AGOSTO 8 - 14, 2010
GOOD MORNING... MULA SA PAHINA 4 Nakinig ako sa kanyang paglalahad. At aking napag-alamang malalim na pala ang naganap sa kanyang love story. Di na siya masaya sa relasyon. Wala nang pag-ibig pa na umiikot sa kanila. Tuluyan na ring nawala ang respeto nila sa isa’t isa. Wala na rin akong magawa kundi makisabay sa kanyang pagluha. Para sa’yo kapatid, kalimutan mo na siya at wag na pong asahan pa ang pagbabalik sa iyong piling. Maganda, matalino at may pera ka. Move on. Gawin mo ang dapat. Life is beautiful… Pinoy na pinoy ang dating ni P-NOY sa matagumpay niyang SONA noong nakaraang Lunes, July 26, 2010 kasabay ang pagbubukas ng Kongreso. Damang-dama ng bawat Pilipino ang kanyang mensahe. Naunawaan ng lahat ang kanyang nais iparating. Napaka-sincere at totoo ng bawat salitang kanyang binitawan. Lahat ay humanga at napatunganga sa kanilang nasaksihan. Ngunit may iilan pa ring nadismaya sa kanilang narinig. Iba’t ibang kuru-kuro ang ibinahagi ukol sa kanyang mga nasabi. In general, para sakin, makabuluhan at puno ng pagmamalasakit ang aking natanto. Hat off ako, Mr. President! Keep it up! Buong tiwala at suporta ang aking alay para sa’yo, P-NOY.
Letter to the editor Kami po ng aking mga kasama dito sa Cavite City Hall ay naniniwala na ang Responde Cavite ang siyang pinakapatas pagdating sa pamamahayag. Kaya naman po lahat kami ay nagkaisa na sa inyo namin iparating ang aming nais na iparating sa kinauukulan. Kami po ay litunglito na sa sitwasyon dito sa City Hall, hindi na po namin malaman kung sino ang susundin at paniniwalaan.
Hanggang ngayon po ay nakabitin pa ang listahan ng mga dapat sana’y panatag ng loob ng mga empleyado, pero ang dapat na schedule ay hinarang na naman at hindi raw napasama doon sa listahan ang mga tao naman ng isa pang nagpapanggap na marunong at admistrator. Paano po naman magiging productive ang bawat empleyado kung ang bawat isa ay may agam-agam sa damdamin na baka
5 Panawagan ng Cavite City Hall Workers bukas ay wala na silang trabaho. O magtrabaho man sila ay hindi nila alam kung sila ay susweldo. Sa amin pong pagkakaalam, si dating Piskal Ezon Medina ang siyang itinalagang administrator ng lunsod, pero hindi siya nagpapapasok, marami ngayon ang napapel na hindi talaga namin alam kung ano ang papel sa city hall. Nauunawaan naming na may kabigatan ang mga unang araw ng naging paglilingkod ni Piskal Medina, dahil sa transition period ito, pero
ganun pa man, alam ng tao kung sino ang susundin at marami ang naniniwala na higit siyang may kakayahan kaysa sinuman na ngayon ay napapel sa city hall. Alam din namin na walang ibang hangad si Piskal Medina kundi ang maisaayos ang lahat, lalung-lalo na ang lunsod, kaya ganoon na lang ang kanyang pagmamalasakit sa administrasyon ni Mayor Ohmee Ramos na hindi katulad ng mga nakikita ngayon na puro pansarili ang iniisip. Umaasa po kami
na sa pamamagitan ng Reponde Cavite, na siyang pinakamalaganap at sinusubaybayan ng bawat Caviteño ay makarating sa kinauukulan ang aming hinaing. At para kay Piskal Medina, wala na pong ibang magmamalasakit sa administrasyon ni Mayor Ramos na ang iniisip ay kapakanan ng lunsod kundi kayo. Kailangan na kayo ng mga tao. Maraming-maraming salamat po. Cavite City Hall Workers
PANAWAGAN CAMPUS PATROL Ang Responde Cavite (Risonable, Responsable) ay nagbubukas ng bagong pitak para sa mga magaaral sa kolehiyo, high school at elementary upang magbigay ng kuru-kuro, palagay, saloobin o pagtingin sa mga bagay-bagay sa pang-araw-araw nilang buhay bilang mag-aaral. Buhay sa loob at labas ng paaralan ang maaring paksain sa nasabing pitak. Kinakailangang magpasa ang mag-aaral ng hindi hihigit sa 2 pahina doubled space, 12 fonts, times new roman o arial ang font na pitak. Kinakailangang maglakip din ng 2x2 na larawan at mailing talambuhay kabilang ang detalye hinggil sa paaralang pinapasukan at iba pa. Ang mapipiling mailathala ay makakatangap ng munting regalo mula sa aming publikasyon. Ipadala ang inyong artikulo sa ulat@respondecavite.com at responde_cavite@yahoo.com. Bisitahin din ang aming website para maging pamilyar sa nilalaman ng aming pahayagan.
Come and experience La Piel! located at 5530 A Paterno St. Caridad Cavite City