BADMINTONI
Badmintoni paraqet lojë dinamike sportive e cila luhet individualisht ose në çifte. Qëllimi përfundimtar i kësaj loje është të fitohet poeni. Luhet me reket dhe me top për badminton. Topi ka një peshë prej 4,74 deri në 5,50 gram dhe është i përpunuar nga pendat e patës. Tereni në të cilin luhet badmintoni është me gjatësi 11,88 metra dhe gjërësi prej 6,1 metra dhe është i ndarë me rrjetë lartësija e së cilës është 1,55 metra. Poeni në badminton fitohet nëse lojtari kundërshtar me një goditje nuk mund ta kthejë topin ose nëse kundërshtari e kthen topin jashtë terenit. Një set në badminton ka 21 poena. Pas çdo përfundimi të setit lojtarët i ndërrojnë vendet. Loja fitohet me dy sete të fituara. Në badminton bëhen gara në disa kategori: Individualisht për meshkuj dhe femra Në çifte për meshkuj dhe femra, ose të përzier Ndeshja fillon me short. Ai lojtar i cili e fiton shortin ka mundësi të zgjedh në cilën anë të fushës do ta fillojë lojën. Po ashtu, ky lojtar ka të dejtë i pari të fillojë me servimin. Gjatë kohës së lojës topi mund të drejtohet në të gjithë hapësirën e kundërshtarit. Nëse lojtari fiton poen, ai përsëri servon, në të kundërtën servon lojtari kundërshtar. Badmintoni lehtë mësohet dhe mund të luhet në hapësira të vogla dhe në kushte natyrore. Ai paraqet sport të shkëlqyeshëm për rekreacion dhe kohë të lirë.
108