AGOSTO 8 - 14, 2010
4
Katuparan ng Pangarap
MAKAHULUGANG pagtatapos ng Campus Journalism sa Academy of St. John ang naganap noong nakaraang Sabado, July 23, 2010. Laking tuwa ng inyong lingkod sa naging bunga ng aking pagsisikap upang maibahagi ng naaayon sa pangangailangan ng grupo and nasabing seminar-workshop. Maganda, maayos at makatotohanan ang mga nagawang “dummy paper” ng iba’t ibang pangkat. Iniulat pa ng bawat lider nito ang mga contents, kung papaano nila nabuo ang mga konsepto at tunay namang naisakatuparan nila sa aking lecture. Nagmistulang “tribute” rin ang isang bahagi ng pahina ukol sa kanilang pagkilala sa akin bilang makabagong bayani sa ating panahon. Anong
saya ko sa aking nasaksihan at narinig mula sa mga estudyanteng manunulat sa naturang paaralan. Napatunayan kong may liwanag ang buhay kung desidido ka sa iyong pangarap. Handa mong tiisin ang anumang hirap at pagsubok; makamtan lamang ang tugatog ng tagumpay. Sa kanilang galing at kaalaman, kitangkita ko na matutupad ang mga ambisyon nilang maging isang sikat na writer sa kanilang panahon at pagkakataon. hangad ko ang katuparan ng inyong mga pangarap. Hail La Salle Rheims! Animo La Salle! Isa pang kwento ng buhay ang aking nasagap sa aking pauwing bahay - ang tawag mula sa isang suking mambabasa tungkol sa kanyang suliranin. Ayon kay Gelay, sobra na ang mahigit isang dekadang pagsasama na puno ng away, gulo at paghuthot ng pera sa kanya. At dahil dito, siya’y aking pinuntahan sa kanyang tirahan sa Kawit, Cavite. SUNDAN SA P.5
eros s. atalia editor-in-chief rommel sanchez managing editor jun isidro shella salud acting chief reporter 1, 2 district coordinator nadia cruz rex deldela rosario
rex del rosario
3, 5 districtcoordinator coordinator 6, 7 district coordinator 6, 4, 7 district
melvin ros wilfredo generaga circulation manager digital media director erwell peñalba goldie baroa advertising officer bus. dist. coordinator efren abueg, ph.d. editorial consultant prof. freddie silao community & extension relations consultant Ang Responde Cavite ay inilalathala Linggu-Linggo ng Think N Print Publishing House na may tanggapan sa 232 Garcia St., Caridad, Cavite City at telepono blg. (046) 5270092, CP# 0922-8197576, Email: ulat@respondecavite. com, responde_cavite@yahoo.com
MGA CAPITAL SA CAVITE Wanted Suspek Kabi-kabila ang nangyayari na namang patayan sa Lunsod ng Cavite. May mga suspek na di umano ang pulisya upang papanagutin sa mga nangyayaring krimen. Natatakot ang ilan na may mabiktima ng ‘fall guy.” At kapag ang kawawang fall guy ay natiklo, kahit pagpatay kay Rizal,pwede. Wag naman sana. Saludo pa naman tayo sa ilang miyembro ng kapulisan sa Cavite City. Cavite City, unsolved crime capital of the Province? oOo Kulit ng Kawit Kakatapos lang masita ang kawit sa Tutok Tulfo, eto’t kaliwa’t kanan na naman ang saklaan. Minsang tumawag tayo sa tanggapan ng pulisya, ang sagot ng magiting na nasa kabilang linya, “Baka naman may patay..., kasi kapag may patay, may saklaan talaga.” Wow, magaling na dahilan. Mayor,Tik Aguinaldo, alam mo ba ito? Kawit, Saklaan Capital of Cavite. oOo Bango ng Bebot sa Bacoor Hindi pa man nagiging ganap na lunsod ang Bacoor, mistulang Quezon City na ito. Partikular sa gabi. Nagiging Quezon Ave. Naku, sina-
bi nyo pa. Nagiging ‘Boss, Chicks’ area na ang panalo sa Bacoor soon to be city. Bacoor, Bebot Capital of Cavite. oOo Tanza Tira May nakakapagnguso sa atin na isang pilahan ng tricycle sa Tanza ang nagiging pilahan din ng bumibili ng bato, Hindi po ito pila sa lumber/hardware mga suki, pila ng batong nakakabuwang. Hala... kaya pala harurot-bangungot kung magpatakbo ang ilang drayber sa Tanza. Magaang ang sakay. Ang utak nga lang ang kargado. Ayun! oOo Babaeng Hamog sa Cavite City Dahil Lunsod na ang Cavite, naunahan na nito ang Bacoor sa pagiging Boss Chicks capital. Sa Samonte Park pag patak ng dilim, may mga sumusutsot sa nagdaraan. Partikular sa mga kalalakihan. At ang sasabihin, “Boss, Chicks?” Mabuhay ang Cavite City! Dahil namatay na ang mga beerhouse sa Lunsod, iba na ang puntirya ngayon. Hindi mo na dadayuhin ang ma chicks sa beerhouse. Dahil inilalako na ng mga chicks ang kanilang pag-aaring hinaharap! Bwahahahar!
ANGKANKO CORPORATION MARAMING korporasyon ng pamilya ang nagtagumpay sa larangan ng pagnenegosyo. Una na siyempre sa listahan ang ABSCBN at SM. Mula sa maliit na tindahan ng sapatos sa Quiapo na noon ay tinawag sa Shoe Mart kaya SM, ngayon ay Super Mall na at mayroon ng Mall of Asia (MOA) Ganundin naman ang ABSCBN na mula sa maliit at mahinang tower, ngayon ay may TFC (The Filipino Channel) pa. Sa lunsod ng Cavite, isa ang pamilya o magkakapatid na Chua sa pinakamatagumpay na pamilyang korporasyon. Naging kilala din noon ang korporasyon ng mga Nazareno sa pamamagitan ng furniture. Pero lahat sila ay naging matagumpay sa iisang sekreto at pamamaraan— ang palakihin ang kani-kanilang kita upang lumaki at lumawak ang kanilang network Pero paano kung ang pinapatakbo ng isang pamilya ay hindi isang negosyo kundi isang pamahalaan o lunsod na gusto nilang gawing korporasyon? Kabaligtaran sa una, dito, palalakihin muna nila ang kanilang network para lumaki ang kita. Sasakupin at pakikialaman ang halos
lahat ng departamento. Mula sa kaliit-liitan hanggang sa malaking kontrata ay rerebisahin at kukunin ang malalaki ang kikitain. Laging nakatanghod sa likod ng upuan ng mayor at parang vetsin na laging nakasahog sa lahat ng usapan na tila ba alam na alam n’ya anything under the sun. Nakabantay sa pintuan at sisinuhin at aalamin ang pakay ng sinumang nagnanais pumasok sa tanggapan ng alkalde. At kapag alam na makakaimpluwensiya sa mayor ang gustong kumausap ay nakabantay na ito at kunwari ay aayon, pero pagtalikod ay kung anu-ano ang sinasabi. Sila ang masusunod kung sino ang ilalagay sa ganito at ganoong posisyon. Sila din ang magpapasok at magtatanggal ng tao. Monopolya ang lahat ng kitaan. Ganyan ang sistema ng mga taong gustong gawing korporasyon ang gobyerno. Isa ang inihalal, dala ang buong angkan. Siya nga pala, may balita ako na planong tanggalin ang malaking logo na nakakabit sa harap ng Cavite City Hall na may nakaukit na Dakilang Sagisag ng Lunsod at papalitan ng.... Angkanko Corporation!