GARA - «Euskaraz bizi nahi dut» korrika aldarrikatzeko, herri lasterket...
1/1
http://www.naiz.eus/eu/hemeroteca/gara/editions/gara_2014-09-11-07-...
Iruñea
EGUNEKO GAIAK
IRITZIA
GARA
EUSKAL HERRIA
GAUR8
M UNDUA
KAZETA
EKONOM IA
INFO7
KIROLAK
11 TB
KULTURA
2014/09/11
Ongi etorri harpidedunentzako albisteetara
EUSKAL HERRIA
Ordaindu beharreko albiste batean sartu zara eta zure kontu pertsonaleko klik bat kontsumitu duzu
GAR A IR UÑEA
INPRIM ATU
BIDALI
0
«Euskaraz bizi nahi dut» herri lasterketen hirugarren edizioa aurkeztu zuten atzo Iruñean, bertan izango baita ekimena hilaren 27an. Euskalgintzako ordezkariek eta kirol arloan lan egiten duten hainbat taldek antolatzen dute ekimena, eta euskaraz bizitzeko nahia sustatzeaz gain, kirola bultzatzea ere bada helburuetako bat. Antolatzaileen esanetan, «talde lana eta beste hainbat gai lantzen dira herri lasterketetan», eta, bereziki nabarmendu nahi izan zutenez, «herrietan arlo ezberdinetan lan egiten duten talde zein norbanakoei elkarlanean aritzeko aukera» ematen diete. Iruñeko lasterketak aurten ere San Fermin Txiki jaiekin bat egingo du, eta azaldu zutenez, «hiru hanken artean» antolatu dute: Iruñeko atletismo taldeak, Alde Zaharreko jai batzordea eta Iruñeko euskalgintza. Lasterketaren ibilbidea ere azaldu zuten, San Frantzisko plazatik abiatuko da hilak 27ko 10.30ean, eta handik San Migel kalea, Kale Nagusia, Udaletxe Plaza, Santo Domingo aldapa, Arga pasealekua, San Pedro zubia, Arantzadi, Zumalakarregi aldapa, Carmen kalea, Nabarreria, Merkaderes, Txapitela, Gaztelu plaza, San Nikolas eta San Migel zeharkatuko ditu, berriz ere San Frantzisko plazara itzultzeko. Guztira, 5,5 kilometro egingo dituzte parte hartzaileek, eta probaren ostean haurrentzako lasterketa bereziak ere izango dira. Izena aurrez emateko epea astelehenean zabalduko da Iruñezar eta Campion euskaltegietan. Hori bai, egunean bertan ere eman ahal izango da izena, 09.00etatik aurrera. Beste herri batzuk ere lanean Kontseiluak «jai eta kirol giroan korrika egitera gonbidatu» zituen «euskaraz bizi nahi duten adin guztietako lagunak», eta martxan dauden beste ekitaldi batzuen berri eman zuen, honelakoak antolatzera animatuz. Herri lasterketa egingo duten herrien zerrenda oraindik osatu gabe dago, baina jada antolatzen hasi direnen berri eman zuten: Azkoitia, Barakaldo, Baztan, Bermeo, Ea, Errenteria, Lazkao, Igantzi, Markina eta Pasaia. Beste batzuetan, ekimen ezberdinak prestatu dituzte. Eibarren flashmob-a dute 20an; kirol ekitaldia Bergaran, 21ean; Mungian martxa 27an, eta haur eta guraso bikoteen lasterketa Pasaian.
© GARAINFO - Portuetxe 23 2.a 20018 Donostia, GIPUZKOA - Tel. 943 316999
2014/09/12 09:07