ДЕМОКРАТИЈАТА И ГРАЃАНСКОТО ОПШТЕСТВО
партии. Граѓаните ќе гласаат за оние кандидати за кои се убедени дека ќе ги застапуваат нивните интереси и ќе им обезбедат подобра економска положба (статус). Врз определбата на гласачите за кого да гласаат влијаат: содржината и целите на програмите на политичките партии (понудите на партиите кои се однесуваат на економскиот развиток на земјата, отворање нови работни места и сл). Но, врз определбата на гласачите влијаат и други фактори. Еден од нив е партиската припадност. Членовите на политичките партии, обично гласаат за кандидатите на
својата партија. Во некои демократски општества и идеологијата на партиите може да биде значаен фактор за привлекување на гласачите, како и партиското членство. Постојат различни политички партии. Според идеологијата која ја застапуваат, партиите се делат на леви и десни. Оваа поделба е направена во минатото и се задржала и денес. Според неа, левите партии повеќе се залагаат за интересите на работниците, додека десните за интересите на капиталот и сопствениците. Постојат и средишни партии кои ги штитат интересите на средната класа.
КЛУЧНА ИДЕЈА Граѓанинот е човек кој ги ужива човековите права и граѓански слободи во една држава, но и кој има и одговорности кон државата. Правото на граѓанство не се добива со раѓањето на човекот. Тоа право се стекнува во периодот од животот на човекот. Граѓанството е законски гарантирано право од државата, но истовремено од граѓанинот бара и одговорност.
ПРОВЕРИ ГО И УПОТРЕБИ ГО СВОЕТО ЗНАЕЊЕ Како граѓаните во демократијата влијаат врз донесувањето на одлуките во државата? Која е улогата на граѓаните во демократијата? Направи разлика помеѓу поданик и граѓанин!
50