TEMA 9 KËSHILLA TË SHKURTA - në sistemin nervor ndikojnë mirë: gjumi, qëndrimi në ajër të pastër, ushtrimi i matur i sportit dhe mënyra e matur e të jetuarit. - stresi, droga, alkooli dhe duhani ndikojnë keq në sistemin nervor. - bëje një orar të aktiviteteve ditore fizike dhe psikike dhe përmbaju orarit. - ushtro sport me maturi. - kohën e lirë përdore për pushim me shëtitje në ajër të pastër. - mëso të jetosh në realitetin dhe lirohu. - bisedo me prindërit e tu për problemet e tua. - mos përdor drogë dhe alkool, ato e dëmtojnë dhe e shkatërrojnë sistemin nervor.
AKTIVITETI I Vëzhgim me mikroskop i preparatit të gatshëm të indit nervor MJETET DHE MATERIALI: mikroskop, preparat i gatshëm mikroskopik i nervit, fletore dhe laps. 1. Vendose preparatin në mikroskop dhe gjej qelizat nervore me zmadhim të madh. 2. Vizato qelizë nervore dhe shëno pjesët të cilat i ke parë. 3. Kontrollo me arsimtarin a ke punuar mirë. AKTIVITETI 2 Vëzhgimi i palcës kurrizore MJETET DHE MATERIALI: palcë kurrizore e një kafshe shtëpiake, dy qelqe për mikroskop (slajde), alkool, mikroskop, skalper, fletore dhe laps. 1. Merr pjesë prej palcës kurrizore dhe lëre të qëndrojë 10 deri në 15 minuta në alkool që të ngurtësohet dhe pastaj vështroje. 2. Me skalper bëje një prerje të hollë tërthore gjatë së cilës do të ndash një copë të hollë që do ta vendosësh në qelq. 3. Me qelqin tjetër mbulues shtyp pjesën e palcës kurrizore dhe preparatin e përgatitur në mënyrë të tillë vëzhgoje me mikroskop dhe studio ndërtimin e palcës kurrizore. AKTIVITETI 3 Vështrimi i palcës kurrizore MJETET DHE MATERIALI: kofshë pule, skalper, thjerrëz. 1. Me skalper ngadalë ndaje mishin prej kofshës, derisa të arrish te nervi i kofshës. 2. Me thjerrëz vështro pamjen e nervit të kofshës.
129