Ilustraci贸n Anna Perini. EPS.30/11/2014
No libro- disco, “ROSALÍA PEQUENIÑA” de UXÍA, sacamos uns anacos dun marabilloso texto que prologou BEGOÑA CAAMAÑO e que nos invita á reflexión e guíanos no noso traballo e nas actividades relacionadas para este Día da Muller. “Rosalía pequeniña é unha nena coma todas e todos vós. Unha rapaza que soñou con ser pirata para ver outros mundos e vivir mil aventuras; unha rapariga que se disfrazou de fada para xogar a cambiar o mundo: unha nena que se vestiu de india para estar do lado das xentes máis pobres e desfavorecidas. Rosalía pequeniña agatuñaba polas árbores e agochábase nas pólas das figueiras para poder imaxinar e escribir sen que ninguén a molestase..., porque, daquela, as nenas só podían xogar a ser nais, unicamente se lles permitía soñar con ser esposas, monxas ou enfermeiras..., e a nosa Rosalía pequeniña rebelábase e, como boa pirata, atrevíase non só a escribir, senón tamén a publicar os seus poemas e novelas en tempos en que ás mulleres tal cousa lles estaba prohibida. (......) Rosalía pequeniña sería hoxe, coma daquela, unha nena guerreira, gustaríalle o rock tocado con gaita e vestiría de punki. Porque as mulleres e as nenas de agora somos como elas: batalladoras; poetas na vida e na literatura; da tribo daquelas que non só cantan ás pombas e ás flores. Rosalía sería hoxe unha rapaza que rapease ao son dun pandeiro para cantar as súas alegrías e as súas penas, e tamén as alegrías e as mágoas de quen a rodea: a súa aldea, a súa xente, a súa terra” (BEGOÑA CAAMAÑO).
Deste xeito, o noso obxectivo é salientar as dificultades das mulleres para derrubar obstáculos relacionados coa súa vida profesional. Así, teremos dúas liñas de traballo: Por unha parte, traballaremos o conto de “ELENITA”, a nena que tivo que facerse pasar por rapaz para poder traballar no oficio que a ela lle gustaba. Tamén pescudaremos sobre aquelas mulleres que foron obxecto de roubo ou saqueo por parte dos homes, apoderándose do seu traballo ou das súas ideas. Doutra parte, buscaremos no noso entorno máis próximo mulleres que teñan loitado para sacar adiante un traballo ou por facerse cargo de situacións adversas. DEPARTAMENTOS DE BIBLIOTECA, DINAMIZACIÓN E TIC.
PARA E. INFANTIL E PRIMEIROS CURSOS DE PRIMARIA O traballo terá como eixo central o conto de “ELENITA” de CAMPBELL GEESLIN, ilustrado por ANA JUAN e editado por KÓKINOS.
O libro será escaneado e traducido ao galego para traballar con el no KAMISHIBAI. Despois de contalo, realizaranse diferentes actividades relacionados cos estereotipos sexistas.
PARA 4º, 5º E 6º DE PRIMARIA Preparación dunha entrevista a unha nai da escola que é policía para realizala a través da radio escolar o martes, 8 de Marzo. Realización de pescudas sobre determinadas mulleres ás que lles foi arrincado a autoría do seu traballo ou das súas ideas ou tiveron que firmar como homes para poder realizalo: Margaret Keane, María Lejárraga, George Sand, Sofonisba Anguissola, María Martínez Sierra, Camille Claudel, George sand, Colette, Alma Mahler, Marie-Anne Lavoisisier, Mileva Maric, Rosalind Franklin, Lise Meitner, Ada Lovelace, Emmy Noether, Chien-Shiung Wu ,Henrietta Swan Leavitt… http://mujeresalasombra.blogspot.com.es/p/presentacion .html http://www.fronterad.com/?q=mujeres-a-sombragrandes-exitos-cientificos http://www.papelenblanco.com/escritores/mujeresescritoras-en-la-sombra http://www.mujeresenred.net/article.php3?id_article=832
Realización dun traballo sobre a vida dunha muller traballadora do seu entorno. Posibilidade de invitala á escola . Presentación da súa vida: detalles, fotos, etc..
O alumnado de 6º realizará unha serie de HAIKUS por equipos e unha posterior representación plástica. Este será un traballo que se exporá no IES de Chapela, xunto coas demais escolas da zona. Este programa enmárcase nas actividades levadas a cabo polo departamento de Orientación en colaboración co IES.
INFORMACIÓN SOBRE O SOPRADO DE VIDRO.