UDHËHEQJA E TOPIT NË VEND DHE LËVIZJA Pjesë përbërëse të lojës së hendbollit paraqet edhe udhëheqja e topit, e cila mund të jetë në vend dhe lëvizje. Udhëheqja e topit realizohet me dorë që është e drejtuar dhe gjendet para trupit. Kur topi udhëhiqet në vend atëherë pasimi realizohet me lëvizje të shkurta me pëllëmbën prej lart - poshtë, e nëse udhëhiqet në lëvizje, këndi i pasimit të topit varet nga shpejtësia e lëvizjes së nxënësit. Shembuj të ushtrimeve për ushtrimin e udhëheqjes së topit:
Udhëheqja e topit në hendboll
Udhëheqja e topit në vend me dorën më të mirë, e pastaj edhe me çështjen e ndërsjellë dora e djathtë – e majtë. Udhëheqja e topit në ecje dhe vrapim me njërën dorë, e pastaj edhe në mënyrë të alternuar dora e djathtë – e majtë.
Udhëheqja e topit zigzag. Udhëheqja e topit në lëvizje me marrjen e topit nga ana e nxënësit tjetër. GODITJET NË GOL Në lojën e hendbollit realizimi i goditjes në gol duhet të kalojë nëpër disa faza: hovin, kërcimin dhe fluturimin, hedhjen e topit dhe arritjen e kërcimit. Shembuj të ushtrimeve për ushtrimin e goditjes në gol:
Goditjet në gol
Nxënësit punojnë në çifte. Nga qëndrimi paralel bëjnë një hap dhe realizojnë goditje, me çka duhet të kihet kujdes në mbajtjen e drejtë të dorës. Dora shpejt lëviz përpara, kurse topi hidhet me gishta. Ky ushtrim mund të realizohet edhe me hov, udhëheqje dhe kërcim. Nxënësi realizon goditje në gol edhe pa kërcim, kur topin ia jep nxënësi tjetër. Nxënësi realizon goditje në gol pa kërcyer apo në kërcim, kurse pastaj nxënësi tjetër përpiqet ta pengojë. Loja në dy gola me goditje në gol me kërcim dhe pa kërcim.
48