Abrente 57

Vozeiro de Primeira Linha

www.primeiralinha.org

Ano XV • Nº 57 • Segunda jeira • Julho, Agosto e Setembro de 2010

Jornal comunista de debate e formaçom ideológica para promover a Independência Nacional e a Revoluçom Socialista galega

A soluçom, a Revoluçom

Editorial Os efeitos mais imediatos que a crise capitalista provoca nas condiçons de trabalho e de vida da classe obreira geram, sem lugar a dúvidas, mal-estar social. Neste caldo de cultivo, objectivamente proclive ao protesto e à revolta, o oportunismo manobra procurando a única finalidade possível que persegue: melhorar a sua situaçom nos espaços de gestom e representaçom institucional por meio dos processos eleitorais da democracia burguesa. Recuperando a máscara de força-movimento reivindicativo tenta aproximar povo dos seus posicionamentos aparentemente avançados, gerando falsas expectativas sobre as possibilidades de reformar o sistema a partir do seu interior.

Mas, tal como a história da luita de classes nom se tem cansado de demonstrar, o capitalismo nom se pode regenerar: a perpetuaçom da propriedade privada dos meios de produçom baseia-se na exploraçom do proletariado, dos povos e das mulheres. Nom há forma de manter o sistema compatibilizando-o com a introduçom de medidas que corrijam as injustiças e desigualdades que gera sem reacçom violenta da burguesia. Eis a grande fraude do reformismo: nom querer derrubar o capitalismo e unicamente maquilhá-lo.

A realidade manifesta que nom há saída eleitoral à crise capitalista. Nom é possível mudar as selvagens directrizes neoliberais que a fase imperialista do capitalismo impom a base de atingir maiorias no jogo parlamentar.

A única forma de evitarmos mais retrocessos, de pararmos a ofensiva da burguesia, é mediante a luita organizada e complementar das massas e da vanguarda. Porém, é imprescindível que as forças revolucionárias atinjamos apoios entre a classe obreira, que o nosso projecto consiga difusom de massas, que a nossa alternativa socialista comece a ser tida em conta como umha possibilidade real, que vertebremos no movimento popular correntes anticapitalistas combativas, que acompanhemos e estimulemos a radicalizaçom das luitas. Nós nom temos mais ataduras e compromissos que a nossa lealdade à Revoluçom Galega e à luita mundial na qual esta se enquadra.

Necessita-se um novo sindicalismo, despreendido de todos os vícios e corrupçons incorporados em décadas de políticas conciliadoras. Há que derrotar essa casta de liberados que constringe a capacidade de luita operária e que com diversos linhas discursivas só quer que as imensas maquinarias sindicais nom deixem de ser ferramentas burocráticas indispensáveis para assegurar a estabilidade social do centro capitalista europeu.

O sindicalismo realmente existente na Galiza acabou de constatar que carece de umha direcçom com vontade de organizar a luita contra a reforma das pensons e a reforma laboral, contra a política económica do governo espanhol. CCOO e UGT som simples estruturas amarelas, completamente corrompidas e vendidas ao patronato e aos governos de que recebem imensas prebendas e privilégios. Som superestruturas que atraiçoárom há muito tempo a reivindicaçom de emancipaçom obreira.

Por seu turno, as cada vez mais estreitas vinculaçons da direcçom da CIG com o autonomismo nom só hipotecam a sua capacidade de luita, como esterilizam qualquer iniciativa que aparentemente procure promover a mobilizaçom operária. A jornada de luita do 17 de Junho contra a reforma laboral e em prol da greve geral nom passou de ser umha sórdida caricatura para cobrir expediente. A CIG pratica a nível nacional um sindicalismo de espectáculo, incapaz inclusive de movimentar os seus delegados e delegadas nas reivindicaçons políticas, dirigido exclusivamente a facilitar a lavagem de cara do regionalismo.

Sumário

3 Garzón e a legitimaçom judicial da tortura

Xavier Moreda

4 Língua e luita de classes na Galiza do século XXI

Afonso Mendes Souto

5-6 Marx hoje (e amanhá) Néstor Kohan

7 Colômbia: continuísmo sangrento e ilegítimo

Narciso Isa Conde

Por umha Galiza sem espanholismo, capitalismo e machismo

2

Nº 57 Julho, Agosto e Setembro de 2010

Editorial

O desprestígio entre as massas do hegemónico modelo de sindicalismo actuante na Galiza, completamente profissionalizado, tomado por umha casta burocrática muito bem remunerada com generosos subsídios estatais, vai dificultar umha resposta de altura à ofensiva do Capital. A penetraçom da ideologia burguesa entre a classe obreira é um obstáculo acrescentado que dificulta o nascimento de um movimento obreiro à margem deste sindicalismo entreguista. Porém, a profundidade e a dimensom da crise vam inevitavelmente gerar o desenvolvimento das luitas e no seu seio um novo movimento proletário que compensará a inexperiência com umha primária firme vontade de combate.

Mas sem a existência no seu seio de umha força revolucionária comunista que unifique e globalize as luitas parciais, as suas ligaçons com outras demandas do povo trabalhador, dando umha perspectiva de libertaçom nacional e social de género, mantendo a sua unidade frente às tentativas permanentes de divisom promovidas polo reformismo, mais cedo que tarde esse novo sindicalismo poderá ser devorado polos poderosos mecanismos de um sistema que conserva fabulosos recursos económicos e ideológicos para neutralizar as luitas. A consciência marxista-leninista é a única arma invencível neste combate, é a única garantia de evitarmos o suborno permanente a que está submetido o movimento obreiro pola lógica mafiosa com que age o Capital.

gerais som bastante incompatíveis com as campanhas eleitorais que tencionam atrair o apoio dos sectores intermédios da populaçom.

A adiada greve geral contra a política do governo espanhol e da Junta da Galiza é a expressom deste modelo de sindicalismo hegemónico, que com formas es estilos diferentes, independentemente do seu carácter galego e espanhol, no cerne tem mais similitudes que diferenças.

CCOO e UGT deixam a resposta para 29 de Setembro no que sem lugar a dúvidas pretendem converter numha morna e ordenada jornada que só paralise alguns sectores económicos, dificultando e reprimindo as iniciativas combativas, evitando assim umha resposta contundente e clara. Mas, basicamente, diluindo-a numha jornada europeia de luita que dê oxigénio a Zapatero e ao seu governo, desviando

boa parte das suas responsabilidades nas medidas adoptadas e nas anunciadas para evitar incrementar a fenda eleitoral a favor do PP. Segundo este discurso, a Moncloa estaria sem capacidade de manobra, hipotecada polo predador capitalismo financeiro especulativo internacional, interessado em desestabilizar os mercados, impossibilitando que os estados voltem a introduzir medidas reguladoras para assim seguir fazendo suculentos negócios.

Deste jeito o sindicalismo amarelo e o reformismo que lhe dá cobertura pretendem desfigurar a cara das agressons que padecemos como classe, naçom e género, depositando a responsabilidade no capitalismo internacional.

Quanto à CIG, ao invés do sindicalismo basco, carece de coragem política para convocar a greve geral. Nom se atreveu -contrariamente ao que fijo a INTG em Fevereiro de 1984 com infinitamente menos recursos humanos e económicos- a levar a iniciativa, convocando umha greve geral nacional. Suso Seixo e a Executiva vam simplesmente ao ritmo que marcam CCOO e UGT. Nom se atrevem a convocar pois nem confiam na capacidade da classe obreira galega nem tampouco na preguiceira e acomodada estrutura sindical de que eles fam parte, mas basicamente porque nom querem danar as expectativas eleitorais do BNG nas municipais de 2011. E já se sabe: as greves

O Dia da Pátria de 2010 tem lugar numha conjuntura de constantes ataques à classe obreira galega e ao conjunto do povo trabalhador após o incremento do IVA. Mas também entre contínuos anúncios do incremento da taxa de ganho das grandes empresas galegas. Pescanova, Zara, Caixa Nova, Gadisa, Inditex continuam a aumentar os seus lucros à custa de participarem no espólio dos nossos recursos naturais e energéticos, na sobreexploraçom do proletariado galego, com destaque para as mulheres trabalhadoras. Este contexto ratifica a necessidade de dotar a Galiza e a sua classe operária de um movimento independentista de indiscutível carácter anticapitalista e socialista, classista e contrário a manter umha linha conciliadora com qualquer das diversas fracçons do autonomismo.

Som horas de luita, de convertermos a rua no epicentro da política com maiúsculas, de promovermos o desenvolvimento da resistência e da autodefesa, de alargar a batalha ideológica, pois a crise capitalista só pode superar-se por meio de umha saída revolucionária. E esta só é factível com um povo organizado dotado de um programa estratégico e umha vanguarda legitimada pola luita.

Publicidade

Fernando Macías,3 15004 - A Coruña www.lumelibros.com Telf.: 981 263 408 Fax: 981 264 803

cshenriquetaouteiro@gmail.com www.cshenriquetaouteiro.agal-gz.org

Entremuros, 12 - Compostela Tel. 981 576 778 | www.ocurruncho.com

Quiroga Palácios, 42 (rés-do-chao) 15703 Compostela-Galiza

Santiago - A Coruña

R/ Real, 48 • Vigo Tel. 607 228 556

R/ Camélias, 10 36860 Ponte Areas Tel 986 661 970

Tels.: 986 658 209 - 655 477 132 Oleiros-Salvaterra de Minho www.casadasbreas.com

OPINIOM

“Garzón é um juiz que inventa quase todo a nível sumarial. Acontece é que sempre age com o apoio do poder político e do Ministério do Interior. Garzón dá-se ao luxo de ditar autos de processamento ou de prisom absolutamente fabulados, dando por demonstradas ligaçons orgánicas e funcionais de diversos sectores com aquilo que ele denomina “o terrorismo”.

Garzón nom é, de nengum ponto de vista, um “justo”, um “valente” ou “um dos nossos”: Joaquín Navarro Esteban 19392007, foi magistrado e deputado do PSOE. A imprensa internacional ecoa o discurso oficial espanhol (oposto ao que tinha J. Navarro) em defesa de Garzón. Apontam o que outros antes apontaram na mesma imprensa espanhola, radicalmente: “… o paradoxo mais sangrento e insuportável da política espanhola, um insulto à memória de tantos luitadores e luitadoras perseguidos e assassinados polo franquismo: a primeira pessoa que sentará no banco dos réus na história da Espanha polos crimes do fascismo espanhol, 35 anos depois da morte do general golpista, nom será alguém que tenha feito parte daquela infámia infinita, ou algum apologista de sua bondade e necessidade histórica, mas sim um juiz que tentou, com maior ou menor acerto, usar algumas armas jurídicas para superar aquela Lei do Ponto Final, como foi chamada a Lei da Amnistia, de 1977”.

Os reformistas, esquerdistas e inesquerdistas internacionais que opinam sobre Garzón desconhecem ou querem desconhecer a verdadeira história do legitimador judicial da tortura por omissom activa. Porque nunca agiu contra os verdugos fascistas? O magistrado foi o açoute da esquerda revolucionária, especialmente em Euskal Herria: “Fijo-o no caso de Xaki, assunto em que está a actuar de forma fanfarrona, e também no caso de Ekin, inventando isso de que é a frente política da ETA. Também tem encarcerado pessoas pacifistas o contrárias à acçom armada, como é o caso de Sabino Ormazabal e Pepe Uruñuela, que conheço pessoalmente”(J. Navarro).

Nom há nada de casual no currículo de Baltasar Garzón e sim de oportunista profissional. Um cínico carreirista que navega com a mais falsa das equidistáncias, santificado por factos relativos à Memória, disfarçado de mártir. Baltasar andou a brincar com os sentimentos das vítimas ou dos danificados, ajudado com o sentimentalismo mediático. Ninguém lembra na imprensa, ou fai lembrar, outras actuaçons do tribunal herança franquista assumida com nome mais insultante ainda, de fedor imperialista: Audiência Nacional, criada por Real decreto-lei 4 de Janeiro de 1977 no mesmo dia que era “suprimido” o TOP, criado a 12 de Dezembro de 1963 que assumia também as funçons da entidade chamada Tribunal Especial de Represión de la Masonería y el Comunismo: 14 anos de funcionamento nos quais fôrom processados e condenados milhares de vermelhos e vermelhas.

Ele é Jogador herdeiro requintado do presentismo; omite a necessária referência ao passado para entender o presente: o regime bourbónico que mantém o mesmo tribunal de excepçom; a utilidade da Memória manipulada polos comissários do esquecimento, organizando a Memória selectiva ou alheia como redentora da sangrenta história imperial espanhola, escolhendo sempre o caso oportuna e mediaticamente, como quando Garzón ficou conhecido mundialmente ao emitir aquela ordem de prisom em desfavor do ex-presidente do Chile, Pinochet, por assassinatos e torturas de cidadaos espanhóis. Utilizando como base o relatório da Comissom Chilena da Verdade (19901991). Foi com aquela gloriosa façanha quando ficou consagrado, intocável. Agora utiliza, mais umha vez, umha parte das associaçons memorialistas, (na Galiza maioritariamente nom), que se sentem representadas por quem joga a vingador

Xavier Moreda

Nº 57 Julho, Agosto e Setembro de 2010

3

Garzón e a legitimaçom judicial da tortura

dos despojados polos tribunais fascistas, dos perdedores, sem saírem do próprio TOP. Desde 1988, fai parte rechamante dum tribunal obscuro, onde foi, até ser destituído, a máxima estrela no firmamento dos que julgam como terrorista a queima da figura do Bourbon. Dentro e a carom da extrema-direita, de aquele mesmo tribunal que condenou tantos e tantas antifascistas durante a ditadura franquista e que continua a ser chicote da esquerda. O juiz nunca ilegalizou a extremadireita assassina, essa que agora exerce paradoxais “direitos constitucionais”, os falangistas que nunca investigou. Garzón é estrela do continuísmo judiciário franquista, do regime bourbónico, da nega-

çom da ruptura necessária para eliminar os resíduos franquistas que assasinárom impunemente até o ano 1977. A sua ruptura estelar é fictícia e mediática, nega omitindo a necessária eliminaçom dos resíduos franquistas e do próprio tribunal; máximo resíduo fascista e da “transiçom sem fim”. É o grande promotor do presentismo, da Memória parcial manipulada de modo culturalista e sentimentalóide para ser vexada, negada, relativizada para a reconstruçom argumental dum Estadonaçom que jamais existiu.

Algum dia a restituiçom real da Memória, permitirá julgar episódios tam irregulares como o encerramento “cautelar” de Egin e da emissora de rádio, Egin Irra-

tia, e a detençom de vários responsáveis de Orain, S.A, acusados de “integraçom em bando armado”; postos em regime de “incomunicaçom” a 14 de Julho de 1998.

Nom é nem será nunca tarde para aprofundar a batalha contra a impunidade e a falsa e criminosa ideia de que os órgaos públicos tenhem o direito de torturar e matar, encarcerar qualquer suspeito de actos considerados criminosos. Por imperativo ético e moral para as mesmas vítimas, precisamos de recompor as injustiças do passado e as que se continuam a cometer. O direito à Memória, nom pode ser manipulado por juízes que nom combateram o fascismo. Nom queremos, nom podemos esquecer o que nom foi conheci-

do ou reconhecido polos construtores da história oficial, nom superaremos o que nom foi nunca enfrentado com valentia política. Existe umha profunda imoralidade na sua intervençom repressiva, um comportamento intrinsecamente oportunista e desleal neste jeitinho garzoniano que nega e menospreza a milhares de luitadores e luitadoras que crem na necessária entrega pessoal e colectiva à livre determinaçom política dos povos, das naçons sem estado.

A justiça espanhola tem um modelo arcaico e perverso derivado da sua própria tradiçom dos autos de fé: declarar publicamente renegar de qualquer fé. Os seus labores repressivos som falsamente justificados como preventivos contra a violência e contra a vulnerabilidade social, física ou nom. Som os representantes do poder os que definem as condutas criminosas ou delituosas, as que devem ser punidas exemplarmente, e no caso que tratamos a sua intervençom tem muito a ver com a excepcionalidade que legitima ainda mais suas actuaçons longe do controlo público. O aparelho judiciário do que o actor é estrela se concentra na tipicaçom interpretada a partir da conveniência especificamente política do regime bourbónico: ”... Isso da frente política é umha invençom do Ministério do Interior que o senhor Garzón aplica de manera sistemática, sabendo que as suas decisons, por injustas que forem, som impunes porque estám apoiadas polo poder político.

O mesmo acontece no caso de AEK, que seguramente considerará frente cultural da ETA. Só falta descobrir que há umha frente religiosa da ETA ou umha frente veterinaria. Isto é umha caça de bruxas que me parece alarmante e inquietante” (J. Navarro) Por ter escuitado centenas de denúncias de presas e presos, nom só bascos, a relatar os métodos de tortura clássicos: violaçons como “a banheira”, “o submarino”, a picana eléctrica ou o saco de plástico. Por terem dito perante o narco-presidente Uribe e os seus sequazes: “para nós é básica a incomunicaçom prolongada nos primeiros dias na reclusom”, ele tem a certeza de que os quartéis policiais especialmente da Guarda Civil de Itxaurrondo, Barcelona de Madrid ou outros, som iguais aos mesmos que foram utilizados para a repressom durante o franquismo, e ainda mais avançados nos métodos de tortura, com a mesma vontade de destruiçom fascistas dos corpos da juventude detida. No entanto, o “superjuiz” olha de esguelha e assina as intervençons antiterroristas no tribunal de excepçom com a modalidade de detençom incomunicada e prolongada de que tanto se orgulha o governo espanhol. Só seriam suspeitas se nom existissem informes como os dos relatores de organismos como o da ONU ou como o Comité para a Prevençom da Tortura do Conselho da Europa (CPT) ou o CAT espanhol que exigem a aboliçom dos métodos que defende o adail dos direitos humanos a medida do terrorismo imperialista de Estado que agora o encaminha ao exílio dourado em Haia da mao do juiz argentino, fiscal-chefe da Corte Penal Internacional, Luis Moreno-Ocampo, que publicamente pede ao usurpador que “melhore os seus métodos de pequisa”.

Xavier Moreda é activista da memória histórica

4

Qual é a relaçom que existe entre a língua galega e a luita de classes? Dito de outra forma, qual é a relaçom existente entre o idioma e a classe que domina a Naçom do ponto de vista político, económico e social?

Cumpre abordarmos antes de mais umhas ideias que rompem com a assunçom do idioma como um elemento essencialmente subjectivo e sentimental, colocando-o ao nível de elemento fundamental e objectivo que fai com que a burguesia oriente a língua galega face os seus interesses, controlando e limitando o seu aparelho legal e difusom social com a finalidade de perpetuar o seu quadro simbólico-material de acumulaçom e expansom de capital.

Nem é preciso dizer que o galego é a língua própria da Galiza, única para as relaçons de todo o tipo de todas as classes sociais desde a gestaçom do idioma até a integraçom na Coroa de Castela e posteriores marcos políticos de dominaçom da Galiza até chegarmos ao dias de hoje. Sabemos que é desde a “doma e castraçom da Galiza” que o idioma vem invertendo os seus usos e possibilidades sociais.

Porém, mesmo hoje em dia a língua galega está directamente relacionada com a classe trabalhadora, mas nom só, também é usada por burguesia rural –nom apenas com usos rituais ou enganosose por umha relativamente recente nova burguesia mesocrática que em ocasions pode defender de algum jeito o idioma.

Também é evidente que o espanhol tem já muita presença entre a classe trabalhadora, sobretodo a mais jovem, a das cidades galegas e na imensa maioria das e dos imigrantes que venhem à Galiza para vender a sua força de trabalho.

Foi graças ao sindicalismo nacional e de classe que o resto do sindicalismo galego começou a fazer as suas reivindicaçons na nossa língua, hoje, isto é umha realidade consolidada a excepçom de algum caso de sindicalismo mais minoritário. O mesmo aconteceu no ensino graças a ERGA. Dado que a contradiçom principal que existe na Galiza é a de classe, daí derivam o resto, quiçá seja possível que se poda construir umha Galiza independente como aconteceu na Irlanda, ainda dos 26 condados, e como aspiram a criar outras naçons sem estado que tenhem as suas línguas próprias extintas ou em vias de extinçom como é o caso da Escócia. Mas a nova fase do conflito língüístico na Galiza nom é por acaso.

Para compreender as atitudes especialmente beligerantes contra o galego dos últimos anos quiçá tenhamos que escapar do pensamento antagónico ao nosso, quer dizer, nom é que sintam o espanhol apenas como algo próprio e em perigo na Galiza, quiçá tenhamos de ver esta questom em chave de defesa da naçom espanhola pola sua parte e observar do mesmo modo os conflitos que ameaçam a sua integridade, especialmente no País Basco e nos Países Cataláns, para além, é claro, das conquistas históricas da esquerda nacionalista galega. Nom se deve considerar em nengum caso o bipartido como um governo que se movesse nestas chaves perigosas para a identidade espanhola, já que nestas duas expressons políticas encontramos, ainda que de forma desigual, espanholismo e direitismo.

Antes de mais, gostava de desmentir um tópico muito recorrente entre muitas e muitos das/dos que defendem o galego. Trata-se da afirmaçom “o espanhol é umha língua imperialista”. Nom há línguas imperialistas nem línguas proletárias, só as utilizaçons que se dam às línguas é que as convertem em ferramentas para construir uns modelos de sociedade ou outros. Para pôr três exemplos que desmintam o anterior, temos a classe trabalhadora castelá, andaluza ou a de

Afonso Mendes Souto

ANÁLISE

Nº 57 Julho, Agosto e Setembro de 2010

Língua e luita de classes na Galiza do século XXI

Lógica colaboraçom das instituiçons do regime

Porto Rico, que com as suas variantes do espanhol tenhem esta língua como própria para a sua classe trabalhadora, embora também no Estado seja o espanhol o idioma que se utilize como ferramenta contra as demais.

Portanto, nom é certo que existam línguas operárias e burguesas ou imperialistas. Esta utilizaçom do espanhol, e a escolha de certos traços dialectais, no Estado, atende apenas à localizaçom da capitalidade em Madrid. Se por razons históricas a capitalidade tivesse sido por exemplo Compostela e a linhagem galega de reis fosse a que agisse como a Coroa de Castela, diríamos hoje que o galego é umha língua imperialista? O caso é que nom deveríamos.

Outro mito de que ainda nos custa afastar-nos é o que exprime a ideia do idioma galego como elemento rural. Umha das conseqüências do modo de produçom capitalista é a aglutinaçom da populaçom arredor da indústria e logo da cidade, cada vez mais, e se bem é certo que hoje é o rural onde se fala mais galego também o é que o rural está sendo despovoado e isto nom deve ser álibi para deixar de reivindicar o idioma, mas polo contrário, é dever conseguirmos que estas migraçons internas nom perdam a língua e também o é luitar por direitos lingüísticos que fagam com que as pessoas espanhol-

falantes vejam no galego um sinal de identidade útil com o que abrirmos novas vias de comunicaçom no mundo.

Acho interessante continuar a desenvolver a ligaçom entre a língua galega e a luita de classes através de dous pontos concretos:

1 – A quem pertence a língua galega? E que interesses tem cada classe na língua?

Na prática, o idioma pertence às galegas e galegos que nascêrom com ele de forma espontánea e assim quigérom e querem que continue a ser e àquelas pessoas que polo contrário fôrom educadas em espanhol e decidírom a escolha do galego para praticar justiça lingüística e desenvolver-se na Galiza no idioma de seu.

No entanto, como vimos antes, o galego encetou no seu dia o código de quem exige a tranformaçom da Galiza em chave nacional, de esquerda e antipatriarcal, nom só, mas sim fundamentalmente.

Também vimos que o galego nom é idioma único entre trabalhadoras e trabalhadores nem o espanhol entre a burguesia.

Já sem entrarmos em questons de diglossia ou da pressom que em cada contexto pode exercer um idioma ou outro na hora de que

classe trabalhadora ou burguesia falem galego ou espanhol.

Em todo o caso, o evidente é que o galego é ferramenta ideológica para a classe trabalhadora e o espanhol para a burguesia que na Galiza pretende continuar a desenvolver o projecto nacionalista espanhol.

Todo nacionalismo tem uns símbolos de construçom nacional desde a sua apariçom com o Romantismo: bandeira, território e língua som fundamentais. O nacionalismo espanhol –Zapatero, Rajói ou Feijó som nacionalistas espanhóis ou ao serviço do nacionalismo espanhol- utilizam, portanto, o espanhol como algo simbólico e material que sirva de elo entre as pessoas que habitam no Estado.

Embora o galego tenha certa legislaçom que a reconhece, o certo é que esta nom se cumpre, o que fai com que cada vez haja menos falantes. Ainda que desde finais da década de 70 e princípios da década de 80 pouco se tenha avançado em direitos para o galego, só graças aos últimos ataques ao idioma vemos umha resposta sem precedentes quase à altura dos ataques. O movimento popular está dirigido por pequena-burguesia, por conseguinte, a resposta também está limitada. Estamos perante umha nova fase de conflito lingüístico na Galiza, iniciada duran-

te o bipartido por sujeitos direitistas como o PP, Galicia Bilingüe ou La Voz de Galicia. O governo do bipartido nem soubo nem pudo reagir. Nom pudo porque umha luita plena e coerente na defesa do galego deve ser umha luita anti-sistémica.

A burguesia tem limitado o galego e as suas possibilidades para que prevaleça o status quo e podemos chamar burguesia àquela minoria que acumula a maior parte do capital galego, à pequena-burguesia tecnocrata da RAG ou à mesocrática funcionarial que na hora da verdade tanto fai o que se faga com o idioma enquanto puder escrever e falar galego no seu posto de trabalho ou com outros fins sociais.

2 – A alternativa reintegracioinista O reintegracionismo é umha fantasia pequeno-burguesa? Nom, ao invés, é umha ferramenta de duplo fio e elemento simbólico-material objectivo que pode fazer perigar a relaçons económico-sociais na Galiza e o território espanhol como marco políticojurídico da naçom espanhola e o que esta representa.

Falávamos de que talvez seja possível umha Galiza independente sem galego, acrescentamos agora que quiçá também o

seja num galego com “enhes”. Porém, no estádio actual da luita de classes parece difícil que se dê umha situaçom revolucionária que poda permitir a ruptura com Espanha. De todos os jeitos, isto som hipóteses e sobre estas o tranquilizador e esperançoso é que neste país quem fala e age em chave revolucionária tem prática reintegracionista, embora todo aquilo que é reintegracionismo na Galiza nom fale nem aja em chave revolucionária, para além do que a proposta tem em si.

Como digo, o reintegracionismo nada tem de ideia ou fantasia pequeno-burguesa. Para já, cumpre dizer que é umha proposta científica, já que propom a recuperaçom da grafia histórica e do estudo do português para contrastar com os espanholismos que temos na língua assim como recurso ou viveiro de neologismos e tecnicismos que nos venhem dados de série polo espanhol.

Além do mais, o reintegracionismo consiste em procurar umha comunicaçom que podamos ter com os países de fala portugesa por todo o mundo, seria a procura de um contributo cultural que nos é negado politicamente para conhecermos expressons culturais de outros países e podermo-nos realizar no nosso idioma noutras latitudes. Isto nem nos foi permitido nem se nos vai permitir.

Alguém acha viável que um/ha cantor/a galego/a triunfe em galego por todo o Estado? Nem a realidade política e cultural, nem a invisibilidade de umha alternativa a isto fam com que o pensemos.

O reintegracionismo também superaria o caos lingüístico que existe na Galiza, palavras, expressons, aprendizagem de umha normativa científica com maior facilidade seria umha realidade que nom se pode fazer hoje com os dicionários e gramáticas da pequenaburguesia galega. Mesmo estas contradiçons lingüísticas fam com que militáncia independentista questione palavras ou expressons que o reintegracionismo assume e que basicamente para muitas destas pessoas o reintegracionismo seja utilizado ou adoptado, sem querer, apenas como algo simbólico que rompe com o elemento espanhol. Mas o reintegracionismo é muito mais do que isto e a arma que implica tem muito mais potencial.

Que aqui leiamos livros ou revistas em português ou que nos movamos em qualquer outra chave cultural que se nos ocorrer no mundo da lusofonia pom em risco o mercado da burguesia espanhola, o que se oferece para consumir perderia negócio na Galiza, iria abrir-se um espaço cultural novo. A nossa ferramenta seria o idioma galego-português, por fim língua extensa e útil, nom espanholizada e iria mover-se no novo espaço cultural como algo acessível, por cómodo, para o novo público lusófono, a fronteira cultural estaria fragmentada, o referente cultural seria um outro e isto nom interessa à burguesia. Com certeza que a burguesia poderia participar do negócio, mas nom é só a questom cultural a que está em debate. A contradiçom principal nom é a nacional, nem a lingüística, nem nengumha outra que nom seja a de classe, que na Galiza adopta a forma de libertaçom nacional. O pequeno-burguês é o contrário, assumir a luita nacional deixando para depois a questom de classe, ou priorizar o cultural ou o Status Quo sobre o que aqui se expom. A língua e a cultura estám mutiladas, espanholizadas, limitadas. O motivo disto é que o que está em jogo é o quadro simbólicomaterial de acumulaçom e expansom de capital que se chama Espanha, a superaçom, passa polo sujeito revolucionário e a orientaçom política e cultural deste movimento.

Afonso Mendes Souto fai parte de NÓS-UP de Corunha

Néstor Kohan

Nº 57 Julho, Agosto e Setembro de 2010

ANÁLISE

5

Marx hoje (e amanhá)

Inti Maleywa, Bolívar marcha com as FARC, 2004

Umha espécie está em perigo de extinçom: a espécie humana! Fagocitando o planeta no seu conjunto, incluindo as diversas formas de vida social que o habitam, o capitalismo leva cinco séculos infatigáveis de perversa lida. Este monstro impiedoso, já velho e decrépito, tenciona arrastar ao seu túmulo toda a humanidade. Nom se trata de um indivíduo particular, mas de todo um sistema, um conjunto de relaçons sociais frias, anónimas e burocráticas no seio das quais as pessoas som só meios de lucro, ganho e acumulaçom. O mercado capitalista, que desde o seu nascimento aspirou a ser mundial, termina por engolir todo o planeta entre fins do século XX e começos do XXI. O mundo unifica-se. O american way off life transforma-se no único modo aceitável de (sobre)viver. Aqueles que nom o aceitarmos seremos considerad@s terroristas, subversivos, bandoleiros, fundamentalistas. Vam vigiar-nos. Vam incluir-nos nos index das novas inquisiçons e nas suas listas negras.

Vam escuitar as nossas conversas. Vam ler a nossa correspondência. É lógico.

Nesse contexto totalitário de barbárie, vigiláncia e controlo generalizados, ressurgem as rebeldias, reaparece a indisciplina social, voltam os choques e confrontos com a polícia. E contra todos os vaticínios, retorna Marx.

Ainda hoje, os poderosos da Terra sentem um arrepio polas costas ao escutarem ou lerem o nome de Marx. Empresários e banqueiros, magnatas e financeiros, polícias e militares, compartilham o mesmo ódio contra o marxismo. Na televisom, nos diários, nas rádios e em qualquer meio de comunicaçom, os que tenhem poder e muitíssimo dinheiro nom cansam de insultar o marxismo. Porque será?

Há umha década, na mudança de milénio, escassos dez anos após a queda do Muro de Berlim e em plena crise do neoliberalismo, a BBC News On Line de Londres realiza umha votaçom polo site a pesquisar quais seriam “os dez pensadores maiores do milénio”. Participam e intervenhem jovens de todos os cantos do mundo e todos os idiomas. O resultado é inequívoco. A votaçom atribui o primeiro lugar a Karl Marx; seguido a boa distáncia de Albert Einstein, Isaac Newton, Charles Darwin, Santo Tomás de Aquino e Friedrich Nietzsche.

Dez anos após aquela votaçom e a vinte anos da queda do Muro, na Europa ocidental, na América Latina e no mundo todo, assistimos a um outro momento histórico. Já nom estamos como nos anos ‘80 –em tempos neoconservadores de Thatcher, Gorvachov ou Reagan– nem a começos dos ‘90 –naquela euforia neoliberal que fijo Framcis Fukuyama delirar com um reinado de mil anos para o capitalismo, pesadelo sombrio que também tinha sido sonhado por Hitler na sua melhor época.

Hoje em dia, generalizárom-se numerosas rebelions e resistências contra a chamada “nova ordem mundial”. Enquanto nos ‘80 e primeiros ‘90 o só acto de mencionar o termo “imperialismo” parecia anacrónico e caduco, hoje o debate voltou ao centro da agenda teórica e política. Até no meio de algumhas capitais europeias as pedras e os cocktails molotov ocupam o centro da cena política.

De maneira análoga, a palavra “socialismo” retornou à esfera política pública (em torno dela hoje discute-se se na América Latina seria pertinente o socialismo clássico, o do século XXI ou qual. Venezuela é um desses palcos privilegiados, mas nom o único).

A antiutopia de um mundo capitalista eterno mete água. O barco das grandes corporaçons multinacionais ranje. O leme do FMI, do Banco Mundial e doutras instituiçons “filantrópicas” gira sem ponto fixo nem farol à vista no meio do oceano de crises generalizadas por todo o lado. Mesmo o euro, moeda tam sólida noutro momento, começa a abalar. E Marx continua aí.

Com um sorriso zombador entre os lábios.

O seu livro O Capital voltou a ser um best seller.

Nom se trata hoje do “regresso” do Marx caricato da vulgata stalinista, facilmente refutável (por isso mesmo sempre presente nas impugnaçons académicas).

Tampouco retorna o Marx economicista que só sabe balbuciar a língua do funcionamento do mercado e a acumulaçom, mas nom pode pronunciar umha só palavra inteligível sobre o poder, a política, a dominaçom, a hegemonia, a cultura e as subjectividades.

O Marx que retorna a cena, e que nós tomamos como inspirador, conselheiro e guia, é o que alimentou os incêndios mais difíceis de apagar. O que alentou historicamente as aspiraçons mais radicais dos condenados e vilipendiados da terra. Nom interessa se satisfai ou nom o gosto disciplinado que conseguiu instalar como horizonte fechado o pensamento único dos nossos dias (que nom desapareceu ainda que agora esteja na moda cuspir sobre o neoliberalismo). A volta de Marx –das suas problemáticas, de suas hipóteses, das suas categorias, dos seus debates e até da sua linguagem– nom depende das normas que ordenam a agenda das ONGs nem do reconhecimento que atribuem as fundaçons

académicas, subsidiadas polas grandes empresas, mas de umha ebuliçom social generalizada e já inocultável em escala global.

Incluindo as grandes capitais europeias.

Também ali há e haverá incêndios... Acabou a época em que a juventude europeia, progressista e bem intencionada, procurava solidarizar-se com algumha boa e longínqua causa do terceiro mundo para nom se sentir vazia e encontrar um sentido à sua vida.

Nom estará na hora de alimentar a rebeldia e o confronto directo também no primeiro mundo?

O variado e colorido leque de luitas radicais, valiosas por si próprias, mas ainda dispersas e fragmentadas, ainda nom conseguiu conformar umha coordenaçom ou umha frente comum que as agrupe organicamente em escala internacional contra o capitalismo e o imperialismo. Os Foruns Sociais Mundiais fôrom umha primeira tentativa de diálogo, mas ainda demasiado fraca e cada vez mais light. Sobrevive a dispersom, a fragmentaçom e a falta de umha autêntica coordenaçom que permita elaborar estratégias comuns no longo prazo. Em termos políticos, essa segmentaçom resta força às reivindicaçons. Reconhecê-lo como umha insuficiência e umha debilidade –julgamos nós que transitória– constitui um passo obrigatório e necessário se o que se pretende é avançar colectivamente com novos fôlegos para maiores níveis de confronto contra o sistema capitalista do imperialismo contemporáneo em escala mundial.

A crise que vivemos actualmente nom só é económica, também é política, cultural, ecológica, energética, em suma, civilizatópassa à página 6

6

Nº 57 Julho, Agosto e Setembro de 2010

ANÁLISE

Vem da página 5

ria. Mas da crise, como bem ensinárom Lenine e Gramsci, nom deriva automaticamente “o derrube” do capitalismo e muito menos o socialismo. Nunca tivo nem terá “derrube” sem revoluçom e sem intervençom subjectiva. Tem razom o Che Guevara nos seus Apontamentos críticos à economia política (grosso volume, publicado em 2006, onde discute de economia política com os soviéticos): o famoso e sempre citado “choque entre forças produtivas e relaçons de produçom” só se desencadeará através da intervençom política dos povos e em particular dos trabalhadores. Nom fai sentido sentarmos à espera desse choque, nem ficarmos sentados para ver passar o caixom do inimigo em frente da porta da nossa casa.

Para dar conta desse horizonte com que se abriu no novo milénio em escala mundial, nom há melhor companhia que Karl Marx. Esteja ou nom de moda nas grandes academias. Digam o que dixerem os grandes empórios de desinformaçom.

A necessidade de reinstalar a discussom e o debate sobre Marx na agenda contemporánea dos movimentos sociais, as organizaçons políticas e as ciências sociais torna-se umha urgência inadiável. Nom esqueçamos que durante o último quartel do século XX predominou no terreno do pensamento social um leque de relatos –principalmente o pósmodernismo, o pós-estruturalismo e o pós-marxismo– que conduzírom ao abandono de todo horizonte crítico radical e à deslegitimaçom de todo questionamento da sociedade capitalista.

O marxismo, em tanto filosofia da praxe, concepçom materialista da história, teoria crítica e estratégia política de hegemonia, nom pertence ao mundo do Jurasic Park. Recordemos que Jacques Derrida, pai do “deconstrucionismo”, dedica Espectros de Marx ao autor do Capital em 1993, convidando a retomar esse programa injustamente esquecido. E Derrida dedica o seu livro nada menos que a Cris Hani, quadro militar do comunismo

Marx hoje (e amanhá)

Helios Gómez, Viva Outubro, 1935

da África do Sul assassinado polos neonazis (no mesmo país em que hoje se joga o Mundial de futebol). Hoje em dia, Gianni

Vattimo, outro dos progenitores do “pensamento débil” pós-moderno, farto do capitalismo e do mercado, no seu recen-

te Ecce comu. Como se chega a ser o que se era (2009) convida-nos a recuperar o comunismo como horizonte de vida. Isto

é que até os principais e mais famosos popes das metafísicas “pós”, depois de batalharem durante anos contra O Capital, vinhérom a reconhecer que Marx e o marxismo continuam a ser o horizonte insuperável da nossa época.

Nom som delírios. Nom som loucuras. O marxismo constitui umha ferramenta imprescindível para dar umha perspectiva no longo prazo aos malestares, as luitas, os protestos e as rebeldias contemporáneas. Em tanto teoria de hegemonia o marxismo permite unir o diferente sem o esmagar, articulando um arco multicor contra um mesmo inimigo: o capital, um modo de exploraçom e dominaçom, ou seja, umha forma de vida que termina sendo na realidade inimiga de toda forma de vida no planeta.

O desafio, entom, tanto teórico como prático, consiste em tratar de consolidar a oposiçom radical ao capitalismo construindo a partir dos ensinamentos de Marx certo grau de organicidade entre os movimentos sociais e políticos. Só com a espontánea comunicaçom virtual (via email, facebook ou o que seja) ou as redes voláteis já nom dá. Continuam a ser úteis mas... insuficientes. Jogárom um grande papel, importantíssimo e insubstituível, durante a primeira fase da resistência ao neoliberalismo, quando se vinha do dilúvio e a dispersom absoluta.

Mas hoje já nom é suficiente. A oposiçom ao sistema, se pretender ser eficaz e modificar realmente as relaçons sociais de força a nível regional, nacional e mundial, entre opressores e oprimidos/as, entre exploradores e explorados/as, deve assumir o desafio de construir força social e bloco histórico, tendendo para a convergência das mais diversas emancipaçons contra as mesmas relaçons sociais do capital. Para isso, torna-se necessário e impostergável, nom só no ámbito da discussom das ciências sociais, como também na agenda política, recuperar a radicalidade de Marx e tirar-lhe todo o pó cinzento, encardido e burocrático que se depositou sobre os seus ombros na hora do derrube do muro de Berlim.

Néstor Kohan é militante marxista argentino

WEB

LIVROS Associaçom Galega de Amizade com a Revoluçom Bolivariana Simón Bolívar. Libertador da naçons, criador da Pátria Grande Compostela, AGARB, 2010, 37 páginas

Ricardo Gurriarán Inmunda escoria Vigo, Xerais, 2010, 525 páginas

Robert Skidelsky Keynes, o Regresso do Mestre Penguin, 2009, 224 páginas

Apresentanos a AGARB, com a colaboraçom do Consulado da República Bolivariana da Venezuela, a sua segunda publicaçom arredor da figura do Libertador latinoamericano Simón Bolívar, obra que tem a importáncia acrescentada de ser a primeira biografia sobre o grande líder independentista venezuelano publicada no nosso país e na nossa língua.

Além disso, é esta umha biografia que contribui para o resgate da verdadeira história de um Bolívar cuja vida foi manipulada e deturpada por quem o atraiçoou, a ele e o seu projecto para melhor converter-se em vassalos do imperialismo e opressores dos seus povos.

O texto mostra-nos a influência de Simón Rodríguez, o seu mestre, para o surgimento do futuro inimigo da monarquia espanhola.

Estando junto a ele em Roma, o ainda jovem Simón Bolívar decide retornar à sua terra e jura consagrar a sua vida à emancipaçom da Venezuela.

Desde entom, a sua figura vai ganhando importáncia e prestígio como líder militar e dirigente político, se bem a oligarquia e a Igreja católica nunca vírom com bons olhos a sua proximidade do povo, concretizada em decisons como a aboliçom da escravatura. Também vai definindo as suas ideias sobre a necessária unidade americana, plasmadas na Grande Colômbia e no tratado de uniom aprovado polo Congresso Anfictiónico do Panamá de 1826.

Mas o nascente e prometedor projecto é frustrado polas tendências separatistas das oligarquias fomentadas polo imperialismo. Os seus inimigos conspiram contra ele e, em 1830, Simón Bolívar é assassinado num crime que contou com a participaçom decisiva do governo estado-unidense, como agora se sabe. Matárom-no, mas nom pudérom apagar o seu exemplo, hoje vivo na Venezuela Bolivariana, na insurgência armada das FARC-EP e nas esperanças dos povos da Pátria Grande. (Anjo Torres Cortiço)

Interessante novo contributo de Ricardo Gurriarán para a escassa bibliografia sobre a história do Movimento Estudantil Galego, na qual se fai um repasso pormenorizado da evoluçom e dos conflitos que sofreu a universidade galega durante o período de 1936 a 1968. Leitura histórica limitada porém por umha excessiva preponderáncia na análise das fontes achegadas polas testemunhas dos distintos processos que afectárom a Universidade Galega durante o franquismo. Testemunhas que maioritariamente na actualidade fam parte da elite político-cultural do Estado espanhol e que portanto devem distorcer a realidade para tapar a continuidade da esséncia da universidade franquista na universidade galega do seculo XXI. Existe, pois, na leitura a sensaçom de umha vitória da esquerda estudantil que logrou transformar a instituiçom universitária; trasfomaçom ínfima como pode observar qualquer estudante galego que tivesse que sofrer Senem Barro, prologuista do livro, como reitor.

Paradoxalmente nom se pode deixar de recomendar esta obra ao apresentar as distintas fracçons políticas que interagiam no período, tanto do campo franquista como da oposiçom. Tem, além do mais, o valor acrescentado de o fazer a partir de um espaço, a universidade, de confluência da totalidade de “famílias” e reprodutora das elites democráticas. Interessante livro, logo, ao analisar a evoluçom política do regime fascista partindo do lugar de criaçom das seus elites e mais ainda ao fazê-lo a partir de umha instituiçom periférica como a galega. Tampouco se pode esquecer a valiosa e ampla documentaçom anexa que o complementa e enriquece. (José Miguel Cuba)

Vê de descrever a origem e as diversas interpretaçons da crise e apresenta as posiçons dos Novos Clássicos e dos Novos Keynesianos. Analisa a ascensom e a queda da Economia Keynesiana, salienta a distinçom entre o conceito de incerteza e o conceito de risco e compara o Sistema de Bretton Woods (1951-1973) com o Sistema do Consenso de Washington (1980-2008).

Procura na obra de Keynes nom apenas ideias para a reconstruçom da Economia, mas as dimensons filosóficas (mais em concreto as éticas e as políticas).

Os três pilares do pensamento do mestre seriam: Que o futuro é incerto, nom é unicamente arriscado. As flutuaçons, as bolhas e os pánicos vam de consum com a devandita insegurança num mercado intrinsecamente instável.

Que as economias abaneadas por estes choques, de serem deixadas em roda livre, poderiam estar em depressom prolongada e incluir um desemprego trágico. Cumpriria, pois, umha política monetária nom neutra e umha política orçamental para tempos “anormais”. Acreditava em que as taxas de juro nom bastavam para derrotar as crises.

Que as manias do capitalismo financeiro desenvolveram um sistema possuidor de rendimentos que é todo menos “um caminho para um mundo civilizado”.

Um livro muito aconselhável, porém, nom há que obviar que o keynesianismo é umha saída capitalista, nom alternativa, e há que olhar as armadilhas ecológicas das políticas keynesianas de procura. À vista da crise financeira e económica, assim como da crise ecológica (crise energética, ameaçador derrubamento do clima, inapropriada oferta de água e alimentos em muitas regions do mundo, et cetera) nom estaria mal recordar o ponto fulcral, para Marx, da Economia Política: o duplo carácter do trabalho e da mercadoria.

Para dar remate: o sistema Terra incrementa a cotio a entropia: estám a se produzir transformaçons materiais irreversíveis na produçom, no transporte, na comunicaçom e no consumo… E o keynesianismo nom é a soluçom, pois nom se trata de reformar o capitalismo, e sim de o substituir. (Domingos Antom Garcia Fernandes)

Conlutas Coordenação Nacional de Lutas http://www.conlutas.org.br Nascida da ruptura em 2004 com a CUT, principal central sindical brasileira hoje claramente situada do lado do governo, a Conlutas agrupa um número crescente de sindicatos situados à esquerda e contrários a qualquer colaboraçom ou financiamento do Estado. Rejeitam, por exemplo, a cobrança do suculento imposto sindical brasileiro, instituído em tempos de Getúlio Vargas, bem como as actividades formativas que, tal como na Galiza, revelam umha clara dependência económica e política em relaçom ao sistema.

No seu site, podemos ver o tipo de trabalho amplo que a Conlutas desenvolve, incluindo nom só o trabalho estritamente laboral, ao incorporar movimentos sociais de negros, LGBT, mulheres, juventude, etc.

Além da informaçom relativa aos conflitos concretos da luita de classes no Brasil, no seu site podemos acompanhar o processo de unificaçom em curso entre esta central e outras situadas na oposiçom de esquerda ao governo Lula.

internacional

“Com o triunfo ilegítimo do continuísmo, repudiado pela abstençom cidadá, o país entrou num processo de radicalizaçom da luita política, no que o povo será protagonista de primeira linha... Estamos muito próximo de outros quatro anos de ofensiva oligárquica contra o povo em todas as ordens, lambuzado com melifluas e enganosas promessas oficiais em torno de umha vitória militar, como repetiram sem cessar durante 46 anos, sem se preocuparem, nem muito menos se comprometerem, para superar as causas que geram o conflito”. (“O triunfo ilegitimo” Secretariado das FARC-EP) Santos substituirá Uribe: lascas de um mesmo pau sangrento.

Dizem que na Colômbia há democracia e que se fizeram “eleiçons livres”.

Mas nos oito anos de governos de Álvaro Uribe Vélez -isto sem contar o meio século anterior de “guerra suja”- disparou a níveis horríveis o número de desaparecidos, assassinados, deslocados, torturados, masacrados? Nada estranho num regime surgido do abraço carnal do pa-

Narciso Isa Conde

Nº 57 Julho, Agosto e Setembro de 2010

7

Colômbia: continuísmo sangrento e ilegítimo

Visto superficialmente, o continuador de Uribe arrasou Mockus e pareceria que se trata de umha maioria esmagadora.

Assim, de resto, tencionam vender esses resultados as grandes agências dês-informativas imperialistas, reforçando a falsa ideia de que o povo colombiano votou em grande polos chamados sucessos do gue­ rreirismo oficial.

Mas acontece que 69% que se atribui a Santos é calculado sobre os 45% de votos depositados, já que a abstençom foi de 55%, alguns dim que de muito mais! O mesmo serve para os 27% atribuídos a Mockus.

em frente da sociedade e ante a própria “democracia representativa” que diz encarnar. Como ficou também ilegitimado, em maior grau ainda, quem ainda diz ser a “alternativa” dentro do sistema político decadente que impera na Colômbia.

Ganhou realmente a abstençom.

Ganhárom todos os que nom acreditam nessa falsa democracia. Ganhou a insurgência armada. Ganhou a oposiçom radical nom armada. Ganhárom os movimentos sociais contestatários. Ganhárom os povos originários e os deslocados pela guerra suja.

do conflito armado na Colômbia, a enorme base popular divorciada do sistema dominante dentro dessa sociedade e a impossibilidade do sucesso militar de um poder oligárquico-mafioso a cada vez mas ilegitimo, desgastado e antinacional.

Mostram claramente até onde chegou o descrédito de seus protagonistas e beneficiários, mascarados com contínuas avalanches de mentiras mediáticas destinadas a justificar o negócio da guerra suja tutelada polos EUA, cada vez mais dependente do seu fluxo de armamentos e da sua intervençom directa.

em novo Estado e novo governo. Nessas quatro cousas misturadas, sem patentes nem hierarquias definidas no tempo, impulsionadas polas mais variadas formas de luita, polas suas ricas combinaçons, pola infinita criatividade de um povo que tem sabido sobreviver, resistir, despregar heroísmo e criar forças transformadoras em condiçons de sometimiento e crueldade realmente excepcionais e horrendas.

As vitórias pírricas som realmente contrariedades e esta foi umha vitória pí­ rrica dos Santos, Uribe, os falcons de Washington e dos seus demónios.

Só que se trata de umha vitória sem representaçom institucional, de um triunfo extra-institucional dentro de um processo inconcluso. umha vitória que para além das inibiçons por indiferença ou apoliticidade, expressa o desenvolvimento progressivo de umha espécie de contrapoder popular enfrentado ao estado de terror e à classe dominante-governante oligárquica e mafiosa desse país.

Julgam vocês que em tais condiçons o Diabo Santos pode assegurar capacidade para derrotar as FARC e o ELN e para prometer e anunciar o fim da insurgência?

Pode um Presidente tam ilegitimo prometer o que durante quase meio século todos os seus antecessores -procedentes como ele da rançosa oligarquia colombiana subordinada aos EUA- prometêrom sem conseguir?

Estes resultados eleitorais mostram precisamente as profundas raízes sociais

A verdade é que quem carece de força política no seio do povo Colombiano, mal pode garantir em tais circunstáncias a sua vitória pola via militar.

Com fanfarronaria nom se ganham nem guerras nem as eleiçons. Santos nom ganhou porque nom é Santo e sim Diabo, e porque realmente foi derrotado polos tantos/as que votárom por nengum, porque foi minimizado e ilegitimado polos que ante a falta de opçom alternativa decidírom enfrentar o ouro corruptor e o terror afastando-se das urnas.

Uribe e Santos, os seus padrinhos Bush e Obama, continuam no governo sem terem ganho. Na verdade fôrom parcialmente derrotados e esperam-nos derro­ tas maiores, num continente que dixo basta e começou a andar.

Derrotas maiores relacionadas com o processo de conversom da resistência e o contrapoder em desenvolvimento em poder hegemónico, em nova institucionalidade,

À mentira de que os dias da insurgência estám contados, agrega-se umha outra maior: “que as FARC estám acabadas”.

O que nom podem explicar os governantes colombianos é porque, se isso for assim, pedem ao G8, à Uniom Europeia e a um grande número de governos do mundo umha maior ajuda para as perseguir e as derrotar.

A verdade toma relevo quando se apreciam tantas incoerências e umha ocupaçom militar a cada vez maior de parte de EUA. É forte a luita, mas nom há maneira de derrotar militarmente a resistência multifacética do povo colombiano. A saída política ao conflito armado terá de imporse sobre os senhores da guerra, da fame, a narcocorrupçom e o sangue.

Juan Manuel Santos, a nova cara do terrorismo oligárquico e paramilitar

ramilitarismo com umha das oligarquias mas vorazes e sangrentas da America e um imperialismo altamente militarizado e agressivo.

Na Colômbia existe um narco-estado terrorista que impom um carimbo policialmilitar e paramilitar em todo o seu território.

A Colômbia converteu-se em plataforma de sete bases militares estado-unidense destinada a tutelar e nutrir a contrainsurgência; e a preparar, junto à IV frota dos EUA posicionada nas redondezas, a conquista militar da Amazonia.

A “democracia representativa” desse país está montada sobre esse arsenal e sobre um verdadeiro estado de terror. As suas eleiçons estám marcadas polo medo, a narcopolítica e a fraude arteira.

Dizem que Santos conseguiu 69% dos votos e que Atanás Mockus, ambos neoliberais com matizes diferentes, conseguiu 27.5%.

Estes resultados, bem e francamente lidos, significam que em Juan Manuel Santo votou apenas à roda dos 27% de os/ as eleitores/as colombianos/as e que em Atanás Mockus votou por volta dos 13% ou 14 do total, já que também há que restar os votos nulos.

Santos, por tanto, “arrasou” Mockus exclusivamente dentro da minoria que votou, mas a verdade é que nom conseguiu motivar a seu favor nem sequer um terço das e dos registados no censo eleitoral colombiano. Inclusive juntos, Santos e Mockus, só somam 42% dos registados nesse censo, enquanto a abstençom atingiu 55%.

Entre a minoria votante, simpatizante da extrema-direita, a direita e o centro- direita político que coincidiu nas urnas, ganhou o mas de direita, o mais guerreirista dos dous. Isto dá para se estranhar.

Mas ao mesmo tempo o suposto triunfador ficou totalmente ilegitimado

Narciso Isa Conde é Presidente do Movimento Continental Bolivariano (MCB)

Jornal comunista de debate e formaçom ideológica para promover a Independência Nacional e a Revoluçom Socialista galega

Edita: Primeira Linha. Redacçom: Rua Costa do Vedor 47, rés-do-chao. 15703 Compostela. Galiza. Telefone: 616 868 589 / www.primeiralinha.org Conselho de Redacçom: Comité Central de Primeira Linha. Fotografia: Arquivo Abrente. Correcçom lingüística: Galizaemgalego.

Maqueta: ocumodeseño. Imprime: Litonor S.A.L. Encerramento da ediçom: 10 de Julho de 2010 Correspondência: Rua Costa do Vedor 47, rés-do-chao. 15703 Compostela. Galiza.

Correios electrónicos: sgprimeiralinha@primeiralinha.org / primeiralinha@primeiralinha.org / Tiragem: 3.000 exemplares. Distribuiçom gratuíta.

Permite-se a reproduçom total ou parcial dos artigos sempre que se citar a fonte. Abrente nom partilha necessariamente a opiniom dos artigos assinados.

Impresso em papel reciclado. Depósito Legal: C-901-1997

Dia da Pátria 2010

Por umha Galiza sem espanholismo, capitalismo e machismo A ofensiva global que a burguesia espanhola desenvolve contra as conquistas e direitos da classe obreira nom pode ser desligada da aceleraçom das medidas espanholizadoras que padece a Galiza, nem do incremento da marginalizaçom e exploraçom laboral das trabalhadoras.

O Estado espanhol pretende fazer recair sobre a classe obreira, sobre as mulheres e as naçons que oprime, os custos do duro pacote neoliberal imposto polo seu submetimento às directrizes do FMI, do Banco Central Europeu e do governo alemám.

O mesmo Estado que nega a existência do povo galego, o exercício do direito de autodeterminaçom, que criminaliza a luita pola independência, que pretende avançar no processo secular de assimilaçom lingüístico-cultural da Galiza, é incapaz de evitar que Berlim, Bruxelas e Washington determinem a sua política económica. É um governo prepotente e soberbo com os povos, mas completamente submisso e obediente com as potências imperialistas.

O povo trabalhador galego deve deixar de olhar para o exterior, tem que confiar nas suas próprias forças e recursos, nas suas capacidades. Tantos séculos de exploraçom e opressom, de esquecimento e marginalizaçom som mais que suficientes para sabermos que nada bom podemos esperar de Espanha.

Temos que apostar na Galiza, definir o nosso futuro colectivo como povo, avançar na conquista de umha Pátria libertada. E a única classe objectivamente interessada em conquistar a independência e a soberania somos essa imensa maioria social que conformamos o povo trabalhador.

ficha de solicitude nome e apelidos endereço localidade

código postal

correio electrónico

telefone

publicaçom solicitada

Recebe as publicaçons da Abrente Editora na tua morada preenchendo o formulário e enviando-o co justificante de pagamento da publicaçom ou publicaçons escolhidas à rua Costa do Vedor 47, rés-do-chao. 15703 Compostela. Galiza. Número de conta para o ingresso 2091 0387 423000009169 de Caixa Galiza-Compostela. Ao preço da publicaçom há que acrescentar 5 e por gastos de envio.

A burguesia intermediária, a burguesia nacional e a pequena burguesia estám satisfeitas e conformes com o papel reservado à Galiza. No melhor dos casos, pretende atingir maiores quotas de autogoverno mediante o incremento de competências autonómicas que permita facilitar o sucesso dos seus negócios, mas nunca apostar na recuperaçom da soberania conculcada por Espanha.

Conta com três grandes forças políticas para representar os seus interesses. PP, PSOE e o BNG cumprem correctamente essa funçom: som organizaçons interclassistas que, com matizes e ritmos próprios, perpetuam na Galiza a lógica do capitalismo espanhol.

A classe obreira nom pode confiar, nem a pode ter como aliada. Nós, mulheres e homens do mundo do Trabalho temos força mais que suficiente para dirigir e construir um movimento de libertaçom nacional de carácter socialista e antipatriarcal que vincule a emancipaçom de classe e género com a conquista da plena soberania e independência nacional.

A unidade do povo trabalhador com base num programa reivindicativo anticapitalista, antipatriarcal e anti-imperialista é a principal tarefa da esquerda independentista e socialista galega. Unidade para luitar por umha Pátria superadora do espanholismo, do capitalismo e do machismo. Eis o principal objectivo que o MLNG tem nesta conjuntura histórica: difundir e desenvolver o seu genuíno projecto revolucionário.

Viva Galiza Ceive, Socialista e nom patriarcal!

BNG-PSOE-PP a mesma merda!

Antes mort@s que escrav@s!

Galiza, 25 de Julho de 2010