20
MAPO
E martë, 7 shkurt 2012 www.mapo.al
sport
Ditëlindja
Kristiano Ronaldo i uron vetes një “Top të Artë” Kristiano Ronaldo ka festuar dje ditëlindjen e tij të 27-të, në një karrierë të mbushur me suksese dhe në mesin e një sezoni sa rivalizues, aq edhe emocionues. Në një intervistë të dhënë për median portugeze, ai ka pranuar se është ende në mesin e karrierës së
tij dhe se i kanë mbetur shumë objektiva për të realizuar, mes të cilëve një tjetër “Top i Artë” dhe një trofe me kombëtaren portugeze. I pyetur rreth ambicieve të tija për të ardhmen, ylli portugez i Real Madrid u shpreh: “ Kam realizuar shumë prej synimeve që kam pasur. I
kam fituar të gjithë kompeticionet e mundshme në nivelin e klubeve. Gjithashtu kam fituar “Topin e Artë”. Fakti që i kam prekur të gjithë trofetë e rëndësishëm, më bën të ndihem krenar. Por, kam ende objektiva shumë të rëndësishme për të arritur”.
Vizitë e legjendës së Formula1, Zhan Tod në Tiranë Presidenti i Federatës Ndërkombëtare të Automobilizmit është takuar dje me ministrin e MTKRS, Bumçi dhe sot ka në program një takim me kryeministrin Berisha dhe ministrin e Trasporteve, Olldashi Jeton Selimi
Të gjithë e mbajnë mend me tutat e kuqe duke këshilluar Majkëll Shumakerin. Ishte ky binomi i suksesit që e bëri të famshëm pilotin gjerman dhe drejtuesin francez të Ferrarit. Ata bashkë fituan 5 tituj kampion dhe vendosën një numër të madh rekordesh, që janë ende të pathyer. Ku r Z h a n To d ve n do s i t ë tërhiqej nga drejtimi i kokëkuqes, tifozët e Ferrarit në vendin tonë kujtuan se erdhi fundi i skuadrës nga Maranelo. Megjithatë, Tod nuk hoqi dorë nga motorët. Sot ai është president i FIA-s, Federatës Ndërkombëtare të Automobilizmit, dhe vijon të japë kontributin e tij në mbarëvajtjen e një sporti që kushton miliarda euro dhe që duhet të kujdeset për jetët e tifozëve dhe pilotëve, sidomos pas aksidenteve të fundit tragjike. Sidoqoftë, presidenti i Federatës Ndërkombëtare të Automobilizmit, Zhan Tod ka gjetur kohë në axhendën e tij dhe ka mbërritur dje për një vizitë dyditore në Tiranë, me ftesë e Klubit Automobilistik të Shqipërisë. Ish-drejtuesi i lartë i Ferrarit në Formula 1, do të tako-
het me personalitete të njohura të shtetit shqiptar, në kuadër të Promovimit të Dekadës për Sigurinë në Rrugë. Takimin e parë Zhan Tod e zhvilloi në MTKRS, me ministrin Bumçi. Pas vizitoi për pak minuta objektet etnografike të ekspozuara në këtë ministri, Zhan Tod tha se vizita e tij ka për qëllim pikërisht rritjen e sigurisë në rrugët e Shqipërisë. “Jam shumë i gëzuar që jam këtu si president i Federatës Ndëkombëtare të Automobilizmit. Kjo është vizita ime e parë me qëllim për t’u njohur në 360 gradë me situatën e automobilizmit në Shqipëri. Ka pasur shumë aksidente në të gjithë botën dhe ne jemi të shqetësuar për këtë. Ky është një problem shumë i madh, që duhet minimizuar.” Zhan Tod jep nëe mezash të qartë edhe për drejtuesit e mjeteve automobilistike në Shqipëri, me qëllim shmangien e aksidenteve në rrugë. Në mbështesim përmirësimin e sinjalistikës rrugore. Duhet të edukojmë njerëzit dhe të mbështesim qeverinë që duhet të investojë në përmirësimin e cilësisë së rrugëve. Shpresoj që teknologjia me e avancuar e makinave të jetë e pranishme edhe në Shqipëri, sepse është e nevojshme të mos kemi mjete të vjetëruara në rrugë. Ndërsa drejtuesit e mjeteve duhet të jenë më të kujdesshëm në respektimin e rregullave: motociklistët duhet të vendosin g jithmonë kaskën në kokë, ndërsa ata që ngasin makinën s’duhet të konsumojnë alkool.”
Zhan Tod do të qëndrojë deri të mërkurën në vendin tonë, ku do të takohet gjithashtu me Ministrin e Punëve Publike dhe Transporteve, Sokol Olldashi si dhe me Kryeministrin Berisha.
Skënderbeu
Levi-lojtarëve: Gabimet le t’i bëjnë të tjerët Dy fitoret e njëpasnjëshme ajo me Flamurtarin dhe tjetra me Laçin për Kupën e Shqipërisë i ka bërë korçarët të jenë shumë më tepër se të lumtur. Ndërsa ekipi e ka lënë Korçën drejt Durrësit përkohësisht, derisa qyteti t’i kthehet normalitetit në temperatura dhe pa reshje bore. Korçarët janë duke u përgatitur për sfidën e prapambetur të javës së 13-të të kampionatit e cila do të luhej në 24 dhjetor të vitit të kaluar dhe tashmë do të luhet të mërkurën. Por gjërat kanë ndryshuar shumë në kaq pak kohë edhe pas ndëshkimit për ekipin e Pogradecit. Ndeshja do të luhet në stadiumin “Qemal Stafa” këtë mesjavë, ndërsa derbi i rajonit të juglindjes do të zhvendoset në arenën e kryeqytetit. Por ndërsa kampionët kërkojnë një tre pikësh, trajneri çek nuk harron të japë këshillat e tij, pasi duket se po i sheh të tijtë shumë më tepër se sa duhet në eufori. Nga frika e ndonjë gabimi që mund t’i kushtonte shtrenjtë punës dhe përgatitjeve të deritanishme ai jep alamin. “Kërkoj nga ana juaj siguri në fushë dhe të mos jeni
të vetkënaqur. Ne duhet të kërkojmë shume më tepër dhe të mos gabojmë. Gabimet duhet t’ia lemë të tjerëve, në të kundërt nuk do të realizojmë objektivat tona”, ka thënë për grupin trajneri çek. Ai e ka lëshuar në formën e një ultimatumi porosinë e tij të radhës, ndërkohë që këmbanat e alarmit kanë rënë të forta pas asaj që duket se sheh më nga afër në gjendjen e grupit trajneri. Ekipi ndodhet në Durrës prej shumë ditësh, ndërkohë që të gjithë lojtarët janë shumë më tepër nën vëzhgimin e rreptë të kryepankinës së Skëndebeut. Ai është disi i shqetësuar për ecurinë e grupit, por frika e tij lid-
het me euforinë që mund të ketë përfshirë lojtarët që në fakt kanq sjellë brenda një kohe të shkurtër dy fitore të rëndësishme. Sfida me Pogradecin në Tiranë konsiderohet si tepër e vështirë për çekun, i cili jep këshilla për lojtarët që duhet të tregohen tepër aktivë në fushën e lojës dhe të mos lejojnë kundërshtarin të shënojë para tyre. Megjithatë çeku duket se po ndryshon strategji në sjelljen ndaj të tijëve, duke u përpjekur të jetë më pedant në ditët e fundit dhe për ta mbajtur grupin në tonusin e një tjetër fitoreje, që iu nevojitet aq shumë për kampionatin. Sfida po afron dhe korçarët po përgatiten me seriozitetin e duhur, ndonëse janë shumë larg shtëpisësë tyre. Ndërkaq dy lojtarë të ndëshkuar nga kartonat dhe një i dëmtuar do ti mungojnë këtij takimi. Kështu Muzaka dhe Orelesi kanë numrin e mjaftueshëm të kartonave për te qëndruar larg këtij takimi. Githashtu i dëmtuar mbetet ende Ivan Gvozdenoviç që do dhe pak kohë të shkojë drejt rikuperimit të plotë të tij. Irena Vreto
Real vs Barça
Maskerano: Përgëzojmë Realin nëse fiton titullin Pavarsisht se me 7 pikë më pak në renditje se Reali i Madridit, në kampin e Barcelonës besojnë ende te titulli kampion. Havier Maskerano, i cili mund të luajë titullar në ndeshjen e së mërkurës ndaj Valencias në Kupën e Mbretit, si pasojë të një dëmtimi të Buskets, beson se blaugranat kanë ende shpresa dhe pse 7 pikë janë të vështirë për t’u rekuperuar: “Reali ka krijuar një diferencë të rëndësishme. Megjithatë një hap fals i Los Blancos kam përshtypjen se do të rihapte sërish kampionatin, aq më tepër që do të kemi dhe një sfidë direkte me ta në prill. E rëndësishme pikësëpari
është që Barcelona të fitojë ndeshjet e saj”. Mascherano pranoi gjithashtu se nëse Reali fiton titullin, Barcelona do ta duartrokasë suksesin e tyre, pavarësisht rivalitetit që ekziston mes këtyre dy skuadrave: “Nëse Reali i fiton të gjitha ndeshjet deri në fund do të thotë që kanë bërë një sezon të jashtëzakonshëm dhe që meritojnë respekt”. Në fund mesfushori argjentinas pranoi se blaugranat për momentin janë totalisht të përqëndruar në ndeshjen e Kupës së Mbretit, që është një trofe i cili vlerësohet maksimalisht nga skuadra.