Përralla dhe histori të vërteta
ë
jm
S
r k h
Përmbledhja e përrallës
ua
E bija e hënës dhe e diellit
Rilexoni më parë përrallën. Le ta përmbledhim atë sipas skemës.
Hyrja
Ishte një nënë që kishte një djalë të vetëm. Kur djali u nis për
gjah, nëna e porositi të mos shkonte në malin ku ishte kuçedra.
Djali nuk dëgjoi nënën, por vashën e zemrës, e cila këmbënguli
që ai të shkonte te mali i rrezikshëm.
Zhvillimi
Djali dëgjoi të dashurën dhe u nis për gjah në malin ku ishte
kuçedra. Atje u përball me kuçedrën, e cila e çarmatosi dhe e
detyroi të dorëzohej. Djali i kërkoi kuçedrës ta lejonte të shkonte
për të përshëndetur nënën dhe të dashurën, duke i lënë si premtim
Besën.
Pasi u bind, kuçedra e la djalin të përshëndetej për herë të fundit
me nënën dhe vashën. Nëna ia dha kujës, kurse vasha i tha
trimit se do ta shoqëronte deri në malin e kuçedrës. Kuçedra në
fillim u gëzua kur e pa djalin e vashën. Por vetëm me një të parë
vasha e mbërtheu kuçedrën në vend. Djali e kuptoi se ajo nuk
ishte një vashë e zakonshme. Ajo ishte e bija e hënës dhe e
diellit, që mbante në trup fuqinë e tyre.
Mbyllja
Vasha u martua me djalin, sepse e kuptoi që ai e donte me të
vërtetë dhe ishte trim e i besës. Kuçedra nuk doli më në sipërfaqe
të dheut dhe në mal filloi të lulëzonte përsëri jeta.
Ushtrohuni Zgjidhni një nga pjesët e leximit që ju pëlqen dhe shkruani përmbledhjen e saj, sipas shembullit të mësipërm.
85