PARATHËNIE Në klasat e mëparshme, në kuadrin e lëndës së biologjisë keni mësuar për bimët dhe shtazët, për evolucionin e tyre dhe për ekologjinë. Këtë vit do të njoftoheni me biologjinë e njeriut. Libri BIOLOGJIA për klasën e tetë është hartuar në pajtim me planprogramin e paraparë mësimor. U përpoqëm që proceset e ndërlikuara biologjike të njeriut t’i shpjegojmë me një gjuhë dhe stil të thjeshtë dhe të kuptueshëm për Ju. Në këtë libër kemi dashur që dituritë tona për këtë pjesë të biologjisë t’i bëjmë të kapshme për ju në mënyrën më të thjeshtë. Njohuritë e dhëna gjithnjë i kemi mbështetur në interpretim profesional dhe të pranueshëm të materialit. Të gjitha temat dhe nëntemat janë sistematikisht të degëzuara në pjesë të veçanta metodike, të cilat përbëjnë një tërësi të pandashme. Për dallim nga librat e mëparshëm në të cilët studiohen ligjet e njëjta ose të ngjashme biologjike, në këtë libër, shpresojmë se kemi ofrouar një qasje bashkëkohore për studimin e dukurive biologjike në organizmin e njeriut. Jemi përpjekur të nxisim prej moshës më të re të menduarit racional e kritik. Gjithashtu, kishim për qëllim ta stimulojmë nevojën e nxënësit për të zgjeruar njohuritë për procese të caktuara biologjike. Donim që ky libër të mos mbetet pas standardeve të sistemeve tejet të zhvilluara arsimore, por në të megjithatë të ruhet edhe diçka tradicionale, karakteristike për ne dhe për mjedisin tonë të afërm. Kemi pasur kujdes gjatë paraqitjes së ligjshmërive të caktuara biologjike në organizmin e njeriut të shkohet prej më të thjeshtës nga më e ndërlikuara. Jemi përpjekur që te nxënësit të stimulojmë të menduarit e pavarur për dukuri të caktuara, e për këtë qëllim në fund të secilës nëntemë, përveç diturive të cilat nxënësi duhet t’i fitojë prej asaj që është përpunuar, ka edhe një numër të caktuar pyetjesh të cilat do ta shtyjnë nxënësin të mendojë, me tendencë të qartë për gjykim të pavarur. Në këtë vijë janë dhënë edhe mënyrat e zbatimit të eksperimenteve të thjeshta me çka stimulohet aftësia e tij të vërejë, shënojë, analizojë dhe të sjellë përfundime. Deshëm që libri të jetë i pasur me figura, tabela dhe skema të zgjedhura në mënyrë adekuate. Jemi të mendimit se kjo është posaçërisht e rëndësishme për një libër i cili përpunon një pjesë të ligjshmërive biologjike me të cilat deri tani në procesin arsimor nxënësi nuk ka qenë ose ka qenë shumë pak në kontakt. Figurat janë në përputhje të drejtpërdrejtë me tekstin, ndërsa me to dëshirojmë të japim një theks të veçantë aspektit vizual të të mësuarit, që është posaçërisht i rëndësishëm. Në fund, pa pretenduar se ky libër është më i miri dhe se nuk ka vend për libra më të mirë se ky, do të donim të shfaqnim kënaqësinë tonë që ky tekst mësimor do të mund të plotësohet prej atyre të cilëve u është kushtuar, nxënësve dhe arsimtarëve. Ata me sugjerimet e tyre dashamirëse vetëm do të kontribuojnë që libri i ardhshëm i kësaj fushe të jetë edhe më i mirë dhe më i pranueshëm, me një qëllim të vetëm të ju mundësojë gjeneratave të ardhshme të nxënësve arsimim më të mirë. Autorët
3