Vexil'Òc n°29 (2022)

Cambiar lo blau (Joan Francés Blanc)

Contra l’invasion d’Ucraïna (Joan Francés Blanc)

Escuts e bandièras de qualques comunas occitanas d’Itàlia (seguida) per Joan Francés Blanc

Donam la seguida de nostre article sus las bandièras e/o escuts de las comunas occitanas d’Itàlia. Nos cal tornar dire que las bandièras son en realitat de gonfalons d’una o doas colors amb l’escut al mièg e un formalisme pro supremacista italian.

Chaumont (« Chiomonte ») Vexil'Òc n°29 (2022) – 4

Las Clavieras (Claviere)

(Demonte)

Elva

Finistrèlas (Fenestrelle)

Frabosa Sobrana (Frabosa Soprana)

Frabosa Sotana (Frabosa Sottana)

Gaiòla (Gaiola)

La Gàrdia (Guardia Piemontese)

L’Envèrs de Pinascha (Inverso Pinasca)

Isasca

Lusèrna e Sant Joan (Luserna San Giovanni)

Arma (Macra)

Massel (Massello)

Pas de bandièra mas aquela d’Occitània sus l’ostau de la comuna Vexil'Òc n°29 (2022) – 16

Moiòla (Moiola)

Cambiar lo blau Joan Francés Blanc

Un cambi radical (o pas) de color intervenguèt al mes de genièr passat en Onduras.

La nòva bandièra d’Onduras dempuèi genièr de 2022

La bandièra nòva de la marina ondurenca.

Lo blau encre que totes coneissián foguèt cambiat en blau clar, oficialament turquesa. L’introduccion oficiala arribèt lo 22 de genièr amb la dintrada en foncions de la Vexil'Òc n°29 (2022) – 19

nòva presidenta de la republica, Xiomara Castro.

La vicepresidenta estatsunidenca Harris e la presidenta Castro lo jorn de sa dintrada en foncions. La primièra mapa (1597) ditz Fondura e pas Honduras.

Vexil'Òc n°29 (2022) – 20

Sembla una latinizacion del mot Honduras, mai qu’una version originala. En occitan gardam Onduras, sens h.

Jos la colonizacion espanhòla, Onduras es part del reiaume de Guatemala e d’una província que se ditz Comayagua o Honduras.

La descolonizacion es complicada. En 1821, la província accepta de jónher Guatemala e los autres vesins dins un estat independent que lo nom e lo regim son pas definits. Tre genièr de 1822 pasmens, rejonh l’empèri mexican d’Iturbide. Tota America Centrala se dessepara de Mexic a la casuda d’Iturbide.

Naisson las Províncias Unidas del Centre d’America. Coma lo nom del país repren aquel de las províncias unidas del Riu d’Argent, la bandièra repren aquela d’Argentina pr’amor de l’ajuda argentina a la liberacion d’aquel parçan d’America.

Bandièra de las Províncias Unidas del Centre d’America (1822-1823)

Onduras abans l’independéncia (Província de Comayagua)

Vexil'Òc n°29 (2022) – 21

Escut de las PUCA

En 1824, las PUCA venon la Republica Federala del Centramerica. L’escut càmbia e la bandièra tanben.

Bandièra de la Republica Federala de Centramerica

Escut de la Republica Federala de Centramerica

Aquela republica durèt quinze ans, vegèt l’opausicion entre conservators e liberals n’arribar a una guèrra civila, e a la secession, en 1838, primèr de Nicaragua, Vexil'Òc n°29 (2022) – 22

puèi d’Onduras e de Còsta Rica.

Pel primèr còp doncas lo 5 de novembre de 1839 l’estat d’Onduras existissiá d’esperèl. Se gardèt las colors blava e blanca, mas d’un blau mai encre, e sens res de mai.

En 1866, una lei apond a la bandièra 5 estelas (que representan los 5 païses de Centramerica) del meteis blau. La dispausicion de las estelas es cambiadissa.

De 1895 a 1898 renais un estat centramerican, amb encara una bandièra blava e blanca e un simbòl triangulari e de las cinc estèlas aqueste còp dauradas.

Vexil'Òc n°29 (2022) – 23

Dura pas gaire la Republica Màger de Centramerica, e tre 1898 Onduras torna a sa bandièra de las cinc estelas, estelas de còps blavas, mas tanben de còps dauradas.

a 1949.

En 1949, una lei novèla definís la color blava coma color de las estelas. Ne demoram al blau encre, emai se la lei indica «turquesa». Cal demorar 2022, doncas, per aver la color corrècta restablida.

Passacarrièra contra los assassinats de curds pels servicis turcs (París, decembre de 2022) Vexil'Òc n°29 (2022) – 24

Varianta de la bandièra d’Onduras de 1898

Bandièra d’Onduras de 1949 a 2022.

Contra l’invasion d’Ucraïna Joan Francés Blanc

La segonda fasa de l’invasion d’Ucraïna per Russia, en febrièr de 2022, permetèt de véser cossí podiá marchar l’imaginacion vexilografica.

Aital lo triptic desplegat en Finlàndia per de suportaires de l’equip chèc de hoquei sus glaç foguèt enebit qu’Ucraïna participava pas a la competicion. La bandièra foguèt remplaçada per de mots anglés : Color blava / Vexil'Òc n°29 (2022) – 25

Color jauna e, entre las doas, «imaginatz-vos». Las autras inscripcion fan pensar a l’invasion de Checoslovaquia per Russia, en 1968, e a una cançon qu’apelava los soldats russes a tornar a casa que Natacha los esperava.

De passa-carrièras en Russia e endacòm mai en Euròpa introdusission tanben una bandièra russa novèla, que lo roge sangnós es remplaçat per un blanc mai pacifista.

Sus mai d’un imatge lo roge es escafat que representa lo regim sangnós de Potin.

Es tanben l’escasença de rapelar lo sòrt tristàs del pòble belarós, que lo regim del dictator Lucaishenca subreviu sonque mercés a l’ajuda de Russia.

Los belarós en exilh se son gardada la bandièra blancaroja-blanca de la Belarós liura e independenta. La fan servir dins los passacarrièras e tanben suls unifòrmes dels volontaris que combaton amb l’armada ucraïnesa.

Vexil'Òc n°29 (2022) – 26

Per manca d’espaci, los autres articles previstes sortiràn en 2023 dins lo numèro 30:

• Bandièras sabaudas (subre un sit de bandièras istoricas)

• Bandièras de l’arc de seda (subre la multiplicacion de las bandièras de l’arc de seda, de la wiphala a l’ufan gay, en passar per la bandièra de la patz)

• Bandièras e iconetons, de progrèsses amb Mastodon? (que parlarà de la possibilitat, o pas, d’afichar de bandièras sus las sàrcias socialas).

A lèu!

Vexil'Òc n°29 (2022) – 27

Joan Francés Blanc

Bandièras de Belaros e d’Ucraïna a Lion (imatge Wikimedia Commons).