Alamin Natin Maraming paraan ng pag-iimbak ng karne tulad ng paglalagay sa freezer o sa pagdaragdag ng mga sangkap katulad ng asin o suka. Ang mga paraang ito ang pumipigil sa bakterya, amag o lebadura sa pagkabulok ng karne. Ngunit bakit nabubulok ang karne kapag hindi naimbak ito? Ating pag-aralan ang mga dahilan. Ang karne ay madaling masira kapag hindi ito ginagamitan ng siyentipikong paraan dahil ito’y may mataas na halumigmig, mayaman sa sustansiya, mineral, at kaunting carbohydrates para sa pagkakaroon ng mga mikroorganismo. Ang karne ay binubuo ng humigit-kumulang sa 75% tubig, 20% protina at ang natitira ay 5% taba, carbohydrates, mga mineral tulad ng ipinakikita sa ibaba. Binubuo ang Karne ng: Tubig
Protina 20%
Taba, Carbohydrates, mga Mineral
Ang proseso sa pagkasira sa pagkain ay nagsisimula sa pagkatay ng karne. Sa bahaging ito, ang mga laman ng karne ay nakalantad sa pagbabago ng temperatura, pagkawala ng katas at kontaminasyon ng bakterya. Kapag ang karne ay hinawakan at ibinalot, muli itong malalantad sa mas marami pang posibilidad ng pagkabulok. Ang siyentipikong paraan tulad ng paglagay sa repridyereytor o pagpapatuyo ay ginagamit sa pag-iimbak ng karne. Ang pag-iimbak ay kailangan upang maiwasan ang pagdami ng mikroorganismo. Kaya’t kung pupunta ako sa palengke para bumili ng karne, titiyakin kong ang uri ng karneng bibilhin ko ay de-kalidad. Malalaman ko ito sa pagtingin at pag-amoy ko nito.
10