KAKALOGY USA KA GIYA ALANG SA ENSAKTONG PAGPILI OG KAKA PANGSABONG
CD BORDEN LETRA
SOIKA VOMITER LINYA
Bomba! Balay Publikaran Walay KopyaKatungod 2016 ni CD Borden ug Soika Vomiter Tanang bahin niining maong libro mamahimong kopyahon, padaghanon ug angkonon isip imong kaugalingong binuhat bisan walay pagtugot sa nagtipon o sa nagpublikar. Han-ay, Desinyo ug Arte sa Hapin: Libya Montes Bisitaha ang: http://www.facebook.com/BombaPress http://www.bombapress.com
Ahh! Syaro na man sad og wa ka kaagi aning bisyoha sa dihang gamay pa ka! O bisan nakadalikyat man lang. Pananglit wa gyod gani, aw, basin og wa kay gawas-gawas sa inyoha. O tingali, barbie doll, robot-robot ug uban nga pangdato nga duwaan ang imong gigunitan. Anyway, kon wa gyod, mao ni ang usa sa kalingawan - kauban sa syatong, jolen, taksi, piko, ug uban pa nga duwa pangkalye - nga imong nalabyan sa dihang sip-onon pa ka. Simpli ra ang setup niining duwaa. Di na kinahanglang i-eksplen og maayo. 1 silhig tukog + 2 ka kaka (o damang, usahay sobra sa 2 kon royal rambol ang mats) = daog na! Kon kinsay unang kaka ang maputos sa lawa, ma-knockdown o madedbol, aw klaro, mao toy pildi. Mora ba og kanang away sa mga gladyetor sa salida. (Are we not entertained?) Apan bisan sa iyang ka simpli di pod ka makaingon nga dili inutok ning bisyoha. Ang tinuoray nga tsalends niini anaa sa ensaktong pagpili ug pag-atiman sa imong kaka pangderby. Mao ra pod ni og sa gugma. Di ba? Kinahanglan adunay insaktong diskarte. Gamit pod ang tayming panagsa. Ingon biya ang mga eksperto nga kon unsa ka hanas og ka maayo nimo nga mo-galam og kaka saona, mao pod kuno ang ka mangtas nimo nga mo-galam og hinigugma karong panahona. Busa, pagtarong diha yawaa ka! Hehehehe.
Peter Pangag Kamaisan sa Kanturatoy tuig 2016
KAKAlOGY
Red Devil Puwa og kolor, payter ni, isog, di jod mo atras. Maayo mo bukot sa iyang laway. Taason og kasway. Pero ang weakness niya, hinay og lihok. Pero naay posibilidad nga mo kusog kusog ang iyang linihokan kon di kaayo palabi og laming! (a.k.a. guyangyang)
Black Knight Itom og kolor, bangis, maldito, pero mo atras kon dako ang ipa-paris. Pero paspas mo lihok. Mamaak sa kontra. Di kaayo maayo mo bukot. Pero utokan. Weakness kay, pirmi siya i-discriminate, kay Negro man siya. Ahaka lagi.
Mais-Mais Kolor: Yellow. Paspas mo lihok. Cool. Utokan pod. Kon mopaduol na ang kontra, mo parachute. Nya mo katkat balik, nya bukot. Pero usahay masakpan iyang teknek. REMINDER: Dili ni siya kalupig og Red Devil! Weakness: Usahay mamatay ra og kalit. Mao ni siya ang pirmi duawon sa mga hulmigas sa posporo. Wowowin!
The Marka Brothers: #1
Markang Bungo Pution nga itomon nga naay murag marka nga ‘bungo’ sa likod niya. Mamaak og kontra. Murag Mike Tyson. Pero idol niya: Rudy Fernandez. Payter pod ni oi. Di kaayo paspas og lihok. Apan, maayo mangita og paagi para maka bukot. Dinali-an ni iyang duwa. Kon di mapildi ang kontra, 5 minutes. Siya ang pildi.
#2
Marka Tuldok Itomon nga pution gamay. Naay marka nga tuldok sa luyo. Isog. Bagag nawng. Peste. Abtik. Kiatan. Bayoton lang ni gamay, labi na dili lamingon. Pero kong lamingon nimo og 5-6 days. Gutomon ni, mo bangis. Mo una og atake. Weakness niya kay mo tagak lag kalit sa tukog. Boang kaayo ang boang.
#3
Marka Zero Kani! Skater nga kaka! Naay murag ‘zero’ iyang likod. Maldito. Abtik pod. Liwat sa iyang brothers. Small but tirabol! Kusog mo bukot sa iyang laway. Taason og kasway, kon mapaakan ang kontra. Ma 50/50. Mo ‘tukog slide’ ug mo ‘ULI down’ kon mabayot. Mo uli sa posporo. Weakness: Ma-weak basta pakan-on og lamok og langaw.
1, 2, 3 Kani. Paborito nakong kaka. Ang teknek niya kay murag si Jacky Chan, ‘Drunken Master’ ni siya. Mo tikang katulo. Hunong. Tikang katulo. Hunong napud. Barag² pa jud ang bogits. Hehe. Pero bangis kaayo. Kusog mamaak, mo bukot, taas og kasway, gwapo, murag kaka ang dagway. Cool. Makatan-aw sa duwa. Maka basa sa lihok sa iyang kontra. Wala siyay weakness. Kong mapildi siya. Aww, pildi jod. Kong makadaog. Aww, daog jod. Recommended ni nako.
Tambul Tambok ni siya. Dako nga kaka. Murag si Fat Mike. Cool. Punk rocker. Hinay lang og lihok tungod sa pagka tambok. Pero kusgan. Aktibo. Di tantong abtik, pero magtan-aw jud sa lihok sa iyang kontra. Malipayon perme. Sige lang og smile sa iyang ‘killer smile’. Kaka kaayo og nawng. Di taas og kasway. Pero naay uban taas. Panagsaon ra na. Weakness: Dali ra mahuyang. Dali kapoyon. Tambok gud! Mao mapildi sa mga daot nga paspas og moves.
Fighter or Boxer Ngan pa lang daan! Payter na! Pero ayaw pada yawaa ka! Hehe. Bayoton ni nga kaka. Pero paspas. Igo ra makig away kadiyot, nya mo kalit lang og ka huyang, mo hinay. Mao mapaakan og mabukotan noon dayon. Matud pa sa mga katiguwang sa amoa. Mabolo. Mao dili kaayo siya kapaak kay tungod naay gloves iyang paak. Mao bitaw gitawag siya nga boxer o boksidor. Ayaw mo palit ani! Gawas kong idol ninyo si Manny Pacquiao! Haha.
Kiyod-Kiyod Way ayo nga kaka. Daot kaayo. Sige lang og kiyod. #kiyodpamore
Spider Man No. It’s not what you think. Di ni si Peter Pan. Aww, Parker diay. Mao ni ang kaka nga makita nimo naka sangit sa kuryente og sa canopy sa University of San Carlos T(ake) C(are). Dakoon ni siya murag tapay tapay. Dili pang derby, baby.
Kaka sa CobWebs (See Kiyod-Kiyod.)
Tapaytapay Matud pa niya: Kong wa ka kaila nako! Pauli sa inyo og pangukay sa inyong mga daan nga sanina ug libro ngadto sa inyong kaban ug sa inyohang bodega! Di ba magkahimamat ta. Chula ta, saman?
Kaka sa Bato (Adis! Hehe) Miyembro sa grupo nga DAD (Damang Against Duterte). Di ni pwede pang derby. Kay maka hilo ug la kaayo ang pinaakan. Pero pwede ni sa uban. Kana kong ganahan jod ka mo kuha ug mohikap aning kaka-a. =P
“Hurot akong baon sauna ani. Sige kog palit ila mading sa JM BASA. Ambot lang ug buhi pa to siya.” - vicvic, Istorya.net
“ I have been a kaka player and hunter when I was a kid. The fighting kaka that we use are the hunter/fighter spiders. These are the type of spiders who hunt at night. They dont make webs like the regular trapping spiders. I’m not really sure if they do hunt mosquito’s, but these hunting spiders are spiders that hunt prey such as grasshoppers and other smaller crawling insects who go out at night. [..] if the reason na ipa stop ang kaka fighting because it catches dengue mosquitoes, dili siya enough, because the spiders who catch mosquitoes are the non fighting ones, the ones who weave webs..” - saitohkiyohiru, Istorya.net gihapon