eta hondamendi naturalak izandako eremuetako higiezinentzako hobari berriak onartu ditu 2015erako ordenantzak. Udalaren webgunean ordenantza berriak kontsultatu ditzakezue. Honen harira, eta aldaketarik izan ez badute ere, ICIO edo etxeetan lanak egiten ditugunean Udalean ordaindu beharreko zergaren kasuan dauden hobariak gogorarazteko baliatu nahi dugu albiste hau. ICIO zerga honetan ere hobari desberdinak aurreikusita baitaude, besteak beste, etxebizitzen eraginkortasuna hobetzeko edo energia berriztagarrietara aldatzeko lanek, oztopo arkitektonikoak kentzeko asmoz egindako lanek, gaixotasun larriek sortutako beharrizanei aurre egiteko egin beharreko lanek, etb. hobari desberdinak jaso ahal dituzte. Udaleko webgunean aurkituko dituzue zehaztasun guztiak.
>>ONDASUN HIGIEZINAK
Katastroa eguneratzen Azken hamarkadetan Otxandioko ondasun higiezinen balioak jasotzen dituen katastroaren eguneraketak izugarrizko atzerapena izan du. Horrela, jabetza berriek balio eguneratua duten bitartean, jabetza zaharrek, nahiz eta azken urteetan berrikuntza garrantzitsuak izan, balio zaharrekin jarraitzea ekarri du kasu askotan. Kontuan izanda balio hau erabiltzen dela jabe bakoitzak OHGZn (Ondasun Higiezinen Gaineko Zerga) ordaindu beharrekoa kalkulatzeko, herritarrek kontzeptu honetan ordaintzen duten kopuruan desoreka nabar-
mena sortu da. Horrela, adibide bat jartzeko, blokeko pisu berri baten jabeak solairu anitzeko etxe berritu batekoak ordaintzen zuena baino gehiago ordaintzea ekarri du, nahiz eta begi bistakoa izan etxe hauen balioa pisu batena baino handiagoa dela. Desoreka honekin bukatzeko, Udalak katastroa eguneratzeari ekin dio. Horra hor, eguneraketa maila zenbatekoa den ulertzeko grafikoa.
Uribarrena kalea * Arrabal kalea Gomilaz auzoa Kerisara auzoa San Antonio auzoa Morgaola auzoa Marintarrena auzoa Andaparaluzeta
GUZURMAIKO I 7
UDALA
BATZORDEAK
OGASUNA >>ORDENANTZA
Egur sorta eta aprobetxamenduak arautzeko ordenantza berria
Urriko Udal Osoko Bilkuran baso publikoetako egurra aprobetxatzeko ordenantza berria onartu zuen Udalak. Batetik, azken urteetan sorta mota berriak eskaintzen hasi da Udala, apeatan etxean jarritakoak hain zuzen ere. Bestalde, aprobetxamenduen kudeaketan nahasmen ugari sortu da azken urteetan bai herritarren artean zein Udalean ere. Gai hauei erantzuna eman eta herritarrek sutarako egurra baso publikoetatik eskaintzea ahalik eta era egoki eta justuenean antolatzeko, ordenantza berria onartu du Udalak. Ordenantza honetan bi sorta mota bereizten dira: alde batetik beti eskaini den modukoa, hau da, basoan Udalak zuhaitzak bota eta herritarrak berak txikitu eta ekarri beharrekoak. Bestetik, iaz eskaini zen sorta mota berria, hau da, apeatan moztu eta herritarren etxe edo lurretan uzten dena. Bigarren honetan egurra apeatan jarri eta etxeetara garraiatzeko gainkostua eskatzaileek asumitu beharko dute. Aprobetxamenduei dagokionez bi mota bereizten dira: alde batetik “estrata garbiketa” deiturikoak (suebagiak, bideak, pistak, bide zidorrak eta mendietara, landa lur sailetara eta basora eramaten duten ibilbide publikoak garbi mantentzeko lanen truke eskainitakoak). Bestetik, elurte edo ekaitz handiek botatako zuhaitzen egurraren aprobetxamenduak. Bi kasuetan, orain arte ez bezala, Udalak baso zerbitzuaren oniritziarekin zehaztuko ditu hauek eta eskaintza publikoa egingo du. Eskaintza honetara, sortenera moduan, edozein herritar aurkeztu ahalko da, eta sorten kasuan moduan, eskarien arabera zozketa egingo da. 8 I GUZURMAIKO
2015eko sorta eskaintza Iaz egindako moduan, eta orain ordenantza berrian oinarrituta, 2015erako sorta eskaintza atera du Udalak. Bi aukera eskaini dira, betiko sorta basoan eta apeatan etxera ekarritakoa. Lehena 150€ eta bigarrena 450€ ordaindu beharko dute herritarrek. Prezioa kalkulatzerakoan pago-motz basoetan egin beharreko lanak direla kontuan izan da. Baso hauek Otxandioko herriarentzako duten balio kultural, paisajistiko eta biodibertsitate mailakoa hain garrantzitsua izanda, hauen mantenurako izango diren lanetan Udalak eta BFAko Baso zerbitzuak parte hartzea erabaki dute eta inausketaren erdia erakunde hauen kontura izango da, Basoetako Hobekuntza Funtsatik ordainduko dena. Hain zuzen ere, 75€ sorta bakoitzeko jarriko dute eta dagoeneko preziotik deskontatuta dago zati hau. Apeatan jarritako 26 sorta eta etxean utzitako betiko 21 sorta izan da herritarrengandik jasotako eskaria. Lan hauek egiteko Itzarri Natura enpresari egin zaio esleipena 14.060,20€ko prezioan.
BATZORDEAK UDALA
ZERBITZUAK >>IGERILEKUA
Igerilekuen gestioa lehiaketara atera da
>>OSASUNA
Osasun-etxe berria, Osakidetzaren zain
Uda sasoiarekin batera, Otxandioko Udal Igerilekuek ateak zabalduko dituzte. Iaz igerilekuen kudeaketaz arduratu ziren herritarrek, arrazoi pertsonalak tarteko, uko egin diote aurten igerilekuak gestionatzen jarraitzeari. Hori horrela, Udalak Otxandioko Igerilekuen kudeaketa lehiaketara atera du berriz ere. Udalaren ustez aukera ona da herritarrentzat, beti ere zerbitzu profesionala ematea bermatzen duten proposamenak izan behar direla argi utziz. Horretarako, Udalak batzar bat deitu zuen martxoaren hasieran lehiaketa honen nondik norako guztiak azaldu, eta interesa izan dezaketen herritar guztiei zalantzak argitzeko. Hiru urterako esleipena da, urtez urte berrizten dena kontrako iritzirik ez badago. Otsaila bukaeran pleguak publiko egin eta lehiaketa zabaldu ziren. Martxoaren 27a izango da, interesa dutenen eskaintzak aurkezteko azken eguna. Txukunketa lanak Urtero-urtero, hainbat eta hainbat obra txiki zein ertain egiten dira Otxandioko Udal Igerilekuetan. Urtero-urtero milaka eta milaka euro gastatzen dira lan edo obra horiek egiten. Bi hamarkada inguru pasa dira igerilekuak zabaldu zirenetik eta Otxandioko Udalak apurka-apurka igerilekuak berrizten joateko beharra dagoela uste du. Jakinik Udalak ez duela urte batean igerilekuak goitik behera berrizteko baliabide ekonomiko nahikorik, Igerilekuak urtetik urtera berrizten joateko plan baten diseinua eskatu du. Plan horretan, igerilekuen egungo egoera zein den aztertu, hobetu beharreko alderdiak zeintzuk diren azaldu, eta zein obrek duten lehentasuna argituko da. Hori horrela, Udalak urteroko lanak egiten dituenean, bide orri bat izango du eta igerilekuak pixkana berriztuko ditu.
Proiektuan aurreikusitako osasun-etxe berreiaren argazki montaia
Udalak osasun-etxe berria errealitate bihurtzeko bere esku dauden pauso guztiak emanak ditu: lurzorua libre dago eta proiektua bukatuta. Udalak harreman irakunkorrak izan ditu Osakidetzako arduradunekin legealdi honetan, eta Otxandioko osasun-etxe berriaren proiektua Osakidetzako arduradunen eskuetan dago. Azken urteetan Eusko Jaurlaritzaren partetik osasun-etxeen eraikuntza edota egokitzapen lanak egitera zuzendutako diru-laguntza dekreturik ez da publikatu, eta publikatu den kasuan oso murritza izan da. Beraz, legegintzaldi honetan ez da aukerarik egon osasun-etxe berriaren eraikuntzan aurrerapausoak emateko. Udalaren ustez, Otxandiok osasun-etxe berria behar du, daukagunak espazio eta ekipamendu aldetik muga nabarmenak dituelako eta pediatria zerbitzua herriratzeko aukera bakarra delako.
Osakidetza aún no ha acometido las obras del nuevo centro de salud El Ayuntamiento de Otxandio lleva años solicitando a Osakidetza un nuevo centro de salud. El actual tiene grandes limitaciones de espacio y equipamiento, y no cuenta con servicio de pediatría. El Consistorio ha dado todos los pasos -ha dejado el terreno libre y entregado el proyecto a Osakidetza- pero el Gobierno Vasco no ha decretado subvenciones para su construcción y Osakidetza no ha hecho ningún avance.
GUZURMAIKO I 9
UDALA BATZORDEAK
HIRIGINTZA >>MANTENU LANAK
Argiteria publikoaren mantenua eta hobekuntza Otxandioko Udalak herriko argiteria publikoaren mantenu eta konponketa egokia egiteko zailtasun nabariak izan ditu betidanik. Lan hauek egiteko tresneria egokiak ez izateak, alde batetik, eta gaiaren gaineko ezagutza tekniko egokidun pertsonala ez izateak, bestetik, ekarri ditu zailtasun horiek gehienbatean. Horren adibide dira Udal langileek egiteko moduko konponketa txiki batzuk pilatu arte itxoin behar izatea, igogailua alokatu eta denak batera egiteko, edo berriki Mainerrota auzoan gertatu den moduan, udal langileen eskuetatik haragoko matxura bat izan eta kanpoko enpresa bati lanak egitea eskatu arren, hauek etorri ahal izan duten arte herritarrak, ia astebete osoa, argi barik egon behar izatea. Beste alde batetik, Otxandioko eraikin publiko zein argiteria publikoaren eraginkortasun energetikoa hobetu eta energia kontsumoa ahal den neurrian murriztea Udalaren lehentasunetako bat da azken urteetan. Egoera honi erantzuna eman nahian, bere sasoian EVE/EEE erakundeak egindako eskaintza bati heldu eta Argiteria Publikoaren eta Udal Eraikinen auditoria energetikoa egin da. Azterketa honetatik, eta argiteria publikoari dagokionez, hurrengo ondorio nagusiak atera ditu Udalak: •Argi indarraren kontratazio baldintzetan (potentzietan eta erreaktibetan) aldaketak eginaz, 2.000₏ inguru urtean aurreztu dezake Udalak. •Herriko argiterian egindako berrikuntza batzuei esker, adibidez alderdi batzuetako lanpara mota LED erakoa bihurtuz gero, urtebetean aurreztuko litzatekeen diruarekin lau urtetan inbertsio hau ordaintzeko eta herriko argite10 I GUZURMAIKO
ria sarea hobetzeko aukera egongo litzateke. Adibidez, San Antonio auzorako oinezko bidea argiztatzeko eta eskola ingurura joateko erabiltzen diren ibilbide bietako argiztapena indartzeko aukerak eskainiko lituzke. •Aurreko puntuko hobekuntzez gain aurrezpenak argiteriaren mantenuaren zati bat estali ahalko luke; hori bai, mantenu egoki bat egiteak kostu handiago bat beharko luke. Udala aztertzen ari den neurriak Alde batetik argindarraren kontrataziorako plegu batzuk prestatzen dago Udala ,eta aurrez aipatutako aldaketak egiteaz gain argi indar guztia iturri berriztagarrietatik datorrena izatea eta jatorri nuklearrik ez izatea exijituko da.
Beste alde batetik, hurrengo lau urtetarako EZE (Energia Zerbitzu Enpresa) baten kontratazioa egiteko baldintzak aztertzen ari da. EZE honek bere gain hartuko lituzke argiteria publikoan egin beharreko eraginkortasuna hobetzeko eta herriko argiztapena hobetzeko inbertsioak. Horretaz gain, Udalarekin adostutako baldintzetan, argiteria instalazio guztiaren mantenu prebentiboa zein korrektiboa (matxuren konponketa) hartuko luke bere gain. Horrela, orain dagoen gastua baino apur bat gehiagorekin herriko argiterian hobekuntzak lortu, honekin egiten dagoen energia xahuketa murriztu eta mantenu egoki bat lortzea bermatuko litzateke.
BATZORDEAK UDALA
HIRIGINTZA >>BIOMASA
>>ERABERRITZE LANAK
Eskolako biomasa galdara aurten?
Plaza Nagusiko eraberritze lanak
Aurreko Guzurmaikon argitu moduan, iazko aurrekontuetan aurreikusitako inbertsioa izan arren ezinezkoa izan zen hau burutzea, Hezkuntza Sailetik espero zen diru-laguntza, inbertsiorako ezinbesteko laguntza, ez baitzen lortu. Ezezko honen zergatiengatik Hezkuntza Saileko arduradunekin berba egiterakoan, eskari kopurua handia izan zela eta lanen balorazioa egitean gureak ez zituela behar beste puntu lortu esan zitzaion Udalari. Dena dela, sail honetatik aurtengoan berriro eskatzera animatu zuten Udala, iaz egin gabeko lanek nolabaiteko lehentasuna izango zutela argudiatuz. Hau horrela, iazko aurrekontuetan zegoen diru partida gorde eta 2015ean berriro saiatzea erabaki zen. Behin inbertsio honetarako eskatutako lehenengo diru-laguntza helduta, BFAko Agenda 21etik datozen 48.000€ hain zuzen ere, eta lanak aurreratzen joateko asmoarekin Hezkuntza Sailarekin harremanetan jarri da Udala. Hauekin hitz egiterakoan, alde batetik, aurten ere eskari ugari egon dela eta denontzako laguntzarik ez dela egongo; eta bestetik, Otxandioko proiektuaren puntuak ez direla oso altuak esan zaio Udalari, honen harridurarako. Ez baita erraz ulertzekoa sailetik bertatik animatzea eskaria egiteko, nolabait aukera handiak izango genituelako argudioarekin, eta orain horrelako zerbait esatea. Dena dela, ez dago itxita laguntza hauek emateko prozedura eta itxoin egin beharko da emaitza ezagutzeko.
Iazko abuztuan hasi ziren lanok eta lehenengo urratsa arkeologia azterketa egitea izan da. Lan hauek uste baino gehiago luzatu dira bai denboraz zein aurrekontuz, aurkitutako elementu kopurua eta hauek aztertzeak eskatzen zuen lanagatik. Horrela, hasierako 99.691,90€tako kopuruari beste 24.500€ gehitu zitzaizkion. Eguberri aurretik amaitu ziren lanak eta hauetan agertutako aztarnak ezagutzeko aukera ere eskaini zen. Hainbat herritarrek parte hartu zuten hauek ezagutzeko bisita gidatuetan. Horretaz gain, laster izango da ikusgai plazako lanetako aurkikuntzen informazioa. Arkeologia lanek sortutako zuloak betetzeko ahozko baimena dago BFAko
Ondare sailetik eta lan hauek egiten hasteko ateri egiten duen egun sorta baten zain egon da obra zuzendaritza luzaroan. Behin arkeologia lanak bukatuta Udalak bigarren fasea esleitzeko prozedura abiatu zuen. Martxoko plenoan bukatu zen prozedura eta Anton Ruiz de Infanteri esleitu zaizkio lanak. Bigarren zati honetan zuloak bete eta zoru berria jarriko da. Uztailaren hasierarako bukatuko dira lanok. Hortik aurrera, Plaza Nagusiaren zati honen eraberritze lanak bukatzeko Pasealekua atontzea geldituko litzateke. Lan hauek udazkenean bukatuko dira.
>>ERABERRITZE LANAK
Kanposantuan jausten zeuden nitxoak aldatu dira
2014an zehar luzatu berri diren lanetan kanposantuan jausten zeuden 52 nitxo kendu eta hauen ordez 32 nitxo berri eraiki dira. Honetaz gain, beste 48 nitxo eraikitzeko oinarria ere prestatu da etorkizunean behar izan ezkero handitzeko aukera izateko. Aurretik zeuden gorpuzkinei familia bakoitzaren borondatearen araberako trataera eman zaizkie eta gero momentu honetan eraikitako nitxo berri guztiak libre daude. Lan hauek egiteko, 40.000€ aurreikusi-
ta egon arren, azkenean 47.000€-ko kostua izan dute. Kostu gehigarri hau lanak egiten zeuden bitartean aurkitutako premia berriei erantzun ahal izateko erabili da, besteak beste, kanposantutik kalbario aldera gelditzen den basotxoaren garbiketa eta alde horretan egin den sarrera berrira daraman bidea era egokian bukatzen erabili da diru gehigarri hori, gehien baten. Lan gehienak bukatzeko sarrera berrirako atea jartzea falta da bakarrik. GUZURMAIKO I 11
UDALA BATZORDEAK
EUSKARA >>BERTAKO EUSKARA
Otxandioko Berbak biltzen Otxandion erabili izan diren eta galtzen ari diren berbak jasotzen hasi da herritar taldetxo bat. Aurrekoan esan bezala, 2014an sortu zen Otxandioko Euskaldunon Amaraunek berbak jasotzeko asmoa. Gutxi batzuek erabiltzen dituzten eta hain ezagunak ez diren berbak biltzea da proiektua, gero berba horiei zabalkundea eman eta erabilera bultzatzeko.
Berben bilketa honetan parte hartzea erraztu eta bultzatzeko bide ezberdinak zabaldu dira.
Berben bilketa honetan parte-hartzea erraztu eta bultzatzeko bide ezberdinak zabaldu dira: alde batetik, badago herritar batzuez osatutako taldetxo bat, fisikoki noizean behin el-
>>KANPAINA
Irakurri, gozatu eta oparitu! Euskararaz irakurtzeko zaletasuna bultzatzeko kanpaina Otxandiok Euskaltzaleen topaguneak antolatzen duen kanpainan parte hartuko du 2015ean ere Euskal Herriko beste 45 herrirekin batera. Iaz egin bezala, 'Irakurri, gozatu eta oparitu' kanpaina izango da Otxandion. Helburua euskaraz irakurtzea bultzatzea da eta horretarako baldintza bereziak eskaintzen dira. Kontua oso erraza da: liburutegian euskarazko liburu bat hartu eta irakurri ondoren, fitxa xume bat bete behar da. Fitxa hau betetzean liburutegian bale bat ematen dute eta bale horrekin euskarazko liburu bat erosteko %25eko deskontua izango da liburu-dendetan. Beraz, aukera ezin hobea da euskaraz irakurri eta euskarazko liburuak merke-merke erosteko. Kanpaina apirilaren 23an hasiko da, Munduko Liburuaren Egunean, eta ekainaren amaieran amaituko da; hala ere, liburu-dendetara joateko uztailaren erdira arteko epea egongo da. Beraz badakizu, Irakurri, gozatu eta oparitu! 12 I GUZURMAIKO
kartu eta bakoitzak ezagutu eta jaso dituen berben gainean hitz eginez gaia lantzen ari dena. Bestalde, etxetik lan egiteko modua ere bada, horretarako dropbox bat sortu da, bertan hitzak sartzeko aukera zabalduz. Eta, azkenik, euskara@otxandio.net helbidera bidali daitezke berbak eta Euskaldunon Amarauna arduratuko da berba horiek jaso eta sailkatzeaz. Zenbat eta herritarren parte-hartze handiagoa izan jasotakoa aberatsagoa izango denez, hobekien datorkizun modua aukeratu eta ezagutzen edo jaso ditzakezun berbak bidaltzera animatu nahi zaitugu.
BATZORDEAK UDALA
GIZA ESKUBIDEAK >>BERDINTASUN PLANA
Zientza Politikoko ikasle bat Udalean praktiketan 2014-2015 ikasturtean Euskal Herriko Unibertsitatean Zientzia politikoak ikasten dagoen ikasle batek Otxandioko Udalean praktikak egiteko eskaria egin zuen. Udalak ontzat jo zuen ikasle honen praktikaldia gure herrian egitea eta Giza Eskubideen batzordean Berdintasun Plana garatzeko ardura ematea erabaki zen. Bera Leire Martinez da, durangarra, eta Leioako fakultatean Zientzia politikoen lizentziaturako laugarren maila egiten ari da. Azaroan ekin zion udalean eta jada, 2015.urtera begira Otxandioko Berdintasuneko Urteko Plana diseinatu du. Bertan, udal barne gestioari buruzko ekintza desberdinak diseinatu ditu, hauek guztiak Otxandioko I. Berdintasun Planean barnebilduta daudelarik. Horrez gain, krisi egoera honek emakumeengan jasaten diren bazterketa bikoitzak aztertzen ari da herrian eta, aldi berean, egoera horri eskaini ahal diren alternatibak diseinatzen ari da. Horretarako beharrezkoak diren datu bilketa egiten ari da, eta baita udalak eskaini dezakeen baliabide desberdinen azterketa ere. Bukatzeko, Euskal Herrian dauden baliabide desberdinen gida antzeko bat egiten ari da Leire. Honen helburu nagusia datorren legegintzaldirako lana aurreratzea da, batez ere Udalak dituen baliabide urriak ikusita datozenei lana aurreratzeko eta garapenerako bideak zabaltzeko.
>>JARDUNALDIA
Migrazio jardunaldiek martxan dihardute Iazko azaroan Giza Eskubideen Batzordeak migrazioen jardunaldiei hasiera eman zien. Jardunaldi hauek azaroa-maiatza bitartean egiten ari dira, jada lau hitzaldi eta bideo emanaldi egin dira, migrazioaren inguruko esparru desberdinak landuz. Marko teorikotik hasi eta esperientzietara joan da jardunaldien prozesua. Jardunaldiak bukatu ez badira ere, Giza Eskubideen Batzordetik balorazio oso positiboa egiten da. Bertan parte hartu duten herritarrak konstantziaz partaide izan dira antolatu diren hitzaldi eta bideo emanaldi desberdinetan. Gainera, gaiarekiko sentsibilizazioa eta interesa adierazi izan dute momentu guztietan eta, aldi berean, aukera izan dute beraien iritzi, proposamenak zein zalantzak bertako hizlari zein partaideekin konpartitzeko. Hau dela eta, Giza eskubideen Batzordetik deialdi zabala egiten zaie herritar guztiei jardunaldi-ziklo honi amaiera emateko antolatzen dabiltzan egitasmo ludikoaren antolakuntzan parte hartzeko, bai proposamen desberdinak eginez, zein egunean bertan laguntzeko. Horretarako, gizaeskubideak@otxandio.net helbidera edo udaleko web orrialdeko postontzira idatzi dezakezu. Herritar guztion laguntzaz egitasmo koloretsu eta anitza eraikiko dugu!
>>HERRIKO PRESOEN EGOERA Ramon Aldasoro Duela hilabete batzuk Castellonetik Murtziako kartzelara urrundu dute, ia 300 km urrunago eraman dute, horrek bere lagun eta senideei suposatzen dien ondorio fisiko eta ekonomikoak oraindik latzagoak izanik. Iñaki Garces Beitia Soziologiako Lizentziatura ikasten dabil, arazo asko ditu liburuak lortzeko. Bestalde, lan asko internet bitartez aurkeztu behar dituela eskatzen diote, kartzelan baliabide hau erabiltzeko aukerarik ez dagoenean. Enrike Garate Galarza Europar Auzitegiak orain dela gutxi presoak jatorrizko herrialdean kondena bete beharreko legedia onartu zuen. Erabaki honen asmoa preso orok bere jaioterritik ahalik eta gertuen betetzea da, baina Aixerikoren kasuan Espainaratzea dakarren neurria ezarri eta Estatu espainiarraren dispertsio politikaren irizpideen neurriak kontutan hartuta, orain preso dagoen kartzela baino urrunago eraman dezakete. Legedi hau aplikatuz gero, orain pairatzen duen egoera latza are eta latzagoa bilakatu daiteke, giza eskubideen urraketa are nabariagoa izango zelarik, dispertsioaren biktima berdin berdin izaten jarraituko zukeelako eta gainera, bisitak 40 minutura murriztu eta inolako kontakturik gabekoak izango dira, gaur egun sei ordukoak eta kontaktu zuzenekoak direnean. Ramon Aldasoro Magunazelaia C.P Murcia II modulo 8 Murcia II- Paraje Los Charcos Campos del rio, MU30191 MURCIA Iñaki Garces Beitia Centro Penitenciario de Zuera Carretera Nacional 333, km 539 50298 Zuera (Zaragoza) Enrike Garate Galarza Maison Centrale Poissy 17, Rue de l´Abbaye 78303 Poissy Cédex (Francia)
GUZURMAIKO I 13
UDALA BATZORDEAK
KULTURA >>IGERILEKUA
Errementarien azterketaren lehen faseari amaiera emango zaio 2013. urtetik errementarien inguruan I単aki Pereda arkeologo eta historialaria egiten ari den azterketaren lehenengo faseari amaiera emango zaio aurten. Orain arte, I単akik egin duen lanaren zati handiena informazio bilketa izan da, artxibo desberdinetan topatutako dokumentazioa aztertu du gehienbat. Denboran luzatu da lan hori, topatutako dokumentazioaren bolumenagatik. Orain, batetik, bildutako informazio guztia antolatzen ari da Pereda. Bestetik, herritar talde bat herriako Errementariekin zerikusia duen materialaren inbentario bat egiten ari da. Inbentarioa tresna bakoitzerako fitxa bat betetzean datza: noizkoa den, zer neurri dauzkan, non dagoen gordeta eta zertarako erabiltzen zen. Fitxa bakoitza argazki batekin osatuko da. Dokumentazioa eta aipatutako inbentarioarekin batera, esan bezala, informazio biltzean datzan azterketaren lehenengo faseari amaiera eman nahi zaio. Aurrerago errementarien gaiari jarraipena zelan emango zaion aztertzeke dago.
>>HERRIKO JAIAK
Jai Batzordea martxan Negua gainean izan arren, eta udarako oraindik hilabete batzuk falta izan, bat baino gehiago Santama単etan pentsatzen hasia da. Urtero lez, sasoi honetarako deitu du Jai Batzordeak jaiak antolatzen hasteko lehengo batzarra. Apirilaren 8an izango da arratsaldeko 19:30ean Bolaleku aretoan lehen hartu emona. Hasierako batzarrean jaiek iraungo dituzten egunak erabakiko dira, baita kontzertuaren aukerak begiratzen hasi ere. Beste behin ere, herri osoari luzatzen zaio parte hartzeko deialdia, izan ere jai herrikoi eta parte hartzaileak bultzatzen ditu batzordeak. Ikusi besterik ez dago iazko jaietan nolako arrakasta izan zuten herriko talde ezberdinek eta herritarren parte hartzeaz antolatutako ekitaldiek; hasi Urduri dantza taldearen ekitalditik, zein olinpiadak eta herri kroseraino. Badago jende asko batzordean parte hartzeko aukerarik ez daukana beren lan edo egunerokotasuneko ordutegiagatik. Hala eta guztiz ere, beren erara (ideiak emonez, jaietan bertan ekintzak antolatuz edo beraietan parte hartuz...) zerbaitetan lagundu nahi badute, Jai Batzordeko edozeinekin jarri daiteke kontaktuan edo idatz dezala jaibatzordea@gmail.com helbidera.
14 I GUZURMAIKO
BATZORDEAK UDALA
KULTURA >>IKASTAROAK
Herritarren eskaerei erantzunez, Udaberriko Ikastaroak antolatu dira Prest daude udaberriko ikastaroak. Apiril bukaeran eta maiatzean zehar luzatuko diren ikastaro labur hauek josketa eta konposta izango dituzte hizpide. Horrez gain, urte guztian zehar ematen diren KZ guneako ikastaroak ere martxan daudela gogorarazi nahi da. Izena Otxandioko Udaletxean eman daiteke apirilaren 10a baino lehen. Honekin guztiaren batera, aipatu, udaberriko ikastaro hauek, herritarrek Kultura Batzordeari egindako eskaerei jarraiki antolatu direla. Aurrez, esan bezala, ikastaroetako bat 'konpostaren' inguruan izango da. Berau, urriaz geroztik zaborraz, birziklatzeaz eta kaleetako zikintasunaz arduratuta batzen
den herritar talde baten eskaria izan da. Bertan gure etxeetako hondakin organikoekin konposta nola egin eta konpost hori gure ortuetarako zein gure loreentzako ongarri bezala nola erabili erakutsiko dute. Eskaera talde batek egin arren, interesa duen edozein herritarrek parte hartu dezake. Bigarren ikastaroa, berriz, iazko udazkeneko eskaintzako 'Josketa' ikastaroaren bigarren zatia izango da. Aurreko parte-hartzaileen artean, talde batek jarraitu zuen bere kabuz josteko teknika desberdinak hobetzen, eta beraien interesa ikusita Kultura Batzordeak ikastaro horri jarraipena ematea erabaki du.
"Jostura eta kreatibitatea lantzen" Datak: apirilak 15, 22, 29 eta maiatzak 6 (eguaztenak), 18:00etatik 20:00etara Prezioa: 10/12â‚Ź
"Konpost ikastaroa" Datak: apirilak 16, 23 eta 30 (eguenak), 18:00etatik 20:00etara Prezioa: 10/12â‚Ź
GUZURMAIKO I 15
www.otxandio.net facebook Egin zaitez udalaren lagun
Astean asteko albisteak, udal batzordeen zein herriko taldeen agenda, momentuko plenoetako aktak, proposamenak egiteko atala, iritziak plazaratzeko herritarren blogak, udal zerbitzuen informazio osoa...