filloi, me ç’mban mend Marika, që në vitin 1979. “E kisha përzemër këtë program. Mund të them se pas teatrit, është dashuria ime më e madhe profesionale. E bëja me dëshirë, edhe fëmijët i doja. Isha mësuar mes tyre, pasi kisha punuar edukatore më parë”. I referohet viteve të rinisë, ku pasi mbaroi shkollën e mesme në Fier, punoi si edukatore për disa vjet, para se të vinte në Tiranë e të diplomohej në Akademinë e Arteve,atëherë Instituti i Lartë i Arteve. E ndërsa nga shtatë vjet regjistrime të përjavshme në TVSH, kanë mbetur vetëm kujtime, Marikës iu krijua mundësia që të ketë edhe video nga studiot e përrallave. Kjo, për shkak të rikthimit në ekran, për dy vjet në TV Koha me emisionin “Bota e përrallave”, ku Marika Kallamata, sërish mes fëmijëve, ulet dhe tregon përralla. Këtë herë të zgjedhura nga vetë ajo, pa merakun e viteve të atëhershme për të shmangur përrallat me mbret dhe princa, që nuk mund të dilnin heronj në kohën e luftës së klasave. “Përrallat i zgjidhja vetë. Nga “Përrallat shqiptare”, të Andersenit, të vëllezërve Grim. Ka shumë përralla të bukura në këto libra. Është punë shumë interesante, por ka dhe ca vështirësi të vogla. Për shembull, disa përralla shqiptare janë shkruar në dialekt dhe unë duhet t’i përshtasja në gjuhë letrare. Lexoja një herë në një përrallë “shtriga nga dele u bë qur” dhe nuk e kuptoja ç’do me thënë “qur”. Kur një ditë, kur kisha dalë nga liqeni, dëgjoj që disa njerëz komunikonin në dialekt verior, ndalem e i pyes nga ishin. E pasi marr vesh që ata mund të më ndihmonin, i pyes për fjalën qur. I thoshin pulë e madhe në dialekt verior. Ky është një episod nga ata që ofron bota e pasur e përrallave”...Në të cilën Marika Kallamata, ka kaluar disa vite të bukura të jetës së saj. E si mund të kalohet ndryshe në botën e përrallave...
Na ISHIN Një Herë eMISIoNeT e përrallaVe Në rTSH Radio Tirana është themeluar në vitin 1938. Transmetimet e para të përrallës radiofonike, e kanë fillesën në pas vitit 1948. Rrëfyesja e parë e tyre është Vera Zheji. Tregimi i përrallës në televizion, ka filluar në fund të vitit 1972, fillim të vitit 73 e më pas. Interpretët e saj të parë kanë qenë: Ilia Shyti, Marika Kallamata, Pavlina Mani, Violeta Kongo.
FëMIjë Të daSHur, po FIllojMë përrallëZëN Tuaj...
Kjo frazë, aktivizon në kujtesë edhe zërin që e ka thënë për vite me radhë. Atë të Vera Zhejit. Zërit të parë të përrallave në Shqipëri. Ajo nisi të punojë në Radion Kombëtare më 12 shkurt 1948. Në një intervistë të dhënë më shumë se tri vjet më parë në gazetën “Shekulli” vera tregon fillimin e karrierës së saj në radio. Bëhej një konkurs i shkollave të mesme. Në ato kohë nuk mund të futej në mikrofon kushdo, qoftë “nga ana profesionale por edhe nga ana e seleksionimit natyral”. Ajo tregon se ishte turmë e madhe. Vera lexoi një fragment nga libri i historisë, revolucionet e 1848-ës në Evropë. Kujton gjithashtu dhe se karshi saj ishte një inxhinier italian që punonte akoma në Shqipëri dhe 2-3 të tjerë që e dëgjonin thanë: “kjo vajza ka zë të mirë”. Në gjithë atë turmë fitoi ajo. Dhe nëse ai emision përrallash ka lënë gjurmë në kujtesën e shumë brezave, nuk mund të mos shenjonte shpirtin e vetë Verës. Kështu që ajo iu rikthye atyre, vite më vonë. Me iniciativën e saj seleksionoi 60 përralla dhe nisi në vitin 2008 regjistrimin në Radio Tirana. “E ndjeva për detyrë, është shprehur ajo në intervistën e asaj kohe, sa s’më kanë lënë akoma sytë, zëri, zemra”. Janë përralla dhe fabula nga Naim Frashëri, përshtatje nga La Fonteni, të Çajupit, Nonda Bulkës, mësuesi i saj. Breza të tërë fëmijësh kanë dëgjuar përralla në radio të treguara nga Vera Zheji, por pas regjistrimeve të reja, edhe mbesa e saj Nadia Frenzke që jeton në Gjermani, dhe pse e lindur në 1996-ën, mund të dëgjojë përralla të treguar nga gjyshja në variant elektronik.
35