GRANTE TË MENAXHUARA NGA Banka Botërore FUQIZIMI I Të RINJVE NëPëRMJET ZHVILLIMIT Të KOMUNITETEVE Në SHQIPëRI (GRANT I JSDF-së) Statusi Huamarrëse Koordinator projekti Shuma e grantit
Në zbatim Shqipëria Bashkia e Tiranës 1,155,700 US$
Objektivat e projektit Objektivi i Projektit është të rrisë qasjen e të rinjve dhe të rejave në mundësitë për arsimim, punësim, pjesëmarrje qytetare dhe zhvillim komuniteti nëpërmjet rritjes së: (i) kapaciteteve të grupeve të synuara në një mori aftësish, të cilat mbështesin kalimin nga shkolla e mesme në forcën e punës; (ii) qasjes së grupeve të synuara në mundësi jetese dhe punësimi me anë të granteve që mbështesin veprimtaritë sipërmarrëse të të rinjve, dhe (iii) përfshirjes së grupeve të synuar në punë qyetare nëpërmjet granteve të zhvillimit të komuniteteve.
Përshkrimi i projektit Projekti përbëhet nga komponentët e mëposhtëm:
Pjesa A: Krijimi i kapaciteteve të të rinjve Veprimtari për të mbështetur rritjen e kapaciteteve të OJQ-ve të të rinjve dhe agjencive të pushtetit vendor për zhvillimin dhe përpunimin e politikave dhe programeve, që ndihmojnë grupet e të rinjve dhe të rejave për të përftuar aftësitë e jetës dhe të jetesës që nevojiten për të hyrë me sukses në tregun e punës. Veprimtaritë përfshijnë: 1. Trajnimin e grupeve të të rinjve me aftësi udhëheqëse dhe aftësi të tjera që lidhen me punët qytetare, të tilla si zgjidhja e problemeve, komunikimi, zgjidhja e konflikteve, trajtimi dhe menaxhimi i risqeve të lidhura me shëndetin dhe kriminalizimin. 2. Mundësi trajnimi profesional për të rinjtë përmes trajnimeve dhe praktikave në klasa në fusha të tilla si aftësi kompjuterike dhe për gjuhë të huaja, aftësi për të bërë punë elektrike dhe marangozi; dhënia e bursave për kurse me certifikata profesionale. 3. Programe stazhesh dhe praktikash profesionale në sektorin privat dhe sponsorizim programesh vullnetare për të rinjtë me OJQ-të, pushtetin vendor, organizatat qytetare dhe shkollat. Pjesa B: Grante për të rinjtë për sigurimin e jetesës Dhënia e granteve të vogla të rinjve dhe grupeve të të rinjve për të financuar veprimtari të përzgjedhura për sigurimin e jetesës, të cilat nxisin shpirtin e vetë-ndihmës dhe sipërmarrjes. Këtu përfshihet dhënia e Granteve të Sigurimit të Jetesës për të financuar kapitale për fillimin e veprimtarive për nxjerrjen e mjeteve të jetesës, të tilla si biznese që shesin produkte ushqimore dhe kafene, kioske internet, dyqane rrobaqepësie, butikë mode, auto-ofiçina, punë artizanale dhe sipërmarrje të lidhura me turizmin.
49