• Bundestagu gjerman
• Peisazh natyror në Gjermaninë e Mesme
72
rajonet evropiane që e rrethojnë atë. Këto drejtime komunikative dikur dhe sot kanë lidhur popujt e Evropës së Mesme me ato të Egjeut dhe Lindjes së Afërme. Alpet edhe pse janë të larta, megjithatë nëpër to kalojnë rrugë të rëndësishme, të cilat lidhin zona të ndryshme të rajonit (tuneli Simplon 20 km i gjatë etj.). E njëjta dukuri është prezentë edhe me shtetet e Evropës Lindore, për shkak të nevojës së madhe të këmbiminit të energjentëve dhe të mallrave të tjera. Në Evropën e Mesme ekzistojnë edhe lumenj të rëndësishëm për lundrim. Lumi Danub dhe Reni midis veti janë të lidhura me kanal. Kjo mundëson lundrimin e frotilës lumore prej Detit të Veriut e deri në Detin e Zi. Pos autostradave moderne, në këtë rajon evropian ekzistojnë edhe linja moderne hekurudhore, sidomos në Gjermani, Zvicër, Austri, Hungari, Poloni e tjera. Komunikacioni ajror si ai gjerman, austriak, zviceran e tjerë me numër të aeroporteve të shumta ndërkombëtare, lidhjet janë të shpejta dhe racionale. Evropa e Mesme është bërthama e kontinentit të Evropës që ofron shumë kultura shpirtërore e materiale, bashkëpunim në shumë fusha ekonomike, kulturore, arsimore e tjerë. Në Evropën e Mesme përshihen 10 shtete me dhjetë kryeqytete të rëndësishme: Zvicra (Berni), Austria (Vjena), Gjermania (Berlini), Lihtenshtajni (Vaduz) Polonia (Varshava, Çekia (Praga), Sllovakia (Bratislava), Bjellorusia (Minska), Letonia (Riga) dhe Estonia (Vilnus). Në kuadrin e këtyre shteteve pjesa më e madhe e tyre janë shtete anëtare të Bashkësisë Evropiane. Tregoni cilat janë ato? Cili prej tyre ka më shumë banorë?