det humanistiske fakultet Leiar: Merja Stenroos Oppstart: oktober 2008 Forskarar ved UiS: 13 Eksterne forskarar: 2 Ph.d.-kandidatar: 3
North Sea Language History
Programmet knyter saman to sterke tradisjonar for forskning innafor faga engelsk og nordisk og tek mål av seg til å gje eit meir nyansert og komplekst bilete av språkleg variasjon og endringar i Nordsjøområdet enn det som har vore mogleg tidlegare. Arbeidet byggjer i stor grad vidare på det mangeårige og stadig pågåande internasjonale prosjektet The Middle English Grammar Project, som er drive i samarbeid med Universitetet i Glasgow og Universitetet i Oxford. Her har forskarane samla ei større tekstsamling med over 1 000 engelske mellomaldertekstar som har vorte publiserte i 2008 og 2009 som ein open nettpublikasjon tilgjengeleg for forskarar over heile verda. Eit anna viktig utgangspunkt er det mangeårige arbeidet innafor stadnamnstudiar i nordiskmiljøet. Programområde
Tekstanalyse og stadnamnstudiar
Leiar: Alexandre Dessingué. Oppstart: april 2009 Forskarar ved UiS: 14
Memory Studies Programmet høyrer til under Institutt for kulturfor forskning og språkvitskap og tek føre seg spørsmål knytte til korleis tekst og kultur framstiller minne. Forskarane i programmet er særleg opptekne av dei offentlege, kollektive minna og av ulike framstillingar av dei, i narrative tekstar, ulike typar dokumentasjon, arkiv og kollektive symbol.
Programområde
Avdekkjer krigsminne
Forskarane knytte til programområdet har i løpet av 2009 publisert artiklar og fleire bøker. Ei av bøkene, Krigsminner/Memories from the war, fortel om krigshendingar
som skjedde på Sola mellom 1940 og 1945 og tek føre seg sorg og krigsbelastning i eit fleirgenerasjonsperspektiv. Boka er skriven av Alexandre Dessingué, Marie SmithSolbakken og Hans Jørgen Wallin Weihe. Dei same tre forfattarane har òg publisert artikkelen «The question of memorials for the invisible jews» om korleis jødane som kjempa på norsk side mot nazistane, ikkje har fått minnesmerke på lik linje med medsoldatane sine. I tillegg var Benedikt Jager medredaktør for boka DDR – Det det var. Den inneheld bidrag frå ei rekkje norske og tyske forfattarar med ekspertise på ulike sider ved DDR.
Frå forskinga
Forskarane har i 2009 publisert ei rekkje detaljerte studiar av individuelle tekstar og lingvistiske fenomen så vel som studiar av stadnamn. Til dømes har Vibeke Jensen publisert ein artikkel om språkforandring i Yorkshire på 1400-talet der ho viser at ei lydforandring spreier seg gradvis frå ord til ord. Inge Særheim har publisert artiklar om språket hos Garborg og om gatenamn og identitet, og Merja Stenroos har i 2009 halde eit innleiingsforedrag om historisk tekstforsking på ein konferanse i Oxford.
Språkutvikling i Nordsjøområdet Programområdet North Sea Language History arrangerte i 2009 ein internasjonal konferanse – Historical Language and Literacy in the North Sea Area – med språkforskarar og historikarar frå heile verda som interesserer seg for språkhistorie og språkutvikling i Nordsjø-området. Her var mange forskarar frå land i Nord-Europa, men også til dømes frå Spania, Italia, SørAfrika og USA. Lister Matheson frå Michigan State University og professor Carole Hough frå University of Glasgow høyrde til blant hovudtalarane. Ullandhaug vart såleis eit spanande møtepunkt for forskarar innan forskjellige språkområde, spesielt engelsk og nordisk. Ei bok med bidrag frå konferansen er under arbeid.
13
Spesialutgave – FoU-Rapport I UniverS Nr. 2 – 2010 I