78
jólabaksturinn
Helgin 9.-11. desember 2011
Jólaundirbúningur
Hátíðarkaka skreytt jarðarberjum, blæjuberjum og límónu.
Veljum kærleikann Rjúkandi hátíðarkaka með sterkum chili og Kærleikskúlur vekja jólaandann á heimili Evu Þengilsdóttur. 40” LCD SAMSUNG hd tv
Sendu SMS-ið ESL JOL á númerið 1900, svaraðu einni spurningu og þú ert kominn í pottinn.
Aðalvinningur:
40" LCD Samsung TV
Aukavinningar eru: Bíómiðar – Tölvuleikir – DVD myndir ofl.
Það er ótrúlegt að níu ár séu liðin frá því að fyrsta Kærleikskúlan kom út, sú nýjasta eftir Yoko Ono, Draw Your Own Map eða Skapaðu þinn heim. Stundum kjósum við að vera fangar gildandi viðhorfa í samfélaginu og gerum þau að okkar. Það er í okkar valdi að ákveða hverju við viljum lúta og hvaða takmarkanir við setjum okkur svo lengi sem að við gerum ekki á hlut annarra eða sköðum með einhverjum hætti.
*Aðalvinningar dregnir úr öllum innsendum skeytum 23. desember. Vinningar verða afhentir í ELKO Lindum, Kópavogi. Með því að taka þátt ertu kominn í SMS klúbb. 149 kr./SMS-ið. Þú færð 5 mínútur til að svara spurningu. Leik lýkur 22. desember 2011
E
va Þengilsdóttir, viðskiptafræðingur og hugmyndasmiður Kærleikskúlunnar er, eins og flestir, í miðjum jólaundirbúningi. Heit súkkulaðikaka stendur á borðinu, hátíðarkaka sem Eva bakar gjarnan fyrir jólin og jólaskrautið er komið upp. „Ég baka reyndar minna fyrir jólin nú en fyrir nokkrum árum, enn baka ég þó súkkulaðismákökur, hátíðarkökuna, geri jólaís í nokkrum útgáfum og svo skerum við fjölskyldan laufabrauð og skreytum piparkökur,“ segir Eva. Ýmsar hefðir eru ríkjandi í jólahaldi Evu og fjölskyldu hennar og minnist hún þess þegar hún var lítil stelpa þegar mamma hennar tók fram jólaskeiðar árlega og fægði. „Mér fannst þetta tilhlökkunarefni og merki um að skammt
væri til jóla. Í dag er það hátíðarstund í Listasafni Reykjavíkur við afhendingu fyrstu Kærleikskúlu ársins sem kallar fram svipaða tilhlökkun og jólaanda á mínum bæ. Þegar heim er komið tökum við fram Kærleikskúlur fyrri ára, strjúkum af þeim og hengjum upp fyrir jólin og bætum þeirri nýjustu í safnið. Allar eiga Kærleikskúlurnar sinn stað í hjarta manns, hvert verk er einstakt og eftir einhvern okkar fremstu listamanna; einnig saga hvers verks, skilaboðin sem í þeim er fólgin og blessunin. Ennfremur sú mikilvæga staðreynd að hver kúla getur breytt möguleika í veruleika, en allur ágóði af sölunni rennur til starfs í þágu fatlaðra barna og ungmenna,“ segir Eva. Annar jólasiður er að fara upp í Heiðmörk og höggva niður jólatré. „Þetta hefur nú stundum verið ævintýri líkast því við höfum tilhneigingu til að velja ansi stór tré, en þau virðast bara svo mátuleg í skóginum við hliðina á öllum stóru trjánum. Við komum því gjarnan kófsveitt til byggða, búin að rogast með tréð um langan veg en alsæl og með risastórt tré á toppnum. Það er sama hvað við förum oft – við erum alltaf sannfærð um að við séum örugglega að höggva minna jólatré en í fyrra. Það er mikilll karakter í Heiðmerkurtrjánum og skreytt ljósum, Kærleikskúlum og heimagerðu skrauti krakkanna eru þau hreint ómótstæðileg og ilmurinn af greninu fyllir húsið.“
Allar eiga Kærleikskúlurnar sinn stað í hjarta manns, hvert verk er einstakt og eftir einhvern okkar fremstu listamanna; einnig saga hvers verks, skilaboðin sem í þeim er fólgin og blessunin.
Hátíðarkaka með súkkúlaði, appelsínum og chili Kaka 340 gr. sykur 125 ml. vatn 200 gr. súkkulaði - 70% 125 gr. suðusúkkulaði 200 gr. smjör 4 egg 70 gr. hveiti Setjið 250 grömm af sykri og 125 ml. af vatni í pott og sjóðið við vægan hita – hrærið í. Þegar sykurinn er bráðnaður er potturinn tekinn af hellunni og súkkulaðið brotið út í. Hrærið vel meðan súkkulaðið bráðnar. Skerið smjörið í þunnar sneiðar og bætið út – hrærið vel þar til smjörið er bráðið og blandan jöfn. Þeytið eggin og afganginn af sykrinum saman þar til blandan verður ljós og létt. Bætið súkkulaðiblöndunni varlega út í með sleif og sigtið loks hveitið út í – hrærið með sleifinni. Deiginu er hellt í vel smurt 23 cm form – gott er að nota form með lausum botni. Bakið kökuna við 175° hita í um 4555 mín. Stingið prjóni í kökuna til að kanna hvort hún er tilbúin – prjónninn á að blotna aðeins. Látið kökuna kólna í forminu.
Chilisósa 2 appelsínur 1 bolli sykur 1 1/2 msk smjör Rauður chilipipar (magn fer eftir smekk) Setjið sykurinn í pott og rífið börkinn af annarri appelsínunni saman við og kreistið safann úr báðum. Sjóðið blönduna við vægan hita þar til sykurinn hefur bráðnað og hrærið vel í. Chilipiparinn er skorinn mjög smátt og bætt út í sósuna eftir smekk. Athugið að piparinn er sterkastur upp við stöngulinn. Smjörinu er bætt við í lokin og hrært vel. Hellið svolitlu af sósunni yfir kökuna og setjið afganginn í könnu þannig að gestir geti fengið sér að vild. Gott er að hafa rjóma, sýrðan rjóma eða jógúrtís með kökunni. Skreytið kökuna af hjartans list og njótið vel.