Në disa shtete me sipërfaqe shketëtinore blegtoria ende ka karakterin e blegtorëve beduinë. Shtete si Turqia, Irani dhe Iraku dallohen edhe me prodhime të mëdha të kulturave drithërore, kulturave industriale, perimeve dhe pemëve mesdhetare. Edhe këto prodhime sjellin të ardhura të nevojshme në ekonominë e shteteve. Në shtetet e Azisë Jugperëndimore me përmirësimin e agroteknikës janë rritur edhe rendimentet prodhuese për njësi të tokës punuese. Në këtë rajon më shumë kultivohet gruri, orizi, duhani, pambuku, ulliri, kallami i sheqerit dhe agrumet. Me industri më të zhvilluar cilësohen Irani, Turqia, Arabia Saudite, Iraku, Siria, Izraeli etj. Qendrat më të mëdha urbane dhe qytetet tjera janë shndërruar në qendra industriale, qendra aeroportesh, përpunimin e naftës, industrisë së tektilit, ajo kimike, ndërsa në Iran dhe Turqi edhe metalurgjia e tjerë. Arabia Saudite është shtet i naftës dhe gazit natyror. Turizmi zë vend të rëndësishëm, sepse nga e gjithë bota myslimane e vizitojnë Medinën si qendër e madhe turistike në botë. Irani, poashtu është shtet i naftës, përpunimit të saj dhe të degëve të tjera industriale. Industria iraneze kryesisht është e përqendruar në qytetet më të mëdha të sajë. Pos naftës Irani është i njohur edhe me qilimat, e njohur edhe tek ne me emrin “Qilimat e Persisë”. • Qyteti Karbata-Iran
133