IV. PAGTATAYA Basahin ang kasunod na sanaysay. Ibigay ang iyong sariling palagay. Isulat ang sagot sa sagutang papel. Ang bayanihan ay ang sama-samang pagtutulungan ng maraming tao upang maisagawa ang isang mabigat na gawain nang walang bayad o kapalit. Nagpapamalas ito ng pagtutulungan ng mga Pilipino — magkakamaganak, magkakapitbahay, magkakaibigan, at maging hindi magkakakilala. Karaniwan itong nasasaksihan kung may pamilyang nasunugan at nangangailangan ng tulong, nagpapatanim o nagpapaani ng palay, kung may ginaganap na okasyon o pagdiriwang sa bahay, at iba pa.
V. TAKDANG-ARALIN Makinig sa radyo ng isyung napapanahon. Ibigay ang iyong sariling palagay. Isaalang-alang ang paggamit ng sumusunod na mga pahayag. Sumasang-ayon ako.... Tutol ako sa sinabi..... Nais ko lamang magbigay ng puna.... Payag ako, pero sa palagay ko ay dapat..... Gawain C — Pagbasa Lunsaran sa Pagbasa Himalayas – Guimaras Nagbakasyon ang mga pinsan ni Lydia na tagaLaguna. Ipinasyal niya ang mga ito sa kanilang bahaypamahalaan. Nakita nila roon ang malaking mapa ng
Guimaras. Ito ang kwento ni Lydia. Ang Guimaras ay dating kalalawigan ng Iloilo. Pinaniniwalaan ng mga arkeologo na noong araw, ang Guimaras ay dating bahagi ng Panay. Magkasinggulang ang dalawang isla. Dating kilala sa tawag na Himal-us, ang Guimaras ay matatagpuan sa timog-silangang bahagi ng Panay at hilagang kanluran ng Negros. Ang lalawigang ito ay may magagandang aplaya, talon, at bukal. Ang klima nito ay kasiya-siya. Sagana ang pulo ng Guimaras sa mga likas na kayamanan. Ito ay nagtutustos ng lahat halos ng kahoy na panggatong at uling sa Lungsod ng Iloilo. Marami itong deposito ng bakal, silica, luwad (clay), at apog. Ang Isla ng Naburot ay pook-pasyalan sa Guimaras. Ito ay isang islang koral sa kanlurang baybayin ng Pulo ng Guimaras na may mapuputing buhangin, mayaman sa mga makukulay na korales, at buhay-dagat (marine life). Di rin pahuhuli ang Isla ng Nagarao na matatagpuan sa dulong Timog ng Guimaras. Nasa pagitan ito ng Panay at Negros Occidental kung ang pag-uusapan din lamang ay pinong buhangin at makukulay na korales. Isa rin ang Puerto del Mar sa kilalang pook-pasyalan. Tinatawag na “Mooring Cleat” ang lugar dito na kung saan nagpipiknik ang maraming turista. Dinarayo naman ng mga Katoliko ang Bala-an Bukid (banal na bundok) – ang mala-higanteng krus at kapilya sa itaas ng Bundalan Point. “Napakaganda talaga ng ating bansa! Napakaraming likas na yaman!” ang paghanga ni Julius. “Kaya talagang nararapat lamang na tumulong tayo sa pangangalaga ng mga likas na yaman,” ang sabi naman ni Ada.
145