Biologija_8_alb

TEMA 4 KËSHILLA TË SHKURTA - gjithmonë përdor pemë dhe perime të freskëta, të cilat paraprakisht i ke larë me ujë, - gjithnjë ha ushqim të larmishëm, - përherë ha ushqim të sapopërgatitur, - ushqimet dhe pijet tepër të ngrohta dhe tepër të ftohta janë të dëmshme, - mëlmesat e forta e dëmtojnë mukozën e zorrëve, - darka nuk guxon të jetë e tepruar, - duhet të hahet me masë, - pas secilit ushqim, e sidomos para fjetjes lani dhëmbët mirë.

AKTIVITET 1 Hulumtimi i veprimit të amilazës ndaj amidonit MJETET DHE MATERIALI: gotë, kapëse, llambë shpirtoje, mbajtësja me epruveta, pështymë, tretje e lugolit 1. Në gotë veni 20-25 ml ujë të destiluar, shtoni pak amidon dhe vloni. Vlimi nevojitet për arsye se amidoni nuk tretet me ujë të ftohtë.

2. Pas vlimit, tretjen e fituar ndajeni në dy epruveta.

3. Shëno epruvetat me 1, 2.

4. Në epruvetën e parë me pikatore shto 20 pika pështymë. Kur të ftohet tretja, në të dyja epruvetat shtoni nga 5 deri në 10 pika të tretjes së lugolit.

5. Në epruvetën e parë ngjyra e tretjes nuk ndryshohet, ndërsa në të dytën do të paraqitet ngjyrë e kaltër e mbyllët e cila është dëshmi për praninë e amidonit.

AKTIVITET 2 Hulumtimi i veprimit të acidit klorhidrik dhe pepsinës në proteinat MJETET DHE MATERIALI: mbajtëse me epruveta, pikatore, vaskë uji ose një gotë me ujë të nxehtë në temperaturë prej 400ºC, acid klorhidrik (HCl), të bardhët e vezës së zier, hidroksid natriumi dhe acid nitrik.

1. Merr katër epruveta dhe shëno numrat prej I deri në IV në to.

2. Në epruvetën e parë veni 5 ml HCl të tretur (0,2 deri në 0,3%), shtoni një pjesë të së bardhës së vesë dhe disa pika pepsinë.

3. Në epruvetën e dytë veni të njëjtat vetëm pa pepsinë.

4. Në epruvetën e tretë veni të njëjtat substanca si në të parën por këtë e vloni.

5. Në epruvetën e katërt veni 5 ml hidroksid natriumi, shtoni një pjesë të së bardhës së vesë dhe disa pika pepsinë.

6. Të katër epruvetat veni në vaskë me ujë të nxehur në 400ºC ose në gotë me ujë të nxehtë. Pas 30 minutash hiqni epruvetat dhe shtoni 2 deri në 3 ml acid nitrik.

Tretja në epruvetën e parë do të fitojë ngjyrë të verdhë, meqë ka kushte optimale për veprimin e pepsinës.

Ngjyra e verdhë paraqitet si reaksion ndërmjet acidit nitrik dhe aminoacideve prej të cilave janë të ndërtuara proteinat. Përgjigjuni: (a) Pse është e nevojshme që epruvetat të qëndrojnë në temperaturë prej 400ºC? (b) A ka ngjashmëri dhe dallime ndërmjet proceseve të cilat kryhen në lukth dhe gjatë eksperimenteve? (c) Pse në tri epruvetat e tjera nuk bëhet zbërthimi i proteinave?

60