TEMA 3 Unazat e kryqeve janë 5 eshtra të veçantë te fëmijët. Te të rriturit, më së shpeshti bashkohen në formë të një ashti të quajtur kryq. Me futjen e tij ndërmjet dy eshtrave të komblikut, kryqet e kompletojnë pjesën e prapme të eshtrave të komblikut. Unazat e bishtit janë 4 ose 5 eshtra të hollë te fëmijët. Te të rriturit ky bashkim formon një asht të quajtur ashti i bishtit. Kur shikohet prej anash shtylla kurrizore ka formë të shkronjës S (fig. 3.6). Kjo formë fitohet pasi të fillojë fëmija të qëndrojë në pozitë të drejtuar. Kafazi i kraharorit është i përbërë prej dymbëdhjetë palëve të brinjëve dhe prej ashtit të gjoksit, e cila ka pamjen e shkronjës T (fig. 3.7). Brinjët prapa lidhen me shtyllën kurrizore, ndërsa varësisht prej mënyrës së lidhjes me ashtin e gjoksit ata ndahen në: - shtatë palë brinjë të vërteta, të cilat gjenden në pjesën e sipërme të kafazit të kraharorit dhe lidhen përmes kërces drejtpërdrejt për ashtin e gjoksit; - tri palët e tjera janë të ashtuquajtura brinjë të rrejshme, të cilat lidhen me ashtin e gjoksit përmes kërces së palës së shtatë të brinjëve të vërteta; dhe - dy palë brinjë, që gjenden në pjesën e poshtme të kafazit të kraharorit, nuk janë të lidhura me ashtin e gjoksit dhe quhen brinjë të lira.
ashti i gjoksit
kërca
brinjët e vërteta
brinjët e rrejshme brinjët e lira Fig. 3.7 Eshtrat e kafazit të kraharorit
34
kërcja