ROTEIRO LITERARIO POR
SANTA CRUZ
COA ESCRITORA SILVIA SALGADO
Morriña, lingua e exilio
PARTIRASE DA BIBLIOTECA MUNICIPAL ROSALÍA DE CASTRO DE SANTA CRUZ
Camiñarase pola localidade de Santa Cruz e o seu paseo marítimo, con paradas e lecturas en voz alta e comentadas, ata chegar ao castelo.
Aforo limitado a 20 persoas. Imprescindible reservar praza:
Na biblioteca Rialeda ou chamando por teléfono ao 981 639 511
Na biblioteca de Santa Cruz ou chamando por teléfono ao 981 626 338
Actividade dirixida a persoas mozas e adultas ás que lles guste camiñar, con inquietudes pola literatura. Un paseo literario en dúas etapas: A primeira será unha reflexión literaria sobre as orixes da morriña e como o exilio e a lingua inflúen na vida e na obra dalgúns autores e autoras. Achegarémonos á nosa historia, á nosa identidade, e ao camiño que transitamos: desde Rosalía de Castro ata Emilia Pardo Bazán, deténdonos en Luis Seoane. Falaremos dos poetas Homero e Virxilio e da filósofa Hannah Arendt.
A segunda parte será ao chegar á illa, no Castelo de Santa Cruz, comentaremos a importancia da Illa como identidade propia, do castelo como entidade e a súa influencia na literatura.
Leranse fragmentos e poemas de:
Rosalía de Casto (¡Algúns din!: Miña terra en Follas Novas)
Luis Seoane (Desterrados en Obra poética)
Rafael Alberti (A la pintura dedicado a Luis Seoane)
Falarase de:
La Eneida, de Virxilio
La Odisea, de Homero
A última entrevista e outras conversacións, de Hannah
Arendt
Follas novas, de Rosalía de Castro
Obra poética, de Luis Seoane
Correspondencia entre Benito Pérez Galdós e Emilia
Pardo Bazán
El castillo, de Franz Kafka
Siempre hemos vivido en el castillo, de Shirley Jackson
Silvia Salgado é veciña do municipio de Oleiros, licenciada en Ciencias políticas pola UAB. Ten un posgrado en Xornalismo acreditado pola Universidade Columbia de Nova York. Compaxinou o seu traballo en comunicación e recursos humanos coa súa paixón pola escritura. Obras dela publicadas son: Si te vuelves invierno, Mientras hilan las mariposas, La aldea e El intermedio que somos e o conto infantil Cuéntame un cuento, yo te lo pinto
Desde as bibliotecas municipais invítase ás persoas que desexen asistir, ata completar o aforo, para que gocen coa palabra e coa paisaxe desta fermosa localidade. Acompañádenos! Agardámosvos!
Un paseo cara á illa e ao castelo xoves, 20 de abril, ás 11,30 horas