Balio-bizitza eta bertan behera geratutako plataformak Estatu Batuetako Barnett Shale-ko putzuak oinarritzat harturik, putzuek batez beste, 7 urteko balio-bizitza dutela estima daiteke. Bizitza-luzera hori lortzeko sarritan putzuek behin baino gehiagotan jasan behar izaten dute haustura prozesua eta honekin loturiko “produktu kimikoen koktel�-a. Gainera, produktibitatea oso azkar jaisten da eta lehenengo urtea igarota %60-%80ko galera izaten dute. Beraz, denboran ekoizpen egonkorra bermatzeko ezinbestekoa da etengabe plataforma berriak zabaltzen aritzea. Esaterako, Britainia Handiaren kasuan, urte bateko gas kontsumoaren %100aren baliokidea 20 urtean zehar ekoizteko, 25.000 eta 30.000 putzu beharko lirateke, eta honek urtean 1.250 eta 1.500 putzu zabaltzea suposatuko luke. Bestalde, putzuak bertan behera utzitakoan, hauek desegin eta zigilatu egin behar dira eta urrats hau oso garrantzitsua da etorkizuneko kutsadurak saihesteko. Zigilatze honek bere funtzioa erasandako akuiferoen bizialdi osoan zehar bete beharko luke gutxienez, eta hau ezinezkoa da, akuifero hauek batez beste milaka urteko bizialdia izan baitezakete. Gas ez-konbentzionala ustiatzeko plataforma baten kokalekua. Zulaketa lanak.
16