ALSFL2-46

pinoproseso sa pamamagitan ng paggamit ng tamang pag-iingat at kalinisan upang maprotektahan ito mula sa impeksiyong dulot ng alikabok, insekto, at iba pang hayop.

Pagpapausok – Ang mga isda at karne ay pinauusukan sa nagbabagang kahoy, tabas ng kahoy o mga dahon ng bayabas. Ang Pyroligneous acid, na nanggagaling sa nagbabagang kahoy o dahon ay tumatagos sa karne. Ito ang nag-iimbak at nagpapasarap sa lasa ng karne. Ang paraan na ito ay ginagamit para sa paggawa ng hamon at bacon. Upang lalong sumarap ang lasa, inihahalo rin ang magkakasanib na lasa ng asin, asukal at suka.

Pag-aasin – Ang asin ay ginagamit na pampalasa ng karne, sa paggawa ng sausage, pagtimpla ng isda at iba pang naprosesong pagkain. Ang pagbudbod ng asin sa pag-iimbak ng karne ay hindi lamang nagpapatuyo sa karne. Pinapatay din nito ang mikroorganismo na may kakayahang magpabulok sa pagkain. Ngunit kinakailangang sundin ang paglagay ng tamang dami ng asin upang maging katanggap-tanggap ang produkto.

Paggamit ng Gamot (curing) – Ito ay pangunahing ginagamit upang magkalasa at mapanatili ang kulay ng karne habang ito ay niluluto. Ang karne ay maaaring maimbak sa paggamit ng salitre. Ang mga sangkap na ginagamit sa salitre ay asin (2 kutsara), asukal (2 kutsara), at saltpeter (1 kutsarita). Maaari ring gumamit ng iba pang sangkap tulad ng spices, suka o alak. Ang suka ay pumipigil sa pagdami ng mga nakapipinsalang mikroorganismo. Ang likas na langis galing sa spices ay pampadagdag sa lasa. Maaaring pagsamahin ang paggamit ng gamot at pagpapausok. Ang usok ay nagsisilbing pampatuyo at tinatakpan nito ang ibabaw ng karne ng pyroligneous acid, kasama na rin ang tamang dami ng formaldehyde. Ang formaldehyde ay panlinis at pang-imbak ng pagkain.

Pag-iimbak sa repridyereytor – Ang paraan na ito ay napatunayang higit na mabisa upang maiwasan ang mga mikroorganismo. Ito ay higit na ginagamit sa pag-iimbak ng sariwang karne. Ang karne ay maaaring maimbak sa frezer ng repridyereytor sa loob ng maraming buwan. Kailangan lamang na mailagay ito sa temperaturang 0 degree Celcius or mas mababa pa rito. Mas mabuti kung ang temperatura ay maaaring mababaan sa –20 degrees Celcius (–20OC) upang mapigilan ang pagdami ng nakapipinsalang mga mikroorganismo.

14