Personalitete
311
Pas gjithë kësaj, Daytoni, në të cilin territori i Bosnjës qe ndarë afërsisht 50% me 50% dhe u pranuan efektet e gjenocidit dhe të spastrimit etnik, nuk është gjë tjetër përpos një shpërblim i agresionit dhe pranim i efekteve të veprimeve të përgjakshme të atyre forcave që edhe në Luftën e Dytë Botërore kishin tentuar t’i zhduknin boshnjakët myslimanë nga këto hapësira. Pas gjithë kësaj, unë besoj se Izetbegoviqi duhet kujtuar si një personalitet tragjik, që ka jetuar në kohë të rënda, që është dashur të vihet në krye të një populli të cilin donin ta zhduknin, dhe që ka bërë më të mirën që ka qenë e mundshme.